01-01

Surute

Itu hoile, “sob laga suru agete,” Isor nohoikena ekubi nathaka age-te.

banaise

Ekubi nathaka pora kiba bana nisina iyate koi ase.

akasmandal

Itu sob ase juntu Isor pora banaise, prithibi te aru akash te, dikhi bole para sob aru dikhibole napara khan.

prithibi

Itu kotha “prithibi” tu pura duniya ke koi ase juntu te manukhan thake.

Andhar

Tetia bisi andhar thakise. Ta-te ekubi ujala thaka nai, kilekoile Isor ekubi nabanaikena thakise.

khali

Isor tetia bi khali pani pora bon kurikena thaka prithibi nohoile ekubi nabanaikena thaka nai,

ekubi banai kena thakanai

Ta-te ekubi chini pabole laga bananai-khali pani pora sob bon kurikena thakise.

Isor laga Aatma

Isor laga Aatma, jun ke Pobitro Aatma bi koi, tai suru pora thakise, aru prithibi uporte beraikena tai ki banabole ase itu sob bhabona kuri thakise.

dusra bhasate matlab bodli kura kotha khan

• [[rc://*/tw/dict/bible/kt/isor]]
• [[rc://*/tw/dict/bible/kt/pobitroatma]]

01-02

Isor koise

Isor pora ujala ke muk laga ekta hukom pora banaise.

ineka hobole dibi

Itu hukom tu besi phat pora hoijaise kilemane itu Isor pora koa kotha aisle. Itu ke bhasa bodli kura homoite, ji hoilebi hoijabo, ineka motlob pora bodli kura he ekdum thik hobo. Kotha-kotha te, ineka bhasa bodli kuribo pare je, “Isor pora koise, ‘Puhor hoijabo.’”

Puhor

Itu bisi khas ujala asile juntu Isor banaise- suraj ke piche te he banaise.

bhal asile

Itu kotha khan toh bar-bar prithibi bana laga khisa te koi thake, aru Isor pora tai kun din te ki banaise itu bhal thakise aru itu kotha pora Isor laga bhabona aru maksad ke pura kurise.

sristi

Itu kotha iyate Isor pora choi-din te ki banaise, itu laga kotha ase.

dusra bhasate matlab bodli kura kotha khan

• [[rc://*/tw/dict/bible/kt/isor]]
• [[rc://*/tw/dict/bible/kt/bhal]]

01-03

dusra din

Isor pora sristi kora tu bisi maksad thaka aru ekta pichete ekta thakise. Tai hodai din te ki banaise itu sob age din te ki banaise itu hisab te banaise.

Isor koise

Isor pora akash ke ekta hokom dikena banaise.

banaise

Isor pora ekubi nathaka pora akash ke banaise.

Akash

Itu kotha tu prithibi laga uporte thaka jaga sob koi ase, amikhan ke sas dia hawa pora aru sorgokhan.

dusra bhasate matlab bodli kura kotha khan

• [[rc://*/tw/dict/bible/kt/isor]]

01-04

tisra din

Itu pichete Isor pora prithibi ke jibon nimite taiar kurise.

Isor pora koise

Isor pora hokom dikena sukha mati banaise.

prithibi

Itu kotha laga motlob iyate sukha aru beya mati ke koi ase.

banaise

Itu kotha tu eku nathaka pora kiba thaka bana laga motlob te cholaikena koise.

dusra bhasate matlab bodli kura kotha khan

• [[rc://*/tw/dict/bible/kt/isor]]
• [[rc://*/tw/dict/bible/kt/bhal]]

01-05

Isor koise

Isor pora kha-laga ghas patta khan sob tailaga muk pora hukom dikena banaise.

mati ke bisi ugabole dibi

Itu Isor laga hokom asile kilemane itu koa logote ineka he hoise.

sob kisim

Pata-ghas aru ghas dusra aru bisi kisim kisim thaka.

banaise

Itu kotha tu eku nathaka pora kiba thaka bana laga motlob te cholaikena ase.

bhal lagise

Itu kotha khan toh bar-bar prithibi bana laga khisa te koi thake, aru Isor pora tai kun din te ki banaise itu bhal thakise aru itu kotha pora Isor laga bhabona aru maksad ke pura kurise.

dusra bhasate matlab bodli kura kotha khan

• [[rc://*/tw/dict/bible/kt/isor]]
• [[rc://*/tw/dict/bible/kt/bhal]]

01-06

Chouthah din

Isor pora ek-ek din te sristi ke ekta pichete ekta ke bana laga ase.

