Chaandano

Chapter 2

¹ Nkakutanayinda mazuba otatwe, kwakaba muchado kuKkana ku Galili, mpawo banyina a Jesu bakaliko. ² Jesu a basikwiya bakwe bakalitambidwe kumuchado. ³ Lino wayini nakamana, banyina a Jesu bakati kuli nguwe, ''Tabachikwe wayini.'' ⁴ Jesu wakati kuli mbabo, ''yomwanakazi, nkambonzi noza kulindime ? Ichiindi changu tachina sika.'' ⁵ Banyina bakati kubalanda, ''kufumbwa nchata mwambile, muchichite.'' ⁶ Lino kwakali musanu ayimwi mpoto zyamabwe zyakali kubelesegwa a ma Juda kuma pobwe akusanzya, achimwi nkachili abulamfu kusikila kututatu. ⁷ Jesu wakabaambila kuti, ''Ngamuzuzye mpoto zyamanzi.'' Aboobo bakazuzya kusikila kulumpimpito. Mpawo wakabambila babelesi, ⁸ ''Mubweze lino aakupa mupati wakwaaba.'' Bakachita mbubobo. ⁹ Mupati wakwaba wakalabila maanzi akaba wayini, Pesi takaziba kwakazwa manzi ( Pesi babelesi bakatekede manzi bakalizi). Mpawo wakazwa sibwinga. ¹⁰ mpawo wakaya kuli nguwe, ''woonse muntu uupa wayini mubotu lutanzi alimwi ulamuulo uselukide wayini nibakolwa. Pesi kabambala wayini mubotu kusikila lino.'' ¹¹ Echi chitondezyo nchitanzi Jesu nchakachita mu Kkana ya Galili, alubo wakayubununa bulemu bwakwe, antomwe abasikwiya bakwe bakasyoma mulinguwe. ¹² Musule lyazeezi Jesu, abanyina, abana bakwabo, mpawo abasikwiya bakaselukila ku Kapenawumu alimwi bakakukkala kwamazuba mache biyo. ¹³ Lino i Pasika lyaba Juda lyakali afwifwi, mpawo Jesu wakatanta akuya ku Jesu Jelusalemu. ¹⁴ Wakajana basambali baaba sune ambelele abasambali benkwilimba muchikombelo, abasikula bakalikkede mumo. ¹⁵ Lino wakachita chimboko chakoosa akubatanda boonse aanze kuzwa muchikombelo, kubika antomwe ambelele ang'ombe. Wakamwayusya makobili amali zyabawuli mpawo wasowa matafula. ¹⁶ Kubasambazyi bankwilimba wakati, ''mubweze zintu zizwe awa. Muleke kuchita ing'anda ya Taata chisambalilo.'' ¹⁷ Basikwiya bakwe bakayeeya kuti zyakalilembedwe, ''busungu bwakumaandenu bwandisyukuta.'' ¹⁸ Alimwi ba Juda bendelezi bakaziswilila mpawo bakati kuli nguwe, ''Nchitondezyoyi nchotatutondezye ?'' ¹⁹ Jesu wakasandula, ''Amumwayule chikombelo, mpawo mumazuba otatwe ndachimika lubo.'' ²⁰ Lino bendelezi baba Juda bakati, ''Eechi chikombelo chakayakwa muminyaka ilimakkumi oone - amusanu - alimwi, mpawo ulibusya mumazuba otatwe?'' ²¹ Nikuba kuti, wakalikwambula ataala achikombelo chamubili wakwe. ²² Kunembo akubusigwa kuzwa kulufu, basikwiya bakwe kabayeya kuti wakalambide, mpawo bakasyoma kumalembe akutwambo ntwaakamba Jesu. ²³ Lino kali mu Jelusalemu kupobwe lya pasika, kali kupobwe, biingi bakasyoma muzina lyakwe nibakabona zitondezyo nzyakachiita. ²⁴ Pesi Jesu takabasyoma nkambo wakalibezi boonse, ²⁵ nkambo takayanda kuti naba omwe ape bukamboni atala a muntu, nkambo wakalizi chakali mulinguwe.

Chapter 4

¹ Awo Jesu nakaziba kuti ba Falisi bakamvwa kuti wakalikuba abasikwiya biingi mbakali kubbabaatizya kwinda Joni ² (nekuba kuti welwakwe mwini tensi wakali kubbabbatizya pe, pesi basikwiya bakwe mbabo bakali kubbabbatizya), ³ wakazwa mu Judiya wabweda lubo ku Galilaya. ⁴ Pesi chakalelede kuti ayinde mu Samaliya. ⁵ Elyo wakasika mumunzi wamu Samaliya utegwa Sychal afwifwi achipanzi chanyika eyo Jakobo njakali wapa mwanakwe Josefa. ⁶ Chikala cha Jakobo chakaliwo. Jesu wakali wakatala kuzwa mulwendo lwakwe mpawo wakakkala kumbali achikala. Lyakali sikati. ⁷ Umwi mukayintu mu Samaliya wakaza kuzoteka manzi, elyo Jesu wakati kulinguwe, "Ndipe manzi nwe". ⁸ Nkambo basikwiya bakwe bakali banjila mumunzi kuyowula kulya. ⁹ Mpawo mukayintu mu Samaliya wakamwambila kuti, "Chikonzeka buti, kuti webo nomu Juda undikumbile chakunywa imebo ndemukayintu mu Samaliya". nkambo ma Juda tabakwe bulidilano pe ama Samaliya. ¹⁰ Jesu wakasandula wati, " anoli walizi chipo cha Leza,akuti ngwani ukukumbila manzi, wayinokumbila nduwe, nkekupa manzi mawumi". ¹¹ Mukayintu, wakati kulinguwe, " Yomwalumi, tokwe chakutesya pe mpawo chikala nchilamfu. Ani mpo ulaajanayi ayo manzi abuumi? ¹² Tooli mupati, mbubo na, kwinda taata Jakobo, wakatupa chikala akunwa kuli nchicho lwakwe mwini, abana bakwe ambono zyabo? ¹³ Jesu wakasandula wati kulinguwe, "woonse unywa manzi amuchikala echi uyoba anyota lubo. Kufumbwa unywa manzi nginjomupa takoyoba a nyota limbi. ¹⁴ Pesi, manzi ngesikamupe ayoba kasensa kamanzi mulinguwe, kakunka mane kukabekutamani". ¹⁵ Mukayintu wakati kulinguwe, " Mwami, ndipe manzi ayo kuchitilakuti nsikabi anyota akuti nsizoboli lubo kuzoteka manzi awa." ¹⁶ Jesu wakati kulinguwe, " koya, ukite mulumako, mpawo ubolano" ¹⁷ Mukayintu wakati kulinguwe, "nsikwe mulumi pe". Jesu wakati, "waamba kasimpe kuti nsijisi mulumi pe". ¹⁸ Nkambo wakala baalumi musanu, ooyo ngolawe lino temulumako pe. Nzwawamba zilisinizizye." ¹⁹ Mukayintu wakati kulinguwe, "mwami ndabona kuti ulimusinsimi. ²⁰ Mataata esu bakali kukomba muchilundu echi pesi muti Jelusalema mbobusena bantu nkubelede kukombela." ²¹ Jesu wakati kuli nguwe, "yomukayintu ndisyome, chindi chilasika awo nemutakakombe Taata kutali muchilundu echi nabi mu Jelusalemu. ²² Mukomba nchomutazi. Swebo tukomba nchetuzi, nkambo lufutuko luzwa kuba Juda. ²³ Nekubaboobo chindi chilasika, nchenchichechi, awo bakomba mukasimpe mpobayomukomba Taata mumuya amubwini, nkambo Taata mbembabo bantu mbayandula kuti babe basikumukomba. ²⁴ Leza ngumuya, aboobo bantu bamukomba belede kumukomba mumuya amubwini". ²⁵ Mukayintu wakamwambila kuti, "ndilizi kuti Mesiya uyobuza( ooyo utegwa Kilisito)". Nazosika uzotupandulwida zyonse. ²⁶ Jesu wakamwambila kuti, "ndendime nguwe oyu uwambula ayebo". ²⁷ 27 Aleecho chindi basikwiya bakwe bakaboola. Elyo bakagamba kuti nkamboyi nambula amukayintu, pesi taakwe wakamba kuti, "uyandayi?" na kuti "Nkamboyi nambula awe?" ²⁸ Awo mukayintu ooyu wakasiya noongo yakwe yamanzi, wabweda kumunzi, wakwambila bantu, ²⁹ "kamuza, muzobone mwalumi wandambila zintu zyonse nzendakachita. Oyu tekujana waba Kilisito na, nkujana waba nguwe?" ³⁰ Bakazwa mumunzi baza kulinguwe. ³¹ Achindi nchichecho, basikwiya bakwe bakali kumukombelezya kuti "Rabbi, lya" ³² Pesi wakati kulinguwe, "Ime ndakulya nkomutazi atala ankuko." ³³ Awo basikwiya bakakazyania akati kabo, "Takwe muntu wamwetela kulya pe, mpali na?" ³⁴ Jesu wakati kulimbabo, "kulya kwangu nkuchita luyando lwayoyo wakandituma akumaninsizya mulimu wakwe. ³⁵ Sa tamwambi kuti, 'kuchili myezi yoone nekutakabe goloka'? Ndokumwambila kuti, amunyampule meso anu mulange myunda, nkambo yabizwa kale yelela kutebulwa! ³⁶ Oyo utebula utambula chakufola akubungika michelo yabumi butamani, kuchitila kuti oyo ubyala ayooyo utebula bakakondwe antomwe. ³⁷ Mulichechi kalasinizya kambyo kati, "umwi ulabyala utebula ngumbi". ³⁸ Ndakamutuma kuyotebula nchemwakata lima. Bamwi bakalima, inywe mwakanjila mumilimu yabo. ³⁹ Bantu biingi bamu Samaliya bamumunzi oyu bakamusyoma nkambo ka mbakalungulula mukayintu wakali kupa bukamboni, "wandambila zyonse nzendakachita". ⁴⁰ Bantu bamu Samaliya nibakasika kulinguwe, bakamu kumbila kuti akkale aboo, wakakkala mumunzi oyu kwamazuba aabili. ⁴¹ Kwakaba bambi biingibakamusyoma nkambo kajwi lyakwe. ⁴² Bakati kumukayintu ooyu, "Tatuchisyomi nkambo kanzwawamba pe, pesi nkambo swebo tobeni twalimvwida, mpawo twaziba kuti nsonzyo oyu mufutuli wanyika" ⁴³ Nakiinda mazuba aya obile oko waya ku Galilaya. ⁴⁴ Nkambo Jesu lwakwe mwini wakamba kuti musinsimi takwe bulemu muchisi mwazwa. ⁴⁵ Nakasika mu Galilaya, bantu bamu Galilaya bakamutambula. Bakali bazibona zyonse nzyakali wachita mu Jelusalemu chindi chapobwe, nkambo abalabo bakaliko kupobwe ⁴⁶ Alimwi wakaboola lubo ku Kenani mu Galilaya, oko nkwaka sandula manzi kuba wayini. Elyo kwakali umwi sichuno ulemekwa wakala mwana wakali kuchiswa mu Kapenawume. ⁴⁷ Nakamvwa kuti Jesu wasika mu Galilaya kuzwa mu Judiya, wakaya kuli Jesu akumukumbila kuti aakaponie mwana wakwe, wakali wamba kufwa. ⁴⁸ Jesu mpawo wakati kuli kulinguwe, "Ado mubone zitondezyo azigambyo, tamukosyoma". ⁴⁹ Ooyu sichuno wakamwambila kuti, "Mwami, boola natana fwa mwanangu". ⁵⁰ Jesu wakati kuli nguwe, "kooya . Mwanako ulapona". Ooyu mwalumi wakasyoma majwi Jesu ngakamba kulinguwe, mpawo wakenda. ⁵¹ Nakachili kuyobwenda wakaswanana aabalanda bakwe, bakamwambila kuti, mwanakwe muponi. ⁵² Elyo wakababuzya chindi mwanakwe nakatalika kumvwa kabotu. Bakamwambila kuti, "jilo sikati nakapona" ⁵³ Mpawo wisi wakayibalukwa kuti nchechindi awo Jesu, "Mwana wako wapona." Elyo we lwakwe mwini abanganda yakwe bakasyoma. ⁵⁴ Echi chakaba chitondezyo chabili echo Jesu nchakachita nakazwa mu Judiya kaya mu Galilaya .

