Apio

Chapter 1

¹ Anyet deni kuwan ba lru krok nkyang nang anyio zit zo'i ban jan do i. ² bu sangang ban nwak zit'i, nang nyiet suswan ba yet anyet byang li nbyang aghwo nswang alyat bi. ³ Aya nu ndi humu ngyet usham banu, nang nu lirim kodi kyang chachirak nyet ba suswan'i, ndru'a nkyang ni chacharak, nwan atyi atan'u Tiyofalas. ⁴ Huli anya undyen chuchuk nkyang nang akan tyet'ai. ⁵ Ba njan Hiridus ji, agwam Yahudiya, aki nbio atyi kwi anyet bu Gwazi nang angyai Zakariya, ashi ba apwi Abaija. Abyuk gu a nyiet bu kyanbwak Haruna'ua, ayai gu Alisabatu. ⁶ Bi ba yet anyet nyio nkyang ntan na du gyi Gwazi, chiyet bi'u bio abun dak krok nchyi ni nbyang nkyang Gwazi'u chat ba nyio'i. ⁷ Ama ba bio ngwon dak, Alisabatu yet lahu'u, salai bi ba kwop ba zan zi. ⁸ Utuk ugyang Zakariya shi du ugyi Gwazi nyio ntam kwi anyet bi Gwazi bu uvwo nang gu nshi'i. ⁹ Ban nyio tada si ghai atyi kwi anyet bu Gwazi, a tin gu bi ghai'a a nwo bu tu nai Atyo ashwai nkyang ibio swam tan. ¹⁰ Salai akum apwi anyett'u ba shi bi Nai nti ban jan nang anshwai nkyang ibio swam tan'i. ¹¹ Aza ngwon ntam Gwazi ntad wuruk du gyi gu, kisi yong ba nbwak yak aghan nai'u. ¹² Nang Zakariya ndi gu'i asi tyi zwob,uwun si tabat gu. ¹³ Ama ngwon ntam Gwazi khi si hyio bangu, " Yok fok uwun dak, Zakariya, krok afok nai ahu. Abyuk'au Alisabatu li byin'a asam. Uli yei khi Yohna. ¹⁴ Uli nyio agwai nbyang asai alyio, anyet deni li gwai krok byin gu'u. ¹⁵ Ali yet gbandang dugyi Atyio. Ali swo anwai aswum ukwan dak, ko nkyang swo ibyo chet dak, Awod ali shi dandung ba Zazzrak ntsui, nyet bu ufi ayang gu khi. ¹⁶ Anyet deni bu Israila'u li bwok bai ba Atyo'u Gwazi bi'u. ¹⁷ Ali nad bu gyi Atyio ban tsui nbyang chet Iliya. Ali nyio nkyang nei a nbuwak ilio adi'u hu nad ba nman bini,bisangag nang anyet gbap apio li chong ba nvak mamwang anyet nyio nkyang ntan, anji Atyo anyet nang ba lyen swan'u fwong gu'ui." ¹⁸ Zakariya si hyio bu ngwon ntam Gwazi khi, "Ni'a ni ndyen kyang i? Nkwop, abyuk nu'u mun kwop." ¹⁹ Ngwan ntan Gwazi khi si shim gu zo, " Nu'a angyei Gabriel, nang ayong du ugyi Gwazi khi'i, atam nu nbai ntak'a wa alyat ntan nei. ²⁰ Li! Uli tyi nyanyuang uli lyat dak, sei utuk nang nkyang nei nkwi'i, krok lak nwak chuchuk ba swang alyat nuzi'u, nang ili kwi chachirak ban jan i ntai'i." ²¹ Nini anyet bi fwong Zakariya. bi ba dam ya hwa chi gu li byang'u bu tu nai'u. ²² Ama nang gun nguruk'i asi tyu lyad'u ywai ban bi. Ba si fuk nang gu ndi duswon bu tu nai'u. Asi gyi uswon bi lyat banbi ban nbwak nyanyuang. ²³ Husi ntad anya nang nmam ntam guni ntyak'i, asi bwok nad abang gu. ²⁴ Nang nmam anai nsuwak'i, abyuk gu'u Alisabatu si shi shyo. Asi yaghwi tunad zwat tsuwon. Aba nyio, ²⁵ "Kyang'i hwa Atyo'u nyio nu zo, nang gu ndi nu bu kunak'i nang gu li ntin nu nswum ni ba anyet bi'i." ²⁶ Ba nzwad uti zi, Gwazi si tam ngwan ntam gu khi Gabriel bu ukrang Galili, nang angyei Nazarat, ²⁷ bu guniyem nang ki kan dyen atyok dak, nang atyi agyang angyei Isuf. A nyiet ba nkwai Dauda, tsui gunyem zi ayei Mariya. ²⁸ Asi bai bangu, asi hyio, " Nbyad'a, ushio gbandang ghai! Atyo'u shi dandung ba nwan." ²⁹ Ama asi chi tatad ba alyat guni awod asi nwo adam bu da tankai byad'a lili hwi'i. ³⁰ Ngwan ntam khi si hyio bangu, "Yok fok uwun dak Mariya, ushi yet atan ayin bi Gwazi'u. ³¹ Li, uli kyak ufi u byin ngwon asam, uli yei khi 'Yesu'. ³² Ali yet gbandang ayin, ali yei gu Ngwon Atyi a nsuwak'i salai. Atyo Gwazi'u li zan gu kyangnswad tyok addi gu'u Dauda. ³³ Ali nyio tyok'u tutan nkwai Yakubu tunad sangag, tyok gu'u li tyak dak." ³⁴ Mariya si nhyio ba ngwon ntan Gwazi khi, " Huli kwi ni'a, nang da nkan dyen atyok dak?" ³⁵ Ngwon ntam Gwazi khi si shim khi si hyio bangu, "Zazzrak Ntsui'u li chiyok tutan'a nbyang chet Atyo anwsak'i li shi dandung ba nwan krok anya, Zazzrak Atyi ali byin'i, ali yei gu Ngwon Gwazi. ³⁶ Di, lanyuk'awu Alisabatu mun shi bu shio ngwon asam bu kwop gu'u. zwad uti guzi za zei, ngu nang agyei laghu'i. ³⁷ Ba kyang huli suwak chet Gwazi'u." ³⁸ Mariya si hyio, "Di, ngyet anab'a agho Atyo. Yok huli ban nu anya bisangag u nhyio'i."Ngwon ntam Gwazi khi si nkad. ³⁹ Awod mariya si tabok anfyen ban nmam anei asi nad ba agung ukrang khi, tunad bumi ukrang Yahudiya. ⁴⁰ Asi nad abang Zakariya asi byad Alisabatu. ⁴¹ Nang Alisabatu nfok byat Mariya'ui, ngwon ki shi bu ufi gu khi'i si chi gugruk, nbyang Zazzrak Ntsui si chiyok tutan Alisabatu. ⁴² Asi tang'am anghuad gu khi tutan asi hyio, "Krok nmyang'a uyet ba anyuk bi, nbyang krok nmyang'a yet aswum chi-ntyai'a khi. ⁴³ Huli ni'a nang ayang Atyo nu'u li nbai ba nu? ⁴⁴ Diyong'u, nang anghuad byad a khi nwo ba afwo nu bi'i, ngwon khi shi bu ufi nu ki'i si fub ba agwai. ⁴⁵ Krok nmyang'a yet ngu nang a nwak chuchuk'i ei kyank Atyo'u tak gu'u lin bai chachirak." ⁴⁶ Mariya si hyio. "Fwo nu'u dyep Atyo, ⁴⁷ nbyang tsui nu di gwai bi Gwazi Atyi san nu'u. ⁴⁸ A chiyang asi li lad nu'u agho guniyem. Dali, tabat nyiet nini tunad nchiyan li yei nu 'atyi akrok gu nmyang.' ⁴⁹ Ngu nang ayet gbandang'ui anyio nu chechet nkyang, awod ayrok gu khi yet zazzrak. ⁵⁰ Fok kunak gu'u lin ntad nchiyan ban nchiyan tutan anyet ba fwong uwun gu ni'i. ⁵¹ A nyio nkyang bu chet bu bwak apio gu, asi fuwai apwi anyet ba chiin apio bi bu ilyio bi'u. ⁵² Asi tin anyet tyok bi ba nkyangswad bini, asi drok bu anyet ba shio bu lad'i. ⁵³ Anwak anyet nzwong bi kyang ntan, ama asi tyi anyet byo zwi bi talyen nbwak nghwod. ⁵⁴ Anwak byang gu'u bi Isra'ila aghwo gu'u', krok ajyung nyio kunak ⁵⁵ (Nang gu nhyio ba addi zit bi'i) bu Ibrahim nbyang kyang nbwak gu'u tunad sangag." ⁵⁶ Mariya si swan bu Alisabatu tunad zwat tsat, asi du bwok nad buli gu khi. ⁵⁷ Nini nang jan Alisabatu zi nbai abyin ngwon gu khi'i, asi byin ngwon asam. ⁵⁸ Langyuk nswat gubi nbyang kwai guzi nfok nang Atyo nfok kunak gu'i, basi gwai dandung ba ngu. ⁵⁹ Nini hu ntad nmam unai'nbwak basi bai ba sak ngwon ki bi itam, ba bu chat ba yei khi ''Zakariya,'' bugag nang angyei ayrok addi khi'i. ⁶⁰ Ama ayang'u si shim aba nyio, " ka'ai. Ali yei gu Yohna." ⁶¹ Basi hyio ba ngu, "Anbyo ayin ban nkwai nyin zi nang angyei ba ayrok kei dak." ⁶² Basi lyat ba nbwak ba addi'u di sangag gu chat angyei khi'i. ⁶³ Addi'u si lyip a zan gu nchong afang lru, asi lru, ''A yei gu yohna.'' Si hwi si yet bi kyang uwun salai bi. ⁶⁴ Bumi nzan unu gu khi si tyak nbyang alyem khi si byuk. asi alyat aba dyep Gwazi'u. ⁶⁵ Uwun si tabat salai anyet nang ba swan ban nkyung bi'ui.Salai nkyang nei si tyak salai agung ukrang Yahudiya khi. ⁶⁶ Salai anyet ba fok kyang nei si sak ni ba nfwo bini, biba nyio, "Yaha ngwon kei li yet?" Nang bwak Atyo'u nshio dandung bangu. ⁶⁷ Addi gu'u Zakariya bu shio bu Zazzrak Ntsui aba shei alyat, aba nyio, ⁶⁸ "Dyep'a yet Atyo, Gwazi Isra'ila'u, krok abai abyang awad asi nyio san anyet gu bi. ⁶⁹ Asi vwad zit agwi san ba nkwai aghwo gu'u Dauda, ⁷⁰ nang gu ndyat bu unu zazzrak atyi shei alyat nang ban nshio bangbang'i. ⁷¹ Ali bai bu san nyet bu lanvan zit bi, nbyang nbwak salai anyet ba lak li zit. ⁷² Ali nyio si hwi an ndi kunak addi zibi, nbyang anjyung zazzrak lab nu gu'u, ⁷³ shin-shi nang gu lyat bu Abraham addi zit'ui. ⁷⁴ Ashi anwak zit, nzit nang gu san nyiet do nbwak lanvan zit khi'i, zili dyep gu da bu uwun, ⁷⁵ bu zazzrak nyio nbyang nyio tsan du ugyi gu salai nmam zini. ⁷⁶ Eh, nbyang nwan, ngwon, ali yei'a atyi shei alyat atyi ansuwak, krok uli nad Atyo adu bai uji gu vak, uji anyet bi nfwong bai gu'u, ⁷⁷ u nwak lyen shi san'u ba anyet gubi bu kwi katuk bini. ⁷⁸ Si hwi li kwi krok li kunak Gwazi zit'u, krok uhwa mam'u nvwad tutan hu bai hu byang zit, ⁷⁹ hu sai tutan anyet ba swan ban dyin'ui nbyang igwo aghu'ui. Ali nyio si hwi a nghwi bu chiyed zit'u tunad ba nvak nswad dusham." ⁸⁰ Nini ngwon khi si lai nbyang khi si byo chet ba nstui, awod asi shio ba ntsui uyit sei mam nang gu ngwruk kpasai bu Isra'ila bi'i.

Chapter 2

¹ Ba nmam anei, hu si nbai nang Kaisar Agustus ntam bu chyi nang ali nyio fang salai anyet nang ashio ba nswad nti'ui. ² Si hwi hwa yet Suswan fi'uwa nang anyio ba nzan nang Kiriniyas ngyet gwamna Suriya'ui. ³ Koda'anyan si nad bu ukrang gu ki afi gu bu fang'u. ⁴ Isuf si mun drok nyiet Galili, nyiet bu umi ukrang Nazarat,nad Yahudiya, tunad bu umi ukrang Dauda nang angyei Baitalami'i, krok ashio ba nkwai nbyang kyang-bwak Dauda. ⁵ A nad aza atu fang gu dandung bu Mariya, nang gu nchat'i aba shio ufi. ⁶ Nini hu ntad nang bali shio aza, zan si nyio nang guli nbyin ngwon gu khi'i. ⁷ Asi byin ngwon asam, suswan ngwon gu'u, asi grak khi ba aswop nchong atroh asi mad gu bu kakpwong,krok tu bali nmad gu bumi nshi dak. ⁸ Anbyo anyet chok ba nkyai'u nang ba swan ba akpwai awai, chiyang zwi bizi tutuk. ⁹ Aza ngwon ntam Atyo si tad wruk banbi, gbandang Atyo'u si tad bi,basi mei fwong uwun. ¹⁰ Aza'a ngwon ntam Gwazi si hyio banbi, "Iyok fok uwun dak, krok nbai ba nyin alyat ntan nang ili chio anyet bi salai ba gwai. ¹¹ Ufwun abyin nyin atyi san bu umi ukrang Dauda! uhwa yet Atyo'u kristi! ¹² Kyang nang ili li'i hwa hwi, ili shio ngwon nang agrak bu nchong atroh asi mad khi bu kakpwong." ¹³ Bu umi nzan dandung ba ngwon ntam Gwazi khi asi li apwi ahuwad tazi nang ba dyep Gwazi'u, biba nyio, ¹⁴ "Gbandang'u yet si Gwazi nang ayet alyak'ui, nbyang yok kai ndi'u hu nshio ba anyet bi bu swanti'u bu atyi nang gu fok nyanyang'i." ¹⁵ Ba zan azei nang ngwon ntam Gwazi khi nkad nad tazi'i, anyet chok bi si hyio ba agyang bi, "Ibai zi nad Baitalami, zi li kyang hu kwi'i, nang Atyo'u tyi zit zi lyen'i." ¹⁶ Basi nad afyen aza basi tu shio Mariya nbyang Isuf, basi li nang amad ngwon khi bu kakpwong'u. ¹⁷ Nang ba ndi gu'ui, basi tyo asi lyen kyang nang atak bi tutan ngwon khi'i. ¹⁸ Koda anyan'a fok kyang nang anyet chok bi lyat'i hu si yet bi kyang adam. ¹⁹ Ama Mariya si gyi uswan bu dam tutan kyang nang gu fok'i, nyiet nang ba nfwo gu'u. ²⁰ Anyet chok bi si bwok nkad, basi nwak gbandang nbyang dyep Gwazi'u krok kodikyang nang ba fok'i nbyang kyang nang ba li'i, bisangag nang antak bi'i. ²¹ Nang nghyen mam unai-nbwak'u nyio'i, nang ansak gu bi itam'i, basi tyi gu ayrok khi Yesu, ayrok nang ngwon ntam Gwazi khi nwak'i asi du kyak ufi khi'i. ²² Nang nmam abwo ban kwi apio bi'i nsuwak'i,dan gag chyi Musa'u, Isuf nbyang Mariya basi bai ba ngu bu tu dyep'u Urselima ba nyep gu ba Atyo. ²³ Bu sangag nang a ndru bi chyi Atyo'ui, "Koda ngwon asam nang khi tyak achi ntyei ayang gu'i ali sak khi nkang khi yet Zazzrak bu Atyo." ²⁴ Anya basi nwak zinang bizi bu sagang nang chyi Atyo'u nhyio'i,''abwad afiyang ko nman abwad ufiyang." ²⁵ Anya'a, abyo ayin Urshelima,nang angyei saminu, atyi wi'i yet atyi nyio nkyang ntan nbyang atyi nwak apio. Aswan fwong go ali atyi ali bai abyang Isra'ilawa bi'i, nbyang zazzrak Ntsui mu shi tutan gu. ²⁶ Zazzrak ntsui'u tsak kan tyei gu do nang guli ghu dak sei nang guli Atyo kristi. ²⁷ Ntsui hwi bu Saminu tunad do bu tu nai'u. Nang addi bi nbai ba ngwon khi Yesu'i, anyio gu zo bu sangang nang chyi'u nhyio'i, ²⁸ asi kyak gu ba nbwak guni asi dyep Gwazi'u asi hyio, ²⁹ "Nini yok aghwo'au ankad dusham,Atyo, bisangag nang alyat ani nhyio'i. ³⁰ Agyi nu bi li shi san'ahu, ³¹ nang unyio du'ugyi anyet khi salai. ³² Ali yet sai'a si tyai duswan ba anyet sang hwi bi nbyang gbandang ba anyet abi Isra'ilawa bi." ³³ Addi ngwon'u nbyang ayang'u husi nang bi adam krok nkyang nang alyat tutan gu'i. ³⁴ Saminu si nkrok bi nmiyang asi hyio ba Mariya ayang gu'u, "Li, ngwon kei aghai khi khi yet vak shuwad nbyang vak vwad anyet deni bu Isra'ila'u khi yet kyang'a nang ali lak- ³⁵ Anya, tswat lin sirak fwo'ahu, bu sangag nang adam anyet deni lin wruk kpai." ³⁶ Atyi shei ntam Gwazi nang angyei Anna nshio aza. Ayet ngwon anap Fanuyila ka bankwai Ashiru. Akwop deni. Ba nyio njio natad nang ba shi dandung ba atyok'u asi ghu gwon gu ³⁷ nang atyok'u nghu'i asi swan njio nswak unai'nbwak ba anai. Adu gwon tu dyep Gwazi'u dak ama aba dyep Gwazi'u bu mub unu nbyang mok tutuk bu tamam. ³⁸ Chachirak zan azai, asi bai npwen banbi asi kwi nyi Gwazi'u agwai asi lyat tutan ngwon nang ko nyan ma nkai nfwong krok san Ushelima'u. ³⁹ Nang ban ntyak kodi kyang bisangag nang chyi Atyo'u nchat'i, basi bwok nad Galili, tunad bu ukrang bi khi Nazarat. ⁴⁰ Ngwon khi si lai khi si nbyang chet'u, khi si nbyan mamwang'u, sitan Gwazi'u si shi dandung ban khi. ⁴¹ Atyo gu bi chong Ushelima ko da alio ba nyio agwai wuruk'u. ⁴² Nang gu ntad alio swak ba afiyang'i, basi bu nad agwai'u bu gag ta'ada bi'u. ⁴³ Nang ban swan tyak salai nmam agwai ni'i,basi nwo bwod net buli. Ama ngwon khi Yesu si bwok nswan Ushelima nang addi gubi lyen dak. ⁴⁴ Ba kyak Yesu nhwi akum anyet ba chong banbi'i,basi nyio chiyet mam nyung. Basi kwi chat gu bumi lanyuk khi nbyang akpandang bi. ⁴⁵ Nang da ban shi gu dak'i, basi bwok nad Ushelima ba'ba chat gu aza. ⁴⁶ Nmam ntad ni nswak'i ba nzan azei, basi tu shi gu bu tu dyep Gwazi'u, nang gu swan bu uchio anyet tyet, aba fwong bi aba mun lirim bi. ⁴⁷ Salai anyet nang ba fwong gu'i basi nwo adam bu fuk gu'u nbyang gag nang gun nshi bizo'i ⁴⁸ Nang ba ndi gu'i, husi nwak bi adam. Ayang'u si hyio bangu, ''Ngwon, yaha u nyio zit do anya? fok, addi'a nbyang nuzi van bi chat'au.'' ⁴⁹ Asi hyio banbi, ''Yaha nbyio nang i nchat nu? I lyen nang hu yet ti'a nshio buli addi nukhi da'a?'' ⁵⁰ Ama basi fuk kyang nang gu dam ba swang alyat azai'i dak. ⁵¹ Aza gu sin hwi bi bwok nad buli banbi Nazaret aba mu nwuad bi bok'u. Ayang'u si sak salai nkyang nei ban fwo gu'u. ⁵² Ama Yesu si gyi'uswon bu lai bu mamwang nbyang vam,asi nbyang shi nwo bu Gwazi'u nbyang ba anyet bi.

Chapter 3

¹ Ba njan nang ndyo ni yet swak ba nfwan bu tyok Tiberiya Kaisar-nang Buntus Bilatus a yet gwamna Yahudiya u, Hiridus a ba yet dadai agwam Galili u, lanyuk gu'u Filibus'a ba yet dadai agwam ukrang Itauriya nbyang Tarakunitas, Lisaniyas si yet dadai agwam Abiliya, ² ba njan nang Hananiya nbyang Kayafa ngyet chachet anyet kwi anyet bi'i--, swang alyat Gwazi di si bai bu Yohna ngwon Zakariya bu uyit khi. ³ Asi chong salai bu ukrang nang khi grak chen Urdun'ui, aba shei alyat Baptisma kok ntong a yrub Katuk ni. ⁴ Bisangag nang an lru bu Kwi-abwad swang alyat Ishaya atyi shei tam Gwazi, "Anghuad ayin yai bu ga nti uyit'u, 'Iji Atyo vak'u, iji gu do tatwai. ⁵ Ali fang koda anyan, awod koda agung ba afan li bwok chio tatai, nvak nang igwanni ali nyep ni tatwai, kyakyak uvo ni anok ni iyet nvak, ⁶ salai kodi vam hu li san Gwazi'u.''' ⁷ Anya Yohna si hyio bu apwi anyet nang ba bai a nyio bi baptisima di, "Nyin nman ywan anyan'a hyio ba nyin e yok ituyong aligyi nang khi tubai'i? ⁸ Ba anya i tyo aswum nang khi mai kwok ntong, iyok kwi lyat ba agyang nyin e 'Ibrahim a yet addi zit'u,' ntak nyin Gwazi'u mai abwak nfang nei iyet nman Ibrahim. ⁹ Ko nini asak ughuwan khi ba anan ukwon bi. Nang koda ukwon khi lak nwak aswum utan ali tyap khi jip abyin awod ati khi ba ndong." ¹⁰ Aza apwi anyet'u si nwo lrim gu ba ba nyio, "Yaha nang zili nyio?" ¹¹ Asi shim bido aba nyio, " kanang ayin byo atro afiyang anwak atyi nang da abyo dak, nbyang atyi abio yak amun nyio anya." ¹² Anyet sai krum abyin bi mun bai anyio bi Baptisima di, basi hyio bangu, "Atyi-tyet, yaha zili nyio ?" ¹³ Asi hyio banbi, " Iyok sai krum'u swak sangag nang anyio yok insai'i dak" ¹⁴ Aghuwad agyang si mun lyip gu biba nyio, "Yaha zili nyio?" Asi hyio banbi, "Iyok san krum ayin bichet dak, iyok mun lab ayin ngad dak. Insak fwo'u bu krum nzwat yinnu hwa." ¹⁵ Ba njan zi anyet bi si insak fwo ba li bai Kristi'u, ko ayan ba dam ba nfwo bini kei Yohna'a yet Kristi. ¹⁶ Yohna si shim bi do aba nyio banbi salai bi, "Nang nu'i, nnyio nyin Baptisima zi bu saghwuad, ama agyang anyet tubai nang asuwak nu bi chet'u, nmai nbyuk aywan kwi-ntak gu khi dak. Ali nyio nyin Baptisima zi bu Zazzrak ntsui nbyang long. ¹⁷ A byong ufuwong zang khi ba bwak gu'u nang guli tin nswo ni atung tsui yak zi bai zo ba gban'u. Ama ali shuwai nswo ni bi long nang da ali ngya anyip dak." ¹⁸ Ba alyat deni, Yohna si shei anyet bi alyat ntan. ¹⁹ Nang a nvong Hiridus dadai agwam'u bu bwo abyuk lanyuk gu'u Hirudiya, nbyang akum katuk nkyang nang Hiridus nyio'i. ²⁰ Ama Hiridus si bu nyio ga katuk kyang. Asi tyi asi fang Yohna bu ghwo. ²¹ Nini hu ntad angyi'i, nang anyio anyet bi Baptisima di salai asi mun nyio Yesu baptisima zi, nang gu shi bi nai'u, tazi khi si tiyak. ²² Zazzrak Ntsui'u nang vam'i si chiyok tutan gu nang abwad'a i, awod anghuad si wruk nyiet tazi, "Nwan'a yet Ngwon nuki, nang nchad'i. Nfok nyanyang ba nwan." ²³ Nang Yesu nfwum ntam guni'i, nang gu yet ndyo nswak ntad. A bu yet ngwon (nang a bu nkya'i) Isuf kya, ngwon Heli, ²⁴ ngwon Matat, ngwon Lawi, ngwon Malki, ngwon Jannai, ngwon Isuu. ²⁵ Isuu yet ngwon Matatiya, ngwon Amos, ngwon Nahum, Ngwon Aziliya, ngwon Najaya, ²⁶ ngwon Ma'ata, ngwon Matatiya, ngwon Shimeya, ngwon Isuu, ngwon Joda. ²⁷ Joda yet ngwon Yowana, ngwon Refaya, ngwon Zerubabel, ngwon Sheyaltiyel, ngwon Niri, ²⁸ ngwon Malki, ngwon Addi, ngwon Kosam, ngwon Almadam, ngwon Eri, ²⁹ ngwon Joshuwa, ngwon Eliyezer, ngwon Yorima, ngwon Matat, ngwon Lawi. ³⁰ Lawi yet ngwon Saminu, ngwon Yahuza, ngwon Isuf, ngwon Yunana, ngwon Aliyakim, ³¹ ngwon Malaya, ngwon Mainana, ngwon Matatat, ngwon Natan, ngwon Dauda, ³² ngwon Yese, ngwon Obida, ngwon Bo'aza, ngwon Salmon, ngwon Nashon. ³³ Nahshon yet ngwon Amminadab, ngwon Admin, ngwon Aram, ngwon Hezron, ngwon Perez, ngwon Yahuza, ³⁴ ngwon Yakub, ngwon Ishaku, ngwon Abraham, ngwon Tera, ngwon Nahor, ³⁵ ngwon Serug, ngwon Reyu, ngwon Feleg, ngwon Eber, ngwon Shela. ³⁶ Shelah yet ngwon Kenan, ngwon Arfakshad, ngwon Shem, gwon Nuhu, ngwon Lamek, ³⁷ ngwon Metusela, ngwon Anuhu, ngwon Yared, ngwon Mahalalel, ngwon Kenan, ³⁸ ngwon Enosh, ngwon Shetu, ngwon Adam,ngwon Gwazi.

