अध्याय

Chapter 1

¹ थियफील, महाराज, येशून जे प्रेषित निवडनाल त्यासाला पवित्र आत्माने द्वारा आज्ञा केल्यावर तो वर घेतला गया, ² ते दिवस पर्यंत त्यान्ह जा जा करवानी व शिकवानी आरंभनाल ते सर्वाविषयी मय पहिला ग्रंथ करणा. ³ मरण सोसल्यानंतरही त्यान्ह त्यासाला पुष्कळ प्रमाणास आपण जिवंत आसं हाय दाखवना. चाळीस दिवसपर्यंत तो त्यासाला दर्शन देत आसं व देवने राज्यान्या गोष्टी आखता. ⁴ तो व ते एकत्र जमलं असतानी त्यान त्यासाला आज्ञा करणा की, यरूशलेम सोडी जाऊ नका, तर पितान देऊ केलेल्या जे देणगी विषयी तुम्हू मजपहिन ऐक्या त्यान्ही वाट पाहा; ⁵ कारण योहानन पाणीन बाप्तिस्मा करणा खरा; पण तुम्ह्ना बाप्तिस्मा थोडे दिवसान पवित्र आत्मान व्हइ. येशुना स्वर्गरोहन ⁶ मग ते एकत्र आसतानी त्यास त्याला विचाऱ्या, प्रभुजी, हेच काळमं आपण इस्त्राएलना राज्य पुन्हा स्थापित करणार का ? ⁷ तो त्यासाला आखणा, जा काळ व समय पितान स्वतःने अधिकारमं ठेवेल आसं ता जाणना तुम्हात्याव नाहा. ⁸ परंतु पवित्र आत्मा तुम्हावर येही तव्हा तुम्हाला सामर्थ्य प्राप्त व्हई, आन यरूशलेमम, सर्व यहुदीयाम, शोमरोनमं व पृथ्वीने शेवटापर्यंत तुम्हू मान्ह साक्षी व्हाल. ⁹ आसा आखल्यावर त्यास्ने डोळाने देखत तो वर घेतला गया; आन मेघन त्याला त्यास्ने दृष्टीआड करणा. ¹⁰ तो जात असता ते आकाशत्याव निरखी पाहत आसनलत, तव्हा पहा, शुभ्र वस्त्र परिधान केलेलं दोन पुरुष त्यास्नजवळ उभ रहीनत. ¹¹ ते आखणत, आहो गालीलकरासहो, तुम्हू आकाशत्याव कजा पाहत उभ आसत ? हाय जो येशू तुम्हापहिन वर आकाशमं घेतला गेलेला आसं तोच, तुम्हू त्याला जसा आकाशमं जातानी पाहीत, तसाच येईल. बारावे प्रेषितनी नेमणूक ¹² मग यरुशलेमने जवळ म्हणजी शब्बाथ दिवसने मजलेवर असलेले जैतूनना डोंगर म्हणलेले डोंगरवरून ते यरुशलेमला परत वन्ह्त ; ¹³ आन आल्यावर ते माडी वरचे ऐके खोलीमं गयत ; तय पेत्र, योहान, याकोब, आंद्रिया, फिलीप्प, थोमा, बर्थलंमय, मत्तय, अल्फीना मुलगा याकोब, शिमोन जीलोत व याकोबना मुलगा यहुदा हे राहत आसनलत; ¹⁴ हे सर्वजण आन त्यास्ने सह कित्येक स्त्रिया, येशुनी आई मरिया व त्यान्ह भाऊ एकचित्तान प्रार्थना करवानी तत्पर आसत. ¹⁵ ते दिवसमं पेत्र बंधूवर्गामं (सुमारे एकशे वीस माणसासने जमावमं ) उभा रही आखणा, ¹⁶ बंधूजनहो, येशूला धरी नेणाऱ्यासला वाट दाखवनारे यहुदा विषयी पवित्र आत्मान दविदने मुखावाट जा भविष्य वर्तवना ता पूर्ण व्हवाणी आगत्य आसनाल. ¹⁷ त्यान्ही आपल्यामं गणना आसनेल आन त्याला हे सेवांना वाटा मिळालेला आसनाल. ¹⁸ (त्यान आपले दृष्टाईने मजुरीन शेत विकत ल्हीना; तो पालथा पडल्यान त्यान्हा पोट मधीच फुटना, व त्यान्ह सर्व आतडी बाहेर पडणत. ¹⁹ हाय यरुशलेममं राहणारे सर्वासला कळना ; म्हणी त्यास्ने भाषामं ते शेतला हकलदमा, म्हणजी रक्तना शेत, आसा नाव पडणा आसं ) ²⁰ स्तोत्रसहींतामं आसा लिहलेला आसं :- 'त्यान्हा घर उजाड पडो, व त्याजमं कोणीही न राहो ; आन त्यान्हा हुद्दा दुसरा ल्हेवो. ²¹ म्हणी योहानने बाप्तिस्मा पहिन तर जे दिवस प्रभू येशूला आपले पहिन वर ल्हेवानी वन्हां तो पर्यंत, ²² म्हणजी तो आपल्यामं येत जात आस ते सगळे काळमं हे जे माणस आपले संगतीसोबतीम आसनलत त्यासामहित एकान आपले बरोबर त्याने पुनरुत्थानना साक्षी व्ह्यले पाहिजे . ²³ तव्हा ज्यान्हा उपनाव युस्त आसनाल तो बर्साबा आखलेला योसेफ व मत्थिया, हे दोघासला त्यासं पुढ आन्या. ²⁴ मग त्यासं आशी प्रार्थना कऱ्या : हे सर्वासना हृद्य जाणनारा प्रभू, ²⁵ हाय सेवकपद व प्रेषितपद सोडी आपले जागी गेलेले यहूदाना पद ज्याला मिळवा आसा हे दोघास पैकी तू कोण निवडना आसस ता दाखव. ²⁶ मग त्यासं त्यास्ने साठी चिठ्या टाक्या वर मत्थियानी चिट्ठी निघनी; तव्हा त्याला आकरा प्रेषितासने बरोबर गणवाणी वन्हा.

Chapter 2

पवित्र आत्माना दान ¹ नंतर पेन्टेकोष्ट म्हणजी पन्नासावा दिवस वन्हा तव्हा ते सर्व एकत्र जमनत, ² अकस्मात मोठे वाराना सुसाटनेसारखा आकाशमहित नाद व्ह्यना व जे घरमं ते बसनलत ता सर्व त्यान भरना. ³ आन वेगवेगळ्या व्हत असलेल्या अग्नीने जीभास सारख्या जीभा त्यासाला दिसन्यात व प्रत्येकावर एक एक अशा बसन्यात. ⁴ तव्हा ते सर्वजण पवित्र आत्मान परिपूर्ण व्ह्यनत आन आत्मान जस जशी त्यासाला वाचा दिन्हा तसतसे ते निरनिराळे भाषासमं बोलु लागणत. ⁵ ते वेळेस आकाशखालचे प्रत्येक राष्ट्रासमधलं भक्तिमान यहुदी यरुशलेमम राहत आसनलत. ⁶ तो नाद झाल्यावर लोकसमुदाय एकत्र व्हई गोंधळी गया; कारण प्रत्येकान त्यासाला आपआपले भाषामं बोलतानी ऐक्या. ⁷ ते सर्व आश्चर्यान थक्क व्हई आखणत, पाहा, हे सर्व बोलणार गालीली न ? ⁸ तर आपुन प्रत्येकजण आपआपली जन्मभाषा ऐकत हाय कसा ? ⁹ पार्थी, मेदी , एलामी , मेसोपटेम्या , यहुदीया , कप्पूदुकीया , पंत आसिया , ¹⁰ परुगीया, पंफुलीया , मिसर व कुरणने जवळना लीबुवा देशमं राहणार , यहुदी व यहुदीय मतानुसारी आसं रोमन प्रवाशी , ¹¹ क्रेतीय , अरब , आसं आपुन त्यासाला आपआपले भाषामं देवन महत्कृत्य आखतानी ऐकत. ¹² तव्हा ते सर्व विस्मित व्हई व गोंधळी जाई एकमेकासला आखणत, हाय का आशी ? ¹³ परंतु दुसर कित्येक चेष्टा करत आखणत , हे द्राक्षरसन मस्त व्ह्यन आसत. पेन्टेकोस्टने वेळेना पेत्रना भाषण ¹⁴ तव्हा पेत्र आकरा प्रेषितासने संग उभा रही त्यासाला मोठ्यान आखणा , आहो यहुदी लोकासहो व यरुशलेममधले रहिवाश्यासहो , हाय लक्षांम आणा व मान्हा बोलना ऐकी ल्या. ¹⁵ तुम्हाला वाट हे मस्त व्ह्यनत आसंत; पण आसा नाहा ; कारण हाय दिवसना पहिला प्रहर आसं ; ¹⁶ परंतु योएल संदेष्टान जा आखणाल ता हाय आसं. ¹⁷ देव आखं , शेवटले दिवसमं आसा व्हई की , मय मनुष्यमात्रावर आपले आत्माना वर्षाव करही ; तव्हा तुम्ह्न पुत्र व तुम्हन्या कन्या संदेश देतील , तुम्ह्ने तरुणासला दृष्टांत व्हइत , व तुम्ह्ने वृद्धासला स्वप्न पडहीत ; ¹⁸ आणखी ते दिवसमं मय आपले दासवर व आपले दासिवर आपले आत्माना वर्षाव करसुक ; म्हणजी ते संदेश देतील ; ¹⁹ आन वर आकाशमं अद्भुते , व खाली पृथ्वीवर चिन्हे , म्हणजी रक्त , अग्नी व धुम्ररूप वाफ आशी मय दाखवसु ; ²⁰ परमेश्वरना महान व प्रसिद्ध दिवस येवानी पूर्वी सूर्य अंधकारमय व चंद्र रक्तमय व्हई ; ²¹ तव्हा आसा व्हई की , जो कोणी परमेश्वरने नावन त्यान्हा धावा करही तो तरही . ²² आहो इस्त्राएल लोकासहो , ह्या गोष्टी ऐका ; नासोरी येशूने द्वारे देवन जे महत्कृत्य , अद्भुते व चिन्हे तुम्हाला दाखवना ते वरून देवन तुम्ह्ने साठी पटवलेला आसा तो मनुष्य आसनाल, यान्ही तुम्हाला माहिती आसं . ²³ तो देवने ठाम संकल्पनुसार व पूर्वज्ञानने नुसार तुम्ह्ने स्वाधीन झाल्यावर तुम्हू त्याला धरी अधर्मीसने हातान वधस्तंभवर खिळी माऱ्या ; ²⁴ त्याला देवन मरणने वेदनास पहिन सोडवी उठवना ; कारण त्याला मरणने स्वाधीन राहणा अशक्य आसनाल ²⁵ दावीद त्यान्हे विषयी आसा आख : मय परमेश्वरला आपलेपुढ नित्य पाहीना आसं ; मय ढळवा नाहा म्हणी तो मान्हे उजवीत्याव आसं ; ²⁶ म्हणी मान्हा ह्र्दय आनंदित , व मान्ही जीभ उल्लासित व्ह्यनी ; आणखी मान्हा देहही आशेवर रही, ²⁷ कारण तू मान्हा जीव अधोलोकासमं रहू देणार नाहा , आपले पवित्र पुरुषला कुजवानी अनुभव येऊ देणार नाहा. ²⁸ जीवनना मार्ग तुन्ह मला कळवना आसस ; तू मला आपले समक्षतान हर्षभरीत करहीस. ²⁹ बंधूजनहो, कुलाधिपती दावीद यान्हे विषयी मय तुम्ह्ने संग प्रशस्तपणान बोल . तो मरण पावना , पूरना गया व त्यान्ही कबर आजपर्यंत आपलामं आसं. ³⁰ तो संदेष्टा आसनाल आन त्याला ठाऊक आसनाल की, देव शपथ वाही त्याला आखणा , तुन्हे संतानमधले एकाला तुन्हे राजासनवर बसवसुक . ³¹ यान्हा पूर्वज्ञान असल्यामूळ तो ख्रिस्ताने पुनरुत्थानविषयी आसा बोलना की, त्याला अधोलोकासमं सोडी दिन्हा नाहा व त्यान्हे देहला कुजवानी अनुभव वन्हा नाहा. ³² ते येशूला देवन उठवना हे विषयी आम्हू सर्व साक्षी आसत. ³³ म्हणी तो देवने उजवे हातत्याव बसवलेला आसं , त्याला पवित्र आत्मा विषयीना वचन पिता पहिन प्राप्त झालेला आसं आन तुम्हू जा पाहत व ऐकत त्यान्हा त्यान वर्षाव करणा आसं . ³⁴ कारण दावीद स्वर्गामं चढी गया नाहा ; पण तो स्वतः आखं : परमेश्वरन मान्हे प्रभूला आखणा की , ³⁵ मय तुन्हे शत्रुसना तुन्हे पायने साठी आसन करी पर्यंत तू मान्हे उजवीत्याव बसी राहा . ³⁶ म्हणी इस्त्राएलने सर्व घरानान हाय निश्चयपूर्वक समजी घ्यावा की , जे येशूला तुम्हू वधस्तंभवर खिळी माऱ्या त्याला देवन प्रभू व ख्रिस्त आसा करी ठेवना आसं. ³⁷ हाय ऐकी त्यांस्ने अंतकरणला चुटपूट लागणी , आन ते पेत्र व इतर प्रेषित यासाला आखणा , बंधूजनहो , आम्हू का करवा ? ³⁸ पेत्र त्यासाला आखणा, पश्चाताप करा आन तुम्ह्ने पापनी क्षमा व्हावी म्हणी तुम्हू प्रत्येकजण येशू ख्रिस्ताने नावन बाप्तिस्मा ल्या ; म्हणजी तुम्हाला पवित्र आत्माना दान प्राप्त व्हई . ³⁹ कारण हाय वचन तुम्हाला , तुम्ह्ने मुलाबाळासला व जे दूर आसत ते सर्वासला म्हणजी जितकासला परमेश्वर आपला देव स्वतःत्याव बोलवी तितकासला दिन्हा आसं. ⁴⁰ आणखी त्यान्ह दुसऱ्या पुष्कळ गोष्टी आखी त्यासाला साक्ष दिन्हा व बोध करी आखणा; हे कुटील पिढी पहिन तुम्हू आपला बचाव करी ल्या . ⁴¹ तव्हा ज्यास त्याने संदेशना स्वीकार कऱ्या त्यास्ना बाप्तिस्मा व्ह्यना ; आन ते दिवस त्यासामं सुमारे तीन हजार लोकासनी भर पडनी. ख्रिस्ती मंडळीना धार्मिक जीवन ⁴² ते प्रेषितासने शिक्षणमं आन सहवासमं , भाकर मोडवानी व प्रार्थना करवानी तत्पर असत . ⁴³ प्रत्येक मनुष्याला भय वाटना ; आन प्रेषितासने हातून पुष्कळ अद्भुत कृत्ये व चिन्ह घडत आसनलत . ⁴⁴ तव्हा विश्वास ठेवणार सर्व एकत्र आसनलत , आन त्यास्ना सर्व काही सामाईक आसनाल . ⁴⁵ ते आपआपली जमीन व मालमत्ता विकी जसजशी प्रत्येकाला गरज लागती तसतसा सर्वासला वाटी देतत . ⁴⁶ ते दररोज एकचित्तान व तत्परतेन मंदिरमं जमतत , घरोघर भाकर मोडत आसत , आन देवनी स्तुती करत हर्षान व सालस मनन जेवतत . ⁴⁷ सर्व लोक त्यासाला प्रसन्न आसत आन प्रभू तारण प्राप्त होत असलेल्या माणसासनी दररोज त्यासामं भर घालता.

Chapter 3

लंघडे भिकारीला बरा करणा ¹ पेत्र व योहान हे तिसरे प्रहरी प्रार्थनाने वेळेस वरती मंदिरमं जात आसनलत . ² तव्हा जन्मापहिन पांगळा असलेला कोणीएक माणूस आसनाल ; त्याला मंदिरमं जाणारास जवळ भिक मागवानी म्हणी दररोज उचलून मंदिरने सुंदर नावने दरवाजाने जवळ ठेवत आसत . ³ पेत्र व योहान हे मंदिरमं जात आसत असा पाही त्यान भिक मागना. ⁴ तव्हा पेत्र व योहान यासं त्यासत्याव निरखून पाहीले ; आन पेत्रन आखणा, आम्हात्याव पाहा . ⁵ तव्हा त्यासापहिन काहीतरी मिळही हे अपेक्षान त्यान त्यासात्याव लक्ष लावना . ⁶ मग पेत्रन आखणा , मान्हेजवळ सोनारूपा काही नाहा ; पण जा आसं ता तुला देय ; नासोरी येशू ख्रिस्ताने नावान चालू लाग ; ⁷ आन त्यान त्यान्हा उजवा हात धरी त्याला उठवना , तव्हा त्यान पावलं व घोटे याजमं तत्काळ बळ वन्हा ; ⁸ तो उडी मारी उभा रहीना व चालू लागणा ; आन तो चालत , उड्या मारत व देवनी स्तुती करत त्यास्ने बरोबर मंदिरमं गया . ⁹ सर्व लोकास त्याला चालतानी व देवनी स्तुती करतानी पहिले ¹⁰ आन मंदिरने सुंदर नावने दरवाजाने जवळ बसून भिक मागणारा तो हायच हे त्यास ओळख्या. तव्हा त्याने बाबतीमं जा घडी वन्हा ते वरून त्यासाला फार आश्चर्य व विस्मय वाटना . पेत्रना शलमोनने देवडीवरील भाषण ¹¹ मग तो पेत्र व योहान यासाला बिलगी राहीना असता सर्व लोक आश्चर्यचकित व्हई त्यासत्याव शलमोननी देवडी नावने ठिकाणी धावत वन्हत . ¹² हात पाही पेत्रन लोकासला आखणा, आहो एस्त्राएल लोकासहो , याना आश्चर्य कजा करत ? अथवा आम्हू आपले समर्थान किंवा सुभक्तीन याला चालवानी लावेल आसं आसा समजी आम्हात्याव निरखी कजा पाहता ? ¹³ अब्राहाम , इसहाक व याकोब यास्ना देव , आपले पूर्वजासना देव , यान्ह आपला सेवक , येशू याना गौरव करेल आसं ; त्याला तुम्हू धऱ्या व पिलातन त्याला सोडी द्यावानी निश्चय केला असतानी त्यान्हे समक्ष तुम्हू त्याला नाकाऱ्या . ¹⁴ जो पवित्र व नीतिमान त्याला तुम्हू नकाऱ्या , आन खुनी पुरुष आम्हाला द्या आशी मागणी कऱ्या . ¹⁵ आन तुम्हू जीवनने अधिपतीला जीव माऱ्या ; पण देवन त्याला मेलेलेमहीन उठवना यान्हा आम्हू साक्षी आसत . ¹⁶ त्यान्हेच नाववरील विश्वासमूळ ते नावन हे जे माणूसला तुम्हू पाहता व ओळखत त्याला शक्तिमान केलेला आसं . त्यान्हे द्वारे असलेल्या विश्वासन याला तुम्हा सर्वासमक्ष ही शरीर संपती प्राप्त व्ह्यनी आसं . ¹⁷ बंधूजनहो , तुम्हू , तसाच तुम्ह्ने अधिकाऱ्यासही जा कऱ्या ता अज्ञाननेमूळ कऱ्या हाय मय जानी आसं . ¹⁸ परंतु देवन , आपले ख्रिस्तान दुख सहन करवा आसा जा सर्व संदेष्टासने मुखान पूर्वी आखलेला आसनाल त त्यान्ह ते प्रमाण पूर्ण करणा . ¹⁹ तव्हा तुम्हन पापं पुशी टाकलं जावा म्हणी पश्चताप करा व वळा ; आशेसाठी की , विश्रांतीने समय प्रभू जवळ यावा ; ²⁰ आन तुम्ह्नेसाठी पूर्वी नेमलेला ख्रिस्त येशू याला त्यान पाठवावा ; ²¹ सर्व गोष्टी पूर्वस्थितीला पोहचावनी जे काळनेविषयी देवन आरंभ पहिन आपले पवित्र संदेष्टासने मुखान आखणा ते काळपर्यंत येशूला स्वर्गामं राहावानी प्राप्त आसं . ²² मोशेनेही आखेलच आसं , प्रभू देव तुम्ह्नेसाठी मान्हे सारखा संदेष्टा तुम्ह्ने बांधवासमहीन उभा करही ; तो जा काही तुम्हाला आखही ते प्रमाणे सर्व गोष्टीसमं त्यान्हा ऐका ; ²³ आणि आसा व्हई की , जो कोणी ते संदेष्टासना ऐकणार नाहा तो लोकासमहीन अगदी नष्ट केला जाही . ²⁴ आणखी शमुवेलपहिन परंपरान जितकं संदेष्ट बोलनत तितके सर्वास हे दिवसने विषयी आख्या . ²⁵ तुम्हू संदेष्टास पुत्र आसत , आन तुन्हे संततीने द्वारा पृथ्वीतील सर्व कुळ आशीर्वादित व्हइत आसा आब्रहामशी बोली देवन तुम्ह्ने पूर्वजासने बरोबर केलेले करारनाही तुम्हू पुत्र आसत . ²⁶ देवन आपले सेवकला उठवी प्रथम तुम्हात्याव पाठवना , हे साठी की , त्यान तुम्हा प्रत्येकाला तुम्ह्ने दुष्कृत्यांस पहिन वळी जावानी आशीर्वाद देत जावा .

Chapter 4

¹ ते वेळेस काही याजक मंदिरने अंगानंम तसच काही अधिकारी ते जागावर आसतल मंदिर ना रक्षक , सदुकी आंन जे काही सभासद हे सगळेजन पेत्र आन योहान लोकास्ने संग बोलत असता त्यासक वनत ² हे लोक त्यासावर खूप रागीष्ट व्हयनत कारण हे दोन प्रेषित लोकासला येशूने बद्दल शिक्षण देत रहेनलत कि देवन येशूला मेल्यानंतर परत जिवंत करणा ³ हे लोकास पेत्र आन योहान यासाला तुरुगंम ठेव्या, रात्र झाल्यामुळे यहुदी आधीकारीन त्यासाला चोकशीने साठी ठेवना. ⁴ जे लोकास पेत्रना भाषन अयक्या त्यास येशुवर विश्वास ठेव्या आन विश्वास ठेवणार लोकसम पाचहजार लोकास्ने भर पडनी. ⁵ नंतर दुसरे दिवस मुख्य याजक व आजून काही याजक यहुदीग्रंथन शिक्षक आन यहुदिसभा संस्थामधलं लोक येरुशलेममं ऐक ठिकाणी एकत्र वनत ⁶ हन्ना मुख्या याजक, नवीन मुख्य याजक कैफा योहान आन अलेक्झादर आन मुख्यायाजकने जवळचे लोक तय आसतल. ⁷ त्यासं सैनिकासला आज्ञा करया पेत्र आन योहान यासाला खोलीमं ल्ही या आन त्यासाला आनं त्यासाला विचारू लागनत की, ते मनुसाला बरा कारवनी शक्ती कोणं दिध्या? ⁸ मग पवित्र आत्मानं पेत्र भरी त्यास्ने संग बोलू लगना, आहो इस्रायलने लोक आधीकार्रयासो आन वाडीलासो ⁹ मस्त्याव लक्ष द्या !आज हे चांगले काम ने बद्दल तुम्हु मला प्रश्न विचारत कि हाय लंगडा माणूस कसा चालू लगना , ¹⁰ तर इस्रायलसने लोकासो मला आखु द्या. तो फक्त नासोरी येशूने नावनं निट व्ह्यना आसं .आन आता तो तुम्ह्ने पुढे उभा आसं आन् त तुम्हु जोत रहित , जे येशूला तुम्हु कृसवर जीवच मारया त्याला देवनं मेलेल्यामहित उठवना. ¹¹ नासोरी येशू ख्रिस्ताने बद्दल शास्राम आखलेप्रमाणं हायच जो दगड बांधकाम करणाऱ्यास नापसंद करया तोच कोनशील व्ह्यना ¹² फक्त येशूच आपल्याला वाचवू शकतो हे जगम दुसरा कोणी माणूस नाहा. जो आपले दोषपहिन व पापपहिन वाचवू शकतं. ¹³ तव्हा यहुदी पुढारी हाय समजी गयत कि पेत्र आन योहान हे भित्र नाहा. तसच ते आडणी आन साधारण लोक असत ते कधी शाळाम शिकनत नहा. हाय ओळखी त्यासाला नवाल वाटणा आन ते येशूने संग असतत हाय पण ओळ्ख्या ¹⁴ तरी आजारमहीन नीट व्हयल माणूस पेत्र आन योहान यासनेजवळ उभा असल्यानेमुळ यहुदी पुढारी त्यास्ने विरुद्ध काहीच बोलू शकनत नाहा. ¹⁵ तव्हा येहुदी पुढार्यास राखणदारला आख्या पेत्र,योहान आन् नीट व्हयल माणूस त्यासाला खोलीमहीन बाहेर जावानी आख्या आन् ते पेत्र आन् यासने विरुद्ध विचार करत बसलनतं कारण त्यासापहीन खूप मोठा चमत्कार व्ह्यनाल. ¹⁶ ते आखत रहेनलं आपुनी हे दोन माणसासला शिक्षा करवा आशी कोणतीच चूक दिसी येय नहा, आन येरुस्लेम्म रहणारे प्रतेक मानुस्न ता नवाल वाटणारा चमत्कार जुइत तर आता आपुनी लोकासला आसा काही आखु शखत नाहा कि आसा काही चमत्कार व्हइत नाहा. ¹⁷ तरी आम्हु आशी परवानगी देऊ शकत नाहा कि त्यासं दुसरे लोकसमं येशूने नावान शिक्षण द्यावा . मग आता आम्हु त्यासाला आसा आखु तुम्हाला ज्यानं हे मानुसला आरोग्य द्यावाणी अधिकार दिन्हा. त्याने विषयी आखवणी थांबव्या नाहा. तर आम्हु तुम्हाला शिक्षा करू. ¹⁸ त्याने नंतर यहुदी पुढार्यास राखणदारला आख्या परत दोन्ही प्रेषितासला खोलीम बोलवी लीध्या आनं त्यासाला आख्या यान्हे बद्दल बोलू नका व येशुना कोणताच शिक्षण देऊ नका. ¹⁹ पण पेत्र आन योहान यासं यहुदी पुढार्यासला उत्तर दिध्या "देवने दृष्टीन चांगला का"माणसासन आदेश पाळणा का देवना,हाय तुम्हुच ठरवा. ²⁰ पण आम्हु तुम्ह्ना आदेश मानणार नाहा. जा आम्हु जुईत आन येशू पहीन जा शिक्षण ऐकित ता लोकासला आख्वानी बंद करणार नाहा. ²¹ तव्हा यहुदी पुढार्यास पेत्र आन योहान यासाला परत आख्या आज्ञा मोडू नका, पण त्यास त्यासाला शिक्षा करया नाहा; कारण सगळे येरुश्लेममधले लोकास व्हयेल चमत्कार जुई देवना गौरव करत रहेनलत. ²² आन् त्यासाला हाय माहित आसतल चालू न शकणारा माणूस कसा बरा व्ह्यना: नीट व्हयेल माणूस चाळीस वर्षेाने पेक्षा जास्त वयना आसनाल. आन तो माणूस जन्म झाल्यापहिन चलनाल नाहा. ²³ त्यानेनंतर पेत्र आन् योहान न्यायसभामहीन बाहेर वनत तेहीन दुसरे विश्वासनार्यात्याव गयत आन त्यासाला सगळा काही आख्या जो मुख्य याजक आन यहुदी पुढारी त्यासाला बोलनत ता. ²⁴ विश्वासनार्यास ता ऐकि ते सगळास सहमतीन देवने जवळ आशी प्राथना करया. हे प्रभू आकाश,पृथ्वी,समुद्र आन त्याज्म जा काही आस ते सगळासना निर्माणकरता तूच आसस. ²⁵ तव्हा पवित्र आत्मने प्रेरणान आम्ह्णा पूर्वज दावीद राजा जो तुन्हा सेवक अस्ताल.त्यानेद्वारा तुह्न हे शब्द लिह्नास. जगमधल लोक कजा खवळनत, इस्रायेलने देवने विरुद्ध व्यार्थ योजना कजा कारया. ²⁶ जगमधले राजस देवने शासका विरुद्ध लढाईनी तयारी करीत .आन त्यासाला जगमधल अधिकारी सामील व्हईत ते देवने विरुद्ध तसच त्याने निवडलेला मसिहाने विरुद्ध जमा व्हयनत. ²⁷ हाय खरा आस हेरोद पंत पिलात आन यहुदी तर आन इस्रायली लोक येशूने विरोधम उभरहित ज्याला तुम्हु मसीहा म्हणी निवडीत. ²⁸ ता तुम्हु व्ह्वू दिध्या कारण ता आगोदरच ठरवेल आसनाल. ²⁹ मग हे प्रभू आता तू लक्ष दे कि ता कशा प्रकारे आम्हाला शिक्षा दित. आन आम्हाला मदत कर जे येशुना नाव सगळासला आखत. ³⁰ तुन्हे सामर्थ्याना वापर कर महान चमत्कार ने साठी, आरोग्यानेसाठी, अध्भूत कार्यानेसाठी तुन्हा पवित्र सेवक येशूने नावंम. ³¹ जव्हा विश्वासनार्यास्नी प्रार्थना संपायनी ते ठिकाणी जागा हादरायनी आन पवित्र आत्मना त्यासाला संपूर्ण सामर्थ्या दिना देवना वचन हिम्मतन बोलावणीसाठी,आन तसा त्यास करया. ^{32 33} तव्हा विश्वासनार्यास्ना समुदाय येशुम पूर्ण समर्पित एक जीवन एक विचारना आसनाल. त्यास्ना सगळा काही समाईक आसनाल. त्यासापैकी कोनही आसा आखता नाहा,कि हाय मान्हा आस, सगळा काही समाईक आसताल. आन ते गरज प्रमाण एकमेकासम वाटी लेत असत.३३ आन प्रेषित येशू मरानमहिन उठल्याबद्दल मोठे सामर्थ्यानं दुसरासला आखतत. आन देव सगळे विश्वासनार्यासला मोठे प्रमाणवर मदत करता. ³⁴ काही विश्वासनारं आपली मालमत्ता जमीन आन स्वताना घर विकी ता सगळा पैसा प्रेषितासंक आणतत. ³⁵ आन ते प्रेषितासला देत आन प्रेषित गरजवंत विश्वासनार्यासला त्याजमहित पैसा वाटी देत. ³⁶ ते ठिकाणी योसेफ नावना माणुस आशी तो लेवी वंशना आसनाल तो कुप्र बेट महीन व्ह्नाल. त्याला प्रेषित बर्णबा आसा आखतत. यहुदी भाषम ते नावणा आर्थ दुसरासला उत्तेजन देणारा असा आसं ³⁷ त्यान आपला वाव्वार जमीन विकणा आन तिन्हा पैसा दुसरे विश्वासन्नार्यासला देवानेसाठी प्रेषितासक आन्ही दिन्हा.