Chandano 7 7

¹ Nikwakamana zintu ezi Jesu wakayinka ku Galili, nkambo talikuyanda kwinka ku Judiya nkambo ba Juda balikumulangula kuti bamujaye. ² Lino ipobwe lyaba Juda lyamadumba lyakali afwifwi. ³ Bakulana bakwe bakati kuli nguwe, ''zwa busena obu uyeku Judiya, kuchitila kuti basikwiya bakwe babone milimu njabeleka. ⁴ Takwe chelede kuchitwa mukusisikizya kuti kayanda kuzibinkana antanganana. Kuti mwachita zintu ezi, litondezye kunyika. ⁵ Nkambo abalabo bakkulana bakwe tebakali kumusyoma. ⁶ Jesu wakabambila kuti, ''Chindi changu tachinasikape, pesi chindi chanu mpuchili kale. ⁷ Inyika timuswilide pe nywebo, pesi mebo ilindiswilide nkambo ndamba kuti milimu yaayo mibi. ⁸ Kamuya mupobwe; mebo tandikoyinka pe kupobwe nkambo chiindi changu tachina zuzikizigwa pe.'' ⁹ Nakamana kwamab zintu ezi kulimbabo, wakakkala mu Galili. ¹⁰ bakulana bakwe bakiinka kupobwe,alakwe wakinka, kutali kwantanganana pe pesi mukusisikizya. ¹¹ Ba Juda bakali kumulangula kupobwe balamba kuti, ''Ulikuli?'' ¹² Kwakali mizeezo myiingi akati kankamu yabantu atala anguwe. Bamwi bakati, '' Mwalumi mubotu.'' Bamwi bakati, ''pe, ulokusowa makamu abantu.'' ¹³ Katakwe wakambula antanganana atala anguwe bakali kuyowa ba Juda. ¹⁴ Ipobwe nilyakaba akati kuti limane, Jesu wakanjila muntempele akutalisya kuyisya. ¹⁵ Mpawo ma Juda bakagamba, bati, ''Nkamboyi nazi kwindilila? Takwe anakayiide pe.'' ¹⁶ Jesu wakabasandula kuti, ''kuyiisya kwangu takuli kwangu, pesi nkukwayoyo wakandituma. ¹⁷ Kuti umwi wachita kuyanda kwakwe, ulaziba njiisyo eyii, kuti nansya yazwa kuli Leza , akuti na ndalyambwida lwangu. Ulyambwida lwangu. ¹⁸ Ulyambwida lwakwe ulilangwida bulemu bwakwe mwini, pesi oyo ulangula bulemu bwayoyo wakamutuma, ooyo muntu wakasimpe; alimwi takwe bululami mulinguwe. ¹⁹ Mozesi takamupede mulawu na? Katakwe naba omwe wakubaamba. Niinzi nimulokulangula kuti mundijaye ?'' ²⁰ Inkamu yakasandula, ''Uli aadimoni. Ngwani ulokulangula kuti akujaye?'' ²¹ Jesu wakasandula kuti kulimbabo, ''Ndakachita mulimo omwe, alimwi moonse mwakagamba nkambo kanguwo. ²² Mozesi wakamupa kupalulwa (pe kuzwa kuli Mozesi, pesi kuzwa kuli basikale) alimwi mubuzuba butegwa Sabata mwakapalula baluumi. ²³ Kuti na muntu watambula kupalulwa mubuzuba bwesabata nkukuti mulawu wa Mozesi tewakatyolwa pe, Nkambo nzimwandinyemena me akambo kakuti ndachita kuti muntu amaninine kupona kubuzuba bwesabata.'' ²⁴ Mutabeteki achiimo, pesi amubeteke chakululama.'' ²⁵ Bamwi babo bazwa ku Jelusalema bakamba, ''teensi yooyu na ngubali kulangula kuti bamujaye?'' ²⁶ Amubone wamba antanganana, alimwi nchibamba anguwe. Tachikooba obo pe kuti bendelezi kuti oyu ngu Kkilisitu, tensi mbubo pe? ²⁷ Iswetuli oyu nkwazwa. Pesi Kkilisitu asika , takwe naba omwe uzoziba nkwazwa.'' ²⁸ Mpawo Jesu wakoompolola mutempele, kalookuyisya akwamba kuti, ''moonse mulindizi ankundakazwa mulikwizi. Tendakalizidilide lwangu, pesi wakandituma ulakasimpe, alimwi tamumwizi pe. ²⁹ Ndimwizi me nkambo ndakazwa kulinguwe alimwi wakandituma.'' ³⁰ Bakali kwezya kumwanga, pesi takwe wakabika luboko alinguwe nkambo chindi chakwe techakalina sika pe. ³¹ Pesi bayingi munkamu bakasyoma mulinguwe, alimwi bakamba kuti, Kkilisitu nasika, uzochita zitondezyo zyingi na kwinda nzyachita oyu?'' ³² Ba Falisi bakamvwa kabalo kuvwiya vwiya zintu ezi atala a Jesu, alimwi bapati babapayizi aba Falisi bakatuma bamapulisa kuti bamusunge. ³³ Jesu wakamba kuti, ''ndichili andinywe, kuchindi chinini, alimwi ndizoyinka kuliyoyo wakandituma. ³⁴ Muyondiyandawula pesi tamukoyondijana pe mebo oko nkwenja, Tamukonzyipe pe kusika.'' ³⁵ Abo ba Juda bakabuzyania akati kabo, ''Nkukuli nkwaya mwalumi oyo nkotutakonzyi kuyomujana? Sena ulayinka kuli bamwayikide akati kaba Giliki akuyoyiisya baGiliki? ³⁶ Katyeni kambo aka nkaamba kakuti muyondiyandawula, pesi tamukoyondijana pe. Oko nkwenja, tamukonzyi kukusika?'' ³⁷ Lino mubuzuba bwakumaninsya, izuba pati lyepobwe, Jesu wakanyampuka akompolola, kati, ''Na umwi wafwa inyota, abole kulindime anywe.'' ³⁸ Umwi awumwi usyoma mulindime, mbuli melembe mbawamba, milonga yamanzi mawumi iyoyenda mwida lyakwe.'' ³⁹ Pesi wakamba ezi mumuuya, kulibabo basyoma mulinguwe bayotambula, Muuya tewakayinapegwa pe nkambo Jesu talina lemesegwa pe. ⁴⁰ Bamwi benkamu, nibakamvwa ayamajwi, bakamba kuti, ''Inchobeni oyu musinsimi.'' ⁴¹ Bamwi bakati, ''oyu nguKkilisitu.'' Pesi bamwi bakati Kkilisitu inga ulazwa mu Galili? ⁴² Malembe sa tawambi kuti Kkilisitu ulazwa kulunyungu lwa Davidi alimwi kuzwa ku Betelehema, kumunzi Davida nkwakali kuzwa?'' ⁴³ Aboobo kwakaba kwaanzana akati kankamu nkambo kanguwe. ⁴⁴ Bamwi bakayandide kumwaanga, pesi takwe wakabikka manza alinguwe. ⁴⁵ Mpawo bamapulisa bakabola kubapati babapayizi aba Falisi, bakati kulimbabo ''kwabanzi nimwatamweta?'' ⁴⁶ Bamapulisa bakasandula kuti, ''Takwe naba omwe wakali wambula abo.'' ⁴⁷ Aboobo ba Falisi bakasandula, andinywe mwenwa na?. ⁴⁸ Kulumwi na akati kabendelezi wasyoma mulinguwe, nikuba kuba Falisi? ⁴⁹ Pesi eyi inkamu intaanzi mulawu,ulitukidwe.'' ⁵⁰ Nikkodimasi (umwi wabaFalisi wakasika akufwambana) wakati kulimbabo. ⁵¹ Mulawu wesu ulabeteka na muntu katutanaswilila na kulinguwe akuziba nzyachita?'' ⁵² Bakamusandula bati kulinguwe, ''ayebo uzwa ku Galili na? Langula ubone kuti takwe musinsimi uzwaku Galili.'' ⁵³ Mpawo umwi awumwi wakaya kung'anda yakwe.

