Apio

Chapter 1

¹ Yakub aghwo Gwazi nbyang si Atyo Yesu Kristi, nbyad nyin kwai swak bafiyang nang akau tyet'i. ² Yok huyet nyin kyang asai alio, lanyuk, kanang ishio ba ngbang didid, ³ Iliyen kanang amak chuchuk nyin ni huli chio nyin ilab alyo. ⁴ Yok lab alyo nyin'u hu chio ntam nyin ni iyet, bisangag nang ilin tad agyi, ili chat kyang yuwai dak. ⁵ Ama kanang ayin ba nyin chat mamwang, yok gu lyib hu nyiet nbwak Gwazi, atyi nang a nghwad naha'i nbyang amuli lak salai atyi alrim'i dak, ali nwak gu hu. ⁶ Ama yok gu lyip bu chuchuk, uyok ntin fwo dak. Atyi nang antrung fwo li nang ywan saghwad ba agyui nang wun kwak ka bwan do. ⁷ Yok atyi awai yok dam eh ali san kyang ba Atyo'u dak. ⁸ Tankai atyi ahwai byo nfwo nfyang, abyo yong ban nvak gu ni dak. ⁹ Yok lanyuk kunak mag frung bu tutan uvwo gu nshio'i, ¹⁰ atyi byo zwi ayong bu avwo gu khi, krok ali suwak nang fure ishio ba akwap'i. ¹¹ Mam'u vwad bu lwei shwai hu tyi akwap bi a ghwad. Fure di i shwad, nbyang yet ni'u hu tyak. Ba'anya, anyet nang byo zwi lin chiyak bu utyo chiyed biki. ¹² Krok nmiyang yet atyi nang alab fwo bu mak'u. Kanang gu suwak mak'u, ali san bung nswon, nang asak eh ali nwak anyet chat Gwazi bi'i. ¹³ Kanang a mak ayin, ayok hyio ''Gwazi'a mak nu," krok Gwazi'u mak bi katuk dak, Gwazi ba apio gu mak ayin dak. ¹⁴ koda anyan shyat mak'u krok katuk adam nang hu kwak gu kad zo'i hu ba len gu. ¹⁵ Anya kanang katuk adam'u kyak ufi, huli byin katuk, nbyang kanang katuk'u lai bai deni, huli byin aghu. ¹⁶ Lanyuk nang nu nshyai fwo'ui, iyok shim alen nyin dak. ¹⁷ Koda zinang tsan nbyang zinang insuwak i nyiet tazi. I chiyet tubai abyin nyiet ba Adi'u nang ayet sai. Bangu abyo shai ko igwo krok bwan dak. ¹⁸ Gwazi'u ghai azan zit byin krok swang alyat chuchuk, bisangag nang zili ngyet suswon aswum utan bu salai nkyang nang gu ji'i. ¹⁹ Lanyuk nang nu shyai fwo'i, ilyen si hwi. yok koda atyibishi akrok afwo afok, alyat sanshuwan, nbyang ayok fok aligyi afen dak, ²⁰ Atyibishi nang anyio aligyi nyio Gwazi'u tam tan dak. ²¹ Nang anya'i wyem salai katuk nyin'i nbyang katuk hu shi deni ba nyin'i. I ghwum i san swang alyat atib'i, nang ilin ngyad i san swon nyin di. ²² Iyet anyet ghwi swang alyat di, iyok yet ba anyet fwong ba ndai dak, i len apio nyin. ²³ Kanang ayin yet atyi fwong alyat nang da gu nyio ntam dak, ali'eh atyi nang achiyang ugyi akwi gu khi bi dobi'i. ²⁴ Kanang gu chiyang ugyi gu khi, asi drok aza ali bwung igag nang gun ndi'i. ²⁵ Ama atyi nang alyen chiyang si chuchuk chyi shi ufwod, nbyang amu gi'uswon bi nyio anya'u, ayok yet atyi fwong'a abwung dak, atyi wi ali krok gu nmiyang kanang gu nyio anya. ²⁶ Kanang ayin dam ayet atyi ghwi'a, ama kanang gu chok alyam gu khi dak, alen apio gu nbyang ghwi gu yet kyang'a dak. ²⁷ Zazzrak nbyang ghwi tan'u dugyi Gwazi nbyang Adi zit'u uhwa yet: i ben nman kunak nbyang anyuk a kwi wod bu ngbang nang ba swo'i, nbyang achok apio nyin nyiet bu shyok duniyo'u.

