Acts

Hihumita :1:1-3 1 Do buk nafa legiorok nang, To Tofillo, elima hirro inafa leiter Yesu hihuma ho etiyana, many de far na lefotuni inyieja a Ido 2 Ara ifa de halu ho hisio no honyie hifahi to loyiri na lolibo do haitiyanak inno honyie 3 ilafa lenyimu inyieja, do ilafa lolieu inyieja do hosi tahalu ho hitigiama no honyie. To holongi tomwana angwan oduloi inyieja ngalieu do hosie, erro hirro inne lobie no Hollum. 1 Ifa Leiba far na Pentekoste, otubehini isieja dang da mai naboite. 2 Kwa engayong hitir te ido iyya hutan na loyame ina leifiriwa, ette ngaitifutak haji bi dang nafa leitolojori isieja. 3 Elieu to hosie ngadiafa inne ociela iyya ngadiafa inne hima, ohorahini do hosie, ette isieja hitole angati ho kwanite inno hosie. 4 Efut ifa isieja bi dang ho loyiri no lolibo ette isieja hitiara hiro to nomuk hikienita iyya eisio loyiri no lolibo isieja he rora. Iyya ne owon ifa Yudeya illafa lemanya do Yerusalem hiiyo illo Hollum, to fau do ngolon na ido.Nafa lengaitirini hitir, ette ilulung ngafanu ara nobotie ette isieja hibunyutta to ngaitiru no hosie hirorita inne hirori no hosie. "Ette isieja hikikiro hoilafuho, ojo isieja, "Dede, honyia ile bi dang leiro Galileya? Howon jai letira iyohoi leiro isieja, lobo tohutuk nohoi nafa lesiuni iyohoi? Paratians ojo Medes ojo Elamites, ojo ile amanya to Mesopotomia,do hotwai ho Yudeya,ojo Cappadocia,do hotwa ho Potus ojo Asia. De Phrygia ho Pamphylia, de Egypt ho kal no Libya ho Cyrene,ojo tahamonok hule Roma, Yudeya ojo Proselytes, Cretans ojo Arabia, ettiru iyohoi isieja leiro to hirorita inohoi ara higiemita ino Hollum inne legalik". Ette isieja dang hilafuho hoibonyita; hojo isieja do kwanite, "Nyo leciela iyya na?" Einyak hulak ngacienitari hojo, "eibuot balu nyejuk isieja". Hati odoto Petoro ho leifahat, tomon ho naboitei, ho kaf hirori nanyi a hide,hojo do hosie, "hiiyo hule Yudeya ho itei dang hulo le manya de Yerusalem; Enyar liyen itei, dang hunna, itira rori inna nang.Obe hiiyo hulong leibuoto iyya na ligigilo itei, alara holong itahunihi nafar. ¹⁶ Ara hunnang hirorita innafa leiro haikilani Yoel: ¹⁷ 'Ara iso do hisidi inno holongi nuhe lojo Hollum, Aiso iso nang Loyiri neiti do hiiyo dang, lonyirok inna hattai hojo ngainok hattai eikila iso, hojo lohajihe illa hattai owolo iso rigia, hojo maruak inne hattai erigia rigia. ¹⁸ Hido do haigemak inneiti, ho haigemak inno ngorwo do holonyi nuhe, Aiso iso nang Loyiri neiti, hojo isieja hoikila. ¹⁹ Aitireu iso nang igaliti de hide na ido ho hituwutita da fau, hoto, hima, hojo furio. ²⁰ Eiloito iso holong a rioho hojo yaafa a hoto, olobe ngayong na haboroni ho far na lokwat na Habu. ²¹ Ara iso do ille leilolongo fure na Habu leitalahuni. ²² Hoditi hule Israiel itira hirro hunna-Yesu le Nasarita, tohoni le lenyimu Hollum a la hattai to golon na hihumita hojo hilafuho hojo hituwutita innafa leigiem Hollum te inyieja do hiji na