Chapter 5

ह्नन्या व सपिरा ¹ हंनान्य नावना माणूस आसनाल व त्या ला साप्पिरा नवानि बायको असनेल त्या न आपली जमीन विकणा ² जमिना पैसा माहीत काही पैसा त्या न माग ठेवणा आणि प्रेशितास नै पायावर काही ठेवणा तिंन या गोष्टीला समती दिनी ³ व नंतर पेत्रान आकाना तू पवित्र आत्मिशी लबाडी करवानी सैतान तुना मन कजा भरवणा ⁴ जमीन विकवनी आदी तुनी च आसनेल न आणि विक्लावर ही ते पैसा तूनच असणल तून आपले मनम असा वाईट विचार कजा करना तून केवळ माणसाशी ना तर देवप सूद्धा लबाड बोलनास . ⁵ हनेन्या न ऐकना तवा लगेच खाली पडणा मरी गया हनेन्या न मरणा बदल जास ऐक्या ते घाबरी गयत. ⁶ जवळ नंतर काही तरुनास त्यना शरीर कापडं म गुडाळी तेला बाहेर लिजाई पुरणा. ⁷ जवळ पास तीन तासान त्यांनी बायको आत वनि मात्र तिला काय होयना माहित नसनाल. ⁸ विकी मग पेत्रान तिला हनेन्या न आणलेलं पैसा दाखवणा व विचारणा की जमीन विकी एवढ़ाच पैसा वनात का तिन उत्रर दिनि हो ऐवढालाच वनात ⁹ मग पेत्रान तिला आखना तूम्ही दोघास भयंकर चूक करीत तुमु दोघास देवना आत्मिशी लबाडी कजा करना बघा ज्यास तुने नवरा सला पुर्या तासनं पावलासना आवाज तुला ऐकू येत रहित का ते दारानजीक असत ते तूलाही ली जाईत ¹⁰ 10लगेचच साप्पिरा पेत्रान चरनावर पडिली नंतर ती तरुन मानस आत वनत आणि ती मरण पावली आसा जोहीलीयावर ते तिलाही ली गयत व तिने नवरासतय बाजूला जाई पूरी टाकनत. ¹¹ हनेन्या व साप्पिरा यासना देवन काय करना हे यरुशलेमातील विश्वास नारासऐकना ते खूप घाबरनत हे सवॅ जास जुदया ते ही खूप घाबरनत ¹² सवॅ प्रेषित लोकांसम जे पेर्चार करत रहिनलत ना सत्य आस हायदाखवनेेसााठी देवन त्या ला अनेक चमत्कार करवानी शकती देत रहेनालसवॅ वीश्वास नारे मनदीर परीसरातील शलमोनाने देवडीपनीयमित पने भेटत रहेनल. ¹³ येशूवर विश्वास न ठेवनार सवॅ लोक विश्वास नारयास ने सोबत यवानेसाठी घाबरतरहेनल मात्रं लोक तयास्ना मोठा आदर करत आसतलत ¹⁴ अनेक बाया व पुरुष यास येशूवर विश्वास ठेवन्यास सुरू वात केली तेविश्वास नार लोकांना यई भेटतत. ¹⁵ पेत्राने सावली तरी तेजवर पडावी ते बरे हवयत मनी लोक दुखहीतासला खाटवर व बीछानयावर लेई रस्त्यावर ठेवत. ¹⁶ यरूशलेम जवळील नगरातृन लोकासना मोठा समुदाय सुदधप्रेशितास ने जवळ येऊ लागना सैतान आत्मिन पीडीत व आजारी लोकासला त् घेवून येत आसनेलत व देवन ते सवाँसला बरा करना . ¹⁷ नंतर मुख्य याजक व त्या च्या बरोबर सदुकी गटामहीत सवँ सदस्य ला त्यापेशीतासना हेवा वाटू लागना. ¹⁸ मनी त्यासने मंदिराच्या पहारेकऱ्यांना आज्ञा करना कि प्रेशितास ला बंदि बनी सार्वकालीक तुरुंग्म टाका . ¹⁹ पंरतू रात्रिने वेळी येशू देवपहीत सौर्ग्दुथ तुरंगना दरवाजा उघङनत व प्रेशितास ला बाहेर आनना मग देवन दूत. ²⁰ प्रेशितास ला आखना आंगनम जा तय उभा राहा व सावँकालीक जीवना हा संदेश लोकासला सांगा . ²¹ हे ऐकून प्रेशितास पहाटने सुमारास मंदिरने आगनम वनत ते लोकासला येशुने बदल शिकवू लागनत दरमान जो याजक तयास्न सोबत जे आसनलत त्या स यहूदी मंडळाच्या सदस्य सला बोलाई लिना ते सवँ यहूदाचें पूढारी असतलत ते ऐकत्र आलेल्यावर त्यस पहारेकऱ्यांना प्रेशितास ला तुरॅगम हित आत आननआणण्यासाठी आखना . ²² पंरतु पहेकरी तुरुंगात पोहोचनल तेव्हा त्यासना असा लक्षात वना की प्रेशित तय ना तेव्हा त्यास यहुदी यासने मंडळा त्व येई कळवना , ²³ की आम्हांला दरवाजा सुरक्षित पने बंद केलेल्या आढळनत व पहारेकरी दरवाजाच्या पहारा देताना दिसनत पंरतु जेव्हा आमी तुरुंग, उघङया आणि त्या मानसासला आननया आत गयत तेव्हा त्या कोनतीही मानस तुरुंगात आत नसनलत . ²⁴ जेव्हा मंदिर ने पहारेकऱ्यांस पर्मुखनयजकन यान ऐकून त्या साला अआश्चय वटना या गोष्टीला कय ली जाई याजविषयी ते वि़चार करूलागले . ²⁵ तेव्हा कोणी तरी यवून त्या सला आखना की बघा जा मांसासला तुम्ही पकडून तुरुंगात टाकनल ते तर मंदिराच्या अंगनम उभे असुन लोकासला शिकवीत रहीत . ²⁶ मनुन पहारेकऱ्यांसने प्रेमुख अधिकारी ने सोबत मंदिरम अंगनाथ जाई प्रेशितास ला मंडळाने खोलीम आनना मात्र त्या नी त्या सला ही त्रास दिदया ना कारण लोक त्या सला दगड मार करी जीव मरीत अशी भिती आसनेल . ²⁷ मग पहारेकर्यास्ने प्रमुख्न अधिकारी त्यास्ल जमि प्रेशितास्न महासभेणे खोलीम आणल्यांर्वर त्यास मंडळीने सदस्यासमोर उभी करवानि आज्ञा कर्य्या. ²⁸ तो त्य्यासाला आखाना आम्हू तुम्हला येशू हे मानुसणे बद्दल आखू नका तरी तुम्हू मान्हे आज्ञान पालन कर्य्या न.त्याज विषयी येरुश्लेम शिकवण दिद्या. तसेच आम्हू त्याने मरणान दोषी असत. आस तुम्हू आख्वानी प्रयत्न क्रया. ²⁹ पण पेत्रान स्वात ईतर प्रेषितास मिली उत्तर दिध्या कि काय आम्हू मानुसणे पेक्षा देवणी आज्ञा पाळली पाहिजे!का नाहा? ³⁰ जे येशूला तुम्हू खांबवर माऱ्या त्याला आपले पुर्व्जास्ने देवन उठवना. ³¹ त्य्यान ईस्रायेलला पश्चाताप व पापांनी क्षमा ही देणगी द्यावानी करता देवन त्याला आपले उजवे हातम अधिपती व तारणारा आसा उच्च पद दिन्हा आस. ³² हे गोष्टी विषयी आम्हू साक्षी असत. आन देवन आपल्यासला आज्ञा पाळणाऱ्यासला जो पवित्र आत्मा दिन्हा तोही आम्ह्ना साक्ष आस. ³³ हाय ऐकी ते चीड्नत आन त्यासाला जीवच मारवाणी विचार करू लाग्न्त . ³⁴ पण सगळे लोकसम नावाजलेला गाम्लीयेल नावना एक जो परुषी आस्नो त्यान न्यायसभेम उभा रही ते माणसासला थोडा वेळ बाहेर पाठवना. ³⁵ मग त्यान त्यासाला आखणा हे इस्रायेल लोकास्व तुम्हू हे मान्सासन का कऱ्या, त्या बद्दल जपा. ³⁶ कारण काही दिवसा पहीन थुदास ने समोर इही.मे कोणीतरी आस आसा आखू लागणा. त्यावेळेस त्य्याने माग चारशे माणस गयेत तो मरी गया आणि जितके मानत आस्न्लात त्या सगळासनि पांगापांग व्ह्य्नी. त्या मूळ त्यानी योजना पुरी व्हउ शकनी नाहा? ³⁷ त्यास्ने नंतर गालीलकर यहूदा हाय कर लावानिसाठी संबंधधीत लोकास्नी नावनिशी नोंदावना. ते दिवसम तो पुढ वन्हा त्य्यान बरेचजनासला फितवना. त्यांनाही नाश व्ह्यना.जे त्याला मानतत ते सगळा सनी पांगापांग व्ह्यनी. ³⁸ यान्हे करता मे तुम्ह्ला आख कि हे मान्सास्ला त्रास देऊ नका. त्यास्नी सुटका करा. मे तुम्हाला आख कि हाय बेत किवा काम मनुष्यान योजना असल्यास कोणीतरी थांबवता व ते अपयशी व्हइ जातत. ³⁹ पण जर हाय करवाणी आज्ञा त्यास्ला देवन दिद्या असल्यास तुम्हाला त्यासाला थांबवता येणार नाहा, कारण तुम्ह्ने आसा ध्यानम इहिकी तुम्हू देवने विरुद्ध काम करत रहित. ⁴⁰ त्य्यास मंदिरने पहारेकऱ्यासला आखणा कि प्रेषितासला बोलवा व त्युआस्ला मारहाण करा. तव्हा मंदिरने पहारेकऱ्यास त्यासाला महासभेम खोलीम बोली मारहाण कऱ्या. तव्हा महासभेने लोकास त्यास्ला येशूने नावन बोलू नका,आशी ताकीत दि त्यास्ला सोडी दिद्या. ⁴¹ म्हणी प्रेषित न्य्यायसभामहित निघी गयत,ते येशून आनुयाई आसल्यामुळ लोक त्यास्ना अपमान करतात. म्हणी देव आपला सन्मान करी हाय जानी आनंद करतात. ⁴² ते नंतर दररोज प्रेशित मंदिरंम परिश्रम लेतत व निरनिराळे लोकास्ने घर शिकवतत व येशू हायच ख्रिस्त प्रभू आसं आसा आखवानी त्यास सोड्या नाहा.

Chapter 6

सात जनासनी निवड ¹ त्या काळम अनेक लोक विश्वासम येत रहेणलत बाहेरून येणार यहुदी लोकासन एस्रालीषणं बधल कुरकुर करवानी सुरवात करणत कारण त्यास्म्हेल्या विधवा बाईसला जेवण दरोज मिळता नाहा ² त्या वेळेला ते काय बोलत रयनलत ता बारा शिसष्ण येक्या तव्हा तेसन सर्व दुसऱ्या विश्वास ठेवणार सला यरुश्लेम भेटवा वाणी बोलव्या प्रेशित्सला तेसला आख्या कि देवना संदेश व शिकवण सोडी लोकसला जेवण वडवाणी हाई चागला वाट नाहा. ³ मग विश्वासणारसला काळजी पूर्वक तुम्हन्या पिएकी सात पुरुससला निवडा जेसला देवना आत्मा चालव व जे ज्ञानन परिपूर्ण आसत तव्हा आम्हु तेसाला ह़ाई काम करवानी नेमू ⁴ म्हणून आम्हु आम्हना वेळ यशुने साठी संदेस उपदेश आन प्रार्थना व शिकवानी साठी देऊ . ⁵ प्रेषित सन ते लोकसनी शिपारस करनत तेसन स्थेफंनी निवड क-या तेन्हा देवर पूर्ण विश्वास असताल त्याच प्रमाण तेसन विषस आस सात लोकसला फिल्लीप प्रखर निकापूर तीमोनी पर्मिना व निकोलोस जे अन्तिओक ह्या शहर मधून आस्थलत निकलोस यशु वर विश्वास ठेवाने आदुगर यहुदी धर्म तेन्ह स्वीकारेल असताल. ⁶ विश्वास ठेवणार ते सात मान्सला प्रेषित तास्तेव आन्या आणि तेस्न्ह्वर प्रेसितास्ने तेसन्या प्रत्येक ने साठी डोकाव्र्र हात ठुई प्राथेना कर्या व कामसनी नेमणूक करया. ⁷ मग विश्वास ठेवणार देव पासून येणारा संदेश लोकसला आख्या आनी य्रुश्लेम म्हेल्या पुष्कळ लोकसन देवने वचन वर विश्वास धर्या मग विश्वास ठेवणासनी संख्या वाढत गई तेसने मधलं लय याजक लोकसन यशु वर विश्वास धरी तेसन संदेश स्वीकारंत. ⁸ देव स्थेफ्ने द्वारा लय चिन्ह चमत्कार करत रहेनाल मग तेन्हे द्व्रारा लोकसन विश्वास धार्या कि यशु ना संदेश सत्ये आस. ⁹ मग काही लोकसन तेसाला विरोध दाखव्या काही लोकसना जमाव आसनाल तो दरोज सभास्थानं म एकत्र जमा होतत तसाच लीबित्रेन नामक लोक आनी कुर्णेकर नामक लोक शहर मधल्य लोक आनी आलेक्सांद्र आनी किल्कीया प्रांत मधल्य ते लोक स्थेफ ने बरोबर भांडण करवा नी लागंत. ¹⁰ पण ते शिद्ध करूशकनत नाहा .की ते काय चुकी ना बोलनत देवना आत्मा न त्याला बुद्धिन बोल्वानी तयार करना . ¹¹ आनी गुप्तपणे काही लोकसन चुकीनी वर्तुणूक करी स्थेफ्नला धरी देवानी प्रयत्न करण त .बकीने लोकसन आख्या की आम्हु याला मोशेने व देवने विरुद्ध बोलतांना एै क्या . ¹² मग तेसन बकीने यहुदी लोकसला स्थेफ्ने विरुद्ध पेट व्या ¹³ तेसन स्थेफ्न वर चाल करी त्याला यहूदा सने न्याय सभाम लीगयत तेसन लबाड साक्षिदार उभ कर्या तेसन आख्या.हा होय पवित्र मन्दिरणे विरुद्ध व मोशेने व देव ने तहीत आलेला परिपाठ विरुद्ध वाईट बोलत रहेनाल ¹⁴ आम्हु त्याला हाई आखताना आम्हु एैकी आसत .की नासरथना यशु ह्या मंदिरला भस्म करी व ¹⁵ नवीन शिस्त पाळला लह्वी तर तय असणार लोकसला स्थेपन तेव निव्ह्ळी जोत रहेनलत तेन्हा मुख देव दुतसना सारखा दिसणा.

Chapter 7

स्तेफनना भाषण ¹ प्रमुख याजक आखणा , ह्या गोष्टी आशाच आसत का ? ² तव्हा तो आखणा : बंधूजनहो व वडिलासहो , ऐका . आपला पूर्वज आब्राहाम हरान प्रांतमं जाई राहवानेपूर्वी मेसोपटेम्या देशमं असता गौरवशाली देवन त्याला दर्शन दी आखणा , ³ तू आपला देश व आपलं नातलग सोडी मय तिला दाखवसू ते देशमं चाल . ⁴ तव्हा तो खासद्यासने देशमहीन निघी हारानम जाई रहीना; मग त्याना बाप मेल्यावर देवन त्याला तेथून काढी सध्या तुम्हू रहत ते देशमं आणना ; ⁵ पण त्याजमं त्याला वतन दिन्हा नाहा , पाउलभर देखील जमीन दिन्हा नाहा ; त्याला मुलबाळ नसनाल तरी हाय देश त्याला व त्याने माघ त्याने संततीने स्वाधीन कायमना करवानी अभिवचन देवन त्याला दिन्हा . ⁶ देवन आणखी आसा आखणा की , त्यान्ही संतती परदेशमं जाई उपरी व्हई आन ते लोक त्यासाला दास करी चारशे वर्ष जाचतील . ⁷ जे राष्ट्राने दास्यामं ते आशीत त्याना परिपत्य मय करसूक , आसा देवन आखणा ; आन ते नंतर ते तेथून निघी मान्हि सेवा हे स्थळी करहित . ⁸ त्याने त्याला सुंताना करार लावी दिन्हा ; हाय करार झाल्यावर अब्राहामला इसहाक व्ह्यना ; त्यानी त्यान्ह आठवे दिवस सुंता करणा ; मग इसहाकला याकोब व्ह्यना व याकोबला बारा कुलपती व्ह्यनत . ⁹ नंतर कुलपतीस हेवामूळ योसेफला मिसर देशमं विकी टाक्या ; पण देव त्यान्हे बरोबर आसनाल , ¹⁰ त्यान त्याला त्यानेवरील सर्व संकटमहित सोडवना आन मिसर देशना राजा फारो याने दृष्टिन कृपापात्र व ज्ञानी आसा करणा ; म्हणी फारोन त्याला मिसर देशवर व आपले सर्व घरवर अधिकारी नेमना . ¹¹ मग सर्व मिसर व कनान हे देशमं दुष्काळ पडी त्यासावर जबर संकट वन्हा आन आपले पूर्वजासला अन्न मिळेनासा व्ह्यना . ¹² तव्हा मिसर देशम धान्य आस आसा ऐकी याकोबन तुम्ह्ने आम्ह्ने पूर्वजासला पहिले खेपेला पाठवना . ¹³ मग दुसरे खेपला योसेफन आपले भावासला ओळख दिन्हा ; आन योसेफना कुळ फारो राजाला कळना . ¹⁴ तव्हा योसेफन , आपला बाप याकोब व आपले सगळ नातलग म्हणजी पंचाहत्तर माणस यासाला बोलावी ल्हीना. ¹⁵ हे प्रमाण याकोब मिसर देशमं गया आन तय तो व आपले पूर्वजही मरण पावनत ; ¹⁶ त्यासाला शखेमांम ल्ही गयत आन जी कबर अब्राहांमन शखेमाम ह्मोराने पुत्रासपहिन रोख रुपय दी विकत घेतलेली आसनेल तिजमं त्यासाला पूरना . ¹⁷ मग देवन अब्राहामला जा अभिवचन दिन्हाल ता पूर्ण व्हवानी समय जसजसा जवळ वन्हा तसतसे ते लोकं मिसर देशमं वाढी संख्यान पुष्कळ व्ह्यनत . ¹⁸ योसेफनी माहिती नसलेला आसा दुसरा राजा मिसर देशने गादीवर बसे पर्यंत आसा चालना . ¹⁹ तो राजा आपले लोकासने बरोबर कपटन वागणा आन त्यास्न बाळक जगवा नाहा म्हणी ती बाहेर टाकी द्यावानी त्यान्ह त्यासाला भाग पाडणा ; आसा त्यान आपले पूर्वजासला छळना . ²⁰ ते काळम मोशेना जन्म व्ह्यना . तो देवने दृष्टीन आतिशय सुंदर आसनाल ; त्यान्हा पालनपोषण तीन महिनापर्यंत त्यान्हे बापने घर व्ह्यना ; ²¹ मग त्याला बाहेर टाकी द्यावानी वन्हा असता फारोने कन्यान त्याला ल्ही आपला पुत्र म्हणी त्यान्हा संगोपन केले . ²² मोशेला मिस्त्री लोकासने विद्याना सर्व शिक्षण मिळणा आन तो भाषण व कृतीमं पराक्रमी आसनाल . २३ ²³ मग तो जवळजवळ चाळीस वर्षांना व्ह्यना तव्हा आपलं बांधव म्हणजी इस्त्राएलनी संतान यान्ही भेट घ्यावा आसा त्याने मनमं वन्हा . २४ ²⁴ तव्हा मोशेन त्यातील कोणाएकावर अन्याय होत आसं आसा पाहि हे जाचलेले माणूसना कैवार ल्हीना आन मिसरीला मारी त्यान्हा सूड उगवना . ²⁵ तव्हा देव त्यान्हे हातून त्याने बांधवासनी सुटका करत आसं हाय त्यासाला समजना आशी आसा त्याला वाटना , पण ता त्यासाला समजना नाहा . ²⁶ मग दुसरे दिवस कोणी भांडत असता तो त्यास्ने पुढ यी उभा राहीना व त्यास्नी समजूत काढवाने साठी त्यासाला आखणा , गृहस्थासह , तुम्हू भाऊबंद आसत एकमेकासवर अन्याय कजा करत ? ²⁷ तव्हा जो आपले शेजारीवर अन्याय करत आसनाल तो त्याला ढकली दी आखणा , तुला आम्हावर अधिकारी व न्यायाधीश कोण करीत ? ²⁸ काल तुन्ह मिसरीला ठार मारणा तसा मलाही मारवानी पाहस का ? ²⁹ हे शब्द ऐकताच मोशे तेथून पळी गया आन मिद्यान देशम उपरी व्ह्यना ; तय त्याला दोन मुलग व्ह्यनत . ³⁰ मग चाळीस वर्ष भरल्यावर सिनाय पर्वतने रानमं ऐके झुडूप मधले अग्नीज्वलांमं एक देवदूत त्याने दृष्टीला पडणा . ³¹ हाय दृश्य पाही मोशेला आश्चर्य वाटना आन ता का आसं हाय पाहवाने साठी जवळ गया ; तव्हा प्रभूनी वाणी व्ह्यनी की , ³² मय तुने पूर्वजासना देव , अब्राहामना , इसहाकना व याकोबना देव आस. तव्हा मोशे थरथर कापणा व त्याला तिकड पाहवानी धैर्य व्ह्यना नः . ³³ कारण प्रभून त्याला आखणा , तू आपले पायमधलं जोड काढ ; कारण तू जे जागावर उभा आसस ती पवित्र भूमी आसं . ³⁴ मिसर देशमं मान्हे लोकासनी विपत्ती मय खरोखर पाहीना आसं , त्यास्न हुंदक मय ऐकना आसं आन त्यासाला सोडी ल्हेवाने साठी मय उतरना आसं , तर आता चाल , मय तुला मिसर देशला पाठव . ³⁵ तुला अधिकारी व न्यायाधीश कोण कऱ्या , आसा आखी जे मोशेला त्यासं झिडकारला आसनाल , त्यालाच , झुडूपमं दर्शन झालेले देवदूतने हस्ते , देवन अधिकारी व मुक्तिदाता म्हणी पाठवणा . ³⁶ त्यान मिसर देशमं , तांबडे समुद्र व रानमं चाळीस वर्ष अद्भुत कृत्य करी व चिन्हे दाखवी ते लोकासला बाहेर नेले . ³⁷ तोच मोशे इस्त्राएल लोकासला आखणा, परमेश्वर तुम्ह्ने बांधवास महित मान्हे सारखा संदेष्टा तुम्ह्ने साठी उत्पन्न करही . ³⁸ रानमधले मंडळीमं सिनाय पर्वतवर त्यानेसंग बोलणारे देवदूतनेबरोबर आन आपले पूर्वजासने बरोबर जो आसनाल तो हायच होय ; त्यालाच आपल्याला द्यावाने साठी जिवंत वचन मिळनत ; ³⁹ त्यान्हा ऐकवानी आपले पुर्वाजसनी इच्छा नसनेल ; तर त्यासं त्याला धिक्काऱ्या व आपला मन मिसर देशत्याव फिरवी ⁴⁰ ते अहरोनला आखणत , आम्ह्ने पुढ चालहित आस देव आम्हाला करी दे ; कारण ज्यान्ह आम्हाला मिसर देशमहित आणना ते मोशेना का व्ह्यना हाय आम्हाला कळ नाहा . ⁴¹ मग ते दिवसमं त्यासं वासरूनी मूर्ती बनव्या व तीन्हे पुढ यज्ञ करी आपले हातने कृती बद्दल आनंदोस्तव कऱ्या . ⁴² तव्हा देवन त्यासात्याव पाठ फिरवना आन त्यासाला आकाशमधले सेनागणातील पूजा करवानी सोडी दिन्हा ; हे विषयी संदेष्टासने पुस्तकमं लिहलेला आंसं : हे इस्त्राएलने घराना तुम्हू चाळीस वर्ष अरण्यांमं बलिदान व यज्ञ मला कऱ्या का ? ⁴³ मोलखाना मंडप व रेफान दैवतना तारा म्हणजी पुजवाने साठी तुम्हू ज्या प्रतिमा कऱ्या त्या तुम्हू उचली घेतल्या ; मय पण तुम्हाला बाबेलने पलीकडे ल्हीजाई ठेवसूक . ⁴⁴ तू जा नमुना पाहीना ते प्रमाण साक्षीना मंडप कर , आसा ज्यान मोशेला आखणा त्यान नेमलेप्रमाण तो मंडप रानमं आपले पूर्वजासना आसनाल . ⁴⁵ जे राष्ट्र देवन त्यास्ने समोरून घालवना त्यास्ना देश आपले पूर्वजास आपले ताबामं घेतला , तव्हा तो मिळालेला मंडप त्यासं यहोशवाबरोबर ते देशमं आणला आन दावीदने काळ पर्यंत परंपरान तसाच ठेव्या . ⁴⁶ दावीदवर देवनी कृपादृष्टी व्ह्यनी आन त्यान याकोबने घरांनासाठी वस्तीस्थान मिळवानी विनंती करणा , ⁴⁷ आन शलमोनन त्यान्हे साठी घर बांधणा . ⁴⁸ तथापि जो परात्पर तो हातास बांधलेले घरमं राहाय नाहा ; संदेष्टास आखलेला आसं : ⁴⁹ परमेश्वर आखं , आकाश मान्हां राजसन आसं ; पृथ्वी मान्हां पदासन आसं ; तुम्हू मान्हे साठी कशाप्रकारणा घर बांधणार ? किंवा मान्हे विसावाना स्थान कोणता ? ⁵⁰ मान्हे हातान ह्या सर्व वस्तू केलेल्या नाहात का ? ⁵¹ आहो ताठ मानने आन हृदयनी व काननी सुंता न झालेले लोकासहो तुम्हू तर पवित्र आत्माला सर्वदा विरोध करत ; जसं तुम्ह्न पूर्वज तसं तुम्हूही . ⁵² ज्याना पाठलाग तुम्ह्ने पूर्वजास कऱ्या नाहा आसा संदेष्टासमं कोणी व्ह्यना का ? ज्यास ते नीतिमान पुरुषने आगमन विषयी पूर्वी आख्या त्यासाला त्यासं जीव माऱ्या आन आता त्याला धरी देणार व जीवं मारणार तुम्हू निघन आसत . ⁵³ आशे तुम्हाला देवदूतने योगे योजलेले नियमशास्त्र प्राप्त व्ह्यल आसनाल ; पण तुम्हू ता पाळ्या नाहा . स्तेफनना मृत्यू ⁵⁴ त्याना हाय भाषण ऐकणाऱ्यासने अंतकरणला इतका झोबना की ते त्याजवर दात ओठ खाऊ लागनत ; ⁵⁵ परंतु पवित्र आत्मान पूर्ण व्हई त्यान्ह आकाशत्याव निरखी पाहीना तव्हा देवना तेज व देवने उजवीत्याव येशू उभा असलेला त्यान्हे दृष्टीला पडणा ; ⁵⁶ आन त्यान आखणा , पाहा , आकाश उघडलेला व मनुष्याना पुत्र देवने उजवीकडे उभा असलेला मला दिसत आसं. ⁵⁷ तव्हा ते मोठान ओरडी व कान बंद करी एकजूटन त्यान्हे अंगवर धावी गयत . ⁵⁸ मग ते त्याला शहरने बाहेर घालवी दगडमार करू लागनत ; आन साक्षीदारास आपलं वस्त्र शौल नावने ऐके तरुणने पायजवळ ठेव्या . ⁵⁹ ते दगडमार करत आसता स्तेफन प्रभुना धावा करत आखणा , हे प्रभू येशू , मान्हे आत्माना स्विकार कर . ⁶⁰ मग गुडग टेकी तो मोठ्यान ओरडना , हे प्रभू , हाय पाप त्यासात्याव मोजू नको . आसा बोली तो झोपी गया .

