Uhọnmọnlẹn

Chapter 1

¹ Ipọlo, enezeli ọsi Ijesu Kristi bhẹkẹ ih nọnso Osẹnobulua bii Itimoti nobhiomanlẹn, rẹje otuẹ nọnso Osẹnobulua nẹbhi ikorinti, rẹyẹli ẹbhorebhe nekhiale nọnso - Osẹnobulua bhotọ Akaya. ² Itohan kiọ ọsẹ bi ọfue nọn nobosẹnobula nan abamanlẹn bi Ijesu Kristi vae. ³ Amiẹmin Osẹnobulua nan aba - ebianlẹn manlẹn Ijesu Kristi akhuẹmọnlẹn. Ọle aba ọsi imẹnlo bi aba ọsọ ọfure. ⁴ Osẹnobulua harọ ọfur manlẹn bhẹkẹ ekpokpo rebhe niman rẹaye, bejadamiẹn imanlẹn kiyẹmin rọfure nenẹbhonin ne mọekpokpo imanlẹn rọ - ọfure nẹbho - nekẹle bọ - ọfur no - Osẹnobulua rẹ manlẹn. ⁵ Ramude benọ ọni - iloya nọnsi Kristi rẹ mudiamanlẹn, itiọ ọfure nọnsẹmanlẹn ayẹ rẹ mudia bhi Kristi. ⁶ Ọkpanọn ima hamie - ebafi, ramude ọfure nọnsẹ bi ẹnin ọle nọn. Iman hayẹ min - ọfure, ramude ọfure nọnse yẹ nọn ọfur nọnsẹ wọ mama wẹna nọnsẹn bhẹ ẹkẹ yẹngbe nọn - kiọn ọkpa bhẹ ẹkẹ iloya nima yẹle. ⁷ Ighodalo nọnsemanlẹn rẹtẹbha ọi lueghe, ranmude imanlẹn lẹmi ibha debaman ghabhi - iloya, ibha dẹyẹ debaman gha bhẹ ẹkẹ ọfure. ⁸ Ramude iman bha ho namiẹmin ibha kiọn ọnọbha lẹn ebayo họkhin, ibhiomẹn rẹtẹ ọne ekpokpo niman hamọnlẹn bhe Esia imanrebhe da mu - ihẹ nọnkhua na - ahumanlẹn, bejadamiẹmin imanlẹn yẹ da ha mọẹ ighodalo ọsuyẹmin. ⁹ Ẹmọata jẹje , arẹyọ nadọ gbonomanlean. Ọkpanọn, aihuọnin narẹ miẹn imanbha degbe yẹn - egbemanlẹn, ọkpanọn, nọn rẹ ọbho - Osẹnobulua nọn riọ eneyulu. ¹⁰ Ọdamiẹmanfan bhẹkẹ ofuan niman harẹ fuan, ọdiye miemanfan. Ọle iman mu - isuduyẹn nọnrẹ miẹmanfan. ¹¹ Ọdi luọna be jiu - uwẹ rẹ miẹn kpaman bhi - imerọmọn nọnse. Enebunbun dẹ khuẹmẹn Osẹnobulua ramude manlẹn bhẹkẹ emiọhe nanrẹ manlẹn nọnẹkẹ erọmọn buọ - rebhere. ¹² Ẹbezẹle niman dadẹgbọ khọna : Ọkhọmanlẹn sọsai bhọ ghe imaẹn muegbemanlẹn bhẹ kẹ agbọn bhi ikhiale bi itẹmoaya nọnso - Osẹnobulua, bhẹkẹ imanbha degbeyẹn ẹwanlẹn ọsi - ikpakpaegbe ọkpanọn itohan nọnso - Osẹnobulua. ¹³ Iman bha gbemin soso jibha nibhaidasabọ tie ibhaolẹn ebotayẹ, imẹn yẹ moẹn ighodalo ghe uwẹ dẹ lẹn ebọrebhe tale. ¹⁴ Bejọ - ọrẹ muwẹ - ẹlokore be ja gbọnlẹnsẹ, ghe uwẹ dẹ rẹman dẹgbọ ukpẹdẹ Osbianlẹman Ijesu, beji man yẹ nin rẹ - reẹdẹgbọ. ¹⁵ Ramude imẹn hẹ mọẹn isudu bhọ ọna,imẹn re họmin nimẹn kabuẹre, be juiwẹa da min - ẹseọhe ọsugbazeva. ¹⁶ Imẹn rẹhe bhamin nin - imẹn dọ rẹ tuẹ simẹn khin Imasẹdonia. Imẹn rẹda gboyẹ aho nimẹn gbo - chie dọ tue ugbazeva simẹn kiyẹ ni Imasẹdonia vade, bejiu uwẹ ada rẹ kpamẹn simẹ ki khin Ijudea. ¹⁷ Ẹghe nimẹn rẹdi nia haiaeria, imẹn hẹ hemin? imẹn hẹ riaemin rẹji IKpakpaegbe, beji - imẹn ada yọle "Ehe ,ehe" bi "Eye, ehe" bho -ọneghe - ọkpa ? ¹⁸ Ọkpanọn bena rẹmvn Osẹnobulua ọna degbeyẹn nọn, ẹmọn nọnsi manlẹn ọiyi "Ehe bii "Eye". ¹⁹ Ramude ọnọnọnso -Osẹnobulua, Ijesu Kristi, nin Isivanọsi, Itimoti bii imẹn rẹman bha, ọiyi "Ehe" bii "Eye" ọkpanọn bhẹ ẹgherebhe, "he" nọn. ²⁰ Ramude eni - iverebhe nọnso Osẹnobulua "Ehe" nọn bhẹ ẹkẹọle. Hiọyẹnọn, obọle ma na yọle "Isẹ" rẹ jio - oriri nọnso Osẹnobulua. ²¹ Ọnẹghenanian, Osẹnobulua nọn muman sẹ biu uwẹ bhẹ - ẹkẹ Kristi, ọdaye rabhi somanlẹn uhọmọn. ²² Ọiugue nọnsọle guemanlẹn ọda re oriọn nọnsọle man bhọ ọkhọle be ebaremudia nebevade. ²³ Ọkpanọn imẹn tie Osẹnobulua bọ ọsali reji ọriọn nọnsẹmẹn ghe ebezẹle nimẹn bha da vae bhi kọrinti ọle nimẹn ada rẹ gbakhua. ²⁴ Ọnaiyi ramude niman kin ebianlẹn hẹkeleọ nọnsẹ. Ọkpanọn, nọnrẹlẹn ghe iman bu uwẹ ko wẹna kugbe ramude eghọnghọn nuwẹ rẹmudia bhẹkẹ hẹkẹleọ.