hattai iyya na liyen- ²³ Tenie to hiyen ho higigilo no Hollum, a hosiere eyari inyieja a hide, hojo da hattai ta has inne hodoti harwok, eisihok inyieja hotohoi inyieja. ²⁴ Lafa leitidot Hollum a hide hohek dihai na yei tere honyie,tenyie angabe yei loduloi hinefita inyieja. ²⁵ Eirro Davide te inyieja, Awolo nang Habu to holongi do hosiere hoiti, owon inyieja da hanna inget neiti abe nang labang. ²⁶ Hati omuno taji na nang hojo ngadief naiti homuno, hojo kwan naiti homanya honyia bangi. ²⁷ Obe iso iye libusak loholio neiti do yei, obe iso hido iye liso Lolibo lohoi hotowolo murai. ²⁸ Engaituhutek iye nang hoi inne waran; Ihum iso Iye deiti munoi na hitok do hosiere hanang. ²⁹ Halasira, airro Nang da hattai obe bangi to hiram na hang na Davide: Eyei inyieja onuhahini,hojo hilomi na honyie howon de hoi many ho aina. ³⁰ Hatik ara ifa inyieja hakilani eiyen hojo eilama Hollum do honyie hijo tere hanyer inno honyie ottu iso lobo ngarutak do lobie nohonyie. ³¹ Owolo inyieja nie leiro hiram no ngabuhu na Kristo: obe ifa inyieja lebusahini do yei, obe wan nohonyie lowolo murai. ³² Yesu la-leitubuhu Hollum na leira iyohoi dang a hayenak. ³³ Hati ngaibuhu nanyi a hanna inget na Hollum efotu icorit no Loyiri na Hollum tere Monyie, eiso inyieja inna liwollo itei hido hitiri. ³⁴ Obe Davide orek a ido, hati ojo inyieja, ojo Habu do Habu hannang itolojo da hana inget hannang, ³⁵ Many eihum nang miorok inohoi hatara hejek inne harana. ³⁶ Hati isiere dang hang na Israel hotoyen hijo ehumak Hollum inyieja hatara Habu ho Kristo,Yesu la lisihok ittei. ³⁷ Iyya ifa lengaitiru isieja nuhe odiahai tajia inohosie ojo do Petoro ho hilak haitiyenak, "Irasara, hoihum iso iyohoi nyo?" ³⁸ Ette Petoro hijo do hosie, "Ibusak iruti ifutu batisimo, da hattai dang to fure no Yesu Kristo atara ngaibusahini no hiyata inna hattai,ojo isio ittei ifotu hisori no Loyiri no lolibo. ³⁹ Da hattai owon iterit ojo do dure ila hattai, ojo do luhe loloma do ilulung ille iso leilolong Hollum" ⁴⁰ To hinak hirorita inne lolunga; eilimak inyieja, "italahu kwanite to ruta inne hilahaji no loru." ⁴¹ Ette isieja ngafutu hiram no honyie ette ngafotu batisimo, ofonohini oholiohin de far nia hilak alifi hunik. ⁴² Oduloi isieja do hitiyena na haitiyenak, ho tubai nohosie do daha na imuneha ho mojo. ⁴³ Ebangi hiiyo dang, owana hilafuho ho hituwutita innafa leihum haitiyenak. ⁴⁴ Do haruhok dang otuba a naboitei eihuma sang dang a naboitei, ⁴⁵ ojo isieja eitinyak sang inno hosie ho ibariti ette ngaihohorak isieja dang iyya lowak hilak. ⁴⁶ Do holongi oduloi isieja te higigilo noboitei de haji imojit, ette daha immuneha de hajik inno hosie, eingingara daha tomunoi to boliong na tajia. ⁴⁷ Eitahuo isieja Hollum owon ho wahan na hiyo. Ofonik Habu do holongi ho holongi lala leitalahini. Owon ifa Saulo ho hiruk te yei no honyie. Hati eiterio da far nia toho na hitok na ekelesia na fa lowon do Yerusalem; ette hairuho dang ngaisarari a masik inne Yudea hojo samaria, ara leifahat.2 Hairuk hodoti onuhak Istifano ette hihum twari no honyie. 