Chapter 8

ख्रिस्ती लोकासना छळ आन त्यास्नी पांगापांग ¹ नंतर काही भक्तीमान पुरुषसास स्तीफानला पुऱ्या आण त्यास त्य्यानेसाठी मोठा दुख करया . तेच दिवस लोकास येरुशलेमन रह्णारे विश्वास्नार्यास्ना छळ सुरु करया. ² म्हणी येरुशलेम मधले बरेच विस्वाशी यहुदिया आन शोमरोन मधले सगळे प्रदेशम पंगायनत, येरुशलेम फक्त प्रेषित रहेनत. ³ ते जव्हा स्तीफानला ठार मारत रहेनलत, इकड शौल स्तीफनने मुर्त्युला सहमती देत रहेनाल.आन शौल सुद्धा विश्वासी लोकास्ने समुदायला नाश करवानी प्रयत्न करत रहेनाल, तो एक-ऐके घरम जाई श्रीयासला आन पुरुषासला जे येशूवर विश्वास ठेवतत त्यासाला वढी आणी तुरुंग्म टाकतत. शोमरोनम फिलीप ⁴ जे विश्वासी येरुशलेम सोडी आजुबाजुने वेगवेगळे भागम पांगायनल ते येशुना सारख आखतत. ⁵ त्यास्नेपैकी फिलीप नावना एक विश्वासी येरुशलेम महीन खाली शोमरोन शहरमं यी येशूच ख्रिस्त आस आसा लोकासला आखता. ⁶ बरेच लोकास फिलिपन आखेल शब्द ऐक्या आन तो करत आसलेल भरपूर चमत्कार जोध्या म्हणी ते सगळाश एक मतानं त्याने शब्दासक ध्यान दिद्या. ⁷ उदाह्र्नार्थ फिलिपन अशुद्ध आत्मासला आज्ञा दिना, लोकासमहित निघी जा ते थरथरत लोकासमहित बाहेर निघनत, आन भरपूर लखवान रोगी नीट व्हयनत आन भरपूर लंगड निट व्हयनत. ⁸ ते नगरमधल लोक खूप आनंदीत व्हयनत. शिमोन जादुगार ⁹ तय शिमोन नावना एक माणूस रहता ' तो खूप दिवस पहिन जादू करता'.आन सामारीयातील लोकासला आपले जादून चकित करत आस. शिमोन कोणी मोठा आसं आसा दाखवता. ¹⁰ साधारण असाधारण लोक त्याना ऐकतत. आन आखतत कि देवनी महान शक्ती ती हीच आसं. ¹¹ आन बरेच काळपहिन त्यान आपले जादूगरीन त्यासाला थक्क करनाल म्हणी ते त्यासक लक्ष देतत. ¹² जव्हा त्यास फिलिपने संदेशवर विश्वास ठेव्या जी सुवार्ता येशुविषयी आसतेल. जा देव येशूने द्वारे स्वाताला प्रगट करणार अस्ताल.जे स्री पुरुषास विश्वास ठेवेल त्यास्ना बाप्तिस्मा व्ह्यना. ¹³ फिलिपन आखेल वचनवर शिमोन स्वता विश्वास ठेवी बाप्तिस्मा लिन्हा.तो फिलीपने संग ऱ्हायना होत असलेल्या चिन्हासमूळं आश्चर्य करू लागना. फिलिपने द्वारे होणारं कार्य खरं बोलतत. शोमरोनम पेत्र आणि योहान ¹⁴ जेव्हा येरुशलेममधले प्रेषितासं ऐक्या कि शमरोन जिल्हा मधले बरेच लोकास देवने संदेशवर विश्वास ठेव्या. तव्हा त्यासं पेत्र आन योहानला तय पाठव्या. ¹⁵ जव्हा पेत्र आन योहान शमरोनला पोहोचनत,त्यास प्रार्थना करया कि नवीन विश्वासनार्यास पवित्र आत्मा मिळवा. ¹⁶ हाय स्पष्ट व्ह्य कि तो पर्येन्त पवित्र आत्मा कोन्हावरच वन्हाल नाहा. त्यास फक्त प्रभू येशूने नावम बाप्तिस्मा लीध्याल. ¹⁷ तव्हा पेत्र आणी योहानन त्यासावर हात ठेवणा, आन त्यासाला पवित्र आत्मा मिळणा. ¹⁸ शिमोनन जोयन्हां किं प्रेषितास लोकासवर हात ठेवल्यामुळे पवित्र आत्मा दिल्हा जाय म्हणी त्यान प्रेशितासला देवानेसाठी पैसा आणना. ¹⁹ आन आखणा तुम्हू जा करत रहित ता करावणीसाठी मला योग्य करा, यान्हेंसाठी ज्यासाव्र्र मय हात ठेवसुक त्यासाला पवित्र आत्मा मिळवा. ²⁰ पण पेत्रान त्याला आखणा, तू आनं तुने पैसासना नाश व्हावा, कारण तूनं देवना दान पैसासनं लेवानी प्रयत्न करणास ! ²¹ आम्हू जा करत रहित त्याजम तू आम्न्ह्ने संग काम करू शकत नाहा, कारण तुन्हां अंतकरण देवनेबरोबर चागला नाहा ! ²² म्हणी वाईट विचार सोडी दे, आन देवला विनंती कर, जर त्यानी इच्छा आसनी तर जा तुन्ह वाईट कारवानी अंतकरणम विचार करीत, त्यानी क्षमा करई . ²³ कारण तू अतिशय कटुताम व अनीतीने बंधनम आसस आसा मला दिसं . ²⁴ तव्हा शिमोन उत्तर दिन्हा ,'तुन्ह आता जा आखनास ता त्यान करवा नाहा म्हणी देवनि प्रार्थना कर !” ²⁵ नंतर पेत्र आन् योहान यास आपली साक्ष लोकासला आखया , जा त्यास येशूला करताना जोध्या अन त्यास देवना संदेशह त्यासाला आख्या. मग ते येरुश्लेमला परत गयत, पत्र येतान अनेक शोमरोनी गावम त्यास येशुनी सुवार्था आख्या. फिल्लीप्प व हबशी षंढ ²⁶ एक दिवस देवना दूत जा देवन पाठवणाल फिलिपला आज्ञा दिन्हा बोलना. त्यान आखणा , तयार व्ह आन दक्षीणकड जा, येरुशलेमवरीन गाजाकड जाणारे रास्तान जा, तो रास्ता वाळवंटमहीन जाय. ²⁷ मग फिलीप तयार व्ह्यना, मग तो ते रास्तान गया. रास्तामत्याला इथीओपीना माणूस भेटना ,ता माणूस इथिओपीने राणीकडं मोठे पद्वर अधिकारी म्हणी अस्ताल आन तो राणीने खाजीनासना प्रमुख अस्ताल. त्यास्ने भाषम लोक त्यासाला राणी काद्के आखतत , ता माणूस येरुशेमला उपासना कारवानी गया. ²⁸ आन तो आपले घर चालनाल आन त्याने रथम बसनाल , ता रथम बशी यशया संदेष्टाना पुस्ताक वाचत रयनाल. ²⁹ देवने पवित्र आत्मान फिलिपला आखना ते रथने जवळ जा. ³⁰ मग फिलिफ ते रथने जवळ पळत गया, तव्हा तो अधिकारी यशया संदेष्टाना पुस्ताक वाचत रयनाल ता ऐकनाल. त्यान त्याला आखाना तुम्हू जा वाचत त्याना आर्थ कळं का? ³¹ आधीकारीनं फिलिपनं उत्तर दिन्हा, मला कोणीतरी उत्तर दिल्याशिवाय कसा समजणार? नंतर त्यान लिपला आखना, कृपया वर ये आन् मान्हे बाजूला बस. ³² पवित्र शास्त्रामधला जो भाग तो अधिकारी वाचत रयनाल ता पुढीलप्रमाणं आसनाल, वध करावानी नेत असलेले मेंढरूसारखा तो शांत आसनाल. लोकर कातरनाऱ्याने पुढ गप रहनाऱ्या मेंढरुसारखा तो आसतल. ³³ तो लज्जित व्ह्यना, त्याना न्याय व्ह्यना नाहा. ते वेळ्ना वर्णन कोण करही, कारण तो मरणा त्याना पृथ्वीवरील आयुष्य संपनाल. ³⁴ आधीकारीने फिलिपला विचारणा, विनंती कारण, मला आखा हाय वचन भविष्यवक्ता कोणने बद्दल आख, तो स्वाताने बद्दल लिह का दुसरे कोणनेबद्दल. ³⁵ तव्हा फिलीप त्याने संग बोलना, त्यान शास्राराने सुरवातीपहिन करी येशूने बद्दल सुवार्ता आखणा. ³⁶ ते जव्हा रस्तान प्रवास करत रहीनलत, तय पाणी अस्ताल, तय गयत. नंतर आधीकारीनं फिलिपला आखाना, ज्वा हुथी काही पाणी आसं आण मान्ही इच्छा आसं तुन्ह मला बाप्तिस्मा द्यावा कारण मला बाप्तिस्मा लेवानेसाठी काही आडचन आसं का. ^{38 37} तव्हा अधिकाऱ्यान रथ थांबवाणी आखना तव्हा दोघही फिलीप आन अधिकारी पाणीम उतरणत आन फिलिपनं त्याला बाप्तिस्मा दिन्हा. ³⁹ ते जव्हा पानीने बाहेर वनत, तव्हा अचानक परमेश्वरने आत्माने त्यासाला वेगळा करणा. अधिकारीन फिलिपला परत जोयन्हां नाऐ त्यान हा, पण अधिकारी आनंद करत तो आपले रस्तान परत वन्हा. ⁴⁰ आपुनी अजोत नगरमं असत आसा फिलिपला दिशी वन्हां, आन पुढजात असताना जे गाव वनत तय सुवार्ता आखात कैसरियाम पोह्चना.

Chapter 9

शौलना पालट ¹ शौल आजूनही प्रभुने शिष्यासला धमकी देणा व त्यासना घात करणा हे विषयीना फुत्कार टाकत आसनाल . ² त्यान प्रमुख याजकत्याव जाई त्याजपहिन दिमिष्कामधले सभास्थानासला आसं पत्र मागना की , तो मार्ग अनुसरणार पुरुष किंवा स्त्रिया कोणही त्याला आढळल्यास त्यान त्यासाला बांधी यरुशलेमला आणवा . ³ मग जाता जाता आसा व्ह्यना की , तो दिमिष्काने जवळ यी पोहचणा ते वेळेस अकस्मात त्याने सभोवती आकाशमहित प्रकाश चमकना . ⁴ तव्हा तो जमीनवर पडणा आन त्यान आशी वाणी आपणाबरोबर बोलतानी ऐकना की , शौला , शौला , मान्हा छळ कजा करस ? ⁵ तव्हा त्यान आखणा , प्रभू , तू कोण आसस ? त्यान आखणा , जे येशुना तू छळ करस तोच मय आसं ; ⁶ तर उठ व नगरमं जा , म्हणजी तू का करवा हाय तुला आखवानी यी . ⁷ त्याने बरोबर जे माणसं जात आसनलत ते स्तब्ध उभं रहीनत . त्यासं वाणी ऐक्या खरी पण त्यास्ने दृष्टीला कोण पडणा नाहा . ⁸ मग शौलला जमीन वरून उठव्या तव्हा त्यान डोळ उघडना , तो त्याला काही दिसेना ; तव्हा त्यासं त्याला हाती धरी दिमिष्कामं लीद्या . ⁹ तय तो तीन दिवस आंधळानेसारखा व्ह्यना व त्यान काही अन्न पाणी लिन्हा नाहा . दिमिष्काम शौल ¹⁰ इकड दिमिष्कामं हनन्या नावना कोणी एक शिष्य आसनाल ; त्याला प्रभू दृष्टांतम आखणा ; हनन्या ! त्यान आखणा , का , प्रभू ? ¹¹ प्रभू त्याला आखणा उठी नीट नावने रस्तावर जा आन यहूदाने घर तारसकर शौल नावने मनुष्याना शोध घे ; कारण पाहा , तो प्रार्थना करत आसं ; ¹² आन आपल्याला पुन्हा दिसवा म्हणी हनन्या नावना एक मनुष्य आपणावर हात ठेवत आसं आसा त्यान पाहिलेला आसं . ¹³ तव्हा हनन्यान उत्तर दिन्हा , प्रभू , यरुशलेममधले तुन्हे पवित्र जनासना हे माणूसन किती वाईट करणा आसं हाय मय पुष्कळजनास पहिन ऐकेल आसं ¹⁴ आन येथेही तुन्हां नाव घेणारे सर्वासला बांधवा आसा मुख्य याजक पहिन त्याला अधिकार मिळणा आसं . ¹⁵ परंतु प्रभून त्याला आखणा , जा ; कारण परराष्ट्रीय , राजे व इस्त्राएलनी संतती यास्नेसमोर मान्हा नाव घेऊन जावाने साठी तो मान्हा निवडलेला पात्र आसं ; ¹⁶ आन त्याला मान्हे नावने साठी किती दुखं सोसावा लागी हाय मय त्याला दाखवसु . ¹⁷ तव्हा हनन्या निघणा आन ते घर गया ; आन त्याजवर हात ठेवी आखणा , शौल भाऊ , तू वाटान येत आसता जे प्रभून म्हणजी येशून तुला दर्शन दिन्हा , तुला परत दृष्टी यावी व तू पवित्र आत्मान परिपूर्ण व्हावा म्हणी मला पाठवेल आसं . ¹⁸ तत्क्षणी त्याने डोळावरून खपलीने सारखा काही पडणा व त्याला दृष्टी वन्ही आन त्यान उठी बाप्तिस्मा ल्हीना . ¹⁹ मग अन्न घेतल्यावर त्याला शक्ती वन्ही . हे नंतर तो दिमिष्कामधले शिष्यासने बरोबर काही दिवस रहीना , ²⁰ आन त्यान लागलेच सभास्थानमं येशूविषयी घोषणा करणाकी , तो देवना पुत्र आसं . ²¹ तव्हा सर्व ऐकणार विस्मित व्हई आखू लागनत , हाय नाव घेणारासना ज्यान यरुशलेममं नाश करणा तोच हाय नाहा का ? आन त्यासाला बांधी मुख्य याजकत्याव ल्हीजावा म्हणीच हाय येथे वन्हाल न ? ²² पण शौलला तर अधिक अधिक सामर्थ प्राप्त व्हत गया आन येशू हायच ख्रिस्त आसं आसा सिद्ध करी तो दिमिष्कामं राहणारे यहुदी लोकासला कुंठीत करत रहीना . ²³ आसा बराच दिवस चालना ; तव्हा यहुदी लोकांस त्याला ठार मारवानी मनसुबा कऱ्या ; ²⁴ पण त्यास्ना तो कट शौलला समजणा . त्यासं तर त्याला मारवाने साठी रात्रंदिवस वेशीवर पाळत ठेवलेली आसनेल; ²⁵ परंतु त्याने शिष्यास रात्रीने वेळी त्याला ल्हीजाया व पाटीतून गावकूसवरून खाली सोडी उतरनत . यरुशलेम व तार्स येथे शौल ²⁶ मग तो यरुशलेममं वन्हा आन शिष्यासबरोबर मिळणा मिसळावनी प्रयत्न करू लागणा ; परंतु हाय शिष्य आसं आसा त्यास्ना विश्वास नसलेमूळ ते सर्व त्याला भीत आसनलत . ²⁷ तव्हा बर्नबा त्याला ल्ही प्रेषितासत्याव वन्हा आन त्याला वाटमं प्रभुना दर्शन कसा व्ह्यना , प्रभू त्यानेबरोबर कसा बोलना आन येशूने नावान दिमिष्कामं त्यान धैर्यान कसा भाषण करणा हाय सर्व त्यान त्यासाला आखणा . ²⁸ तो यरुशलेमम प्रभू येशूने नावान धैर्यान बोलत त्यास्नेबरोबर जात येत आसत ; ²⁹ शिवाय तो हेल्लेणी यहुद्यासबरोबरही बोलत आसं व वादविवाद करत आसत ; म्हणी ते त्याला मारवानी प्रयत्न करू लागनत . ³⁰ बंधूजणासला हाय समजल्यावर त्यासं त्याला कैसरियामं ल्ही गयत व पुढ तार्सास पाठव्या . ³¹ अशे प्रकारे सर्व यहुदीया , गालील व शोमरोन हे प्रदेशमधले मंडळीला स्वस्थता मिळणी , आन तिनी उन्नती व्हई ती प्रभूने भयमं व पवित्र आत्माने समाधानमं चालत असता वाढत गयी. लोद येथे ऐके रोगीला बरा करवानी येय मग ³² आसा व्ह्यना की , पेत्र चहूकडे फिरत आसता लोद गावमं जे पवित्रजण राहत आसनलत त्यासात्यावही गया . ³³ तय त्याला ऐनेयास नावना एक मनुष्य आढळना ; त्याला पक्षघात झालेमुळ तो आठ वर्ष अंथरूनला खिळलेला आसनाल . ³⁴ त्याला पेत्रन आखणा , ऐनेयास , येशूख्रिस्त तुला बरा करत आसं , उठ व स्वतः आपला अंथरून नीटनेटका कर . तव्हा तो तत्काळ उठणा . ³⁵ त्याला पाही लोद व शारोन येथील रहिवासी प्रभूत्याव वळनत . दुर्कस ³⁶ यापोमं टबीथा उर्फ दुर्कस हे नावनी कोणी एक शिष्या आसनेल ; ती सत्कृत्य व दानधर्म करवानी तत्पर आसत . ³⁷ पुढ आसा व्ह्यना की , ते दिवसमं ती आजारी पडी मरण पावनी ; तव्हा त्यासं तिला आंघोळ घाली माडीवरचे खोलीमं ठेव्या . ³⁸ लोद यापोने जवळ असलेमूळ पेत्र तय आसं आसा जव्हा शिष्यास ऐक्या तव्हा त्यासं दोघा जणासला पाठवी त्याला विनंती कऱ्या की , आम्हात्याव यावानी उशीर करू नका. ³⁹ तव्हा पेत्र त्यास्ने बरोबर गया . तो तय पोहचताच त्यासं त्याला माडीवरचे खोलीमं ल्ही गयत ; त्यानेजवळ सर्व विधवा रडत उभ्या रहीन्यात आन दुर्कस त्यास्ने बरोबर आसनेल तव्हा ती जे अंगरख व जे वस्त्र करत आसे ती त्यासं त्याला दाखव्या; ⁴⁰ पण पेत्रन ते सर्वासला बाहेर काढणा आन गुडघ टेकी प्रार्थना करणा ; मग कुडीत्याव वळी आखणा , टबिथे , उठ . तव्हा तिन्ह डोळ उघडनी व पेत्रला पाही उठी बसनी . ⁴¹ मग त्यान तिला हात दी उठवना ; आन पवित्र जनासला व विधवानासला बोलवी त्यास्ने पुढ तिला सजीव आसा उभा करणा . ⁴² हाय सर्व यापोमं माहित व्ह्यना ; आन पुष्कळास प्रभूवर विश्वास ठेव्या . ⁴³ नंतर आसा व्ह्यना की , तो यापोमं शिमोन नावने कोण ऐके कातडा कमवणारे चांभारने तय बराच दिवस रहीना .

Chapter 10

पेत्र व कर्नल्य ¹ कैसरिया येथे कर्नल्य नावना कोणी एक परुष इटलिक म्हणलेले पलटणमं शताधीपती आसनाल . ² तो नीतिमान व आपले घरानातले सर्वाससह देवना भय बाळगणारा , लोकास फार दानधर्म करणारा व देवनी नित्य प्रार्थना करणारा आसा आसनाल . ³ त्यान दिवसने सुमारे तिसरे प्रहरी दृष्टांतमं आसा स्पष्टपणे पाहीना की , आपल्यात्याव देवना दूत येत आशी कर्नल्या , आशी हाक मारत आसं . ⁴ तव्हा तो त्यासत्याव निरखी पाही भयभीत व्हई आखणा , का , महाराज ? त्यान त्याला आखणा , तुन्हा प्रार्थना व तुन्ह् दानधर्म देवने समोर स्मरणार्थ आलेला आसत . ⁵ तर आता यापोस माणस पाठव आन शिमोन नावने माणूसला बोलवी आन ; त्याला पेत्रही आखत . ⁶ तो शिमोन नावने कोणा ऐके कातडा कमवणारे चांभारनेतय उतरेल आसं ; त्यान्हा घर समुद्राने किनारी आसं . ⁷ जा देवदूत त्याने संग बोलत आसनाल तो निघी गेल्यावर त्यान आपले घरचे दोघा चाकरासला व आपले हुजुरीमधले ऐके धार्मिक शिपायाला बोलवना ; ⁸ आन त्यान्हे जवळ सर्व सविस्तर आखी त्यासाला यापोला पाठवणा . ⁹ ते दुसरे दिवस वाटवर असता गावने जवळ येत आसत तो दोन प्रहरने सुमाराला पेत्र प्रार्थना करवानी धाबावर गया ; ¹⁰ तव्हा त्याला भूख लागी काही खावासा वाटना ; आन जेवणनी तयारी होत आसं इतकामं त्याना देहभान सुटना ¹¹ तव्हा आकाश उघडलेला व मोठे चांदवासारखा चार कोपर धरी सोडलेला एक पात्र पृथ्वीवर उतरत आसं आसा दृष्टांत त्याला व्ह्यना ; ¹² त्याजमं पृथ्वीवरील सर्व चतुष्पाद , सरपटणारे जीव व आकाशमधलं पाखर आसनलत. ¹³ मग त्यान आशी वाणी ऐकना की , पेत्र , उठ , मारी खा . ¹⁴ पेत्रन आखणा , नको , नको , प्रभू ; कारण निषिद्ध आन अशुद्ध आसा काही मय कधीही खाल्लेला नाहा . ¹⁵ मग दुसऱ्यांदा आशी वाणी व्ह्यनी की , देवन जा शुद्ध केलेला आसं ता तू अशुद्ध मानू नको . ¹⁶ आसा तीन वेळा व्ह्यना आन लागलाच ता पात्र वर घेतला गया . ¹⁷ आपण पाहिलेले दृष्टांतना आर्थ का असावा हे विषयी पेत्र विचारमं पडणा असता , पाहा , कर्नल्यान पाठवलेलं माणसं शिमोनना घर शोधल्यावर दरवाजाने जवळ यी उभं रहीनत ; ¹⁸ आन त्यासं हाक मारी विचाऱ्या , शिमोन पेत्र येथे पाहुणा उतरणा आसं का ? ¹⁹ पेत्र ते दृष्टांतने विषयी विचार करत आसता आत्मा त्याला आखणा , पाहा , तीन माणसं तुन्हा शोध करत आसत ; ²⁰ तर उठ , खाली ये आन काही संशय न धरता त्यास्ने बरोबर जा ; कारण मह्यच त्यासाला पाठेवल आसं . ²¹ पेत्र ते माणसासत्याव खाली यी आखणा , पाहा , ज्यान्हा तुम्हू शोध करत आसत तो मय आसं ; तुम्हू कोणते कारणने मूळ येथे वनत ? ²² त्यासं आख्या , कर्नल्या श्ताधीपती हाय नीतिमान मनुष्य आशी देवना भय बाळगणारा आसं आन सर्व यहुदी लोक त्यान्हे विषयी चांगली साक्ष देत . त्याला पवित्र देवदूतन सुचवलेला आसं की ,आपल्याला घरी बोलावी आपणापहिन संदेश ऐकावा . ²³ मग त्यान त्यासाला आत बोलावी त्यास्ना पाहूनचार करणा . दुसरे दिवस पेत्र त्यास्ने बरोबर निघणा आन यापो मधले बंधूजनासपैकी कित्येक त्यान्हे बरोबर गयत . ²⁴ तिसरे दिवस तो कैसररियाला पोहचना तव्हा कर्नल्य आपले नातलगासला व इष्टमित्रासला जमवी त्यान्ही वाट पाहत आसनाल. ²⁵ पेत्र आत जात असता कर्नल्य त्याला सामोरा गया आन त्यान्ह त्याने पाया पडी त्याला नमन करणा ; ²⁶ पण पेत्र त्याला उठवी आखणा , उभं राहा ; मय पण मनुष्यच आसं . ²⁷ मग तो त्याने बरोबर बोलत बोलत आत गया , तव्हा त्याला पुष्कळ लोक एकत्र जमलेलं दिसनत . ²⁸ त्यान त्यासाला आखणा , तुम्हाला माहितच आसं की , यहुदी मनुष्यान अन्य जातीने मनुष्यने बरोबर निकट सबंध ठेवणा किंवा त्याजत्याव जाणा येणा ठेवणा हाय त्यान्हे रीतीरिवाजने विरुद्ध आसं ; तथापि कोणाही मनुष्याला निषिद्ध किंवा अशुद्ध म्हणवा नाहा आसा देवन मला दाखवलेला आसं ; ²⁹ म्हणी मला बोलावल्यावर मय काकु न करता वन्हा आसं . तर मय विचार , तुम्हू मला कशासाठी बोलवीत ? ³⁰ तव्हा कर्नल्यन आखणा , आज चार दिवस व्ह्यनत , मय आपले घर तिसरे प्रहरी प्रार्थना करत आसनोल ; तव्हा पाहा , तेजस्वी वस्त्र परिधान केलेला एक पुरुष मजपुढ उभा रही आखणा , ³¹ कर्नल्या तुन्ही प्राथना ऐकवानी वन्ही आसं आन देवने समोर तुन्हे दानधर्माना स्मरण करवानी वन्हा आसं ; ³² तर यापोस कोणाला पाठवी पेत्र म्हणलेला शिमोन याला बोलवी आन ; तो समुद्रने काठी कातडी कमवणारे शिमोन चांभारने घर पाहुणा आसं . ³³ म्हणी मय माणसासला आपल्यात्याव तत्काळ पाठवणा . आपण वनत हाय बरा कऱ्या . तर आता प्रभून जा काही आपल्याला आज्ञापिला आसं ता ऐकवा म्हणी आम्हू सर्वजण येथे देवने समोर हजर आसत . पेत्रना भाषण ³⁴ तव्हा पेत्रन बोलवानी आरंभ करणा : ³⁵ देव पक्षपाती नाहा , हाय मला पक्का ठाऊक आसं ; तर प्रत्येक राष्ट्रामं जो त्यान्ही भीती बाळग व ज्यान्ह कृत्य नैतिक आसत तो त्याला मान्य आसं . ³⁶ येशू ख्रिस्त (तोच सर्वासना प्रभू आसं ) याने द्वारा देवन शांतीने सुवार्तानी घोषणा करतानी आपला जा वचन इस्त्राएलने संततीला पाठवणा ता हाय . ³⁷ योहानन बाप्तिस्मानी घोषणा केल्यानंतर गालीलपहिन प्रारंभ व्हई सर्व यहुद्यासमं घडलेली गोष्ट तुम्हाला तर माहितच आसं . ³⁸ नासोरी येशूला देवन पवित्र आत्मना व सामर्थ्याना अभिषेक करणा ; तो सत्कर्मे करत व सैतानने सत्ता खाली असलेले सर्वासला बरा करत फिरणा ; कारण देव त्याने बरोबर आसनाल ; ³⁹ आन त्यान यहुदयासने देशमं व यरुशलेमम जा काही करणा ते सर्वासना साक्षी आम्हू आसत . त्यासं त्याला खांबवर टांगी माऱ्या ; ⁴⁰ त्याला देवन तिसरे दिवस उठवना व त्यान्ह प्रगट व्हावा आसा करणा . ⁴¹ तरी हाय प्रकटीकरण सर्व लोकासला नाहा , पण जे साक्षी देवन पूर्वी निवडना ते आम्हाला करणा ; ते आम्हू तो मेलेलेमहित उठल्यावर त्यान्हेबरोबर खाना पिणा कऱ्या . ⁴² त्यान आम्हाला आशी आज्ञा करणा की , देवन नेमलेला आसा जिवंतासना व मेलेलासना न्यायाधीश तो हाच आसं . ⁴³ त्याजवर विश्वास ठेवणारे प्रत्येकाला त्याने नावान पापासनी क्षमा मिळही आशी साक्ष सर्व संदेष्ट त्यान्हे विषयी देत . परराष्ट्रीयासवर पवित्र आत्मा उतर व त्यासना बाप्तिस्मा व्ह्य ⁴⁴ पेत्रना हाय भाषण चालू असतानीच वचन ऐकणारे सर्वासवर पवित्र आत्मा उतरना . ⁴⁵ मग परराष्ट्रीयासवरही पवित्र आत्माना दानना वर्षाव व्ह्यना आसं आसा पाही पेत्र बरोबर आलेले विश्वास ठेवणार व सुंता झालेले सर्व लोकासला आश्चर्य वाटना ; ⁴⁶ कारण त्यासं त्यासाला अनेक भाषासमहीन बोलतानी व देवनी थोरवी गातानी ऐक्या . ⁴⁷ तव्हा पेत्रन आखणा , आम्हाला मिळणा तसा पवित्र आत्मा ज्यासाला मिळणा आसं त्यास्ना बाप्तिस्मा व्हावा नाहा म्हणी कोणाच्यान पाणीनी मनाई करवही ? ⁴⁸ मग येशू ख्रिस्ताने नावान त्यास्ना बाप्तिस्मा आशी त्यान आज्ञा करणा . तव्हा काही दिवस राहावा म्हणी त्यासं त्याला विनंती कऱ्या.