Chapter 2

¹ Lanyuk nu bi, i ghwi chuchuk Atyo zit Yesu Kristi, nang abyo gbandang'u, iyok chat anyet agyang ilak agyang dak. ² Kanang ayin bai bi utung nyin khi asi kub atro zinariya nbyang atro atan, nbyang kanang kunak mu bai utung ki bi atro alyuk, ³ kanang ili atyi nang akub atro atan bi, asi hyio,"sakut swan aji bu uvwo utan kei," ama isi hyio bu kunak khi, "Nwan yong aza, "ko ihyio bangu, swan abyin ba atak nubi," ⁴ i nyio agyang nyin a shod'a wi da? I mu bwak tyo anyet nyio ashod bu katuk adam da? ⁵ I fok, nsak alyo lanyuk nu, Gwazi'u hwa ghai kunak ni bu duniyo'u ba byo zwi bu chuchuk nbyang ba mu gyet nman buli tyok gu khi nang gu sak nwak anyet ba chat gu? ⁶ Ama i jwoi kunak ni! Nge anyet byo zwi'i ba lak li nyin'u? Nge i ba mu kwak nyin chong zo buli ashod khi? ⁷ Nge mbi anyet byo zwi'i ba byang ayrok utan khi yet si nyin khi'i? ⁸ Nang hundi ngi, kanang i ghwi chyi tyok'u, nang andru bu kwi'abwad alyat Gwazi," Iyok uchat lanyuk nswad'au nang apio'ai," unyio usham kha. ⁹ Ama kanang uchat anyet agyang lak agyang, unyio katuk, bisangag nang hu nshio bi chyi'ui uyet atyi nang alak ghwi nchyi'a. ¹⁰ Kanang ayin ghwi nchyi ni salai, asi bu tep bi ikyang unyung, ali fok ban fwo gu'u nang gun tep salai chyi ni! ¹¹ Atyi nang ahyio'i ''Yok nyio amun dak,'' uwa mun hyio, ''Yok hyad anyin dak,'' kanang u nyio amun dak, ama usi hyad ayin, u ugwi chyi Gwazi'u dak. ¹² Lyat umu nwak gbok'u nang anyet achat nyio bi ashod'u tutan chyi huli frok bi wod. ¹³ Ali nyio ashod tyoi kunak tutan anyet sang kunak dak. Tyoi kunak'u pram aghwud ba ashod'u. ¹⁴ Lanyuk,ya yet tan'u, kanang ayin hyio eh gu byo chuchuk, ama nang da gu nyio tam dak? Chuchuk ahwai li san gu? ¹⁵ kanang lanyuk asam ko anap byo atro ko kyangyak gyi bu mam'u dak, ¹⁶ kanang ayin banyin hyio banbi,"Nad dusham, uli hyirak umu swi," ama nang di i zan bi kyang vam'u chat'i dak, hu ngyet anya? ¹⁷ Anya'a chuchuk ba apio hu ndi, kanang hu nyio tam dak, aghu kha. ¹⁸ Krok anya agyang anyet yu ahyio, ''ubyo chuchuk, nu nsi nyio ntam''. Tak nu chuchuk ahu da bu tam'u, nu nin tak;a chuchuk nu'u krok ntam nuni. ¹⁹ I nwak chuchuk'u eh Gwazi anyung'a nshio; i nyio dusham. Ama ko katuk ntsui ni mu nwak chuchuk anya biba fok uwun. ²⁰ Nwan abwon ayin, uchat ulyen, nang chuchuk'u da ba ntam huyet kpad nang zi ntsot afang? ²¹ Nge krok nyio ntam'a Abraham adi zit'u ki nyep ngwon gu ki Ishaku tutan sandong nai ki? ²² Ili sangag nang chuchuk'u nyio tam ba ntam guni'i, krok ntam guni uhwa chuchuk gu'u ndai dusham. ²³ Kyang nang alru bu kwi'abwad alyat Gwazi nbai chachirak nang hun nhyio, Eh Abraham nwak chuchuk bi Gwazi'u, nang hu tyo asi kyak gu nang atyi nyio nkyang ntan," nbyang asi yai gu kpandang Gwazi. ²⁴ Ili krok ntam ni na an dyen atyibishi'u, bu chuchuk'u hwa ndai dak. ²⁵ Ba anya'u, Rahab nang ayet ghyam krok ntam guni na an dyen gu da, nang gu san anyet ntam bi asi kai ban bi ban vak gyang asi tyo bi talyen? ²⁶ Anya vam nang da hu shi bu tsui dak ngyet aghu kha, anya, kanang chuchuk'u shi nkang ba ntam ni yet aghu kha.