3 Hati otoho Saulo ekelesia; ohu inyieja a hajik dang einiefu hodoti dang ho ngorwo, eifitik isieja do babus. Hati haruhok dang ilafa leisarari afau eitiyenari hirum no Hollum.5 Ohu Pilipo afau na Samaria ette hitiyena do hosie Kiristi. Ifa leingaitiru ilulung na hiiyo hojo hido howolo hituwutita inna fa leihum Pilipo huringa isieja dang ana boitei do hiram na leiro inyieja.7 Do hiiyo ilulung ilafa lowon da hosie, otu loyiri no loru terre hosie a na leyo a hide; hojo hilak hangurak ho ille lowuro oruma nyaru.Hojo muno do bore galla. Hati owon ifa to honi lobo do bore galla fure no honyi Simone, lefa beren lehuma igiem na hidok; eitumuno hiiyo hule samaria, eititoyo hijo ara inyieja tohoni le galik. Hiiyom dang ille Samaria, ille hiting mang de maruak eringa bi dang do honyie, ojo isieja ,"Ara tohoni ileng golon na Hollum na lara ngagalik."Eitira isieja do honyie, hijo otomuno inyieja isieja do holonyi ariai te hidongo. Hati ifa leingaruhu isieja hitiyena na Pilipo hiram na Hollum na lobie na Hollum ojo fure na Yesu Kiristo, engaifotu batisimo, hodoti dang ho ngorwo.13 Hojo Simone dang engairuhu: de halu na hibatiso, engaduloi inyieja hitole ho Pilipo; ifa lowolo inyieja hitiwuta ho hihumita inne hitoha leihum eilafuho inyieja Hati ifa lengaitiru haitiyenak hulefa lowon Yerusalema hijo enngaifutu hiiyo ille Samaria hiram no Hollum, eifak isieja do hosie Petoro ho Yoane. 15 Ifa lengafanu isieja angolon, omojo isieja do hosie, eifotu Loyiri no lolibo.Many do holonyi nuha holobe loyiri leiba do lobo lo hosie; engaifotu isieja batisimo to fure na Habu Yesu.17Ette Petoro ho Yoane ngatanyak has inno hosie do hosie,ette isieja ngaifotu Loyiri no lolibo. Aina ifa lowolo Simone eiso Loyiri no llolibo te ngatanyak has inno leifahat eiso inyieja insieja gurusi. 19 Ojo inyieja, "Hosie nang golon inna, hido hijo latanyak nang has eifotu Loyiri no lolibo." 20Hati ojo Petoro do honyie, "etteyo yela inno dang hoi, tenie ligigilo hiojo iruma iso inye hisori na na Hollum to gurusi. Obe iye mai ho riahai do hiram inna, tenie lobe taji na hoi ho Hollum. 22 Hati ibusak run tere hoi, tomojo do Habu, hijo eibusak inyieja dang inne lewak iye. 23Awolo nang iwonn iye do himomola no lodwa no leinoso ho hiyata." Eitirang simone hijo, "Tomojo do Habu, te nang, hijo hilak sang inna fa liro iye otowana da hanang." Te nafa lowanari Petoro ho Yoane ara hayenak hido eiro hiram na Habu, acahari isieja a Yerusalem; te ihoi eitiyena isieja hiram no Hollum do hiiyo ilulung ille Samaria. Aina eiro ajilo le Habu do Pilipo hojo, "Todoto inno a kal ho togol a ihoi no lohu a Yerusalema hojo a Gaza."(ihoi inna na itela). 27 Odoto inyieja ette ngaino. Twoita, owon ifa tohoni le Ethiopia, lohorif lo hilohitok le Candace, Habu na Ethiopia. Owon ifa a leitok le ibariti dang inno honyie. Otu inyieja a Yerusalem lomojori. 