Chandano 7 9

¹ Lino Jesu nakayinda, wakabona mwalumi moofu kuzwa kubuzyalwe bwakwe. ² Basikwiya bakwe bakamubuzya, ''Muyisyi, ngwani wakabisya, ngooyu mwalumi nakuti mbazyali bakwe, kuti azyalwe kali moofu?'' ³ Jesu wakasandula kuti, ''teensi nguwepe wakachita chibi, nikuba bazyali bakwe, pesi kuti milimu ya Leza iyubununwe mulinguwe. ⁴ Tulelede kubeleka milimu ya oyo wakandituma nelichili isikati. Mansiku alasika nikuyochala katachikwe uyobeleka. ⁵ Ninchili munyika, ndime mumuni wenyika.'' ⁶ Nakamaninsya Jesu kwamba ezi zintu, wakaswida anyika, wakakanda bulongo amate, akunanika bulongo kumeso akwe. ⁷ Wakamba kuti kulinguwe, ''Yinka, ukasambe mukalambwa kaku kaku Silawomi'' (kupandululwa kuti ''kutumwa''). Lino mwalumi wakayinka, wakusamba, wakubola wabbwazula. ⁸ Mpawo mbakayakilene aabo mwalumi abakamubonwene kali mukumbizi bakalikwamba kuti, ''teensi nguwe na mwalumi oyu walimukumbizi?'' ⁹ Bamwi bakamba kuti, ''Nguwe.'' bamwi bakati, ''pe, pesi ukozyania awe biyo.'' Pesi wakati, ''Ndime.'' ¹⁰ Bakamba kuti kulinguwe, ''mpawo bakamubuzya kuti ajulika buti meso?'' ¹¹ Wakasandula, mwalumi utegwa Jesu wakakkanda bulongo akubunanika mumeso angu akwamba kuti kulindime, Ýinka ku Silawomi ukasamb. 'Lino ndakayinka akuyosamba, alimwi ndakatambula kubona kwangu. ¹² Bakati kulinguwe, ''Ulikuli ?'' wakasandula, ''Tandizi pe.'' ¹³ Bakeeta mwalumi wakali moofu kubaFalisi. ¹⁴ Eno lyakali zuba lyakwe lyesabata. Jesu mpakakanda bulongo akumujula menso akwe. ¹⁵ Aboobo ba Falisi bakamubuzya kuti watambula buti kubona kwako. Wakati kulimbabo, wabika bulongo mumenso angu, ndakakusamba, alimwi lino ndabona.'' ¹⁶ Bamwi baFalisi bakati oyu mwalumi tazwi kuli Leza nkambo tabambi buzuba bwaSabata.'' Bamwi bakati, ''Anga wakonzya buti mwalumi sizibi kuchita zitondezyo zili boobu ?'' Lino kwakaba kwanzana akati kabo. ¹⁷ Bakamubuzya moofu alimwi kuti, uwamba buti anguwe, mbwakajula menso aako?'' Mwalumi moofu wakati, ''Musinsimi.'' ¹⁸ Nkambo kako baJuda takwepe nibakasyoma kuti nguwakali moofu alimwi kuti watambula kubona. ¹⁹ Bakakubuzya bazyali, ''Oyu ngumwana ngumwana wenu na ulokwamba kuti wakazyalwa kali moofu? ²⁰ Lino wabona ?'' Bazyali bakwe bakasandula, ''Tuzi biyo kuti oyu mwana wesu akuti wakazyalwa kali moofu. ²¹ Kuti wazobona buti tatuzipe, akuti ngwani wajula menso akwe, tatuzipe. Amumubuzye, mupati. Ulakonzya kulyambwida lwakwe.'' ²² Bazyali bakwe bakaamba ayamakani, nkambo bakali kuyowa ba Juda nkambo ma Juda bakali kuzumina kuti kufumbwa utazumine kuti ngu Kkilisitu, ulatandwa muchikombelo. ²³ Nkambo kazezi, nchibakati, ''Mupati, ulalyambwida.'' ²⁴ Lino bakamwita lwabili mwalumi wakali moofu akuti kuli nguwe, ''kupa bulemu kuli Leza. Tulizi kuti oyu mwalumi ngu sizibi.'' ²⁵ Mpawo mwalumi wakasandula, ''Tandizi pe kuti na ngu sizibi. Chintu chimwi nchinzi: Nkuti ndakali moofu, lino ndabona.'' ²⁶ Mpawo bakaamba kuti kulinguwe, ''ninzi nchaachita kulinduwe? Waajula buti menso aako?'' ²⁷ Wakasandula, ''ndamwambila kale, alimwi tamuswilizyi pe! Nkambonzi nimuyanda kumvwa lubo? Tamuyandi pe kuba basikwiiya bakwe, mulayandana? ²⁸ Bakamutukila kabati, ''Nduwe sikwiya wakwe, pesi iswe ndiswe basikwiya ba Mozesi. ²⁹ Tulizikuti Leza wakambula a Mozesi, pesi tatuzi kuti oyu uzwakuli.'' ³⁰ Mwalumi wakasandula akuti kulimbabo, ''Eechi chilayoosya, kuti tamumuwi nkwazwa, alimwi wajula menso angu. ³¹ Tulizi kuti Leza taswilizyi pe kuli basizibi, pesi umwi kuti walipeda akuchita luyando lwakwe, ulamuswilizya. ³² Kuzwa nyika niyakalengwa takuna mvwigwa pe kuti naba omwe wakajula menso amuntu wakazyalwa kali moofu. ³³ Kuti mwalumi oyu katazwi kuli Leza, natakwe anchakonzya kuchita.'' ³⁴ Bakasandula akwamba kuti kuli nguwe, ''Wakazyaligwa muchibi, alimwi ulokuyisya ndiswe?'' Mpawo bakamutontela aanze. ³⁵ Jesu wakamvwa kuti bamutandila aanze achikombelo. Wakamujana alimwi wakati, ''Ulasyoma na mu Mwana a Muntu?'' ³⁶ Wakasandula kuti, ''Ngwani, Mwami, kuti ndimusyome. ³⁷ Jesu wakamwambila kuti, ''Wamubona, alimwi nguwe ngulokwambula awe. ³⁸ Mwalumi wakati, ''Mwami, ndasyoma, ''alimwi wakamukomba. ³⁹ Jesu wakati, ''Nkambo kakubeteka nchindasikamunyika ino kuti abo bataboni babone alimwi kuti babona babe boofu.'' ⁴⁰ Bamwi ba Falisi bakali awe bakamvwa zintu eezi alimwi bakamubuzya kuti, ''Tuliboofu na toonse?'' ⁴¹ Jesu wakati kuli mbabo, ''Naa mwakali boofu, munoli kamutakwe chibi, pesi mwamba kuti, 'Tulabona, Aboobo zibi zyanu zilakkalila.

Chandano 10 10

¹ Nkasimpe, nkasimpe, ndamwambila, utanjili akwinda amulyango wachaata chambelele, pele ulatanta mujulu ayimbi nzila, ooyo muntu mubbi asikunyanga. ² Ooyo unjila akwinda amulyango ngusikwembela mbelele. ³ Uubamba mulyango ulamujulila. Mbelele zilamvwa ijwi lyakwe, aboobo ulazyita mbelele zyakwe amazina azyo, akuzitola anze. ⁴ Chiindi nazigwisizya anze zyoonse zyakwe, ulinka kunembo lyazyo, abbobo mbelele ziyomutobela, nkambo zililizi ijwi lyakwe. ⁵ Tazikoyo tobela mwenzu nguzitazi pesi anukuti ziyomuchija, nkambo tazilizi pe ijwi lyamwenzu ngozitazi. ⁶ Jesu wakamba aya mambilambali kulimbabo, pesi takwe nibakamvwisisya kuti ezi zintu zyakali nzizyo nzyakali kubaambila. ⁷ Aboobo Jesu wakabambila lubo, "nchobeni, nchobeni ndamwambila, ndime, mulyango wambelele. ⁸ Boonse bakasika nkesina sika mbabbi abasikunyanga, pesi mbelele tezyakabaswilila. ⁹ Ndime mulyango. Kuti umwii unjila akwiinda mulindime, uyoo futulwa, uyoo njila akuzwa akujana machelelo. ¹⁰ Mubbi tazi kupela pe kunze kwakubba, kujaya akunyonyona. Ndaza kuti babe abuumi akuti buvule. ¹¹ Ndime sikwembela mubotu. Sikwembela mubotu ulapeda buumi bwakwe kumbelele. ¹² Oyoo mubelesi ubbadalwa tensi ngusikwembela pe aboobo tazilizyakwe mbelele. A bona wumpe ulaza aboobo ulazisiya mbelele akuchija, elyo wumpe uyoziluma akuzimwayisya. ¹³ Ulachija nkambo mubelesi sikubbadalwa aboobo talikatazyi ambelele. ¹⁴ Ndime sikwembela mubotu, aboobo zyangu zilindizi. ¹⁵ Taata ulindizi, andime ndilimwizi Taata, aboobo ndilapeda buumi bwangu kumbelele. ¹⁶ Ndilijisi zimwi mbelele zitali zyamuchata chambelele echino. Aboobo ndilelede kuzyeta azilazyo, alimwi ziyolimvwa ijwi lyangu elyo ziyoba taanga lyomwe asikwembela omwe. ¹⁷ Echi nchenchicho Taata nchandiyandila. Ndilapeda buumi bwangu elyo njobubweza lubo. ¹⁸ Takwe naba omwe uyobubweza kuzwa kuli ndime, pesi ndabupeda ndemwini. Ndila chelelo chakubupeda ndemwini. Ndila chelelo chakubupeda, aboobo ndilachelelo chakubu bweza lubo. Ndakatambula malayilile aya kuzwa kuli Taata" ¹⁹ Kwanzana lubo kwaka akati kama Juda nkambo kamajwi aya. ²⁰ Biingi babo bakati "Ulijisi dimoni abobo ulisuwidwe. Nkambonzi nmumuswilila?" ²¹ Bamwi bakati, "Aya tensi majwi amuntu unjidwe dimoni. Sena dimoni lilakonzya kujula meso amoofu"? ²² Kwakali kuchindi chakusalazigwa mu Jelusalemu. Kwakali lya mpeyo, ²³ aboobo Jesu wakali kuyowenda mu mutempele mu kota lya Solomon. ²⁴ Pesi ba Juda bakamuzyunguluka akwamba kuti kuli nguwe, "Kukabe lili kojisi nkotwena? Kuti na nduwe Kilisito, twambile antanganana". ²⁵ Jesu wakabasandula, "Ndakamwambila, pesi tamusyomi pe. Milimu eyo njenchita muzina lya Taata njindipandulula lwangu me. ²⁶ Pesi tamusyomi nkambo tamuli mbelele zyangu. ²⁷ Mbelele zyangu zilamvwa ijwi lyangu. Ndilizizi aboobo zilanditobela me. ²⁸ Ndazipa buumi butamani. Tazikoyoofwa pe, aboobo takwe naba omwe uyozikwempya mujanza lyangu. ²⁹ Taata wangu wakazipa ndime, mupati kwinda bamwi boonse takwe naba omwe uyokonzya kuzikwempya kuzwa mujanza lya Taata. ³⁰ Ime a Taata tuli umwi". ³¹ Nkabela ma Juda bakabweza mabwe lubo kuti bamutulule ³² Jesu wakabasandula, "Ndamutondezya milimu myingi mibotu izwa kuli Taata. Pesi nguli wamilimu awa ngumunditulwida?" ³³ Ba Juda bakamusandula, "Tetwakutulula nkambo kamilimu mibotu pe, pesi nkambo kakusampawula, nkambo webo, ulimuntu, ulichita Leza lwakwe". ³⁴ Jesu wakasandula "Sa tazilembedwe na mumulawu wanu, 'Ndati, "muli baleza"? ³⁵ Kuti bategwa mbaleza, ooyo ngulyakazida ijwi lya Leza ( aboobo malembe takoyotyolwa), ³⁶ uwamba kuli ooyo ngwakasala Taata akumutuma munyika, Muloku sampawula. nkambo ndamba kuti ndii mwana wa Leza? ³⁷ Kuti na nsili kuchita milimu ya Taata, mutandisyomi. ³⁸ Pesi na ndikuchita, nansya kuti temwandisyoma, musyome mumilimu kuchitila kuti mukazibe akumvwisisisya kuti Taata ulimulindime aboobo ambebo ndimuli Taata". ³⁹ Bakezya kumujata lubo, pesi wakapuzuka kuzwa kumanza abo. ⁴⁰ Wakabweda lubo mutaala Jodani kubusena oko Joni nkwakatalikila kubbabbatizya, aboobo wakakukkala nkukoko. ⁴¹ Bantu biingi bakasika kulinguwe alimwi bakati, "Joni nchobeni takwe nakachita zitondezyo, pesi zyonse zintu Joni nzyakamba atala ayoyu mwalumi nzyakasimpe". ⁴² Bantu biingi bakamusyoma mpawawo.