Chapter 3

¹ Lanyuk nubi, iyok shim anyet deni banyin bayet anyet tyet dak, zi lyen ashod nang ali nyio zit do'i li byo chet. ² Salai zit trap ba nvak deni. kanang ayin tep ba alyat nang gu lyat'i dak, atyi awai yet achuk anyin, nang alingya achok vam gu'u salai. ³ Nini Kanang zi tyo tsai zi ndak ni bu unu bini ba nshio fwong zit'u, anya zi lin gya zi bwan nvam bini kad do. ⁴ Nchat imun dyen nang tsai byai saghwad di ngyet ga chechet do ba nang wun nchet'u bwan kad do, atyi luk'u bwan bi kad net do bu uvwo nang gu chat'i bu adadai akat. ⁵ Anya alyam khi ngyet adadai nyuak kha bi vam'u,ba anya khi ngwud bu chechet nkyang. Ilyen nang achan ndong kha anfwi ga gbandang uyit'u. ⁶ Anya alyam khi ngyet long'a, duniyo si katuk ban nyuak vam zit di. Ki byan salai vam'u nbyang khi ba chiyet long ba nswon.I khi tyo apio khi long'u bu uli ndong khi. ⁷ Bu koda tankai nyam uyit, uman, nyam kwang abyin, nbyang nyam agyui achok bi nbyang atyibishi'a lingya a chok bi. ⁸ Ama nang alyam khi'i ba ayinhi ba anyetbishi bi nang alin ngya achok khi.Khi yet katuk kyang'a nang khi ghad chok, tantyang bu liyen hu hyai anyet. ⁹ Ikya zin dyap Atyo nbyang Adi, nbyang ikya zin fwai anyet bi, anyet nang aji ba akwi Gwazi khi'i. ¹⁰ Ba bu unu akai kya anhwad nmyang ni nbyang fwai. Lanyuk nu bi, nchat nkyang nei ili anya dak. ¹¹ Chen'u lingya hu wuruk bu tontong saghwad nbyang bazai saghwad? ¹² Lanyuk nubi atyin gwafuwai li bwak tyo atyin zaitun? ko atyin saghwad ukwan, bu gwafuwai? Ko saghwad nfak i wuruk bu tontong saghwad. ¹³ Anyan'a banyin nang abyo mamwang nbyang fuk nkyang? yok atyi awai nyio akwi utan krok ntam guni bu chuchuk akwi bu mamwang. ¹⁴ Ama kanang ubyo katuk fub nbyang chat apio ban fwo ahu, yok chiin nbyang bwai ngad tutan chuchuk khi dak. ¹⁵ Si hwi yet mamwang nang hu bai nyiet tazi'a dak. Hu shirok yet si swanti'a, si sang tsui, si tanyrang. ¹⁶ Uvwo nang fub nbyang chat apio nshio, nwai fuk nbyang myam katuk. ¹⁷ Ama mamwang nang hu nshio nyiet tazi'i hu fwum yet yoyong, aza swan dusham, sanshuwang, byang agyang, tyoi kunak nbyang asum utan, byo akwi utan nbyang chuchuk nyio. ¹⁸ Asum atyi nang anyio nkyang ntan ni'i atip bu swan dusham bumi anyet ba swan dusham.

Chapter 4

¹ Aze'a fwan'u nbyang jio di ngwud ba agyang nyin? Uyrak i kwan ba agyang nyin'i nyiet ba adam nyin'u wa da? ² I chat, i si shio dak. i hyad nbyang kok nkyang, nbyang isin ngyang isi shio dak. Ikwan nbyang fwan. I byio dak krok nwai lyip'u. ³ Ilyip isi shio dak krok ilyip dusham dak, bisangag nang ilin nyio ntam ni ba adam nyin. ⁴ Nyin anyet lak Gwazi! ilyen nang kpandang'u bu duniyo'u yet lanvan'a bu Gwazi'u da? Atyi nang akyak nyio kpandang bi duniyo'u akyak yet lanvan bu Gwazi'u. ⁵ I dam eh kwi-abwat alyat Gwazi'u bwai-ngad na, "Tsui nang gu tam nswan bumi zit'i byo fub"? ⁶ Ama Gwazi nwak sitan gu'u deni, kwi-abwat alyat Gwazi'u hyio, "Gwazi'u lak atyi nang achin apio gu'i, ama asi nyio sitan tutan atyi nang atun apio'i." ⁷ Nwak apio bi Gwazi'u. Lak tanyrang khi, kih li tiyong'a. ⁸ Bai panpwen bu Gwazi'u, ali bai npwen ba nwan. Ikwi nbwak nyin'i, nyin anyet nyio katuk, imun ji nfwo nyin ni, nyin anyet byo ilyo fyang. ⁹ Byan fwo, tyoi aghu, nbyang unak! Yok mai nyin'u bwok bai alyigyi, asai-alio nyin'u abwok bai byan fwo. ¹⁰ Itun apio nyin du gyi Atyo, ali vwad'a. ¹¹ iyok lyat tutan agyang nyin dak. Atyi nang alyat tutan lanyuk gu ko anyio lanyuk gu ashod'u, alyat tep tutan chyi'u nbyang anyio chyi'u ashod. Kanang u nyio chyi'u ashod, uyet atyi ghwi chyi'a dak, atyi nyio ashod'a. ¹² Atyi anyung a nwad chyi'u ndai, nbyang atyi nyio ashod'u. Iwa yet atyi nang amai asan swon nbyang amu bwuk do. Nwan'a anyan, nwan nang u nyio lanyuk nswad'au ashod'u? ¹³ Nini ifok, nyin nang i nyio, "Ufwun ko utswon zili nad bumi ukrang, zi nyio alyo aza, zi bwang, nbyang zi nshi ubruk." ¹⁴ Anyan'a lyen kyang nang huli kwi utswon'i, yaha swon azi yet? Uyet nang zwu da'i nang ili wuruk ba zan dadai ibwok tu nkad. ¹⁵ Krak hyio ngi, "Kanang Atyo'u shim, asi wod zit ba anyet nswon bi zili nyio si hwi ko si hwo ." ¹⁶ Ama nini i tsod furung'a ba adam nyin'u. Tsod furung ahwai salai huyet katuk'a. ¹⁷ Krok anya, atyi nang alien kyang tan nu ama asi nyio hu dak, bangu katuk'a.