28 Eitoi ifa inyeja hati eitole de hide na sigira no honyie, hojo inyieja eiheina bibia na hakilani Isaya. Ojo Loyiri do Pilipo, "inno ijufari sigira nia." 30Hati ongioro Pilipo do honyie, ette hitiri inyieja leihena Isaya hakilani, ojo, hiyen nana lihena iye?" 31 Ojo tohoni le Ethiopia,"Jai layen nang, amara lowon le leituhutek nang?" Eiruo inyieja Pilipo eyong a hide na sigira eitolojo ho inyieja. 32 Aina hiheni na bibia nafa leihena ttohoni le Ethiopia ara inna, "Idihori ifa inyieja iyya ker do ngoto; hido iyya huro do hosiere na ingotit na leitidue. Obe inyieja lenga hutuk: 33 Do hitihara no honyie odumuni ngoto na honyie ade: Nyai iso leituhutu lehaji no honyie? Hati engayari waran no honyie teni ta fau." Hati eifia lohorit Pilipo, hojo,"Airu nang iye, tengai leiro haikilani hoiro tengai? Do kwan no honyie iyya to hilak hiiyo? 35Eiterio Pilipo hiro ette hitiyena hiram inna no Isaya etiyena hiram no Yesu do honyie. Do loton no hosie de ihoi, engafanu isieja do hinak hifion, eifia lohorif hijo, "Towolo owon hifiong inni, nyo ma leitik nang to ngaifotu batisimo?" [1]38Ette la ho Ethiopia hitiwoti sigira engaliu a fau a hifiong, dang ho Pilipo hojo lohorif; ette Pilipo hibatiso inyieja. Ifa lengafanu isieja ade to hifiong, eyari Loyiri na Habu Pilipo ade; obe lohorif lenyak wolo inyieja, ette inyieja ngaino ihoi no honyie ho munoi.Hati angalieu Pilipo to Azotus. Engaino inyieja te ihoi na mai nie ette hitiyena hiram na bibia no Hollum do masik dang, many eiba do Caesarea. Iyyane efahat iko halasirak ilafa owon watik to Judea etiru hijo efotu halufak hiram no Hollum. ² Nafa awong Petoro a Jerusalem, ilafa lia owon watik do ilulung no goto etiara muonga inyie. ³ Ejo isia, "Eriaha iye iko hiyo ilo obe ogoto hidofe eijo iye adaha ho isia!" ⁴ Tenyie ata Petoro hitedia hilima isia hiram nia to hosie do hotue hiram; ejo inya, ⁵ amojo Nang ifa to bore no gala netok no Joppa, ata nang egonyu rigai ino iyetit afanu afau, iyya waraga netok ebusuni to idoo to kali angwan; ata ngarubu da hanang ⁶ ata Nang ringa tok hagigilo tenyie sehine nia; ata Nang egonyu hejek angwan inno changi hunno fau, changi enne tim, changi orreta, ho cheng ino hide. ⁷ Ata nang eitiru nobo hutuk ojo yo hanang, "tete ahide, Petro; otohe ette hinya!" ⁸ Ajo nang, "obe ara ane, Habu: abe nang lanya hinnak hirro to hutuk hanang inne lobe lolibo iyya inno loru." ⁹ Tenyie etirang hido hirori nie te ido, "inne elimak Hollum hijo olibo idek haijo oru. ¹⁰ Eba na hinyahita hunik, tere ata hiro hinyak ngachahari bi dang a hide a ido. ¹¹ Towoitai, tere oweita ifa hilak hiiyo lohunik to hosiere ho haji nafa ewanari iyohoi; efahini ifa isieja tere ho Caesarea da hanang. ¹² Elimak Loyiri nang inno ho isieja, ojo hido fe otobianga nang awon honobo higigia tara hosie. Halasirak ile