Isor koise

Isor pora suraj, chand aru tarakhan ke ekta hukom dikena banaise.

pohor

Akash te chomki thaka kiba pora prithibi te pohor di ase.

din aru rati, mausam aru salkhan

Isor pora alag-alag pohor ke banaise aru utu khan pora homoi ke alag-alag bhag kurise, chutu pora loikena dangor, aru taikhan pora hodae nimite homoi koi di thakibole rakhise.

bananise

Itu kotha tu eku nathaka pora kiba thaka bana laga motlob te cholaikena ase.

dusra bhasate matlab bodli kura kotha khan

• [[rc://*/tw/dict/bible/kt/isor]]
• [[rc://*/tw/dict/bible/kt/bhal]]

01-07

panch din

Isor sristi bana laga kamtu tai char din age-te shuru kuri thaka hisaptehe arubi baki sristikhan ke banai thakise.

Isor koise

Isor pora chirikhan aru pani te thaka kisim janwarkhan ke tai laga kotha pora banaise.

haturi ja-a sob banaise.

Isor pora khali mas he nohoikena juntu pani te thake utu sob janwarkhan banaise. Tai khan jinda hoise kilemane Isor taikhan ke banabole icha asile.

sob chiriakhan

Isor pora khali ekta kisim chiriya bananai, hoilebi sob kisim, alag-alag, dangor-chutu, sabole alag rong aru sob kisim laga chiriya banaise.

itu sob bhal lagise

Itu kotha khan toh bar-bar prithibi bana laga khisa te koi thake, aru Isor pora tai kun din te ki banaise itu bhal thakise aru itu kotha pora Isor laga bhabona aru maksad ke pura kurise.

taikhan ke asis dise

Taikhan bisi bhal hoikena aage jabo nimite itu prithibi laga jun jagate taikhan ke rakhise, Isor tu tai laga icha te thaka kotha koise.

dusra bhasate matlab bodli kura kotha khan

• [[rc://*/tw/dict/bible/kt/isor]]
• [[rc://*/tw/dict/bible/kt/bhal]]
• [[rc://*/tw/dict/bible/kt/asis]]

01-08

Chatuah din

Dusra kam kuntu Isor pora ekta-pichete-ekta ke banaithakise, aru ek-ek din te bisi sundor bhabona pora bana laga kamkhan kurithakise.

Isor koise

Isor laga muk kotha pora he janwarkhan ke banaise.

sob kisimkhan

Itu motlob bisi kisim khan aru ekta pichete ekta banaidia khan.

mati laga janwarkhan

Sob kisim mati te thaka janwarkhan, chiria nohoilebi janwarkhan aru samundar te thaka khan nohoikena.

kheti laga janwarkhan

Juntu janwar manukhan logote aram pora thakibole pare … ghorte pali-loa janwarkhan.

matite berai thaka khan

Itu te ase juntu khan chati pora beraithake, iyate kirakhan bi hobo pare.

jongli

Utu janwarkhan jun manukhan logote aram pora thakibo napara khan ase, kilekoile taikhan manukhan ke bhoi kure nohoile taikhan nimite bisi khatarnak ase.

itu sob bhal lagise

Itu kotha khan toh bar-bar prithibi bana laga khisa te koi thake, aru Isor pora tai kun din te ki banaise itu bhal thakise aru itu kotha pora Isor laga bhabona aru maksad ke pura kurise.

dusra bhasate matlab bodli kura kotha khan

• [[rc://*/tw/dict/bible/kt/isor]]
• [[rc://*/tw/dict/bible/kt/bhal]]

01-09

ahibi amikhan

Itu Isor pora ji hoilebi kuribo koikena, tai laga icha pora manuke bana, kineka aru ki nimite banabo itu koa ase. Apuni ituke ineka kotha pora bodli kuribo pare, “Amikhan banabo.”

amikhan…amikhan laga…amikhan

Isor laga kotha pora amikhan ke hika toh, khali ekjon ke Isor ase, hoilebi Purana Niom te ‘Isor’ laga matlab toh ekjon pora bisi jon thaka ase, aru Isor tai nijor bi nijor bisoite kotha koile, tai ekjon ekla nohoikena bisi manu khan nisina he koi. Kunba itu ineka buji diye, Isor tai nijor laga mohima dikhabole ineka khas kotha pora koi ase, aru dusra khan pora buji dia toh Baba Isor toh Chokora aru Pobitro Aatma ke kotha koi ase, jun khan sob Isor ase.

amikhan nisina sabole chehera

chehera koa toh chuku pora sabole para eki manu nohoilebi saman ke koi. Manukhan ke ineka banaise ki Isor laga niomkhan nohoilebi tai kineka ase itu manukhan logote bi di se.

