Ripura

Chapter 1

¹ Bulus, Silbanus, nan Timoti, ama kana nan ikilisiya un Tasolinika innunk a Sirih putuwuri nan Zonzo Yesoh Kristoh. ² Sa mapes man wan nh yhin nan kazon ka marentu ma wori nan Kasirih putuwuri nan Zonzo Yesoh Kristoh. ³ Pichinchini pe vere ti yelli a Sirih u sanghjigyi ko ka rike dhoar awar ka yin, ina koni. Awar ken ina rikwa awar ku rho kotih a yin kuma pirinuwon a gwakane nsunu o tih a yin nma pirunuwom. ⁴ A wuri anatih a wuri tisin vervene a veru zovoh kotih anatih ayin innunk inkilisiyoyi ma Kasirih. Tiseri avere a ritih ru nome ku nasuwu nan ku rho kotih inunk in vura nasang imi nan in sin seze nan marasana mami nan en kwakturwon. ⁵ Arana ani are masuksana ma mateh ma Sirih nan matini. Kudorkoro ko tini ko ni kun kure an zikini ukoh aya wana ayu rara ko Sirih kumi nan in sin vurana awar ka kun. ⁶ An reh matini nan Ka Sirih kan naghari ama vurana mayin nan aya a renini in vura. ⁷ Ka tini a rhoini mavonsono a yini aya in sin vurana nan a wuri kan kha yelli ken nh chinnu u Zonzo Yesoh a wori zho nan anyenku un nirgh'anu uyi. ⁸ Nan rirem ru rha en ka rrise mateh maya a zaku yhao a Sirih nan aya a rhoto ma pokoro va udamu nan maverven ma Zonzo Yesoh Kristoh. ⁹ An ka sezi vura nan u wunzanu aka rava riwuri ten yhen mu Zonzo nan ku zaovao ku nirganu uyi. ¹⁰ En ka rise ara adhaor nan r ruva a tuk kami, awer a yhaor ayi an zokkwo yi, a tini a wana ki kusu ku mamaki nan aya ama rume nasang. Awar u rumenu nan u migh'u uri nan a yini. ¹¹ Awar kara rana ti sere tanzu a jariri awar ka yin, teh tanzana awo Kasirih kan sa in suk u kaghu u yin. Teh tanzana awo kan korone u sunu yin u rise komirih nan u tuma nasang urho ku riti nan unirgh'anu. ¹² Tisin tanzana ken an kusu mu awar kuwo rizayhi ri Zonzo Yesoh rin zokkunowo awar ka yin. Katanzu ka wuri kan kare an zokkwini, awar ka mapes masirih nan Zonzo Yesoh Kristoh.

Chapter 2

¹ Na kini, ana nang a maguru ma Pikarma Yesoh Kristo nang ku kongsozirih ti ka zomo nang yhi; karib na ti seri ni, ina koni, ² sunu ku naze ne sughwu va zaku zomi na za'ah, a mazir, a masara mu miseh va ana vah ami a chira nang a wuri, a kuwoh katuk ka Pikarma kama nang ruvah. ³ Sunu joah pirong i vatini. Anang ami an zaku ruvah seh u righyinu unku ruvah, nang ku verke ku piya i zaku dorkoni mateh, pivezene u pi yah eh ku yhitiri a yende u koeh. ⁴ Yhi ireh pi yah isin nyangaze a rua sin changhha ritih riyhi a priri piyah na ku kangde a woh Kasiri va piyah naku tutu yhi. Awar ku ken, en ku zomi u haikali ko Siri a sin sakseh ritih riyhi kin ne Kasiri. ⁵ Inku roto ma yehghheteh awoh kadhaor na mini mmarih nang a yhini in misini anang arah? ⁶ Na kini in yoeh i kusu kima nuku yhi, asa anka verke yhi a dhaor karip. ⁷ Anang u nokoro u zah mateh useru tuma, kuri piyah eh yezene a yhi na kini makaravah a dhaor na a chuwune yhi un rinah. ⁸ A dhaor kami na anka verke piyah isin nyangaze mateh, piyah na Pikarma Yesoh enka wunah nang kuvoh ko noeh ka yhi. Pikarma enka guddu yhi i wana zah kirangnwa na u ruvanu yhi o chirah. ⁹ Ku ruvah ku piyah i sin nyangaze mateh awar ku tuma u pisifu nang u suru, anang i chotti a gbwakazi, ¹⁰ nang ko tiriki tivatah tu zah uvur. Anang arah anka reh a yah a sin kizih, awar ku woh ama roto sere usunu u rivin umi on ghhaska yhaon. ¹¹ Awar kha ni Kasiri kan tuma yhaon nang ki kusu ku righyi asa an rume nang i chotti. ¹² Asa anka temeneh yhaon, a yah ma vono yhaon u rume nang rivin utami a zika marentu mu zah u vur. ¹³ A wuri tih ka seru sangjinnyhi nang Kasiri awarka yhin, a cheggyi ami na Kasiri ka suni. Kasiri kan ku teski nih sa in wan i sumuru i zoni u ghhaska inung a maguzu mamair naku rume nang rivin. ¹⁴ A warku ken na eh kangrih nih un rina u masara maarentu sa inka sere u changwhu u pikarma Yesoh Krista. ¹⁵ Nang ken, ina chegyhi, yezene nih na kang. Punni a nang ami na a misini, ana vereh va ana vah a wuri. ¹⁶ Na kini Pikarma Yesoh Kristoh, Titah Kasiri umi i sunirih e roh yhiri u none kuna sugwhu ku siri ku mapess mami ma ruvah, ¹⁷ Kun nome a napsa nasugwhu majaghha u tuma nang a vere a rip.