Chapter 2

¹ Bhọ ọ na mẹn da tọ ọta bhọ, bhọ osẹ mẹn yẹ da khe buere bhẹ ẹkẹ obalọ bhe ekẹ miẹn na bha man manọ. ² Imẹn kha juwẹ kha mọn obalọ, ọbhọ la ki kiha rẹ eghọnghọn mẹn nọ rẹ ekele ghọẹ. ³ Mẹn gbẹn bena bhe ekhe ni ri bu ẹre ki via bu ẹ, i da lu emilin ni mẹn ẹrọ rọ ọbalọ ji bha ne rẹ ghọn ghọn mẹn. Mẹn mọn ire kele lio ji bha be ja da miẹn eghọn nẹ sẹ mẹn ọki osọ bha re bhe. ⁴ Mẹn gbọn nebe ji bha bhẹkẹ e danmẹn nọ kpọnọle, bhi obalọ osọ ghole, be biẹ ẹkẹ wiẹ. Mẹn bbha kholo ni rọ ọbalọ jiẹ, okpanọn, mẹn gho nuẹ lẹn bhẹkẹ u dimimi ikhẹmọlẹn ni mọn ghe bha. ⁵ Akha miẹn ọria so abalọ, ọ yi mu ọkpa ọluọ lele je bhẹkẹ uman eso mẹn kho ni muọni ikhẹ riẹ ibharebhe. ⁶ Ọni loya na ọsọ nọ ria ni bhẹkẹ agbẹ bholo ne bunbun ọsele. ⁷ Na re khe ari bhi o ni iloyani, uki re bọle cọlọkhọre luọna bejọ da miẹn ọ bha kha mọn iluakhiẹ nọ yunua. ⁸ Bhe na ikhuẹ okhulu bi utafo bhi ighọmọlẹn nu mọn khọle. ⁹ Ọna ọni ilolo ni mẹnda gbẹn one be, be ji mẹn da damiẹn bi mẹn ki lẹn su wẹ lu e ba tamẹn bhe ni rebhe. ¹⁰ Aha mun wẹ rẹbo ọria mẹn yẹ rẹbọ ono ria bhẹkẹ omẹn, ebi mẹn rẹbọ a da miẹn mẹn rẹbo bhe min eso ra mu dẹ mẹn da rẹbọ bhi iyalo ọsi Kristi. ¹¹ Iyan ọdia be ojuu, nọi mọn bhan lu. Man yi eria ne bhelẹn emama na sọle. ¹² Ọdẹ o tu jẹ amẹn bho obọ ọse Ebianlẹn bhẹ ẹkhele ni vae bhẹ ẹbholo nan tiọli Itorasi ni dọ tọmọn ukhuọn muje ọsi Kristi bhe ne. ¹³ Mẹn bha mi umiẹn kpa bhẹkẹ oriọn na se mun ranmude mẹn bha guani obhi vn Tatọsi bhe na mẹn da zele obọ bi i da di bhọ ẹbholona ti ọli Imasidonian. ¹⁴ Bhe nan ewẹnmẹn ki ọsosẹnobulua, nọ ri bhẹkẹ Kristi ẹghe rebhe nọ re man akhia bho obọ rebhhe nọlokhun nẹ ranmude malẹn urẹma alẹnlẹn ohi ọsi ulẹnsẹd kha ribhi jere bhe. ¹⁵ Man rẹ ji Osẹnobulua ọlẹnlẹn ọhi ọsi Kristi, bhẹ wẹ ene mi eni bi bhe wẹ e ne fuẹn a ¹⁶ Rẹ jie ene na ne fuẹna ohi osu uyu mi nọ da khu uyu mi rẹ jie eria ni ne miẹn ni, ikhe ohi nọ na bhi iyẹnlẹn rẹ sẹ bhi iyẹnlẹn. Ọ ọnọ ria ni nọ ọkhọ khẹ ke bhẹkẹ ne milin na? ¹⁷ Man bha dia bi ẹbholo ne bunlun ne khẹn emọn ọsosẹnobulua bhe ele le. Okpanọn, bhẹ kiọ ọkhọle nọ gbale, wẹ tale bhẹkẹ Kristi, be ja re je malẹn bhe obọ ọsosẹno bulua, bhẹkẹ odalo Osẹnobulua.

Chapter 3

¹ Iman gbo kie munkele ha gẹn egbe manlẹn? iman bha guanọ ihẹgbe man bha la nibha he man malẹn bii ebhoto eso,la man be guanọ? ² Ibha hi Ihẹgbe nan gbẹn man bhọkhọle nẹbholo lẹnẹn nele tie bi ebe. ³ Ibha rẹman ghe ibha hi ebe nin Ijesu gbẹlẹn, iwẹna otuẹ sẹmanlẹn, ọiyi ebe nan rọbo gbẹn ẹlinlin Osẹnobulua nọn ribhọ. Abha gbọnlẹn bhudo, ọkhọle si ọria gbẹnẹn ọlei. ⁴ Ọnan urẹbhọ niman nọbo Ijesu da Osẹnobula. ⁵ Iman bha guẹsẹ niman y'ọle obọ man ọda vae bhiriọ, iguẹle sẹman Osẹnobulua rẹ manlẹn. ⁶ Osẹnobulua sabọ rẹman kin oguomandea si akovẹn ọsọgbọn. Akovẹn ọsi ẹlinmin ọi yi ọsebe. Ọsẹbe oi gbọria, ọsi ẹlinmin oi ri nyẹnlẹn nọria. ⁷ Ọni iwẹna nọ si uyumin nan gbẹnẹ bhido oriri nọn rẹ vae bha ji imọn ri Izrẹli rẹ ghe imozisi ẹlol. Ranmude osusi ẹlolo nọn sọle, oriri nọn fagha nọn. ⁸ B'oriri nọn si wẹn si Elinminda diayẹ? ⁹ Aha miẹn iwẹna ri uria da hamọn oriri, ọni iwẹna ri ukhiamin ki maman ha mọn oriri. ¹⁰ Ọnọn ka rẹ ha gboriri khẹ bhayẹ gboriri ranmunde oriri nọn gberale. ¹¹ Ọnọn gbera ha mọn oriri ọnọn hi g'bera ki ha mọn oriri. ¹² Nin iman rẹ mọn urẹbhọ nan, iman mọn irebhudu. ¹³ Iman bha dia bi imozisi nọn ri ukpọn gue ẹlolo nin imin izrẹli bha sabọ ghe oriri nọn gbera sotọ. ¹⁴ Ọkhọle sele dia zezea. Dọ rẹsẹ ẹlẹnana, ele ha tie akovẹn nin ikhẹkhẹ ọnin umun gue nin sẹyẹ kẹrẹ. Abha sẹ re ọle kie, ranmude bhi Ijesu ọkpa a da sabọ re ọle sibhọre. ¹⁵ Rẹsẹ ẹlẹnan a ha sẹyẹ ha tie Imozisi, omun gue sẹyẹ de gue ele bh'ọkhọle. ¹⁶ Ọria ha ki bu Ebianlẹn re, ọnin omungue nin ki sibhọ re. ¹⁷ Bhinia Ebianlẹn ọle hi ọnin elinmin eji ẹlimin Ebianlẹn ye ofanfia ribhọ. ¹⁸ Bhinia iman rebhe nọn hi mọn igugu ẹlolo, daghe oriri si Ebianlẹn. Afima wẹnẹ bhi ẹkẹ ọni oriri rẹ nin efẹn ọkpa na bhi ọbhebhe, rẹ nin obọ Ebianlẹn nọn yi ọni ẹlinmin.