Chapter 4

¹ Nang Zazzrak Ntsui shio dandung bi Yesu, nang gu buwok nyet bu Chen Urdu'u, Tsui di si chong bangu tunad ban nti uyit ² aza tanyrang khi si mak gu bu mi nmam nswak nnai. A bu gyi kyang ba nmam a nai dak, awod zwong si tabad gu ba nyen nmam anai. ³ Tanyrang khi si hyio bangu, "Kanang uyet ngwon Gwazi kya, chi afang khe ki bwak chi bredi." ⁴ Yesu si shim gudo, "A lru, 'da yang bredi kya atibishi'u li nswon ndai dak.'" ⁵ Awod tanyrang khi si bu kyak gu nad do tutang uvwo, khi si tak gu ntyok ni bi swanti'u ban nzan di azah . ⁶ Tanyrang khi si hyio bangu, "Nni zan'a salai chet'u nbyang nkyang ntan ni, i shio nbwak nu, Nni nwak atyi nang nchat nwak'i. ⁷ Ba anya kanang uli kprak ahwud'abi abyin u dyep nu, ili yet si nwan." ⁸ Ama Yesu si shim asi hyio bangu, "A lru, 'U li dyep Atyo Gwazi'au, uwod u nyio gu ntam ni anyin gu.'" ⁹ Aza tanyrang khi si kyak Yesu nad zo Urshelima awod asi sak gu tazi tuzi tutan nok tu dyep'u, asi hyio bangu, "Kanang uyet ngwon Gwazi kya, fup nyed azi tunad abyin. ¹⁰ Nang an dru'i, 'Ali nwak chyi anyet ntam gubi da a nyan a khi, ba chok'a,' ¹¹ awod, 'Bali byong'a tutan ba nbwak bini, tyong u du tuk tak ba fang.'" ¹² Yesu si shim gu do, asi hyio, "Ahyio, 'Yok mak Atyo Gwazi'au dak.'" ¹³ Nang Tanyrang khi ntyak mak Yesu'i, khi sin nkat khi si wod gu sei jan jyang. ¹⁴ Aza Yesu si nbwok nad Galili bumi chet Ntsui, alyat ni tutan gu khi si tiyak krak salai akpai'u. ¹⁵ Aza asi nwo tyet ba atu nai bi, awod ba si dyep gu salai. ¹⁶ Asi bai Nazaret, bu uvwo nang gu ndai'i,di tada gu'u, asi nwo bu tu nai utuk mam fwung khi asi tabok yong a fang bu gbandang anghuat. ¹⁷ Basi zan gu ufum kwi'abwad Ishaya atyi ntam Gwazi. Nang gun tiyak'i asi shio uvwo nang an dru, ¹⁸ "Tsui Atyo di shi tutan nu, krok, akrok nu amio ntak kunak ni alyat ntan. A tam nu nshei awot aghwo bi, ntyak apak'agyi ba shi chiyang, atyio awot anyet nang ashui, ¹⁹ nshei alyo nang Atyo li nbyang'i." ²⁰ Aza, asi kruk ufum kwi'abwad ki, asi bwok zo nwak atyi ntam'u, asi swan abyin. Anyet bi salai bu tu nai'u basi ntin agyi bi bangu. ²¹ Asi nwo lyat banbi, "Ufwun kwi'abwad'i nang i fwong'i hu bai chachirak." ²² Anyet bi salai aza si lyat dusham tutan gu husi nwak ko anyan uwun ba alyat ntan nang igwud bunu gu khi'i, awod basi lyib, "Afai Isuu a wi da?" ²³ Asi hyio banbi, "Ndyen ili krak nu gan de, 'Abwok, churok apio'a. Kodi kyang nang zi fok u nyio bu Kafanahum, mu nyio hu bu ukrang a khi.'" ²⁴ Ama asi hyio, "Chuchuk nhyio ba nyin, asai atyi ntam Gwazi bu ukrang gu dak. ²⁵ Ama nhyio ba nyin chuchuk nang aka-nyuk bu nshio deni bu Isra'ila ba nzan Iliya di, nang abu nfang tazi khi tunad njio ntad bu zwad utii, gbandang nzwong si kwi abyin khi salai. ²⁶ Ama atam Eliya ba ayin banbi dak, sei bu Zarifat bu Sidon, bu kanyuk nang aswan aza'i. ²⁷ Abyo anyet gbab deni bu Isra'ila ban zan Elisha, atyi ntam Gwazi, ama asi churok anyin banbi dak sei Na'aman, atyi Siriya." ²⁸ Anyet bi salai bu tu nai'u si mei fok alyigyi nang ba nfok nkyang nei. ²⁹ Basi tabok yong, basi gyun gu wruk do bu ukrang khi bichet, basi tunad bangu ba njid afan di bu uvwo ban nnok ukrang bi khi'i, ba nshio nyiet do ba njid afan zi. ³⁰ Ama asi swak bumi bi khi asi tunad bu uvwo ugyang. ³¹ Aza asi chong nad Kafanahum, bumi ukrang Galili, asi nwo tyet bi bu mam fwung. ³² Basi fok uwun bu tyet gu'u, krok abu lyat bu gbandang. ³³ Nini bu tu nai'u nang agyang anyet nbyo katuk ntsui,awod asi tyio kun bichet, ³⁴ "Ah! yaha zi chat nyio ba nwan, Yesu atyi Nazarat? Ubai ubwuk banzit'a? Ndyen atyi uyet'i--- uyet Zazzrak ayin'a si Gwazi!" ³⁵ Yesu si kam katuk ntsui'u, aba nyio, " Tyi nywang u wruk bangu!" nang katuk Ntsui'u nmi gu abyin bu utyio anyet khi'i, asi wruk bangu, da abwu gu fwod dak. ³⁶ Anyet bi salai si nwo adam, basi gyi'uswan bu lyat hu ba agyang. Basi hyio, "Da tankai nswang alyat a hwi? Asi kam katuk ntsui'u bu gbandang nbyang chet basi wruk." ³⁷ Aza adau gu khi sin tyak tunad koda uvwo krak akpai'u. ³⁸ Aza Yesu si wod tu nai'u asi nwo abang Saminu. Nang akwang Saminu, mei vwo, basi nai gu krok akwang'u. ³⁹ Aza gu si ntabok yong nkpwen ba yang'u asi kam zwan di, awod isi gwon gu. Bumi nzan asi tabok asi nwo ngwad bi yak. ⁴⁰ Nang dushuyung di nyio'i, anyet bi si chong bu Yesu koda atyi nzwan nang avwo bu koda tankai nzwan. Asi syai ko da anyan nbwak gu ni asi churok bi. ⁴¹ Katuk ntsui ba mun ngwud ba agyang bi deni, baba tyed nkun , baba nyio, ''Uyet ngwon Gwazi ka!" Yesu si kam katuk ntsui bi asi vwong bi alyat ni, krok ba lyen nang ngu'a ngyet Kristi. ⁴² Nang utswon khi ntad'i, asi wruk nad bu nyanywang uvwo. Apwi anyet bi ba chat gu basi bai bu uvwo nang gu nshio'i. Basi chat gu adrok wod bi dak. ⁴³ Ama asi hyio banbi, "Hu mun gyet ti'a nshei alyat ntan ni tutan tyok Gwazi khi tunad bumi ukrang ugyang deni, krok kyang'i hwa nbyo a ntam nu adi." ⁴⁴ Aza gu si ngyi uswan shei alyat bu ko da tu nai salai Yahudiya.

Chapter 5

¹ Nini hu kwi, nang anyet yong grak Yesu fwong swang alyat Gwazi zi, nang gu yong ban kyung ntswung Janisarat. ² Asi li kukwan byei saghuad afiyang nang aghwad krok dankyung atswung'u. Nang anyet yabyed fwon bi kan gruk baba kwi akyo bibi. ³ Yesu si nwo bumi kukwan nyung si Saminu, asi tyio yok gu yuruk drok zo dadai nyet do ban byin ni nad do bu saghuad ni. Aza gun swan abyin aba tyet anyet bi, nyet bu kukwan'u. ⁴ Nang gu ntyak alyat ni'i, asi hyio bi Saminu, "Yruk kukwan byei saghuad'u nad do bi uvwo nang khi nad tswung u nti akyo bi i nhywak." ⁵ Saminu si shim asi hyio, "Atyi uli, zi nyio ntam ni ntyak utuk khi, zi tabat kyang dak, ama bu krak a hu, Nni ti akyo bi." ⁶ Nang ba nyio si hwai'i, basi nhywak fwon deni, awod akyo bibi si nwo sang. ⁷ Basi yrong akum akpandang ntam bibi bu bwak nang ba shio ba akwan sibi'i, yok ba bai ba byang bi. Basi bai basi nhyai kukwan bi salai, aza basi nwo nwai lyip. ⁸ Ama Siman Bitud, ndi ngi'i, asi swod abyin ba aghwud Yesu bi, asi hyio, "Drok npwen ba nu, krok ngyet atyi katuk'a, Atyo." ⁹ Krok abu kyak adam, nbyang salai anyet ba shi bangu'i, bu fwon ba hywak'i. ¹⁰ Yakub nbyang Yohna, nman Zabadi ni, ba bu yet anyet ntam bu Siman. Yesu si hyio bi Siman, " I yok fok uwun dak, krok nyiet nini ili yabyed anyet ba." ¹¹ Nang basi nwruk bi kukwan bibi bai do kpai'i, basi wod ko di kyang basi nhwi gu. ¹² Hu si ntad nang gu bun nwo bumi ukrang unyung, atyi nang a mei byo gbab shio aza. Nang gu ndi Yesu'i, asi swod du ugyi gu asi nai gu asi hyio, "Atyo, ku ushim, u churok nu." ¹³ Aza Yesu si nyep bwak gu'u asi bryem gu, aba nyio, "Nshim. Chirok." Bu umi nzan, gbab'u si wod gu. ¹⁴ Asi nwak gu alyat, yok gu yok tak ayin dak, ama asi tak gu, ''Nkad nkyang a, tunad atyi kwi anyet bi Gwazi ali'a u nshi kwi'u, krok kyang nang Musa nwak nyin bi chyi'ui, huyet bi kyang bwoi nghang." ¹⁵ Ama alyat ni tutan gu si tyak gyi'uswan, apwi anyet deni si bai dadung ba fwong tyet gu hu, awod ba shio churok ban nzwan bizi. ¹⁶ Ama koda nzan a aghap apio gu anad ban nti uyit ni awod amok. ¹⁷ Utuk ugyang ba nmam anai, nang gu tyed, Farisawa nbyang anyet tyet chyi swan aza nang ba bai nyiet bu achuwang ukrang deni bu akpai Galili nbyang Yahudiya, nbyang nyiet bu umi ukrang Ushelima. Chet Atyo'u shi dandung bangu a nchurok anyet. ¹⁸ Nini atyok agyang si bai, byong agyang anyet ba akpang nang a aghu vam, basi chat vak nang bali nbai bangu bumi ba mad gu du ugyi Yesu. ¹⁹ Basi shi vak nang bali nwo bangu bumi dak, krok apwi anyet'u, basi nyiak bangu nad do tutan tu khi, basi chiyok bangu ba akpang'u ba abwong lakha khi, tunad do butyo anyet khi, chachirak du gyi Yesu khi. ²⁰ Bi li chuchuk bi'u, Yesu si hyio, "Atyok, a yrub katuk a ni." ²¹ Anyet lru bi nbyang Farisawabi si kwi lyrim, "Anyan'a wi, a lyat nang Gwazi'i? Anyan'a mai a yrub katuk ni sei Gwazi anyin gu?" ²² Ama Yesu si fuk kyang ba dam'i, asi shim asi hyio banbi, "Yaha nbyo nang i nlyrim apio nyin ba nfwo nyin ni? ²³ Da nhu'a bwoi lan bu hyio'u, 'A yrup'a katuk ani' khe a hyio, 'Tabok u chong?' ²⁴ Ama i lyen nang Ngwon Atyibishi khi nbyo gbandang bu swanti'u a yrup katuk, Nhyio ba nwan, 'Tabok, kyak akpang awu, u nkat buli a khi.'" ²⁵ Asi tobok bumi nzan duswan bi khi asi kyak akpang nang gu nmyai'i asi bwok nad buli, aba dyep Gwazi'u. ²⁶ Ko anyan si nwo adam awod basi dyep Gwazi'u. Uwun si tabat bi, ba si nyio, "Zi li nkyang nang i swak chet atyibishi ufwun.'' ²⁷ Nang nkyang nei nswak'i, Yesu si drok aza asi li atyi sai krum abyin nang angyai Lawi nang gu swan bu suswak anyet sai krum abyin. Asi hyio bangu, "Ghwi nu." ²⁸ Ba anya Lawi si tabok asi nhwi gu, asi wod kodi kyang. ²⁹ Lawi si tyi gbandang agwai buli gu khi da a nyan Yesu. Anyet sai krum abyin deni nshio aza, nbyang agyang anyet ba swan gyi yak'u dandung banbi. ³⁰ Ama Farisawabi nbyang anyet lru bibi si kwob adwung ba anyet ntam gu bi, ba ba nyio, " Yaha nbyo nang ingyi ibi swo ba anyet sai krum abyin bi nbyang anyet katuk bi?" ³¹ Yesu si shim bi do, "Anyet nang ba shi bi nyanyang vam'i chat abwok dak; sei anyet nzwan anyin bi. ³² Nbai ngyei anyet atan ba kwok ntong dak, ama ngyei katuk anyet ba kok ntong." ³³ Basi hyio bangu, "Anyet ghwi Yohna bi nyio mub-unu bu mok,awod anyet ghwi Farisawabi si mun nyio anya. Ama anyet ghwi nyin bi gyi basi swo." ³⁴ Yesu si hyio banbi, "Ayin mai achio akpandang atyi nyio nyrang ba mub-unu nang atyi nyio nyrang'u li shi dandung banbi? ³⁵ Ama, nmam li bai nang alin kyak atyi nyio nyrang'u, awod bi, ba nmam anai na basi lin mub-unu." ³⁶ Yesu si mun lyat banbi ba ngan, "Ayin li syeb nchong atro ba atro afai a ntywai ba alyen atro dak. Kha a nyio anya, ali syeb atroh afai'u, awod nchong atroh swai di li ntai ba atro alyen'u dak. ³⁷ Ba atyu nang ali tyio anwai asum ukwon nfai ba alyen swub. Kha a nyio anya, anwai aswum nfai ni li fwai swum di. ³⁸ Ama huyet ti'a, achi anwai aswum ukwan ni bu swub swai. ³⁹ Ba atyi ali tyak swo alyen anwai aswum ukwan abu chat nfai, krok ali hyio, "Ndyen ni nswak yet'u.'''

Chapter 6

¹ Ba mam nfwung ntam gyang nang Yesu kai bu bibyin yak, awod anyet ghwi gubi ba sam pipio yak'u fwud ba nbwak bini gyi tsui di. ² Ama Farisiyawa agyang si hyio, "Yaha nbyo i nyio kyang hu shi nchyi utuk mam fwung khi?" ³ Yesu si shim aba hyio banbi, "Ikan fang kyang nang Dauda nyio nang zwong di khi ngyi gu'i, ngu nbyang anyet baki shi dandung bangu'i da? ⁴ Anwo bu uli Gwazi khi, asi kyak zazzrak bredi'u, asi bwo gyi, asi mun bwo nwak anyet ba shi dandung bangu'i ba gyi, ko nang hu gyet chyi'a sei atyi kwi anyet bi Gwazi'a li gyi khi." ⁵ Ba anya asi hyio banbi, "Ngwon Atyibishi khi yet Atyo Mam fwung'u." ⁶ Utuk Mam fwung ugyang si bu bai nang gu nad bu tu nai'u atyet anyet bi aza. Atyi agyang nshio aza nang bwak yak gu hu ghu. ⁷ Anyet lru bi nbyang Farisawabi ba chyai gu bali kanang gu li chrok ayin utuk Mam fwung khi, bali kanang bali shio gu ba abun. ⁸ Ama alyen kyang nang ba dam'i, asi hyio ba atyi nang bwak gu'u ghu'i, "Tabok, u yong bu tyo ko anyan adi." Atyi awai si tabok yong aza. ⁹ Yesu si hyio banbi, "Ndyip nyin, hu shio nchyi a nyio kyang tan khe alak yet, a san swon khe a hyad zi?" ¹⁰ Asi chiyang bi krak salai asi hyio ba atyi awai, "Niyep bwak'ahu." Asi nyio anya, bwak gu'u si bwok bai chachirak. ¹¹ Ama nfwo bini si nhyad ba alyogyi nbyang basi lyat ba agyang tutan kyang nang ba li nyio Yesu do'i. ¹² Hu kwi ba nmam anai nang gu wruk nad ba agung khi a mok. Asi ntyak utuk khi bu nai Gwazi'u. ¹³ Nang utswan khi ntad'i, asi yrong anyet ghwi gu bi, asi ghai anyet swak ba fiyang banbi, nang gu mun ngyei anyet ntam. ¹⁴ Iyrok anyet ntam bi hwa yet Siman (Nang gu mun ngyei Bitud) nbyang lanyuk gu'u Andarawus, Yakub, Yohna, Filibud, Batilomi, ¹⁵ Matyu, Toma, Yakub ngwon Halfa, Siman nang angyei Zalot'i, ¹⁶ Juda ngwon Yakub, nbyang Juda Iskaroti, nang abi yet atyi alyap gu'i. ¹⁷ Yesu si chiyok nyiet da agung khi dandung banbi asi bi yong bu akpai uvwo. Nang akpwi anyet ghwi gu bi nbyang anyet didid nyiet Judiya nbyang Ushelima, nbyang anyet nyiet bu ba nghwun agwui Taya nbyang Sidon. ¹⁸ Ba bai ba fok gu awod achrok zwan bi di. Anyet nang katuk ntsui bi fyep'i asi mun chrok bi. ¹⁹ Ko anyan nang ashio ba akpwi'u tyu a byrem gu krok chet chirok'u nyiet ban gu, asi chirok bi salai. ²⁰ Asi chiyang anyet ghwi gu bi, asi hyio, "Akrok nyin nmiyang nyin i chat ywai'i, tyok Gwazi'u yet si nyin'a. ²¹ Akrok nyin nmiyang nyin i fok zwong nini'i, i tibi swi. Akrok nyin nmiyang nyin i chiyet agyi nini'i, krok i tibi mai. ²² Akrok nyin nmiyang kanang anyet bi lak nyin basi ghai nyin basi fyai nyin, krok Ngwon Atyibishi khi. ²³ I gwai utuk akai, i furup ba asai alio,krok hu yet ti'a i bio gbandang zanang tazi, anya adi gbagbang bi nyio anyet ntam Gwazi bi do. ²⁴ Ama hu swan fwong nyin anyet zwi bi, krok i kan shio nyanyang nyin'u. ²⁵ Hu swan fwong nyin i swi nini'i, krok zwong li gyi nyin duswon. Huswan fwong nyin i mai nini'i, krok ili byo gbrudik alyo awod i chiyet agyi duswon. ²⁶ Hu swan fwong nyin, kanang salai anyet bi lyat dusham tutan nyin, anya addi gbabang bibi nnyio anyet ntam gwazi ngad bi do. ²⁷ Ama nhyio ba nyin nang i fwong'i, i chat lanvan nyin bi awod i nyio tan ba anyet ba laknyin'i. ²⁸ Ikrok anyet ba shi nyin'i i nai tutan anyet ba lak lyen nyio di ba nyin'i. ²⁹ Kanang ayin lwi'a bu ukpwang khei, ubwak gu ukpwang unyung khi. Kanang ayin kyak'a atro, yok lak nwak gu atro bumi'u dak. ³⁰ Atyi nang a lyip'a zan gu. Kanang ayin kyak kyang nang hu yet si nwan, yok lyip gu abwok bai ba nwan do dak. ³¹ Bu sangag u nchat anyet bi ba nyio ado'i, nwan mun nyio bi do anya. ³² Kanang uchat anyet ba chat'a i ba ndai, yaha u li nshio? Ko anyet nyi katuk bi mun chat anyet ba chat bi'i. ³³ Kanang anyet ba nyio'a tan'ui ba u nyio bi tan'u ndai, yaha uli nshio? Ko katuk anyet bi mun nyi anya. ³⁴ Kanang uli ghwob anyet u dam bali bwok ba nwan do'a ndai, yaha u nshio tutan? Ko katuk anyet bi mun kwop agyang bi, a nbwok banbi do chachirak. ³⁵ Ama chat lanvan'abi, u nyio bi kyang tan. Hwop uyok ndam a nzan'a kyang dak, nbyang kyang uli nshio'i li shi awod iyet nman Atyi Answak'i salai, ngu ba apio gu, abyo akwi atan tutan anyet sang shok nbyang katuk anyet. ³⁶ I twei kunak, nang Addi nyin'u ntwei kunak'u i. ³⁷ Yok nyio ayin ashod dak, nwan ma ali nyio'a ashod'u dak. Yok byan ayin dak, nwan ma ali byan'a dak. Yrip anyet bi katuk bi ni, nwan ma ali yrip'a si nwan ni. ³⁸ Nwak, nwan ma amuli nwak'a. Huli shi bisangag nang ali gbang hu, azwun hu, hu mun srang, ba krok ado ba abwan ntak bi. Kyang nang unmet'i ihwa amuli nmet'a do." ³⁹ Anya gu si bu tak tak bi gan, "Apak gyi li ngyad akwak apak agyi? Kanang gu nyio anya, bali kwi bu bwong salai bi, kada anya la? ⁴⁰ Atyi ghwi mai swak atyi tyet gu'u dak, ama atyi nang atyet dusham li lyen nang atyi atyet gu'i. ⁴¹ Yaha nbyo u nwan nchong akum nkwan nang ishio ba alii lanyuk'a khi, ama u ngyad uli ga akum ashio ba alii aki'i dak? ⁴² Uli nyini nhyio bu lanyuk'au, 'Lanyuk, yok ntin'a nchong akum nkwan ishi ba alii aki'i,' nang di u ngyad usi li ga akum nkwan ashi ba alii akhi'i dak? Nwan abuk ayin! Shi uswan tin ga akum ashi ba alii akhi'i, u nshi nwan dusham'u bisangag ulin tin nchong akum nkwan nang ishi ba ali lanyuk'a khi'i. ⁴³ Atyin ukwon utan khi nwad aswum ukwon nang khi lak yet dak, Anya atyin khi lak yet'i, lin nwak aswum ukwon utan dak. ⁴⁴ Koda atyin ukwon alyen khi bu tankai aswum khi nwad'i. Krok anyet li tung aswum gwafwai bu uyit sakan dak, da ba li tung lemu bu uyit nang sakan nfyeb dak. ⁴⁵ Aty atan nang anyiet bu uvwo utan khi'i, alyo gu khi gwud ba nkyang ntan, anya katuk ayin'u nang a wruk bi katuk uvwo'i, alyio gu khi gwud bi katuk nkyang'a. Nkyang deni nang ishio ba alyo khi'i na unu khi lyat. ⁴⁶ Yaha nbio nang ingyai nu, 'Atyo, Atyo,' nang di ihwi nkyang nang nhyio'i dak? ⁴⁷ Atyi nang abai bannu asi fwong swang alyat nu di asi hwi di, ni tak nyin kyang gu yet'i. ⁴⁸ Ali nang atyi nang anok uli asi lunk bwong'u nad do burong asi fwum nok uli khi'u tutan nfang. Kanang a vad zi, apio sakhuwad si nkai bu uli khi, ili zwun uli khi dak, krok alyen nok khi dusham. ⁴⁹ Ama atyi nang afwong alyat nu ni aba lak hwi ni'u, ali nang atyi nang anok uli khi tutan abyin asi fwum nok'u ba nfang dak. Kanang apio sakhuwad khi bai bu uli akai li shwad bumi nzan, uli akai tyi abwad ba.