Chandano 11 11

¹ Lino umwi mwalumi walikutegwa Lazalo wakalikuchiswa. Wakali kuzwa ku Bbetani, igunzi mwakali kukkala Meli a amuchizi wakwe Maata. ² Meli nguwe oyo iwakananika Mwami amuunde akumusinda mawulu akwe amasusu, ngula mukulana Lazalo wakachisidwe. ³ Bachizi bakananizya mulumbe kuli Jesu kabaamba kuti, 'Mwami, Langa, ooyo ngoyandisya wachiswa.'' ⁴ Jesu nakamvwa eezi, wakati, ''Óku kuchiswa tekwakufwa pe, pesi nkwabulemu bwa Leza kuti akonzye kulemekwa kuli nzizyo.'' ⁵ Lino Jesu wakali kuyandisya Maata, mwanike wakwe, a Lazalo. ⁶ Nakamvwa kuti Lazalo wachiswa, Jesu wakakkala kwamazuba aabili lubo kubusena oobo nkwakabede. ⁷ Mpawo nikwakiinda eezi, wakati kuli basikwiiya bakwe, ''Tubwede lubo ku Judiya.'' ⁸ Basikwiya bakati kuli nguwe, ''Muyiisyi, lino lino bama Juda balokwezezya kuti bakutulule alimwi uyanda kubweda luubo?'' ⁹ Jesu wakavwila, ''Taakuli mahoola alikkumi aabili na amumuuni mubuzuba bumwi? Na umwi weenda izuba kaliliwo, takonzyi pe kuti aligubbule, nkambo unobona amumuni wenyika. ¹⁰ Nikuba boobo, kuti weenda mansiku, ulawaa nkambo mudima tuli anguwe.'' ¹¹ Wakaamba zintu ezi, nakamana kwamba ezi, wakati kuli mbabo, imuzyalwama Lazalo ulookona, pesi njankuko kuchitila kuti nkamubusye kuzwa mukoona.'' ¹² Basikwiya mpawo bakati kuli nguwe, ''Mwaami na kali ulokoona, ulabuka.'' ¹³ Lino Jesu wakalaambide akufwa kwakwe, pesi bakayeya aanga wakali kwambula akoona kwakulyokezya. ¹⁴ Mpawo Jesu wakabambila kanzambwenene kuti, ''Lazalo wafwa. ¹⁵ Ndabotelwa, nkambo kandinywe, kuti tendaliwope pe kuchitila kuti musyome. Twende kulinguwe. ¹⁶ Tomasi, ooyo walikwitwa kuti Didimasi, wakati kuli basikwiyanyina ''Twiinke andiswe kuchitila kuti tukafwe a Jesu.'' ¹⁷ Nakasika Jesu wakajana kuti Lazalo wakali mukabanda kwamazuba aane. ¹⁸ Lino Bbeteli yakali afwifwi a Jelusalema, mweelwe walikusika kumamayila obile. ¹⁹ Bama Juda biingi bakalizide kuli Maata a Meli, kuzobaambulizya atala amuchizi wabo. ²⁰ Eelyo Maata, nakamvwa kuti Jesu wasika, wakayinka wakuswanana awe, pesi Meli wakali kkede mungánda. ²¹ Mpawo Maata wakati kuli Jesu, ''Mwami, aanoli wakaliwo, mukulana wangu tayinofwa pe. ²² Nikuba lino, ndilizi kuti kufumbwa nchokumbila kuli Leza, ulakupa. ²³ Jesu wakati kulinguwe, ''Mukulana wako ulabuka lubo.'' ²⁴ Maata wakati kulinguwe, ''Ndizi kuti ulabuka lubo kububuke muzuba lyakumamanino.'' ²⁵ Jesu wakati kulinguwe, ''Ndendime bubuke abuumi, Ooyo uusyoma mulindime nikuba kuti wafwa, uyopona; ²⁶ alimwi kufumbwa oyo upona akusyoma mulindime takoyofwa pe. Ulazisyoma na eezi ?'' ²⁷ Wakati kulinguwe, ''Iyii, Mwami, ndilasyoma kuli nduwe Kkilisito, Mwana wa Leza, ooyo utazosike munyika.'' ²⁸ Naakamba ezi wakazwa waya kukwita Meli chakusisilikizya. Wakati, ''Muyiisyi ulaano alubo ulokukwiita.'' ²⁹ Mpakamvwa ezi, wakanyampuka achakufwambana akwinka kulinguwe. ³⁰ Li no Jesu takalina kusika pe mumunzi pesi wakachili kubusena ooko Maata nkwakamuswene. ³¹ Mpawo awo ba Juda, bakalanguwe mungánda bakali kumumbulizya nibakabona Meli kanyampuka chakufwambana kaaya aanze bakamutobela kabayeeya aanga wakali kuya kuchuumbwe kukuyolila. ³² Meli nakasika abusena aawo Jesu mpakabede akumubona wakawida kundyato zyakwe akwamba kuti, ''Mwami aanoli walaano, Mukulana wangu natafwide pe.'' ³³ Jesu nakamubona kalila, abaJuda mbakazide aabo kabalila, wakeetelela, wakatazikana akujatwa mumoyo wakwe. ³⁴ Wakati, ''nkokuli nkumwakakumulazika?'' Bakati kuli nguwe, ''Mwami, boola uzobone.'' ³⁵ Jesu wakalila. ³⁶ Mpawo ba Juda bakati, ''Boona kuti Lazalo walikumuyanda biyeni!'' ³⁷ Pesi bamwi baabo bakaamba kuti, ''Talikukonzya na ooyu mwalumi wakajula meso amuntu moofu, kuchitila kuti ooyu muntu atafwi?'' ³⁸ Mpawo Jesu, kachizwide kukatazikana mulinguwe, wakayinka kuchuumbwe. Lino chumbwe yakali mpako, nkabela kwakasinkidwe ibbwe mpawo. ³⁹ Jesu wakati, ''Mugwisye ibbwe, ''Maata muchizi wa Lazalo, ooyo iwakafwide wakati kuli Jesu, ''Mwami, kuli eechi chiindi mubili unoli wabola, nkambo waba amazuba aane kafwide. ⁴⁰ Jesu wakati kulinguwe, ''Tendakwambila na kuti,wasyoma ulabona bulemu bwa Leza?'' ⁴¹ Mpawo bakagwisya ibbwe balibikka kumbali. Jesu wakalanga kujulu akwamba kuti, ''Taata, ndakulumba kuti wandiswilizya. ⁴² Ndalizi kuti ulandiswilizya chiindi choonse, pesi nkambo kankamu yabantu bayimvwi akati kangu nchindamba eezi, kuchitila kuti basyome kuli nduwe nuwakandituma.'' ⁴³ Nakamana kwambula ezi, wakawompolola ajwi lilaajulu, ''Lazalo, zwida aanze!'' ⁴⁴ Mwalumi wakafwide wakazwida aanze, mawulu akwe amaboko akali zambilidwe asila. Jesu wakati kuli mbabo, ''Amumuzambanune mumuleke ayeende.'' ⁴⁵ Mpawo bamaJuda biingi bakazide kuli Meli akubona ezyo Jesu nzyakachita, bakasyoma mulinguwe; ⁴⁶ pesi bamwi baabo bakaya kuba Falisi bakubabuzya izintu Jesu nzyakali wachita. ⁴⁷ Mpawo bapati babapayizi abaFalisi bakabungania bwendelezi amwi akwamba kuti, ''Niinzi nchitutachite? Ooyu mwalumi uchita zitondezyo zyiingi. ⁴⁸ Kuti tumusiye alikke kali boobu, boonse balasyoma kuli nguwe; ma Loma balaza akututolela busena bwesu achisi chesu.'' ⁴⁹ Nikuba oobo, umwi mwalumi akati kabo, Kkeyifasi, wakali mupayizi mupati ooyo munyaka, wakati kuli mbabo, Taakwe nchimuzi pe. ⁵⁰ Tamulangisisyi na kuti nchibotu kuli ndinywe kuti kufwe umwi muntu kafwida bantu kwinda kuti nyika yoonse ifwidilile.'' ⁵¹ Lino eechi wakachaamba kachitazwide mulinguwe anukuti wakali mupayizi mupati oyo munyaka, wakasinsima kuti Jesu welede kufwida nyika; ⁵² kutali chisi luzutu, pesi kuchitila kuti baana baLeza abo basanseene babunganisigwe aamwi babe umwi. ⁵³ Mpawo kuzwa eelyo izuba kaziya kunembo bakalangula inzila yakuti Jesu bamujaye. ⁵⁴ Jesu takachili kweenda antanganana pe akati kaba Juda, pesi wakeenda wazwa waya kuli imwi inyika afwifwi akunkaanda mudolopo litegwa Efulemu. Nkuko nkwakakkala abasikwiiya bakwe. ⁵⁵ Lino ipasika lyabama Juda lyakali lyaba afwifwi, mpawo biingi bakaya ku Jelusalema kabazwa kuzisi bayinka kuti bakalisalazye beni. ⁵⁶ Bakali kuyandula Jesu, kabalo kwambula umwi awumwi kabayimvwi muchikombelo, ''Muyeyayi loko? kuti ulaleka kusika kupobwe?'' ⁵⁷ Lino bapayizi bapati aba Falisi bakali bapa malayilile akuti kufumbwa muntu unoli ulizi ooko Jesu nkwanobede, uyelede kuzyamba kuchitila kuti bamujate.