Chapter 4

¹ Bhiriọ,ranmunde man mọn ọni nan,bheji iman rẹ min orẹhunman, iman hi da min itọgbe. ² Genegene iman hakhokho bi odẹ emin ẹkhọle, iman khian bhodẹ eku, man bha yẹ ri obọ nọn bha dia rẹkhanọta nọn si Osẹnobulua. Itẹmọn ata man regbe man ọkhọle ọnọn deọde bhẹle Osẹnobulua. ³ Aha min omun gugu bhi uhọnmujie nọn sẹman,omun gugu nọ rẹji ene da funan. ⁴ Bhọsi rlrnin, Osẹnobulua agbọn nanru ele ọkhole nọn hi mọn urẹbhọ. Ranmunole ọnan, ele bha sabọ dagh'ẹfua uhọnmunjie osisi nọn si Ijesu, nọn yi orẹkhọ nọn si Osẹnobulua. ⁵ Emọnlẹn ọsi Ijesu Kristi man re wewe oi yi ọregbe manlẹn nin eguomanolia sẹbha ranmunol Ijesu . ⁶ Osẹnobulua tale ghe, "Ukpa dẹ bhala bhẹkẹ ebiuki." ọbhala bhọkhọle sẹman nọn rẹ rẹfua owanlan oriri Osẹnobulua bhisira Ijesu Kristi ⁷ Man mọn eni eminlin esili nan bhi uwawa ekẹn, nan rẹman ghe ọni okpahu nan ọsi Osẹnobulua nọn oi yi ọsẹman. ⁸ Okpokpo nin iman miẹn bhodẹ rebhe bha gbe man ruẹlẹ. Man mọn ọdin bhẹlo man bha zaka. ⁹ A kpokpo manlẹn abha fi man ehọa, ele rẹ gbe man fiọ bhotọ man dumunan. ¹⁰ Ẹghele rebhe man rẹ mọn uyumin nọnsi Ijesu bhegbe nọn sẹman,nan da rri inyẹnlẹn si Ijesu man bhegbe sẹmanlẹn. ¹¹ Ẹghele rehhe ọle a rẹ mun man ne ri bhagba ji uyu ranmunoli Ijesu, nan miẹn ghe unyẹlẹnin si Ijesu ki rẹman bhegbe nọn sẹmanlẹn. ¹² Bhiriọ uyu weana bhegbe rẹman, inyẹnlẹn wẹnan bhegbe nọn sẹbha. ¹³ Iman ko mọn ẹlinmin urẹbhọ ọkpa beja rẹ gbọnlẹn,"Imẹn rẹbhọ, imẹn da tale." "Iman rẹbhọ, iman da ye talo. ¹⁴ Ranmude man lẹnlẹn ghe ọnọn ri Ebianlẹn Ijesu kpanọ dẹ yẹ rẹ manlẹ bi Ijesu kpanọ vae bheji ọle ye. ¹⁵ Emiliu rebhe ranmunole bha nan rẹ miẹn ghe ọnin ẹsiọhẹ nọn ki rẹso agbọn bunbunlun yẹ ki kiẹn ekhuẹnmẹn ji oriri nọn si Osẹnobulua. ¹⁶ Bọni iman da ha mọn ilọegbe, ọni egbe nan ha rẹ ha kẹkẹ kua bhẹkẹ egbe a rẹ man kin ẹsọgbọn ẹdẹ ẹdẹ. ¹⁷ Ọni okpokpo nọn hẹghẹghẹ nin iman miẹn nan, ọ sẹman munegbe khẹ agbọn itẹbitẹ nọn khua riri ọsi oriri nọn gbera eman rebhe. ¹⁸ Ọyi eminlin nan daghe nan man rẹlolo ọi, ọnan hi dagha. Eba daghe ọi da bue, eminlin nai dagbe ọsi ẹtẹtẹbitẹ nọn.

Chapter 5

¹ Malẹn lẹnlẹn ghe aha miẹn uwa ọsi agbọna nọsi man da guọghua, manlẹn mọi uwa nọn da bhi obọ Osẹnobulua vae. Ọi yi uwa na robọ man, ọkpanọ uwa ọ dẹmẹdẹ bhi agbokhunlun. ² Bhi ẹkẹ ọno ohogbo na manlẹn da zaka, ni manlẹn da guanọ niri agbokhulun ni manlẹn ayẹnlẹn hiegbe. ³ Manle guanọ ọna ranmude, manlẹn ha re ọna ruẹn manlẹn yẹ da ban re. ⁴ Genegene bii ejimanlẹn da ribhi ọni ohogbo na,manlẹn zaka, ihẹ khale manlẹn. Ma bha guanọ ni manlẹn banr, imanlẹn guanọ ni ma ri ukpọn ruan, be ja da miẹn iyẹnlẹnki khui ebe yulo. ⁵ Ọnọ mu imanlẹn egbe khẹ ọni eminlẹn na hi Osẹnobulua nọri ahu ẹlimin nọ ọsọle ri ikhualoghe manlẹn ọsi ebe vade. ⁶ be ejọdianian a bhọnli Isudu ẹgherbhe bi ejuwẹ lẹnlẹn uwẹ ribhi uwa bhi ẹkẹ enegbena, uwẹ khian relẹ ni Ebianlẹn. ⁷ Urẹọbhọ manlẹn rẹ khian, ẹyi ebadaghe. ⁸ Manlẹn mọilẹn isudu manlẹn guanọ ni manlẹn sibhi uwa re bhi ọnegbena dọ dibhi uwa deba Ebianlẹn. ⁹ Ranmude imanlẹn rọle kie ebi manlẹn khu, ma ribhi uwa la ma sibhọ re, manlẹn ki lu ebe tiọle bho. ¹⁰ Manlẹn di mudia bhi iguẹzọ nọ si Kristi, bejia da miẹn ọnọ ọdọde ki mi ihasa bhi iwẹna nọn wẹnalẹn bhi ọnegbena, ¹¹ Bi eji manlẹn ofẹn nọn si Ebianlẹn ma da bhi ẹbholo. Osẹnobulua daghe Ebimanlẹn khi,imẹn khọkhọ ọkhọle nọsẹ bha di lẹn ọna. ¹² Malẹn bha yẹ kie guanọ ni manlẹn yọle iman bhẹn gbe, ọkpanọn manlẹn lu eminlin nibha da ha rẹ manlẹn degbọ, be eji bha damie ewaniẹn rie ni ene ri efuagbe dẹgbọ nebha rẹkhalẹn ebe ribhi ahu. ¹³ Aha miẹn manlẹn ri ẹkẹkhọlọ lue eminlin, ranmude Osẹnobulua nọ,aha miẹn imanlẹn riọkhọle n gbale luemilẹn, ọmẹn nọn rẹ jibha. ¹⁴ Ahuẹmẹngbe nọnsi Osẹnobulua ri ahu manlẹn, ni manlẹn rẹ ti ọtato otuọkpa yulu ni ọrebhe ramundọna ọrebhe ki yu. ¹⁵ Ọyu ni ọrebhe bi eja da miẹn ene yẹlẹn bha yẹ yẹlẹn ni egbele, ọkpa rẹji ọnọ yu nele nọn kpanọ bhi idin ¹⁶ Ranmude ọna rẹ dabhi ọnẹgbena ha khian,manlẹn yẹ ghi ọria bhi ọsi efuegbe,aha rẹ miẹn manlẹn ka di riọlẹn Kristi. Ẹyẹ gbo yi rio nian. ¹⁷ Biejọki dia, ọria ha ribhi Kristi, ọria ọsọgbọn ki nọn, Eminlin ẹdẹlẹ gbera, edọ ki lẹn ọsọgbọn. ¹⁸ Obọ nọsi Osẹnobulua ọye nọn han manlẹn kugbe deba egọle bhi obọ nọn si Kristi bi ọda yẹ muọle imanlẹn bho obọ iwẹna ọẹsi uhanlẹnmi. ¹⁹ Bhi obọ nọn si Kristi Osẹnobulua da hanlẹn ọnagbọn na de ba egbọle, ọbha ki olukhọlọ ne lulu da ọle. Ọda mui uhọnmujie ọsi uhankugbe imanlẹn bhi obọ. ²⁰ Imanlẹn arie mudia ni Kristi bi ejia da miẹn Osẹnobulua ki da bhi egbe manlẹn bhi ibha. Ma bhili ibha ranmudi Kristi, bha han kugbe deba Osẹnobulua. ²¹ Ọri ọnọ bha lui olukhọlọ kiẹn, ọnọ lui olukhọlọ bi eji manlẹn ada kiebẹn enekhiale neso Osẹnobulua bhi obọ ọle.