Chapter 7

¹ Nang Yesu ntyak alyat nang gu lyat'inang anyet bi fwong'i, asi nwo Kapanahum. ² Nini agwak agyang byo aghwo nang gu nsak alio bangu, awod asi kwi zwan li ghu. ³ Nang agwak'u nfok nghang Yesu ni'i, Asi tam addi aghwob Yahudawabi ba ngu, yok gu bai achurok gu agho'u. ⁴ Nang ba nbai bi Yesu'i, basi nai gu bu chuchuk, basi hyio, "Amai u nyio gu kyang'i, ⁵ krok a chat abyin zit khi, uwa si nok zit tu nai'u." ⁶ Yesu si gyi uswon bu chiyet'u banbi. Ama nang gu nbai apwen bu uli khi'i, Agwak'u si tam akpwandang ba hyio ban gu, "Atyo, yok nwak apio a ngbang dak, krok nmai u nwo abang nu dak. ⁷ Ba anya ndi nmai nu ba apio nu nbai ba nwan dak, ama krak bu swang alyat za awod aghwo nu li chirok. ⁸ Nu nmu shi bu tyok nsi byong aghuwad nbwak nu. Kanang nhyio, 'Nad,' ali nkad' kanang nmo hyio ba agyang, 'Bai,' ali bai, awod ba aghwo nu'u, 'Nyio si hwi,' ali nyio." ⁹ Nang Yesu nfok si hwi'i, asi nwo adam ba ngu, awod asi bwak chiyang akpwi nang a hwi gu'i asi hyio, "Nhyio ba nyin, ko bi Izral nkan shio ayin bu chuchuk ngi dak." ¹⁰ Anyet nang asi tam'i si bwok nad buli tu shio nang aghwo'u kan churok. ¹¹ Banang si ahwai nswak'i, Yesu si nad bu ukrang agyai Na'im. Anyet ghwi gu bi ba akpwi anyet didid ba si hwi gu. ¹² Nang gu nbai npwen likanyio ukrang khi'i, asi li kwom afai agyang nang ayang'u byin ba anyin gu ( nang ayet kanyuk),awod apwi anyet deni bu ukrang khi shio ba ngu. ¹³ Nang Atyo'u ndi gu'i, asi mei fok kunak gu, aba nyio ba ngu, "Yok unak khi." ¹⁴ Asi nghyak nad tutan asi byrem kukwon nang a nkyak kwom'ui, anyet akyak'i si bwok yong. "Asi hyio, ''Gusiyem, nhyio ba nwan, tagbok." ¹⁵ Kwom'u si tabok swan husi nwo alyat, awod Yesu si kyak gu nwak ayang'u. ¹⁶ Ba anya uwun si tabad bi salai. Basi gyi uswan bi dyep Gwazi'u nyio, "Gbandang atyi ntam Gwazi'a a tabok banzit'' awod ''Gwazi'u kan chiyang anyet gu bi." ¹⁷ Alyat nei tutan Yesu si krag salai Judia nbyang salai akpwai nang krak bi. ¹⁸ Anyet ghwi Yohna bi si fang gu nkyang nei salai. ¹⁹ anya Yohna si yrong anyet ghwi gu bi afiyang asi tam bi ba Atyo'u yok ba tu hyio, "Nwan'a tubai khe zi nsak agyi bi ba agyang anyet?" ²⁰ Nang ba nbai anpwen bi Yesu'i, basi hyio, "Yohna atyi Babtisma uwa tam zit i yok zi hyio, 'Nwan'a tubai, khe zi nsak agyi bi ba atyi agyang?'" ²¹ Ba nzan azei asi churok anyet deni ban zwan bi di nbyang anyet nang zwan bi zi nat akpak agyi nbyang katuk ntsui, asi churok apak lili deni. ²² Yesu si shim aba nyio banbi, "Kanang i buwok nkad, i tu tak Yohna kyang i li isi fok'i. Apak lili bi chiyang, anyet ghyad si chong anyet gbab si churok, apak afwo si fuwong, asi yagbwod nkom ni bu swon di, anyet chat byang bi asi tak bi alyat ntan. ²³ Atyi nang ayok nwat chuchuk u ba nu dak krok nkyang nang nnyio'i, a krok gu nmyang." ²⁴ Nang anyet ntam Yohna bi nkad'i, Yesu si kwi fang apwi anyet'u tutan Yohna, "Yaha nang i nad ba nti uyit zi ili? Ukwan sang chet nang wun'u bwan zo? ²⁵ Ama yaha i wruk nad i li? Atyi akup babwod atro ba? Li, anyet ba ghwi atan atro nbyang swan bi nyangnyang shio ban swai agwam. ²⁶ Ama yaha i wruk nad li'u?Atyi shei tam Gwazi? Ee, nhyio ban nyin, nbyang swak atyi shei tam Gwazi. ²⁷ Atyi wi wa an dru, 'Li, ntam ba nyin atyi ntam nu du ugyi nyin khi, nang ali jyi nyin vak u'i.' ²⁸ Nhyio ba nyin, bumi sibi nang angyuk tyai, anbyo atyi aswak Yohna dak. Ama ba anya atyi ayet adadai bu tyok Gwazi'ui swak gu." ²⁹ (Nang anyet bi salai nfok kyang'i, dandung ba anyet sai krum abyin bi, basi lyat kpasai nang Gwazi ngyet atan, krok a nyio bi baptisma Yohna zi. ³⁰ Ama Farisawabi nbyang anyet lyen chyi Yahudawabi, ba si lak kyang Gwazi'u chat bi do'i, krok Yohna a nyio bi baptisma zi dak.) ³¹ "Bu yaha, anya nnun ntyan chiyan nzan'i? Ba li ni'a? ³² Ba li banang nman i vwo bu akpai tunga'i, nang ba swan yei agyang bi nyio, 'Zi hyap a zunzwuk u bi lak song'u. Zi bwom abwom aghu, awod u si lak twei'u.' ³³ Anya Yohna nyio baptisma bai asi gyi yak dak,nbyang swo saghwad asum ukwan dak, isi nyio, 'Abyio katuk ntsui.' ³⁴ Ngwon atyibishi khi bai khi bi gyi nbyang swo, ibi nyio, 'Li, abyo ufi yak atyi nhyong, kpandang anyet sai krum abyin, nbyang anyet katuk!' ³⁵ Ama mamwang bu nyio cbuchuk ba nman guni salai." ³⁶ Nini atyi angyung bu Farisawabi si yei Yesu a gyi yak ba ngu. Nang Yesu kan nwo bu uli atyi Farisawa khi, asi swan bu tebul agyi yak u. ³⁷ Ba anya, abyuk agyang bu umi ukrang khi nang ayet katuk ayin. bi shio Nang gun nfok ali gyi kyangyak bu'uli atyi Farisawa khi'i, asi bai bu amio nswam tan sin alabasta bu sindung . ³⁸ Nang gu ngyong balyim gu khi npwen ba atak gu bi, aba twei, aba hwod agyi gu ni ba atak gu bi, asi yrub bu pio gu'u, asi krang atak gubi asi krok bi amio nswam tan ni. ³⁹ Nang atyi Farisawa'u nang a yei Yesu ndi ngi, asi dam ba apio gu aba nyio, "Ka atyi i wa yet atyi shei tam Gwazi'a, da sei alyen anyan'a bu tankai abyuk nang byrem gu'i, nang gu ngyet katuk ayin'a." ⁴⁰ Yesu si shim asi hyio bangu, "Siman, nbyio kyang hyio ban nwan." Asi hyio, "Hyio hu, Atyi tyet!" ⁴¹ Yesu si hyio, "Atyi kwap anyet krum agyang ghwi anyet afiyang ti. Aghwi anyung dinari ci tsuwan, anyung'u dinari nswak nfwan. ⁴² Nang ban nbyio krum ntan'i dak, asi wan bi ati bi. Nang hu ndi ngi, anyan a banbi lin swuak chat gu'u?" ⁴³ Simon si shim gu zo asi hyio, "Ndi atyio a hwui gu deni'i wa. Yesu ba nyio, "U lyen nyio ashod'u dusham." ⁴⁴ Yesu si bwak tyo ba abyuk'u aba nyio bu Siman, "Uli abyuk'i. Nnhwo abang'a. U zan nu saghwat kwi atak dak, ama asi tyio atak nubi chachap ba agyi guni nbyang asi yrup bi bu pio gu'u. ⁴⁵ U krang nu dak, ama ngu nyet ba nzan nang nnwo'i ayok krang atak nu bi dak. ⁴⁶ U kwan apio nu khi ba amio dak, ama ngu akwan atak nubi ba mio swam tan. ⁴⁷ Nang hundi ngi, nhyio ban nwan, katuk gu ni, nang ishi deni'i, akan yrip gu do- a mei byio chat. Ama atyi a yrip katuk gu'u dadai'i, ali chat dadai." ⁴⁸ Anya asi hyio ban gu, "A yrup a katuk ani." ⁴⁹ Anyet nang ba gyi yak'u dandung'i ba lyad ba agyang bi, "Anyan a wi nang amai kwi katuk ni?" ⁵⁰ Anya Yesu si hyio ba abyuk'u, "Nwak chuchuk ahu san'a. Nad dusham."

Chapter 8

¹ Nang si hwi nsuwak'i, Yesu si kwi kad bu bumi ukrang nbyang achuwang ukrang krak, aba tyet nbyang shei alyat ntan ni tutan tyok Gwazi khi. Anyet swak ba afiyang bi si shio dandung bangu, ² anya anyuk agyang nang a tsak kan churok bi bu katuk ntsui nbyang zwan bi di. Mariya a'ngyai Madalin i, nang abin ngruk bu katuk ntsui natad; ³ Juwana abyuk Chuza alyak chiyang uvwo Hiridu; Susanna; nbyang agyang deni, nang, bumi nkyang nang ba byo, basi nwak bi chat bi'u. ⁴ Nang akpwi anyet deni ntung'i, anyet ba chong bangu nyiet bu ukrang bu ukrang, asi lyat gaan: ⁵ "Atyi khap agyang nad chwi zwi nkyang gu ni, nang gu chwi'i, zwi jyang si shwod talyen nvak anyet si shai ba atak, nbyang uman tazi ni si tang. ⁶ Zwi jyang si shwod ba fang, nang zi ndai'i, isi ghwod, krok i shyad saghwad dak. ⁷ Zwi jiyang si shwod bu sakan, isi lai dandung bu sakan di isi chui di. ⁸ Ama jyang si shwod ba nbyin ntan isi sum suwak ubruk nchi di kyang nang a chu'i. " Nang Yesu ndyad anya'i, asi yrong, "Salai atyi abyo afwo fok bi, yok gu fok." ⁹ Anyet ghwi gu bi si lyip gu kyang nang gaan di fi'i. ¹⁰ Asi hyio, "Anwak nyin i fuk kyang nang anyad do bu tyok Gwazi'ui, ama akum khi ndyad banbi ba ngaan, kanang 'ba chiyang ba mai ba li dak, fwong ba li fuk dak.' ¹¹ Nini ifok kyang nang gaan di fi'i: zwi di da yet alyad Gwazi ni. ¹² Sin nvak di za yet anyet ba fok'i, ama tanyirang khi bai khi san alyat Gwazi ni ba nfwo bi ni, ban nshio lak nwak chuchuk awod ba shio san. ¹³ Si tutan afang bi iba yet, ka ba fok swang alyat zi, ba san ba asai alyo. Ama ba byo anan dak; ba nwak chuchuk bu an zan dadai, nbyang ka mak u bai ba shwod tu kwi. ¹⁴ Zwi nang i shwod bu sakan di'i, i ba yet anyet nang ba fok swang alyat zi, ama bu net bi'u, nkyang swanti ni nang ban nsak alyio khi'i, bu zwi, bu fok nyanyang nswon si tashuk bi, awod aswum bi khi si yet dak. ¹⁵ Ama zwi nang i shuwod ba nbyin ntan ni, iba yet anyet nang ka ba fok swang alyat zi bu chuchuk nbyang fwo tan, basi byong dusham nbyang basi nwak aswum bumi shyim fwo. ¹⁶ Nini, ba ayin, nang ali mad long nsang an tagrup kai, ko a tyio tafi abrak. Ka anya, asak tutan uvwo anvai zi'i, ko nyan a nshi li sai'u. ¹⁷ Ba kyang hu shi ba ndyin nang hu li nwai wruk dak, ba da ali nyat bu kyang hu nwai wruk, awod hu bai kpai dak. ¹⁸ Ba anya i fwong dusham, ba tyi abyo ali nbyang gu zo,ama atyi abyo dak, ko kyang gu dam abyo'i, ali san awod gu." ¹⁹ Aza'a ayang gu'u nbyang lanyug gu bi si bai ba ngu, ama ba ngya ba bai npwen ba ngu dak krok apwi anyet'u. ²⁰ Asi tak gu, "Ayang a'u nbyang lanyug'a bi shi tusi chat li'a." ²¹ Ama Yesu si shim aba nyio banbi, "Anyet ba fwong aliyat Gwazi ni aba nyio ntam ba ni'i ba yet ayang nu'u bu lanyug nu bi." ²² Utuk ugyang, asi nwo kukwon byai saghwod ba anyet ghwi gu bi, awod asi hyio ba nbi, "Ibai zi byok nad ba abak achwung anyung khi." Basi nkad. ²³ Ama nang ba nnet'i, ndi si tabat gu. Katuk ngwun si hyiab tutan achwung khi, awod saghuad si nwo nwai bu kukwon'u, awod agyi si syep shong. ²⁴ Aza a nyet ghwi Yesu bi si bai asi shiyip gu, baba nyio, "Atyi uli! Atyi uli! Zi li kwi!" Asi tabok asi kam wun'u nbyang aywan saghwuad khi, basi bwok yong chuk, awod uvwo khi si tyi nywang. ²⁵ Asi hyio ban bi, "chuchuk nyin'u shio aze'a?" basi fok uwun.Nang ban nfok uwun'i ba si mum kyak adam, awod basi lyip agyang, "Anyan na wi bad, nang a kam wun'u nbyang saghwuad ni, awod basi fok gu?" ²⁶ Basi byok nad ba kpai Jerasenes, nang a shio manyi achwung nyiet Galili. ²⁷ Nang Yesu nchyok'i, agyang anyet nyeit bumi ukrang khi nang a byio tanyrang, si shio gu. Hu kyak zan, nang gu ghwi atro dak, awod asi swan buli dak, ama ban ndyak. ²⁸ Nang gu ndi Yesu i, asi tyio kun, asi shod du uswan gu awod asi hyio bu gbandang anghuad, "Ya u byio li nyio ba nu, Yesu, Ngwon Gbandang Gwazi? Nnai'a, yok tyo nu ashong agyi dak." ²⁹ Yesu si kam katuk ntsui'u yok gu wruk ban ngu. Ba'aya koda nzan i ghuad gu, nyang a mun vwai gu bu anyanyang nyang gam a ba chok gu, a si tsak anyanyang bi awod katuk ntsui'u a vwong gu tyio ban ti uyit. ³⁰ Aza Yesu sin lyip gu, "A yai'a anyan'a? asi hyio, "Zi shi," krok katuk ntsui didid nwo ba ngu. ³¹ Basi gyi uswan bu nai gu, ayok tyi bi bu gi bwong dak. ³² Nini gbandang usrong alede gyi ban kyung afan'u. Tanyrang ni si nai gu a wan bi ba nwo bu usrong alede khi, Asi wod bi. ³³ Anya katuk ntsui bi si wruk ba tyi awai tu nwo bu alede bi, usrong khi si tyap chung chuwok ba gwan khi tu nwo ba achung'u, awod basi kwi. ³⁴ Nang anyet chok bi ndi kyang hu kwi'i, basi tyong tutak hu bumi ukrang nbyang achuwang ukrang'u. ³⁵ Anya anyet bi ngruk nad ba li kyang hu kwi'i, basi bai bi Yesu bu shio atyi nang katuk ntsui bi wruk bangu'i. Nang gu swan ba atak Yesu bi, asi kub atro awod aba shio bi didam atan; basi fok uwun. ³⁶ Anya anyet nang ba kan di hu'i, basi tak bi gag nang atyi tanyrang ni bwan kad do a nshio churok'i. ³⁷ Aza'a salai anyet nkyai Jerasines bi si nvwong Yesu yok gu drok awod bi, krok ba mei fok uwun. Ba anya ba si nwo bu kukwan byai saghwad'u basi bwok nkad. ³⁸ Atyi nang Katuk ntsui bi wruk ban gu'i si nai gu ayok gu a nghwi gu, ama Yesu si vwong gu, asi hyio, ³⁹ "Bwok nad buli akhi utak chachirak kyang nang Gwazi'u nyio ado'i." Atyi wi ntabat vak'ui, aba shei krak umi ukrang khi salai, kyang nang Yesu nyio gu do'i. ⁴⁰ Nini nang Yesu nbwok'i, akpwi anyet'u si byad gu bu bai'u, krok bama kai fwong bai gu. ⁴¹ Aza, anbyo atyi nang angyei Jairus, ayet alyak'a bu tu nai'u, asi bai bu shwod ba atak Yesu bi, aba nai gu abai agbang gu, ⁴² krok ngwon anab gu khi ndai, gunyem ndyo swak ba afiyang, nang khi cha ghu. Nang Yesu nshio ba nvak nyet'i, akpwi anyet'u ba fwun gu krak. ⁴³ Abyuk agyang si nshio nang atyong aswok ndyo swak ba afiyang asi tyak krum gu'u salai, ama ayin si chrok gu dak. ⁴⁴ Asi bai malyim Yesu asi bryem alyem atro gu khi, bumi nzan tyong aswok'u si yong. ⁴⁵ Yesu si hyio, "Anyan'a yet atyi a bryem nu'i?" Nang ko anyan nfwo'i, Bitud si hyio, "Atyi uli, akpwi anyet'u salai krak'a aba fam agyang tubai ba nwan." ⁴⁶ Ama Yesu si hyio, "Ayin bryem nu, Nu nfok nang chet ngruk ban nu." ⁴⁷ Nang abyuk'u ndi nang ali nfwuk gu'i, asi bai bu trim vam asi shwod duswon gu khi. Asi hyio duswon anyet khi salai, kyang hu nbyo gu nbryem gu'i, nbyang gag nang gu nshi chirok'u bu umi nzan. ⁴⁸ Aza asi hyio ban khi, "Anab, chuchuk ahu chirok'a. Nad u kai ndi." ⁴⁹ Nang gu li shio bu alyat ni, ayin si bai nyiet buli alyak atyi tu nai'u, aba nyio, "Ngwon anab a khi ghu. Yok bu tyo atyi tyet'u van dak." ⁵⁰ Ama nang Yesu nfok anya'i, asi hyio bu Jairus, "Yok fok uwun dak; Nwak chuchuk, khi li chirok." ⁵¹ Nang gu nbai bu uli khi'i, asi yok ayin si nwo dandung bangu dak, sei Bitud, Yohna nbyang Yakub, nbyang addi ngwon'u ba ayang'u. ⁵² Nini anyet bi salai si byo brudik alyo awod aba twei khi, ama asi hyio, "I yok twei dak; khi ghu dak ama khi shio ba ndi." ⁵³ Ama ba lyen khi nghu, basi mai gu. ⁵⁴ Ama asi tabat khi ba nbwak'u awod asi yrong, aba nyio, "Ngwon, tagbok!" ⁵⁵ Tsui khi di si bwok, khi si tagbok bumi nzan. Asi tyo azan khi yak khi gyi. ⁵⁶ Addi nbyin khi bi si nwo adam, ama asi tyi bi ghwun yok ba yok tak ayin kyang hu kwi'i dak.