amikhan nisina

Manukhan Isor laga kunba niomkhan adotkhan cholai, hoilebi tai kinika ase itu sob manu toh hobole napare. Itu kotha khan to ineka bodli kuribo pare juntu kotha pora manu kineka Isor nisina banaise, hoilebi tai Isor logote eki nohoe.

adhikar

Isor pora manuke hak aru takot dise juntu pora tai sa-a loa, rasta dikhai dia aru kineka prithbi aru janwarkhan ke cholabo.

dusra bhasate matlab bodli kura kotha khan

• [[rc://*/tw/dict/bible/kt/isor]]

01-10

olop dhula mati loise

Isor pora manu ke mati laga dhula, nohoilebi sukha mati dhula pora banaise. Itu kotha toh prithibi laga motlob nimite cholai thaka pora alag hobo lage.

ituke banaise

Itu kotha toh Isor kineka manuke kineka sabole banaise, itu logote ineka tulona kuribi, ekta manu tai laga hath pora kiba saman ekta banaithaka logote. Aru ‘banaise’ koa toh dusra kotha cholabi. Monte rakhibi, kineka Isor tai laga muk kotha pora hokom di kena banaise, itu pora bisi alag ase.

ekjon manu

Itu bar, khali manuke banaise; maiki pichete dusra tarika pora banaise.

sas dise

Itu kotha khan koi ase ki Isorpora kura bisi nijer laga ekta kam asile aru itu pora tai laga jibon to Adam laga gao te di dise, aru itu logote tulona kuribole manu para sas loikena bahar te chara.

jibon

Itute, Isor pora mangso aru aatma laga jibon manu ke tai laga sas pora dise.

Adam

Adam laga nam to Purana Niom te thaka nam laga motlob ase ‘mati’ jun pora tai ke banaise.

Bagan

Ekta mati jagate kiba dorkar nimite te kisim kisim gash aru kisim patakhan thaka- itu khabole nimite nohoilebi sundor dikhibole nimite banaise.

jatna kora

Bagan ke jotna kura kam toh thik homoite gash khan ke sabo, dusra bia gash khan usorte ulaile, itu khan phelabo, pani aru mol dibo, guti dhura khan joma kuribo aru arubi, matite bijon halibo ineka kam khan ase.

dusra bhasate matlab bodli kura kotha khan

• [[rc://*/tw/dict/bible/kt/isor]]
• [[rc://*/tw/dict/bible/kt/jibon]]
• [[rc://*/tw/dict/bible/dusra/adam]]

01-11

majote

Majote thaka laga motlob ase ghas duita toh bisi dangor khas ghas ase.

bagan

Ekta mati jagate kiba dorkar nimite te ghas kisim aru ghas patakhan thaka-itu khabole nimite nohoilebi sundor dekhibole nimite gash khan lagaise.

jibon laga ghas

Jun itu ghas laga guti khabo, tai ketiabi namuribo.

bhal-bia janibole gyan-budhi dia laga gash

Itu ghas laga guti pora manuke ki bhal-bia ase itu sob janibole diye.

gyan

Nijor pora kuri saikena janibo para aru bujibo para.

bhal aru bia

Bia to bhal laga dusra disah toh ase. Kineka ‘bhal’ toh Isor ke khushi hobole diye, aru bia toh hoile juntu Isor khushi napai itu ase.

morija

Itu kotha te, tai sarir aru atma te bhi morijabole laga kotha koi ase.

dusra bhasate matlab bodli kura kotha khan

• [[rc://*/tw/dict/bible/kt/isor]]
• [[rc://*/tw/dict/bible/kt/jibon]]
• [[rc://*/tw/dict/bible/kt/bhal]]
• [[rc://*/tw/dict/bible/kt/bia]]
• [[rc://*/tw/dict/bible/dusra/adam]]
• [[rc://*/tw/dict/bible/dusra/mora]]

01-12

bhal thaka nai

Itu he poila bar asile, jetia sristi bana te kiba ekta bhal hoa nai. Itu laga motlob toh, ‘arubi bhal punchanai’ kilemane Isor pora manu ke banaithaka khotom nohoikena asile.

ekla

Adam ekla manu thakise, aru dusra manu nathaka karne kun logote bi milikena bacha pabole aru bisi hoi-jabole eku rasta thaka nai.