Chapter 6

¹ Ni man debale wenkugbe imanlẹn va jie min ẹsoghe on si Osẹnobulua ve ikho. ² Iriọ ọda tale ve ẹkẹla ẹghe nọ mẹ bhi ọkẹdẹ ọkpea ọsi imenẹfa. Imẹn dalminkpa gha nọn memlẹn ukpẹdẹ ọsi ẹni. ³ Imanlẹn gboda daọria bhi odalo. Iriọ iman va gwanọ otuẹ na sẹ minle. ⁴ Narẹminẹ iminle rọlema rẹjie bhe abi man rẹluemin yẹ sokpa oghọmandia ọsi ọle mankhin. Oghomudia bhi izegbe, amiamẹn awamiẹn rẹlu ọkhakalẹ. ⁵ Ugbemin bhe olegha, okhalẹ bhe iwẹna nọn kaka bhi owe nawẹ asọ bhi ẹkẹla okhamẹn. ⁶ Bhi ẹkẹle nọn ikhale ewan izegbe iluaminnọsẹ bhe ẹkele ahu eliminọkhale bhi ahooemonegbe. ⁷ Iman khin oghomodia bhi ọta ẹmuata bhẹ ẹkẹ akhu ọsi Osẹnobula. Iman mọ emin okhole ọsi elimokhale bhi obọ arah bhi obọ aghobọ. ⁸ Man da wẹnan bhẹ ẹkẹ oriri bi aimun ekpẹn bhi idiegbe le bi ughemin be ner hie ọria dakha yẹ ẹmọnata. ⁹ Iman da wẹna rẹjie imanlẹn va lẹn ọria okpea nọn asi yẹlẹn iman asẹ yẹlẹn iman. Iman da wẹna bhi uyumin bhi ghe iman sẹ yẹlẹn wẹna bhi ẹkẹ eloya iwẹdẹ nin marẹ lu amin bhi uria ọsi uyumin. ¹⁰ Iman dawẹna bi elukha, sokpa iman da ghogho, iman lẹn dawẹna bi abogbe soka ma dafẹ. Iman da wẹna, amin wae raubhore iluamin re wẹ ¹¹ Iman temata man ẹkẹle udu nasẹ mum. ¹² Mam mọn abi ama ve okhoole rẹjie wẹ ọkpa mọn abi ve reokho mama. ¹³ Iriọ iman datalọ bhi ọmọobọ tugu agbe nọn seoh kakabo. ¹⁴ Khia deba ani eyiotue di akugbe nin eliminohale bhi airebor bhi wọ ukpa bi ogobile mọn. ¹⁵ Bhi Kristi mọn bhi bahbọr ọnọ yi otue bhi ọnọyo. ¹⁶ De akota ọnọ ribhe ẹsesẹ otuẹ ọsi Osẹnobulua bhi ani gebọr. Iman lẹn otuẹ ọsi Osẹnobulua nọn mam ikhin otuẹ nasi Osẹnobulua. ¹⁷ Benọdia vae siwe ẹke lẹn rẹn denegbe sina re Osẹnobulua datle ẹri obo so amin nọwa khale. Imẹn a gbe obokhin niẹ. ¹⁸ Imẹn akhin aba nọsọ iwẹ khin ọmọ nọn sẹ mem ni okpea bhi ọmọ nọn sẹ mem no okhuo.

Chapter 7

¹ Ọnan hoemọnọlẹn, benin iman man enin i've nan, ji iman gba egbeman sibhi ufidọn ọsi elanmegbe bi oriọn re. Jiman khurẹkhan ikhiale bhi ofemu ọsi Osẹnobulua. ² Hẹnhẹn ugha manlẹn! Iman bhasẹ lu emiebe ji ọria soso. Iman bhasẹ ria ọkpa a' la rie ebe kẹkẹ ọria. ³ Oiyi ninman reerialeẹa imẹn da tọr ọnan gene imẹn ọkika tale ghe uwẹ ribhi ọkhọleman nin man rẹ yu kugbe bi iman rẹ yẹnlẹn kugbe. ⁴ Imẹn mọn ohugbudu bhu uwẹ bi ikponole hi idẹgbọ ọsẹmẹn bhi uwẹ. Imẹn viọn bhi ibhude imẹn viọnkua bhee eghọngbọn arẹde epoporebhe ribho. ⁵ Ẹghe ninman revae bhi imasẹdonian efun egbe man bha kha mọn uhẹnẹnan bhiriọr, iman dakha mọn ẹmọnlẹn bhi uwedẹ rebhe bhi isọodan bhi olele bi ofẹnmun bhi ẹkẹ uwa. ⁶ Ọkpanọn,Osẹnobulua nọn ri isudu nọnọn degbere, ọda ri isudu man nin ititọsi revae. ⁷ Ọiyi ẹghe nọn revea ọkpa Osẹnobula dari Isudu man Isudu nin Itatọsi kamiẹn bho ọsẹ ọlenọn otaman man udede irẹlobhe egbe nansẹ, iloya bi umuzeze ọse rẹjimẹn bhi iriọr imẹn ghọnghọn maman. ⁸ Akha rẹmiẹn ebe imẹn gbẹn bhha rẹkha ghọnghọn, imẹn bha riale. Ọkpanọn, ọda bamẹn bhe egbe nin imẹn rẹmiẹn uwẹ bhakha ghọnghọn ọrẹ kin ukpobhi ẹghe khere. ⁹ Ọnẹ gbe nan imẹn gbọnghọn,ọiyi ranmude ẹgbe wọ - ọẹ, ọkpanọn ranmude abha kha ghọnghọ ọsẹ ọri ifiegbe dene egbe riẹ uwẹ nin oimẹn ọsẹ Osẹnobulua, ubha lo - oya hoho ranmude manlẹn. ¹⁰ Iloya no Osẹnobulua ọri ifiegbe debe egbe re nẹ enin rẹkhanlẹn bhi abho khu tie be kisimẹn bhọ ọnan. Oimẹn ọsọ ọnan agbọn nan ru uyumin re. ¹¹ Ghe ikpononlee bhe ire egbe rebhe luemin nin iloya no Osẹnobulua luniẹn bọni ire egb rebhe luemin kpọnọn yẹbhe uwẹ nọnrẹ rẹman uwẹ bhamin ebululu. Be imudi nọnsẹ rẹkpọnọn yẹ, ofẹmu, ikhuaeloghe, uzezemi bi ebu uwẹ khọkho nanremin emin nọmẹn alule! bbhi emin rebhe uwẹ re egbe ọsẹ man ghe ubhalẹn emin soso bhọ ọnẹ ẹmọn nan. ¹² Aremiẹn imẹn gbẹn jiẹ, imẹn bha gbẹn ranmude ọivn la reji ọria nọn loya bhi ọnọn ọimẹn, ọkpanọn be na damiẹn ọmẹn ọsẹ reji man aki kinẹn eba lẹnlẹn bhi iyalo ọsi Osẹnobulua. ¹³ Ọnan zẹlẹ iman mọn isudu remọn urebha reji isudu ọsẹmanlẹn, iman da yẹ kha ghọnghọn maman ranmude eghoghọn nọnsi itatọsi, ranmude oriọn nansọle dakin ọsọgbọn r nabho obọ bha erebhe. ¹⁴ Imẹn kha degbe manlẹn ranmude uwẹ ọbha khin ekhọle rejimẹn. Be nọn rẹkalẹn ebiman tale erebhe ẹmọnata nọn igbọr niman debhe uwẹ man itatọsi rẹman ẹmọnata nọn. ¹⁵ Ẹjiejiele nan sọle rejiẹ ọle kponọn nẹ sade ọye irehọrbhude ọsẹ bha erebhe re, ebu uwẹ re yọle obokhinan bhi ofẹmun bi ọghẹn ghẹn bhe egbe. ¹⁶ Imẹn ghọn ghọn ranmude imẹn mọn ọhybhudu be uwẹ.

