Apio
Chapter 1
1 Yahuza, aghwo Yesu kristi, lanyuk Yakub, tunad ba anyet nang a yurong'i, nang Gwazi Adi'u nsak alio, asi mu sak Yesu kristi do: 2 Yok fok kunak nbyang swad dasham nbyang chat'u hu bwu nbyang bayin. 3 Nsak alio, nang ni tyu di lru nyin zo krok shi san nang zi bio'i, hu yet ti'a, nlru nyin zo ntak nyin in byang nyi zi bi chet krok chuchuk nang atyi anyet ghwi bi do nbwak salai. 4 Anyet agyang nyiin nwo bayin ban ntsang. Anyet ba nang atsak kan ghai abwuk banbi. Anyet nang daba lyen gwazi ba dak, nang ba bwan sitan Gwazi zit'u, krok yayara nyio, nang ba mun tan Atyi-uli zit'u a nyin gu nbyang Atyo, Yesu kristi. 5 Nini nchat njyung nyin- ko nang ikan ndyen'i - nang Atyo'u nsan anyet bi wuruk zo ba byin Masar khi, ama asi bu bwuk ba anyet ba lak nwak chuchuk ui. 6 Anya'a nman ntam Gwazi nang ilak ghwi tyok hu yet sin bi'u, ama anyet nang ba wot achuk uvwo nswat bi'u, Gwazi lab bi sak bu iywan ntsom sang gag, bu umi atsak ndyin, fwong ashod u bu gbandang mam'u. 7 Hu shiyak nang sodom bu Gomora nbyang akum umi-ukrang ikrak bi'i, nang ba mun chi apio bi bu yayara nyio nbyang chat vam. Achi bi ba yet kyang-mak'a ba anyet ba swo kan bu uli-ndong sang-gag. 8 Ba'anya, anyet len babwai bei mu nbyan nvam bi ni. Ba lak tyok'u, biba lyat nkyang byan anyet tutan gbandang anyet. 9 Ama ko Maked, alyak ngwon ntam Gwazi'u, nang ban bwan agyang bu tanyrang khi kwan ba agyang tutan vam Musa khi'i, a do dam a lap ashod ngad tutan gu dak. Asi krak hyio, "Yok Atyo'u kam'a!" 10 Ama anyet bei bai ba ngad tutan nkyang nang da ba fuk dak. Ama Kyang nang ba fuk'i, kyang nang nyam sang adam lyen ba ifwu apio bini, nkyang nei na byan bi. 11 Hu swan fwong bi! Ba chong ba nvak Ka'inu nchong'i, basi ntyo apio bi bu tep nang Bal'amu nyio'i, krok chat shio shii. Ba tsak kan bwuk ban zan fep apio Kora'u. 12 Anyet bei yet anyet ba nang ba nyad apio bi ba agwai chat nyin'u, ba gwai di ba nsum, Ba gyi nkwan apio bi'a zo. Ba yet anian sang saghwad, nang wun'a kok bi. Biyet ukwan sem na nang i sang aswum - i kwi bwoi ufiyang, a shwei bi ba anan bi. 13 Ba yet iywan Saghwad bio chet'a ba agyui, hyai zafwi nswum bini gwud do nti. Ba yet tungwad ikat, iba nang asak didyung ndyin'u nfwong tunad sangag. 14 Enok, atyi natad nyiet ba Adamu, shei uswon tutan bi, aba nyio, "Ili, Atyo tubai bu kwob nbyang nkwob si zazrak anyet gu'u. 15 A tubai anyio kudanyan ashod'u. Atubai ajyuk anyet nwai lyen gwazi bi tutan ntam ba nyio salai ban vak lak yet, bu salai katuk alyat anyet nwai ghwi Gwazi lyat tutan bi." 16 Ba yet anyet trung angwurung ba, anyet kwap adyung ba, nang ba ghwi kyang katuk vam bi'u chat'i. Ba yet anyet chyin apio bi'a, nang huli nget bi tafad'a, ban ntyam akum khi. 17 Ama nyin, nsak alio, i jyung swang alyat nang nman-ntam Atyo zit'u Yesu kristi lyat gbanbang'i. 18 Ba hyio ba nyin, "Ba nghen nzan u, anyet mai anyet li ghwi gag nwai lyen Gwazi bi'u." 19 Anyet bei tyet kam. Ba yet si duniyo ba, da ba bio tsui dak. 20 Ama nyin, ansak alio nu bi, inok apio nyin bumi zazrak chuchuk nyin u, I mok bu zazrak ntsui. 21 Isak apio nyin bi chat Gwazi'u, fwong tyoi kunak Atyo Yesu kristi zit'u nang abai ban nyin swon sangag. 22 I fok kunak anyet nang ba nbun fwoi. 23 Isan akum anyet khi wuruk do ba ndong u. I fok kunak akum anyet khi bu uwun. Imun dak aturo nang vam byan. 24 Nini atyi nang asak nyin isi shiok dak'i, nang achi nyin yong duswon gbandang gu'u, da ba abun nbyang gbandang asai nfwo, 25 tunad ba Gwazi atyisan zit'u anyung krok Yesu kristi Atyo zit, gbandang'u, shi'u, tyok'u, nbyang chet'u, salai nzan, nini, nbyang tunad sang gag. Hu swan anya. front