Chapter 3

¹ Ne kini ina cheyhi, renni riyaop, sa avere a Sirih an muskunuwoh a kitire, na ken na muri nang a yinih. ² Renni riyaop sa ti rekunuwoh nang aya wupti nang aviku ayaor, a zang ayaor nasang ari uvurah. ³ Kasiri kandeh kuvurah, nang kan zavareh vuh a gwarah vuy nah aviku a yaor. ⁴ Ti renni tsowho a Siri uyin, awoh in sesezih nang ka virinih a seri anang amih nateh dukarenih. ⁵ Kasir kan zavareh natsuwhu na yin un sunuh kan nang ku kakkwani un Kiristi. ⁶ Ne kini te dukare nih, ina cheyhi, ari zayhi re Siri Yesoh Kristi, awoh in tuktuwinih nang a cheyhi mu a zonzi nabaub an zang kuyaoh ku nang amih nang en sereh na awurih. ⁷ Ayinih ana tehyin in yaoh awoh ku pirinih ugweksirih. Ti rotoh zomon nang a yinih ne aya aza yaon akaghaozang. ⁸ Ti rotoh raoh marinuruh ma pirong mazu bey, untamih, ti serih utumah ka tuk nang rikata ama jikdinih, usermenuh nang matarvanaoh, sa ti tsu wana mazip nang pirong uyin. ⁹ Ti riken a serih kinih an zang ti za'ghirih u piruh, un tamih, Ti serih kinih ti wananih ki kusu ku gurah gurum, sa in gweksirih. ¹⁰ A dhaor na timah rih nang a yini, timah ku dukarir nih, "Na pirong izayhi su utumzanah, isu raoh." ¹¹ Ti pok awoh arong ayin a rina nabaub un jaruh uyaon. Asi tumzana yaon untamih ande kugharigharih. ¹² umuzu yaon na tisi dukazeh asi zimzeh yahn a Siri Yeso Kiristi, awoh an tumzanah avazaranih a raoh marinuruh macharah yahn. ¹³ Are a yini, ina cheyhi, sunuh jah userih an kusu mumi mureh murip. Na pirong i rotoh rumeh nang a vere a wurih ana vah arah, yaghatenih yhi asu munguzuwoh uyhi, sa anchin mun zuk yhi. ¹⁵ Sunuh zikayhi pizingdih, en rekdeh yhi ne konau. ¹⁶ Kasir karifalla kan runih rifalla ana daor na mit in tumtum. Kasiri u takah uyhin uren. ¹⁷ Kusumazi ku kunang, mini Bulus ana chara nang, kure antambout anavah anang, kini na maku nyhazah. ¹⁸ Rifalla de Sirih Yeso Kiristi din wan diwurih na sang. front