Chandano 11 12

¹ Mazuba musanu alimwi, kakutanayinda Pasika Jesu wakasika Betani, aawo aakali Lazalasi, ooyo Jesu ngwakabusya kuzwa kubafu. ² Aabobo bakamubambila chilalilo nkuko, aMata wakali kubapa. Pesi lazalasi wakali umwi wababo wakalede munsi atafula kali aJesu. ³ Kuzwawo Mariya wakabweza kankuli kamafuta mabotu kwindilila, wakananika Jesu kumawulu angawo akupukuta kumawulu amasusu aakwe. Ngaanda yakazula bweema bubotu bwamafuta. ⁴ Juda Sikaliyoti, umwi wabasikwiya bakwe oyo sikumuzya,wakati, ⁵ "Nkambonzi mafuta aaya natakuzigwa amiyanda yotatwe akupegwa kubafwaba?" ⁶ Wakamba ezi nkaambo takalikulangisisya kubafwaba, pesi nkaambo wakali ,mubbi. Wakali ankomo yamali akukkonzya kubba zyakabikidwe mukati. ⁷ Jesu wakati, " Amumuzumizye kubaamba ezyo nzyalazyo kuzuba lyakuvwikwa kwangu. ⁸ Munoli aabo bafwaba kwalyoonse. Pesi tamukoyoba andime lyoonse." ⁹ Lino nkamu mpati yamaJuda yakaziba kuti Jesu mpali,mpo bakasika kabatazidi Jesu alike pe, akuzobona Lazalasi, ooyo Jesu ngwakabusya kuzwa kubafu. ¹⁰ Ibapayizi bapati bakakkankayizya antomwe kuti bakonzye kujaya Lazalasi; ¹¹ nkaambo kanguwe kuti MaJuda biingi bakeenda akusyoma kuliJesu. ¹² Izuba litobela inkamu mpati yakasika kupobwe nibakamvwa kuti Jesu ulasika kuJelusalemu. ¹³ Bakabweeza mitabi yatukunka akwinka kuyoswananaawe akompolola kuti, wosana ulilongezegelwe, ooyo usika muzina lyaMwami, waIzilayeli. ¹⁴ Jesu wakajana kambongolo kanini wakkala alinkako; mbuli mbukwakalembedwe. ¹⁵ " Mutayowi nobana basimbi baZiyoni, amubone Mwami wanu ulaza , kakkede amusana wambongolo." ¹⁶ Basikwiya bakwe tebakamvwisisya pe kuzintu eezi kumatalikilo, pesi, aawo Jesu nakalemekezegwa bakayeya kuti eezi zintu zyakalembedwe ataala anguwe akuti bakachita zintu eezi kulinguwe. ¹⁷ Lino nkamu yakazuzikizigwa kuti bakali anguwe nakayita Lazalasi kuzwa muchumbwe akumubusya kuzwa kubafu. ¹⁸ Chakali nchicho chizato kuti inkamu inkamu yakaya kuyoswanana nkambo bakamvwa kuti wakachita chitondezyo. ¹⁹ Bafalisi mpawawo bakati lwabo lwabo, "Bona takwe nchokonzya kuchita: laanga , nyika yinka kunembo aatala aakwe." ²⁰ Lino bamwi baGiliki bakali mulibaabo bakalikuya kukomba kupobwe. ²¹ Aabo bakaya kuliFilipo, oyoowakazwa KuBbetisyaida mu Galili mpo wakakumbila wati, " Mwalumi tuyanda kubona Jesu.'' ²² Filipo wakeenda akuyobuzya Andulo, Andulo wakeenda aFilipo, mpo wakabuzya Jesu. ²³ Jesu wakabasandula mpo wati, chindi chasika chamwana amuntu, kuti alemekezegwe. ²⁴ Nchobeni, nchobeni ndamwambila anukuti , imbuto yabbale yakawida munyika mpo yafwa, iyosyala lwayo ayilike, pesi kuti yafwa, ilazyaala michelo myiingi. ²⁵ Ooo uyandisya buumi bwakwe takoyobujana,pesi utayandisyi buumi bwakwe kulizyanyika eeyi uyobamba buumi butamani. ²⁶ Kuti umwi undigwasya, akunditobela, ooko nkumbede, ooko nkokuko mulanda wangu nkwabede. Oyoo undimanina milimo, Taata uyakumulemeka. ²⁷ Lino muuya wangu wapengeleka. Mpo ngambeenzii ? " ²⁸ Taata, lemekezya zina lyako." Aboobo ijwi lyakazwa kujulu kaliti, ' Ndachilemekezya mpo nzochilemekezya lubo.''' ²⁹ Aabobo nkamu yakayimvwi kumbali niyakamumvwa yakamba kuti kwakamvwika muzuzumo. Bamwi bakamba kuti mungelo ulawambula anguwe." ³⁰ Jesu wakasandula wati, " Eeli jwi telyazida ndime pesi lyazida ndinywe. ³¹ Lino ndolu lubeta lwanyika eeyi: Lino muzululi wanyika eeyi uzosowelwa aanze." ³² Aawo mpunjonyampulwa kuzwa munyika, ndiyoyobolola bantu boonse kulindime. ³³ Wakamba bobu kutondezya lufu lwakwe mbolunobede. ³⁴ Makamu akamusandula, " Twakamvwa kuzwa kumulawu kuti Kkilisito uzokkala ikutamani. Wamba buyeni ikuti, ' Mwana Muntu uyelede kusumpulwa? Nguli ooyo Mwana Muntu? ³⁵ Jesu wakabambila kuti, " Mumuni unolandinywe kwachindi chifwifwi. Mwende nimuchili mumuni , ikuti mudima tukamuvumbi. Ooyo wenda mumudima taazi ooko nkwaaya. ³⁶ Nimuchilamumuni, amusyome mumumuni kuchitila kuti mube bana bamumuni." Jesu wakaamba zintu eezi aboobo wakamba zintu eezi wakeenda akulisisa mulimbabo. ³⁷ Nikuba kuti Jesu wakachita zitondezyo zyiingi kuli mbaabo, pele takwe nibakasyoma mulinguwe. ³⁸ Kuti ijwi Ayizaya musinsimi lizuzikizigwe, muli zyakamba: " Mwami, ooyo wakasyoma kwaamba kwesu, akuli oyoo luboko lwaMwami nkulyakayubunizidwa?" ³⁹ Nkaambo kayaaya tebakayosyoma , mbuli Ayizaya akakwe mwamba, ⁴⁰ "Wakofwazigwa meso aabo, akuyumya myoyo yabo, muliyimwi nzila bazobona ameso aabo akumvwisisya amyoyo yabo, akusanduka alimwi njobaponia". ⁴¹ Ayizaya wakaamba eezi zintu nkaambo wakabona bulemu bwajesu akwambula aatala anguwe. ⁴² Pesi nikuba boobu , akube kuti bazulwidi basyome muliJesu; pesi nkaambo kabaFalisi, tebakakumbila kulekelelwa pe kuti bataka kasigwi kuya kuchikombelo. ⁴³ Bakayanda bulemu bwakazwa kubantu kwiinda bulemu bwakazwa kuliLeza. ⁴⁴ Jesu wakompolola wati, "Ooyo usyoma mulindime tasyomi biyo mulindime, Pesi akuliwoyo wakandituma, ⁴⁵ aawoyo wabona ndime wabona nguwe ooyo wakatuma ndime. ⁴⁶ Ndasika mbuli mumuni munyika, kuti ooyo usyoma mulindime takasyali mumudima. ⁴⁷ Kuti wamvwa majwi aangu, pesi katabambide, simubeteki pe, tee ndaza kuzotonga nyika, pesi kufutula nyika. ⁴⁸ Ooyo undikaka akutatambula majwi aangu, ulasikumubeteka. Ijwi ndindambula liyomubeteka kuzuba lyamamanino. ⁴⁹ Nkambo nsilyambwidi pe, pesi nguTaata wandituma, ooyo wapa ndime chelelo chakwaamba , azyakwamba. ⁵⁰ Ndiizi kuti chelelo mbuumi butamani, mbubobu nzizezi zindawamba - mbuli Taata mbwakambula kuli ndime, mbubobu ndilamba."