Adam laga modotgar

Isor laga hukom toh pura koribole Adam logote milijabole kunbi thaka nai. Aru itu hukom toh pura koribole taike kunbi janwar pora modot koribo para nai.

dusra bhasate matlab bodli kura kotha khan

• [[rc://*/tw/dict/bible/kt/isor]]
• [[rc://*/tw/dict/bible/kt/bhal]]
• [[rc://*/tw/dict/bible/dusra/adam]]

01-13

mora nisina ghuma

Itu ghuma toh dusra ghuma nisina pora bisi gehera thakise.

Adam laga chati laga kami hardi loikena banaise

Itu kotha te Isor kam dikhi pai, tai manu laga chati pora kami hardi ekta loikena itu pora ekjon maiki ke banaise.

ekjon maiki

Tai sobse poila maiki asile, maiki laga roop jun tu Isor itiya tok nabanai kena thakise.

tai ke mota usorte anise

Isor taikhan ke jan-paichan kuri dise. Tai Adam ke utu maiki loikena dise aru itu toh ekta vardan dia nisina hoise.

dusra bhasate matlab bodli kura kotha khan

• [[rc://*/tw/dict/bible/kt/isor]]
• [[rc://*/tw/dict/bible/dusra/adam]]

01-14

Itia he!

Adam khusi pora itu kotha koa toh tai kiman itu nisina ekjon maiki karne kiman rukhi thakise itu laga ase.

moi nisina

Maiki toh Adam nisina asile, ineka hoilebi tai duijon bhitorte mota aru maiki laga gao alag thaka chinibole pari thakise.

maiki

Itu kotha toh manu laga dusra bhag juntu maiki ase, kineka mota manu aru maiki alag ase, itu laga koi ase.

manu pora banaise

Maiki ke Adam laga nijor gao pora banise.

ekjon manu charidiye

Itu kotha toh tetia ki hoi ase itu homoi toh ahibole din te lok pabole laga ineka likha ase. Adam laga baba-ama nai, hoilebi ahibole din te dusra manukhan sob laga baba-ama hobo.

ekjon hoijai

Ekjon mota aru maiki duijon bisi ekjon hoikena mon, mangso aru atma te milikena, ekjon ekjon ke kotha milaikena thaka, juntu dusra khan logote tulona kuribo napare.

dusra bhasate matlab bodli kura kotha khan

• [[rc://*/tw/dict/bible/dusra/adam]]

01-15

Isor banaise

Isor pora mota aru maiki banaise, bisi tai nijor nisina.

tai nisina sabole

Chuku pora sabole para laga eki nisina, manu laga nohoilebi saman laga. Isor pora tai nijor ki ase aru kineka ase itu janibo paribole manu ke tai nisina banaise, hoilebi tai nisina eki hobole nimite nohoi.

bisi bhal

Dusra din nisina nohoi, itu din te bana toh ‘bisi bhal’ asile. ‘Bisi bhal’ toh khali mota aru maiki nohoi hoilebi sob sristi koi ase, Isor pora kineka sristi koribole itcha asile, thik ineka he hoise.

sristi kora

Choi din te Isor pora ki ase itu sob banaise.

dusra bhasate matlab bodli kura kotha khan

• [[rc://*/tw/dict/bible/kt/isor]]
• [[rc://*/tw/dict/bible/kt/asisi]]
• [[rc://*/tw/dict/bible/kt/bhal]]

01-16

sath din

Choi din te sristi banaikena khotom hoa pichete dusra din

tai laga kam khotom kurise

Isor sristi banaithaka laga kam toh khotom kurise. Tai dusra kam khan kurithakise.

Isor aram kurise

Isor “aram kurise” laga motlob tu itu din te tai kam rukhise kilemane sristi banaikena khotom kurise. Isor dukh paise ineka nohoe, nohoilebi tai rukhibole lagise ineka nohoi.

sath din ke asis dise

Isor pora sat din aru hodai ahibole thaka sath din nimite karne ekta bisi khas, bisi lab thaka bhabona thakise.

ituke pobitro banaise

Itu mane, Isor pora itu din ke ‘alag rakhise’ aru itu din ke khas din ekta kurise. Itu din toh hapta laga choi din nisina nohobo.

prithibi mondol

Iyate itu sob ase juntu Isor pora banaise, prithibi aru akash te thaka sob, dikhibole para aru napara sob.

Bible laga itu khisa toh

dusra bhasate bodli kurakhan logote olop alag hobo pare.

dusra bhasate matlab bodli kura kotha khan

• [[rc://*/tw/dict/bible/kt/isor]]
• [[rc://*/tw/dict/bible/kt/asis]]
• [[rc://*/tw/dict/bible/kt/pobitro]]