Chapter 8

¹ Ma ho ni ibha lẹn eni ibhioo esiọhẹ nọsi Osẹnobulua nu re ni eni otuẹ neri bhi Imasidonia. ² Arẹmiẹn khe ri bhi edomẹ si ekpokpo bi obogbele nọ kakale ẹ vọn ni eghọnghọn bhi ẹ riọni ssi bhi obọ re. ³ Mẹ i sasli ni ele khei rie si bh obọ re bi eji ahu si ele sẹlẹ eda sẹyẹ ni ẹkẹ nọ si ele lu gbera eji obọ nọ si ele sẹle. ⁴ Eri ẹkẹ ata bii ọhubhudu rẹ bhili man,ni ma ji ele kha moi obọ bhi ọni iwẹna nọsi ẹbho ne khiale nọsi Osẹnobulua. ⁵ Ọna bha sunu bi eji ma rẹ ria eka ri egberebhe rẹkhan ebeyanman ekue sabọ rẹkhan ma bhi ẹkẹ iho nọsi Osẹnobulua. ⁶ Ma bhili Ititọsi nọ ka mui ọni wẹna hẹn nọ lu sotọ ọni iwẹna ẹsiọhẹ na. ⁷ Ọkpanọn, bha so mudia bhi ẹkẹ emirebhe - ẹkẹ urẹbhọ, ọta , ilẹnmi, ifuelolo luemin erebhe bi ahuẹmọegbe ni bha mọi ji ma. Ji a yie miẹn bhi ibha lu gbera ọni iwẹna si ẹsiọhẹ na (Ọsali riho khi ene gbi ebe kie gbi ulọnlọn nọ zi ihinlọ ne rẹkhan ebe ne dede. Ọbunẹsi ene ebe si ejiayena ei rẹkhan eni akie gbin na. Inian a ki rẹ tiọle - bhi ẹkẹ ahuẹmoẹgbe ọ se bha reji ima. Ọkpanọ ukanlin ebe sọ bii igiriki nẹ dẹdẹ ri inian gbọlẹn bii ahuẹmoẹgbe nọsẹ ma reji ibha. ⁸ Imẹn tọna ọ yi uyi, sokpan, imẹn tọna ni mẹn rẹlẹn ẹmuanta nọ ribhi ahuẹmoẹgbe nọ sẹbha ni yie riọ khọkhi isiudu si eria ebhebhe. ⁹ Ibha lẹnresiohẹ nọsi ebeyanman ni Ijesu nọ miẹmafan. Arẹ miẹn khọi fẹmi, ranmude bha ọ da khiẹ ọno obọgbele ejia da miẹn bhi ẹkẹ abogbele nọ sọle bha ki kie ene fele. ¹⁰ Bhi ẹkẹ emin nọ dia nia, mẹn dei bhuu bha ude nọre kpa bha. bhi ukpe ọkpa nọ gbera, ibha bha muhẹn kha lumin ọkpa, ọkpanọ ọi yie bha ni bha reluọ. ¹¹ Ẹghena,bha luọ fo bi eji ọka rẹ kha hu bha bhi udu bi ọrẹ yọlẹ bha rẹ luọ ẹgheni, jia miẹn khi ibha sab rọ si otọ bi jia ahu bha gbele . ¹² Sade khoi hu bha bhi udu ni bha rẹ luọ na. Ọna de kie emin nọ mẹn na miẹn ọ bhi egbe. Jia miẹn khi ọlu beji ọmọn sẹ,ọyi ebọ mọi ¹³ Ọna ida kha yi uhean ju enekẹle nọ kha yi ekpokpo ji bha ọi khẹke nọ kha mẹn ọrebhe bhi ẹlolo. ¹⁴ Ọwọbọ nọ sẹbha ọni ẹghena de ri ebe guanọ ji ele. Iriọ sẹ yiẹ khin ni ọwọbọ nọ si eleki yie ri ebi ibha guanọ ji bha, nọ kha mẹn ọrebhe bhi ẹlolo. ¹⁵ Bi eba gbilẹn "Ọnọ mọi emin ne bubu ha fikẹre, iriọ sẹyẹ ọnọ i mọlẹn bha yiẹ kha guanọ. ¹⁶ Ọkpanọ, ekhuẹmẹn ri gi Osẹnobulua nọ ri ijẹjẹ ọkhọ le ni mẹn mọ da bha bhi ọkhọle nọsi Ititọsi. ¹⁷ Ọbha miẹn kue, ubhimi ni iman bhi ọle ọkpa, ọkpanọ, ọda ri ọkhọ rebhe rẹ ne rẹkhan lẹn, ọkhọ obọle ọre bu bbha re. ¹⁸ Mai ji obhioo ma , nọ tẹ mọnlẹn si Osẹnobulua ni jerebhe ni ẹbho ne bhe otuẹ rebhe tẹ mọi esili ọ si ọle. ¹⁹ Ọi yi ọna ọkpa, eni otuẹ rebhe i zọle nọ rẹkhan ma dọ ri ọni uhọmu jie si iwẹna ẹsiọhẹ sẹ,nọ ri ma bha ahu rẹ musẹ rẹji oriri nọsi ebeyanman tobọle eleba iwẹni esili nọ sẹ ma. ²⁰ Mai luena, na khai miẹn ẹghele nọ ọria nọ iki rẹkhakhi bha zaka bhi ọni iwẹna ẹsele ni ma mu re. ²¹ Mai fẹkẹ lu ebemẹn ọi yi odalo ebeyanman ọkpa, sokpan odalo eni ẹbholo. ²² Ma sẹyẹ ji obhio ma ọbhebhe rẹkhan ele. Mai i dọmọlẹn bhi uwedẹ ne bubu ọkpanọ ọi fuẹlolo bhi emin ne bubu. Ọ wọ mama hu ọ bhudu nia ranmude urẹbhọ nọle mọi ji bha. ²³ Na tẹmọn Itatọsi, ikolu nọ sẹ bha ọle ọkhin. Eni bhiọn ma ne kelẹ, ukọ ne no otue kike re, ele ekhin. Oriri e khi ji omiẹnmafan . ²⁴ Ranmude ọna bha mọi ahuẹmgbe ghẹ ele, bha yiẹ re ma eni otue ebezẹle khi mẹn re bbha hio.