Chapter 9

¹ Asi yrong swak ba afiyang bi dandung awod asi nwak bi chet nbyang tyok tutan salai akatuk ntsui bi nbyang bu chirok zwan. ² Asi tam bi iyok ba nad ba shei tyok Gwazi'u nbyang ba chirok anyet nzwan bi. ³ Asi hyio banbi, "I yok kyak kyang bu chiyet nyin'u dak, i yok kyak shan, apwod, bredi, krum, ko i kyak akang atro dak. ⁴ Koda uli nang i nwo, i nswan aza sei nang i wod uvwo khi. ⁵ Uvwo nang a nwai san nyin'i, kanang i wod ukrang akai, i kpwed ubung atak nyin khi, hu yet kyang shei alyat tutan bi." ⁶ Aza basi nkam basi nwai ba achuwang ukrang'u, shei alyat ntan ni nbyang chirok ko aze. ⁷ Nang Hiridus dadai agwam nfok salai kyang hu kwi'i, asi tyi tai, krok agyang hyio Yohna anyio babtisma uwa tagbok ba anyet akwi'i, ⁸ asi mu hyio Iliya'a tad wruk, awod agyang ba nyio atyi anyung'a ba anyet shei uswon gbanbang bi uwa tagbok. ⁹ Hiridus si hyio, "Ntin apio Yohna khi, ama anyan'a nfwong nkyang ne tutan gu?" awod asi chat ali gu. ¹⁰ Nang anyet ntam Yesu bi nbwok'i, basi tak gu salai nkyang ba nyio'i. Aza asi nhywak bi dandung bangu, basi chong duzan bi tunad bu ukrang angyei Batseida. ¹¹ Ama nang akpwi'u nfok anya'i, basi nghwi gu. Asi san bi awod asi lyat banbi tutan tyok Gwazi'u, asi chirok anyet ba chat chirok'ui. ¹² Nang mam'u nnad tyak'i, swak ba afiyang bi si bai bangu basi hyio, "Tyo akpwi anyet'u talyen ba nad bu ukrang i shio pankpwen nbyang sini i shio gbang'i, ba nad ba chat uvwo myio nbyang kyang-yak, krok uvwo zi nshio'i anyet nswan dak." ¹³ Ama asi hyio banbi, "Nyin, i zan bi kyang-yak." Basi hyio, "Zi byo kyang hu swak bredi ufwon nbyang fwon fiyang dak - kanang zima li nad zi san salai anyet bei kyang-yak'u." ¹⁴ (Atyok kob tswon shio aza.) Asi hyio ba anyet ghwi gu bi, "I tyi bi ba swan ba akpwi nswak nfwon nswak nfwon." ¹⁵ Basi nyio anya, basi tyo anyet bi si swan abyin. ¹⁶ Asi kyak bredi ufwon bu fwon fiyang'u, asi chiyang tazi khi, asi nkrok nmiyang ni, asi kpram ntyi nchong, asi nwak anyet ghwi gu bi ba kau akpwi anyet'u. ¹⁷ Basi gyi salai bi basi swi, asi tung kyang hu si nbwat'i husi nad uchirang swak ba afiyang. ¹⁸ Hu bai nnang Yesu shio bu nai anyin gu, nang anyet ghwi gu bi shio dandung bangu, asi lyip bi, aba nyio, "Anyan'a anyet bi nyio ngyet?" ¹⁹ Basi shim, "Yohna anyio Baptisima. Ama agyang nyio Ilisha, agyang si nyio ayin'a ba anyet shei tam Gwazi nyiet gbangbang bi ba tad tagbok." ²⁰ Aza asi hyio banbi, "Ama nyin anyang'a i nyio ngyet?" Bitud si shim, "Kristi'a nyiet bu Gwazi'u." ²¹ Ama asi tyi bi ghwun ba yok tak ayin kyang'i dak, ²² aba nyio, Ngwon Atyibishi khi li swo ngbang nkyang deni awod anyet tad agyi nbyang agwam kwi anyet bu Gwazi nbyang anyet lru, awod ali hyad khi, ba mam tad'u a tagbok. ²³ Aza asi hyio banbi salai, "Kanang ayin chat anghwi nu, huyet ti'a alak apio gu, akyak atyem nkwan gu kodi mam awod aghwi nu. ²⁴ Koda atyi nang a chat asan swon gu zi ali nwai zi, ama koda atyi anwai swon gu zi da aniyan nu, ali shio di. ²⁵ Ya ha li yet kyang tan kanang ayin shio duniyo'u salai, awod asi nwai swon gu zi? ²⁶ Koda anyan'a nang afok nswum nu nbyang alyat nuni, anya Ngwon Atyibishi khi tibi nfok nswum gu kanang gu bai bu gbandang gu'u, nbyang gbandang Addi'u bu si zazzrak nman ntam Gwazi ni. ²⁷ Ama nhyio ba nyin chuchuk, "Agyang ba nyin yong azi'i nang ba li nyad aghu khi dak sei nang ba li tyok Gwazi'u." ²⁸ Nmam unai-bwak si suwak nang Yesu ndyat alyat ne'i, asi kyak Bitud nbyang Yohna bu Yakub dandung bangu tunad ba agung khi ba nai. ²⁹ Nang gu nshio bi nai'ui, gag ugyi gu'u si shai, atro gubi si bwak tyi kyankyai mamyat. ³⁰ Aza, anyet afiyang ba lyat bangu, Musa a nbyang Iliya, ³¹ nang ba tad wruk bu gbandang. Basi lyat tutan drok gu khi, nang hu bwad nkpwen hu bai tyak'u bu Ushelima. ³² Nini Bitud nbyang anyet nang ba shio dandung bangu'i ndi si mei kyak bi, ama nang basi nshyip'i, basi li gbandang gu'u nbyang anyet afiyang ba yong bangu'i. ³³ Nang basi ndrok wod Yesu'i, Bitud si hyio ba ngu, "Atyi-uli, huyet nang zi nshio adi'i, zi li jyi aswak atad, nwan u byo anyung, Musa anyung, Iliya anyung.''(Nang gu ga lyen kyang nang gu lyat'i dak.) ³⁴ Nang gu nshio bu lyat nkyang nei, aniyan si bai basi kub bi, basi fok uwun gag nang aniyan bi nkub bi'i. ³⁵ Anghuad si wruk nyiet ba aniyan bi, nyio, "Ngwon nu khi kha kei, nang aghai; i fwong khi." ³⁶ Nang anghuad khi ntyak lyat'ui, Yesu si shio anyin gu. Basi swan nywang awod basi tak anyin kyang nang ba li'i ba nmam anei dak. ³⁷ Bu mam nsak'u, nang ba nchiyok nyiet agung khi'i, ga akpwi anyet si mun bangu. ³⁸ Aza, atyi agyang ba akpwi'u si tyi kun, aba nyio, "Atyi-tyet, nnai'a uli ngwon nu khi, bi ika yet ba ngwon nu khi. ³⁹ Uli kha, Katuk ntsui swo chet gu,awod agwon khi si tyi kun ban zan aze; hu si tyi gu kwi chen aba gwud fuk'uluk tampio bu unu khi. i nghwan gu nfyen dak i ba mei bwoi gu afwad. ⁴⁰ Nnai anyet ghwi'a bi ba tin zi wruk du bu chet, ama ba si ngyad dak." ⁴¹ Yesu si shim asi hyio, "Nyin anyet sang chuchuk nbyang chiyang shyo anyet, hu li kyak nu zan zi ni'a ba nyin i si nwak chuchuk? Bai ba ngwon a khi azi." ⁴² Nang ngwon khi nshio bu tubai'i, katuk ntsui'u si tyan gu abyin asi tyi gu kwi chen. Ama Yesu si kam katuk ntsui'u asi chirok gusyem khi, asi bwok do nwak addi gu'u. ⁴³ Aza husi yet anyet bi salai kyang adam'a bu gbandang Gwazi'u. Nang anyet bi li shio ba adam'u bu kodi kyang nang gu nyio'i, asi hyio bu anyet ghwi gu bi, ⁴⁴ "Yok alyat nei nwo bumi nfwo nyin khi: ali nwak Ngwon Atyibishi khi nbwak anyet." ⁴⁵ Ama basi fwuk kyang gu lyat'i dak. A chat ba lyen dak, ba anya basi fwuk dak, awod basi fok uwun ba lyip tutan alyat nei. ⁴⁶ Basi tabat kanan ba agyang bi tutan anyan'a li yet gbandang'u banbi. ⁴⁷ Ama nang Yesu nfuk kyang ba dam ba nfwo bini'i, asi kyak dadai ngwon asi sak ba nkyung gu'u, ⁴⁸ asi hyio banbi, "Atyi asan dadai ngwon'i ba ayrok nu khi, a mun san nu'a; nbyang atyi asan nu, asan atyi atam nu'i wa. Atyi andad ba nyin'i salai uwa yet gbandang'u." ⁴⁹ Yohna si shim, "Atyi-uli, zi li atyi agyang trung katuk ntsui da ayrok a khi zi si nvwong gu krok a ghwi zit dak." ⁵⁰ Yesu si hyio, "I yok nvwong gu dak, krok atyi ayet lanvan'a dak, ayet si nyin'a." ⁵¹ Nang nmam ni nbwad nkpwen nang alin kyak gu nkad zo tutan'i, asi chio ugyi gu khi net Ushelima. ⁵² Asi tam anyet ntam duswon gu, basi nad bu dadai ukrang Samariya khi ba tu jyi gu kodi kyang. ⁵³ Ama anyet aza bi si san gu dak, krok akan chio ugyi gu khi net Ushelima. ⁵⁴ Nang anyet ghwi gu bi Yakub nbyang Yohna ndi ngi'i, basi hyio, "Atyo, u chat zi kam long nyiet tutan hu tyak banbi?" ⁵⁵ Ama asi bwak asi kam bi, ⁵⁶ Basi suwak nad bu dadai ukrang ugyang. ⁵⁷ Nang ba nshio ban vak nyet'i, ayin si hyio bangu, "Ni nghwi'a nad ko aze'a unet." ⁵⁸ Yesu si hyio bangu, "Ubwu utuk ni byo nbwong, awod uman tuzi ni si byo uli, ama Ngwon Atyibishi khi byo uvwo nmad apio dak." ⁵⁹ Asi hyio bu atyi agyang, "ghwi nu." Ama asi hyio, "Atyo, ya ngyok nu nnad nniyad addi nu." ⁶⁰ Ama asi hyio bangu, "Yok nkwom ni i niyad nkwom bi ni. Ama nang nyin'i, i nad i shei tyok Gwazi'u gbang tiyak uvwo khi." ⁶¹ Aza atyi agyang si bu hyio, "Ni nghwi'a, Atyo, ama yok nnya nad ntu byad anyet uli nu bi sak zi." ⁶² Yesu si shim gu do, "Atyi akan tyo bwak bu ghap aba bu chiyang malyim antai bu tyok Gwazi'u dak."

Chapter 10

¹ Nang nkyang nei nsuwak'i, Atyo'u si ghai anyet nswak natad agyang asi tam bi afiyang afiyang duswon gu ba nwo koda ukrang bu koda uvwo nang gu dam anad'i. ² Asi hyio banbi, "Fwai'u shi deni, ama anyet ntam bi shi dak. Ba anya, i Nai Atyo fwai'u atam ba anyet ntam bi bu fwai gu'u. ³ I nkad. Ili, ntam nyin nang nman tsyep bu uchio ubwu uyit ⁴ I yok kyak apwod krum dak, ko apwod chiyet, ko kwintak dak, awod i yok byad ayin talyen dak. ⁵ Koda uli kha i nwo, i fwum hyio, 'Yok kai ndi hu shio bu uli khe!' ⁶ Kanang atyi kai ndi nshio aza, kai ndi nyin'u li swan tutan gu, ama kha anya dak, hu li bwok bai ba nyin. ⁷ I swan bu uli akai, i gyi i swo kyang ba zan nyin'i, atyi ntam'u ntai bu van ntam gu'u. I yok kad bu uli bu uli dak. ⁸ Koda ukrang kha i nwo, awod basi san nyin, i gyi kodi kyang abai ba nyin zo'i, ⁹ i chirok anyet nzwan ba shio aza'i. I hyio banbi, 'Tyok Gwazi'u bai nkpwen ba nyin.' ¹⁰ Koda nzan nang i nwo bu ukrang awod basi san nyin dak, i wruk nad ba nvak ni i hyio, ¹¹ 'Ko ubung ukrang nyin khi nang khi nbet ba atak zit bi'i, zi kpyed krok nyin zo! Ama i lyen si hwi: Tyok Gwazi'u bai nkpwen.' ¹² Nyio ba nyin bu nmam ashwod'u huli byo sodom nduk lan ukrang a kai. ¹³ Hu swan fwong'a, Korazin! Hu swan fwong'a Besaida! Kha awa nyio chechet nkyang anyio nyin zo'i bu Taya nbyang Sidom'i, da sei ba kwok ntong nyiet gbanbang, basi swan bu kyakyak atro nbyang ntong. ¹⁴ Ama huli byo Taya nbyang Sidom nduk ba ashwod'u lan nyin. ¹⁵ Nwan Kapanahum, u dam ali dyep'a tuzi? Ka'ai, ali bai ba nwan abyin bu Hades. ¹⁶ Atyi afwong nyin afwong nu, atyi alak nyin alak nu, atyi alak nu alak atyi nang atam nu'i." ¹⁷ Anyet nswak natad bi si bwok bai ba asai alyio, bi ba nyio, Atyo, ko katuk ntsui bi mu fwong zit krok ayrok a khi." ¹⁸ Yesu si hyio banbi, "Nchiyang tanyirang khi shwod nyiet tuzi nang long'i. ¹⁹ Ili, nka nwak nyin gbandang i chong tutan ywan nbyang nyang, nbyang tutan salai chet lanvan'u, awod kyang li shio nyin dak. ²⁰ I yok gwai bi si hwi ndai dak nang tsui zi nfok nyin'i, ama i gwai suwak nang andru iyrok nyin'u tuzi." ²¹ Bumi nzan nzan asi gwai didid bumi zazzrak ntsui, asi hyio, "Ndyep'a, Addi'u, Atyo tutan nbyang abyin, krok u nyad nkyang nei ba anyet mamwang bi nbyang lyen nkyang, awod usi tyei ni ba anyet anwai tyet, nang achuwang nman'i. Ee, Addi, anya hu ngyet usham du ugyi'a." ²² "Addi nu tyi nu kodi kyang nbwak, ba atyi a lyen kyang Ngwon khi yet'i, sei Addi'u, nbyang ba atyi alyen kyang Addi'u yet'i, sei Ngwon khi, nbyang anyet nang Ngwon khi ghai a tyei bi zo'i." ²³ Aza gu si nbwak ba afam anyet ghwi gu bi, asi hyio banbi ntsang, "Krok nmiyang'a yet anyet bali kyang nang ili'i. ²⁴ Nhyio ba nyin didid anyet shei alyat nbyang agwam chat bali nkyang ili'i, ama ba shio li ni'u dak, ba fok nkyang i fok'i, ama ba fok ni dak." ²⁵ Aza, atyi-tyet chyi Yahudawa agyang si tagbok ayong anshio amak gu, aba nyio ''Atyi-tyet, yaha yet ti'u nang kha nyio nshio swon sang gang zi?" ²⁶ Yesu si hyio bangu, "Ya ha a lru ban nchyi ni? Ni'a u nfang ni?" ²⁷ Asi shim asi hyio, "U li chat Atyo Gwazi'au salai ba alyo'a khi, salai bu swon'a zi, salai bu chet a hu nbyang salai adam'au nbyang u chat atyi nswad'au nang apio'ai." ²⁸ Yesu si hyio bangu, "U lyen shim'u. Nyio anya, uli swon." ²⁹ Ama Atyi- tyet'u, chat gu a kwi apio gu, asi hyio bu Yesu, "Anyan'a yet atyi nswad nu'u?" ³⁰ Yesu si shim gu zo asi hyio, "Abyo agyang anyet wruk nyiet Ushelima net Jeriko. Asi nwo nbwak atang, basi san nkyang gu byo'i, basi tswod gu, basi wod gu nbwak aghu. ³¹ Hu bai chachirak nang atyi kwi anyet ngyang kai vak ahwai, nang gu ndi gu'i, asi tyep bafam unyung. ³² Ba anya, atyi Lavai si bai bu uvwo khi asi li gu, asi tyep ba afam si khi. ³³ Ama atyi Samariya agyang, nang gu nshio bu chiyet'i, asi chong bu ntad bu uvwo khi. Nang gu ndi gu'i, asi fok kunak gu. ³⁴ Asi nad bangu awod asi lab gu afwad bi, asi mun gu afwad bi ba amio nbyang saghwad ukwan. Asi kyak gu sak ban tsai gu zi, asi bai bangu bu uvwo sai anyet achen, asi lyen chiyang gu. ³⁵ Bu mam suhu asi kyak dinari afiyang,asi nwak atyi byo uvwo'u, asi hyio, 'Lyen nwan gu, kha u ghyad kyang suwak sihwi, kanang nbwok nni tan'a.' ³⁶ Anya'a ba anyet atad bei, nang u dam ayet atyi nswad atyi nang a nwo nbwak atang khi'i?" ³⁷ Atyi-tyet'u si hyio, "Si nang afok kunak gu'i wa." Yesu si hyio bangu, "Nad u nyio anya." ³⁸ Nini nang ba nshio bu chiyet'ui, asi nwo bu dadai ukrang ugyang, abyuk agyang nang angyei Mata si san gu bu uli gu khi. ³⁹ Abyo lanyuk angye Mariya, nang aswan ba atak Atyo bi aba fwong alyat gu ni. ⁴⁰ Ama Mata si shio ban ntam chat wan kyang yak. Asi bai bi Yesu asi hyio, "Atyo, hu fyep'a nang lanyuk nu'u nwod nu ntam ni ayin nu da? Ba anya hyio bangu abai abyang nu." ⁴¹ Ama Atyo si shim asi hyio bangu, "Mata, Mata, u lau dam nkyang deni, ⁴² ama kyang nyung a nsuwak yet'u. Mariya kan ghai kyang hu nsuwak'i, nang ali san gu do dak.''

Chapter 11

¹ Hu kwi nang Yesu shio bu Nai bu uvwo ugyang, atyi anyung ba anyet ghwi gu bi si hyio bangu, "Atyo, tyet zit gak nai'u bi gak nang Yohna ntyet anyet ghwi gu bi'i." ² Yesu si hyio banbi, "Kanang ili nai i hyio, 'Addi, ayrok a khi khi shio zazzrak. Tyok ahu hu bai. ³ Zan zit kyang yak koda mam. ⁴ Yrip zit katuk zit ni, nang zi ngyrip koda atyi a nyio zit katuk'i. Yok nad ban zit bu mak dak.'" ⁵ Yesu si hyio banbi, "Anyan'a ban nyin abyio kpandang, asi nad bangu bi sakau tutuk, asi hyio bangu, 'kpandang, hwop nu bredi utad, ⁶ nang kpandang nu nshio bu chiyet'i asi kai ba nu, da nbyo kyang ni zan gu dak.' ⁷ Aza atyi nang a shio bumi'i si shim aba nyio, 'Yok fyep nu dak. Akan fang nyinyit'u, zi kha myo ba nman nuni. Ni ngyad ntagbok nzan'a bredi dak.' ⁸ Nyio ba nyin, ko da awa li tagbok azan'a bredi khi dak krok u yet kpandang gu, krok gyi uswon bi fyeb sang nsum, ali tagbok a nwak'a kukwang bredi deni bisangag nang u nchat'i. ⁹ Nmun hyio ba nyin, i lyip, ali nwak nyin; i chat, ili shio; i lwi nyinyit'u, ali tyak nyin zo. ¹⁰ Koda anyan'a lyip, a sai; nbyang koda anyan'a chat a shiyad; awod atyi nang a lwi, ali tiyak. ¹¹ Da addi'a ba nyin, kanang ngwon gu khi lyip gu afwon, a nwak gu aywan kunu afwon? ¹² Ko kanang gu lyip achi nywan, azan gu nyang? ¹³ Ba anya, kanang nyin nang iyet katuk anyet'i lyen gag ili nwak nman nyin ni nkyang ntan ni'i, asi nyio Addi nyin'u nang a nyiet tuzi'i a nwak anyet ba lyip gu Zazzrak Ntsui'i?" ¹⁴ Nini Yesu ba vwong katuk ntsui nang ba nwai lyat. Nang katuk ntsui'u ngruk'i, atyi nang a swan nyanywang'i si lyat, awod apwi si nwo adam. ¹⁵ Ama anyet agyang si hyio, "Bu Belzebul, agwam akatuk ntsui, uwa trung akutuk ntsui bi." ¹⁶ Agyang si mak gu basi chat bali kyang yong ali nyiet tuzi. ¹⁷ Ama Yesu si lyen kyang ba dam'i, asi hyio banbi, "Kodi tyok hu kau apio hu li yong dak, nbyang uli khi kam apio khi li shot." ¹⁸ Kanang Tanyirang khi kau apio khi, ni'a tyok khi'iu lin gyong? Nyin i nyio ntrung akatuk ntsui bi bu Belzebul. ¹⁹ Kanang nvwong akatuk ntsui bi bu Belzebul, ba anyan'a anyet ghwi nyin bi nvwong bi? Krok anya, i ba li nyio nyin ashod'u. ²⁰ Ama kanang nvwong akatuk ntsui bi bu kaswong Gwazi da, aza tyok Gwazi'u wi kan bai ba nyin. ²¹ Kanang atyi nchet byo nkyang chok asi nchok uli gu khi, nkyang gu ni li swan, ²² ama kanang atyi byo chet agyang suwak gu, atyi byo chet awai li san nkyang chok ni bangu, awod akwok nkyang gu ni. ²³ Atyi nang da ashio banu dak alak nu, nbyang atyi nang a atung banu dak, asirang'a. ²⁴ Kanang katuk ntsui wruk nyiet ba atyibishi i sin kad, ili suwak bu uvwo sang saghwad i chat uvwo fwung. Khi i shio dak, i hyio, 'Nnu bwok nad buli nang nu ngruk'i.' ²⁵ Khi i bwok, asi shio nang a lyang uli khi tyo dusham. ²⁶ Aza zi si li nnad itu bai ba akatuk ntsui natad agyang nang ba suwak gu katuk'u awod ba bai salai ba nswan aza. Aza nghan nyio atyi azai li bwo nbyang suwak fwum. ²⁷ Hu kwi nang gu nhyio nkyang nei, abyuk agyang si vwad anghuad gu khi tutan akpwi khi asi hyio bangu, "Krok nmyang'a yet achi-ntyai khi byin'ai nbyang agben nang u nwai'i." ²⁸ Ama asi hyio, "Hu krak yet, krok nmyang'a yet atyi nang afwong alyat Gwazi ni asi nyio ntam." ²⁹ Nang akpwi anyet'u bu ngben'i, Yesu si kwi nyio, "Chiyan hwi yet katuk nchiyan'a. Hu chad kyang yong ali, ama ali nyio bi kyang yong ali zan bu si Yunana dak. ³⁰ Nang Yunana bin ngyet anyet Nineva bi kyang yong ali, anya'a Ngwon Atyibishi khi mun li ngyet kyang yong ali ba nchiyan'i. ³¹ Abyuk tyok sin utak li vwad ba ashod ba atyok nchiyan bei awod abwuk banbi, a bai nyiet bu nghan swanti'u afok mamwang Solomon, da i li, atyi a suwak Solomon shio azi. ³² Anyet Neniva bi li yong ba ashwod'u bu chiyan anyet'i awod abwuk ba nbi,krok ba kwok ntong bu shei Yunana'u, da i li, atyi asuwak Yunana shio azi. ³³ Ba ayin, ali tafud awuk ndong, a niyad ko akub bu uchirang, ama asak ba aghan, nang anyet a nwai'i li ndi sai'u. ³⁴ Ali a khi kya yet sai vam'u. Ka ali a khi yet, salai vam'u li sai. Ama ka ali a khi yet dak, vam'au li yet lyin'a. ³⁵ Krok anya, i tabam sai hu shio ba nyin'i hu yet lyin dak. ³⁶ Kha anya, salai vam'au hu yet sai'a, afam agyang khi yok yet lyin dak, anya salai vam'au li ndi nang awuk ndong hu sai kyankyai tutan'a.'' ³⁷ Nang gu ntyak alyat ni'i, atyi Farisawa si yei gu abai agyi yak agbang gu, Yesu si nwo bumi asi swan. ³⁸ Atyi Farisawa'u si nwo adam nang Yesu nkwi nbwak ni asi du nwo gyi yak hu shio duswon gu'i dak. ³⁹ Ama Atyo si hyio bangu, "Nini, nyin Farisawabi kwi ti kabwok (kob) ni nbyang agbwi bi, ama umi nyin khi nghyad bu yayra nbyang katuk. ⁴⁰ Nyin anyet sang fwu apio! Atyi nang aji ti di uwa mun ji umi khi da? ⁴¹ I nwak kunak ni kyang hu shio bumi khi'i, anya'a salai nkyang ni lin di yoyong ba nyin. ⁴² Ama hu swan fwong yin Farisawabi,i nwad Gwazi'u anyung bumi swak salai nkyang i byo'i nbyang ukwan nang i chwi'i, ama i lak nyio chuchuk'u nbyang chat Gwazi'u. Hu yet ti'a i nyio ashod atan nbyang chat Gwazi, i mun nwai lak nyio akum nkyang khi dak. ⁴³ Hu swan fwong nyin Farisawabi, nang i nchat nkyang swat duswon ba atu nai nbyang byad shii bu tunga ni. ⁴⁴ Hu swan fwong nyin, i yet nang ndyak i bwuk anyet ba nchong tutan di bu lyen." ⁴⁵ Atyi anyung ba anyet tyet chyi bi si hyio bangu, "Ayti tyet, kyang nang u hyio'i mun tok zit." ⁴⁶ Yesu si hyio, "Hu swan fwong nyin, anyet tyet chyi bi! I tyo anyet bi nprok nang i byo chet bi kyak'u, ama kasuwong jyung nyin byrem nkprok ni dak. ⁴⁷ Hu swan fwong nyin, krok i nok anyet shei tam Gwazi bi ndyak ni, nang addi nyin bi hyai'i. ⁴⁸ Ba'anya i nshio i si li nbyang isi shim ntam addi nyin ni, iba hyai bi awod isi nok ndyak bini. ⁴⁹ Tutan kyang khei, mamwang Gwazi'u hyio, 'Nni tam banbi anyet shei tam Gwazi nbyang anyet ntam, bali nwak bi ngbang ba mun hyai agyang bi.' ⁵⁰ Chiyan nzan'i, aza, ali byong hu tutan salai aswok anyet shei tam Gwazi nang a wyem nyiet bu suswon duniyio, ⁵¹ nyiet ba aswok Abila ni tunad aswok Zakariya ni, nang abu ghyad bu tyio aghan nai nbyang uvwo dyep. Ee, nyio ba nyin, ali byong chiyan nzan bu kyang ba nyio'i. ⁵² Hu swan fwong nyin anyet tyet chyi Yahudawabi, krok i kan kyak tsui yaya lyen zi; nyin ba apio nyin i nwo dak, awod isi fyun anyet ba nwai'i." ⁵³ Nang Yesu si ngwod aza'i, anyet lru bi nbyang Farisawabi basi lak alyat gu ni nbyang basi nyio tan bangu tutan nkyang deni, ⁵⁴ basi chat ba tyiram gu ba alyat gu ni.

