Baltic Romani: unfoldingWord® Open Bible Stories

Updated ? hours ago # views See on DCS Draft Material

35. История сыр чаво угия дадэстыр

OBS Image

Екхвар Иисусо сыклякирэлас манушэн, савэ скэдынэпэ лэс тэ пошуне. Лэндыр исыс мануш саво скэдэлас ловэ манушэндыр и авир мануша, савэ на дживэнас пир законо Моисеёско, и пал дова лэн гинэнас со ёнэ дживэн дэ бэзэха.

OBS Image

Фарисеи и учители пир законо удыкхнэ, со Иисусо ракирэлас одолэ манушэнса сыр пэскирэнса. Пал дова ёнэ лынэ тэ холясон и тэ ракирэн екх екхэскэ: «Ёв кэрэл нанэ куч, ракирэл манушенса и хал лэнса и пьел савэ дэ бэзэха». Иисусо шундя лэн со ёнэ ракирэн и роспхэндя дасави история:

OBS Image

«Кэ екх мануш исыс дуй чавэ. Екхвар тыкнэдыр чаво пхэндя дадэскэ: "Дадо, мэ камав тэ лав пэскиро барвалыпэн дадэвэс!" Тэнче дад пэскиро барвалыпэн дыя дуенгэ пэскирэнгэ чавэнгэ пэ паш.

OBS Image

Тэнче тэкнэдыр чаво залыя саро, пэскиро барвалыпэн, и угия дур дэ авир форо, одой ёв роскэрдя саро пэскиро барвалыпэн и дживэлас сыр камэлас пэ джиипэн дэ бэзэха.

OBS Image

Сыго дэ дова форо кэрдяпэ баро бокхалыпэн, а лэстэ на ачнэпэ ловэ по хабэн. Пал дова ёв гия бутярнэса тэ дыкхэ балычен. Адай исыс екх буты, сави ёв попэя. Ёв дрыван камэлас тэха, со камья тэха дова со дэнас балыченгэ, нэ и адава лескэ на дэнас.

OBS Image

Тэнче, тэкнэдыр чаво пхэндя пэскэ: "Со мэ кэрав? Кэ миро дад бут бутярнэн, и сарэ ёнэ хан ичалён, а мэ адай мэрав бокхатыр. Рисёвава кэ миро дад и мангавапэ кэ ёв бутярнэса".

OBS Image

И тэкнэдыр чаво гия пал кэ дадэско кхэр. Исыр ёв исыс дур кхэрэстыр, дад удыкхья лэс и зарондя пал лэстэ. Ёв прастандыя кэ пэскиро чаво, облыя лэс и чамудэлас лэс.

OBS Image

Чаво пхэндя: Дадо, мэ кэрдём бэзэх ангил Дэвлэстэ и тутэ. Мэ на молав тэ явав тырэ чавэса.

OBS Image

Нэ дад пхэндя пэскирэ бутярнэнгэ: Сыгэдыр джянте янэнте хэдыр идя и урьенте пэ мирэ чавэстэ! Дэнте ангрусны пэ лэскиро васт и тэраха пэ гэра. Тэнче зачинэнте лачес гуровэс. Амэ аваса тэхас и тэ кэрас свэнко, пал дова со миро чаво исыс муло, нэ кана ёв джидо! Ёв исыс хаскирдо, а кана попэяпэ!

OBS Image

И сарэ лынэ тэ кхэлэн и тэ гулинэн. Сыго пхурэдыр чаво явья кхэрэ малендыр, кай ёв кэрэлас буты. Ёв ушундя гиля и кхэлыбэн и, подкхардя екхэ бутярнэс, и пучья, со одой кэрдяпэ.

OBS Image

Сыр пхурэдыр чаво уджиндя, со дэ кхэр свэнко, пал дова со лэскиро пшал рисия, ёв дрыван холясыя и на загия дэ кхэр. Дад выгия и мангэлас лэс тэ заджял, соб тэ кхэлэл пэ да свэнко лэнса кай рисия чаво, нэ дова отпхэндяпэ.

OBS Image

Пхурэдыр чаво пхэндя дадэскэ: "Всарэ адалэ бэрша мэ патываса кэравас пэ тутэ. Мэ кандавас тут, нэ ту на дэсас мангэ ни екхэс бакрорэс, соб мэ тэ кхэлал пэскирэ манушэнса. А адава чаво роскэрдя тыро барвалыпэн пэ джиипэн дэ бэзэха. Кана ёв рисия кхэрэ, и ту зачиндян лачес гурувэс, соб тэкэрэ свэнко!"

OBS Image

Дад пхэндя: "Чаво миро, ту исыс манса, и саро со мандэ, — тэро исын. Амэ кэрас дяке сыр трэби, кай кэрас свэнко. Пал дова соб тыро пшал исыс муло, а кана ёв джидо. Ёв исыс хаскирдо, а кана попэяпэ!"»

Библейско история из Еванглия Лукастыр 15:11-32