1 Tesalonia
Sapta 1
1 Pori namac, Silwanasic namac Timoti waseTesalonia mamakimi Kotinamac Jisasinic awawac namac nanayintimi wano. 2 Ikenamac yewekec Kotimpac tusuwac teno masicden yamuc Tukam mukintinke yewekec payac indikec wono. 3 Ikeunamac omare indikano, ikeunamac tindun mandekec Kotin kinac dano, awawac namac awokuc indin namac Yesun kimi maranonano. 4 Tifac Tiwao Kotina ayikarayac ono, yeweke indeno emi ukac dukam wanami. 5 Newarafi wayanana wac yenaino mini mukami Holi Spiritinic erantimi tindun munkecu. Mini asapate manac eni mayauni tonanamino inkenukam wainta ukaci ike namakaci wekafu. 6 Eni Kocti namaci weona warikaco mayau namakac Holi Spritinic eran tinke wayani amoyin namaci maranami. 7 Mini anda wani yeni weyom waric waric kac ukano Masecdoniac namac Akaiac namac acwa napac ena waric ukanamino. 8 Iyeno awayani enkinkac yankakem wemino, Masedonia namac Akaia namac mana waino, Kotinkimi anduni munkeona foni umaden awec yukimi wemi, mini mukaci mana wayayac tiran dawac iye indeko. 9 Yenac uni teni mayau yani indeona inkec nuka ureci mayau tiwic man iken yicwanapac danteka, eni inke nukan ureci Kotimpac yowec eci eni inkecnukac weci eni manda wantinke puka ayum pawam Kotinkac dafisin tefe. 10 Micnim mukayami eni Inarun Intakaci dafisemi Jisasi pukin tinken ukukemi, wenic aran andan dac kinke utuc tinkemi.
Sapta 2
1 Enafo yeweke indeno, Tifac Tiwanano, empaci yekunai mandawa wenaino. 2 Yewac wekec indeno, wani Filipaici wemi manda mare ayore onaware. Koti weni tasasemi indintimi tameko. Kocti awaya tiyimin timi anom manda kimi winonano. 3 Ikenamac teci iyewaci mana andawac dukeci awokufic mukec anteci kekon tirec indecu. 4 Micnukami Kocti weyakaci onaremi temi anteci kemi, puka wayani weminon tintemi. Ikenamac tenunawe wanta akandaren indino wara tente kaune, Kocti akandaren indino wani teko. Kocti weyac okaci indin timi onanteno. 5 Ike namac manda waya tirec yewekec indeko mini manda ayofanane, Kocti weyan ikenamac tonakemi indikantemino. 6 Ikenamac anasi wanta kinkena kakani afakantekafu , enkin kenafi enu sinkenafi, ike namatic erarindini Kraistinic yokan wainta ukinac dano. 7 Micni mukaci , yewekec ikemi awokufic monteko , anintami wenanon awokufic mu ankeninic monteko. 8 Micnin tire tiyimeyo , mayauni timoneci ,Koctin awaya nanawa tiyimekaune. Ne warikac mayauni ekafu, mini namaci tiyimeko. 9 E omare indeno, tifac tiwao ikenamac anon yokani mareko, ayufun namac wayankon namaci marec umpo,iyewakac eyan manan mepankin dano, mini . Koctin awayani tiyiminonano. 10 Kocti waci onakemi indinkemino, antekukanake, awokufikac uke, iyewakac mana anda wacduke, yam wainta kimi eran yindun munkuruke yon iniya wainta kine. 11 Yeweke indeno , mini asapaten manakim ikenamac weko. Yenyifon wen akafanda uc namaci manakimi wenin waric mukanteno. 12 Kumanan ukukare awokuc indir ame erara miranan Kocti ayikenin wiric inami, ara ekem weyic makusin danan wenic kakantimi wanonano. 13 Mini anda wani payac Koctimi tusu tiankano micni mukemifo eyowac tire waci Koctin awaya marano. Payam waya yaino. Koctin awayani pukasikam wayani wemino. Iyec eni andun munkurec indin tefe enkimi yokanteno. 14 Tifac tiwanano, Jisasin Judia ci Koctinic mamakimi wanin warikac ukako. Ne yinawisikaci enic makusinkena wanta uc mareyafo, eyac waci minic wac ono. Jiuc ci uyinkayonic . 15 Iyeci Jisasin namac Koctin o wanta uc namac yirure naci untiwic man mapac denafi. Koctin iyewac ayikam waric menoyone, yeni masicden iniya wainta uci namuko ic menone. 16 Yeni Yentaili uc tiyimi tasasin maranayo nani yifonkeno. Wenic akami micni mukeno yenyic numo iyena kukam memi. Mana maka kipewami wenic aran kimi winteno. 17 Tifactiwa nano mana wukaci ikenamaci nenkac wantec umpo, tinduntimiikenamaci mana kimi wanteko. mayausic erarindin namac, eran tiyin namaci en oronarare. 18 Masicden yamuci ikeni wekopac yirani indec umpo, teni Polin inde wami, wananomi uyakemino. 19 Afo neci ikenamatic anon indini wenafi, timoyirac wenafi, iyena ayakaci Jisasinic yin yamu marantekafu? eyac wakac wantefono? 20 Eni mayausic kakani wemi timoyini wanonamino.