Chandano 13 13

¹ Lino kalitana kutalika ipobwe lya Pasika. Jesu wakaziba kuti chiindi chakwe chasika chakuti azwe munyika eyi ayinke kuli Taata. Mbalikubayanda bakwe bakali munyika, wakabayanda mane kusika kumamamanino. ² Lino Satani wakali wazibika kale mumoyo wa Judasi Sikaliyoti mwana wa Sayimoni, kuti awuzye Jesu. Ndilyo achilalilo. ³ Jesu wakalizi kuti wisi wakalimupede zyoonse mumanza akwe alimwi kuti wakazwide kul Leza alimwi wakali kubweda k uli Leza. ⁴ Wakanyampuka achilalilo mpawo wagwisya chikobela chakwe chakujulu. ⁵ Mpawo wakabweza chisansamuzyo walyaanga. Mpawo wakatila maanzi mubbede watalika kusanzya basikwiiya kumawulu akubayumya achisansamuzyo nchakangide muchikungu chakwe. ⁶ Mpawo wakasika kuli Sayimoni Pita wakati kulinguwe, ''Mwami uyanda kundisanzya mawulu na?'' ⁷ Jesu wakasandula akumubuzya zyakuti, ''Eechi nchenchita tamukochimvwisisisya.'' ⁸ Pita wakati kulinguwe, ''tokonzyi kundisanzya mawulu angu, ''Jesu wakamusandula wati, ''kuti tendakusanzya tokooba abulyidilane pe ambebo. ⁹ Sayimoni Pita wakati kulinguwe, ''Mwami, tondisanzyi kumawulu kupela pesi akumaboko angu akumutwe.'' ¹⁰ Jesu wakati kulinguwe, Muntu wasamba tabuli, kutalisanzya mawulu biyokupela, pesi amubili woonse wasamba, wasalala, pesi temonse nimwasalala.'' ¹¹ (Nkambo Jesu wakalimwizi utakamuuzye; nchenchicho nchaakambila, ''Moonse tamusalede pe.'') ¹² Nakamana kubasanzya mawulu abo wakabweza zisamo zyakwe wakkala ansi lubo, mpawo wakati kuli mbabo, ''mwazimvwisisisya na nzinda muchitila? ¹³ Mundiita kuti Muyiisyi a Mwami mwamba kabotu, nkambo ndime. ¹⁴ kuti nkendi Mwami a Muyiisyi , wamusanzya mawulu, anywebo mwelede kusanzya mawulu awumwi awumwi. ¹⁵ Nkaambo ndamutondezya chikozyanisyo kuti anywebo kuti anywebo muchite mbuli mbundamuchitila. ¹⁶ , Chamasimpe, ndamwambila kuti, muzike talimupati kumubelesi wakwe naakuti mutumwa tali mupati kuli wamutuma. ¹⁷ Kuti kamuzizi eezi zintu mulilongezezegelwe kuti mwaziba. ¹⁸ Nsilokwamba moonse pe, ndibazi mbindakasala. Pesi ndaamba kuti malembe azuzikizigwe; Ooyo uulya chinkwa wandilyata akasindi kakwe.' ¹⁹ Ndamwambila zyoonse ezi kazitana chitika pe, kuchitila kuti zyazochitika muzosyome KUTI NDIME. ²⁰ Nkasimpe, nkasimpe, ndamwambila kuti, woonse utambula ngundakatuma, wanditambula, awunditambula, watambula wakandituma.'' ²¹ Nakaamba boobu Jesu, wakapengeleka mumuuya. Wakapandulula wati, ''Nkasimpe , nkasimpe, ndamwambila umwi wanu uyoondaba. ²² Basikwiiya bakwe bakalangana umwi awumwi kabagamba kuti ngwani ngwakali kwamba. ²³ Umwi wabasikwiiya ba Jesu ngwakali kuyanda wakalilede atafula kumbali lya Jesu. ²⁴ Sayimoni Pita wakamwambila sikwiya muyandisi kuti, ''buzya kulinguwe kuti uwambani.'' ²⁵ Lino wakaseyama akaango ka Jesu akumwambila kuti, ''Mwami, ngaulabani ngowamba?'' ²⁶ Mpawo Jesu wakasandula, ''Oyu ngwensisunsile chinkwa akumupa.'' Lino nakasunsa, wakapa Judasi mwana wa Sayimoni Sikaliyoti. ²⁷ Mpawo nikwakiinda kulya chinkwa, satani wakanjila mulinguwe, kuzwawo Jesu wakamubuzya kuti ''Eecho nchoyanda kuchita, chichite akufwambana. ²⁸ Lino takwe naba omwe wabakalede atafula wakaziba kuti nkambozi nawambula oobo. ²⁹ Bamwi bakayeeya kuti Judasi mbali sinkomo wamali, Jesu ambweni uyanda kuti akawule ziyandikana apobwe, ''Naakuti ape zimwi kubantu bafwaba. ³⁰ Naakamana kutambula chinkwa, wakeenda chakufwambana. Kwakali mansiku. ³¹ Lino Judasi nakeenda, Jesu wakati, ''Lino Mwana a Muntu walamekezegwa, alakwe Leza ulalemekezegwa mulinguwe. ³² Leza ulalemezya mwana mulinguwe, alimwi ulamulemya lumwi chakufwambana. ³³ Nobana banini, ndandinywe kwachiindi chifwifwi. Muyondiyandula mbuli mbundakabuzya ba Juda, ''oko nkwenjobuya, tamukonzyi kusika. Lino ndamba eechi kulindinywe. ³⁴ Ndamupa mulawu mupya, wakuti muyandane umwi awumwi. ³⁵ Acheechi bantu boonse bazooziba kuti ndinywe basikwiya bangu, kuti mwaba luyando kulumwi amwenzinyina.'' ³⁶ Sayimoni Pita wakati kulinguwe, ''Mwami, nkokuli nkoya? Jesu wakasandula, ''ooko nkwenja tokonzyi kunditobela kwaino, pesi uzonditobela chaba chiindi. ³⁷ Pita wakati kulinguwe 'Mwami nkamboonzi nentakkonzyi kukutobela? Ndatula buumi bwangu nkambo kako. ³⁸ Jesu wakasandula, ''ulatuula buumi bwako na nkambo kangu? Nkasimpe, nkasimpe ndakwambila kuti mukombwe takolila kotana kunditama totatwe.

Chandano 13 15

¹ ''Ndimusamu wakasimpwa Taata ngomuka mwini muunda? ² Uyogwisya ntabi zyoonse mulindime zitazyali michelo, akukwezuula ntabi zitazyali michelo kuchitila kuti zikazyale michelo. ³ Ulasalala kale nkambo kamilumbe njindakawambula kulinduwe. ⁴ Kkalilila mulindime, andime mulinduwe, mbuli mutabi, utakonzyi kuzyala michelo lwayo, kunze kwakuti wayima kuchisiko, kuti amwi ulakonzya kuzyala, kunze kwakukkalilila mulindime. ⁵ Ndichisiko chamusamu, inywe muli mutabi. Oyo ukkalilila muli ndime, ambebo mulinguwe, ulazyalisya michelo, kotakwe ndime takwe nchokonzya kuchita. ⁶ Ooyo naba oomwe uutakkali mulindime, Uyosowegwa mbuli mutabi mpo uyoyuma, alubo iyobwezelelwa mitabi akuyowalilwa mumulilo, mpawo iyotentwa. ⁷ Kuti wakkalilila mulindime, akuti majwi angu akkala mulinduwe, kumbila kufumbwa nchoyanda, mpawo uyochitilwa mboyanda. ⁸ Taata ulalemekezegwa azeezi, kuti wazyalisya michelo akulitondezya kuti nduwe sikwiiya wangu. ⁹ Mbuli Taata mbandiyandisya mebo, Ndakuyanda ambebo; mukkalilile mulindime. ¹⁰ Kuti wabamba milawu yangu, unokkalilide muluyando lwangu, mbundaka bambamilawu ya Taata akukkalilila muluyando lwakwe. ¹¹ Ndambuula ezi zintu kulindinywe nkuchitila kuti lukondo lube muli nduwe, akuchitila kuti lukondo lumaninine. ¹² Ooyu ngomulwu wangu, kuti muyandane mbuli mbondakamuyanda. ¹³ Takwe naba omwe ulaluyando luli oobu-kuti umwi abambe buumi bwakwe mwenzinyina. ¹⁴ Muli benzuma kuti mwachita zintu nzindakamulayilila. ¹⁵ Nsichiyomwiti kuti babelesi, nkambo mubelesi tazi kuti simalelo akwe anzyachita. Ndamwita kuti benzuma, mbuli zyoonse nzindakamvwa kuli Taata, ndachita kuti zizibinkane kulindinywe. ¹⁶ Teensi mwakandisala mebo, pesi ndakamusala inywebo kumwimika nywe kuti mwelede kwenda akuzyala michelo, akuti michelo yanu ikkalilile. Eechi chamba kuti kufumbwa nchimuyokumbila kuli Taata kwinda muzina lyangu, uuyochipa kulindinywe. ¹⁷ Eezi zintu nzindamu layilila, kuti mukonzye kuyandana umwi awumwi. ¹⁸ Kuti nyika yakusula, ziiba kuti yakalindisulide nkitana kukusula webo. ¹⁹ Kuti wali muntu wenyika, inyika ilakuyanda lwayo. Pesi nkambo kakuti taliwanyika akambo kakuti ndakakusala kuzwa munyika, nkiinkako inyika iyokusula we. ²⁰ Koyeeya ijwi ndindakakwambila we, Ímubelesi tali mupati kwinda simalelo.'Na bandipenzya mebo, bayomupenzya anywebo; Anukuti balondola majwi angu, bayowalondola amajwenu. ²¹ Bayochita zyoonsezi zintu kuli nduwe nkambo kezina lyangu, nkambo tabamwizi pe wakandituma. ²² Anoli tendakasika akwambuula kuli mbabo, teensi bayinobisya, pesi kwalino tabakwe nchebanga balatamizya kukubisya kwabo. ²³ Ooyo wakkaka ndime ngonguwe wakkaka Taata. ²⁴ Ikuti tendachita milimo takwe naaba oomwe ukazya akati kabo, takwe nibanola chibi pe, pesi lino bibona akusula ndime a Taata. ²⁵ Pesi eezi zitondezya kuzuzikizya majwi alembedwe mumulawu, 'Bandisula nkenditakwe mulandu.' ²⁶ Eelyo mugwasyi nayosika - ooyo ngwenjotuma kuli ndinywe kuzwa kuli Taata, nguwe ooyo Muuya wakasimpe, ooyo iwakazwa kuli Taata - Uyoopa bukamboni atala andime. ²⁷ Uleelede ayebo kupa bukamboni, nkambo wakali andime kuzwa kumatalikilo.