Chapter 12

¹ Sak anya, nang anyet kwop deni tung dandung, hu si tunad bu sangag nang ban shei agyang, asi kwi nyio bi anyet ghwi gu bi salai, "I yok nwak apio bi yis Farisawa'u, nang hu yet bwoi apio. ² Ama ba kyang nang aniyad nang hu li nwai wruk, nbyang ba kyang aniyad nang da ali nwai lyen dak. ³ Anya kodi kyang i hyio ban dyin ati bu fok hu kpai, nbyang kyang i krak bi ifwo bumi atu, ati bi shei hu tutan atu. ⁴ Nhyio ban nyin akpandang nu bi, i yok fok uwun anyet ba ghyai vam'ui dak, ama kanang hu suwak ba bu byo kyang nyio dak. ⁵ Ama nni ghwad nyin afwo atyi ili fok uwun gu ni'i. I fok uwun atyi kanang gu ghyad, abyo chet ati'a bu uli ndong. Ee, nnyio ba nyin, i fok uwun gu. ⁶ Alyai uman ufwon bu achuwang kobo nfiyang ni da? Sak da anya ba si khi nang ali bwung bu gyi Gwazi khi. ⁷ Ama ko pio apio nyin'u salai afang. I yok fok uwun dak. I bwoi lan uman deni. ⁸ Nhyio ba nyin, ko anyan'a shei nu du gyi anyet khi, Ngwon Atyibishi khi mun li shei gu dugyi nman ntam Gwazi, ⁹ ama atyi afwo nu du ugyi anyet khi, amu li fwo gu du gyi nman ntam Gwazi. ¹⁰ Salai atyi akrak swang alyat tutan Ngwon Atyibishi, ali kwi gu do, ama katuk alyat krok Zazzrak Ntsui'u, ali kwi dak. ¹¹ Kanang ba bai ba nyin du ugyi atu nai khi, anyet ntyok bi, nbyang chachet bi, l yok dam kyang ili hyio i nsan apio nyin, ko kyang nang ili hyio'i dak, ¹² krok Zazzrak Ntsui'u li tyet nyin ba nzan aze kyang ili hyio'i." ¹³ Aza agyang anyet ba akpwi'u si hyio bangu, "Atyi tyet, tak lanyuk nu'u akau zwi addi zit zi banu." ¹⁴ Yesu si hyio bangu, "Atyok, anya'a tyo nu yet atyi ashwod ko atyi nwai ba nyin?" ¹⁵ Asi hyio banbi, ''I chok apio nyin bu kodi yayra shishio, krok swon atyibishi zi shi tutan nkyang nang gu byo'i kha dak." ¹⁶ Aza Yesu si tak bi gaan, aba nyio, ''Abyin atyi nzwi swum deni, ¹⁷ asi dam, aba nyio, 'Ya ha ni nyio, krok nbyo uvwo nchio yak nu'u dak?' ¹⁸ Asi hyio, 'Kyang'i hwa ni nyio, nni fwo agban nu bi nu nnok chachet zo, aza nni nkrok salai zwi nu zi nbyang akum nkyang khi. ¹⁹ Nni hyio bu swon nu zi, ''Swon, u tung nkyang gyi sak nang i li bwo njio deni. Sak fwo u fwung, gyi, swo, u fok nyanyang.'" ²⁰ Ama Gwazi'u si hyio bangu, 'Abwan ayin, tutuk khei achat swon azi, ban nkyang utsak kan jyi'i i li yet si anyan na?' ²¹ Anya'a agyang anyet ndi kanang gu tung apio gu zwi awod asang zwi bu Gwazi." ²² Yesu si hyio ba anyet ghwi gu bi, "Krok anya nhyio ba nyin, i yok fyep apio nyin tutan nswon nyin khi dak - kyang i li gyi, ko tutan vam nyin khi - kyang i li kub. ²³ Krok swon zi lan yak'u, awod vam'u si lan atro bi. ²⁴ I chiyang zanghiak zi, ba chwi dak da ba fwai dak. Ba byo atu tung ko agban dak, ama Gwazi'u wa nwad bi yak'u. Asi nyio nyin nang i byo gbandang suwak uman ni! ²⁵ Anya'a ba nyin bu lau chat gu'u lin nbyang kafwo ba njyio gu ni? ²⁶ Kanang i li ngya i nyio adadai kyang anya dak, ya nbyo nfyep apio nyin tutan akum khi? ²⁷ I chiyang fure di - gag nang ban ndai'i. Ba nyio ntam dak, ko nok atro dak. Ba anya nhyio ba nyin, ko Solomon salai bu gbandang gu'u do kup atro atan nang bi'i dak. ²⁸ Kanang Gwazi'u ghwi akwop uyit atro bi, nang u li li ufun awod utson ati ba ndong, hu li li ni'a anwai nkub nyin atro bi, ba nyin anyet adadai chuchuk! ²⁹ I yok chat kyang i li gyi dak ko kyang i li swo, nbyang i yok lau shishio dak. ³⁰ Krok salai ibyin duniyo chat nkyang nei, awod Addi nyin'u lyen nang i nchat ni. ³¹ Ama i chat tyok gu'u, nbyang nkyang nei ali nbyang nyin zo. ³² I yok fok uwun dak, dadai uswrong, krok Addi nyin'u fok nyanyang a nwak nyin tyok'u. ³³ I lyei nkyang nyin ni i kau kunak ni. I jyi apio nyin apwod nang bali sam dak - i tung zwi tuzi nang di i tyei dak, nang atang li nbai nkpwen dak, ko zwu li byan dak. ³⁴ Uvwo zwi'a di nshio'i, aza'a alyo'a khi mun nshio. ³⁵ Lap ufwong ba junjung atro'au, yok awuk ndong nyin khi gyi uswon bi gyi'u, ³⁶ awod i yet nang anyet ba fwong atyi uli bi'u kanang gu bwok nyiet ba agwai nyrang'u, bisangag kanang gu bai asi lwi nyinyit'u, ban shio tiyak gu tu'u nfyen. ³⁷ Krok nmiyang'a yet aghwo abai, nang atyi uli'u ti bi shio bi lechet kanang gu bai. Chuchuk'a nhyio ba yin, ali lap ufwong bi junjung atro gu'u, awod atyi bi ba swan abyin a bai a zan bi nkyang yak. ³⁸ Kanang atyi uli'u bai ba sakau utuk, ko ba tsatson khi, bi shio nang ba swan fwong, krok nmiyang'a yet aghwo abai. ³⁹ I bu lyen si hwi, nang kha atyi-uli'u awa lyen zan atang'u tu nbai'i, atsak li yok bi a ng'ap gu uli khi dak. ⁴⁰ Nyin i mun swan fwong, krok i lyen zan nang Ngwon Atyibishi khi li nbai'i dak." ⁴¹ Bitud si hyio, "Atyo, u lyat gaan dei ba nzit ba ndai ko nbyang ko nyan?" ⁴² Atyo si hyio, "A nyan'a aza nang a yet chuchuk ayin nbyang alyak mamwang nang atyo gu'u li nsak gu nwan aghwo agyang a nwad bi nkyang yak bi ni ba nzan tsan? ⁴³ Krok nmiyang'a aghwo awai yet, nang atyo gu'u shio gu nyio anya kanang gu bai. ⁴⁴ Chuchuk'a nhyio ba nyin ali nsak atyi awai chiyang nkyang gu ni salai. ⁴⁵ Ama kanang aghwo awai nyio ban fwo gu, 'Atyo nu'u byan zan bu bwok'u,' awod asi nwo tswot asam nbyang anab aghwo bi, awod aba gyi a swo, nbyang nwo ghyong, ⁴⁶ Atyo aghwo awai li bai bu mam nang gu dam dak, nbyang zan nang gu lyen dak, awod a tyam gu nchio nchong awod a nwak agyang anyet uvwo khi krok nwai byo chuchuk gu. ⁴⁷ Aghwo awai, nang gu ndyen kyang nang atyo gu chat'i, nang gu kha tswang dak ko a nyio kyang gu chat'i, ali swo tswod deni. ⁴⁸ Ama atyi alyen dak, asi nyio nkyang hu ntai a tswod gu'i, ali tswod gu dadai. Ama koda atyi nang anwak gu deni, deni'a ali chat bangu nbyang atyi nang atyi gu nbwak deni, ali lyip gu deni. ⁴⁹ Nbai nmad long'a bu swanti'u, nbyang bu chat nu'u dak sei hu kan tafud. ⁵⁰ Ama nbyo baptisima nang ali nyio nu do, nbyang sangag nang fwo'u nswan nu burdik si nang zi tyak! ⁵¹ I dam i li nbai bu kai ndi'a bu swanti'i? Khai, Ntak nyin, ama kau apio. ⁵² Ba anya nyiet nini ili byo anyet afwon bu uli unyung li kau apio bi - anyet atad li lak anyet afiyang, nbyang anyet afiyang ba lak anyet atad. ⁵³ Bali kau apio bi, addi li lak li afai gu, nbyang afai'u li lak li addi gu; ayang li lak li ngwon gu, nbyang ngwon li lak ayang; takwop ayang li lak li anyirang gu, nbyang anyirang'u alak li takwop ayang gu'u." ⁵⁴ Yesu si mun diyad ba akpwi anyet'u, "Kanang i li aniyan tuzi bi ma pio, bumi nzan i hyio, 'Ali vat zi,' anya hu li ndi. ⁵⁵ Kanang wun utak'a hyap, isi hyio, ' Mam li shuwai,' anya hu li ndi. ⁵⁶ Abwai ipio, i lyen gag nang i li ntak li swanti'u nbyang tuzi ni, ama ba hu li ni'a nang i nwai ndyen zan nang a nshio'i? ⁵⁷ Ya nbyo nang i nwai nyio apio nyin ashwod atan'u? ⁵⁸ Ka nang i net ba lanvan'a bu tu ashwod, nang i li net u kwan i jyi bangu u yok wod gu akwak'a nad do ba atyi chiyang ashwod, dak atyi chiyang ashwod'u a nwak'a nbwak alyak'u, awod alyak'u atyo'a bu ghwo dak. ⁵⁹ Nhyio ba nwan, u li wuruk aza dak sei nang u tan nghan krum'u."

Chapter 13

¹ Ban zan azei, agyang anyet si tak gu tutan anyet Galili nang Bilatu ghiyai aswok bi ni bu a zanang bi bi. ² Yesu si shim asi hyio banbi, "I dam Ee Galitiyawa bei ba byo katuk'u lan salai akum Galitiyawa khi krok ngbang nang ba swo'i? ³ Ka'ai, Ntak nyin. Ama kanang i kwok ntong dak, salai nyin i mun li kwi ban vak'i. ⁴ Ko anyet swak bu unainbwak ashio Siliyam nang uli tuzi khi nswod khi si hyai'i, i dam eh ba byo katuk'u lan anyet ashio Ushelima'i? ⁵ Ka'ai, nhyio. Ama kanang i lak kwok ntong, salai nyin i mun li kwi." ⁶ Yesu si tak gaan dei, "Ayin tip atyin gwafwai bu abyin gu khi awod asi bai go li ko ali nshio aswum ama asi nshhio kyang dak. ⁷ Atyi awai si hyio bu atyi chiyang ityin ukwan'u, 'chiyang, njio ntad na nei nang nu nchong chiyang aswum bu atyin gwafwai kei ama nu nshio kyang dak, tyap khi tyo abyin. U wod khi nang khi byan abyin khi nchat ya?' ⁸ Atyi chiyang ityin ukwan'u si shim asi hyio 'Yok awod khi ba alyo khei nang nte ndung nbyin ni nchiyet nbyang bwum'u. ⁹ Kanang khi swum alyo tubai, hu yet, ama kanang khi swum dak, asi tyap khi chio abyin!'" ¹⁰ Nini nang Yesu shio bu tyet bu tu nai gyang utuk mam fwung. ¹¹ Aza, Abyuk agyang nshio nang abyo katuk ntsui kwi vam, nbyang asi bruk bisangag nang gu li ngya a tagbok yong katsak dak. ¹² Nang Yesu ndi gu'i, asi yrong gu asi hyio, "Abyuk, u shio frok bu ghu vam'au." ¹³ Asi nsak nbwak ni bangu, bu di yong, asi vwat yong katsak, asi dyep Gwazi'u. ¹⁴ Ama alyak tu nai'u si fok chwai krok Yesu chirok utuk mam fwung khi. Ba anya alyak'u si shim asi hyio, "Nmam uti nshio nang hu yet an nyio tam. I bai ba nmam anai a nchirok nyin, zaan bu mam fwung'u." ¹⁵ Atyo si shim gu zo asi hyio, "Anyet bwai apio! Ko anyan'a ba nyin nbyuk kuzaki gu khi ko nyak gu zi a nang zi saghwad utuk mam fwung khi da? ¹⁶ Anya'a ba bu ngwon anab Ibrahim khi nang tanyrang khi lap bwo ndyo swak bu unainbwak, sei alak biyuk gu utuk mam fwung khi?" ¹⁷ Nang gu ndyat nkyang nei, salai anyet ba lak gu'i si fok nsum, ama akpwi anyet'u salai si gwai tutan salai gbandang nkyang gu nyio'i. ¹⁸ Aza Yesu si hyio, "Tyok Gwazi'u li ni'a, awod ya ha nni ntyan hu,? ¹⁹ Hu li nang tsui musta nang ayin kyak awod asi tu ti bi titam gu, awod khi si lai tyo ga alyak ukwan, awod uman tuzi ni si bai isi ntad uli bi ni ba nbwak ni." ²⁰ Asi bu hyio, "Ya ha nni ntyan tyok Gwazi'u? ²¹ Hu li nang nhyo yisti nang abyuk kyak nhiyai ba nhyo kuyangyi tsad, sei nang gu ntyo nhyo ni si mwai salai." ²² Yesu si nwo bu kodi ukrang nbyang achuwang ukrang ba nvak net Ushelima aba tyet bi. ²³ Agyang anyet si hyio bangu, "Atyo, anyet ali shio san'ui li shii da?" Ba anya asi hyio banbi, ²⁴ "I kwan i nwo bu a tatrak nyinyit khi, krok, nhyio ban nyin, anyet deni li chat ba nwo, ama bali ngya nwo dak. ²⁵ Kanang atyi-uli'u tagbok asi fang nyinyit'u, anya'a ili yong nti i tswod nyinyit'u i nyio, 'Atyo, Atyo, yok zi nwo.' Ali shim a hyio ba nyin 'Ndyen nyin dak ko uvwo i nyiet'i.' ²⁶ Aza'a i li nyio, 'Zi gyi zi si swo du gyi'a, awod u si tyet ba nvak zit ni.' ²⁷ Ama ali shim, 'Nnyio ba nyin, ndyen uvwo nang i nyiet'i dak. I drok nkpwen ban nu, nyin anyet nyio katuk!' ²⁸ Ali twei nbyang nywai angyung kanang i li Ibrahim, Ishaku, Yakub nbyang salai anyet shei tam Gwazi bi bu tyok Gwazi'u, ama a ti nyin nti. ²⁹ Bali bai nyiet ba afam apio, mapio, uzi nbyang utak, awod ba swan bu tebul bu tyok Gwazi'u. ³⁰ I lyen sihwi, anyet ajuwai'i, i ba li kyak uswon, awod anyet nang ali bi kyang'i, i ba li nghen." ³¹ A nzan dadai, Farisawa agyang si bai bu hyio bangu, ''Nkad u wod azi'u, krok Hiridus chat hyad'a." ³² Yesu si hyio, "I nad i tak ibwu utuk akai, 'I li, ntrung akatuk ntsui nbyang nma nyio ntam chirok anyet ufwun bu utswon, nbyang utuk mam tad khi nshio kyang nchat'i.' ³³ Ko hu li ni, hu yet nu ti'a ngyi uswon ufwun, utswon, nbyang mam hu li nsak'i, nang na shim ahyad atyi shei tam Gwazi nti Ushelima dak. ³⁴ Ushelima, Ushelima, nang a ghyai anyet shei tam Gwazi bi awod basi mang ba nfang anyet nang atam ba nyin'i. Koda nzan nchat ntung nman nyin ni nang ayang nywan ntung nman gu ni ta nfyep gu ni, ama isi chat anya dak. ³⁵ Li, i kai uli nyin khi wan. Nyio ba nyin, i li li nu dak sei nang i hyio, 'Krok nmiyang'a yet atyi nang abai ba ayrok Atyo.'"

Chapter 14

¹ Bu mam fuwung gyang, nang gu n'nat bu uli aliyak Farisiyawabi agyi buredi, nang ba chik gu. ² Ba anya, an bio agyang anyet nang a vwo bu zwan vam muwat. ³ Yesu si liyip anyet answak lyen chyi Yahudawa unbiyang Farisawabi, "Hu shi nchyi a chirok ayin bu mam fuwung u?" ⁴ Basi swan nyanwang. Yesu si kyak gu salai, asi chirok gu, asi chi gu taliyen. ⁵ Asi hyio banbi, " Anya na ban nyin nang ngwan gu ki ko nyak gu swat bu bwong ban mam fuwung Yahudawabi alak tin wuruk dyo u?" ⁶ Basi fuk ngyat ba shim kyang gu lirim i dak. ⁷ Nang Yesu nfuk ayang anyet aye bi agwai, aba chat swan ban kyakyat chuk, asi liyat banbi ban gaan, aba nyio, ⁸ "Ka ayin yei nyin agwai nyrang, iyok swan du uvwo chat chyin dak, agyang anyet che shi nvak tubai nang mun tak gu nang a chyin lan nyin. ⁹ Ka atyi ayei nyin agwai u'i bai, ali hyio ba nyin, 'Zan atyi'i uvwo nwsat akai,' awad usi bwok nat bu dadai kyang nwat u ba nsum. ¹⁰ Ka ayin yei nyin agwai, nat tu swan ba nchuk dadai di, ka atyi byo agwai u bai, ache li hyio ba nwan, 'Pwandang, nat bu gbwandang nchuk'u.' Awat a chyin'a du uswan anyet i swan bu tebul u dandung i salai. ¹¹ Ki nang ayin chyin apio gu ali juwai gu, atyi ama juwai gu ali chyin gu dusan." ¹² Yesu si bu hyio bu atyi ayei gu agwai, "Ki uchat yei ayin gyi yak, yok yei apwandang ko lanyuk ko anyet bio dak ko anyet npwen byo zwi, awat abu yei gu ntan, u wat un tan ti. ¹³ Ka ayin bio agwai gyi yak, yok gu yei kunak ni, bu a kuluk bi, bu apak gyi bi, ¹⁴ bu anyet nwai liyat. Ali nkrok gu nmiyang ni kanang ba bai basi gyi, biti bi shio kyang ntan u dak, awat abi tan na bu drok Yesu bu chiyang nkyang konyan nyio. ¹⁵ Nang atyi anyung banbi nang aswan bu kukwan gyi yak bu Yesu in fok ngi, asi hyio banbi, "Ali krok anyu nmiyang atyi agyi bredi ki bu tyok Gwazi." ¹⁶ Yesu si tak bi, "Agyang anyet sak ga gbandang yak agwai dushuyung, asi yei didid anyet. ¹⁷ Nang yak u nbiyang'i, asi tam aghuo gu atak anyet ashai i abai, kudan kyang biyang.' ¹⁸ Basi bwak yong, ida ba byo zan dak, atyi nfwum'u hyio, 'Nsan apwai, huyet ti'a n'nat ndi. Chi ali nswak.' ¹⁹ Nsak u si bu bai asi hyio, 'Nkwai nyak ghap tsuwan, nchat nat nmak zi. N-nai'a chi li nswak.' ²⁰ Atyi agyang sibu hyio, 'Nbwo abyuk, ba anya, nin bai dak.' ²¹ Aghuo u si bai bu tak atyi-uli u nkyang gu tu fok i, asi byan fwo, asi hyio ba aghuo u, 'wuruk anfiyen unat ba nvak ba ndang ni, u yei kunak ni, bu akuluk bi, bu apak agyi bi, bu anwai fwong bi.' Aghuo u si hyio, ²² 'Atyi-uli, kyang utam nu i, n-nyio tyak, ama tu nyung nbwat.' ²³ Atyi-uli u si hyio bu aghuo u, 'nat bu chachat nvak nbyang akpai nswat u tung anyet abai abang nu, a nfang uvwo ni. ²⁴ Nhyio ba nyin, ayin ba anyet nshei i li tyi yak nu u bu unu dak.'" ²⁵ Nini apwi anyet didid nghui gu, asi bwak asi hyio banbi, ²⁶ "Kanang ayin bai ba nu, da nang gu lak Adi, Ayang, Abyuk, Nman, Lanyuk asam ba anab, bu swan gu di dak, ali yet atyi ghui nu dak. ²⁷ Atyi alak kyak atyem nkwan gu u asi bai bannu dak, ali yet atyi ghwi nu dak. ²⁸ Ki anya-na banyin, nang achat nok a sop tu, alak ya nswan a dam krum gu li hyat i, asi nok hu salai u? ²⁹ Ko dak ka aprak afang tsi tu khi nang gu bi nok tyak dak, anyet a yong chiyang i li mai gu, ³⁰ ba nyio, 'Atyi wi fwum nok tu, asi tyak nok u dak.' ³¹ Ki da agwam'a, nang ka atu mun bi agwam agyang ba nzwang, alak swan aya nchat adam, ki ali ngyat ashio atyok chi-kob swak nang bi li kwan bu agwam siwu nang abai bu atyok chi-kob nswak-nfiyang u? ³² Ki ba anya, nang ahuwat sibi lishi gbang, a tam atyi yong go anai swat dusam. ³³ Ba anya uwa, Kanang ayin banyin nghuak kakap nkyang guni, ali yet atyi-ghui nu dak ³⁴ Nfak ni yet, ama ka nfak ni yet bu unu dak, ali nyi ni a ntyi ni ibu yet bu unu? ³⁵ I byo kyang alin nyio ba mbin ni nbiyang bwum'u dak. Ali kyak Wiyen. Atyi abyo afuo fwong uvwo bi yok gu fwong."

