41. ພຣະເຢຊູເປັນຄືນມາຈາກຕາຍ

ຫຼັງຈາກພວກທະຫານໄດ້ຄຶງ ພຣະເຢຊູເຈົ້າທີ່ໄມ້ກາງແຂນແລ້ວ, ຜູ້ນໍາຊາວຢິວໄດ້ເວົ້າກັບປີລາດວ່າ,” ເຢຊູຄົນຂີ້ຕົວະເຄີຍເວົ້າວ່າ, ລາວຈະເປັນຄືນມາຈາກຕາຍຫຼັງຈາກສາມວັນ. ຕ້ອງມີຄົນໄປຍາມອຸບມຸງນັ້ນ ເພື່ອໃຫ້ແນ່ໃຈວ່າ ພວກສາວົກຂອງລາວຈະບໍ່ໄດ້ລັກເອົາສົບ ແລະ ບອກວ່າລາວເປັນຄືນມາຈາກຕາຍ.”

ປີລາດເວົ້າວ່າ, “ເອົາພວກທະຫານໄປຍາມອຸບມຸງໄວ້ ແລະ ປ້ອງກັນອຸບມຸງນັ້ັນເທົ່າທີ່ຈະປ້ອງກັນໄດ້.” ດັ່ງນັ້ນ, ພວກທະຫານຈຶ່ງ ເອົາກ້ອນຫີນອັດປາກອຸບມຸງ ແລະ ເອົາພວກທະຫານໄປຍາມໄວ້ເພື່ອບໍ່ໃຫ້ຜູ້ໃດລັກເອົາສົບໄດ້.

ມື້ຕໍ່ມາ, ຫຼັງຈາກພຣະເຢຊູຖືກຟັງຢູ່ນັ້ນເປັນວັນສະບາໂຕ ແລະ ຊາວຢິວ ບໍ່ສາມາດທີ່ຈະເຂົ້າໄປອຸບມຸງໃນມື້ນັ້ນ. ໃນຕອນເຊົ້າຫຼັງຈາກວັນສະບາໂຕ, ຜູ້ຍິງຫຼາຍຄົນໄດ້ຈັດຕຽມເອົາເຄື່ອງຫອມເພື່ອທີ່ຈະໄປອຸບມຸງຂອງພຣະເຢຊູ ເພື່ອຫົດສົງພຣະສົບຂອງພຣະອົງ.

ທັນໃດນັ້ນ, ເກີດມີແຜ່ນດິນໄຫວ, ເທວະດາໄດ້ລົງມາຈາກສະຫວັນ ເປັ່ງແສງເຫຼື້ອມສົດໃສ ເໝືອນດັ່ງຟ້າແມບໄດ້ມາປະກົດ, ເພິ່ນກິ້ງກ້ອນຫີນທີ່ປິດທາງເຂົ້າອຸບມຸງອອກ ແລະ ນັ່ງເທິງກ້ອນຫີນນັ້ນ. ທະຫານທີ່ເຝົ້າອຸບມູງຝັງສົບທີ່ນັ້ນ ຕົກໃຈຫຼາຍ ແລະ ລົ້ມລົງເໝືອນຄົນຕາຍ.

ເມື່ອພວກຜູ້ຍິງມາເຖິງອຸໂມງ ເທວະດາໄດ້ເວົ້າກັບພວກເຂົາວ່າ, “ຢ່າຢ້ານເລີຍ. ເພາະພຣະເຢຊູບໍ່ໄດ້ຢູ່ທີ່ນີ້. ພຣະອົງໄດ້ຄືນຈາກຄວາມຕາຍແລ້ວ, ເໝືອນດັ່ງທີ່ພຣະອົງເຄີຍກ່າວໄວ້. ເບິ່ງທີ່ອຸບມູງແມ້!" ພວກຜູ້ຍິງແນມເຂົ້າໄປທີ່ອຸບມູງເພື່ອຊອກຫາວ່າພຣະເຢຊູຢູ່ໃສ.ແຕ່ພຣະອົງບໍ່ໄດ້ຢູ່ທີ່ນັ້ນ.”

ເທວະດາໄດ້ກ່າວແກ່ພວກເຂົາວ່າ “ຈົ່ງໄປ ແລະ ບອກສາວົກຂອງພຣະເຢຊູເຈົ້າ, ພຣະເຢຊູເຈົ້າໄດ້ຄືນມາຈາກຄວາມຕາຍ ແລະ ພຣະອົງຈະໄປເມືອງຄາລີເລກ່ອນໜ້າພວກເຂົາ.

ພວກຜູ້ຍິງເຕັມໄປດ້ວຍຄວາມຕື່ນເຕັ້ນ ແລະ ຊື່ນຊົມຍິນດີ ພວກເຂົາແລ່ນອອກໄປ ແລະ ບອກຂ່າວດີກັບພວກສາວົກຂອງພຣະອົງ,

ໃນຂະນະທີ່ພວກຜູ້ຍິງກໍາລັງໄປບອກພວກສາວົກເລື່ອງຂ່າວດີ, ພຣະເຢຊູໄດ້ມາປະກົດແກ່ພວກເຂົາ, ແລະພວກເຂົາກໍນະມັດສະການພຣະອົງ, ພຣະເຢຊູເຈົ້າໄດ້ກ່າວວ່າ,”ຢ່າຢ້ານເລີຍ, ຈົ່ງໄປບອກພວກສາວົກຂອງເຮົາໃຫ້ໄປທີ່ເມືອງຄາລີເລ ພວກເຂົາຈະເຫັນເຮົາຢູ່ທີ່ນັ້ນ.”

ບົດເລື່ອງຈາກພະຄໍາພີ ມັດທາຍ 27:62; 28:15; ມາລະໂກ 16:1-11; ລູກາ 24:1-12; ໂຢຮັນ 20:1-18