Chandano 17 17

¹ Jesu nakamana kwamba zintu eezi, wakatambya meso akwe kumajulu akwamba kuti, ''Taata, chiindi chasika, mupe bulemu Mwanaako kuchitila kuti alakwe Mwana akupe bulemu - ² mbuli mbwakamupa bwendelezi atala ailengwa zyoonse kuchitila kuti azope buumi butamani kuli woonse ooyo ngwakapa kuli nguwe. ³ Mbuli ibuumi butamani kuti bakuzibe, nduwe Leza wakasimpe, akuli nguwe ooyo ngwakatuma, Jesu Kkilisito. ⁴ Ndakakupa bulemu anyika. Ndakamaninsya mulimo oyo nguwakandipa kuti nguuchite. ⁵ Lino, Taata, kondilemya antomwe ayebo abulemu obo mbendali kujusi nkechili ayebo, inyika kitanaanzwa. ⁶ Ndakayubununa izina lyako kubantu aabo mbwakandipa kuzwa kunyika. Bakali bako, wakabapeda kuli ndime bakabamba ijwi lyako. ⁷ Lino bakaziba kuti zyoonse eezyo nzwakandipa zizwa kuli nduwe, ⁸ Nkambo ndakabapa woonse majwi ayo ngwakandipa. Bakaatambula mpawo akuziba bwini bwakuti ndakazwa kuli nduwe mpawo bakasyoma kuti wakandituma. ⁹ Ndabakombela. Nsikombeli banyika pe pesi aabo mbwakandipa nkambo mbibako. ¹⁰ Choonse eecho changu nchichaako mpawo chako nchichangu mpawo mpegwa bulemu mulimbabo. ¹¹ Nsichili munyika, pesi aaba bantu balimunyika, mpawo ndikuza kuli nduwe. Taata Uusalala, babambe muzina lyako elyo nduwe wakandipa kuchitila kuti babe bamwi mbuli mbutuli bamwi. ¹² Nindakachili ambabo, ndakabambide kabotu muzina lyako, eelyo ndwakandipa. Ndakaba kwabilila, mpawo takwe nikuba umwi wakanyonyoka, kusiya mwana wabajayi, kuchitila malembe kuti azuzikizigwe. ¹³ Lino ndaboola kulinduwe, pesi ndikwamba zintu eezi munyika kuchitila kuti lukondo lwangu luzozuzikizigwe muli mbabo. ¹⁴ Ndakabapa ijwi lyako, mpwao nyika yakabasula nkambo tabali benyika eeyi, mbuuli mbuntali wenyika. ¹⁵ Nsilokukumbila kuli nduwe kuti ubagwisye munyika, pesi kuti babambwe kabotu kulibaabo batalomene. ¹⁶ Tembanyika pe mbuli mbentali wenyika ambebo. ¹⁷ Mubaanzanisye kwinda kukasimpe. Ijwi lyako ndayakasimpe. ¹⁸ Mbuli mbowakandituma munyika ndabatuma ambebo munyika. ¹⁹ Akambo kambabo, ndalibamba lwangu kuchitila kuti abalabo babambwe mukasimpe. ²⁰ Nsikombeli aaba luzutu pe, pesi abaabo batakasyome mulindime kwinda kujwi lyaako ²¹ Kuchitila kuti boonse bakabe umwi mbuli nduwe. Taata mbuli muli ndime, andime ndimuli nduwe. Aabalabo abaabe muli ndiswe kuchitila kuti inyika ikasyome kuti nduwe nuwakandituma. ²² Ibulemu oobo mbuwakandipa, ndakabupa kuli mbabo, kuchitila kuti babe uumwi, mbuli mbundi umwi. ²³ Ime muli mbabo, mpawo iwe muli ndime - kuti mpobazulila mulukamantano, kuti inyika izibe kuti wakandituma akuti wakabayanda mbuli mbuwakayanda ndime. ²⁴ Taata, njanda aabo mbwakandipa kuti baabe andime ooko nkuumbede, mpawo akubona bulemu mbwakandipa nkambo wakandiyanda intalisyo yenyika kitana kubambwa. ²⁵ Taata ululeme, inyika teyaka kwizi pe, pesi mebo ndakali kwizi, mpawo aaba balizi kuti wakandituma. ²⁶ Ndakachita kuti izina lyako lizibinkane kuli mbabo, nkabela ndichiyolizibya kuchitila kuti luyando ndwakandiyanda aalo lukabe muli mbabo, mpawo nooli muli mbabo.''

Chandano 18 18

¹ Jesu nakamana kwambula majwi aaya, wakainka kuli aanze abasikwiiya bakwe kuli bumwi busena mumusena wa Kkidiloni, oko kwakali chilili mwakakunjila abasikwiya bakwe. ² Lino Judasi ooyo wakali sikuyo mwaba, alakwe wakalibwizi busenobu nkambo Jesu wakali kuswanana absikwiya bakwe nkuko. ³ Mpawo Judasi wakazulwida inkamu yabasilumamba abamwi bendelezi bazwa kubapayizi bapati akubaFalisi, abasizyuno, bakayinka nkukoko amalampi, azimunisyo, azilwanisyo. ⁴ Mpawo Jesu, iwakazi zyoonse zintu ezyo zyakali kuyochitika kulinguwe, wakaya kunembo wababuzya kuti, ''Ngwani ngomulokuyanduula ?'' ⁵ Bakamusandula, ''Jesu waku Nazaleta.'' Jesu wakati ndamwambila kuti, ''Ndime.'' Judasi ooyo wakamuzya wakaliimvwi abasiliumamba. ⁶ Nakaamba kuli mbabo kuti, ''Ndime,'' bakabwedela musule bawidaansi. ⁷ Wakababuzya lubo, ''Ngwani ngomulokuyanduula?'' Lubo bakindulula bati, ''Jesu waku Nazaleta.'' ⁸ Jesu wakasandula, ''Ndamubuzya kuti ndime. Na kamulokuyandula ndime, amubaleke aaba beende.'' ⁹ Ezi zyakachitika kuti ijwi ndyakaamba lizuzikizigwe: ''kuti kulibaabo mbwaakandipa takwe ngundakasowa pe.'' ¹⁰ Alimwi Sayimoni Pita, wakali akafulo, wakakasomona wagonka mulanda wamupayizi mupati wamugonka kutwi kwakuchilisyo. Lino izina lyamulanda oyu wakali Malukkasi. ¹¹ Jesu wakati kuli Pita, ''Bweedezya ikafulo munkomo. Nsyelede kunywa muchinywido eecho Taata nchaakandipa mebo ?'' ¹² Awo inkamu yabasilumamba amupati wabo, ababelesi babaJuda, bakajata Jesu akumwaanga. ¹³ Kutanguna bakamutola kuli Aanasi, nkambo wakali yisizyala wa Kkefasi, wakali mupayizi mupati munyokoyo. ¹⁴ Lino Kkefasi wakali nguwe wakapede lulayo kubaJuda kuti nichali chibotu kuti umwi muntu afwide bantu boonse. ¹⁵ Sayimoni Pita wakatobela Jesu, alimwi awumwi sikwiiya. Lino ooyu sikwiiya wakazibinkene kubapayizi bapati, aboobo wakanjila a Jesu munkuta yabapayizi bapati. ¹⁶ Pesi Pita wakaliimvwi amulyango kalaanze, mpawo umwi sikwiya, wakazibinkene kubapayizi bapati, wakazwa aanze kuyowambuula abalinda amulyango, mpawo wakanjizya Pita mukati. ¹⁷ Mpawo mulanda wachikayintu, wakalikubamba amulyango, wakabuzya Pita kuti, ''Tooli umwi wabaabo basikwiiya bayooyu mwalumi na, wakasikuti, ''teensi ndime pe.'' ¹⁸ Lino balanda abasikubeleka muwofesi bakalimvwi awo, nkabela bakali bakutilizya mulilo nkambo kwakali kutontola, bakali kuyota. Pita ambabo kayimvwi kalikuyota alakwe. ¹⁹ Mupayizi mupati wakabuzya Jesu aatala abasikwiiya bakwe anjiisyo yakwe. ²⁰ Jesu wakamusandula, ''Ndakambuula entanganana kunyika. Choonse chiindi ndakali kuyiisya muzitumba amuzikombelo akoko baJuda nkubakali kuswanana. Taakwe pe nchindakaamba mukusisikizya. ²¹ Nkambonzi nimundibuzya? Kabuzye kuli bakandimvwa ataala azezyo nzindakaamba. Boona, aaba bantu balizizi nzindakaamba.'' ²² Jesu nakamana kwamba eezi, umwi wababelesi wakayimvwi wakawuma Jesu wati, ''Mbubo na mboyelede kusandula mupayizi mupati ?'' ²³ Jesu wakatikuli nguwe, ''kuti nkendi ndaambula bubi, paa bukamboni atala abubi, pesi kuti kakuli kabotu, unduuminayi? ²⁴ Mpawo Aanasi wakamutola kaangidwe kuli Kkayifasi mupayizi mupati. ²⁵ Lino Sayimoni Pita wakalimvwi kayoota mulilo. Bantu bakati kulinguwe, ''Sena tenduwe umwi wabasikwiiya bakwe na? Wakakaka akwamba kuti, ''Tensindime pe.'' ²⁶ Umwi wabalanda bamupayizi mupati, wakali munyina wamwalumi ulakutwi Pita nkwakagonkede, wakati, ''Tooli nduwe na ngundakabwene muchilili anguwe ?'' ²⁷ Mpawo Pita wakakaka lubo, mpawo mukuku wakakokolika. ²⁸ Eelyo bakatola Jesu kuzwa kuli Kkayifasi kuya kukubetekwa. Kwakachili kuseni loko, nkabela tebakanjila pe mubbetekelo kuchitila kuti tabasofwazigwi pe pesi bakakonzye kulya pasika. ²⁹ Awo Pilato wakazwa aanze waya kuli mbaboo wasikuti, ''Nguuli mulandu ngumweeta ayoyu mwalumi ?'' ³⁰ Bakasandula kabati kulinguwe, ''Aanoli ooyu mwalumi tesimuchita zibi, Tetwayinomweeta kuli nduwe pe.'' ³¹ Mpawawo Pilato wakati kulimbabo, ''mumutole ndinywe, akuyomubeteka kwinda mumulawu wanu.'' MaJuda bakati kulinguwe, ''Tachili mumulawu pe kulindiswe kubikka kufumbwa umwi muntu kulufu.'' ³² Bakaamba ezi kuchitila kuti ijwi lya Jesu lizuzikizigwe eelyo ndyakaamba kutoondezya atala amusyobo walufu ndwayizofwa. ³³ Mpawo Pilato wakanjila mungánda yakubetekela lubo wayita Jesu wamubuzya kuti, ''Nduwe Mwami waba Juda na?'' ³⁴ Jesu wakasandula, ''Ulokulyambwida na, nakuti kuli bamwi bakambula atala andime kuli nduwe?'' ³⁵ Pilato wakasandula, ''Nsili muJuda pe me, ndinguwe na? Bantu bako abapayizi bapati bakupeda kuli ndime. Niinzi nchiwachita?'' ³⁶ Jesu wakasndula, ''Bwami bwangu tabuli bweenyika eeyi pe. Aanoli bwami bwangu bwali bwachimwi chipanzi chenyika eeyi, balanda bangu bayinokulwana kuchitila kuti nkindeka kwabwa kuba Juda. Pesi lino bwami bwangu tabuzwidi aano pe. ³⁷ Pilato wakati kulinguwe, ''Uli mwami na?'' Jesu wakamusandula , ''wamba kuti ndimwami. Kuuli aya makanze ndakazyaligwa, akuli aya makanze ndakasika munyika, kuti ngaambe bukamboni mukasimpe. Woonse ooyo uuli mukasimpe ulaswilizya kujwi lyaangu.'' ³⁸ Pilato wakati kulinguwe, ''niinzi kasimpe?'' Ndakazwa kwaamba eezi, wakayinka kumaJuda wamba kuli mbabo, Takwe mulandu pe ngundajana mumwalumi ooyu. ³⁹ Pesi mulachiyanza chakuti ndiwangunune umwi muntu kuli ndinywe apasika. Aabobo mulayandana kuti ndimulekezezye mwami waba Juda ?'' ⁴⁰ Mpawo bakoompolola lubo akwamba kuti, pepe oyu mwalumi, pesi Bbalabbasi.'' Lino oyu Bbalabbasi wakaali mubbi.