Chapter 15

¹ Nini salai anyet sai krum abyin bi bu katuk anyet bi si drok tubai a krok afwo bi Yesu. ² Farisiyawabi nbyang anyet lru bi ba kwob adyung duzan bi, biba nyio, "Atyi wi sai anyet katuk bi, aba mun gyi banbi." ³ Yesu si lyad bi gaan zei, aba nyio, ⁴ "Anyan'a ba nyin, kanang gu byo tsep chi, asi nchat jyung ywai, ali kai nswak-kubunyung bu kubunyung ni wod ba nti uyit di, anad chat sidi ibwuk'i, sei nang gu shio di da? ⁵ Ba anya kanang gu tu shio di, a frak nasyen awod agwai. ⁶ Kanang gu bwok bai buli, ayrong akpandang gu bi nbyang anyet a nswad gu bi, ahyio banbi, 'I gwai dandung banu, nshio tsep nchat ywai'i.' ⁷ Nhyio ba nyin, nang anya'i, agwai li nshio tazi kanang a shio atyi katuk anyung nang a kok ntong, lan anyet nswak-kubunyung bu kubunyung nang ba bu ntai ba kok ntong dak. ⁸ Ko kanang abyuk byo tsui zinariya swak, kanang gu nchat jyung ywai, alak mad long awuk a lyang uli khi, awod alyen chat sinang gu shio hu da? ⁹ Kanang gu shio hu, a yai akpandang gu bi dandung nbyang anyet nswad gu bi, a nyio banbi, 'I byang nu agwai'u, nshio tsui zinariya nchat ywai'i.' ¹⁰ Nang anya'i, nhyio ba nyin, kyang agwai'a du ugyi nman ntam Gwazi ni bi atyi katuk anyung nang akok ntong." ¹¹ AzaYesu si hyio "Agyang anyet byo nman ufiyang, ¹² awod ashuo'u banbi si hyio ba addi'u, 'Addi, nwak nu akwai nzwi ayet si nu'i.' Anya gu si nkau bi zwi gu di. ¹³ Hu bwo nmam dak, ashuo asam'u si tung nkyang guni salai awod asi nad bu abyin ugyang gbang, awod asi tu hyad zwi di bu babwon nvak. ¹⁴ Nang gu ngyi tyak'i, katuk nzwong si kub abyin khi, awod asi kwi ashurang. ¹⁵ Asi nad tu nwak apio gu ba atyi anyung ba anyet abin abai, asi tyo gu bi atam alede achiyet bi yak. ¹⁶ Amun fok nyanyang a gyi afro njok nang alede bi gyi'i, krok ayin nwak gu kyang dak. ¹⁷ Ama nang tsui gusyem zi ntung adam gu'ui, asi hyio, 'Anyet amang ba ba aghwo addi nu bi nang ba byo yak gyi didid, awod nma shio azi, chat ghu bu zwong di! ¹⁸ Nni wod azi'u, nnad ba addi nu, ntu hyio bangu, "Addi, nnyio tazi khi katuk, nbyang du ugyi'a. ¹⁹ Nmai abu yrong nu ngwon'a dak; yok nu ngyet atyi anyung ba aghwo'a bi.'" ²⁰ Ba anya tsui gusyem di si drok isi bai ba addi gu'u. Nang gu li shio gbang, addi'u si li gu, awod asi fok kunak gu, awod asi tyap chung, asi mub gu nbyang krang chat. ²¹ Gusyem khi si hyio bangu, 'Addi, nnyio tazi khi katuk nbyang du ugyi'a. Nmai abu yrong nu ngwon'a dak.' ²² Addi'u si hyio bu aghwo gu bi, 'I bai ba bu junjung atro atan, a kub gu, tyi gu nyuak ba nbwak gu'u, a tyi gu akwintak ba atak gubi. ²³ Aza i bai bu fung nyak awod i fyed. Yok zi nyio agwai. ²⁴ Ngwon nu khi tsak kan ghu, awod nini khi nshio bu swon zi. Khi tsak kan bwuk, nini a shio gu.' Basi nwo agwai u. ²⁵ Ba nzan zi nang aghwop gusyem'u shio uyit. Nang gu nbai npwen bu uli khi'i asi fok tswod nkyang nbyang swong. ²⁶ Asi yrong aghwo anyung asi lyip gu kyang nang nkyang nei yet'i. ²⁷ Aghwo'u' si hyio bangu, 'Lanyuk'au wa bai buli awod uhwa addi'au nfyed fung nyak, krok a bwok dusham.' ²⁸ Ahwop asam'u si byan fwo, awod asi lak nwo'u, addi gu'u si wuruk bai, asi nai gu. ²⁹ Ama ahwop asam'u asi shim asi hyio ba addi'u, 'Li, njio deni ngyet aghwo'a wa, awod nkan byan'a fwo dak, nbyang u kan nzan nu fung nzwan nang nnu ngwai ba akpandang nu dak, ³⁰ ama nang ngwon'a khi nbai'i, nang khi tu byan zwi'a zi ba ngham'i, usi fyed gu fung nyak.' ³¹ Addi'u si hyio bangu, 'Ngwon, u shio ban nu koda nzan, nbyang kodi kyang nu yet si nwan. ³² Ama hu yet usham zi gwai nbyang zi fok nyanyang, krok lanyuk'au tsak kan ghu, nini ashio bu swon; atsak kan bwuk, nini ashio gu.'"

Chapter 16

¹ Yesu si mun hyio ba anyet ghwi gu bi, "A nbyo atyi abyo zwi nang abyo aliyak chiyang, asi tu tak gu nang aliyak chiyang gu'u ngyi zwi gu di. ² Ba anya atyi byo zwi'u si yrong gu asi hyio bangu, 'Ya nfok da anyan a khi? Fi nu nkyang nu ni, ubu li yet nu aliyak atyi chiyang nkyang dak.' ³ Aliyak chiyang'u si hyio ba apio gu, 'Ya nni nyio, nang atyi uli'u nvwong nu ba ntam ne'i? nbio chet lung abyin dak, awod nfok nsum nai ni. ⁴ Ndyen kyang nang nni nyio'i, nang ka atin nu ba ntam nu'u, anyet bi a nsai nu bu usi bi ni.' ⁵ Aza aliyak chiyang'u si yei anyet nang atyi uli'u ghwi bi ati bi'i nyinyin, awod asi lyip atyi uswon'u, 'Ni'a atyi uli nu'u ghwi'a?' ⁶ Asi hyio, 'Amag amio zetun chi.' Asi hyio bangu, 'kyak ti'a hu u swan abyin nfyen, u lru nswak nfwon.' ⁷ Aza atyi chiyang'u si bu hyio ba agyang, 'Ni'a aghwi'a?' Asi hyio, 'Mag alkama chi.' Asi hyio ba ngu, 'kyak ti'a hu, awod u lru nswak unai'nbwak.' ⁸ Atyi uli'u si lyat tutan atyi chiyang nwai nyio chuchuk krok a nyio mamwang. Nang nman duniyo nei nbyo mamwang ghwi ba nyet bi bi lan nman Gwazi ni. ⁹ Nhyio ban nyin, i nyio akpandang ba agyang da nvak krum i lak yet, kanang hu bi tyak, ba nshi san nyin bu uvwo nswad sang gag. ¹⁰ Atyi nang nyio chuchuk ba adadai kyang amun li nyio chuchuk ba nkyang deni, nbyang atyi nang a nwai nyio chuchuk ba adadai kyang amun li nwai nyio chuchuk ba nkyang deni. ¹¹ Kanang i nwai nyio chuchuk bu krum lak yet, anyan'a li shim nyin bu chuchuk nzwi'u? ¹² Kanang i nwai nyio chuchuk bu krum anyet'u, anyan'a li nwak nyin krum hu yet si nyin? ¹³ An byo aghwo ali ghwi anyet uli afiyang dak, ko alak anyung achat anyung, ko nyio atyio anyung ntam awod alak anyung u. U li dyep Gwazi'u nbyang zwi dak." ¹⁴ Nini Farisawabi, nang ba yet anyet chat krum'i, nfok salai nkyang nei, basi chat ba tyo gu nswum. ¹⁵ Asi hyio banbi, "I chiin apio nyin bu ugyi anyet khi, ama Gwazi'u lyen nfwo nyin ni. Kyang nang a dyep bumi anyet khi yet alak yet'a du ugyi Gwazi khi. ¹⁶ Chyi'u nbyang anyet shei uswon bi nshio Yohna si do bai. Nyiet ba nzan aze, asi shei alyat ntan si tyok Gwazi'u, awod koyan si chat ntyo apio gu bu chet ba nvak aghwai. ¹⁷ Ama hu li nsuwak shio nfyen tazi khi nbyang abyin khi khi tyak nang nzwo jyung bu kwi abwad nchyi'u li nbyan'i. ¹⁸ Atyi nang a kam nyirang ba abyuk gu'u awod asi bwo agyang a nyio amun, nbyang atyi nang a bwo atyi nang a tyad nyirang ba atyok gu'u a nyio amun. ¹⁹ Azi an byo atyi byo zwi agyang nang a kub babwad atro nbyang aba fok nyanyang zwi gu zi koda utuk. ²⁰ Asi nbyo atyi nai agyang a ngyei Lazarus nang a mad likanyio uli gu khi, bu ga afwod bu vam'u, ²¹ nbyang asi chat agyi kyang hu shuwod nyiet bu tebul atyi byo zwi'u.Ubwu ni mun bai ibi nyai afwod gu bi. ²² Hu si kwi nang atyi nai nkyang'u nghu'i nman ntam Gwazi ni si kyak gu nad do ba afam Ibrahim khi. Atyi byo zwi'u si mun ghu asi niyad gu, ²³ awod bu Hades, bumi swo zwot, asi gbad agyi bi ndi Ibrahim gbang nbyang Lazarus ba afam gu khi. ²⁴ Asi tyo kun asi hyio, 'Addi Ibrahim, fok kunak nu u tam Lazarus, a zwub unu kasuwong gu khi bu saghwad an nshyim nu alyam khi, krok nshio bu swo zwot bu ulirap ndong khe.' ²⁵ Ama Ibrahim si hyio, 'Ngwon, jyung ba nzan nang u nshio achet'i u si sai nkyang ntan ani, awod Lazarus kanting ba anya katuk nkyang. Ama nini afok nyanyang azi, awod nwan u shio bu zwot. ²⁶ Zhan ba anya, a tyo ga gbandang angham butyo zit khi, nang anyet ba li chat byok nyiet azi nad ba nyin mai nbyok dak, nbyang ayin li byok nyiet aza bai ba nzit dak.' ²⁷ Atyi byo zwi'u si hyio, Nnai'a, Addi Ibrahim, nang u li ntam gu buli addi nu khi - ²⁸ krok nbyo lanyuk asam afwon - bisangag nang gu li nhwad bi afwo, krok fok uwun nang ba mun li nbai bu uvwo swo zwot khe dak.' ²⁹ Ama Ibrahim si hyio, 'Ba byo Musa nbyang anyet shei uswon bi; yok ba fwong bi.' ³⁰ Atyi byo zwi'u si shim, 'Ka'ai, Addi Ibrahim, ama kanang ayin li nad banbi nyiet ba anyet nang a kan kwi'i, ba li kok ntong.' ³¹ Ama Ibrahim si hyio bangu, 'Kanang ba lak fok Musa nbyang anyet shei uswon, anya'a ba mun li nwai fok kanang ayin tagbok ba anyet nang akan kwi'i.'"

Chapter 17

¹ Yesu si hyio ba anyet ghwi gu bi, ''Anya'a hu ndi nkyang nshio nang ili tyo zi nyio katuk, ama hu swan fwong atyi nang nkyang anei li nbai'i! ² Hu li lan a lab gu nan-kwang ba nfwo gu'u awod a ti gu ba agyui, lan nang gu li ntyo anyung ba achuwang anyet'i a shod'i. ³ I chok apio nyin. Kanang lanyuk'a nyio katuk, nghai bangu, kanang gu kok ntong, u yrup gu zo. ⁴ Kanang gu nyio'a katuk ni nad natad bu mam'u, awod asi bwod chong ba nwan nad natad, aba nyio, 'Nkok ntong,' hu yet ti'a u yrup gu zo." ⁵ Anyet ntam bi si hyio ba Atyo, ''Nbyang zit chuchuk'u'' ⁶ Atyo si hyio, kanang i byo chuchuk'u nang a ntsui musta'i, i li hyio bu atyin ukum khi 'Drok ba anan bi, awod u tu yong ba agyui,' awod khi fok'a. ⁷ Ama anyan'a ba nyin, nang a byo aghwo gkhap ko nang achok gu tsep, ali hyio bangu kanang gu bwok nyiet bu chok'u, 'Bai bumi nzan u swan abyin u gyi yak'? ⁸ Akrak li hyio bangu, 'Wan nu kyang-yak ngyi, nbyang u lap ufwong u nyio nu ntam sinang ntyak gyi bu swo'u. Aza u si yapsak u gyi u swo da'? ⁹ Asi lak tyo aghwo gu adyep'u krok a nyio kyang nang atyo gu nyio'i, a nyio? ¹⁰ Nang anya'ai nyin ma, kanang i nyio nkyang nang a tyo nyin nyio'i, i hyio, 'Zi yet aghwo ntan ba dak. Zi nyio kyang hu ntai zi nyio'i hwa.''' ¹¹ Hu kwi anya nang gu nyio nad Ushelima, asi kai bu gag ukrang Samariya bu Galili. ¹² Nang gu nwo bu adadai ukrang ugyang, aza asi mun ba atyok swak ba yet anyet gbap. Basi yong titi bangu ¹³ awod basi krak bu gbandang nghuad, basi nyio, ''Yesu, Atyi uli, fok kunak zit.'' ¹⁴ Nang gu ndi bi, asi hyio banbi, ''I nad i tu tak apio nyin ba anyet kwi anyet bu Gwazi bi.''Nang ba nkad'i basi chirok. ¹⁵ Nang atyi anyung banbi ndi nang gun chirok'i, asi bwok balyim, bu gbandang anghuad aba dyep Gwazi'u. ¹⁶ Asi ghwum ba atak Yesu bi, aba tyet gu adyep'u. Abi yet atyi Samariya'a. ¹⁷ AzaYesu si hyio, ''Anyet swak ba a chirok da? Anyet kubunyung bi shio aze? ¹⁸ Abu nbyo agyang anyet nang abwok a nwak Gwazi'u gbandang da, sei atyi achen'i?" ¹⁹ Asi hyio bangu, ''Tagbok, u nkad. Chuchuk'a hu chirok'a.'' ²⁰ Farisawabi si lyip da nzan za tyok Gwazi'u li nbai, Yesu si shim bi do asi hyio, ''Tyok Gwazi'u yet kyang nang ali swan chiyai'a dak. ²¹ Da ba li hyio, 'Li, uhwa hwi!' ko, uhwa hwo!' I chiyang, tyok Gwazi shio ba nyin." ²² Asi si hyio ba anyet ghwi gu bi, ''Nmam ni tubai nang i ti bu nchat i li mam nyung ba nmam Ngwon Atyibishi ni'i, ama da i li li hu dak. ²³ Aza ba li hyio ba nyin, 'Li, azau! Li, azi!' Ama i yok wuruk dak ko i ghwi bi dak, ²⁴ nang sai'u nsai zazzrak'i kanang hu tad nyiet ba afam tazi khe tunad ba afam tazi ko, anya'a Ngwon Atyibishi khi li ngyet bu mam gu'u. ²⁵ Ama bu fhum'u hu yet ti'a a swo ngbang nkyang deni nbyang chiyan nzan'i hu lak gu. ²⁶ Nang hu bin nkwi ba nzan Nuhu di'i, anya'a hu mun li nkwi bu mam Ngwon Atyibishi khi. ²⁷ Ba gyi, basi swo, basi nyio nyirang, awod basi tyet nyirang, sei bu nmam nang Nuhu nwo bu jirgi'u - ga saghwad'u si bai bu ghyai bi salai. ²⁸ Ba anya hu mun kwi ba nmam Lutu ni - basi shio bu gyi, nbyang swo, bu kwai nbyang liyai, ba twi nbyang nok. ²⁹ Ama ba nmam nang Lutu ngruk gwan Sodom'ui, long nbyang atsan ndong nyiet tazi nang zi'i basi bwuk banbi salai. ³⁰ Bu chachirak anya'a hu li nkwi bu mam nang Ngwon Atyibishi khi li ntad wuruk'i. ³¹ Bu mam ahwai, yok atyi nang ashio tutan tu khi yok chiyok bai abyin a chat kok nkyang gu ni wuruk zo bu uli khi dak; nbyang i yok gwan atyi ashio uyit'i a bwok bai dak. ³² I jyung abyuk Lutu. ³³ Atyi nang a chat a ashio swon gu zi ali nwai zi, ama atyi nang a nwai swon gu zi ali san zi. ³⁴ Ntak nyin, tutuk a kai ali shio anyet afiyang ba abrak anyung. Ali kyak anyung a wod anyung. ³⁵ Anyuk afiyang li kwang dandung. Ali kyak anyung a wod anyung. ³⁶ Anyet afiyang li shio uyit akyak anyung awod anyung." ³⁷ Basi lyip gu, "Aze'a, Atyo?" awod asi hyio banbi, "Uvwo nang kwom nshio, aza'a gulu mun li ntung dandung."

Chapter 18

¹ Aza gusi ndyat gaan banbi bu sangak balin mok'i, ba yok ghu alyio dak, ² aba nyio, "Bumi ukrang ugyang a nbyo atyi chiyang ashwod nang fwong uwun Gwazi dak awod a kok ayin kyang dak. ³ Nini anbyo kanyuk agyang bu umi ukrang khi, a chong bangu koda zan, aba nyio, 'Byang nu nshio chuchuk bu nanvan nu'u.' ⁴ Hu kyak zan nang gu lak byang gu'u, ama hu byang dak asi lyat ba apio gu, 'Ko nang nu fok uwun Gwazi ko nwad atyibishi gbok dak'i, ⁵ krok gag nang kanyuk'i nfyeb nu'i, nni byang gu ashio chuchuk'u, tyong fam gu chong bu fam nu'i.'" ⁶ Aza Atyo si hyio, "I fok kyang nang katuk atyi nyio ashwod'i lyat'i. ⁷ Nini Gwazi li yok nyio chuchuk ba anyet gu ghai nang ba twoi yei gu tutuk bu tamam'i? Ali mei byan zan bu fok bi'u? ⁸ Nhyio banyin nang guli nyio bi chuchuk'u nfyen. Nang anya'i ka Ngwon Atyibishi khi bai, asa li shio chuchuk bu swanti'u?" ⁹ Asi bu lyat gaan zei ba agyang anyet nang abwai apio bi ee ba yet atan anyet, awod ba ba lak akum anyet khi, ¹⁰ "Anyet afiyang nad bu tunai a mok, atyi anyung yet atyi Farisawa, anyung'u si yet atyi sai krum abyin. ¹¹ Atyi Farisawa'u si tabok asi mok nkyang nei krok apio gu, 'Gwazi'u, ngwai ba nwan nang nu ndi nang agyang anyet'i dak - atang, anyet sang chuchuk, anyet nyio amun - ko nang atyi sai krum abyin wi. ¹² Nnyio mub unu ufiyang koda sati. Nnwad zanang nuzi ba kudi kyang nshiyad'i.' ¹³ Ama atyi sai krum abyin'u si yong gbang, asi mai achiyang tuzi khi dak, asi lwi furung, aba nyio, 'Gwazi'u, fok kunak nu, atyi katuk.' ¹⁴ Nhyio ba nyin, atyi wi bwok nad buli gu khi bu chuchuk lan atyi anyung'u, krok koda atyi achiin apio gu ali kyak gu kyang dak, awod atyi asi kyak apio gu kyang dak, ali chiin gu." ¹⁵ Anyet bi si mun chong bangu nman nbwak ni, an nshyai bi nbwak gu ni, ama nang anyet ghwi gu bi ndi anya'i, basi nvwong bi. ¹⁶ Ama Yesu si yrong bi bai zo bangu, aba nyio banbi, "I yok achuwang nman'u abai ba nu, i yok vwong bi dak. Krok tyok Gwazi'u yet si tankai bi'a. ¹⁷ Chuchuk nhyio ba nyin, koda atyi alak san tyok Gwazi'u nang ngwon'i, amai si nwo hu dak." ¹⁸ Agwam agyang si lyip gu, aba nyio "Atyi tyet atan, yaha ni nyio nu nshio swon sangag di?" ¹⁹ Yesu si hyio bangu, "Yaha nbyo u ngyrong nu atan ayin? A nbyo atan ayin dak, sei Gwazi ba anyin gu. ²⁰ U lyen nchyi ni - yok nyio amun dak, yok hyad ayin dak, yok nyiin tsang dak, yok kai kyang hu nwai yet chuchuk dak, nwak addi'a nbyang ayang'a gbok." ²¹ Atyi byong tyok'u si hyio, "Nnyio nkyang nei salai nyiet nang ni ngyet fung." ²² Nang Yesu nfok anya'i, asi hyio bangu, "Kyang nyung'a u chat ywai. Hu yet ti'a u lyai nkyang ani salai, u kau kunak ni, u li byo zwi tazi - awod u bai, u ghwi nu." ²³ Ama nang atyi byo zwi'u nfok ngi'i, asi byan ugyi krok a byo zwi deni. ²⁴ Aza Yesu, si li gu, nang gu mei byan fwo'u, asi hyio, "Hu mei byo chet anyet nzwi bi ba nwo tyok Gwazi'u! ²⁵ Krok hu li lan lakomi a nwo ba abwong yula, nang atyi byo zwi li nwo tyok Gwazi'ui." ²⁶ Anyet ba fwong gu'i si hyio, "Kanang anya ba anyan'a li shio san'u?" ²⁷ Yesu si shim, "Nkyang nang i byo aghu ba anyetbishi bi'i i byo aghu bu Gwazi'u dak." ²⁸ Bitud si hyio, "Tau, zi kan gwod kodi kyang nang hu yet si nzit awod zi bi ghwi'a" ²⁹ Yesu si hyio banbi, " Chuchuk, nhyio ba nyin atyi nang awod uli gu, ko abyuk, ko lanyuk, ko anyet nbyin, ko nman, ba aniyan tyok Gwazi, ³⁰ nang ali nwai san mamak bu duniyo'i, nbyang bu duniyo hu tubai'i, swon sang gag." ³¹ Nang gu ntung swak ba afiyang bai zo bangu'i, asi hyio banbi, " Li, zi net Ushelima, awod salai nkyang nang anyet shei uswon bi lru tutan Ngwon Atyibishi khi'i li nad chachirak. ³² Nang ali nwak gu nbwak anyet sang ghwi, awod ba mai gu, ba tyo gu nsum, ba tang gu tanpio. ³³ Kanang ba tswod gu, ba hyad gu awod bu mam tad'u, a bu tagbok." ³⁴ Basi nfuk kyang ba nkyang nei dak, nbyang swang alyat zei si shio bi ba ndyin, awod basi fuk nkyang alyat'i dak. ³⁵ si bu kwi, nang Yesu si nbai npwen bu Jeriko'i, nang akpak agyi agyang swan ba nvak'u nai nkyang, ³⁶ awod nang gu nfok akpwi'u nsurap'i, asi lyip kyang hu kwi'i. ³⁷ Basi tak gu nang Yesu atyi Nazarat'a nsurap. ³⁸ Akpak agyi'u si tyo kun, aba nyio, "Yesu, Ngwon Dauda, fok kunak nu." ³⁹ Anyet ashio duswon'i si kam akpak agyi'u, i yok gu swan nyanywang. Ama asi bu nbyang tang'am anghuad khi'u, "Ngwon Dauda, fok kunak nu." ⁴⁰ Yesu si bwok yong awod asi tyo abai bangu. Aza nang akpak agyi'u nbai npwen'i, Yesu si lyip gu, ⁴¹ "Yaha u chat nnyio'a zo?" Asi hyio, "Atyo, Nchat nshio chiyang uvwo ni." ⁴² Yesu si hyio bangu, "Shio chiyang'u. Chuchuk ahu chirok'a." ⁴³ Bumi nzan asi nwo chiyang'u awod asi ghwi gu, aba dyep Gwazi'u. Salai anyet bi, nang ba ndi sihwi'i basi dyep Gwazi'u.