Sapta 3
1 Mini mukaci, mifaci wec umpo, Atenici awokuc wayani mareweko . 2 Timoti mayau tifatiwa, mana yokam wainta tankam yereremi Koctin awaya tiyimirani wemi yeyic yindun munkin mana eraremi awokufic uyinkantem. 3 Mayau mini uwarekunafoni iyen mayawac anawisi kinke payayuekem mapa dantemi. Eyac mini wara indikano mayau miniwan ukadaci wecu. 4 Puka pukawe, mayau ikenama weci , wani ikemi tiyimeci tinawisika umarasem maranuna indeona ampamemi. 5 Mini andawani, manan dekuna en andun munkukeni indikarare. Amankac yimamakeni manain awafate emi amamadayami mayausic yokan payani emi. 6 Mini ukami Timoti, ikewapate mayausapac ayokuc wayaya en andun erarukeona namac awawac marenyemi. Weni mayau tisimemi masiden yamuc mayauya awokufic uren omaren indeona mayau tonaran ayikarac eninic memi mayauyawac en onarani tiyikara emi. 7 Newarac Kocti Timotin era amenafi, wen anduni onaremi amemi , amuna umara anawisika semarewami Kocti wemi eran amemi . 8 Make Koctin awayani enamaci, wantemifo afo eni Koctinamakac ukukano . 9 Nec tusu ikeunamac tiankan tekafu , umaden nuram Kocti awokufi usinkeninarac timoya ono. 10 Ayufun nama wayanko namac eran tukam mukec , enonarani indec umpo, nec enkinke tasasin yindu wenafi. 11 Koctiwac Jisasiwac weni, aniyotikanteno . 12 Ec anac Iyeno en iyenac uankano weyic nanayintine, Mayauni emi uankec kunawe . 13 Ec anam wec enandun eran uankano, ikeunamac Tifo Kocti ako andanic ukenim witimi iyen amofin inakono, Jisasinic oweken yintac antekana younanac wanteno.