Chapter 11

पेत्रना आत्मसमर्पण ¹ प्रेषितास व यहुदीया प्रांतमं असलेले बंधूजणास आसा ऐकना की , परराष्ट्रीयासही देवना वचन ग्रहण करणा . ² मग पेत्र यरुशलेमला गया तव्हा सुंता झालेले लोकं त्याने बरोबर वाद घालू लागनत की , ³ सुंता न झालेले माणसास त्याव जाई त्यास्नेबरोबर तुम्हू जेवणत . ⁴ तव्हा पेत्रन अनुक्रमान सविस्तर आखवानी सुरवात करणा: ⁵ मय यापो नगरमं प्रार्थना करत आसनोल ; तव्हा देहभान सुटी मय आसा एक दृष्टांत पाहीना की , एक पात्र उतरना व ता मोठे चांदवासारखा चार कोपर धरी आकाशमहित सोडलेला आसा मान्हे पर्यंत वन्हा ; ⁶ त्यजत्याव मय न्याहाळी पाही विचार करत आसनोल तो पृथ्वीवरला चातुस्पाद , श्वापद , सरपटणार जीव व आकाश मधलं पाखर मान्हे दृष्टीला पडण ; ⁷ आन मय आशी वाणी मान्हे बरोबर बोलतानी ऐकना की , पेत्रा , उठ ; मारी खा ; ⁸ परंतु मय आखणा नको , नको , प्रभू ; कारण निषिद्ध किंवा अशुद्ध आसा काही मान्हे तोंडमं आजून कधी गया नाहा . ⁹ मग दुसरांदा आकाशमहित वाणी व्हई ती मला आखणी , देवन जा शुद्ध करीत ता तू अशुद्ध मानू नको . ¹⁰ आसा तीनदा व्ह्यना ; नंतर ती अवधी पुन्हा आकाशमं वर ओढली गयी . ¹¹ इतकामं पाहा जे घरमं आम्हू आसनलत त्यान्हेपुढ कैसरियामहित मजत्याव पाठवलेलं तीन माणस यी उभं रहीनत . ¹² तव्हा आत्मान मला आखणा की काही संशय न धरता त्यास्ने बरोबर जा . मग हे सहा बंधूही मान्हे बरोबर वन्ह्त आन आम्हू ते माणूसने घर गयत . ¹³ त्यान आम्हाला आखणा की मय आपले घर देवदूत उभा रहिलेला पाहीना . तो आखणा यापोस कोणाला तरी पाठवी पेत्र म्हटलेला शिमोनला बोलावी आन ; ¹⁴ ज्याने योगे तुन्हां व तुन्हे कुटुंबना तारण व्हई आशा गोष्टी तो तुला आखही . ¹⁵ मय बोलू लागना तो , जसा आरंभी आपल्यावर तसा त्यासावरही पवित्र आत्मा उतरना ¹⁶ तव्हा प्रभून आखलेली गोष्ट मला आठवनी , ती आशी की , योहान पाणीन बाप्तिस्मा करता हाय खरा ; परंतु तुम्ह्ना बाप्तिस्मा पवित्र आत्मान व्हई . ¹⁷ जव्हा आपुन प्रभू येशू ख्रिस्तावर विश्वास ठेव्या तव्हा जसा आपणास तसा त्यासही देवन सारखाच दान दिन्हा ; तर मग देवला आडवणार आसा मय कोण ? ¹⁸ हाय ऐकी ते उगे रहीनत आन देवना गौरव करत बोलनत , तर मग देवन परराष्ट्रीयासही जीवन मिळवा म्हणी पश्चताप बुद्धी दिन्हा आसं . परराष्ट्रीयासमहीन झालेली ख्रिस्ती मंडळी ¹⁹ स्तेफनवरून उद्भवलेले छळनेमूळ ज्यास्नी पांगापांग व्ह्यल आसनेल ते फिनिके , कुप्र व अंत्यूखिया येथपर्यंत फिरी यहुद्यासला मात्र देवना वचन आखतत . ²⁰ तरी त्यास्ने पैकी कित्येक कुप्री व कुरेनेकर आसनलत ; ते अंत्यूखियामं यी प्रभू येशुनी सुवार्ता हेल्लेणी लोकासलाही सांगू लागनत . ²¹ तव्हा प्रभुना हात त्यास्ने बरोबर आसनाल आन पुष्कळ लोक विश्वास धरी प्रभूत्याव वळनत . ²² त्यास्ने विषयीना वर्तमान यरुशलेमने मंडळीने कानी वन्हा तव्हा त्यांस बार्णबाला अंत्यूखियाला पाठ्व्या ²³ तो तय पोहचल्यावर देवनी कृपा पाही हर्षित व्ह्यना ; आन त्यान ते सर्वासला बोध करणा की धृढनिश्चयान प्रभूला बिलगी रहा . ²⁴ तो चांगला मनुष्य आसनाल , आन पवित्र आत्मान व विश्वासन पूर्ण आसनाल ; तव्हा प्रभूला पुष्कळजण मिळनत . ²⁵ नंतर तो शौलना शोध करवानी तार्सास गया . ²⁶ त्याना शोध लागल्यावर त्यान त्याला अंत्यूखियाला आणना . मग आसा व्ह्यना की , त्यासं तय वर्षभर मंडळीमं मिळीमिसळी बरेच लोकासला शिकव्या ; आन शिष्यासला ख्रिस्ती हाय नाव पहिलान अंत्यूखियामं मिळणा . बार्णबा व शौल यरुशलेमला जात ²⁷ ते दिवसमं यरुशलेममहित अंत्यूखियाला संदेष्ट वन्ह्त . ²⁸ तव्हा त्याजमधले अगब नावने मनुष्यान उठी आत्माने योगे सुचवना की , सर्व जगमं मोठा दुष्काळ पडणार आसं . (हाय दुष्काळ क्लौद्याने वेळेस पडणा .) ²⁹ तव्हा प्रत्येक शिष्यान निश्चय कऱ्या की , यहुदीयामं राहणारे बंधूजणासने मदतने साठी यथाशक्ती काही पाठवावा ; ³⁰ ते प्रमाण त्यासं कऱ्या , म्हणजी ते बार्णबा व शौल यास्ने हाती वडीलवर्गात्याव पाठवी दिद्या.

Chapter 12

हेरोद्न केलेला छळ आन पेत्रनी बन्दिवास महित सुटका ¹ तेच काळम हेरोद 'आग्रीपा ;राजन वीस्वासी लोकास्म्ध्ले काही पुढारीसला आटक करणा 'सैनिकास त्यासाला तुरुगम टाक्या .हाय त्यास वीस्वासी लोकासला त्रास द्यावा नी साठी करया ² त्यान एक सैनिकला आज्ञ करणा की प्रेषित योहान ने मोठे भाऊ सला जा प्रेषित याकोब आस ;त्यांना मुडका कापवानी ;आन त्यास ता करया ; ³ हेरोद्न जोयना की हेरोदिसला हाय आवडणा ;म्हणी त्यान पेत्राला सुद्धा अटक करवा नी हुकुम दिना ;हाय ते आनदाने वेळी घडणा 'तेवेळी येहुदी लोक बीन खमीर न्या भाकरी खातत ; ⁴ पेत्राला आटक केल्यावर जे लम टाक्या पेत्राना पाहरा कार्वानिसाठि चार सैनिक गटास ला हुकुम दिद्या ;प्रतेक गटम चा र सैनिक अस्तल्त व्ल्डान सन स्पल्य्य्वर येवूदी लोकासने समोर पेत्राना न्याय कर्वानी हेरोद्नी यो जना असतेल. ⁵ पेत्र भरपुर दिवस तुरुगम अस्ताल ;पण ते गटम धले दुसर वीस्वासी 'येरुस्लेम्न देवक पेत्राने सुटका ने साठी काकुळतीने प्रार्थना करत रय्णाल ;पेत्राला जेलम ठेव्या ;पण मडळी सारखी पेत्रानेसा ठि देवक प्राथना करत रयनल . ⁶ पेत्रालासार्वजनास मार्वानी कट असल्यानेमूळ आदले रात्री पेत्र दोन सैनीकासने मधी साखळीला बधी झोपनाल ;बकीन दोन सैनिक जेलने दारपन पहारा देत रहेन्ल ; ⁷ अचानक देवकडचा एक स्वरग दूत इ पेत्राने जवळ उभा रहीना 'आन ते कोठडी मन प्रकास चम्काय्ना 'स्वर्ग दूत पेत्राला हलवणा व त्याला उटवना आन आखन''लवकर उट ''जव्हा पेत्र उट त रहीणाल तव्हा त्याने हात मधला साखळदडगळी पडणा ;पण पारेक्र्य्सला का व्हत रहित हाय माहीत नस्ताल . ⁸ मग स्वर्ग दूत त्याला आख ना 'आपला कमरबद बाद आन पायमन वाहणा घाल तसाच पेत्राण करणा 'नतर स्वर्ग दूत त्याला आख ना तू आपला अंगरखा घाल आन माने माग ये ⁹ म्हणी पेत्राण अंगरखा आन पायम वाहणा घालणा आन स्वर्गदूतने माघमाघ तुरुग्म्हीन बाहेर वना 'पण हाय खर च घडत रहित ते काही चालत वनत मग अचानक स्वर्ग दूत अंतर धान पावना 'त्याला असा वाटणा की तो सपान मचआस '. ¹⁰ अन स्वर्ग दूत दारवर पाहरा देणारे पाहारेक्र्यस्फ्हीन चालत वनत ;पण ता ते पाहरेक्र्य्सला दिसणा नाहा ''मग ते नगरम उघडे दरवाजाप न वनत 'मग एक रस्ताने अंतर्वर चालत आल्यावर स्वर्ग दूत अचानक द्रुष्टी आड वहीना ¹¹ मग पेत्राला समजणा तो सपान जोय नाहा तर ता खरोखर घडणा 'त्यान आखणा मला हाय समजणा की देवन मला सोड्वानेसाठी स्वर्ग दूत पाठवणा 'हेरद्न वाईट योज्नाम्हीन मला सोडवणा अन येहुदिसने पुढाऱ्यासने अपेक्षा प्रमानदेवन होऊ दिना नाहा .' ¹² जव्हा पेत्राण ध्यानम वना का देवन त्याला सोडवीत तव्हा तो मरीयाने घर गया मार्क हाय आडनाव अस्ताल ते योहानी ती आईस अस्तेल भरपूर विश्वास नार तय असतल देवन पेत्राला मद्द कर्वाने साठी ते प्रार्थना करत रहीणाल. ¹³ पेत्राण बाहेरचा दार वाजवणा 'तव्हा रूंदा नावणी एक सेवक मुलगी दारम कोण आस ता जवानी बाहेर वणी ''. ¹⁴ तव्हा पेत्राण तिला उत्तर दिना ;तीन पेत्रान आवाज ओळख नी 'पण तीलाखुप आनद झाल्यने मूळ तिन्ह दार उघडणी नाहा ;तर ती मधी पळत गयी आन दुसरे विश्व सनार्यासला आणखी पेत्र दारपन उभा आस .' ¹⁵ त्यासाम्ध्ले एकान आखणा 'तुला याड लागीत पण तिन्ह निचित विश्व ;सन आखणी हाय खरा आस पण ते आखतच रहीनत ''कदाचित तो त्याना दूत आसयी ¹⁶ पण पेत्र दारच ठोकत रहीना मग जव्हा शेवटी कोणतरी दार उघड्या 'तव्हा पेत्राला जुई त्यासाला खूप आचर्य वाटणा . ¹⁷ पेत्रान इशारान शांत रहवानी आखणा मग देवन त्याला तुरुग्म्हीन कसा सोडवणा ता त्यान सविस्तर आखणा 'आण त्यान गट प्रमुखयाकोबला आन दसरे विश्वास नार्यसला हाय आखवानी लावणा 'मग पेत्र नतंर निघी गया. ¹⁸ 'दुसरे दिवस अगदी पाहाठीच जे सीपायी पेत्रावर राखण असतल ते घाबरायी गयेत'कारण त्यासाला माहीत नस्ताल का त्यांना का व्ह्यीत्त.' ¹⁹ जव्हा हेरोद्न त्याने बद्दल ऐकणा 'तव्हा तो 'खूप रागवाय्ना म्हणी त्यान सीपायासला आज्ञा दिना तुम्हू जाई कोणतेही हालम अढळानयना नाहा. ²⁰ 'तव्हा जे पहारेकरीस पेत्रावर पाहारा ठेवेल 'त्यासाला हेरोद बोलणा 'आण त्यासाला मारी टाखवानी आज्ञा करणा 'त्याने नंतर हेरोद येहुदिसने भागम्हीन खाली कैसऱ्याला शहरमगया ते जगावर तो काही दिवस रहीना.'' ²¹ नंतर नेमलेले दिवस हेरोद राजवस्त्र घाली आसनवर बसना आन जमलेले लोकासने पुढ भाषण करू लागणा . ²² जे लोक त्यांना ऐकतत त्यासपरतपरत जोरजोरान ओरडी गोधळ करया अरे 'हाय जा काही बोलत रहित ती कोण्ही मनुष्य वाणी नाहा 'तर ती देवणी वाणी वाटत रहित.' ²³ पण हेदोद्न देवणी स्तुती प्रशसा न करता लोकास्क्डून स्वाताननी बडाई करी लिह्ना म्हणी लगेच देवने द्वारे एक स्वर्ग दुतला हेरोद्ला भयन्कर पीडित कर्वानी साठी पाठवणा त्याना परीणाम खूप मुग्य स्द्द्वारे त्याने आतड्य सला चा खानम वनाम्हणी तो जगावरच लय वहीवळी मरण पावना. ²⁴ विश्व स्नारेस्ने द्वारे देवनसंदेश सारखाचअनेक वेगवेगळे भागम 'लोकसम आखल्या जाता ;आन अनेक लोक जे येशूवरविश्वश ठीवतत त्यासनी संख्या लगातर वाढत रहीणाल . ²⁵ जव्हा पौल 'आण बर्नबा यास येहुदा भागम्ध्ले यहुदी विश्व ;स्नारास्नेसाठी म्द्त्ने करता गोळा करेल दान त्यासक पोहोच 'कर्वानी काम सपल्या वर त्यास येरुस्लेम सोड्या आन सिरिया भागमधले अन्तोखीया शहरंम पोहोचनात 'त्यासने सग योहोनाला लीद्या 'पण त्यांना खरा नाव मार्क अस्ताला '

Chapter 13

अंत्यूखिया येथील ख्रिस्ती मंडळी ¹ सिरिया प्रांताम अत्यु खियास मधीले विश्वास नारेस ज्या लोकासला येशुने बदल शिकवाना तय बार्णबा शिमोन निग् लूक्य सिरियाकर जो हेरोद राजाने बरोबर वाढना तो मनायल आणि शौल सन्देशटा असणल . ² ते उपवास आणि प्रार्थना करतत तेव्हा त्या स ाबार्णबा व शौल वर हात ठुई प्रार्थना करी बोलना . ³ देव तुम्हाला मदत करो त्या नंतर त्या सला पाठना तवा पवित्र आत्मयान त्या साला आज्ञा देई आखना . ⁴ मग कय जावानी ह्या पवित्र आत्मयान बार्णबा सला शौल यासाला सुचावना मग ते अत्यंखुयाम हित सलुकिया शहरम समुद्र त्या व जाई तय जहाज न कफाच्या बेटवर गयत . ⁵ मग ते सलामत असता यहूदयासने सभा स्तान म गयत तिथ त्यास येशू देवने वचनासनी घोषणा करया योहान मार्क हाही त्या ला मदत करत आसतलत . ⁶ मग तय पफेसने बेटावर चालत गयत तिथ त्यासला बर्यशु नाव ना जादूगार भागभेट ना तो यहुदी व खोटा सदेशटा असताल . ⁷ तो तेथला सुभ्यदार सिगँ य पौल जो बुद्धी मान मनुष्य यासने सोबत असताल ह्या सुभेदार न बर्नबा व शौल यासाला बोलवा नी पाठवले कारन त्या सला देवना वचन ऐकवानी इच्छा व्यनी . ⁸ तथापि अलिम जादूगार त्यंना नावना अथँ हाच आस त्या न त्या ससाला आड़वना येशुवर विश्वास ठुवानी ना म्हणी त्यन सुभेदारला पटवानी प्रयत्न करना . ⁹ तेव्हा शौलशहारासने महित गलतिया प्रांताम पोहचल्यावर ते शब्बाथ दिवशी सभासथा नम जाई बसनत . ¹⁰ अरे सर्व कपटन व सर्व लुच्चेगिरीन भरलेले सैतानने पोरा , अवघे नितीमत्वाने वैऱ्या , तू प्रभुना सरळ मार्ग विपरीत करवानी सोडी देणार नाहा का ? . ¹¹ तर पाहा , प्रभुना हात तुला अनुकूल आस , तू आंधळा व्हइस , व काही वेळपर्यंत तुला सूर्य दिसणार नाहा. तत्क्षणी त्याजवर धुकं पडलेसारखा व्हई त्याने डोळासला अंधारी वन्ही ; तव्हा आपल्याला कोणतरी हात धरी न्यावा म्हणी तो इकडे तिकडे माणसासना शोध करू लागणा . ¹² तव्हा जा व्ह्यना ता पाही ते सुभेदारन प्रभूने शिक्षणवरून आश्चर्य करी विश्वास ठेव्या. पिसिदियामधले अंत्यूखियामं पौलन यहुद्यासला केलेला उपदेश ¹³ मग पौल व त्याने सोबतीन लोक पफेहून तारवामहित पंफूल्यातील पीर्गा येथे गयत , आन योहान त्यासाला सोडी यरूशलेमला परत गया . ¹⁴ नंतर ते पीर्गा येथून निघी फिरत फिरत पिसिदियातील अंत्यूखियाला पोहचनत ; ¹⁵ आणि कोणरी मोशेने नियमशास्त्रम जा लेहेल आस ता मोठ्यान वाचना व तसाच पुढ़ दुसऱ्या एकाने जे संदेशटयास लिहिलेला असनाल ता वाचा आणि त्यानंतर यहुदी पूढ़ारयास पौल आणि बार्णबा यासाला संदेश पाठवना यहुदी मिंत्रास सआो तूमने पैकी कोणाला या ठिकाणी बोलवानी आस तर त्यासाला वुत्तेजन द्या आाता आम्हांशी बोला . ¹⁶ मग पौल उभा रहेना व हाथ खूनवत आखु ला़गना लोक त्याना आवङीन ऐकत रहेनत मग त्यान आखना इस्रायेल मित्रासवो यहुदी तर देवने उपासकासओ कुपया माना ऐका . ¹⁷ इस्रायेल ज़े देवनी उपासना करतत त्यान आमने पुवँ जांसला निवड़ना आणि बहुगूनीत करना जे वेळेस ते मिसराने परकीय भूमिम रहेनलत देवन समर्थथ्यान गोष्टी करी त्यासला दाश्य गृहा महीत बाहेर काढ़ना . ¹⁸ जरी त्यास आज्ञेना पालन करना ना तरी देवन त्यासनी चाळिस वषँ रानम काळजी लिना . ¹⁹ त्यान कनान देशम राहत असलेल्या सात लोकासना गट तयार करना आणि ती भूमी इस्रायेली लोकाला कायम वतन म्हणी दिना . ²⁰ ह्या सवँ गोष्टी साड़ेचारशे ने वषाँ पहीतघङल्या नंतर ते कनान देशम वनत . ²¹ त्या नंतर देवन इस्रायेली लोकासला सेवेनेसाठी न्याय धीश नेमना . ह्या पुढारयस लोकासने करता पूढे नियम चालू ठेवना आणि संदेषटा शमूवेल ला शेवट पंयँत न्याय धीश नेमी दिदया . मग शमुवेल ते ठिकाणी पुढारी आसनाल लोकास राज्यानी मागणी करना देवन शौलला निवडना किशयाना पुत्र जो बन्यामीन वंशामहित आसनाल व्हय राजा व्ह्यना. त्यान सुमारे चाळीस वषँ राज्य करना . ²² त्या नंतर देवन शौलला राजा म्हनी निवडना देवन आखना मय यशयाना पुत्र दाविद राजाला जोयल आस तो माने इच्छाने सारखा वागनारा आस तो माने इच्छा प्रमानच करणार . ²³ दाविदान कुळमहित देवन ऐका मनुष्या ला पाठवना त्याना नाव येशु आस तो इस्रायेल लोकासला तारवानी वना आस त्यान अभिवचन दाविदाला व त्याने पूर्व जासला दिणा त्याप्रमान. ²⁴ येशुन त्यांना काम पुरा करण्याआधी बाप्तीसमा करनार योहानला पुढ पाठवना तो इस्रायेल लोकासला उपदेश करता त्यान त्यासला आखना आपले पापी स्वभव पहीत माग फिरी देवप क्षमा मागवानी नंतर त्यान त्यासना बाप्तिस्मा करना. ²⁵ जे काम देवन योहानला दिनाल ता काम पूर्ण करवानेसाठी त्यान आखना तुम्हला आस वाटत रहित की मै मसिहा आस जानेविषयी देवन तुम्हाला वचन ना का दिनाल ना मै तो नाहा पंरतु ऐका मसिहा लवकर येणार आस तो मानेपेक्षा महान आस त्याना पायबंद सोड़वानी मै योग्य ना. ²⁶ इस्रायेल लोकासव तूम्हू जे आब्राहाम वंशज आसत आणि यहुदी तर लोक जे देवनी उपासना करतत कृपया ऐका आम्हने प्रत्येकानेसाठी देवना संदेश आस कि प्रकार लोकासना तारन करवानी . ²⁷ जे लोक यरूशलेम रहितत आण त्यासना सत्ताधारी आसनाल त्यास येशु जो मनुष्य जातीसला तारवानेसाठी देवन त्याला पाठवना पंरतु त्यास त्याला ओळख्या ना मग प्रत्येक शबाथने दिवस संदेशटयान मोठ्यान संदेश आखना तो त्यासला समजता ना की संदेष्टयान मसिहाने बदल काय लेहिल आस त्यानेमुळ यहुदी लोकास येशुला मरण दंड़ देवानी शिक्षा ठरवना यानेबदल संदेशटयास आधिच आखेल आसनाल . ²⁸ अनेक लोकास येशुवर चुकीना आरोप लावतत त्याला हिनवतत पंरतू ते सिद्ध करू शकले ना कि ज्या दृवार तो पात्र आसनाल त्यास जो पिलात सुभेदार आसनाल त्यान येशुला मरणदंड़ द्या असाा त्याला कळव्याल . ²⁹ त्यास येशुने बरोबर अनेक गोष्टी करया ज्या संदेष्टयास अनेक वषीँ पहीत आधीच लिही ठेवनाल की येशुला वधस्तंभावर दित त्याला खिळ माराइत नंतर त्याना शरीर वधस्तभावरीत खाली उतरी कबरम ठेवना . ³⁰ तथापि देवन त्याला मरणा महित उठवना . ³¹ अनेक दिवस तो त्याने अनुयायासला दिसना ते गालिल महित व यरूशलेम महित वनलत ज्यास त्याला जुदया ते लोकास त्यानेबदल आखवानी लागनत . ³² तर आता आम्हू सूवाँ तेनी ही घोषणा करत रहीत आम्हाला तुम्हासला आखवानी आस की देवना जा वचन आम ने पूर्व जासला दिदया ता पूर्ण करना आस . ³³ आन ते आता आमनेसाठी जे आम्हू त्या न वंशज आसत त्यान आमनेसाठी पूर्ण करणा आस आण जे यहुदी न्हात त्यासनेसाठी सुद्धा हे कारणानेसाठी की येशुन सदैव जिवंत रहवानी आस जसा दवीदन दूसरे सोत्रम येशुने बदल असा लेहेल आस की तु माना पुत्र आस . ³⁴ देवन येशुला मरणामहित उठवना आण तो पुन्हा मरणार ना त्याला अनुसरी देव यहुदी पूर्वजांशी की मै तुम्हासला खात्रीन मदत करसूक जसा मै दावीदला वचन दिदयाल तसा मै तुम्हाला देय . ³⁵ दावीदन त्याने ऐक सोत्रम मसिहाने बदल आखना तु तूने पवित्र पुरूषाला कुजवानी अुनभव येवू देणार ना . ³⁶ तर या सोत्रम तो स्वता ने बदल बोल ना . ³⁷ पंरतु देवन येशुला मरणामहित उठावना आण त्याने शरीरला कुजवानी अनुभव वना ना . . ³⁸ म्हणी माणे इस्रायेल भांवासओ आण मित्रासवो ह्या महत्त्वाने गोष्टी तुम्हाला आख की देव तुम्हाला येशुन जा कार्य करेल आस त्यादाव्ह्रारा तो तुम्हाला क्षमा करण मोशेने नियम शास्त्र द्व्राज्या गोष्टीनी क्षमा होउ शकत ना त्या ही तो क्षमा कर . ³⁹ तर जे लोक येशुवर विश्वास ठेवतत त्यासला कसल्याही प्रकारे देवना अनादर करेल तर त्यासला कस ल्याही प्रकारना दोष बाळगावनी ना . ⁴⁰ म्हनी सावध असा जसा संदेष्ट्यास आखीत त्याप्रमाण देव त्यासला शिक्षा करणार ना का. ⁴¹ संदेषटयास आसा लेहेल आस की देवन आखना ज्यान मला नाकारणा आस तूम्हू आश्चर्य चकीत व्हाल तुम्हू जोयल आस की मै काय करत रहित तेव्हा तूम्हू नाश पावल तुम्हू जीवंत असाल तेव्हाच हया भयानक गोष्टी जोयसान तुम्हू विश्वास ठेवणार ना पंरतू ज्या गोष्टी तुम्हसला आखीत त्यानेपेक्षा तुम्हू अधिक कराल . ⁴² पौलान आपला बोलना संपवना आन पुढे जात रहीनलत तव्हा अनेक लोकास त्या सला विंनती करया की पुढले शबबाथ ने दिवस हयाच गोष्टी आखवानी. ⁴³ जव्हा सभा संपनी तव्हा अनेक लोक बर्नबा आन पौलाने माग गयत यजम यहुदी यहुदीतर आस देवन उपासक आसनलत पौल आन बर्नबा नेहमी त्यासने संग बोलतत आण अशी विनंती करतत की देववर विश्वास ठेवा येशुन केलेला कार्याद्ररा देवन लोकासने पापासनी क्षमा कर . ⁴⁴ दुसरे शब्बाथने दिवस अन्तुखीयाम अनेक यहूदयासने सभा स्थानम पौल आण बर्नबा जे प्रभू येशूने बदल आखतत ता ऐकवानी वनत . ⁴⁵ पंरतु यहुदयासने पुढारयास जे वेळेस खूप सारा समुदाय पौल आण बर्नबा यासनेत्याव ऐकवानी येत रहीत असा जुदया त्यामुळ त्यासना फार जळफळाट व्ह्यना मग त्यास पौल जा बोलना त्याला विरोध करी त्याना अपमान करना . ⁴⁶ त्या नंतर ते धैर्याने बोलू लागत पौल आण बर्नबान यहूदि लोकासला आखना आम्हूाला देवपहिन आलेला येशूना संदेश प्रथम यहुदयासला देवानी आस यहुदी लोकासला आखन्या पूर्वीच देवन आम्हांला आज्ञा करणा आस पंरतु तुम्हू देवना संदेश नाकारतरहित ह्या करणीन द्वारे तुम्हू दाखवी दिदया की तुम्हू सार्वकालिक जीवनेसाठी योग्य ना त्यामुळ आम्हू तुम्हासला सोडत रहित आण जे यहुदी न्हात अशा लोकासला दवना संदेश आखवानी आम्हू जात रहित . ⁴⁷ हाय जा आम्हू करत रहित त्याना कारण देवन आम्हांला आज्ञा देयल आस त्यान आम्हांला असा आखना मैय तुमनी निवड हयानेसाठी करेल आस म्हण्या गोष्टी प्रगट करवाने करता त्या गोष्टी यहुदी तर लोकासनेसाठी प्रकाश अशा आसत मैय तुम्हाला सारे जगमहित लोकासला हा संदेश आखवानेसाठी निवडेल आस की मला त्यासना तारण करवानी आस . ⁴⁸ तेव्हा यहुदी तर लोकास हे शब्द एक्या त्यासाला आंनद व्हयना आण त्यासला येशून संदेशानेबदल दवला धन्यवाद दिदया सर्व यहुदी तर लोक देवन त्यासाला सार्वकालिक जीवनेसाठी निवडीत त्यास प्रभू येशुने वचनवर विश्वास ठुदया . ⁴⁹ आण ते काळम पुष्कळ विश्वासणार आसपासने प्रदेशम गयत तय जे जे ठिकाणम गयत तय प्रभू येशून नावणा संदेश देतत . ⁵⁰ तथापि यहुदाम काही पुढारी यास महत्त्वाने महिलासला जाई भेटनत ज्या त्यासने बरोबर उपासना करत्यात आण त्याच प्रमाण शहरामहीत अति महत्वाने लोकास पौल अन बर्नबा यासला थांबवानेसाठी त्यासना मन वळव्या तर यहुदी तर लोकास पुष्कळ लोकासला पौल आण बर्नबा यासने विरोधम उभा करना . ⁵¹ मग या दोन प्रषितास तो प्रांत सोड्या त्यास आपली पायानी धूळ झटकी टाख्या हाय दाखवानेसाठी की देवन तुम्हांला नाकारेल आस .आण देव तुम्हांला शिक्षा करनार आस नंतर त्यास अन्तुखिया शहर सोडया मग ते एकुन्या शहरम गयत ⁵² . ते दरम्याने काळम विश्वासणार आंनदान आण पवित्र आत्म्यान सामर्थ्यान भरणत .