Chapter 19

¹ Yesu si nwo asi suwak bumi Yeriko. ² Aza, a nbyo agyang anyet nang agyei Zaka. Abi yet alyak sai krum abyin asi mun byo zwi. ³ Akwan go li anya'a yet Yesu, ama asi mei ali gu ba akpwi'u dak, krok ayet akum ayin'a. ⁴ Asi tyong nad duswon anyet khi awod asi tu nyiak atyin ukwan sikamo ashio ali gu, krok Yesu li suwak ba vak ahwai. ⁵ Nang Yesu nbai bu uvwo khi'i, asi chiyang tutan aba nyio bangu, ''Zaka, chiyok afyen, hu yet ti'a nswan agbang'a ufwun." ⁶ Ba anya asi nyio nfyen asi chiyok awod asi san gu ba agwai. ⁷ Nang koyan ndi ngyi'i, basi kwop adyung, a ba nyio, " Anad bu uli atyi byo katuk." ⁸ Zaka si tagbok asi hyio ba Atyo'u,"Li, Atyo, akum nkyang nu khi ni nwak kunak ni, awod kanang nkan shiyok ayin bu kodi kyang, nni bwok bangu do nad unai bu kyang nsan'i.'' ⁹ Yesu si hyio bangu, "Shio san bai bu uli khe ufwun, krok ngu amun gyet ngwon Ibrahim kha. ¹⁰ Ngwon Atyibishi bai khi chat awod khi san anyet ba bwuk'i." ¹¹ Nang ba nfok nkyang nei'i, asi gyi uswon ba alyat ni awod asi tak gaan, krok a bai npwen bu Ushelima, nbyang basi dam ee tyok Gwazi'u shim bai kpai nini. ¹² Ba anya asi hyio, "Aliyak ayin agyang nad ba abyin agyang gbang, atu san apio gu tyok awod asi bwok bai. ¹³ Asi yrong aghwo gu bi swak, asi nwak bi minas swak, awod asi hyio banbi, 'I nyio abwang sinang nbwok.' ¹⁴ Ama anyet gu bi si lak li gu, basi tin anyet basi ghwi gu, aba nyio, 'Zi chat atyi'i anyio tyok tutan zit dak.' ¹⁵ Nang gu tun bwok bai'i, nang gu kha tu san tyok'ui, asi tyo ayrong aghwo nang gu nwak bi krum'i, nang gu li ndyen ubruk ba nshio ba abwang'i. ¹⁶ Suswon'u si bai du ugyi gu, aba nyio, 'Atyo, mina'au byin minas swak.' ¹⁷ Aliyak'u si hyio bangu, 'U nyio dusham, aghwo atan. Krok u nyio chuchuk ba adadai kyang, uli nyio tyok tutan umi ukrang swak.' ¹⁸ Afiyang'u si bai, aba nyio, 'Mina'au, atyo, byin minas afwon.' ¹⁹ Aliyak'u si hyio bangu, 'Uli byong umi ukrang ufwon.' ²⁰ Agyang si bu bai, aba nyio, 'Atyo, mina'au wa wi, nang nsak dusham ba atro, ²¹ nfok uwun'a, krok u yet atyi avwo ba nwan dak. U kok kyang nang da u sak dak, nbyang u fwai kyang nang da u chwi dak.' ²² Aliyak'u si hyio bangu, 'Ba nswang alyat adi, ni nyio'a ashod, nwan katuk aghwo. U lyen nang nu ngyet atyi vwo ba ayin dak, kok nkyang nang da nsak dak nbyang fwai kyang nang da nchwi dak. ²³ Bu ya nbyo u ndak nsak krum nu'u bu tu abwang, kanang nbwok nbai nsan hu bu ubruk da?' ²⁴ Aliyak'u si hyio ba nbi nang ayong npwen'i, 'I san mina'u bangu, i nwak atyi abyo minas swak bi'i. ²⁵ Basi hyio bangu, 'Atyo, abyo minas swak.' ²⁶ Nhyio ba nyin, atyi a byo'a a bu li nbyang gu do, ama atyi asang ko asikhi gu byo'i amun li san. ²⁷ Ama lanvan nu bei, anyet ba chat nnyio tyok tutan bi dak, i bai banbi adi, i hyai bi duswon nu.''' ²⁸ Nang gu ndyat nkyang nei, asi gyi uswon, baan net Ushelima. ²⁹ Hu kwi anya nang gu nbai npwen Bafed nbyang Batani'i, tunad ba afan nang an gyei zaitun, asi tam anyet ghwi gu bi afiyang, ³⁰ aba nyio, "I nad bu dadai ukrang nang a nsak'i. Kanang i nwo, i li li ngwon kazaki nang akan nyiak dak. I byuk khi i bai ba nu do. ³¹ Kanang ayin lyip nyin, 'Di ya nbyo i nbi khi?' i hyio, 'Atyo'a chat khi.'" ³² Anyet nang atam'i si nad tu shio ngwon kazaki khi bu sangag nang Yesu nhyio banbi'i. ³³ Ba shio bu bi ngwon kazaki khi'u, atyi byo'u ba nyio banbi, "Ya nbyo i nbi ngwon kazaki khi?" ³⁴ Basi hyio, "Atyo wa chat khi." ³⁵ Basi bai bu Yesu do, basi ntang atro bibi tutan kazaki khi basi kyak Yesu nsak tutan. ³⁶ Nang gu nnet'i, basi ntyak atro bibi ban vak'u." ³⁷ Nang gu nnet npwen bu uvwo nang agung zaitun khi nhyiok'i, salai akpwi anyet ghwi gu bi si fwum agwai nbyang dyep Gwazi'u bu gbandang anghuad bu salai chachet ntam nang ba li'i, ³⁸ biba nyio, "Krok nmyang'a yet agwam nang a tubai bumi ayurok Atyo! Kai ndi tuzi nbyang gbandang tuzi!" ³⁹ Farisawa agyang nang ba shio ba akpwi'ui si hyio bangu, "Atyi tyet, kam anyet ghwi a bi." ⁴⁰ Yesu si shim asi hyio, "Ntak nyin, kanang si bei wa swan nyanywang, nfang ni li drok ba adyep." ⁴¹ Nang Yesu nbai npwen bu umi ukrang khi'i, asi twei tutan khi, ⁴² aba nyio, "Ka iwi lyen mam'i, ko nyin, nkyang nang i chong bu kai ndi! Ama nini aniyad ni ntyong nyin. ⁴³ Nmam ni li bai tutan nyin, nang lavan nyin bi li nnok bad krak nyin, ba tyo nyin bu utyo, ba tafok nyin bu koda abag. ⁴⁴ Ba li lyu nyin mad abyin nbyang nyin bu nman nyin ni. Ba li gwan afang unyung tutan ugyang dak, krok i fuk hu dak nang Gwazi'u nchat a san nyin ni." ⁴⁵ Yesu si nwo bu tu dyep awod asi kwi vwong anyet nang ba lyai nkyang'i, ⁴⁶ aba nyio banbi, "A lru, 'Uli nu khi li yet uli nai,' ama i bwak khi ntyo uvwo nswad atang." ⁴⁷ Anya Yesu ba tyet koda utuk bu tu dyep'u. Agwam kwi anyet bu Gwazi nbyang anyet lru nbyang chechet anyet bi si chat hyad gu, ⁴⁸ ama basi shio gag dak, krok salai anyet bi nkrok afwo aba fwong gu dusham.

Chapter 20

¹ Utuk ugyang si bai, nang Yesu shi bu tyet anyet bi bu tu Nai'u awod aba shei alyat Gwazi ni, agwam kwi anyet bu Gwazi nbyang anyet lru bi si bai bangu dandung ba anyet aghwop bi. ² Basi lyat, aba nyio bangu, ''Tak zit bu da nchet'a u nyio nkyang nei? Ko anyan a nwak'a gbandang hwi?'' ³ Asi shim asi hyio banbi, ''Nu nmun ni dyip nyin lyip. I tak nu tutan ⁴ baptisiman Yohna zi. I bi nyiet tazi'a ko ba anyetbishi ba?'' ⁵ Basi lyat ba agyang bi, aba nyio, "Kha zi hyio 'Nyiet tazi'a,' ali hyio, 'Bi ya nbyo i ndak nwak chuchuk bangu'u?' ⁶ Ama kha zi hyio, 'Nyiet ba anyet ba,' salai anyet bi li mang zit ba nfang, krok ba lyen nang Yohna ngyet atyi shei uswon.'' ⁷ Basi shim ee da bu lyen uvwo nang hu ngruk'i dak. ⁸ Yesu si hyio banbi,''Nmun ni tak nyin chet nang nu nyio nkyang nei dak.'' ⁹ Asi tak anyet bi gaan zei, ''Ayin chwi ukwan bu itam, asi nwak anyet bali jyi'i, asi nad ba abyin agyang asi tu li byang. ¹⁰ Nang zan di nyio'i asi tam aghwo ba anyet jyi ukwan bi, yok ba zan gu asum ukwan khi. Ama anyet jyi nkwan bi si tswod gu, awod basi vwong gu asi nkad nbwak nghwad. ¹¹ Asi bu tam aghwo agyang awod basi bu tswod gu, basi nyio gu kyang nswum, nbyang basi vwong gu asi nkad nbwak nghwad. ¹² Asi bu tu tam atad'u basi mun bwai gu afwod, awod basi ti gu nti. ¹³ Ba anya atyo titam'u si hyio, 'Yaha ni nyio? Nni tam nsak alyo ngwon nu'u. Shim dak bali nwak gu gbok.' ¹⁴ Ama nang anyet jyi ukwan bi ndi gu'i, basi lyat ba agyang bi, aba nyio, 'Atyi kyak aghyuk'u wa wii. Yok zi hyad gu, zwi di i yet si nzit.' ¹⁵ Basi ti gu nti titam khi awod basi hyad gu. Ba yaha atyo itam'u li nyio bi zo? ¹⁶ Ali bai abwuk ba anyet jyi ukwan bei awod a nwak agyang anyet titam'u.'' Nang ba nfok anya'i, basi hyio, ''Gwazi yok shim dak!'' ¹⁷ Ama Yesu si chiyang bi, asi hyio, ''Yaha kyang alru hwi yet: 'Afang nang anyet nok bi lak'i i kha bi yet afang byok nok khi da'? ¹⁸ Koda atyi nang a nshod ba afang akai ali chura tyo nchong. Ama atyi nang khi nshod tutan gu, khi li shyai gu.'' ¹⁹ Ba anya anyet lru bi nbyang agwam kwi anyet bu Gwazi chat gag ba li ntabat gu ba nzan azei, krok ba lyen nang gun dyat gaan zei tutan bi kha. Ama basi fok uwun anyet ni. ²⁰ Bi ba tsam gu dusham, basi tam anyet ba chiyang gu nstang ba ba nyio ee atan anyet ba'i, ba nshio gu ba abun ba alyat gu ni, ba nshio nwak gu nbwak tyok nbyang chet gwamna. ²¹ Basi lyip gu, aba nyio, ''Atyi tyet, zi lyen nang u lyat nbyang tyet dusham, awod u si kyak koyan kanting, ama u si tyet chuchuk tutan nvak Gwazi. ²² Hu shio nchyi zi trang Kaisar krum abyin u, ko zi yok?" ²⁴ Ama Yesu si fuk mamwang bi'u, asi hyio banbi, ²³ "I tyo ndi tsui dinari. Ighwo nbyang ayrok anyan kha nshio ban hu?'' Basi hyio, "Kaisar.'' ²⁵ Asi hyio banbi, ''Ba anya i nwak Kaisar nkyang nang i yet si Kaisar, awod i nwak Gwazi'u nkyang nang i yet si Gwazi." ²⁶ Basi lad gag ba li ntabat gu bi kyang gu lyat duswon anyet khi, ama basi nyio adam bu shim gu'u basi lad kyang krak. ²⁷ Nang Sadukiyawa agyang nbai bangu'i, nang ba nyio da tagbok bi lyak nshio dak'i, ²⁸ basi lyib gu, aba nyio, "Atyi tyet, Musa lru zit do nang kha lanyuk ayin ghu, nang gu byo abyuk, nbyang da ba ngwon, lanyuk'u a sak abyuk lanyuk gu'u, nbyang a nbyo lanyuk'u ngwon. ²⁹ Abu byo lanyuk natad, nbyang suswon'u si bwo abyuk, awod asi ghu da ba ngwon, ³⁰ nbyang afiyang ba anya. ³¹ Atad'u si sak gu, ba anya natad khi da ba nman, awod asi ghu. ³² Asi yabsak abyuk'u si mun ghu. ³³ Bu tagbok bu lyak'u aza, abyuk'u li yet si anyan'a? Krok salai bi natad byong gu nang abyuk bi." ³⁴ Yesu si hyio banbi, "Nman duniyo nei nyio nyirang nbyang tyet nyirang. ³⁵ Ama anyet nang ali ba ntai ba nwo uli Gwazi khi'i, ba nzan tagbok bu lyak zi ba li nyio nyirang ko tyet ba nyirang dak. ³⁶ Da ba bu li kwi dak, krok ba li li chachirak nang nman ntam Gwazi nbyang ba yet nman Gwazi, bi yet nman tagbok bu lyak. ³⁷ Ama bu tagbok bu lyak'u, Musa mun tak, krok bu uvwo khi shio uyit'i, bu uvwo nang gu ngyrong Atyo Gwazi Ibrahim nbyang Gwazi Ishaku nbyang Gwazi Yakub. ³⁸ Nini ayet Gwazi aghu'a dak, ama si nswon'a, krok salai swon da ngu." ³⁹ Anyet lru agyang si shim, "Atyi tyet, u shim dusham." ⁴⁰ Basi bu byo alyo lyip gu kyang dak. ⁴¹ Yesu si hyio banbi, "Ya nbyo ba nyio ee Kristi yet ngwon Dauda kha? ⁴² Ngu Dauda ba apio gu hyio bu Kwi Abwad Zabura'u, Atyo'u hyio ba Atyo nu'u, 'Swan ba nbwak yak nu'u.' ⁴³ Sei nang ntyo lavan abi tatak a khi.' ⁴⁴ Dauda ba anya yrong Kristi 'Atyo,' ba hu li ni'a aba ngyet ngwon Dauda khi?" ⁴⁵ Ba afwo anyet bi salai, asi hyio ba anyet ghwi gu bi, ⁴⁶ "I tak alyo ba anyet lru bi, nang ba chat chong bu junjung atro, nbyang chat byad tan bu uvwo tunga, nbyang chachet nkyang nswad bu atu nai, nbyang chachet uvwo bu uvwo agwai. ⁴⁷ Basi yet anyet gyi nkyang bu uli anyuk nang atyok bibi kwi'i, nbyang chat nyio junjung nai. Anyet nang si bei i ba ali suwak nyio bi ashod'u."

Chapter 21

¹ Yesu si lyen chiyang asi li anyet nzwi nang ba nmang zanang bi di bu akpwod'u. ² Asi li kunak abyuk agyang nang a ghu wod nang gu mang achuwang kobo afiyang. ³ Ba anya asi hyio, "Chuchuk nhyio ba nyin, kunak abyuk nang aghu wod'i nmad suwak koda a nyan banbi. ⁴ Salai bi nwak zanang zi nyiet ba nkyang nang ba byo deni'i. Ama abyuk ghu wod'i, bu sang gu'u, nmad salai kyang nang gu byo a nswon'i." ⁵ Nang agyang anyet ndyat tutan tu dyep'u, sangag nang an jyi bu nfang ntan do nbyang zanang, asi hyio, ⁶ "Nkyang nang i li nei, nmam li bai nang afang unyung li nbwad tutan ugyang nang ali nwai tryip dak. ⁷ basi lyip gu, aba nyio, "Atyi tyet, da nzan da nkyang nei li nkwi? Yaha li yet kyang ali li'i kanang nkyang nei li kwi?" ⁸ Yesu si shim, "I tak alyo dak ali bwai nyin. Anyet deni li bai ba ayurok nu, ba nyio, 'Nu'a gyet gu,' nbyang, zan di bai nkpwen.' I yok hwi bi dak. ⁹ Kanang i fok zwang nbyang agwong njio, i yok fok uwun dak, hu yet ti'a nkyang nei i shio uswon kwi, ama nghyen'u li bai afyen dak." ¹⁰ Aza asi hyio banbi, "Abyin li drok tutan abyin, nbyang tyok tutan tyok. ¹¹ Ali nyio gbandang abrum abyin, nbyang ali nyio zwong bu uvwo deni nbyang akatuk nzwan. Nkyang nwad uwun nbyang chechet nkyang yong ali nyiet tuzi. ¹² Ama duswon salai nkyang nei, ba li nshyai nbwak bi ni ba nyin awod ba li fyep nyin, ba nwak nyin ba atu nai nbyang bu ghwo, ba bai ba nyin duswon agwam nbyang agwamna krok ayrok nu khi. ¹³ Hu li nwak nyin zan i shei. ¹⁴ Ba anya, i kyak ba nfwo nyin ni i yok dam i san apio nyin nang zan zi kha nyio dak, ¹⁵ Krok nni nwak nyin swang alyat nbyang mamwang, nang salai lanvan nyin bi li ngya ba lak ko ba tann dak. ¹⁶ Ama addi, lanyuk, kwai, nbyang akpandang li nwak nyin, nbyang ba tyo ahyai agyang nyin. ¹⁷ Koyan li lak nyin krok ayrok nu khi. ¹⁸ Ama ko tsui pio jyung bu apio nyin khi li bwuk dak. ¹⁹ Bu lab alyo nyin'u i li shio swon nyin zi. ²⁰ Kanang i li nang aghwad bi krak Ushelima'u, aza i lyen nang khi nbai npwen a tryip khi ²¹ Aza yok anyet ba shio Yahudiya'i ba tyong nad bu igung'u, nbyang yok anyet nang ba shio bumi ukrang khi'i drok, nbyang i yok wod anyet achuwang ukrang bi ba nwo dak. ²² Krok nmam nei yet si tan ti, nang salai nkyang nang alru'i i nad chachirak. ²³ Hu swan nyin anyuk ufi nbyang anyuk ba nwai nman ba nmam anei! Krok ali swo ngbang deni bu swanti'u, nbyang alyo gyi Gwazi tutan anyet bei. ²⁴ Ali hyai bi bu tswad nbyang ali kok bi yet aghwo nad zo salai ibyin'u, nbyang anyet sang ghwi li lan Ushelima, sei nang zan anyet sang ghwi zi nyio. ²⁵ Ali li nkyang yong ali ba mam'u, ba nzwad zi, nbyang bu tungwad ni, nbyang bu swanti'u. Ibyin'u li swo ngbang, gyegiro krok zwun agyui nbyang iywan saghwad'u. ²⁶ Ali nbyo anyet bali tsak kwi bu uwun nbyang chat li nkyang nang i tubai bu swanti'ui. Krok nchet tuzi ni li zwun. ²⁷ Aza ba li li Ngwon Atyibishi khi tubai ba aniyan dandung bu chet nbyang gbandang. ²⁸ Ama kanang nkyang nei nwo kwai'u, i tagbok yong nbyang i vwad ipio nyin'u, krok san nyin'u bai nkpwen.'' ²⁹ Yesu si tak bi gaan, "I li atyin gwafwai khi, nbyang salai ityin ukwan'u. ³⁰ Kanang hu nwo fud'u, I li li ba apio nyin nbyang i lyen nang akwai khi bai nkpwen ³¹ Ba anya, kanang i li nang nkyang nei fwum kwai'u, i lyen nang tyok Gwazi'u bai nkpwen. ³² Chuchuk, nhyio ba nyin, chiyan nzan'i li kak suwak dak sei nang nkyang nei kwai salai. ³³ Tazi khi nbyang swanti'u li tyak, ama alyat nu ni li tyak dak. ³⁴ Ama i chok apio nyin, bi san gag nang nfwo nyin ni li nwai byo brudik krok swo nkyang nbyang hyong, nbyang didam nswon'u, awod mam ahwai li kyak nyin nbwung nang utryip'i. ³⁵ Krok hu li bai tutan koda atyi ashio dugyi swanti khi salai. ³⁶ Ama i swan chok koda nzan, i mok nang i li nshio chet dusham i ghad salai nkyang nei nang i li kwi'i, nbyang i yong dugyi Ngwon Atyibishi khi." ³⁷ Anya ba nmam gu ntyet bu uli dyep khi'i, nbyang tutuk asi wruk nad awod asi swan ba Gung Zaitun. ³⁸ Salai anyet bi si bai bu tsatswon khi ba fwong alyat gu ni bu uli adyep khi.