Uhọnmọlẹn 8 9

¹ Rẹtẹ oga nọnsi ibhokhan Osẹnobulua nọnkhiale, ọbhamama rẹkhẹkẹ ni imẹn arẹ gbebe jiẹ. ² Imẹn lẹn ebọkhọẹ guanọ, ni - imẹn rẹdẹgbọ mai ibhokhan Imasẹdonia. Imẹn tamaele ghe Akaya mọda muegbe nọukpe rẹre. Ọhhubhudu nọnsẹ ọle riisudu ne - nebunbun ẹwẹ ele nerẹa wena. ³ Bhejayẹnanian, imẹn je inibhioman bejada miẹn ẹgbọ nimẹn rẹde ọbha kin ihohoo, be nuwẹa adayẹ muegbe, be nimẹn tamaele ghe uwẹ dilumin. ⁴ Ọikiyiriọ ahamiẹmin ọri Imasẹdonian rẹkhamẹn vae ọda kere uwẹ bha muegbe, ẹkhọle di hẹ lomẹn ghe ọta iholo imẹn tale rẹtẹ ẹ nimẹn rẹmama mudu tẹẹ. ⁵ Benọkidiariọ, imẹn riamin ebegbale nọn nimẹn rẹ bhi eni ibbhiomaẹn nerẹ buẹre benea da dọ muegbe ọ bhotọ - ya rẹji ive nuwẹ vele. Ọnaidiariọ benọada muegbe be erọnmọn, ọida ha yẹmin nan hiẹn -eloze. ⁶ Ọnukpemin khọna: Ọnọria nọnrẹkọ zaghazagha ọkiyẹ kọnọ zagha zagha, Ọkpanọn ọnọria nọnrẹkọ ramude erọmọn ọikiye kọnọ erọmọn. ⁷ Jiamiẹn otuọkpa, otuọkpa bhẹ ẹwẹbha resibho - obọre bejọle bhan - bhan bhọ - ọkhọle nọnsọle, ọiyi ọsi ebeghọnlẹn la amuẹn idu idu, ọiyi ọsi ebe ghọnlẹn la amuẹn idu - idu, ranmude Osẹnobuua hoẹmọn ene rẹkẹ ọkhọlebieghọnghọn rẹre. ⁸ Osẹnobulua sabọ ni ẹseọhe rebhe vuọn kpakua rẹniẹn, bejadamiẹn,ẹgherebhe, bhe - emin rebhe, uwẹ ki mie eminrebhe nuwẹ guanọ. Ọnadẹdiariọ be jiuwẹ ada miu -ugbeyeva nẹbhi emim nọn - men. ⁹ Inian dia bejarẹ gbọn leọ bhotọ."Ọigha afe nọnsọle ọda rọne - enobọgbele. Ikhiale nọnsọle ọiribhọ ọsẹdẹdẹmẹndẹ." ¹⁰ Ọnọ gha ikpẹ rẹ je enemugbo ne rẹkọ bi ibulẹdin jie eneguane ebale ọdiye rẹre ọki ru - ugbeyeva bhi ikpẹ nuwẹ rẹkọ. Ọde ri utuẹn - okhun bhi akọrọle nẹbhi ilunọnsẹn nọnsẹ. ¹¹ Uwẹ di kiọn ọnarẹfe bhu uwedẹ rebhe beja damiẹn uwẹ ki sabọ are sibhobọ re. Ọna ki re - ekhuẹmẹn jo - osẹnobula nọnu - ukobọman vae ¹² Nuwẹ rẹ muọn - onoga na dagbare bhaa yi uwẹ mie - ebi ibhokho - osẹnobulua guanọ - ọkpa ọkpanọn, ọdayẹ vuọn - kpakwa nabha bhi ekhuẹmẹn rẹjo - osnobula. ¹³ Ranmude aki dọmọẹn kere uwẹ sẹmin bho - oga, uwẹ diye ro - oriri jo - osẹnobulua bhẹkẹ irehọ bhe ẹmọnlẹn rẹji ozi nuwẹ kale rẹji ẹmọn nọnsi Kristi. Uwẹ diyẹ ro - oriri jio - osẹnobulua bhẹkẹ hemin sibho - obọre nuwẹ rẹkpae erebhe. ¹⁴ Erebhe guanẹ - ẹloẹ, edayẹ nerọmọn jiẹ eluọ ọna ranmude ẹseọhẹ nọnkpọnọle bho obosẹnobulua nọnriẹ bhu ukegbe. ¹⁵ Ekhuẹmẹn kiọn ọsosẹnobulua ranmude orẹna nọnsọle naisabọ ta!

Uhọnmọlẹn 8 10

¹ Imẹn, Ipọlu,imẹn tobọmẹn yi uwẹ, bhi ide - egbe re bi ifuẹkẹle ọai Kristi, imẹn mọn ẹjiẹjiẹlẹ imẹni dẹgbọ nansẹ simẹn sibhe nanre. ² Imẹn bhie ẹgbe ninmẹn arẹ kha ribhi eju - uwẹ ye. Imẹn dakha dẹgbọ riji ohubhudu ọsẹmẹn. Ọkpanọn, imẹn khọkhọle ọkhẹke nin imẹn rẹkha isudu ẹgbẹ nin imẹn arẹ sọ ẹnẹ eria nin odan ne mọn bhe ekhọle imankhanmin bhe efun egbe. ³ Arẹ miẹn iman khan bhi efun egbe, iman khẹ okhọnlẹn be efun egbe. ⁴ Eni okhọnlẹn nin iman rẹ khọn oiyọ ọsi efun egbe. Benọdi, ahunani daghe nọn, nọnria urẹko nọkakale la, eiri ugan aikhan nọsẹn kin ihoho. ⁵ Iman yẹ ria eminrebhe ea ne tuẹn egbe eleokhun rẹji eanle ọsi Osẹnobulua. iman da mun ene eria rebhe gba nerẹ hehọr bhe emọnlẹn nin Kristi. ⁶ Imani muegbe nin iman rẹ ro - oya nin iwẹnan akanehọr rebhe,ẹghe nan rẹmiẹn irehọr bhẹ ẹmọn ọsẹ okugbe. ⁷ ghe ebe khakha bhi ọdalo ọsẹ. Akha min ọnọn khọkhọle gbe ọle hi Kristi, ji ọle ye egbọ ọl ne nọn ọlereyi Kristi iriọr iman yẹ khin. ⁸ Akha miẹn dẹgbọ khere maman reji otafoh nasẹ manlẹn, ne Ebianlẹn rejiman nọnrẹ mamanlẹn mudia bi oiyi ọnọn arẹ riale ea, ẹkhọle dakha lomẹn. ⁹ Imẹn bha guanọn ni ze - egbere bhi irofẹn muẹn bhe ebe nin gbẹnlẹn ¹⁰ Eria eso tale, "Ebe nan sọle oikakamin ọda mọn ahu, ọkpanọn egbe ọsọle nadaghe ọwẹghẹ ọta ọsọle bha sẹ ọnan re ehọr oi" ¹¹ Ji eria ne diabhi iriọr lẹn ebi man khin bhọ ọnọnta ebe nan gbẹnlẹn ẹghe nan remiẹn iman ribhenin ọle iman yẹ khin bhe ebi iman lu ẹghe iman ribhe enin. ¹² Iman ikhan khan relẹ se nin iman rẹ ku egbe mangbe la re egbe man khọkhọ ene gẹn egbe ele. Ọkpanọn,ẹghe ne arẹ man egbe ọse ele ji ọria bhebhe bi ure egbe ele khokho ọria ọbhebbhe, ele mọn ighodalo. ¹³ Iman ebo rẹdia yẹ, iman la dẹgbọ gbera ubulu. Bhi iriọr iman di lu iriọr bhẹkẹ ubulu ebo Osẹnobulua yẹ imanlẹn lu, ubhulu nọn kin ọnọn se ejiu uwẹ ye. ¹⁴ Ranmude iman tan egbe imanlẹn gbe sade iman se eji bha ye. Iman khọ kalọ nọn ka se eji uwẹ ye bhe ẹmọn ọsi Kriisti ¹⁵ Iman bha kha dẹ - ẹgbọ gbera ubulu ọsi iwẹnan enekẹle bhi iriọr, igbodalo ọsẹman ọle khi nun urẹọhọ ọsẹ muhẹn kha wanre, iwẹnan man bhẹ ẹwẹle uwẹ ki gbe tanlan . ¹⁶ Iman mọn ighodalo bhọ ọnan, benin iman datẹ ẹmọn Osẹnobulua bhẹ ẹbho nọn gbera uwẹ. Iman dakha degbọ ọsi iwẹnan nin iman lulu bhe nekẹle. ¹⁷ Ọkpanọn ji ọnọn ọkpa nọn dẹ - ẹgbọr dẹ - egbọr bhi Ebianlẹn. ¹⁸ Iriọr ọyi ọnọn yl ghe ebọle khin mọn ọtafọh. Bhi iriọr ọki kin ọkpane Ebianlẹn yọle ọkhin.