Chapter 5

¹ I bai nini, nyin anyet byo zwi, i chiyet agyi nbyang chiyet nkun krok ngbang nang i tubai tutan nyin'i. ² Zwi nyin zi kan bwi nbyang atro nyin bi yet nkyangyak afwan ba. ³ Azurfa nyin bi nbyang zinariya nyin bi kan chiyak. Chiyak bi'u li yet nyan tutan nyin khi. Huli gyi vam nyin'u nang long'i. Ikan sak zwi nyin di nfwong mam nghen ni. ⁴ Li, krum anyet ntam'au nang ba fwai abyin khi, nang unwai trang'i, twai tazi! nbyang unak anyet fwai khi nad ba afwo Atyo ansuwak'i. ⁵ I swan bu fok nyanyang ba swanti'u nbyang ibi nyio nkyang ichat. Isi tyi apio nyin vam nfwong mam fak'u. ⁶ I byan nbyang isi hyad atyi nyi nkyang ntan. Alak nyin dak. ⁷ I shyim fwo, langyuk, sinang Atyo'u bai. I li atyi khab nang a fwong fwai tan nyiet do abyin. A fwong hu bu shyim fwo, sinang ni shio nfwum nbyang nghen zi'u. ⁸ Nyin ma, i shyim fwo. I lab alyo bu chet, krok bai Atyo'u bai npwen. ⁹ Lanyuk, iyok trung adyung dak, tutan agyang nyin dak, ba ngag nang ali nyio nyin ashod dak. Li, atyi nyio ashod'u yong likanyio. ¹⁰ I myam, lanyuk, bu ngbang nbyang shyim fwo nang anyet shei tam Gwazi, nang ba lyat bumi ayrok Atyo. ¹¹ Li, zi kyak anyet ba lab alyo khi'i nang krok nmyang. I kan fok lab alyo Ayuba'u, isi lyen kyang Atyo'u dam'i, sangag nang Atyo'u ngyet atyi li lad nbyang twai kunak ¹² Bu si hwi salai, langyuk nu bi, iyok shyi, bi tutan ko abyin dak, ko bu kodi nshyi. Ka anya, yok "eh" nyin'u ayet "eh" nbyang "Ka'ai" nyin'u ayet "Ka'ai," bu sangag nang ili nwo ba shod dak. ¹³ Ayin bumi nyin swo ngbang? yok gu mok. Ayin shi ba agwai? Yok gu bwom ibwom. ¹⁴ Ayin vwo bumi nyin? Yok gu yrong chechet tu dyep bi, nbyang ba mok tutan gu. Ba kwon gu amio bumi ayrok Atyo. ¹⁵ Nbyang Nai bu chuchuk li chirok atyi nzwan'u, nbyang Atyo'u li tabog gu. Kanang gu nyio katuk, Gwazi'u li yurub gu zo. ¹⁶ I kok ntong katuk nyin ni ba agyang nyin nbyang imok tutan agyang. Bi sangag nang ilin churok. Mok atyi nyi tsan byo chet ba ntam hu ni. ¹⁷ Iliya mun gyet ayin'a nang nzit'i. Asi mok bu chuchuk da ali vad zit dak. Asi ma vad zi ba abyin khi dak bwu ndyo ntad bu zwad utii. ¹⁸ Aza'a Iliya si bu mok. Tazi khi si bai bu zii, abyang swanti'u si nwak asum. ¹⁹ Lanyuk nu bi, kanang ayin tep bu chuchuk'u, agyang anyet si bwok bangu bai do, ²⁰ yok atyi awai lyen nang atyi abwok bu atyi nyio katuk nyiet do ban ntep gu di san gu nbwak aghu, nbyang amu li kup katuk guni deni. front