Chapter 22

¹ Nini nang Agwai Bredi sang Yis nbai nkpwen'i, nang a ngyei Agwai wuruk. ² Agwam kwi anyet bu Gwazi nbyang anyet lru basi lyat sangag ba li nhyad Yesu'i, krok ba bu fok uwun anyet ni. ³ Aza tanyirang khi si nwo bu Yahuda Iskaroti, nang ayet atyi anyung ba anyet swak ba afiyang bi. ⁴ Yahuda si nad ba agwam kwi anyet bu Gwazi nbyang aliyak aghwad'u asi lyat banbi sangag gu li nwak bi Yesu. ⁵ Basi fok nyanyang, nbyang basi shim nang ba li nzan gu krum. ⁶ Asi shim, nbyang asi chat vak nang gu li nwak gu nbwak bi nang akpwi anyet'u nshio dak. ⁷ Mam bredi sang yis khi bai, nang an fak tsep Agwai wuruk zi. ⁸ Yesu si tam Bitud nbyang Yohna, aba nyio, "I nad i jyi zit kyang yak Agwai wuruk'u, zi nshio zi gyi." ⁹ Basi lyip gu, "Aze'a u nchat zi njyi hu?" ¹⁰ Asi shim bi zo, "I fok, kanang i nwo bumi ukrang khi, atyi nang akpwad udong saghwad li mun ba nyin. I ghwi gu nad bu uli gu nwo'i. ¹¹ Aza I hyio ba atyi uli'u, 'Atyi tyet nyio ba nwan, "Tu atyi achen'u shio aze, nang nnin gyi Agwai wuruk'u dandung anyet ghwi nu bi?'" ¹² Ali tafang nyin gbandang uli tutan nang ajyi. I jyi nkyang ni aza." ¹³ Anya'a basi nad, awod basi tu shio kodi kyang bisangag gu nhyio banbi'i. Aza basi jyi nkyang yak Agwai wuruk ni. ¹⁴ Nang zan di nbai'i, asi swan abyin ba anyet ntam gu bi. ¹⁵ Aza gu si nhyio banbi, "Nbyo fwo dusham ngyi Agwai wuruk'i ba nyin nsi du swo ngbang ni. ¹⁶ krok nhyio ba nyin, nmun ni gyi hu dak, sanang hu nad chachirak bu tyok Gwazi'u." ¹⁷ Aza Yesu si kyak kop'u, awod nang gu si ntyo adyep'i, asi hyio, "I ngi sihwi'i, nbyang i kau ba agyang nyin. ¹⁸ Krok nhyio ba nyin, nmun nu swo ba aswum atyin ukwan dak, sei nang tyok Gwazi'u bai." ¹⁹ Aza asi kyak bredi khi, awod nang gu si ntyo adyep'i, asi bud khi, nbyang asi nwak bi, aba nyio, "Vam nu'u hwa hwi nang a zan nyin'i. I nyio ngi i njyung nu." ²⁰ Asi kyak kop'u bu sangag di nang ba ntyak gyi yak'ui, aba nyio, "kop'i yet lab unu fai'a ba swok nu ni, nang a wyem krok nyin'i. ²¹ Ama i krok afwo. Atyi nang a nwak nu'i shio ba nu bu tebul khe. ²² Krok Angwon Atyibishi khi li nkad nang a nsak'i. Ama hu swan fwong atyi awai nang ali nwak gu'i!" ²³ Basi kwi lyat ba agyang bi, anya'a banbi nang ali nyio kyang'i. ²⁴ Aza jio si mun drok banbi tutan anyan'a akyak banbi ayet aliyak'u. ²⁵ Asi hyio banbi, "Agwam Anyet sang ghwi bi yet anyet uli tutan bi, nbyang si bi ba byong tyok tutan bi'i iba ali kyak nang anyet a nyio tan ba anyet bibi. ²⁶ Ama hu yet ti'a hu yok li ngi ba nyin dak. Hu krak yet, yok atyi nang ayet alyak'u ba nyin'i akyak apio gu nang ashishyo'i, nbyang yok atyi nang a nsuwak yet atan'u ba nyin'i akyak yet aghwo. ²⁷ Krok anyan'a nsuwak, atyi a swan bu tebul'i, khe atyi ayet aghwo'i wa? Atyi nang a swan bu tebul'u wa da? Ba anya nshio ba nyin nang aghwo'ai. ²⁸ Ama nyin ba shio dandung ba nu ba nzan nang a mak nu'i. ²⁹ Nu nnwak nyin tyok, bisangag nang Addi nu kan nwak nu tyok'ui, ³⁰ nang i li nshio gyi nbyang i swo bu tebul tyok nu khi, nbyang i li swan bu nkyang swad tyok i nyio kwai swak bu suyang Israla di ashod'u. ³¹ Siman, Siman, shio bu lyen, tanyirang khi chat khi shio'a, khi chiyam'a nang alkama'i. ³² Ama nmok tutan na, nang chuchuk ahu li nshod dak. Kanang u bu bwok bai ba nu, u nwak lanyuk'a bi chet." ³³ Bitud si hyio bangu, "Atyo, nshio bu fwo nghwi'a tunad ko bu ghwo nbyang ko aghu." ³⁴ Yesu si shim, "Ntak'a, Bitud, agbak'u li tyap ufwun dak, sei nang u tann nu bwo utad ee da u lyen nu dak.'' ³⁵ Aza Yesu si hyio banbi, "Nang nu ntam nyin da bu adadai akpwad'i, akpwad nchiyet nkyang, ko kwintak'i, i si chat kyang ywai?" Basi shim, "Ba kyang." ³⁶ Aza asi hyio banbi, "Ama nini, atyi nang a byo akpwad, yok gu kyak gu, nbyang akpwad nchiyet nkyang. Atyi nang a byo tswad dak a lyab atro gu'u a nsan anyung. ³⁸ Krok ntak nyin, kyang nang a lru tutan nu khi ti'a hu nad chachirak, 'Abu kyak gu nang atyi nwai hwi chyi.' Krok kyang nang alyat tutan nu'i hu net chachirak.' ³⁷ Aza basi nhyio, "Atyo, li! Tswad suyang za zei" Asi hyio banbi, "Hu mai anya." ³⁹ Nang ba ntyak gyi yak dushyung'ui, Yesu si nkad, nang gu mirang nyio'i, ba Agung Zaitun, nbyang anyet ghwi gu bi si ghwi gu. ⁴⁰ Nang ba tu wo'i, asi hyio banbi, "I mok dak i li nwo bu mak." ⁴¹ Asi drok wod bi nad nang gbang ti afang'i, awod asi ghwum abyin asi mok, ⁴² aba nyio, "Addi, kanang u shim, tin nu kop'i. ko nang hu ngyet, shim nu'a dak, ama si nwan'u hwa a nyio." ⁴³ Aza ngwon ntam Gwazi si tad wuruk nyiet tazi nad bangu, khi bi tyet gu alyo achet. ⁴⁴ Nang gu shio bu zwod, asi mok bu chuchuk, awod lifrum gu khi si bwak tyo nang chachet kukwang aswok shuwod abyin. ⁴⁵ Nang gu ndrok bu mok'ui, asi bai ba anyet ghwi gu bi, awod asi bu shio nang ba shio ba ndi krok brudig alyo nang ba shio zo'i, ⁴⁶ asi lyip bi, "Ya nbyo nang i nshio ba ndi ni? I tabok i mok, dak ili nwo bu mak." ⁴⁷ Nang gu li shio ba alyat ni, aza, akpwi anyet si tad wuruk dandung bu Yahuda, anyung bu swak ba afiyang bi, kok bi vak u. Asi bai nkpwen bu Yesu a mub gu mub chat, ⁴⁸ ama Yesu si hyio bangu, "Yahuda, bu mub chat'a u li nnwak Ngwon Atyibishi khi.?" ⁴⁹ Nang anyet ba bu shio nkpwen bi Yesu ndi kyang hu kok uvwo khi'i, basi hyio, "Atyo, zi tyam bu tswad zi?" ⁵⁰ Aza atyi anyung ban bi si tyap aghwo alyak kwi anyet bu Gwazi, asi tyad gu ifwo nbwak yak'u. ⁵¹ Yesu si hyio, "Hu mai anya!" Asi nsak bwak'u bu ifwo'u, asi chirok gu. ⁵² Yesu si hyio bu agwam kwi anyet bu Gwazi bi, chachet aghwad tu dyep bi, nbyang anyet tad agyi nang ba bai ba tabad gu'i, "I wuruk bai i tabad nu nang atang'i, bu ubai nbyang shan? ⁵³ Nang nu nshio ba nyin kodi mam bu tu dyep'ui, i sak nu bwak dak. Ama jan nyin da dei, nbyang tyok ndyin." ⁵⁴ Basi tabad gu, basi nkad bangu, basi nad bangu bu uli alyak atyi kwi anyet bu Gwazi. Ama Bitud si tabam nhwi titi. ⁵⁵ Nang ba nmad long'u bu uchio tusi uli khi'i awod basi nswan abyin dandung, Bitud si swan bumi bi khi. ⁵⁶ Aghwo gunyem ugyang sili nang gu swan ba asai ndong'u, khi si chiyang gu awod khi si hyio, "Atyi wi mun shio dandug ban gu." ⁵⁷ Ama Bitud si tan, aba nyio, "Abyuk, ndyen gu dak." ⁵⁸ Hu li byang dak, atyi agyang si bu li gu, asi hyio, "Umun gyet atyi anyung banbi." Ama Bitud si hyio "Agya, nu'a dak." ⁵⁹ Nang tswam nswak'i agyang anyet si bai asi yong awod asi hyio, "Chuchuk'a atyi wi mun shio dandung bangu, krok ayet atyi Galili'a" ⁶⁰ Ama Bitud si hyio, "Agya, ndyen kyang u liyat'i dak." Bu umi nzan, nang gu li shio ba aliyat ni, agbag'u si tyap. ⁶¹ Atyio'u si buwak asi chiyang Bitud, awod Bitud si juyung swang aliyat Atyio di, nang gu nyio ban gu, "Nang agbak'u li ntyap ufwun'i dak, u li tan nu chiyan utad." ⁶² Bitud si wuruk nad tusi, asi tuwai buchet. ⁶³ Aza anyet nang ba chok Yesu'i si mai nbyang tswod gu ⁶⁴ Basi kub gu agyi bi awod basi liyip gu, basi hyio "Tyai uswon! annya'a yet atyi a tuk'a?" ⁶⁵ Basi lyat nkyang ngyang didid nang i lak yet tutan Yesu, lyat gu katuk. ⁶⁶ Nang tsatswon khi ntad'i, Anyet tad agyi bi si tung dandung, salai agwam kwi anyet bi Gwazi nbyang anyet lru bi. Basi tyi gu duswan nad do ba Anghuad ukrang khi ⁶⁷ basi hyio "Tak zit ka nwan'a yet Kristi." Ama asi hyio banbi, "Kanang ntak nyin, i li nwak chuchuk dak, ⁶⁸ awod kanang ndyip nyin, i li shim dak. ⁶⁹ Ama tabat nini, Ngwon Atyibishi li swan bu nbwak yak gbandang Gwazi'u." ⁷⁰ Basi hyio salai, "Ka anya nwan'a yet Ngwon Gwazi khi?" Yesu si hyio banbi, "I hyio nu'a." ⁷¹ Basi hyio "Bu ya nbyo zi li nchat atyi byang li'u? Nang nzit ba apio zit nfok bu unu gu'i."

Chapter 23

¹ Salai chachet bibi si drok, awod basi nad bu Yesu dugyi Bilatus. ² Basi nwo vyai gu ngad, aba nyio," Zi shio atyi'i nang gu vfak anyet ukrang bi, aba nvwong bi nwad Kaisar krum abyin'u, nbyang aba nyio ngu ba apio gu uwa yet kristi, agwam". ³ Bilatus si lyip gu, aba nyio, "Nwan'a yet Agwam Yahudawa'u?" Yesu si shim aba nyio bangu, "Nwan'a hyio." ⁴ Bilitus si hyio ba agwam kwi anyet bu Gwazi nbyang akpwi anyet'u, "Nshio atyi'i bu katuk dak." ⁵ Ama basi yong bachet, aba nyio, "A lyen anyet bi, tyet bi krak salai Yahudiya, fwum nyiet Galili had bu bai du uvwo khe." ⁶ Nang Bilatus nfok anya'i, asi lyip khe ayet atyi Galili. ⁷ Nang gu nfuk nang Yesu nshio nbwak tyok Hiridus'i, asi tyo anad bu Yesu bu Hiridus, nang ngu ba apio mun shio Ushelima ba nmam anei. ⁸ Nang Hiridus ndi Yesu'i, asi fok asai alyo, krok hu li byang nang gu chat a li gu. A ma kai fok adau gu khi, nbyang asi sak fwo ali nkyang yong ali nang gu nyio'i. ⁹ Hiridus si lirim Yesu nkyang didid, ama Yesu si du shim kyang dak. ¹⁰ Agwam kwi anyet bu Gwazi'u nbyang anyet lru bi si yong, bachet ba alyigyi nyio gu ashod. ¹¹ Hiridus ba aghwad gu bi si fwai Yesu nbyang basi mai gu. Aza basi kub gu atro atan awod basi bwok bangu nad do bu Bilatus. ¹² Ba anya Hiridus nbyang Bilatus si tyo akpandang utuk akai (ba ma nkai yet lanvan agyang) ¹³ Bilatus si yirong agwam kwi anyet bu Gwazi'u dandung nbyang anyet tyok bi nbyang akpwi anyet'u, ¹⁴ aba nyio banbi, "I bai ba nu atyi'i nang atyet anyet bi ba nyio nkyang i lak yet, awod i li, nu, ndrim gu dugyi nyin, nshio atyi'i bu katuk dak tutan nkyang nang i nyio gu ashod'i. ¹⁵ Ka'ai, Anya ma Hiridus, krok a bwok bangu bai zo ba nzit, awod i li, ndi kyang nang gu nyio hu mai a ghu dak. ¹⁶ Ba anya ni nwak gu ngbang, awod nkai gu wod." ¹⁷ Hu yet gu ti'a afurok aghwo anyung wod ba nzan agwai zi. ¹⁸ Ama dandung basi kyak kun tyo salai bi, aba nyio, "I bwuk ba atyi'i, awod a furok zit Barabbas!" ¹⁹ Abi tyo Barabbas ghwo krok abi yet atyi njio bumi ukrang khi nbyang atyi hyai anyet. ²⁰ Bilatus si bu lyat banbi, asi chat go kai Yesu wod. ²¹ Ama basi gurak agwong, aba nyio, "I gbwed gu, i gbwed gu." ²² Asi bu hyio banbi utad khi, "Ya nbyo, da katuk'a atyi'i nyio? Nkan shio kyang nang hu ntai a nyio gu ashod aghu dak. Ba anya kanang ntyak nwak gu ngbang ni, nni kai gu ngwod." ²³ Ama basi yong bu chet bu inghuad tutan, bu chat a gbwed gu. Inghuad bi'u si tyo Bilatus si shim. ²⁴ Ba anya,a Bilatus si kyak a nyio bi kyang ba chat'i. ²⁵ Asi furok atyi nang ba lyip'i nang atsak kan tyo gu bu ghwo da aniyan njio nbyang hyai anyet. Ama asi nwak Yesu bu chat bi'u. ²⁶ Nang ba nkad bangu'i, basi tabat atyi agyang nang angyei Siman atyi Sirin, nang gu nyiet bumi ukrang, nbyang basi frak gu atyem nkwan'u, aba ghwi Yesu. ²⁷ Akpwi anyet didid, nbyang anyuk nang ba shio bu brudik alyo aba twoi gu, basi ghwi gu ²⁸ Ama asi bwak chiyang bi, Yesu si hyio, "Anab Ushelima, i yok twoi nu dak, ama i twoi apio nyin nbyang nman nyin ni. ²⁹ I li, nmam tubai nang ba li nhyio, 'Krok nmyang'a yet anyuk nang ba nwai tyei'i, nbyang achi ntyei nang da hu kan byo ngwon dak, nbyang aben nang da khi kan nwai ngwon dak.' ³⁰ Aza ba li nfwum lyat bu igung, 'Shod ba nzit,' nbyang ifan'u, 'Kup zit.' ³¹ Kanang ba nyio nkyang nei nang ukwan khi yet ashyim, ya li kwi kanang khi hwod?" ³² Atyok agyang, katuk anyet afiyang, asi nkad banbi dandung bangu a tu hyai bi. ³³ Nang basi nbai bu uvwo nang angyei ''Kpangiyak apio,'' aza'a basi ngbwed gu, nbyang katuk anyet bi - anyung ba nbwak yak gu'u nbyang anyung ba nbwak miyan gu'u. ³⁴ Yesu si hyio, "Addi, yrip bi zo, krok ba lyen kyang nang ba nyio'i dak." Aza basi krok aghai, basi kau atro gu bi. ³⁵ Anyet bi ba yong chiyang nang ntyok ni mun mai gu, aba nyio, "A san anyet agyang. Yok gu san apio gu, kanang uwa yet Kristi Gwazi'u, nang aghai'i." ³⁶ Aghwad bi si mun mai gu, basi shirok nad nkpwen bangu, basi nyep gu zazai saghwad, ³⁷ aba nyio, "Kanang nwan'a yet Agwam Yahudawa'u, san apio'a." ³⁸ Tutan apio gu khi basi ndru, "Agwam Yahudawa'u wa wi." ³⁹ Atyi anyung bu katuk anyet nang agbwed'i si tok gu aba nyio, "Nwan'a yet Kristi da? San apio'a nbyang nzit." ⁴⁰ Ama atyi anyung'u si kam gu, aba nyio, "U fok uwun Gwazi ni da, nang u nshio bu ashod kanting bangu'i? ⁴¹ Zi shio azi bu chuchuk ashod, krok zi sai kyang nang hu ntai ba nkyang zi nyio'i. Ama atyi'i nyio katuk dak." ⁴² Aza asi hyio, "Yesu, jyung nu kanang u bai bu tyok'a hu." ⁴³ Yesu si hyio bangu, "chuchuk nhyio ba nwan, ufwun uli shio ba nu bu paradis." ⁴⁴ Ba zan zi nang tswam utti zi nyio, awod lyin si kub abyin khi salai tunad tswam kubunyung zi ⁴⁵ nang mam'u si nyip. Aza labule tu dyep'u si kau bu tyo. ⁴⁶ Asi tyo kun bu gbandang anghuad, Yesu si hyio, "Addi, ntyo tsui nu zi nbwak'a." Nang gu hyio ngi asi ghu. ⁴⁷ Nang agwak aghwad'u ndi kyang nang a nyio'i, asi dyep Gwazi'u, aba nyio, "Chuchuk'a atyi'i yet achuk a nyin." ⁴⁸ Nang salai akpwi anyet'u nbai dandung ba li kyang'i, basi li nkyang a nyio'i, basi bwok tswad aben bibi. ⁴⁹ Ama salai anyet nang a lyen gu'u, nbyang anyuk ba ghwi gu nyiet Galili'i, si yong gbang, chiyang nkyang nei. ⁵⁰ Aza, a nbyo atyi agyang angyei Isuu, nang ayet anyung ba anghuad ukrang. Ayet atan nbyang achuk a nyin ⁵¹ Atyi'i shim kyang nang anghuad ukrang khi lab'i dak nbyang nyio bi zi. Abi nyiet Yahudiya bu gbandang ukrang Arimatiya; nbyang asi chat tyok Gwazi'u. ⁵² Atyi wi, si nad bu Bilatus, asi lyip kwom Yesu'u. ⁵³ Asi chiyok do, asi gad gu ba atro lilin atan, asi tu sak gu bu liyak nang alung ba afang, nang akan niyad ayin dak. ⁵⁴ Bu Mam Tswang'u, nbyang nang Mam Fwung'u nshyei tubai'i. ⁵⁵ Anyuk bi, nang ba bai dandung bu Yesu wuruk nyiet Galili'i, basi yabsak basi nghwi basi li liyak'u nbyang sangag nang a nmad kwom gu'i. ⁵⁶ Basi bwok nkad basi jyi nkyang nswam nbyang amio kwan. Aza utuk Mam Fwung'u basi fwung bisangag chyi'u.

Chapter 24

¹ Bu hyong utswon'u utuk nwo tam khi bu sati'u, basi nad bu liyak'u, ba nkyang nswam ntan nang ba jyi'i. ² Basi shio nang atin afang khi bu liyak'u. ³ Basi nwo bumi, ama basi li kwom Atyo Yesu'u dak. ⁴ Hu kwi nang ba ntyi tai tutan kyang kei, bumi nzan, anyet afiyang si yong npwen banbi bu atro ba sai kyankyei. ⁵ Nang uwun ntabat anyuk bi'i basi tatong ugyi bi ni abyin, asi hyio ba anyuk bi, "Yaha nbyo i nchat atyi nswon'u ba anyet akan kwi'i? ⁶ A nshio azi dak, ama a tagbok gu! I jyung gag gu ndyad ba nyin nang gu li shio Galili'i, ⁷ nyio hu yet ti'a a nwak Ngwon Atyibishi khi nbwak katuk anyet awod a gbwed gu, nbyang abu tagbok bu mam tad'u." ⁸ Anyuk bi si jyung alyat gu ni, ⁹ awod basi bwok nyiet bu liyak'u, basi tu tak swak ba anyung'u nbyang akum anyet khi salai nkyang nei. ¹⁰ Nini Maryamu Magdalin, Yuwana, Maryamu ayang Yakub'u, nbyang akum anyuk khi dandung banbi si tu tak anyet ntam Gwazi bi nkyang nei. ¹¹ Ama anyet ntam bi si kyak alyat nei nang ngad na'i, awod basi nwak chuchuk ba anyuk bi dak. ¹² Ba anya Bitud si tagbok, asi tyong nad bu liyak'u, awod asi ghwum aba chiyang umi khi, asi li atro linin bi a nyin bi. Aza Bitud si bwok nkad abang gu, aba dam kyang hu kwi'i. ¹³ Aza, utuk akai nang anyet afiyang net bu ukrang ugyang nang a ngyei Imuwasu, shi gbang khi'u nyiet Ushelima yet stadia nswak uti. ¹⁴ Basi bwai nghang ba agyang bi krok salai nkyang i kwi'i. ¹⁵ Hu kwi nang, ba nshio bu bwai nghang nbyang lyrip angyang dandung, Yesu ba apio gu si shio bi aba net dandung banbi. ¹⁶ Ama agyi bibi si mai fuk gu dak. ¹⁷ Yesu si hyio banbi, "Yaha i lyat ba agyang nyin afiyang nang i nchong'i?" Basi bwok yong aza ba aligyi. ¹⁸ Atyi anyung banbi, nang a ngyei Kiliyopas, asi shim gu zo, "Nwan ba nyin'a Ushelima nang u nwai lyen kyang hu kwi ba nmam nei?" ¹⁹ Yesu si hyio banbi, "Da nkyang?" Basi shim gu zo, "Nkyang i kwi krok Yesu Banazarat'u, nang ayet atyi shei uswon, gbandang nbyang swang alyat dugyi Gwazi nbyang salai anyet bi. ²⁰ nbyang bisangag nang agwam kwi anyet bu Gwazi nbyang ntyok zit ni si nwak gu a hyad nbyang agbwed gu. ²¹ Ama zi sak fwo'u nang uwa li nsan Israla bi. Anya'a, nbyang zhan bu salai nkyang nei, nmam ntad na nei nang salai nkyang nei nkwi'i. ²² Ama ba anya, anyuk agyang bumi zit khi tyo zit adam, nang ba bu nad bu liyak'u tsatswon khi'i. ²³ Nang ba tu nchat kwom gu'u ywai'i, basi bai, aba nyio ba mun di tyei uswon si nman ntam Gwazi ni nang i hyio ee a nshio bu swon zi. ²⁴ Atyok agyang nang amun shio dandung ba nzit'i si nad bu liyak'u, nbyang basi tu shio bisangag nang anyuk bi ndyat'i. Ama basi li gu dak.'' ²⁵ Yesu si hyio banbi, "Abuwan anyet nbyang anyet nfwo nwai fuk afyen bu nwai nwak chuchuk bu salai nkyang nang anyet shei uswon bi kan dyat'i! ²⁶ Hu yet ti'a Kristi a swo ngbang nkyang nei, nbyang a nwo bumi gbandang gu'u da?" ²⁷ Tabat nyiet bu Musa tunad salai anyet shei uswon bi, Yesu si tyirak bi nkyang tutan apio gu khi bumi salai alyat Gwazi ni. ²⁸ Nang ba nbai nkpwen bu dadai ukrang nang ba nnet'i, Yesu si nyio ee awa chat suwak'ai. ²⁹ Ama basi yong gu, aba nyio, "Swan ba nzit, krok dushyung di nyio nbyang mam'u nad tyak." Ba anya Yesu si nwo a swan banbi. ³⁰ Hu kwi, nang gu nswan abyin dandung ba nbi agyi yak'ui, asi kyak bredi khi, asi nkrok nmyang, nbyang asi kpram khi, asi nwak bi. ³¹ Aza'a agyi bibi si ntyak, nbyang basi fuk gu, awod asi bwuk dugyi bi khi. ³² Basi hyio ba agyang bi, "Nfwo zit ni bi byong zit kpai, kpai nang gu ndyat ba nzit talyen'i, nang gu ntyak zit alyat Gwazi ni'i da?" ³³ Basi tagbok bumi nzan akai, basi bwok nad Ushelima. Basi tu shio swak ba anyung bi tung dandung, nbyang si bi ashio dandung banbi'i, ³⁴ aba nyio, "Chuchuk'a Atyo'u tagbok, nbyang a tad wuruk bu Siman." ³⁵ Anya'a basi tak nkyang ikwi talyen'i, nbyang sangag nang ba nfuk Yesu bu kpram bredi khi'i. ³⁶ Nang ba shio bu lyat nkyang nei, Yesu ba apio gu si yong bu utyo bi khi, asi hyio banbi, "Kai ndi hu shio ba nyin." ³⁷ Basi tyo zwob nbyang basi fok uwun, basi kyak ee ba li tsui'i. ³⁸ Yesu si hyio banbi, "Ya nbyo i nfok uwun? Ya nbyo nang i ndrim apio nyin ba nfwo? ³⁹ I li nbwak nu ni nbyang atak nu bi, nang nu'a ba apio nu. I biram nu i li. Krok tsui zi byo nam nbyang akub dak, nang i ndi nbyo'i." ⁴⁰ Nang gu nhyio ngi'i, asi nyep bi nbwak gu ni nbyang atak gu bi. ⁴¹ Basi shim nwak chuchuk dak krok asai alyo'u, nbyang basi nwo adam. Yesu si hyio banbi, "I byo kyang gyi?" ⁴² Basi nwak gu nchong abyang fwon, ⁴³ awod asi san asi gyi duswon bi khi. ⁴⁴ Asi hyio banbi, "Nang nu nshio ba nyin'i, nsi tak nyin nang salai nkyang a lru bu chyi Musa'i nbyang anyet shei uswon bi nbyang Zabura zi ti'a hu bai chachirak." ⁴⁵ Aza asi tyak bi nfwo ni, nang ba li nshio fuk alyat Gwazi ni. ⁴⁶ Asi hyio banbi, "Anya a ndru, nang Kristi li nswo ngbang, abu tagbok ba anyet akan kwi'i utuk mam tad khi. ⁴⁷ I shei kok ntong nbyang yrip katuk ba ayrok nu khi salai ibyin'u, fwum nyiet Ushelima. ⁴⁸ Nyin ba li nkyang nei. ⁴⁹ I li, nwad nyin kyang nang Addi nu lab unu nwak'i. Ama i swan bumi ukrang khi, sei nang a kub nyin bu chet nyiet tutan." ⁵⁰ Aza Yesu si ngruk banbi sei nang ba nbai nkpwen bu Batani. Asi nyep nbwak gu ni tutan, asi nkrok bi nmyang. ⁵¹ Hu kwi, nang gu nghwad bi nmyang ni'i, awod asi kyak gu nad zo tazi asi wod bi. ⁵² Anya'a basi dyep gu, basi bwok nad Ushelima bu gbandang asai alyo. ⁵³ Basi gyi uswon bu chong bu tu dyep'u, dyep Gwazi'u. front