Chapter 14

इकुन्याम पौल व बार्णबा ¹ मग इकुन्यामं यहुदी लोकासने सभास्थानमं ते दोघ मिळी गयत आन आशे रितीन बोलनत की यहुदी व हेल्लनी यास्ने मोठे लोकसमुदायन विश्वास ठेव्या ; २ ² परंतु विरोधी यहुद्यास परराष्ट्रीयासना मन बंधूजनासविरुद्ध चेतवी कलुषीत कऱ्या . ³ ते बरेच दिवस तय राहीनत व प्रभूविषयी निर्भीडपणान बोलनत ; त्यानही आपले कृपाने वचन विषयी साक्ष दिन्हा म्हणजी त्यास्ने हस्ते चिन्हे व अद्भुत कृत्य व्हऊ दिन्हा . ⁴ तव्हा नगरमधले लोकसमुदायमं फुट पड्नी ; कित्येकास यहुद्यासनी बाजू धऱ्या तर कित्येकास प्रेषितासनी बाजू धऱ्या . ⁵ मग त्यास्ना उपमर्द करी त्यासाला दगडमार करवाने साठी परराष्ट्रीय व यहुदी आपले अधिकाऱ्यासनेसह त्यासावर धावून जाणार आसनलत . ⁶ हाय ओळखी ते लुकवनिया प्रांतातील लुस्त्र व दर्ब हे नगरमं व सभोवतालने प्रदेशमं पळी गयत ; ⁷ आन तय ते सुवार्ता आखत राहिले. लुस्त्र येथे पौल व बार्णबा ⁸ लुस्त्रमं पायान आधु आसा कोणी एक माणूस बसणाल , तो जन्मता पांगळा आशी कधी चाललेला नसनाल . ⁹ तो पौलना बोलणा ऐकत आसं ; पौलन त्याजत्याव दृष्टी लावी व त्याला आपण बरा होऊ आसा विश्वास आसं आसा पाही , ¹⁰ मोठ्यान आखणा , तू आपले पायवर नीट उभा राहा . तव्हा तो उडी मारी उठणा व चालू लागणा . ¹¹ मग पौलन जा करणा ता पाही लोकसमुदाय लुकवनी भाषामं मोठ्यान ओरडी बोलनत , देव माणसासने रूपमं आम्हाम उतरन आसत . ¹² त्यास बार्णबाला ज्युपितर आख्या व पौल मुख्य वक्ता आसनाल म्हणी त्याला मर्क्युरी आख्या . ¹³ मग नगरने पुढ असलेले ज्युपितरणे पुजारीन बैल व माळा दरवाजाने जवळ आनणा ; आन लोकासला बरोबर ल्ही बलिदान करवा आसा त्यान्हे मनमं आसनाल . ¹⁴ य ऐकी प्रेषितास म्हणजी बार्णबा व पौल यासं आपलं वस्त्र फाडनत आन लोकासमं घुशी त्यास ओरडी आख्या , ¹⁵ गृहस्थाहो , हाय कजा करत ? आम्हू व तुम्हू समभावनान माणस आसत ; तुम्हू ह्या निरर्थक गोष्टी सोडी ज्यानं आकाश , पृथ्वी , समुद्र त्याजमधला अवघा निर्माण करणा ते जिवंत देवत्याव वळवा आशी सुवार्ता आम्हू तुम्हाला आखत . ¹⁶ त्यान गतकाळमधील पिढ्यासमं सर्व राष्ट्रासला आपापले मार्गान चालू दिन्हा ; ¹⁷ तथापि त्यान स्वतःला साक्षीविरहीत राहू दिन्हा नाहा , म्हणजी त्यान उपकार करणा , आकाश पहिन पर्जन्य व फलदायक ऋतू तुम्हाला दिन्हा , आन अन्नन व हर्षान तुम्हाला मन भरी तृप्त करणा . ¹⁸ आसा बोली त्यासं आपणाला बलिदान करणापहिन लोकासला मोठे प्रयासन आवऱ्या . ^{20 19} नंतर अंत्यूखिया व इकुन्या येथून कित्येक यहुदी वन्ह्त ; त्यासं लोकासना मन वळवी पौलला दगडमार कऱ्या आन तो मरणा आसा समजी त्याला नगरने बाहेर ओढी टाकी दीद्या ; पण त्याने भोवती शिष्य जमल्यावर तो उठना व नगरमं निघी वन्हा ; मग दुसरे दिवस बार्णबाबरोबर तो दर्बेस गया. अंत्यूखियाला परतणे ²¹ ते नगरमं सुवार्ता आखी त्यासं पुष्कळ शिष्य केल्यावर लुस्त्र , इकुन्या व अंत्यूखिया हे नगरमं ते परत वन्ह्त ; ²² आन शिष्यासन मन स्थिरावी त्यासं त्यासाला आसा बोध करणा की विश्वासमं टिकी राहा ; कारण आपल्याला पुष्कळ संकटमं टिकी देवने राज्यामं जावा लाग . ²³ त्यासं त्यास्नेसाठी प्रत्येक मंडळीमं वडील निवडनत ; आन उपास व प्रार्थना करी जे प्रभूवर त्यांस विश्वास ठेवेल आसनाल त्यासात्याव त्यासाला सोपव्या . ²⁴ मग ते पिसिदियामधून पंफूल्याला गयत ; ²⁵ आन पिर्गा येथे वचन आखल्यावर ते आतलीयास उतरनत . ²⁶ तेथून ते अंत्यूखियाला जावणी तारवामं बशी निघनत ; जा कार्य त्यासं सिद्धीस नेलेला आसनाल ते करता त्यासाला हेच ठिकाणहून देवने कृपावर सोपवी पाठवानी आलेला आसनाल . ²⁷ तय पोहचल्यावर त्यासं मंडळी जमवी आपण देवने सहवासमं असतानी देवन का का करणा आन पराष्ट्रीयासने साठी विश्वासना दार कसा कसा उघडना , हाय आख्या . ²⁸ मग ते शिष्यासने बरोबर बराच काळ राहीनत.

Chapter 15

परराष्ट्रीयमधलं ख्रिस्ती व मोशेना नियमशास्त्र ¹ तव्हा काही जनास यहुदीयातून उतरी बंधूजनासला आशी शिकवण दिली की , मोशेन लावी दिलेल्या परिपाठप्रमाण तुम्ह्नी सुंता झालेवाचून तुम्ह्ना तारण होणा शक्य नाहा. ² तव्हा पौल व बार्णबा यास्ना त्यास्ने संग बराच मतभेद व वादविवाद झाल्यावर आसा ठरवानी वन्हा की , पौल व बार्णबा यासं व त्यास्ने पैकी इतर काहीस हे वादसंबंधन यरुशलेममधलं प्रेषित व वडीलवर्ग यासात्याव जावा . ³ मग मंडळीन त्यास्नी बोळवण केल्यावर ते फेनिके व शोमरोन याजमहित गयत , आन परराष्ट्रीय देवाकडे वळलाना सविस्तर वर्तमान आखी त्यासं सर्व बंधूजनासला फार आनंदित कऱ्या . ⁴ नंतर ते यरुशलेमला पोहचल्यावर तेथील मंडळी , प्रेषित व वडीलवर्ग यासं त्यास्ना आगत स्वागत कऱ्या , तव्हा आपुन देवने सहवासमं असतानी त्यान जा जा घडवना ता त्यासं आख्या . ⁵ तरीपण परुशी पंथातील कित्येक विश्वास ठेवणार पुढ व्हई आखणत , त्यास्नी सुंता झालीच पाहिजे व मोशेना नियमशास्त्र पाळवानी त्यासाला आज्ञा केलीच पाहिजे . यरुशलेम येथील धर्मसभा ⁶ मग प्रेषित व वडीलवर्ग हे प्रकरणना विचार करवानी जमनत . ⁷ तव्हा पुष्कळ वादविवाद झाल्यावर पेत्र उभा राही त्यासाला आखणा : बंधूजनहो , तुम्हाला ठाऊक आसं की , मान्हे तोंडून सुवार्ता ऐकी परराष्ट्रीयास विश्वास ठेवावा म्हणी आरंभीने दिवस पहिन तुम्हाम देवन मान्ही निवड करणा ; ⁸ आन ह्र्दय जाणणारे देवन जसा आपणास तसा त्यासालाही पवित्र आत्मा दी त्यास्ने विषयी साक्ष दिन्हा . ⁹ त्यान त्यास्न अंतकरण विश्वासन शुद्ध करी त्यासामं व आपल्यामं काही भेद ठेवना नाहा . ¹⁰ आसा आस्तानी जा जोखड आपलं पूर्वज व आपुनही वाहवानी समर्थ नसनलत ता शिष्यासने मानवर घाली तुम्हू देवनी परीक्षा कजा पाहता ? ¹¹ तर मग त्यास्ने प्रमाण आपलाही तारण प्रभू येशूने कृपान होईल आसा आपला विश्वास आस . ¹² तव्हा सर्व लोकं गप्प रहीनत , आन बार्णबा व पौल यासं आपले द्वारा देवन परराष्ट्रीयासमं जे जे चिन्हे व अद्भुते करणा त्यासना केलेला वर्णन त्यासं ऐकी ल्हीद्या . ¹³ मग त्यासना भाषण संपल्यावर याकोब आखणा : बंधूजनहो , मान्हां ऐका . ¹⁴ परराष्ट्रीयासमहीन आपले नावनेकरता काही लोकं काढी घ्यावा म्हणी देवन त्यास्नी भेट कशी घेतना , हाय शिमोनान आखलेला आसं ; ¹⁵ आन ह्यच्याशी संदेष्टासने उक्तीनाही मेळ बसं . आसा शास्त्रलेख आसं की , ¹⁶ हे नंतर मय परत येईन , व दावीदना पडलेला डेरा पुन्हा उभारसू आन त्यानी भगदाड बुजवी तो पुन्हा नीट करीन ; ¹⁷ हे साठी की , शेष राहिलेले माणसास , व जे राष्ट्राला मान्हां नाव देवानी वन्हा आसं ते सर्वास प्रभुना शोध करवा ; ¹⁸ हे जे त्याला युगादीपहिन माहित आसं ता करणारा प्रभू आसा आख. ¹⁹ तव्हा मान्हां तर मत आसा आसं की , जे परराष्ट्रीयासपहिन देवत्याव वळत त्यासाला त्रास देऊ नाहा ; ²⁰ तर त्यासाला आसा लिही पाठवावा की , मूर्तींना अमंगळपण , जारकर्म , गळा दाबी मारलेले प्राणी व रक्त हे पहिन तुम्हू अलिप्त असा . ²¹ कारण प्राचीन काळपहिन दर शब्बाथ दिवस सभास्थानमं मोशेना पुस्तक वाची दाखवी त्यान्ही घोषणा करणारं लोकं प्रत्येक नगरमं आसत . परराष्ट्रीयातील ख्रिस्ती लोकासला एक पत्र ²² तव्हा पौल व बार्णबा यास्ने बरोबर आपल्यामहित निवडलेलं माणस, म्हणजी बंधूजनासमधलं प्रमुख बार्शब्बा म्हटलेला यहूदा व सिला यासाला अंत्यूखियाला पाठ्व्या तर बरा व्हई असा सर्व मंडळीसह प्रेषित व वडील यासाला वाटना ; ²³ त्यास्ने हाती त्यासं आसा लिही पाठव्या : अंत्यूखिया , सुरिया व किलीकीया येथील परराष्ट्रीयातले बंधूजण यासाला प्रेषित व वडीलवर्ग हे बंधूजणासन सलाम . ²⁴ आम्ह्ने पैकी काहीसं जाई आपले बोलावनान तुम्हाला घोटाळामं पाडी त्रास दिद्या आसा आम्ह्ने कानी आलेला आसं ; पण त्यासाला आम्हू तसा करवानी आखलेला नासणाल . ²⁵ म्हणी आम्ह्ना एकमत झाल्यावर आम्हाला हाय योग्य वाटना की , ²⁶ आपले प्रभू येशू ख्रिस्ताने नावने करता जीववर उदार झालेलं आपलं प्रिय बंधू बार्णबा व पौल यास्ने बरोबर काही निवडलेलं माणस तुम्हात्याव पाठवावा . ²⁷ हे करता यहूदा व सिला यासाला आम्हू पाठवेल आसं ; ते स्वतः ह्या गोष्टी तुम्हाला तोंडी आखहीत . ²⁸ कारण पुढ दिलेले जरुरीने गोष्टीस शिवाय तुम्हावर जास्त ओझा लाद्वा नाहा आसा पवित्र आत्माला व आम्हाला योग्य वाटना ; ²⁹ ते म्हणजी मूर्तीला अर्पिलेल पदार्थ , रक्त , गळा दाबी मारलेलं प्राणी व जारकर्म हाय तुम्हू वर्ज्य करवा ; हे पहिन स्वतःला जपाल तर तुम्हना हित होईल . क्षेमकुशल आसो . ³⁰ त्यासाला पाठवी दिल्यावर ते अंत्यूखियाला गयत आन त्यासं सर्व मंडळीला जमवी ता पत्र सादर कऱ्या . ³¹ त्यातला बोध वाची त्यासाला आनंद व्ह्यना . ³² यहूदा व सिला हे स्वतः संदेष्ट आसनलत , म्हणी त्यासं पुष्कळ बोली बंधूजनासला बोध कऱ्या व स्थिरवनत . ³³ तय ते काही दिवस राहिल्यावर ज्यास त्यासाला पाठव्याल त्यासात्याव जावणी बंधूजणास शांतीन पाठवी दिद्या ; [ ³⁴ परंतु सिलाला तय आणखी राहावानी बरा वाटना . ] ³⁵ आन पौल व बार्णबा इतर पुष्कळ जणासने बरोबर प्रभुना वचन शिकवत व सुवार्तानी घोषणा करत अंत्यूखियाला राहीनत . पौल व बार्णबा वेगळ होत ³⁶ मग काही दिवसानंतर पौलन बार्णबाला आखणा . जे जे नगरमं आपण प्रभूने वचननी घोषणा कऱ्या तय परत जाई बंधूजणासला भेटी ते कसं आसत हाय पाहूया . ³⁷ बार्णबानी इच्छा असनेल की , ज्याला मार्कही आखत ते योहानला बरोबर घ्यावा ; ³⁸ परंतु पौलला वाटना की , पंफुल्याहून जो आपल्यला सोडी गयाल व आपले बरोबर काम करवानी वन्हा नाहा त्याला सोबतीला घेणे योग्य नाहा . ³⁹ हे वरीन त्यासामं तीव्र मतभेद उपस्थित होई ते एकमेकास पहिन वेगळ व्ह्यनत आन बार्णबा मार्काला ल्ही तारवामं बशी कुप्रास गयत ; ⁴⁰ पौलन सिलाला निवडी ल्हीना आन बंधूजनास त्याला प्रभूने कृपावर सोपवल्यावर तो तेथून निघना , ⁴¹ आन मंडळ्यासला स्थैर्य देत देत सुरिया व किलीकीया हेमधून गयत .

Chapter 16

¹ लुस्त्र येथे तीमथ्य पौलला जाऊन मिळ पौल आन् शीला दर्बे आन् लुस्रा येथील विश्वासना-यासला भेटावणी तय गयत. तय त्यासाला लुस्रामं थीमती नावना एक विश्वासणारा भेटना. त्यांनी आई यहुदी विश्वाससणारी आसनेल आन् वडील युनानी आसनाल. ² लुस्रा आन् इकुमेनीया मधील लोक त्यास्ने विषयी चांगली साक्ष देतत. ³ म्हणी पौलन त्याला आपले संग सेवाला लीजावणी ठरवणा जय तो जाणार आसनाल. म्हणी त्यान थीमतीनी सुंता करणा कारण जय ते जाणार आसनलत तहिल यहुद्यास त्यास्ना स्वीकार करावा. ते लोकास्ला माहित आसनाल कि यास्न वडील यहुदी नाहा व म्हणी त्यास त्यास्नी सुंता करेल नाहा. ⁴ मग थीमती पौल आन् सिला ह्यास्नेसोबत अनेक गावी गया तय त्यास विश्वासानाऱ्यासला ते नियम आख्या जे येरुश्लेममधील प्रेषित व प्राचीनास ठरवेल आसनलत. ⁵ तहिल विश्वासनाऱ्यासला त्यास प्रभुमं अधिक मजबूत व्ह्वानी मदत कऱ्या. आन् प्रतेक दिवस त्यासामं आधिक अधिक विश्वासणारं मिळत गयत. ⁶ पौल आन् त्याने सहकाऱ्यासला पवित्र आत्मानं आशियाम बोलावणी मना करणा. ⁷ म्हणी ते फ्रुगीया आनं गलतिया प्रांतम गयत. ते मुसिया प्रांतने किन्हाऱ्यावर उतरणत. तहीन ते उत्तरकड बिथुनिया प्रांतम जाणार आसनलत. ⁸ पण येशूने आत्मन त्यासाला तय जान्यापहिन थांबवल्यामुळे ते मुसिया प्रांतमहीन गयत आन समुद्रकिनारी असलेल्या त्रोवासला पोह्चायनत. ⁹ ते रात्री देवन पौलला दर्शन दिन्हा. त्यान एक मासेदोनियाने पुरुषला जोय्न्हा तो पौलला हाय म्हणी बोलावता "आंम्हासत्याव मसेदोनियाला य आन आम्हाला मदत कर." ¹⁰ त्याला हाय दर्शन मिळाल्यावर आम्हु सर्व मासेदोनियाला गयत कारण आम्हाला असा विश्वास वाटता कि देव आम्हाला तहील लोकासला सुवार्ता आखण्यासाठी बोलावत आस. ¹¹ आम्हु एक जहाज ल्ही त्रोआस पहिन सामाथ्रेकेस ला पोहोचनत. आणि तहीन दुसरे दिवस निओपोलीसला गयत. ¹² नंतर आम्हु निओपोलीस सोड्या आन फिलीप्पेला गेलो.हाय मासोदोनिया मधला फार महत्वाना शहर आसनाल. जय कितेक रोमी रहतत. आम्हु फिलीप्पेमध्ये बरेच दिवस रहीनत. ¹³ शब्बाथने दिवस आम्हु वेशीने बाहेर नदीने काठवर गयत कारण आम्हु कोणालातरी आस आखतान ऐक्याल कि तय यहुदी लोकं प्रार्थनाला जमतत. जवा आम्हु तय पोहोचनत, आम्हु जोध्या कि कांही महिला तय प्रार्थनानेसाठी जमन्यालयात आम्हु तय बशी त्यासाला येशूविषयी आखु लगनत. ¹⁴ तय वचन ऐकत बसलेल्या स्रियामधली एक लुधिया नावणी स्री बशी पौलना भाषण ऐकती. ती थिओतेरा शहरनी आसनेल आन जांबली वस्रे विकती आन देवणी भक्ती करत आसे. देवन तिन्हा मन पौल देत असलेल्या संदेशकड लावाणी तयार करना. ¹⁵ व तीनं त्यावर विश्वास ठेवणी. पौल आन शीलान तिला आन तिने घरमधले इतरासला बाप्तिस्मा दिद्या. तीनं त्यासाला आखणी "जर तुम्हाला आसा वाट कि देवणी विश्वासनारी आसं तर तुम्हु माने घर यी रहा. "तीनं आसा आख्ल्यावर आम्हु तिने घर जाई रयनत. ¹⁶ आणखी एक दिवस आम्हु आसे ठिकाणी गयलत जय लोक प्रार्थनेसाठी जमतत. तय आम्हाला एक तरुण स्री भेटनी जी गुलाम आसनेल. दृष्ट आत्मन तिला आशी शक्ती दिनाल कि ती लोकास्ना भविष्य आखु शकती. ¹⁷ ती जा भविष्य आखती त्यानेबद्द्ल तीन्हे मालकला पैसा देतत. ती तरुण मुलगी पौल आन आम्हा इतरासने मागं आसा आरडत येत रयनेल, "हे लोकं जे देवणी सेवा करत ता देव सर्व देवम महान देव आसं ! ते तुम्हाला आसा आखत कि देव तुम्हना तारण करू शकत आसं"ती अनेक दिवस पर्यन्त आसाच करती. ¹⁸ शेवटी पौलला राग वन्हा आन म्हणी तो ते स्रीकड वळणा आन तीजम असलेल्या दृष्ट आत्म्याला आखणा. त्यान आखणा,”प्रभू येशूने नावम तिच्यामहित बाहेर निघ!”त्याच वेळेस ता दृष्ट आत्मा तिला सोडी निघी गया. ¹⁹ आणि नंतर तिने मालकने लक्षाम वन्हां कि ती आता आपलेसाठी आजून पैशे कमाऊ शकनार नाही कारण तिन्ही भविष्य करण्याची शक्ती संपनी आसं. ²⁰ म्हणी ते फार रागावनत. त्यास पौल व सिलाला आन धऱ्या चौकम ल्ही गयत जय नगरान अधिकारी आसतलत. ते तरुण स्रीन मालक तिला नगराध्यक्षकाकडे ल्ही गयत आन त्यास त्याला आख्या कि "हे माणस यहुदी आसत आन ते आपले शहरमधील लोकासला फार त्रास देत आसत. ²¹ ते आम्हाला आसा शिक्षण देत कि आम्हु रोमी लोकास आसा नियम पळवानी, जा पाळवानी कायदा आम्हाला परवानगी देय नाहा. ²² जमाव मधल अनेक लोक पुढ यी पौल व शीलाला दोष लावतत. त्यास त्यासाला मारहाण करवानी सुरवात कऱ्या . नंतर रोमी अधिकाऱ्यास पौल व शीला ह्यास्न कपड फाडी टाकाव्नी आख्या व त्यासाला वेतनं मारावणी आख्या. ²³ म्हणी पौल व शीला यासाला सैनिकास वाईट रितीनं फटकं माऱ्या. व त्यानंतर त्यास त्यासाला तुरुंगम टाक्या. व ते सुटू नाहा म्हणी तुरुंगअधिकाऱ्याला त्यासावर विशेष ध्यान ठेवानी आख्या. आधीकाऱ्यास आसा आख्या म्हणी तुरुंगअधिकाऱ्यास त्यासाला तुरुंगणे आगदी आतले खोलीम बंद कऱ्या. ²⁴ तय त्यासाला त्यासाने पायास्नी हालचाल करता यावी नाहा म्हणी त्यासाला खाली बसवी त्यास्न पाय लांब कऱ्या आन त्यास्ने पायनं घोटं मोठे लाकूडने ओंडक्यांम आडकव्या. ²⁵ मध्यरात्रीला पौक व शीला प्रार्थना करत रयनलत व गानं आखी देवणी स्तुस्ती करत रयनलत. व बाकीनं कैदि ऐकत रयनलत. ²⁶ अचानक तय एक मोठा भूकंप व्ह्यना आन ता तुरुंग हादरना. ते भूकंपामुळे तुरुंगन सगळे दार उघडणत. आन ज्यासवार कैद्यासला बांधी ठेव्याल ते सगळ साखळदंड तुटणत. ²⁷ तुरुंगअधिकारी उठना आन त्यानजोयन्हा कि भूकंपामुळे तुरुंग सगळं दारं उघडण आसत. तव्हा त्यान आसा विचार कारण कि सगळे कैदि पळी गयत आशीत. ²⁸ म्हणी त्यान स्वताला मारवानी तलवार उगारणा . कारण त्याला माहित आसनाल कि जव्हा नागराधीकाऱ्याला हाय समजी कि कैदी पळी गयत असत तर तो मला ठार मारी. जव्हा शौलन हाय जोयन्हा तव्हा तो आरडना "स्वताला ठार करू नको आम्हु सगळ कैदी उथीच असत.” ²⁹ तुरुंगअधिकाऱ्यान मोठ्यान आरडी कोणाला तरी मशाल आन्वानी आखणा. हाय जोवानी कि ते ठिकाणी किती लोक बाकी आसत. ³⁰ भीही थर थर कापत तो पौल व शीला यास्ने पुढ पडणा. नंतर त्यान त्यासाला तुरुंगणे बाह्रेर काढणा आन विचारणा, “महाराज तारण मिळवाणीसाठी मला का करावी लागी?” ³¹ त्यास उत्तर दिद्या,”प्रभू येशूवर विश्वास ठेव म्हणजी तुन्हा व तुन्हे घरना तारण व्हई.” ³² नंतर पौल व शीला त्याने व त्याने घरमधील प्रतेयकाशी येशू विषयी बोलनत नंतर तुरुगाधिकाऱ्यान तेवढ्या मध्य रात्री त्यासन्या जखमा धुतना. ³³ त्यानंतर पौल व शीलानं त्याना आन त्याने घरमधील प्रतेकाना बाप्तिस्मा कऱ्या. मग तुरुंगअधिऱ्यान पौल व शीला ह्यासाला आपले घर लीध्या आन त्यासाला जेवण दिध्या. ³⁴ तो आन त्याना घर फार आनंदित आसनाल कारण त्यास देववर विश्वास ठेव्या. ³⁵ दुसरे दिवस सकाळी नागराधीकारीन काही शिपाही पाठवणा, तुरुंग अधिकाऱ्याला हाय आख्वानी,”कि ते दोन कैद्यासला आता जाऊ दे!” ³⁶ जेव्हा तुरुंग अधिकाऱ्यान हाय ऐकणा तव्हा त्यान पौलला जाई आखणा "नाग्राधिकाऱ्यान मला तुम्हाला जाऊ देवाणी आखीत. तर आता तुम्हु शांतीन तुरुंगमहित बाहेर जा!” ³⁷ पण पौल तुरुंगअधिकाऱ्याला आखणा,”नगराधिकाऱ्यान आम्हु रोमी नागरिक असताना देखील येव्हडया लोकासस समोर आम्हाला विनाकारण मारावणी लावणा, आन आम्हाला तुरुंगम टाकणा. आता ता कोणाला काहीही न आखता आम्हाला निघी जावानी आखं! आम्हाला हाय मान्य नाहा! नगराधिकाऱ्यान स्वता यीही आम्ह्नी सुटका करावी. ³⁸ म्हणी शिपाई गयत आन त्यास पौल काखं ता नगराधिकाऱ्याला आख्या. जव्हा नगराधिकारीन हाय ऐक्ना कि पौल व शीला हे रोमन नागरिक आसत तव्हा तो तव्हा तो फार घाबरायना कारण त्यान चुकीना काम करणाल. ³⁹ तव्हा नगराधिकारी स्वतः पौल व शीला ह्यासत्याव वन्हा आन त्यान जा काही करणाल त्याबद्दल माफी माघना.नगराधिकाऱ्यान त्यासाला तुरुंगमहित बाहेर काढना आन ता शहर सोडी जावानी आखणा. ⁴⁰ पौल आन शीला तुरुंगमहित निघाल्यावर लुधीयाच्या घरी गयत. तय त्यास तिची व इतर विश्वासानाऱ्यासनी भेट लीध्या.त्यास तयले विश्वासानाऱ्यासला प्रभूवरील विश्वासमं टिकी रव्हानीसाठी उस्ताहीत कऱ्या. ते दोन प्रेषितास शहर सोड्या.

Chapter 17

थेस्सलनी का येथे पौल ¹ नंतर ते अंफपुली व अपुल्लोनिया यासामधून जाई थेस्सलनीकाला गयत . ता यहुद्यासना सभास्थान आसनाल. ² तय पौलने आपले परिपाठाप्रमाणे त्यासात्याव जाई तीन शब्बाथ त्यास्ने ब्रोर्ब शास्त्रवरून वादविवाद कऱ्या . ³ त्यान शास्त्राना उलगडा करी आसा प्रतिपादन करणा की , ख्रिस्तान दुख सोसावा व मेलेले महित परत उठवा यान्हा आगत्य आसनाल , आन जे येशुनी मय तुम्ह्ने पुढ घोषणा कर तोच तो ख्रिस्त आसं . ⁴ तव्हा त्यास्ने पैकी काही जनासनी खातरी व्हई ते पौल व सिला यासाला मिळनत ; आन भक्तिमान हेल्लेणी यास्ना मोठा समुदाय त्यासाला मिळणा . त्याजमं प्रमुख स्त्रिया काही थोड्या थोडक्या नसनल्यात . ⁵ परंतु यहुद्यास हेवान आपलेबरोबर बाजारन काही गुंड लोकं घेऊन व घोळका जमवी नगरमं घबराट निर्माण कऱ्या , आन यासोनने घरवर हल्ला करी त्यासाला लोकासत्याव बाहेर काढी आणवानी खटपट करू पाहीनत ; ⁶ परंतु त्यास्ना शोध लागणा नाहा तव्हा त्यासं यासोनला व कित्येक बंधूसला नगरने अधिकारीत्याव ओढत ल्ही आरडाओरड करत आखणत , ज्यांस जगनी उलटापालट कऱ्या ते येथेही वनत आसत ; ⁷ त्यासाला यासोनन आपले घरमं ल्हीना आसं , आन हे सर्वजण कैसरने हुकुमने विरुद्ध वागत , म्हणजी येशू म्हणी दुसराच कोणी राजा आसं आसा आखत . ⁸ हाय ऐकी त्यासं लोकासला व शहरने अधिकाऱ्यांसला खवळून सोड्या . ⁹ मग त्यासं यासोनना व इतरासना जामीन ल्ही त्यासाला सोडी दिले . बिरुया येथे पौल ¹⁰ नंतर बंधूजणास पौल व सिला यासाला लागलाच रातोरात बिरुयाला पाठव्या . ते तय पोहचल्यावर यहुदयासने सभास्थानमं गयत . ¹¹ तेथील लोक थेस्सलनीकातले लोकासपेक्षा मोठे मनन आसनलत ; त्यासं मोठे उत्सुकतान वचनना स्वीकार कऱ्या , आन ह्या गोष्टी आशाच आसत की का हे विषयी ते शास्त्रमं दररोज शोध करत गयत . ¹² त्यातील आनेकास व बरेच प्रतिष्ठीत हेल्लेणी स्त्रिया व पुरुष यासं विश्वास ठेव्या . ¹³ तरीपण पौल देवना वचन बिरुयामं पण आखत आसं हाय थेस्सलनीकातले यहुद्यासला समजणा , तव्हा त्यासं तिकडही जाई लोकासला खवळी चेतवले . ¹⁴ ते वरून बंधूजणास पौलला समुद्रात्याव जावानी लागलाच पाठव्या ; आन सिला व तीमथ्य हे तयच रहीनत . ¹⁵ तव्हा पौलला पोहचवणारास त्याला अथनैपर्यंत नेले , आन सिला व तीमथ्य यासं आपल्यात्याव होई तितका लवकर यावा आशी त्यास्नी आज्ञा ल्ही ते निघनत . अथनै येथे पौल ¹⁶ पौल अथनैला त्यास्नी वाट पाहत असता , ता शहर मूर्तीस भरलेला आसं आसा पाही त्याने मनना संताप व्ह्यना . ¹⁷ हेमूळ ते सभास्थानमं यहुदयासबरोबर व भक्तिमान लोकासबरोबर आन बाजारमं जे त्याला आढळत त्यास्नेबरोबर दररोज वाद घालत आसं . ¹⁸ तव्हा एपिकुरपंथी व स्तोयिकपंथी यास्ने पैकी कित्येक तत्वज्ञासं त्याला विरोध कऱ्या . कित्येक आखणत , हाय बडबड्या का बोल ? दसर आखणत , हाय परका दैवतासनी घोषणा करणारा दिसय ; कारण येशू व पुनरुत्थान हे विषयीने सुवार्तानी तो घोषणा करत आसे . ¹⁹ नंतर त्यासं त्याला धरी अरियपगावर नेऊन आख्या , तुम्हू दिलेली हि शिकवण का आसं हाय आम्हाला समजी सांगाल का ? ²⁰ कारण तुम्हू आम्हाला अपरिचित गोष्टी शिकवत आसत ; त्यान्हा आर्थ का हे समजी घ्यावा आशी आम्ह्नी इच्छा आसं . ²¹ काहीतरी नवलविशेष सांगितले ऐकलेशिवाय सर्व अथनैकर व तय राहणार परक लोकं यास्ना वेळ जात नसं . अरियपगामं पौलन केलेला भाषण ²² तव्हा पौल अरियपागाने मध्यभागी उभा रही आखणा : आहो अथनैकरासहो , तुम्हू सर्व बाबतीमं देवदेवतासला फार मान देणारं आसत आसा मला दिसय . ²³ कारण मय फिरता फिरता तुम्हन्या पूज्य वस्तू पाह्तानी , अज्ञात देवला हे अक्षर लिहलेली वेदी मला आढळनी . ज्यास्ना तुम्हू आज्ञानान भजन करत ता मय तुम्हाला जाहीर कर . ²⁴ जे देवन जग व अवघा निर्माण करणा तो स्वर्गाना पृथ्वीना प्रभू आशी हातान बांधलेले मंदिरमं रहाय नाहा ; ²⁵ आन त्याला काही उणा आसं , म्हणी माणसासने हातून त्यान्ही सेवा घडावी आसाही नाहा ; कारण जीवन , प्राण व सर्वकाही तो स्वतः सर्वासला देय ; ²⁶ आन त्यान एकापहिन माणसासनी सर्व राष्ट्र निर्माण करी त्यासं पृथ्वीने सबंध पाठीवर राहावा आसा करणा आसा ; आन त्यास्ना नेमलेला समय व त्यास्ने वस्तीने सीमा त्यान ठरवणा आसं ; ²⁷ आशेसाठी की , त्यास देवना शोध करवा , म्हणजी चाचपडत चाचपडत त्याला कसा तरी प्राप्त करी घ्यावा . तो आपले पैकी कोणापहिनही दूर नाहा ; ²⁸ कारण आपुन त्यान्हे ठाई जगत , वागत व आहो . तसाच तुम्ह्ने कवीपैकीही कित्येकास आखलेला आसं की , आपुन वास्तविक त्यान्हा वंश आसत . ²⁹ तर मग आपुन देवना वंशज असतानी मनुष्याने चातुर्यान व कल्पनान कोरलेला सोना , रुपा किवा पाषाण , यास्ने आकृतीने सारखा देव आसं आसा आपल्याला वाटता कामा नये . ³⁰ आज्ञानने काळत्याव देवन डोळझाक करणा , परंतु आता सर्वास सर्वत्र पश्चाताप करवा आशी तो माणसासला आज्ञा कर . ³¹ त्यान आसा एक दिवस नेमेल आस की , जे दिवस तो आपण नेमलेले मनुष्यानेद्वारा जगना न्यायनिवाडा नितीमत्वान करणार आसं ; त्यान त्याला मेलेलेमहीन उठवी हे विषयीना प्रमाण सर्वासला पटवना आसं . ³² तव्हा मृतासने पुनरुत्थानविषयी ऐकी कित्येक थट्टा करू लागणत . कित्येक आखणत , हे विषयी आम्हू तुम्ह्ना परत आणखी ऐकू . ³³ इतका झाल्यावर पौल त्यासामहीन निघी गया . ³⁴ तरी काही माणसास त्याला चिकटी रही विश्वास ठेव्या ; त्यात दिओनुस्य अरियपगकर , दामारी नावनी कोणी स्त्री व त्यास्ने बरोबर इतर कित्येक आसनलत .