Uhọnmọlẹn 8 11

¹ Imẹn rẹ ha guanọ nuwẹ deba mẹn bhẹkẹ uyuki nan. Uwẹ gene nemẹn diabhọa. ² Ẹmọnlẹn dan mẹn. Ẹmọnlẹn udanmin ọsi oisẹ bhẹkẹ ive si ibọdẹ ọkpa. Imẹn vive rẹ rẹbha bi ọmanmẹn nọn kiale bu Ikristi. ³ Ofẹn mun mẹn, na hẹ dọ miẹn,beji ẹlimin ebe rẹ ri eku sọle hiẹ ivi, nan hẹ dọ miẹn ọkhọle sẹbha ghogho va uwẹdẹ aje si Ijesu re. ⁴ Nan hẹ dọ miẹn ọria ki vae dọ ha tẹmọnlẹn Ijesu kẹ gbera ọni man kata. La nibha dọ min ẹlinmin kẹ gbera ọnibha ka miẹn. La nibha dọ min uhọnmujegbera ọnibha ka miẹn. Bhe nin eneminlin nan mudia nọnsẹn. ⁵ imẹn riale mẹn bha khere nin ene tie egbele apọsto nenẹ. ⁶ Aha rẹ miẹn ibha luẹ ebarẹ tọta yẹ, imẹn yi ọria nọn bha luẹ eminlin. Bhọdẹ rbhe bi eminlin rebhe man rẹman bha. ⁷ Imẹn ba lu eminlin ebe nimẹn rẹ si egbe kẹ otọ nan da tuẹn bha okhunlun? ọsọhẹ mẹn tuhọnmunje ọsi Osẹnobulua ji ibha. ⁸ Imẹn ra otuẹ nekẹle nimẹn rẹ min ele irobọkpa nida sabọ ga bha. ⁹ Ẹghele nimẹn rẹ nebha dia nimẹn da mọn ebimẹn guanọ, imẹn mun nyan bha. Ibhio man ne nu Imasidonia vae ele dọ rẹkpa mẹn. Bhi eminlin rebhe mẹn hi fẹkẹ mun egbe mẹn mọnlẹn ni hẹ dọ kin ihẹ ji bha, iriọ mẹn sẹyẹ ha luọle. ¹⁰ Beji ọsaje si kristi rẹ ne mẹn, ai da sabọ gue idẹgbọ si mẹn bhi Akaiya. ¹¹ Bezẹle? Ranmude imẹn bha holo ẹmọnlẹn bha nọn? Osẹnobulua lẹnlẹn ¹² Imẹn dẹyẹ ha lu ebililu khian, nan rẹ miọn imẹn bha rẹ ẹghele nin ene guan'otọ nele rẹ regbe khọkhọ man bh'eminlin nele rẹ dẹgbọ. ¹³ Ẹbholo ne diriọ ele apọsto ne lu iwẹna ọsi eku bi ohogheli. Ele ki mun egbe bi apọsti si Kristi. ¹⁴ Ọnan yi ebe han ẹlolo, ẹlimin ebe ye mun egbe bi ẹhi si ẹfua. ¹⁵ Ọi yẹ yi ọhan ẹlolo gbe, si ibhokhan lẹn yẹ mun egbe bi ibhokhan si iluesili. Ẹghele odalo sele ki yẹ dia bi iwẹnan sele nọn khẹke. ¹⁶ Imẹn gbo kie tale,n'ọria hẹ riale gho uuki mẹn khin. Bha ha lu riọ, miẹn bọsi uuki ni da degbọ khere. ¹⁷ Ọni ẹgbo nimẹn ri irudu tẹ nan de - imẹn bha tale bi ọsi Ebianlẹn imẹn talọ b'ọsi uuki. ¹⁸ Beji aki miẹn ẹbholo ne bunbunlun si egbele dẹgbọ, imẹn ki gbo dẹgbọ. ¹⁹ Ibha ki ri eghọnghọn na ni uuki nyẹnlẹn. Ibha tobọ bha yẹ wanlẹn! ²⁰ Ọria nibha ne dia rẹbha kin igbọn, ọ le bha sotọ,ọle si egbe okhunlun bhẹwẹ bha la okhuẹ sẹyẹ gbubi ọbha bhẹlolo. ²¹ Imẹn dẹ tale nẹkhọle lo bha iman mọn ahu nan rẹ lu riọ. Ọria ha dgbo - imẹn tọta bi uuki - imẹn ki yẹ dẹgbọ. ²² Ihiburu ele kin? iri ye hi imẹn. Izrẹli ele kin? iriọ yẹ hi imẹn lẹnlẹn. Ebrahamu hele? imẹn yẹ iriọ. ²³ Ọguọmandia ikristi (Imẹn talo bi ọria nẹsese ọle bha gba.) imẹn nele bhi iwẹna nọn wegbe,bhi ighan bunbunlun, bh'ugbe gbera ubhulu bh'ugbe gbera ubhulu bhi ọbakho ekuanlan. ²⁴ B'obọ si eni ijiusi agbẹmẹn asian "Ọkpa ribhi ẹgbọle eva itanmi isẹn ." ²⁵ Itanmẹn ea a da ri ẹlọnmọn gbemẹn. Osukpa ada finin imẹn ido. Itamẹn ea okhọẹde nimẹn da vanoa imẹn gbẹdẹ ọkpa bi asọn ọkpa bhẹdẹ. ²⁶ Imẹn yo okhian egbele, bhi ukuanmin ẹdẹ, ukuanmin si enei mọn urẹọbhọ, bhẹkẹ ẹbholo, bhẹkẹ ẹgbo, bhẹv bi ibhio ọhogholi. ²⁷ Imẹn gale bhẹkẹ ẹsọn bi ọkaka kpokpo, bhi iganẹdẹ, bhohanmẹn,, ebale bi amẹn, iriẹkẹle ohanmẹn ẹghele, bhofuọfọ bi obanọre. ²⁸ Gbera ena rebhe,ẹdẹ ẹdẹ ọria si eni otuẹ. ²⁹ Kọ egbe lole? Egbe bha lọ mẹn itọla a rẹ yọle nọn bhẹghe, imẹn otuẹ bhegbe. ^{31 30} ẹn a rẹ ha degbọ, iki degbọ rẹman ghe imẹn mọn ahu. ³¹ Osẹnobulua bi Aba nọn si Ebianlẹn Ijesu, ọnan nẹ erọnmọn ẹdẹdẹmẹndẹ nan lẹnlẹn ghe imẹn bha ha ohogholi. ³² Bhi idamasikọsi,ọnọn rẹbholo khian bhotọ ojie Aretasi da ha babotọ si Idamasikosi nọle rẹ mun mẹn. ³³ Ada ri okhuale mun mẹn ruẹn rebhi ukpẹlo ẹfua bhẹgbawa, imẹn da nagbe vale bhobọ rẹ.