illee ofu hanang, ata iyohoi efi ahaji ho tohoni lia. ¹³ Elimak inya iyohoi jai egonyu inyi Ajilo oweta to hikat ha haji ata hijo, "Ifahak hiyo a Joppa hefi henyahini Simone, ile ara fure Petoro. ¹⁴ Ouw iso inya elimak itai nobo sayee no oremik etilahu itai iye ho haigemak illo hang nohoi." ¹⁵ Iyya hetiara na nang hirro do hosie, awong Loyiri no Lolibo do hosie, iyya lobo tara hohoi to hitieri. ¹⁶ Egigilu nang hiram no Hollum, jai ojo inyieja, "Dedee ebatiso Yoane to hifiong; hati ibatiso iso itai to Loyiri no Lolibo." ¹⁷ Hati iyane engasiere hollum de isieja hisiorita no lechela iyya esiarari inyie do hoi iyya nafa eruhori iyohoi do habu Yesu, hara ifa Nang ngai, laitirigia Hollum?" ¹⁸ Ifa lengaitiru isieja hirro inne, ette isieja enyiai holo ojo hinak hirro do hitirangi, hati etihabuo isieja Hollum ette hijo, "Ette Hollum hisio ebusak no hiyeta ino manya na halufak. ¹⁹ Hati heruhok ilafa eiterio dihai do hosie do yei no Stefen oturori to Yerusalem ette isieja ngaifie alamarai iyya many a Phoenicia, Cyprus, ho Antioch. Eilima isieja hiram no Yesu hamai do Yude, otobianga ara do hilak hamai. ²⁰ Hati hilak tara hosie, afanu hiiyo to Cyprus ojo to Cyrene a antioch ette afanu hiro hidofe do Greek ette hitiyena hiram no Habu Yesu. ²¹ Ojo hanna no Habu owon ifa do hosie; ilulung ne hitok no leiruk ette yito da Habu. ²² Otu sayee do hosie do hitira no ekelesia no Yerusalem: ojo isieja ette efahak Barnabas many do Antioch. ²³ Ifa langawong inyieja ngaigonyu hisiorita inno Hollum, omunoi ifa inyieja; ojo hido inyie ette hiluwak isieja anyar oduloi iko Habu ta tajia inno hosie dang. ²⁴ Ara ifa inyieja tohoni lo lolibo ojo hidofe efut iko oyiri no olibo ojo hiruk, ojo ifa hiiyo ariai ofonihini to Habu. ²⁵ Eno Barnabas a bali a Tarsus anyar oringini Saulo. ²⁶ Ifa arumek inyieja ette ngayani inyieja a Antioch. Ette hati ngawong, hijo to hinga naboitoi otubahini isieja da mai naboitoi ho ekelesia ette hitiyen hiiyo ariai. Ara ifa lefahat hiiyo hosiere ille elilongo hiiyo Kristiani do Antioch. ²⁷ Iyya do holongitek hunna afanu haikilak to Yerusalem a antioch. ²⁸ Lobo tere hosie,ara fure Agabus, odioto a hide etihutek Loyiri hijo owon iso hinga na hitok da fau dang. Ouw iso hitiara do holongi inno Claudius. ²⁹ Hati, do lefehat, iyya na leihum ifa isieja, awahan ngaifaha luwaha do halasira to Yudea. ³⁰ Egiem isieja na ; ette ngaifahak arobiya do hiiyo illo hittoha to has one Barnabas ho Saulo. ¹ Hati tenyie do holong nia Habu Herode erafak has inno honyie de hulak luhe lowon de mangat ette hitigema esieja. ² Otohoi inyie Yakobo irasi le Yoane te demi. ³ Ifa lowolo inyie tehalu hojo eitumuno na Yudeya,engaino inyieja ngaifitak Petoro dang. Ara ifa na de holongi nuhe hunna ilangit na imuneha. ⁴ Ifa tehalu lefitak inyieja, eifitak inyieja inyie de babus hofiyak ilulung no losenger eiriria inyieja ; owak inyieja hijo ayani inyieja de hiiyo tehalu na Langan ⁵ Hati efita ifa Petoro de babus , hati mojo ilulung bi no do Hollum te inyieja. ⁶ De far nie olobe Herode lengaino eyani inyieja bali, te harie nia efer ifa Petoro de hiji ho losenger lohorik, ille leifita tebilata lohorik; hojo haririak to hosiere no ikat ringa babus. 