Chapter 18

करिंथ येथे पौल ¹ ते नंतर तो अथेनै सोडी करीथास गया . ² तव्हा पंत येथील अक्विल्ला नावना कोणी एक यहुदी त्याला आढळना . सर्व यहुद्यास रोम शहर सोडी जावा आशी क्लोद्यान आज्ञा केल्यामूळ तो आपली बायको प्रिस्कील्ला हिनेसह इटालीहून नुकताच आलेला आसनाल ; त्यासात्याव तो गया. ³ आन त्यास्ना व यान्हा व्यवसाय एक असलेमूळ तो त्यास्नेजवळ रहीना आन त्यासं मिळी तो चालव्या ; त्यास्ना व्यवसाय राहुट्या करवानी आसनाल . ⁴ तो दर शब्बाथ दिवशी सभास्थानमं वाद विवाद करी यहुद्यासनी व हेल्लेण्यासनी खात्री करी देत आसे . ⁵ सिला व तीमथ्य हे मासेदोनियावरून आले तव्हा , येशू हायच ख्रिस्त आसं , आशी यहुद्यासला साक्ष दी वचन सांगणामं पौल गढी गेलेला आसनाल ; ⁶ परंतु ते त्याला आडवी अपशब्द बोलू लागणत तव्हा त्यान आपलं वस्त्र झटकी त्यासाला आखणा , तुम्ह्ना रक्त तुम्ह्ने माथावर ; मय निर्दोष आसं ; आतापहिन मय परराष्ट्रीयासत्याव जाणार . ⁷ मग तेथून निघी सभास्थानने लगत ज्यास्ना घर आसनाल आसा कोणी तीत युस्त नावना देवभक्त आसनाल , त्याने घर तो गया . ⁸ तव्हा सभास्थानना अधिकारी क्रिस्प ह्यान आपले सर्व घरानासह प्रभूवर विश्वास ठेवणा , आन ता ऐकी पुष्कळ करिंथकरास विश्वास ठेव्या व बाप्तिस्मा घेतला . ⁹ तव्हा प्रभून रात्री पौलला दृष्टांतमं आखणा , भिऊ नको ; बोलत जा , उगा राहू नको , ¹⁰ कारण मय तुन्हे बरोबर आसं , आन तुन्हा वाईट करवानी कोणी तुझवर येणार नाहा ; कारण हे नगरमं मान्हा पुष्कळ लोक आसत . ¹¹ तो त्यासामं देवना वचन शिकवत दीड वर्ष रहीना . गल्लीयो आन पौल ¹² नंतर गल्लीयो हा आखया प्रांतना अधिकारी असता , यहुद्यास एकोपा करी पौलवर उठी त्याला न्यायसनने पुढ आणून आख्या , ¹³ हाय माणूस लोकासला नियमशास्त्राविरुद्ध देवला भजवानी चिथव . ¹⁴ तव्हा पौल बोलवानेसाठी तोंड उघडणार इतकामं गल्लीयोन यहुद्यासला आखणा , आहो यहुद्यासहो , हाय प्रकरण गैरशिस्त वर्तनना अथवा दुष्कृत्यना असता तर मला तुम्ह्ना म्हणना मनवर घेवाणी कारण झाला आसता ; ¹⁵ परंतु हाय वाद शब्दना , नावना किंवा तुम्ह्ने नियमशास्त्राना आसं तर तुम्ह्ना तुम्हूच पाही ल्या ; हे गोष्टीसनी पंचायत मला नको . ¹⁶ आसा आखी त्यान त्यासं न्यायसनपहिन हाकी लावणा . ¹⁷ तव्हा सर्वास सभास्थानना अधिकारी सोस्थनेस याला धरी न्यायसनने समोर मार दिला , पण गल्लीयोन हे पैकी कोणतेही गोष्टीनी पर्वा करणा नाहा . ¹⁸ पौल सुरियाला परत येय हे नंतर पौल तय बराच दिवस राहिल्यावर बंधूजणासना निरोप ल्ही तारवामं बशी सुरिया देशमं गया . त्यानेबरोबर प्रिस्कील्ला व अक्विल्ला हे गयत . त्यान्हा नवस आसनाल म्हणी त्यान किख्रियाम आपले डोकान केस कात्री घेतनत . ¹⁹ मग इफिस नगरमं आल्यावर त्यान त्यासाला तय सोडणा ; आन स्वतः सभास्थानमं जाई यहुद्यासने बरोबर वाद विवाद करणा . ²⁰ नंतर त्यान आणखी काही दिवस राहावा आशी ते विनंती करत असताही तो कबूल व्ह्यना नाहा ; ²¹ तर त्यास्ना निरोप घेतानी , देवनी इच्छा असल्यास तुम्हात्याव मय परत येईन आसा आखी तो तारवामं बशी इफीसमहित निघणा . ²² मग कैसरीयास पोहचल्यावर तो वरती गया आन मंडळीना निरोप ल्ही अंत्यूखियाला खाली गया . ²³ तय काही दिवस रही तो निघणा , आन क्रमाक्रमान गलतिया प्रांत व फ्रूगिया यातील सर्व शिष्यासला स्थैर्य देत फिरणा. इफिसमं अपुल्लो ²⁴ तव्हा अपुल्लो नावना एक मोठा वक्ता व शास्त्रपारंगत आलेक्साद्रीयाकर यहुदी इफीसास वन्हा . ²⁵ त्याला प्रभूने मार्गविषयीना ज्ञान मिळालेला आसनाल ; आन तो आत्मान आवेशी आसल्यामुळ येशूविषयीन्या गोष्टी नीट आखी शिक्षण देत आसं ; तरी त्याला केवळ योहानना बाप्तिस्मा माहित आसनाल . ²⁶ तो सभास्थानमं निर्भीडपणे बोलू लागणा , तव्हा प्रीस्कील्ला व अक्विल्ला यासं त्याना भाषण ऐकी त्याला जवळ बोलावी ल्हीद्या व त्याला देवना मार्ग आधिक स्पष्टपणे दाखव्या . ²⁷ नंतर त्यान अखया प्रांतमं जावानी बेत करणा , तव्हा बंधूजणास त्याला उत्तेजन दिले आन त्याना स्वागत करणाविषयी शिष्यासला लिहले ; तो तय पोहचल्यावर ज्यास कृपाने द्वारा विश्वास ठेवेल आसनाल त्यासाला त्यान फार सहाय्य करणा . ²⁸ कारण येशू हायच ख्रिस्त आसं , आसा शास्त्र वरून दाखवी तो मोठे जोरदारपणाण सर्वासमक्ष यहुद्यासना खंडन करत असे .

Chapter 19

इफिस येथे बाप्तिस्मा करणारे योहानना शिष्य ¹ मग आसा व्ह्यना की , अपुल्लो करिंथा असता पौल वरचे प्रांतमधून जाई इफिसला पोहचणा ; तय कित्येक शिष्य त्याला आढळनत ; ² त्यासाला तो आखणा , तुम्हू विश्वास ठेव्या तव्हा तुम्हाला पवित्र आत्मा मिळणा का ? त्यास त्याला आख्या , पवित्र आत्मा आसं की काय हे आम्हू ऐकेलही नाहा . ³ तो त्यासाला आखणा , तर तुम्हू कसला बाप्तिस्मा घेतला ? ते आखणत , योहानना बाप्तिस्मा . ⁴ पौलन आखणा , योहान पश्चातापना बाप्तिस्मा देत आसं ; तो लोकासला आखत आसे की , मान्हेमागून येणारावर म्हणजी येशूवर तुम्हू विश्वास ठेवावा . ⁵ हाय ऐकी त्यासं प्रभू येशूने नावन बाप्तिस्मा घेतला ; ⁶ आन पौलन त्यासावर हात ठेवणा ; तव्हा त्यासावर पवित्र आत्मा वन्हा ; ते वेगवेगळ्या भाषा बोलू लागनत व ईश्वरी संदेश देऊ लगनत . ⁷ ते सगळ सुमारे बारा पुरुष आसनलत . इफिस येथे पौल ⁸ नंतर तो सभास्थानमं जाई देवने राज्याविषयी वादविवाद करत व प्रमाण पटवत निर्भीडपणान तीन महीन बोलत गया . ⁹ मग कित्येकजण कठोर व विरोधी व्हई लोकाससमक्ष ते मार्गानी निंदा करू लागनत , तव्हा त्यान्ह त्यासामहित निघी शिष्यासला वेगळा करणा , आन तुरन्नने पाठशाळामं तो दररोज वाद विवाद करू लागणा . ¹⁰ आसा दोन वर्ष चाललेमूळ आशियामं राहणारे सर्व यहुदी व हेल्लेणी लोकांस प्रभुना वचन ऐक्या . ¹¹ देवन पौलने हातून असाधारण चमत्कारही घडवना ; ¹² ते आस की , रुमाल किंवा फडक त्याने आंगवरून आणि रोग्यासवर घाल्या म्हणजी त्यास्न रोग दूर होत आसत व दृष्ट आत्म त्यासामहीन निघी जात आसत . ¹³ तव्हा कित्येक पंचाक्षरी फिरस्ते यहुदी , दृष्ट आत्म लागलेलं लोकासवर प्रभू येशुना नाव उच्चारी म्हणू लागणत , जे येशुनी पौल घोषणा कर त्यान्ही मय तुम्हाला शपथ घाल . ¹⁴ एक यहुदी मुख्य याजक स्किवा याला सात मुलग आसनलत , ते आसं करत आसनलत . ¹⁵ त्यासं दृष्ट आत्मानं उत्तर दिन्हा , येशूला मय ओळख व पौलनी मला माहिती आसं ; पण तुम्हू कोण आसत ? ¹⁶ मग जे माणूसला दृष्ट आत्मा लागलेला आसनाल त्यान त्यासावर उडी मारी दोघास हटवना आन त्यासावर इतकी जरब बसवणा की ते घायाळ व्हई उघडनागड ते घर महित पळी गयत . ¹⁷ मग इफिसमं राहणार यहुदी व हेल्लेणी हे सर्वासला हाय कळना , तव्हा ते भयभीत व्ह्यनत आन प्रभू येशूने नावना महिमा व्ह्यना . ¹⁸ विश्वास ठेवणारे लोकासपैकी पुष्कळ जणास यी आपलं कृत्य उदारपणान पदरात घेतली . ¹⁹ जादूटोणा करणारासपैकी बरेच जणास आपलं पुस्तक जमा करी सर्वासने देखत जाळी टाख्या ; आन त्याने किंमतनी बेरीज कऱ्या तव्हा ती पन्नास हजार रुपय व्ह्यनी . ²⁰ हे प्रमाण प्रभुने सामर्थ्याना वचन वाढत जाई प्रबळ व्ह्यना . पौलना पुढला बेत ²¹ हाय झाल्यावर मासेदोनीया व अखया हे प्रांतमहित यरुशलेमला जावा आसा पौलन आपले मनमं निश्चय करी आखणा , तय गेल्यावर मला रोम शहरही पहिला पाहिजे . ²² मग आपली सेवा करणारापैकी तीमथ्य व एरास्त हे दोगासला मासेदोनियायास पाठवी तो स्वतः काही दिवस आशिया प्रांतमं रहीना . इफिस येथील दंगल ²³ हे सुमारास ते मार्गाने विषयी बरीच खळबळ उडनी . ²⁴ कारण देमेत्रिय नावना कोणी एक सोनार अर्तमी देवीने रूपना देव्हारा करी कारागिरासला बराच कामधंदा मिळवि देत आसं . ²⁵ त्यान त्यासाला व इतर तसलेच कारागीरासला एकत्र जमवी आखणा , गड्यासहो हे धंदामं आपल्याला पैस मिळत हाय तुम्हाला ठाऊकच आसं . ²⁶ तुम्हू पाहत व ऐकत की , हातान केलेलं देव हे देवच नाहा आसा हे पौलन केवळ इफिसमंच नाहा तर बहुतेक सर्व आशिया प्रांतम बोली व पुष्कळ लोकासने मनमं भरी त्यासाला फितवना आसं . ²⁷ हेमूळ हे आपले धंदानी बदनामी व्हवानी धोका आसं ; इतकाच नाहा ; तर जे महादेवी अर्तमिनी पूजा सर्व आशिया प्रांत किंबहुना जग सुद्धा कर तिन्हा देऊळ क:पदार्थ ठरणाना व तिन्हा स्वतःना महत्व नष्ट होवानी धोका आसं . ²⁸ हाय ऐकल्यावर ते क्रोधाविष्ट व्हई ओरडू लागणत की , इफिसकरासनी अर्त्तमी थोर ! ²⁹ इतकामं नगरमं गोंधळ उडणा ; आन पौलन वाटमधलं सोबती , मासेदोनियाकर गायस व अरिस्तार्ख , यासाला पकडी त्यासाला ओढत ओढत ते एकजूटन नाटकगृहामं धावून गयत . ³⁰ तव्हा गर्दीमं जावा आसा पौलने मनमं आसनाल , पण शिष्यास त्याला जाऊ दिले नाहा . ³¹ शिवाय आशिया प्रांतने अधिकाऱ्यांपैकी कित्येकजण त्यान मित्र आसनलत , त्यासही त्याला निरोप पाठवी आग्रह कऱ्या की , नाटकगृहामं जाई स्वतःना जीव धोकामं घालू नका . ³² तव्हा कोणी काही कोणी काही आशा आरोळ्या मारू लागनत ; लोकासना एकच गोंधळ उडणा ; आन आपुन कशाला जमलं आसत हाय बहुतेकासला कळना नाहा . ³³ मग आलेक्साद्राला यहुदी लोकास पुढ केल्यावर कित्येकास त्याला बाहेर ओढ्या ; तव्हा आलेक्साद्र हातान खुणवी लोकासनी समजूत घालू पाहता ; ³⁴ परंतु तो यहुदी आसं आसा समजल्यावर , सुमारे दोन तास पर्यंत , इफिसकरासनी अर्तमी थोर , आशी सर्वासनी एकच आरोळी व्ह्यनी . ³⁵ मग नगरना शिरस्तेदार लोकासला शांत करी आखणा , आहो इफिसकरासहो, महान अर्तमीना देऊळ व आकाशमहित पडलेल्या मूर्ती , यास्ना इफिसनगर हाय संरक्षक आसं , हाय ज्याला ठाऊक नाहा आसा कोण माणूस आसं ? ³⁶ ह्या गोष्टी निर्विवाद आसत म्हणी तुम्हू शांत असावा , काही उतावळी करू नका . ³⁷ कारण जे माणस तुम्हू येथे आणेल आसत ते देवळ लुटणार किंवा आपले देवनी निंदा करणार नाहात . ³⁸ म्हणी देमेत्रीय व त्यान्हे सोबतीन कारागीर यास्ना कोणाशी वाद असलेमूळ न्यायगृह उघडा आसं व न्यायधीश आस ; त्यास्ने पुढ त्यासं एकमेकासवर फिर्यादी करवा ; ³⁹ पण हे पलिकड तुम्ह्नी काही मागणी आशी तर तीन्हे बद्दल कायदेशीर सभामं ठरवला जाई . ⁴⁰ हे दंगलना कारण का यान्हा जबाब आपल्याला देता येणासारखा नसलेमूळ आजने प्रसंगवरून आपल्यावर बंड केल्याना आरोप येवानी भय आसं . ⁴¹ आसा बोली त्यान सभा बरखास्त करणा.

Chapter 20

मासेदोनिया,हेल्ल्हास प्रांत व त्रोवस मय पौल ¹ एफीस मधले लोकास दगल थाबवल्यावर पौलन विश्वास नार्यासला येकठ्कानी बोलवणा 'आन त्यास कायम प्रभूयेशूवर विश्वास थिव्या असी इच्छा धरया 'त्याने नतर लगेच त्यान त्यांना निरोप ल्हीना आन मासेदोनीयाम्न निघी गया. ² तय पोह्चल्यावर तहेले विश्वास नार्यसला सतत प्रभूवर विश्वास ठिवा असा आखणा 'तो गीरिकला गया.' ³ तो गीरिकम तीन महिना रहेना 'आन मग त्यान जहाजान सिरीयाला जावानी योजना तयार करणा 'पण त्यान असा एकना की बरच येहुदी त्याला ठार मारवानी योजना तयार करीत म्हणी तो तहीन निघी परत मासेदोनीया मार्र्ग्न गया.' ⁴ जे लोक त्याने बरोबर येरुस्लेमन प्रवास करत रहीनल 'त्याजम पुराना पोऱ्या सोपुत्र 'बीरुयाकर थेसल निकम्ध्ल अरीस्तार्ख आन सुकुद गायस द्र्बेकर तीम्म्त ग्ल्तीय्य देसम्हीन 'आन टायर्स आन त्रोफीम जा आशिया महीन अस्ताल .' ⁵ जे सात लोक पौल आन आमने पुढ जहाजन मासेदोनियाला गयेत 'ते आमने आधी पोह्चना आन त्रोवास हे ठीकान्वर त्यास आमनी वाट जोद्द्या.' ⁶ पण पोल आन मय फील्प हे शहरप्हीन लाब प्रवास करत रहेणाल 'यहुदियाने बेखमीर भभाकरणे सनला आम्हू त्रोवासला जावानी जहाज धरया .पाच दिवसणे प्रवासणे नतर आम्ही त्रोवासला गयेत आन ते सगळासला भेटनत जे आम्ह्ने पुढ गयेत नतर आम्हू त्रोवासला सात दिवस रहीनत. युतुख ⁷ रविवारी सध्याकाळी आम्हू सगळ विश्वासनार प्रभू भोजनाला एक ठिकाणी जमनत पौल विश्वास नार्यासने सग निम्मेरात पोह्तर बोलत रहीणाल 'कारण त्याला दुसरे दिवस त्रोवासला जावानी असताल.' ⁸ आम्हू जे खोलीम बसंल तय भरपूर दीव [बत्या ]असतल ⁹ युतुख नवना एक तरुण तय असताल तो एक उघडे खिडकीने फळीवर बसनाल जसा पौलना भाष्यन जास्त वेळ चालना 'युतुखला जास्त झोप लागणी 'आन सेवट तो झोपणा 'आन तो खिडकी महीन बाहेर पडणा 'काही विश्वासनार्यास लगेच त्याला खाली जाई जोद्द्या 'पण ता मरी गय्या. ' ¹⁰ पौलपन खाली गया 'त्याला त्याजवर बहाळ टाकणा आन त्याला कुशीम लिन्हा त्याने नतर त्यान तय असणारे लोकासला आखणा 'काळ करूनका ''ता परत मरान महीन जीवत व्हई. ¹¹ नतर पौल दुसरास नेसग परत वरचे माडीवर गया 'आन त्यान जेवान करणा .पहाट पर्यंत त्यासाने संग बोलत रयनाल . ¹² मग तो गया द्सरास ते तरुणला ल्ही गयत . आन तो जिवंत व्हायना म्हणी त्यास्ला खूप आनंद व्हाय्ना. मिलेतना प्रवास ¹³ मग आम्हू जहाजक गयत. पण पौल आम्ह्ने संग त्रौौवासम जहाजम बसणा नाहा. कारण त्याला, रस्तान आसोसला जावानी आसतल. बाकीन आम्हू दुसर सगळ जहाजन आसोसला निघ्नात . ¹⁴ पौल आम्हाला त्रोवासम सामील व्हाय्ना. आन मग आम्हू जहाजम पुढ मिलीताला निघनात. ¹⁵ मिलीताला पोह्च्न्त लगेच दुसरे दिवस आम्हू निघनत आन कीर्योस नावने बेटावर गयेत. दुसरे दिवस आम्हू सामुस बेटम गयत दुसरे आम्हू मिलीतला पोह्चना . मिलीतूस हाय इफीसने दक्षिणला आसतल. ¹⁶ आन पौलनि आशियाम जास्त दिवस थांबवाणी इच्छा नस्तेल म्हणी त्याला इफीसम जावानी नास्ताल. पेंटीकोस्टने सनने व्रेळेस येरुशलेम आस्वा अशी पौलनि ईच्छा आस्तेल . आन सनना दिवस जवळ वनात . मिलेतमं इफिसने वडीलवर्गाशी पौलन वियोग समयी केलेला भाषण ¹⁷ मग त्यान मिलेतहून इफिसला निरोप पाठवी मंडळीने वडीलासला बोलवी ल्हीना. ¹⁸ जव्हा तो वडील त्याला भेटवावाणी वान्हां . तव्हा त्य्यान त्यासाला आखणा , आशियाने भागमहीन तुमाह्क वन्हां. ते पहिले दिवस पहिन तर शेवटने दिवस पर्यंत मय तुम्ह्ने संग कसा वागणा हाय तुम्हू जोईत . ¹⁹ मय प्रभू येशुनी सेवा किती ली नम्रतेन करणा आन मय कसा आस्स्रु ढळणा .हाय तुम्हाला महित आस . तसाच विश्वासनारे यहुदीस मला जीवच मारवानी किती तरी वेळा प्रयेत्न कऱ्या त्याने मूळ मला किती छळ सहन करवा लागणा हाय तुम्हाला माहित आस. ²⁰ आन जव्हा मयं तुम्हाला देवना संदेश दिन्हा तव्हा तुम्न्हे उपयोगनि गोष्ट तुम्हापहिन राखी ठेवना नाहा . मय तुमने घर गया आन तुम्हाला सगळा काही शिकवणा . ²¹ मय यहुदियासला आन गैर यहुदीयासला संदेश दिन्हा कि त्यास आपले पापमय जीवन शैली महीन वळवा आन प्रभूवर विश्वास ठेवावा. ²² आता मय येरुशलेम जात रहित कारण पवित्र आत्मान मला स्पष्ट दाखवीत, म्हणी मय त्याने आज्ञाना पालन करीक ठिकाणी तुम्हू लाक्षाम ल्ह्या जर कोण्ह मला आसा संदेश देतान ऐकेल आशी येसुवर विश्वास न ठेवता मरणे, तर ती मन्ही चूक रहनार नाहा. ²³ केवळ इतका कळ की , बंधन व संकट मान्ही वाट पाहत आसत ; हे विषयी पवित्र आत्मा मला नगरोनगरी साक्ष देत आसं . ²⁴ मय तर आपले प्राणनी किंमत एवढी पण कर नाहा , हे साठी की , मय आपली धाव आन देवने कृपानी सुवार्ता निश्चित अर्थान आख्वानी जी सेवा मला प्रभू येशू पहिन प्रप्त व्ह्यनी आसं ती शेवटास न्यावी . ²⁵ आन आता पाहा , ज्यासामं मय राज्यनी घोषणा करत फिरणा ते तुम्हा कोणाणेही दृष्टीला मान्हां तोंड परत पडणार नाहा , हाय मला ठाऊक आसं . ²⁶ म्हणी आजने दिवस मय तुम्हाला खात्रीपूर्वक आख की , मय सर्वासने रक्ताविषयी निर्दोष आसं ; ²⁷ कारण देवन जी योजना करणा ती मय तुम्हाला आखणा . ²⁸ पुढारयासस्व तुम्हू कायम देवन विश्वासम आन आज्ञा पाळणाम वाढले पाहिजे. त्य्याच प्रमाण पवित्र आत्मान जे विश्वासनारे तुम्हालल त्यास्ने काळजी तुम्हू लील्ही पाहिजे. स्वाताकड ध्यान द्या त्य्याच प्रकारे विश्वासणारे मांडळीक ध्यान द्या. जसा मेंढपाळ आपले मेढरासकलक्ष देय देवन त्यासला त्याने पोर्याने वंदस्तभवरचे वाहते रक्तान विकत लिहत. ²⁹ मला माहीत आस मय हे ठिकाणी वरीन गेल्यावर जे चूकीन शीक्षण देत तुम्हक ईत आन चूकीने सीक्षन द्वरे लोकासला बिघडवईत ते ब्याकर लाड्गासने सारख रहित 'जस मेढसला ठार मारत . ³⁰ तुम्हास महित काही पुढारी निघ्यीत जा चुकीना सीक्ष्न ता विश्वास नार्यासला दित ते द्वारे काहीस ता शदेस एकी त्यासना अनुयायी व्हई '. ³¹ तर ज्वो कोणीही प्रभुणे वचानवर विश्वास ठेवाणी थांबू नका ता दिवस आठवा जव्हा तीन वरशे दिवस रात्र आध्यत्मिक नेत्रास महे तुम्हाला प्रभुणे बरोबर विश्वासम रह्वानी शिकवनी. ³² आता मय जात असतान देवने जवळ माग की त्यान तुमना रक्षण करवा आन तुम्हाला विश्वासम टिकी ठेवा 'ज्यानेसाठी आम्हू पात्र न्स्त्ल 'तुम्हू जा स्धेस महे आखीत त्याजवर विश्वास ठेव्यातर तुम्हू मजबूत व्हाल आन देव तुमाला कायेम चागल्या गोष्टी दीही 'जा द्यावानी अभिवचन त्यान दित त्या त्याने ताब्याम आसत.' ³³ महे स्वत'नेसाठीकोनानच पेसासना किवा चागले कपडा सना लोभ धरणा नाहा.' ³⁴ तुम्हाला स्वताला माहीत आस की मय आन माने सोबतीस्न्या गरजा पूर्ण कर्वानीसाठी महे 'हे हातांन कसट करी पेसा कमवणा. ³⁵ जा काही महे करणा 'ता तुम्हाला माहीत आस 'तेच प्रकारे आम्हू जास्त कष्टकर्वाकी जे द्वारे दुसरे गरजवतला मद्द करवा ह्या गोष्टी प्रभू येशून आम्हाला आखीत त्या ल्क्षम ठेवा लिहिल्याने पेक्षा देणा जास्त क्षेस्ट आस. ³⁶ जव्हा पवूलन बोलवानी संपवना 'तव्हा त्यान गुडघा टेकी ते सगळा सनेसग प्रार्थना करणा . ³⁷ ते लय रड्तत 'आन त्यास पौलने गळाम गळा घाली त्याना मुका लीद्या. ' ³⁸ ते लय दुःखी व्ह्यंत कारण त्यान असा आखणा की मय तुम्ह्ने नजरला कधीच पडणार नाहा 'मग ते सगळाजन जहाज पण पोह्चनत त्याने सग गयेत.