Sapta 4
1 Tifac tiwa arasapac emi yenamac eran uankeko inkenikac ure Jisasin kimi antekec wec erarukante. 2 Eni indiwaka Jisasin awic timi newayac tame kafu. 3 Minici Kotini ayintimi eyic awoku namac, manda anda kimi ouckino namino. 4 Maya maya inkenikac urec eyic yokan andanda manan awoku kinde awokuc wic marante. 5 Iyewakac mini uwara ( Kotimi iyen oneyon iniya wainta kewa). 6 Mini umantimi iye wakac eyafac awa namac marec wano. Kocti weni mini umani maranteno , minici emi tamindec ackac murukami . 7 Kocti ikeunamac iyen manda anda dukanami tarantemi , iye awokuc dukantenafi, wemi arantemi . 8 Mini wani iye mini afokantenafi , anasi wanta kaino, Iyena Kocti weyi Spiritin yimin temi. 9 Eyafac awam awokuc nanayirac ameno , iyen eno eninda uwaran temi , enafuni Koctin namac asinami nanayin enan amintemi. 10 Puka ukane ena afac awanac nanayuyinka . Masedonia awafake, Mini mukami emi eranuankeko eyic awokuc meyankakadec uwanyinka. 11 Mayauni emi eranuankeko, awokuv wantimi wanoware. Eyindakaka awokuc dafisiric kac ewac eyayam pinke wac yokano, mayauni tamekunawe. 12 Minic mukaya enic wini mapatenu yindura diyinka . Iyewa ena ena ananda wan indikano. 13 , Mayauni iyen tiyinkeno , ena afac awanam, iyewac manda tiyimirioc , iyec warukenafi, minic mukami iyewac eyic ayin enakindano . 14 Afo ikeunamac indinkec Jisasin puem yewekem ukukkenine, minic mukami Kocti yiwikanteno iyeuyac Jisasin kac dafite yaunde weyoc. 15 Manan tekunawe Yam wainta awayasimi teko, mayauni ayumi paniwec teko , iyec uyac Jisasini kuminta, iyec emi yerec ankarayaci ayum pawe Jisasini kumintaci dafit tananiwe, iyen pukanayounamac winonano. 16 Yam Wainta inarun ayontaci yintemi. Aranamaci yinteno ,Ensoro yic aranyim, Koctinic ufem wacdewami, Jisasin awitimi pukeyo naren ukukan teno. 17 Ayum pawa naniwac,pukanani waci,inarun ayontaci yeyi Iyenom onanteno .mini foni maside Jisasin namac inarumpac wanteno. 18 Minic mukami, mini wayasoni ena awokufic uankanonamino .
Sapta 5
1 1 Tifac tiwa o make ampa menin andandauc karaci indeno, eni iyec mana wayaya iyen afakanonami. 2 Iyeno ayufumi umo wainta yeniyiric minte mifo esakac awoku dafisirikac ono 3.Dadakem ike naropac umani yintemi ,awoku kaci wanteumpe tire indewe. Anasi am makarani anawisic marenin amankaci iye yuman dinakomi. 4 Tifa tiwa oeye ayufunkina wananaino mana nurami yin temino umo wainta yeni yiric mintemino. 5 Ayufum anda kim keno wac wananaino.Ikeye kakac keno wamino. 6 Enuni eyoni ec iyewa tum wakano,yera kaci tukam make kaci dafiseno. 7 Ayufum waranono orac wara, non nara indinono nona nac. 8 Afo ikeonamac kukakenin kim wanteke,ikeo nama dafisec eran indin namac awawac nama mande timukusac yakoyo,minekaci aum maran mandeke tinokakena atakikaoc. 9 Kocti ikeonama mandeke aran andanda kina dukanano,Kocti Jisasin timenimi ikeonama owekem tiwikar ani uwisemi. 10 Ikeunama ukukakan tekafu o tura dukan tekafu,weni ikeonamac karo tiremi pukaci makimi wanteko. 11 Mini mukemifo wani weko wari ekaci wen dafisin wen dafisin oko. 12 Tifa tiwao iyeci ike namac wenaci yokani maremwenafi, eyic ikenkim wenaci tiyime wakaci koctini yokam marekafe . 13 Awawac poyaci anon tusuwa teko yenyic yokarare, nanjayin namakac wako . 14 Tifa tiwao emi tameko, wayani iyen indeyo tiyimeno ananac waric ukeyouc yac indira yimeno , eran iye dukanani nac ofa ewaci yenamac nanayin wari kac ono. 15 Eno manda uankanaci iyewa yeweke uankac, umadenaci yeweke awokufikac uyinkano. 16 Umaden nurami amoyac ono. 17 Umaden nuranaci inara teno. 18 Koctini ayinino umaden andanda waraci tusu wac teno. 19 Holi Spiriti umac iyewa umac tiankano. 20 Wayani iyewa anankayo . 21 Umaden andanda amamac dewaci awokuc wanani naci awakuro. 22 Manda waruc oyenaci ameno. 23 Awawa Kocti emi mandekemi antekaran intemi, minec wami mana wuc namac spiriti namac timan namac Kraisic owekem yinaninkaci awokufic usinkan temi. 24 Areninkakaci anduraci munkono, wenanan uankan temino. 25 Tifa tiwauko mayau yawakaci inan tisinkako. 26 Eyafac awanam awoku nanayin tinke yiwikac. 27 Iyena awiti naci tentifac tiwanam mana wayayaci yandaman tiyimeno. 28 Koctini awawac ikenamaci wantemi.