7 Owoita anjilo na Habu kwak olieu do honyie, ojo fangan hotirieu inyieja to hiji no babus.Ebak inyieja Petoro da mari hoitidot inyieja ojo, "Todoto kwak." Ette bileita inno honyie ngahori ade te has inno honyie. 8 Ojo anjilo do honyie, "Iciefok kwan nohoi icefok hamuha inno hoi." Eihum Petoro anne. Ojo anjilo de inyie, "Ihumak bongo nohoi na bali ijufuni nangiya." Hati engaijufak Petoro ajilo heno a bali.Enyia inyie leyen ojo nyo hiro leigiem ajilo ara dede.Ifa tahalu lojo isie lobot haitioni le hitemi ho le halu, efanu isieja de ho ikat ho nyahuto ne lou a bore hotue gala; enga de isieja to kwan hamai. Engaifie isieja a bali ette angaifie a fok ho ikoi, ojo ajilo eibusak inyieja de. Lojo Petoro locohuni te kwan na honyie, ehijo inyieja, "Aina a hiyen hatik nang hijo engaitisaru Habu ajilo lohonyie engaituluahu hanang te hanna na Herode, ojo te ewahiti dang inne huwo ho Yudea."Ifa tahalu owolo inyie ne, otu inyieja a haji ho Meri hotonyi ho Jon la fa la fure Mariko: Otubehine haruhok ariai de ojo isie ifa homojo. ¹³ 1 Ifa lojo inyie leidedek hikat na bali, ojo huduti haigiemani na lara fure Roda hutu hiruk. ¹⁴ Ifa lojo inyie leyenu hutuk na Petoro, to munoi obe inyie lenga hikat: Tee, ngawong ho ngetik a hutue haji; elimak inyieja ojo owoita Petoro de ikat. ¹⁵ Hati ehijo isieja do honyie, "Ehidaha iyee Tim." Ette inyieja ngaitok ojo ara dede. Ehijo isieja, Ara ajilo nia no honyie." ¹⁶ Hati Petoro Hoduloi hidedeha ifa lojo isieja lenga ikat, owolo isieja inyieja hoto hikikiro. ¹⁷ Petoro leiring isieja otodwa, ojo inyieja holimak hijo hoyani Habu inyieja jei te babus. Ojo inyieja, "ilimak rori inne de Yakobo ho de irasara." Ette inyie ngaibusak heno nobo mai. ¹⁸ Iyya na ifa le hira far, enyei ifa munoi nobo tara ho losenger, de higigil nyo leidong do Petoro. ¹⁹ Ifa da halu esok Herode inyieja many ojo isiere isieja de yei. Ette inyie ngacohari a fok ho Yudeya do Caesarea ho tolei de. ²⁰ Iyyane eijoria ifa Herode bi no de huwo hunna Tyre ho Sidon. Eingaifie isieja de inyie a naboitei.Ngailaliak isieja Blastus, haluahani le Habu, otuluak isieja. Ette ngaifiu himura de ho Habu le hang. ²¹ De far nobo nobotei ecief Herode kwan no honyie to lohabuore nohonyei no lobie: egiemak inyie hiro do honsie. ²² Ehiyoro hiiyo, "ara ne hirori no jiok, enyia lara no tohoni!" ²³ Ko kwak ajilo no hollum ebak inyieja, tenyie lenyia leiso Hollum hitahuo; edaha ifa hurru otoyo ²⁴ Hati hiram no Hollum odoto ho harahini. ²⁵ Ifa tahalu Barnabas ho Saulo eisohak hifaha no hosie de Yerusalem, ho cohuni isieja; eyari isieja ho isieja Yoane, le fa lara fure no honyie Mariko.