Chapter 21

मिलात पहिन सोरापर्यंत येणा ¹ इफिस येथील वडील वर्गास निरोप दिल्यावर आम्हु जहाजम बसनात आन कोस हे बेटवर उतरणत. तय आम्हु एक रात्र मुकाम कऱ्या.दुसरे दिवस अम्हू परत जहाजम बसनत.आन कोस वरून रुदा हे बेटवर उतरणात. दुसरे अम्हू पातरा हे शहरम गयेत. पतराम आम्हू आमन्हा जहाज सोड्या. ² कोणतरी आम्हाला आख्या कि एक जहाज फेनिकाला जाणार आस. आम्हु ते जहाजम बसनात आन ता जहाज निघणा. ³ कुप्र हाय बेट दिसूपर्यंत आम्हु समुद्रामहित प्रवास कऱ्या. आम्हू बेटने दक्षिणत्याव गयत. आन सिरीया प्रांतमधीले टायरे नगरमधले फेनिकाला पोहचेपर्यंत जहाजामहित प्रवास कऱ्या. जहाजमहित माल खाली उतरावणी आसनाल. म्हणी ता जहाज तय बरेच दिवस थांबणार आसनाल. ⁴ कोन्ह्तरी आम्हाला टायरे मधलं विश्वसणार काय रहत ता आख्या. आम्हु त्यासात्याव गयत आन त्यास्ने बरोबर बरेच दिवस ऱ्हयनत. देवने आत्मानं त्यासाला प्रगट करणा कि येरुश्लेमम लोक पौलला त्रास दित. म्हणी पौलन येरुश्लेमला जावा नाहा. ⁵ आसा त्यासं पौलला आख्या. जहाजनी परत निघनानी वेळ झाल्यावर आम्हु पुढ येरुश्लेम्ला जावानी तयारी कऱ्या.टायरे सोड्तानी सगळ विश्वसणारं आन त्यास्न बायकापोरं आम्हाला निरोप द्यावानी समुद्राने कडला वनत. आम्हु तय वाळूमं गुडगं टेकी प्रार्थना कऱ्या. ⁶ एकमेकासना निरोप ल्हिल्यानंतर आम्हु जहाजमं बसनत आन ते सगळजण आपले घर माघारी गयत. ⁷ टायरे सोडल्यावर आम्हू ते जहाजमहित प्तलमैस नागरत्याव निघनत. तय आम्हु विश्वास्नार्यासला भेटणंनत. ते रात्री त्यास्ने बरोबर ऱ्हयनात. ⁸ दुसरे दिवस आम्हु प्तलमैस सोड्या आन कैसरीया नगरत्याव वनत. आम्हु फिलीपने घर ऱ्हयनत. तो लोकासला येशुना शिष्य बनावणीसाठी मार्गदर्शन करता. येरुश्लेम मधले विधवासनी काळजी ल्हेनारे सात बंधूस पैकी तो एक आसनाल. ⁹ त्याला चार अविवाहित मुली आसनाल्यात. त्या देवना संदेश देत्यात. ¹⁰ फिलिपने घर आम्हु बरेच दिवस ऱ्हयनत. यहुदिया प्रांत महित आगब नावणा एक विश्वासनारा कैसरीयाम वन्हाल. तो वेळोवळी देवना संदेश देता. ¹¹ तो आम्हासत्याव वन्हा व त्यान पौलना कमरबंद ल्हीना. त्यान ते कमरबंद वहार हातपाय बांधणा आन त्यान आखणा, “पवित्र आत्मा आसा आखं कि कमरबंद ज्यान्हा आस त्याला येरुश्लेम मधलं पुढारी आशे प्रकारे बांधीत आन परराष्ट्रीय लोकास्ने हातमं कैदी म्हणी दिहीत.” ¹² हाय ऐक्ल्याव आम्हु व इतर विश्वसणार पौलला आख्या,”तुम्हु कृपा करी येरूश्लेमला जाऊ नका.” ¹³ पण पौलन उत्तर दिन्हा,”तुम्हु कृपा करी रडू नका व मान्हा मन खचू नका. मय कैदम जावानी तयार आस. आन येरुश्लेमम मरवानी देखील तयार आस. कारण मय प्रभूनी सेवा करं.” ¹⁴ तो येरुश्लेममला जाणारच हाय ध्यानम आल्यावर आम्हु त्याला थांबवानी प्रयत्न कऱ्या नाहा. आम्हु आख्या, “प्रभूने ईच्छा प्रमाणे होवो.” ¹⁵ कैसरीया मधले ते दिवसने नंतर आम्हू सामानास्नी बांधाबांध कऱ्या आन येरुश्लेममला जवानी निघनात. ¹⁶ कैसरीया मधले काही विश्वसणार पण आम्ह्ने बरोबर वन्ह्त. म्नासोन नावने मानुस्ने घर त्यास आम्हाला रव्हानी लिन्हा. तो कुप्रमधला माणूस आसनाल. जव्हा सुरवातीला लोक येशूने बद्दल ऐकवाणी तयार व्हयनत तव्हाच त्यान येशूवर विश्वास ठेवनाल. ¹⁷ येरुश्लेमेत आल्यावर विश्वास्नार्यास आनंदम आम्ह्ना स्वागत कऱ्या. ¹⁸ दुसरे दिवस पौल व आम्हु याकोबत्याव गयत. तो तयले मंडळीना पुढारी आसनाल. येरुश्लेमने मंडळीम इतर पुढारी पण तय आस्नलत. ¹⁹ पौलन त्यासला अभिवादन करणा व त्याने द्वारे ज्या सगळ्या गोष्टी देवन परराष्ट्रीय लोकास्म करणा त्या बद्दल त्यासाला आखणा. ²⁰ हाय ऐकी याकोब व इतर पुढाऱ्यास देवना आभार मान्या. ते मधले एकजणन पौलला आखणा ,”बंधू , तुम्हाला माहित आस कि येशूवर विश्वास ठेवणारं हजारो यहुदी उथी आसत. तुम्हाला हाय पण माहित आस कि मोशेने नियमशास्रना ते काटेकोरपणी पालन करत. ²¹ परंतु त्यासाला आसा आखीत कि तुम्हु यहुदी नसतानी , यहुद्यासला मोशेना नियमशास्र पाळू नका आसा आखत. आपले मुलास्नी सुंता करू नका व इतरही रीतीरिवाज पाळू नका आसा पण तुम्हु आखा. ते लोक तुम्हने विषयी खरा आखत याजवर आम्हना विश्वास नाहा. ²² तुम्हु उथी वन्ह्त हाय मान्हे यहुदी बांधवासला कळना, ते तुम्हास्वर रागवीत.म्हणी त्यास तुम्हने बद्दल ऐकलेला खोटा आस हाय तुम्हु सिद्ध करी दाखवा. म्हणी कृपा करी आम्हु आखत ता करा. आम्हासम चार लोक आसत ज्यास देवने बरोबर शपथ खाईत. ते लोकास्ने संग जा आन तुम्ह्नेसाठी व त्यास्नेसाठी गरजन विधी करा जेणे करी मंदिरम आराधना करता इही. ²³ अर्पणने वेळेस त्यास्ना खर्च तुम्हु भरा. ते नंतर सर्व डोकानं केसं कापू शकीत आन त्यास्नेद्वारे जा ते आखीत ते प्रमाण करीत हाय दाखवी दिहीत. जव्हा लोक तुम्हाला त्यास्ने संग जोहित तव्हा त्यासाला कळहि कि तुम्ह्ने बद्दल त्यासाला जा आखीत ता खरा नाहा. ²⁴ उलट तुम्हु यहुदी नियम शास्राना पालन करत हाय सगळासला कळहि . ²⁵ जे यहुदी नसलेले लोक्कास येशूवर विश्वास ठेव्या आसे लोकास का करवानी . आम्हू कोणत फायद पाळावं हे बद्दल आम्हु येरुश्लेम मधले वडीलधाऱ्यास चर्चा करीत. आन आम्हु त्यासाला पत्र लिही आम्ह्ना निर्णय कळवित. ²⁶ आम्हु आसा कळवीत कि मूर्तीला अर्पिलेले पदार्थ जनवारसना रक्त व गळा दाबी मारलेले जनवारसना मास खाऊ नाहा. व्यभिचार करू नये.तव्हा पौल तयार व्ह्यना. दुसरे दिवस त्यान चार लोक्सला संग लिन्हा आन सगळजन शुद्ध व्हायनात. त्याने नंतर पौल मंदिरम गयाव कोणते दिवस त्यास्ना शुद्धीकरण पूर्ण व्हई , प्रत्येकनेसाठी जनवारसना अर्पण कधी करवावाणी ता त्यान याजकला आखणा. ²⁷ जव्हा शुद्धीकरनान संपत वन्ह्त, पौल परत मंदिरने आंगणम गया. आशियामधले काही यहुद्यास त्याला तय जोयध्या व ते खूप रागवायनत. त्यास अनेक यहुद्यासला जे तय मंदिरने आंगणम आस्नलात त्यासाला पौलला धरवानी मदत करवा म्हणी बोलव्या. ²⁸ ते आरडू लागनत, "इस्रायली बांधवास्व , धावा आन आम्हाला हे मानुसला शिक्षा करवानी साठी मदत करा !हायच तो माणूस आस जो जय जाही तय लोकासला शिकव कि त्यास यहुदी लोकास्ना अपमान करवा. हाय लोकासला शिकव कि त्यास आता मोशेना नियमशास्र पाळवानी किवा हे पवित्र मंदिरना आदर करवानी काही गरज नाहा. ²⁹ त्यान तर गैर यहुदी लोकासला पण मंदिरने आंगणम आणणा आसं ज्याने मूळं हाय ठिकाण अपवित्र व्ह्यना आसं.त्यास आसा आख्या कारण त्यास पौलला त्रफिमा संग येरुश्लेम फिरतान जोध्याल. जो यहुदी नसनाल. त्यास्ने नियम शास्रने प्रमाण गैर यहुदी लोकासला मंदिरम प्रवेश नासनाल, पण त्यासला वाटणा कि पौलनं त्रफिमाला ते दिवस मंदिरने आंगणम आन्ह्या. ³⁰ शहरमधले सगळे लोकास हाय ऐक्या कि मंदिरने आंगणम गोंधळ व्ह्यना आस. ते सगळ लोक मंदिरत्याव धावणत. त्यास पौलला मंदिरमहित वडत बाहेर आन्या. मग मंदिरने आंगणना दार बंद कऱ्या. कारण लोकास मंदिरम दंगा करवा नाहा. ³¹ जे वेळेस लोक पौलला ठार मारवाणी प्रयत्न करत रहयनलत, तव्हा कोणतरी मंदिरने जवळ आसलेले किल्लाम पळत गया आन तयले रोमी अधिकारीला आखणा कि अनेक लोकं मंदिरम दंगा करत रहित. ³² सैन्याधिकारी लगेच काही अधिकारी व शिपायासनी पलटण ल्ही मंदिरत्य्यव गया. जय लोकास्ना घोळका आसनाल. तो लोकास्ना घोळका आरडाओरडा करत पौलला मारत रयनाल जव्हा त्यास सरदार आन शिपायसला त्यासात्याव येतानी जोध्या त्यास त्याला मारवानी थांबव्या. ³³ सरदारन यीही पौलला धऱ्या आन शिपायसला आख्या कि कि पौलने दोन्ही हाथम साखळदंड बांधा.त्यानंतर त्यान गर्दीमधले लोकासला विचारणा, “हाय माणूस कोण आसं. आन ह्यान का करीत?” ³⁴ जमावमधलं काही लोक एक गोष्ट ओरडू लागनात तर काही दुसरी. लोक एकसारखे इतके जोराम ओरडतत कि सरदारला काहीच कळना नाहा कि ते का बोलत रहित. ³⁵ म्हणी त्यान आज्ञा करणा कि पौलला किल्लावर ल्ही चला म्हणजी तो त्यांनी चौकशी करी. शिपाई पौलला मंदिरने पायरीवरीत ल्ही जात रयनलत पण जमाव त्यास्ने मागच येत ऱ्हयनाल. ³⁶ ते पौलला ठार मारवानी प्रयत्न करतत. तव्हा सरदारन पौलला उचली किल्लावर ल्ही येवानी शिपायसला आज्ञा करणा. लोकं त्यास्ने माघमाघ हाय ओरडतत कि, “त्याला ठार मारा!” ³⁷ पौलला आता किल्लावर ल्हीजाणार तोच त्यान ग्रीक भाषांम सरदारला आखणा.”मय तुम्ह्ने संग काही बोलू शक का?”ते सरदारन त्याला आखणा "मला आश्चर्य वाट कि तुला ग्रीक भाषा यय! ³⁸ मला वाटणा कि तू तो मिसरी माणूस आसस ज्यान काही दिवस आघोदर सरकारने विरोधम विद्रोह करवानी प्रयत्न करनाल. आन तो चारशे बंडखोर माणसं संग ल्ही वाळवंटम पळी गया.ज्यामूळ आम्हु त्याला पकडू शकनत नाहा. ³⁹ पौलन उत्तर दिन्हा, “नाहा, मय तो माणूस नाहा, मय यहुदी आसं. मय तार्सासम जन्मीत, जा किलीकिलीमधला एक मह्त्वाना शहर आसं. मय तुम्हाला विनंती कर कि मला लोकास्ने संग बोलू द्या. “तव्हा सरदारन त्याला लोकास्ने संग बोलवानी परवानगी दिन्हा. तव्हा पौल पायरीवर उभा ऱ्हयना आन हातवारे करी लोकासला शांत रव्हानी विनंती करणा. आन जव्हा लोकं शांत ऱ्हयनत, पौल त्यास्ने संग स्वाताने इब्री भाषम बोलू लागणा. ⁴⁰ पौलन उत्तर दिन्हा,”नाहा मय नाहा!मय यहुदी आसं!मय तर्कसला जन्मीत , जा मह्त्वाना शहर किलीकीयाम आसं. मय विनंती कर कि मला यास्ने संग बोलुद्या. मग मुख्य आधीकारीन त्याला बोलवानी परवानगी दिन्हा.तव्हा पौल उभा ऱ्हयना व पायरीवर बसलेले लोकासला हात हालवी शांत ऱ्हवाणी आखना, मग पौल त्याने इब्री भाषम त्यास्ने संग बोलू लागणा.

Chapter 22

यहुद्यासने संग पौलन केलेला भाषण ¹ पौलन आखणा, "येहुदी वडील मंडळी व मान्हे बधुस्व,मजवर आरोप करणाऱ्यासला मय उत्तर देत आस्तानी तुम्हु ऐका. ² पौलला त्यास्ने इब्री भाषेम बोलतान जव्हा त्यास ऐक्या तव्हा ते शांत व्ह्यनत व त्याना ऐकू लगनत. मग पौलन त्यासाला आखणा. ³ "मय पण तुम्ह्ने सारखा एक यहुदी आसं. किली किला ने प्रांतम तार्स हे नगरम मान्हा जन्म व्ह्यना. पण मय येरुश्लेम मोठा व्ह्यना. आपले पूर्वजासला मोशेन दिलेलं नियम मय लहान आस्तानी शिकणा. गम्लीयेल माझे शिक्षक होते. देवना आज्ञापालन कारावानी मय हे नियम पाळता व ते नियम तुम्हु सगळजन पाळत असाल आशी मान्ही खातरी आसं. ⁴ म्हणी जे लोक येशूने संदेशवर तेवत असत त्यासाला मय आटक करवानी प्रयत्न करता. त्यासाला ठार करवानी कारण शोधता. जे वेळस मला संदेशवर विश्व्वास ठेवणार स्री व पुरुष सापडतात त्यावेळेस मय त्यासाला अटक करत्ता.५ ⁵ मुख्य याजक व यहुदी वडील वर्गाला हाय माहित आस.ते द्शिम्क या शहरातील त्यास्ने यहुदी सहकाऱ्यासला माने मार्फत पत्र देतत. तय जाई येशूवर विश्वासठेवणंऱ्यासला आटक करवानी अधिकार मला हे पत्रासमूळ मिळता. मग येरुश्लेमम शिक्षा व्हावी म्हणी मय त्यासाला कैद करी न्हेता. ⁶ म्हणून मय दिमिक्षला चालनाल दुपारी बाराने सुमारास दिमिक्ष जवळ येतानी आकाश महित तेजस्वी आसा प्रकाश मजवर उतरणा. ⁷ तो इतका तेजस्वी आसनाल कि मय जमीनवर पडना.मग आकाश महित कोणीतरी मान्हे बरोबर बोलतानी वाणी मय ऐक्ना. शौला,शौला तू मला दुखः देवानी करता आसा कजा करस. ⁸ मय उत्तर दिन्हा "प्रभू, तू कोण आसस ?त्यान उत्तर दिन्हा, “तू ज्याला दुख देत आसस तोच मय नासोरी येशू आसं.” ⁹ जे पुरुष मान्हे बरोबर प्रवास करतत त्य्यासालाही ता प्रकाश दिसणा.पण वाणी का बोलणी हाय त्यासाला समजणा नाहा. ¹⁰ नंतर मय विचारणा "प्रभू मय का करवानी आशी तुन्ही इच्छा आसं? प्रभून मला आखणा " उठ व दिमिक्ष येथे जा. ¹¹ तू काय करावे व माझी काय आसं हाय एक वक्ती तुला आखी. त्यानंतर मला काही दिसना नाहा कारण ते तेजस्वी प्रकाशमूळ मय आंधळा व्ह्यनाल. मन्ही जे पुरुष मान्हेबरोबर आस्नलत त्यास मला हातला धरी दिमिक्ष येथे लीध्या. ¹² हनन्या नावना एक वक्ती मला भेटवानी वन्हा. तो य्ह्डी नियम पाळणारा व देवना आदर करणारा आसनाल. ¹³ दिमिक्ष मधील सगळ यहुदी त्याने बद्दल चांगल बोलतत. तो मान्हे जवळ वन्हा व आखणा "शौला मान्हे मित्रा, परत जोवानी लाग.”मला लगेच दिसावणी लागणा.व तो मान्हे जवळ उभा आसं आसा मय जोयन्हा. ¹⁴ नंतर त्य्यान आखणा, “जे देवणी उपासना आपल पूर्वज करतत व आपण करत असत ते देवन तुला निवडणा आसं व तुन्ह का करवानी या बद्दल तो तुला आखी. त्यान तुला मसीहा असलेल्या नीतिमान येशून दर्शन दिन्हा आसं. ¹⁵ तो स्वता तुन्हे बरोबर बोलना आसं ता तुन्ह ऐक्ना आसं त्यास पहिन तुन्ह जा काही एकन आस व जोयन्हा आस ता तू लोकासला आख्वा हे त्यांनी ईच्छा आसं. ¹⁶ म्हणी आता उशीर करू नको! उठ मला तुला बाप्तिस्मा देऊ दे आन तुन्हे पापानि क्षमा देवन करावा म्हणी तू प्रभू येशुत्याव प्रार्थना कर. ¹⁷ नंतर मय येरुश्लेम परत गया. एक दिवस मय मंदिरने आंगणम गया. व तय प्रार्थना करत आस्तानी मला दृष्टांत व्हाय्ना. ¹⁸ प्रभून मला आखणा "उथी रहू नको. लगेच येरुश्लेम सोडी जा कारण मान्हे बद्दल तू लोकासला आखन्नास तर ते विश्वास ठेवणार नाहा. ¹⁹ पण मय त्याला आखणा, “प्रभू तुजवर विश्वास ठेवणारे लोकास्ला सापडवने साठी मय बरेच सभास्तानम गया आसं. हाय तासाला माहित आस. ²⁰ जे तुजवर विश्वास ठेवत आशे लोकासला मय सापडी तुरुंगम टाकता. स्तेपन्न तुन्हे बद्दल लोकास्ला आखाना म्हणी त्याला मारी टाक्या हाय त्यासाला आठवाय. ते वेळेस मय स्वाता तय उभा ऱ्हहित सगळा काही जोता.व ते जा काही करतत त्याला मान्यता देता. ²¹ त्याला जे लोकं मारतत त्यास्न कपड मय सांभाळता. पण प्रभून आखणा, “नाहा तू उथी रहू नको.!येरुश्लेम सोड कारण मय तुला उथीन दूर इतर लोकास्ने गटसत्याव जे यहुदी नाहा आशास्त्याव पाठवत रहित. ²² प्रभून पौलला य्हुद्यासने लोकास्स्त्याव पाठवणार हाय पौल लोकासला आखेपर्यन्त लोक त्याना ऐकतत. पण नंतर लोक ओरडवाणी लागणत,”त्याला ठार मारा. ²³ तो जिवंत रव्हानी पात्र नाहा.''ते ओरडत आस्तलात त्यास त्यान आंगवरच कपड आन्ग्माहीन काढी हवाम आणि धूळम फेक्वा लगनत कारण त्यासाला लय राग येयेल आस्तोल. ²⁴ म्हणीन पौलला तुरुंगम टाकवा आशी आज्ञा पुढार्यास दिध्या.यहुदी लोकासला एव्हडा राग येहि असा पौलन नेमक का कर्नोल यानी माहिती पौलत्याहीन मिळवण्याकरता त्याला फटक मारा असा त्यान सैनिकसला आख्या. ²⁵ नंतर त्यास त्यान हात वढ़ि धार्या व ते बांध्या कारण त्यासाला त्याने पाठीवर फटक मारवानी आस्तलात.पण पौल त्यान्या जवळ असलेल्या सैनिकासला आखणा.''तुम्हु जर मला फटक माऱ्या तर तुम्हु कायदाना भंग करत रहित कारण मय एक रोमी नागरिक आस व तुम्हु मला आजून दोषी ठरवीत नाहा.'' ²⁶ जव्हा सैनिकास ता आयक्या .त्यान अधिकारीसत्याव जायी ही बातमी दीध्या.त्यान अधिकार्यासला आखणा,''ह्यो माणूस रोमी नागरिक आस.त्याला फटक मरवानी अधिकार तुम्हु आम्हाला देणार नहात न ? ²⁷ जव्हा अधिकार्यास हाय आयक्या तव्हा त्याला आश्चर्य वाटणा.तो स्वतः तुरुंगम जायी पौलला आखणा,''तू खरोखर रोमी नागरिक आसस का. ? ²⁸ पौलन हा असा उत्तर दीना.तव्हा अधिकारीन आखणा ''मय सुद्धा रोमी नागरिक आस रोमी नागरिक व्हावान्यासाठी मह्य लय पैसा दीना.पौलन त्याला आखणा,''पण मय जन्म;त नागरिक आस.सैनिक त्याला फटक मारणार आस्तलत व प्रश्न विचारणार आस्तलत.पण पौल का आखत रहित हाय त्यास आयक्या तव्हा त्यास त्याला सोडी दीध्या. ²⁹ अधिकार्यासलाही भिती वाटवानी लागनी कारण पौल ह्यो ररोमी नागरिक आस हाय त्याला कळना व सैनिकासला पौलना हात बांधवानी आदेश दिल्यामुळ त्यान कायदान भंग करेल. ³⁰ यहुदी लोक पौलवर आरोप कजा करतत हाय अधिकार्याला माहित करी लेवानी आस्ताल म्हनीन त्यान दुसर्या दीवस पौलन्या बेडया काढवानी सैनिकासला आखणा त्याने मुख्य याजक व इतर यहुदी न्यायसभाने सदस्यासला एकाच ठिकाणी बोलाव्या.त्यानंतर त्या ठिकाणी तो पौलला ली गया व त्यासान्या समोर उभा कऱ्या .

Chapter 23

¹ यहुदी महासभा सभासदसड जोत पोलन आखणा मान्हे यहुदी भावा ओ मान्हे जीवनभर मी देवना सन्मान करणा आस व तेन्हे विरुद्ध काहिच आ योग्य वागणा आस मला वाट नाहा. ² हाय एैकि मुख्ययाजक हनन्या पोलने शेजारी उभा असणारा मानुसला पोलने थोबाडंम मारवानी आख्या. ³ मोशेने नियम शास्र प्रमाण तू मान्हा न्याय .करस पण तू स्वत तो नियम मोडस कारण मजवर गुन्हा साबितना होता तू मला मारवानी आज्ञा करस. ⁴ तो माणूस पोलने शेजारी उभा अस्ताल तेस तेला आख्या ''देवना सेवक विरुद्ध तू बोलस का तो आम्हाना मुख्य याजक आस. ⁵ पोलन त्या लोकसला आखणा मान्हे यहुदी भावास ओ महे जा बोलना तेंही मला क्षमा करा करण मला मारवणी आज्ञा देणारा मुख्य याजक आस्तांल तो मला माहित नस्ताल जर मला माहित रहता तर मय वाईट बोलता नाहा करण आपला यहुदी नियम शास्त्रम आपला अधिकारी विरुद्ध वाईट बोलू नको आसा लिहेल आस. ⁶ यहुदी धर्मसभाम काही परूशी व काही सदुकी हे पौलाला महित अस्ताल म्हणून धर्म सभाम तो मोठ्यान आखणा मन्हे भावास ओ मन्हा जन्म पसून मय परुशी आस व एक दिवस देव मेलेसला जिवंत करी हाय मन्हा विश्वासने साठी मन्हे वर दावा लावलेला आस. ⁷ हाय बोलना आयकी परुशी व सदुकी मेलेलंसन्या पुन्हा उठ्वणी विषयी वाद करू लागंनत. ⁸ सदुकी मेलेलं उठत नाहा आसा विश्वास ठेवत व देवदूत किवा आत्मा नाहा हायी ते मानत .परुशी मात्र हायी सर्व आस आसा विश्वास . ⁹ यान्हे मूळ तेसाम फुट पडनी व ते आपल्यामच मोठा वाद करवानी लागनत परुशास पैकी कोणी शिक्षक उठी उभ रहीनत .तेसने पैकी एक न आखणा .आम्हाला ह्या मानुसम काही चूक दिस नाहा कदाचित आत्मान किवा देवदूतसन मानुसने संग बोलना करणा आसई तर .तो जा बोल ता सत्य आस तव्हा परुशी व सदुकी ते एकमेकावर खवळनत व मारणार होयंत . ¹⁰ तव्हा सरदार घाबरी गया कि ते पौलला फाडी टाखीत व तेन्हे तूकड करीत म्हणून तेन्ह शिपायसला आखणा की पौलला महासभा महित बाहेर झेल्म परत ली जा. ¹¹ ते रातीला यशु मान्हे जवळ उभा आस पौलन जोयन्हा प्रभून त्याला आखणा ''हिम्मत धर तू य्रुश्लेम म मान्हे विषयी लोकसला आखनास तसाच तू रोमने शहरं म मान्हे विषयी लोकसला आखले पाहिजे.'' यहुद्यासना पौलने विरुद्ध कट ¹² दुसरे दिवस काही यहुदी जे पोलना द्वेष करत आस्तलत एकत्र ई तेसन पोलना खून कसा करवानी ह्याने विषयी विचार कऱ्या व तेसन आसी शपत लिद्या कि जो पर्यंत ते पौलला मारत नाहा तो पर्यंत ते खणार पिणार नाहा तेस देवला आख्या जर आम्हु हाय वचन मोड्यातर आम्हु शापम. ¹³ पौलना खून करवानी साठी चाळीस पेक्षा ज्यास्त लोक आस्तलत ¹⁴ ते मुख्य याजक व यहुदी वडील मानसस जाई आख्या ''आम्हु देवने समोर आशी शपत लिद्या कि पौलला मारल्या वाचून आम्हु काहीच खाणार पिणार नाहा. ¹⁵ आम्हु तुन्हाला विनती करत कि तुम्ह्च सरदारला आखी पौलला खाली बोलवा .सरदारला आखा की महासभला आणखी चौकशी करवानी आस तो येत आस तोच आम्हु .त्याला मारी ठाखवानी दबा धरू. ¹⁶ पौलने भासास्न तेसना विचार एैकना व पौलतेव झेल्म जाई हायी बातमी त्याला आखणा. ¹⁷ हायी बातमी एैकी पौलन एक शिपायस्ने आधिकारीला बोलवी आख्या कुरुपया ह्या तरूनला सरदार तेव लिजा कारण ह्या तरुणला सरदारला काही आख्वनी आस. ¹⁸ शिपायस्ने अधिकारी ते तरुणला सरदार तेव ली गयत व सरदारला आख्या झेल मधल्या पौलन मला बोलवी आख्या की ह्या तरुनला कृपया सरदार तेव लिजा याला काहीतरी तुम्हांला आख्वानी आस. ¹⁹ सरदारन तरुणला हात धरी बाजूला लीगया व विचारणा ''तू मला काय आखस. ²⁰ ते तरुण आखणा उद्या काही यहुदी पौलला महासभा म बोलवणार आसत ते पौलला काही प्रश्न विचारव वाणी आसत पण ता खरा नाहा. ²¹ ते जा आखीत ता करू नको कारण चाळीस पेक्षा जास्त यहुदी मानस पौलला महासभा जातान तेला मारी टाकवानी साठी दबा धरी बसलेला असणार पौलला मेल्य शिवाय ते खाणार पिणार नाहा तेसन देवने समोर शपत लिद्या आस .ते तयार आसत व आता ते आखईत व तुम्ह मान्य व्हावा म्हणून ते थाबी आसत. ²² सरदारन तरुणला आखणा ''तेसनी हायी योजना तू मला आखीत ती दुसरस ला आखू नको ''मग त्या तरुणला तेन्ह पाठवी दिना. ²³ मग सरदारन तेसने दोन शिपायस न्या आधीकार्यासला बोलवी तेसला आख्या दोनशे शिपायसनी तुकडी बरोबर जवानी साठी ल्या. ²⁴ सत्तर घोड्स्वर व दोनशे भालेकरी तुम्ह सर्व आज रात्री नऊ वाजता निघा कैसरीया नगरला जा पौलला बसवानी साठी घोडा ध्या व तेला सुरक्षित महारज फेलिक्स तेसने महाल म पोहचवा. ²⁵ मग सरदारन राज्यपलला पत्र लीव्हानी सुरवात करणा ता आसा. ²⁶ सन्मानीय राज्यपाल साहेब फेलिक्स महाशेय .मी क्लोडियस लीसियेसना तुम्हाला सलाम. ²⁷ पौल नाव ना होय माणूस मी तुम्हा तेव पाठवत रहित .काही यहुदी मानस ह्याला धरी मारी ठाखनार आस्तलत त्या वेळेला कोणी एक तरुण न मला आखणा कि होय रोमी आस म्हणून मी व मान्हे शिपायस्न यान्हीई सुटका कऱ्या. ²⁸ मला यहूदासन यन्हेवर लावलेला दोष समजी लेवणी इच्छा असतील म्हणून तेला मी यहुदसन्या महासभा म लीगया व हे मानुसला विचारलेल प्रश्न व तेन्ह दिलेलं उत्तर मी एैकना. ²⁹ ज्यान्हे विषयी ते तेला दोष लावत ते तेसने यहुदी नियम विषयी आस .पण पौलन कोणताच रोम नियम मोडण नाहा .म्हणून आपल्या अधिकाऱ्यास्न त्याला काही शिक्षा करू नाहा व तेला झेल्म नाहा टाकवा. ³⁰ कोणी एकन मला आखणा कि काही यहुदी ह्याला मारी टाकवाणी योजना करत आसत .म्हणून ह्याला मी तुम्हा तेव पाठव ह्यानेसाठी कि याला योग्य न्याय मिळावा जे यहुदी यान्हेवर दोष लावतत्त तेसाला सुद्धा कैसर्या तेव तुम्हा तेव यी यान्हे वरना दोष तुम्हाला आखवानी आख्या आस ³¹ शिपायासन सरदारने आखणा त्या प्रमाण कऱ्या तेस पौलला ली रात्रीने वेळेला खाली अंत्रीपात्रीस तय लिद्या. ³² दुसरे दिवस पायदळ शिपायस्नी तुकडी य्रुश्लेमला परत वनत .पण घोड्स्वर पौलला ली पुढ गयत. ³³ ते कैसर्या या शहरं म पोह्चंत तेसन राज्यपालला पत्र दिध्या व पौलला तेन्हे समोर सादर कऱ्या ³⁴ राज्यपाल न पत्र वाचना आनी पौलला आखणा ''तू कोणत्य प्रांताना आसस /पौल न उतर दिना ''मी किल्कीया प्रांताना आस. ³⁵ तव्हा राज्यपाल न आखणा तुझवर दोषारोप करणार लोक जव्हा इहित तव्हा मी तुन्हा प्रश्न उत्तर . एैकसू व तुन्हा न्याय करसू . तव्हा तेन्हे आज्ञा करणा की हेरोद राजान बाधलेला महालम पौलला राखणदार ठेवा