Uhọnmọlẹn 8 12

¹ Imẹn dẹ dẹgọa ha rẹmiẹn elele ọi ribhọ. Nimẹngbera ri iminalolo bi orẹman si Ebianlẹn. ² Imẹn lẹn ọria bhi Kristi bhi ikpe ẹnẹn nyan igbe nọn gbera sẹkẹ egbe nana la olele egbe imẹn bha lẹn, Osẹnobula lẹnlẹn a da mun ọnlẹn ha khin okhunlun ideghe deghe nọn zea. ³ Imẹn lẹnlẹn ghe ọn'okpia sẹkẹ egbe la sọi yẹkẹ egbe imẹn bha lẹn, Osẹnobulua lẹnlẹn ⁴ Ada mun ọnlẹn ha khin iso bheji ọle da họn ọta nọi j'ata nọn bha khẹ ke nọn ọria hata. ⁵ Bhi ahu si ọni ọria nin imẹn ki dẹgbọ. Bh'ọsi egbe mẹn, ida dẹgbọ,sokpan ebi imẹn hi sẹ mọn ahu yẹ. ⁶ Imẹn ha guanọ nin dẹgbọ, imẹn da ha yi uuki, ranmude ọsaje mẹn da ta. Imẹni da dẹgbọ, na hẹ dọ miẹn a dọ ha ghe mẹn gbera eba daghe bi ebi ẹmọnlẹn na họnlẹn. ⁷ Nimẹn hẹ inian bh'egbe ranmude orẹman nọn khua,ọbalọ bhegbe, mẹn ọyuhọnmọn si. Ẹlinmin ebe nọn kpokpo mẹn nin hẹ nian bhegbe ⁸ Itanmẹn ea mẹn bhi Ebianlẹn nọn rẹ si mẹn bhegbe re. ⁹ Ọle da yimẹn ẹseọhẹ nọn si imẹn ọsẹ nin'ẹ, ẹkẹle ebe bha wegbe mẹn rahuman. ''Imẹn dẹ degbọ bhi ahu nimẹn hi mọnlẹn, nin ahu si Kristi da nemẹn dia. ¹⁰ Bhiriọ, imẹn khọnlẹn, ranmude, Kristi nin rẹ ọkan, okpokpo bi olueghelueghe. Ẹghele negbe rẹ lọlọ mẹn ẹghenin iki mun egbe toto. ¹¹ Imẹn ki kin uuki ibha sua mẹn nan bhọnan, ọi sẹ ke nibha gẹn mẹn. Eni apostonibha tiele enenẹ, ele bha nẹmẹn hiehie, aha rẹ miẹn imẹn yi eminlin soso. ¹² Ai ri aman ọsi apọsto ọsajie manlan bhẹwẹ bha bhi izinegbe, aman bi ọnyunuan bi ohan ẹlolo. ¹³ Beni otuẹ nekẹle ki rẹ gbera manlẹn ye beza imẹn bha kin ihẹ jibha? Bha rẹ hunman mẹn bhọnọnhan na. ¹⁴ Ghe mẹn mun egbe nin rẹ vae igbazea, mẹn da kin ihẹ jibha, imẹn guanọ ebe ribha bhobọ. ibha mẹn guanọ. imọn hi koko khẹ aba bi oo. Aba bi oo koko kho imọn. ¹⁵ Imẹn dẹ ri eghọnghọn rẹ niha na kiyẹ rẹmẹn bha. Imẹn ha maman holo ẹmọn bha ọi khẹ ke nibha hẹ holo ẹmọnmẹn rẹ/ ¹⁶ Bejọ dia, imẹn hi da kiu ihẹ jibbha. Beji ahi miẹn ọlueku mẹn khin, imẹn reku mun bha. ¹⁷ Imẹn nọn eminlinsoso bhi ẹbholo nin mẹn je bu bha re? ¹⁸ Imẹn taman itailọsi nọn bu bha re, ibha yẹ ji obhio ọbhebhe rẹkhan lẹn. Itaitọsi ta min bha eminlin soso? ẹyi ẹlinmin ọkpa man re ko ha kian? iman bha ba zoẹ ọkpa? ¹⁹ Ibha hi riale ghe iman hinmin egbe man bh'obọ bha? bhi ẹlolo Osẹnobulua, iman ri Kristi ha tọta rebhe ni bha re wegbe. ²⁰ Imẹn nẹ ofẹn na hẹ dọ miẹn imẹn ha vae si mẹn dẹ ke bha re beji imẹn guanọ. Ofẹn mun mẹn nẹ ọfẹn uwomin,ikhiu bi oluegbe, ikhọ ẹkẹle, iman ẹrẹle, ọhogheli, ọfẹ bi ozughu. ²¹ Imẹn nẹ ofẹn ghe mẹn la kie vae, ni Osẹnobulua sẹmẹn hẹ dọ gbe mẹn suẹle irira bha. Imẹn yẹ nẹ ofẹn nimẹn hẹ dọ ha khọ ẹkẹle si ene lu eminlin ọbe nele bha fidenọ rẹv ẹghe nan, bi nele bha yẹ fidenọ bhi abhiolo bi oghẹlẹ bi ufimin nele lu.

Uhọnmọlẹn 8 13

¹ Ugba zea khọna nimẹn bubhare nian. Ebhan rebhe dẹ kieba robọ bhu unuọn osei ọhẹnhẹn bi ọzeva ² Imẹn kika tama ene luebbhin ebe bi ene kẹle ẹghe nimẹn rẹvae bhu ugbazeva, imẹn gbotie tale, ẹghe nimẹn arẹ vae, imẹn da zele obọ. ³ Imẹn tọna mabha rebhude ibha guanọ nibha lẹn si Ijesu talọ bhi imẹn, ọle wẹghẹ bhi imẹn , ọkpanọn ọhe mama bhọn a hu bhi imẹn. ⁴ Ada khanlẹn on bho okhun oran bhi iwẹghẹ, ọkpanọn ọda nienlen bha ahu nọso osẹnobulua,iriọ ima yẹ rẹ wẹghẹ bhọ ọle, ọkpanọn, ima de niẹn bhi bha ahu o Osẹnobulua bhẹ ẹwẹ bha. ⁵ Fe egbe bha ghe sibha sẹyẹ ribhẹ ẹkẹ uriọ bhọ, ibha dọn bhegbe, ibha bha lẹn ọn ọnẹ ghe Ijesu Kristi ribhi ibha? sọkpan, akibe miẹn, ibha miẹn ẹhiẹle bhi ufẹghe ghe nibha fẹghe ghe. ⁶ Imẹn riọbhọ ibha de lẹn bhi ibha bha miẹn ẹhiẹle bhọne edọnbhẹn. ⁷ Ejayẹna imẹn bhio Osẹnobulua nibha ẹfidọn, imẹn bha riale ima dẹ miobọ kokhunẹ bhọ ni idọn bhegbe, ọkpanọn , imọn bhibhin ni bha a lue ebe gbale, arẹmiẹn ọdiabe ima miẹn ẹhiẹle bhọni idọn bhegbe. ⁸ Ima bhọ ebbhia ni ima a sabọlugai ẹbhọn afa, ọkpanọn aki luọle bhẹ ẹbbhọnata. ⁹ Ima ghọnghọn bhi ghe ima a wẹghẹ ibha ki muzeze, ima bhibhin buni ibha a da gbanian. ¹⁰ Imẹn gbọnebena ẹghe nimẹn rẹre bhe ejibha yẹ bena a damiẹn ẹghe nimẹn arẹ vae imẹn da robọ nọkakale nebha lue bhin bha ahu ni Ijesu Kristi rẹbhẹn nirẹ mubha okhun, ọyio onimẹn a rẹ riabhaa sọto. ¹¹ Nakirẹ rọle sọfo ibholo, aghọnghọn, weni ewnesi, abhọn isudu, bha a ria eria ọkkpa, niẹn bhọ ọfure, Osẹnobulua nọfa ahuẹ bhoegbe bi ọfure nebha dia. ¹² Tuọ ọnọ deọde bhi umu kokore nokhiale. ¹³ Ẹbbho ne khiale nọso Osẹnobula tuẹ bha rebhe. ¹⁴ Ẹseọhe nọsi Ijesu Kristi ne Ebianlẹn, ni ahuebhẹn gbe nọso Osẹnobulua bi ikolu nọsa ẹhibhin nọkhiale nebha rebhe dida. front