Chandano 19 19

¹ Mpawo Pilato wakatola Jesu akuyomunabba. ² Basilumamba bakalunda ingowani yamamvwa. Bakayibikka amutwe waJesu bamuzwatika asila lyamusyobo wantuumbula. ³ Bakasika kulinguwe basikuti, wabonwa, ''Mwami waba Juda!'' mpawo basikumuma. ⁴ Pilato wakabbuda aanze lubo wasikuti kulimbabo, ''Mubone, ndikumweeta anze kulindinywe kuchitila kuti muzibe kuti nsijene mulandu pe aalinguwe.'' ⁵ Awo Jesu wakabbuda aanze, kazweete musini wamamvwa asiila lyachikobela chamusyobo wantumbula. Pilato wakati kulimbabo, ''Mubone ngooyu mwalumi!'' ⁶ Mpawo awo bapayizi bapati ababelesi nibakabona Jesu, bakoompololesya bati, ''Aababmbulwe, abambulwe!'' Pilato wakati kuli mbabo, ''Mumutole ndinywe mukamubambule nkambo nsijene mulandu pe kulinguwe.'' ⁷ Ba Juda bakamusandula, ''Tulijisi mulawu, alubo kwinda mumulawu oyoo, welede kufwa nkambo wakali kulyaamba kuti Mwana waLeza.'' ⁸ Aawo Pilato nakamvwa nkani eeyi, wakayoweesya loko. ⁹ Wakanjila mungánda yakubetekela lubo wati kuli Jesu, ''Uuzwa kuli? Pesi Jesu takwakasandula pe. ¹⁰ Mpawo Pilato wakati kulinguwe, ''Towambuli na kulindime?'' Toozi na kuti ndilenguzu zyakukwangununa aanguzu zyakukubambula? ¹¹ Jesu wakamusandula, ''Tojisi pe kupanguzu alindime kusiya eecho nchiwakapegwa kuzwa kujulu, nikuba oobo, ooyo wandipedya kuli nduwe ulaachibi chipati.'' ¹² Kunsandulo eeyi, Pilato wakeezya kumwangununa pesi bama Juda bakawompoolola kabati, ''kuti wangununa mwalumi ooyu, ''Tooli muzolwani wa Siza. Woonse ulichita mwami uuwambula ataala a Siza. ¹³ Pilato nakamvwa makani aaya wakeeta Jesu aanze wakkala aachuno chakubetekela mubusena bwiitwa kuti ''Ibbuwa lyamabwe,'' pesi mumulaka wachi Hibbulu, ni ''Gabbata.'' ¹⁴ Lino lyakali izuba lyakubambililwa kwapasika, chiindi chamahola aali musanu alimwi. Pilato wakati kuba Juda, ''Mulange ngoyu mwami wenu!'' ¹⁵ Bakawompolola, ''Kuule anguwe, kule anguwe,'''Abambulwe!'' Pilato wakati kuli mbabo, ''Mubambule na mwami wenu?'' Bapayizi bapati bakasandula, ''Tatukwe mwami pe, pesi Siiza.'' ¹⁶ Mpawo Pilato wakapedekezya Jesu kuli mbabo kuti abambuulwe. ¹⁷ Mpawo bakatola Jesu, bayinka aanze, kalibwezelede chiingano, kubusena butegwa ''Kaanza,'' chiitwa kuti ''Gologota.'' mumulaka wachi Giliki. ¹⁸ Bakamubambula Jesu nkuko, antomwe abamwi baalumi babili umwi kuli eeli bbazu, umwi kuli eeli, Jesu kali akati. ¹⁹ Pilato wakalemba chitondezyo wachibika achiingano. Chakalembedwe obu: JESU, MWAMI WABA JUDA. ²⁰ BaJuda biingi bakalikuchibala chitondezyo eechi nkambo busena Jesu nkwakabambwidwe bwakali afwifwi adolopo. Chitondezyo chakalembedwe mumilaka eyi, chi Hibbulu, Latini, antomwe amuchi Giliki. ²¹ Eelyo bapayizi bapati babaJuda bakati kuli Pilato, ''Utalembi kuti, ''Mwami wabaJuda, pesi utedi, ''Ooyu uulyamba kuti , ''Ndimwami wabamaJuda.'''' ²² Pilato wakasandula kuti nzindalemba, ndalemba.'' ²³ Basilumamba nibakabambula Jesu, bakatola zisamo zyakwe, bazyabana akati kabo muzibeela zyoone, kuti baabane umwi awumwi, achilacho chibaki. Lino chibaki chakali abusumyo buumwi kuzwida ajulu. ²⁴ Mpawo bakati kuli umwi awumwi, ''Tatuchideluli pe, pesi aatusonde kuchitila kuti chilyaambe kuti chilaaba chani. Eechi chakachitika kuchitila kuti malembe azuzikizigwe awamba kuti, ''Bakaabana zikobela zyangu akati kaabo akusonda zisamo zyangu. Eezi nzibakachita basilumamba.'' ²⁵ Lino ibakayimvwi afwifwi achiingano cha Jesu, kwakali banyina Jesu, kwakali mukulana wabanyina, Meli muka Kkilopasi, a Meli Magadalina. Aaba bamakayintu bakalimvwi afwifwi achiingano cha Jesu. ²⁶ Jesu nakabona banyina asikwiiya ooyo ngwakali kuyandisya kabimvwi afwifwi, wakati kuli banyina, ''Yomwanakazi, ''Langa, mwanako!'' ²⁷ Mpawo wakati kuli sikwiiya, ''Langa banyoko.'' Kuzwa kuchiindi echo sikwiya wakabatola banyina kungánda yakwe. ²⁸ Nikwakayinda ezi Jesu, nkambo wakaziba kuti zyonse lino zyakali zyamana, akuchitila kuti malembe ayelede kuzuzikizigwa, Jesu wakati, ''Ndaaba enyota'' ²⁹ Chibikilo chakazwide wayini upanyuka chakaliwo, mpawo bakabika akasamu kakaangidwe chisana chakazwide wayini upanyuka bamutambikizya amulomo wakwe. ³⁰ Jesu nakanywa wayini upanyuka wakati ''Kwamana.'' wakalanzya mutwe aansi akupedya muuya wakwe. ³¹ Mpawo baJuda, akambo kakuti lyakali izuba lyakulibambila, akuti mibili teyakali kuchaala aachingano kuchindi chasabata ( elyo Sabata yakali mpati loko), bakakumbila Pilato kuti atyole mawulu aabo akubagwisya. ³² Mpawo basilumamba bakasika akutyola mawulu amwalumi wakutanguna awabili wabo bakabambwidwe a Jesu. ³³ Nibakasika kuli Jesu, bakabona kuti wakali wafwa kale, aboobo tebakamutyola pe mawulu akwe. ³⁴ Nikuba obo, umwi wabasilumamba wakamuyasa limwi bbazu esumu, mpawo kwakazwa iganzi amaanzi. ³⁵ Ooyo wakabona eechi wakaamba bukamboni, abukamboni bwakwe mbwakasimpe. Ulizi kuti nzyawamba ninchobeni kuchitila kuti anduwe usyome. ³⁶ Nkambo eezi zintu zyakachitika kuchitila kuzuzikizya malembe, ''Takwe nikuba limwi fuwa lyakwe litakatyolwe.'' ³⁷ Alubo, aamwi malembe aamba kuti, ''Bayolanga kulinguwe ooyo ngubakayasa.'' ³⁸ Nikwakamana ezi zintu, Josefa waku Alimatiya mbuli kuti wakali sikwiiya ( pesi mukusisikizya akuyoowa baJuda) wakakukumbila kuli Pilato kuti atoole mubili waJesu, Pilato wakamuzumizya. Aboobo Josefa wakaboola akuutola mubili waJesu. ³⁹ Nikkodimasi alakwe wakasika, nguwe wakazide kutangna kuli Jesu mansiku. Wakeeta tununkilizyo tuvwelene twamuula atwatyati, mweelwe wamuyanda umwi wampondo. ⁴⁰ Mpawo bakatola mubili wa Jesu bawuvungilizya zisani zituba atununkilizyo mbuli muchaanza chaba maJuda kukuvwikka mubili. ⁴¹ Lino mubusena mwakabambwidwe kwakali chilili, omu muchilili mwakali kabanda kakatalina kulazikwa muntu naba umwi pe. ⁴² Nkambo kakuti lyakali izuba lyakuli bambilila lyabama Juda alimwi akambo kakuti kabanda kakali afwifwi, bakamulazika mumo Jesu. front