Chapter 24

¹ पाच दिवास्स्ने नंतर मुख्य याजक हानन्या व काही यहुदी पुढारी येरुश्लेममहित तुर्तुल्ल वकीलत्याव गयत आन तहिल राज्यपालत्याव पौल चुका दाखव्या. ² राज्यपालनं पौलवर आरोप लावणा. पौलन राज्यपालला आखणा, “माननीय फेलिक्स महाराज, तुम्हु चांगला कामं करत आसं आन आम्हु चांगला जीवन जग्या आसं. ³ हाय सगळा बद्दल आम्हु तुम्ह्नं आभारी आसत. ⁴ पण तुम्ह्ना जास्त वेळ न लेता कृपया आम्ह्ना बोलणा ऐकी ल्या ही विनती आसं. ⁵ आम्हु हाय जोध्या आस कि हाय सगळीकड यहुदियासला देय आन तो नास्रेतला अनुसरण करणारे गटना पुढारी आसं. ⁶ त्य्याला आम्हु मंदिर विटाळन्यापहिन थांबव्या. ⁷ परंतु लुसियस हे रोमी सरदारन त्याने सैनिकासने बरोबर यी पकड्या. ⁸ लुसियसनं मजवर आळ ठेवतानी उथी बोलावना. ⁹ जर तुम्हु त्याला प्रश्न विचाऱ्या तर तुम्हाला सत्य कळी. मग यहुदियास्ने सरदार आखणा कि तुर्तुल्लल्याचे बोलणा खरा आसं. ¹⁰ मग राज्यपाल फेलिक्सन हातना इशारा करी पौलला बोलावणी आखणा. मग पौलन उत्तर दिन्हा,” ¹¹ महाराज तुम्हुं यहुदी प्रांतम बरेच वर्ष चांगला काम कऱ्या आसं. मय खुश आस कि तुम्हु मान्हां न्याय कारसाल. ¹² यासं मला नाहा तर येरुश्लेमं आन नाहा तर मंदिरम भांडण करतानी जोहित. कारण मय तसा कर नाहा. ¹³ मय येहुदी लोकासम अशांती पसरव रहित आसा आरोप मजवर कोणीच सिध्द करू शकं नाहा. ¹⁴ परंतु मय हाय काबुल कर, कि मय मान्हे पूर्वजासने देवनी उपासना करं. ज्यान्हे बद्दल मोशे व इतर सादेष्ट्यात्यास आधीच लिही ठेवीत आसं ते येशू ख्रिस्ताने मार्गावर मय चालं. ¹⁵ जसा विशास हे लोक ठेवत तसाच मय देखील ठेवं, सर्व नीतिमान व अनितीमान परत मरणमही उठणार असत. ¹⁶ यानेमुळ मय नेहमी नितीनं वागवानी प्रयत्न करं. ¹⁷ बरेच वर्षास मय लोकासला दानधर्म करावणीसाठी येरुशेलममं वन्हा आसं. मन्दिरम देवनी उपासना व दानधर्म करत असता यासं मला जोध्या. ¹⁸ ते वेळेस मान्हे संग लोकास्ना घोळका नसताल तर काही यहुदी लोक आसनत. ¹⁹ त्यासाला मजमं काही दोष आढळता तर त्यास आपले पुढ यी मजवर दोषारोप लावतत. ²⁰ परंतु त्यासाला तसा काही सापडणा नाहा तरी, आता न्यायसभासमोर उभ असता त्यास तरी आखावं कि मय का अपराध करणा. ²¹ मेलेल्यासने परत उठण्याविषयी मान्हा न्याय आज आपलेपुढ होत रहित', आसा मय मोठ्यान आरडी आखणा. हाय मन्हा बोलना जर अपराध आशी तर आशी. ²² फेलिक्सला येशूने मार्गाविषयी आधीच माहित आसल्या मूळं त्यान पौल अथवा लोकासला जास्त बोलू न देता त्यान आखणा,”लुसिया सरदार आल्यावर तुम्ह्ने खटलाना निकाल दिल्हा जाई.” ²³ आन् त्यान शिपायासला हुकुम दिन्हा कि, याला पहाऱ्याम ठेवा तरी त्याला बांधी न ठेवता जा कोन्ही त्याला भेटावाणी यीही त्याला भेटावणी परवानगी द्या तसचं त्यान्ही काळजी ल्या. ²⁴ मग काही दिवसानंतर फेलिक्स आपली यहुदी पत्नी दृसील्या हिने बरोबर पौलने संग बोलावणी व्न्हां व त्यान पौलपहिन येशूख्रिस्ताने वरील विश्वासने विषयी ऐक्ना कि, ²⁵ माणुसनं आपली वागणूक देवला संतुष्ट करवानी दृष्टीन नितीमत्व, इंद्रीयदमन व पुढ होणारा न्याय आन ता ऐकि तो घाबरणा आन आखणा "आता बास व्ह्यना संधी सापडल्यावर तुला परत बोलऊ.” ²⁶ पौल आपल्याला काही पैसा दीही हे आपेक्षान फिलीक्सन पौलला अनेक वेळा बोलावना. पौल त्याने संग बोलना पण त्य्यान पैसा दिन्हा नाहा म्हणी फिलीक्सन पौलला तुरुंगमहित सोडणा नाहा. ²⁷ पुढ दोन वर्षासं फिलीक्सने जागी पुकर्य फेस्त हाय वन्हा तरी यहुदी पुढाऱ्यासला खुश करवानीसाठी फेस्तन पौलला तुरुंगमच ठी गया.

Chapter 25

फेस्ताने समोर पौलनि विचाररपूस ¹ फेस्त प्रांताधिकारी म्हणी कारभार जऊ लागल्यावर तीईन दिवसांन , कैसरीवरीन येरुश्लेम्लागाया. ² तय मुख्य याजक आन यहूदी पुढारीस फेस्ता कड पौलने विरुध्द तक्रार करया. ³ त्यास पौलला चौकाशिनेसाठी येरुश्लेमला आन्ह्वा म्हणी फेस्ताला आग्रह करया पण रास्तामच पौलवर हल्ला करी त्याला ठार मारवानी त्यास्ना प्ल्यान अस्ताल. ⁴ फेस्त्तान उत्तर दिना '' पौल कैसारीयाम कैदम आस '' त्याला तयच रहूद्या ,मय लवकर खाली कैसरीयाम जाणार आस. ⁵ त्यान पुढ आखणा '' जर तुम्हाला पौलवर काही आरोप ठेवानी आसाईतर ता शक्य व्हई त्यास मानी बरोबर यावा.' ⁶ फेस्त येरुश्लेम म मंदिर मधले पुढारीस्ने संग आठ दहा दिवस रही खाली कैसरीआला निघी गया दुसरेदिवस न्यायसणवर बसल्यावर फेस्तान पौललात्यास्ने समोर हजर करवानी हुकम दिना . ⁷ मग पौलाला नायसाने समोर आणल्यावर, येरुशलेमवरीन .येयल यहुदी पुधारीस त्यज वर भयानक आरोप लाव्या . जा त्यासला सिद्ध करता वना न्हा . ⁸ नंतर पौल स्वतः नि तरफी बोलणा '' मय यहूदीयास्ने नियम शास्र , मंदिर , राजानी काही करणा ना. ⁹ पण यहुदी पुढारीसला खुश करवानी साठी फेस्तान पौलाला विचारणा ''येरुश्लेमला जाई महे तूने हे गोष्टीस्ने साठी न्याय करवाका''? ¹⁰ पौलन न आखना ''न्हा मय हुती तुम्ह्ने समोर उभा आसतांनच माना न्याय हुतीच व्हवा कारण महे यहुदियास्ना काही गुन्हा करणा न्हा , हाय तुम्हाला माहित आस . ¹¹ जर महे माराने योगे काही गुन्हा करणा आसयी तर मय मरवाला नाकार न्हा पण आसा कोणताच आरोप त्यासाला माह्ने विरुद्ध सिद्ध करता वना न्हा त्यासाला खुश करवानीसाठी मला कोण्हीच दोषी ठरवू शकत न्हा कैसरण मान्हा न्याय करवा आशी मानी इच्छा आस. ¹² मग फेस्तान जोडी दारासने सात ल्हेई आखणा तून कैसरक न्याय माग्नास म्हणे तू त्याने समोर जाईस.'' अग्रीप्पा व बर्नीका ¹³ काही दिवसान हेरोद अग्रीप्पा राजानी बहिणीस बर्निकानेसंग फेस्ताला मोठे पानान भेटवानिसाठी कैसरीयाला वणी . ¹⁴ तय ती लय दिवस ऱ्हल्यावर एक दिवस फेस्तान पौलना विषय काढी आखणा हुती एक माणूस आस त्याला फेलीक्सान तुरंगम ठुईत ¹⁵ मय येरुस्लेमला गयास तव्हा मुख्य याजक अन यहुदी पुढरीस महे त्याला मूर्तु दड द्यावा अशी मागणी करेल ; ¹⁶ पण महे त्यासाला आखणा 'की भयकर गुन्हेगारला लगचे सीक्षा कर्वानी रोमन लोकासनी रीत नाहा 'पण गुन्हेगार आन वादी समोरासमोर आणी गुन्हेगारला स्वता;नी बाजू माड वाणी सधी देनाम येय. ¹⁷ म्हणी हे येहुदी पुढारी केसरीयाला वनत त्याने दुसरेच दिवस महे गुन्हेगारला न्यायसनने समोर हजर कर्वानी हुकुम दिना. ¹⁸ पण यहुदी पुढरीस लावेल आरोप मला गभीर वाटंत नाहा.' ¹⁹ त्यास त्यासने सग धार्मिक गोष्टीस बद्दल आन पौल ज्याला जीवत आख असे येशू नावने मरेल मानुसने बद्दल वाद घाल्या.' ²⁰ मला ये प्रकरणम का सत्य आस हाय कसा ठरावा 'त कळ नाहा 'म्हणी महे पौलला आखणा ;'येरुसलेम्म जाई महे तुन्हे हे प्रकरणा न्याय करवा का; ²¹ पण राजन स्वत ;ता न्याय करवा अशी पौलनी इच्छा आस म्हणी महे त्याला तुरुगम ठुवीत ; ²² अग्रीप्पान फेस्ताला आखणा ''हे मानुसना गरांना आईकवानी मान्ही इच्छा आस ''' फेस्तान उत्तर दिना ''तुम्हाला त्यांना गहराणा आईकवानी मय सकाळ व्यवस्ता कर.' ²³ दुसरे दिवस काही रोमन अधिकारी अन कईसरीया मधल मुख्य लोक यासने बरोबर अग्रीप्पा अन ब्रनिका यास न्याय सभाम प्रवेश केल्यावर फेस्तान पौलला आनवाणी हुकुम करणा. ²⁴ 'पौलला आणल्यावर फेस्तान आखणा 'अग्रीप्पा राजा अन सगळे हजर रह्णारे लोकास्व हे मानुसला ज्वा ''येरुस्लेम मधले अन हुतीले येहुदी पुढारी स्व याला जीवत ठिवू नका असा मला अर्ज करीत '' ²⁵ पण यान मरणंद्डांस योग्य काही करीत नाहा 'त्यान कईसरक न्याय मागित म्हणी महे त्याला रोमला पाठ्वानी ठरवीत.' ²⁶ पण याने वीशई राजाला लिही कळावाणी सारखा काहीच नाहा 'म्हणी अग्रीप्पा राजा अन तुम्ह्ने सगळासने समोर महे याला आणीत. ²⁷ 'मला वाट 'गुन्हेगारला रोमला पाठवतान लोकास त्याजवर लावेल आरोप न कळवणा चागला नाहा.

Chapter 26

अग्रीपाने पुढ पौलन केलेला भाषण ¹ आग्रीप्पान पौलला आखाना."आम्हु तुला बोलावणी संधी देत." मला बोलावणी आसं हाय दाखवानी पौलन हात दाखवणा. त्यान आखणा ² ,"आग्रीप्पा राजा, मय स्वताला धन्य समज. कारण मय काही वाईट करणा आसं हाय यहुदायास्ने पुढाऱ्यास आखलेला चुकीना कसा आसं हाय मय तुम्हाला आख्वानी मला आता संधी आस. ³ आम्हा यहुदायासनी रीत कशी आसं व आम्ह्नं काय असत हाय तुम्हाला आधीच माहित आसं. त्यानेमुळ मला हाय मांडवानी खूप सोपा आसं. कृपया ऐका. ⁴ मान्हे सुरवातीपहित ते मला ओळखतत व जर त्यासाला आख्वानी आशी तर ते तुम्हाला आखु शकतात. ⁵ कि मय मान्हे तरुणपण पहिन आम्ह्ने धर्माना कडक काळजीपूर्वक पालन करत आस्तोल. मय इतर परुशी सारखाच आस्तोल. ⁶ आम्ह्ने पुर्वजासने देवनं जा अभिवचन दिन्हा आसं तो ता पूर्ण कऱ्ही आसा मला पूर्ण विश्वास आसं आन ते विश्वासमुळ मजवर हाय खटला चालू आसं. ⁷ आमन बाराही यहुदीकुळं विश्वासनं देवने हे अभिवचननी वाट जोत रहित आन ते त्य्याना आदर करत. दिवस रात्र त्यानी आराधना करत. हे सन्माननीय राजा, देव न जा आभिवाचन दिन्हा आसं ता तो पूर्ण करीलच मन्हा पूर्ण विश्वास आसं. व त्यानाही तसा विश्वास आसं. व देव ता पूर्ण कऱ्ही हाय विश्वास मय ठेवणा याला ते अपराध आखत. ⁸ हे राजा तुला खरच आस वाट का ,कि देव मेलेल्यासला जिवंत करू शक नाहा? ⁹ नासरेथ गावने येशूवर लोकास विश्वास ठेवा नाहा यानेसाठी सगळा काही करवा आसा भूतकाळमं मय पूर्ण प्रयत्न करनाल. ¹⁰ मय येरुश्लेमम आसनाल तव्हा मय ताच करणाल. मय अनेक विश्वासानाऱ्या लोकास्ला तुरुंगम टाकना. मुख्य याजकनं मला तसा अधिकार दिन्हाल. आन जव्हा त्यास्ने लोकास विश्वासानाऱ्यासला माऱ्या तव्हा मयं त्यास्ने बाजूनं मत दिन्हाल. ¹¹ मय जवळ जवळ सगळे सभास्तानमं शिक्षा दिन्हा आसं. त्यास येशुना अपमान करावा यानेसाठी मय त्यासावर दाब टाक्वानी प्रयत्न करणा. मला येशूने लोकास्ना इतका राग येता की मय त्यासाला सापडावनी दुसरे शहरमं गया. ¹² मुख्य याजकन मला दमीश्क मधले लोकास्ला बंदी बनवानी अधिकार दिन्हाल, म्हणी मय तय गयाल मय रस्तानं जात आस्नोल तव्हा. ¹³ दुपारणे वेळेस मय आकाशमहित एक प्रखर प्रकाश जोयन्हा. तो तर सुर्यप्रकाशने पेक्षाही प्रखर आसनाल. तो मान्हे आजूबाजूला पडणा, व जे म्हाने बरोबर प्रवास करीत रयनलत त्यास्ने आजूबाजूला सुद्धा पडणा. ¹⁴ आम्हु सर्व जमीनवर पडनत. मग मान्हे हिब्रू भाषेमं मान्हे संग कोणतरी बोलनाना आवाज ऐकना. ते आवाजनं आखणा,"शौला ,शौला, तू मला त्रास कजा देस? ¹⁵ मग मय आखणा प्रभू तू कोण आससं?त्यान आखणा, "मय येशू आसं, ज्याला तू छळत आससं." ¹⁶ पण तू आता उठी उभा रहा. तू मान्हां सेवक बनावं, व जे तू आता जोयना व पुढ जोणार ते विषयी सक्षिदार बनावं म्हणी मय तुला दर्शन दिन्हा आसं. ¹⁷ गैर यहुदी लोकास्न डोळं उघडावं व ते अंधारमहित प्रकाशम यावा व सैतानने बंधनमहित देवत्याव यावं याने साठी मय तुला ते लोकास्त्याव पाठवणार आसं. ते लोकासपहिन मय तुन्हा राखण करसू. ¹⁸ म्हणजे देव त्यास्ने पापास्नी क्षमा कऱ्ही. व मजवर विश्वास ठेवल्यामुळे त्यासाला सर्वकाळना वतन भेटी. ¹⁹ म्हणून हे आग्रीपा राजा, मला देवन दृष्टांतम जा करावणी आखाना ताच मय करत रहित. ²⁰ मय पहिल्यादा द्श्मिक व येरुश्स्लेम येथील यहुदी लोकास बरोबर बोलना. व तसाच सर्व यहुदी प्रदेशमधला यहुदी व गैरयहुदी लोकासबरोबर बोललो. मय त्य्यासाला पापास्नी क्षमा मागा असा आखणा. व पाप टाकी दिलेल्या लोकास्ने सारख वागा व देवत्याव वळा आसा आखणा. ²¹ हाय संदेश मय मंदिर परिसरम आखत आसतानी काही यहुद्यास मला धऱ्या व मारी टाक्वानी प्रयत्न कऱ्या. ²² पण देव मान्हा मदत करणारा आसं मन्ही मय आजपोथर हाय घोषणा करतच वन्हा आस. मी हाय सामन्या व महत्वाने लोकासला आखतच व्न्हां आसं. सादेष्ट व मोशे यासं जा होणार आसं आख्या आसं ताच मय आखत वन्हा आसं. ²³ त्यास आख्या कि, ख्रिस्ताला दुखः व मरण सोसावी लाघी व तो मरणमहित उठणारा पहिला आशी. त्यास हाय पण आख्या कि तो यहुदी व आयहुदी लोकासला देवने तारनानी घोषणा कऱ्ही. ²⁴ पौलन पुढ काही बोलावण्य आधी, फेस्त मोठ्या आवाजम आखणा,"पौला तू वेडा आहेस. तून खूप आभ्यास केल्यामुळ तुन्हा डोका सरकणा आसं. ²⁵ पण पौलन उत्तर दिन्हा, फेस्त साहेब मय वेडा नाहा. उलट मय जा काही बोलत रहित ता आगदी खरा व मुद्दाना आसं. ²⁶ कारण मय जा काही बोलं ता आग्रीपा राजाला चांगला माहित आसं. हे विषयी मय त्यास्ने संग मोकळेपणानं बोलतो. याच्यातला काहीच कानाकोपराम घडणी नाहा. म्हणी सगळा काही त्यास्ने समोर आसं. ²⁷ "आग्रीपा राजा,तुम्हु संदेष्टत्यास्ने लिहिण्यावर विश्वास ठेवत का?मला माहित आसं कि तुम्हु त्याच्यावर विश्वास ठेवत. ²⁸ मग आग्रीपा म्हणाला, "थोडेच वेळ्म मला ख्रिस्ती करस का? ²⁹ पौलन उतर दिन्हा,"थोडेच वेळ्म किवा जास्त वेळ्म ता महत्वाना नाहा. पण मान्ही देवकडं हाय प्रार्थना आसं कि, मला ऐकणारं तुम्हु व हे सगळास एक दिवस येवढ्या हातकडी सोडी माने सारखा व्हवा." ³⁰ मग राजा उठना. व बार्णबा हाय राज्यपाल व इतर सगळ उठनत. ³¹ व ते तहित निघी गयत. मरण दंडनी शिक्षा द्यावा आसा कांही यानं करीत नाहा. ³² आग्रीपान फेस्तला आखणा,"जर हे मानुस्न सम्राटाला न्याय माघना नसता तर त्याला सोडी देता येता.

Chapter 27

¹ पौलना रोमपर्यंतना जलप्रवास क्रेतापर्यंत नंतर आम्हू इटाली देशला तारवामहीन जावा आसा ठरल्यावर पौलला व दुसरे कित्येक बंदिवानासला बादशाही पलटणना युल्य नावना श्ताधीपती यान्हे स्वाधीन करवानी वन्हा . ² तव्हा आम्हू आशिया प्रांतने किनारावरील बंदरे करणारे अद्रमुत्तीय नगरने ऐके तारवामं बसी निघनत ; तव्हा मासोदोनियामधलं थेस्सलनीकना अरिस्तार्ख आम्ह्ने संग आसनाल . ³ दुसरे दिवस आम्हू सिदोनला पोहचनत , तव्हा युल्यान पौलने बरोबर सौजन्यन वागी त्यान्हे मित्रास त्यान्हा पाहूनचार करवा म्हणी त्यासात्याव जावानी त्याला परवानगी दिन्हा . ⁴ मग आम्हू तेथून निघल्यावर वारा तोंडना असलेमूळ कुप्राने किनारावरून गयत . ⁵ नंतर किलीकीया व पंफूल्या यास्नेसमोर समुद्रावरून जाई आम्हू लुक्या प्रांतमधले मुर्या बंदरला पोहचनत . ⁶ तय इटालीस जाणारा एक आलेक्साद्रीयांना तारू शताधीपतीला मिळना ; त्याजवर त्यान्ह आम्हाला चढवना . ⁷ मग पुष्कळ दिवस पर्यंत हळूहळू जात आसतानी मोठे प्रयासन कणीदनेसमोर आल्यावर वारा पुढ जाऊ देईना , म्हणून आम्हू क्रेतने किनारावरून सलमोनने समोर गयत . ⁸ मग आम्हू मोठे प्रयासन त्यान्हे काठाकाठान सुंदर बंदर नावने ठिकाणी वन्ह्त ; त्यान्हे जवळ लयसा नगर आसनाल. मिलातपर्यंत तुफान व नौकाभंग ⁹ तव्हा फार दिवस झालेमूळ आन तितकामं उपासना दिवस व्हई गेलेमूळ ते वेळेस समुद्रावरून जाणा संकटना आसनाल, म्हणी पौल त्यासाला आसा सुचवता की , ¹⁰ आहो गृहस्थासहो , हे जलप्रवासमं केवळ मालना आन तारवाना नुकसान नाहा , तर आपले जीवासना पण हाल व्हई मोठी हानी व्हई आसा मला दिसं . ¹¹ तथापी शताधीपतीन पौलने म्हणणापेक्षा तांडेल व तारवाना धनी याजत्याव अधिक लक्ष दिन्हा. ¹² ता बंदर हिवाळामं राहवानी सोयीना नसणाल म्हणी बहुतेकास मसलत दिद्याल की , तेथून निघवा आन साधही तर क्रेतमधले फैनेके बंदरमं जाई तय हिवाळा घालवावा ; हाय नैऋत्यभिमुख व ईशान्यभिमुख आसं . ¹³ मग दक्षिणना वारा मंद वाहत असलेमूळ आपला बेत सिद्धीला गयाच आसा समजी , ते तेथून नांगर उचली काठाकाठान क्रेतने बाजून गयत . ¹⁴ परंतु थोडे वेळान युरकुलोन नावना तुफानी वारा तिकडून सुटना ; ¹⁵ त्याजमं तारू सापडी वाराने तोंडी ठरेना , म्हणी आम्हू त्यान्हे स्वाधीन व्हई वाहवत चालनत . ¹⁶ मग कौदा नावने ऐके लहान बेट वरून जातानी आम्हू मोठे प्रयासान होडी आपले स्वाधीन कऱ्या . ¹⁷ ती वर घेतल्यावर त्यासं साहित्यासनी योजना करी तारू खालून आवळी बांध्या ; आन आपुन सुर्ती नावने भाटीवर जाई आदळू आसा त्यासाला भय वाटणा म्हणी त्यासं शीड उतरव्या ; मग ते तसच वाहवत गयत . ¹⁸ तव्हा वादळान आम्ह्ना फार हाल होऊ लागलेमूळ ते दुसरे दिवस भरगत टाखी देऊ लागनत ; ¹⁹ आन तिसरे दिवस त्यासं आपले हातान तारवाना अवजार टाखी दिद्या . ²⁰ मग पुष्कळ दिवस सूर्य व तारही दिसणत नाहा , आन तुफानना जोर आम्हाला फारच भासना ; तेमूळ शेवटी आम्ह्नी तरवानी आशा हळू हळू सोडी द्यावा लागनी . ²¹ तव्हा त्यासाला पुष्कळ दिवस उपास पडल्यावर पौल त्यासमं उभा रही आखणा , गृहस्थहो , खरच तुम्हू मान्हा ऐकवानी आसनाल , क्रेतावरून निघावानी नसनाल , म्हणजी हाय हाल व ही हानी टळती . ²² तरी मय आता तुम्हाला आखं की , धैर्य करा ; तुम्ह्नेपैकी कोणानेही जीवना नाश होणार नाहा , तारवाना मात्र व्हई. ²³ कारण ज्यान्हा मय आसं व ज्यान्ही मय सेवा कर ते देवना दूत गेले रात्री मान्हेजवळ उभा रही आखणा , ²⁴ पौल , भिऊ नको ; तुला कैसरने पुढ उभा रहिले पाहिजे ; आन पाहा ; तुन्हे बरोबर जे तारवा महित चालेल आसत ते सर्व देवन तुला दिलेलं आसत . ²⁵ म्हणी गृहस्थाहो , धैर्य धरा ; मान्हा देववर भरवसा आसं की त्यान मला जसा कळवना तसाच घडही . ²⁶ तथापि आपल्याला ऐके बेटवर पडवा लागही. ²⁷ नंतर चौदावे रात्रीला अद्रिया समुद्रामं आम्हू एकड तिकड हेलकाव खात असता मध्यरात्रीने सुमाराला खलाशास अनुमान कऱ्या की , आपुन कोणते तरी प्रदेशजवळ येत आसत . ²⁸ मग त्यासं बुडीद टाख्या तव्हा वीस वावे पाणी भरणा ; थोडा पुढ जाई परत बुडीद टाक्या तव्हा पंधरा वावे भरना . ²⁹ तव्हा आपुन कदाचीत खडकाळ जागावर आपटू आसा भय वाटलेमूळ वरामावरून चार नांगर सोडी ते उत्कंठान दिवस उगवानी वाट पाहत बसनत . ³⁰ मग नांगर नाळीवरूनही टाकवा हे निमितान खलाशी समुद्रमं होडी सोडी तारवामहित पळवानी पाहत आसनलत ; ³¹ तव्हा पौल शताधीपती व शिपायासला आखणा , हे तारवामं ना रहीनत तर तुम्ह्ना रक्षण व्हवानी नाहा . ³² तव्हा शिपायास होडीना दोर कापी ती पडू दिद्या . ³³ नंतर दिवस उगवानि सुमाराला पौल सर्वासला अन्न खावाने विषयी विनंती करी आखणा , आज चौदा दिवस तुम्हू वाट पाहत उपाशी रहीन आसत ; तुम्हू काही खायेल नाहा . ³⁴ म्हणी मय तुम्हाला विनंती कर की , अन्न खा ; त्याजवार तुम्ह्ना निभाव लागही ; कारण तुम्हापैकी कोणने देखील डोकाने केसना नाश होणार नाहा . ³⁵ आसा आखी त्यान्ह भाकर ल्ही सर्वासमक्ष देवना आभार मानना आणी ती मोडी तो खाऊ लागना . ³⁶ मग ते सर्वासला धीर येयी त्यासही अन्न खाद्या . ³⁷ ते तारवामं आम्हू सर्वजण मिळी दोनशे शहात्तर जण आसनलत . ³⁸ जेऊन तृप्त झाल्यावर ते समुद्रामं गहू टाखी दी तारू हलका करू लागनत . ³⁹ दिवस उगवल्यावरही ती जमीन कोणती हाय त्यासं ओळख्या नाहा ; पण एक खाडी व तिन्हा सपाट किनारा त्यास्ने दृष्टीला पडणा आन साधही तर त्याजवर तारू लावावा आसा त्यासं विचार कऱ्या . ⁴⁰ मग नांगर कापी टाखी त्यासं ता समुद्रामं राहू दिद्या , तेच वेळेस सुकाणनी बंधन ढिला कऱ्या आन पुढचा शीड वारावर सोडी सपाटीनी वाट धऱ्या. ⁴¹ मग समुद्रामं वर आलेले जमीनला तारू लागल्यावर त्यासं ता पुढ घूसव्या ; तव्हा नाळ रुती गच्च बसनी आणि वराम लाटासने जोरान फुटी गया . ⁴² तव्हा बंदीवानास पैकी कोणी पोही पळी जावा नाहा म्हणी त्यासाला मारी टाखवा आशी शिपायास मसलत कऱ्या ; ⁴³ तथापी पौलला वाचवा आशे इच्छान शताधीपती त्यास्ने बेतला आडवा वन्हा आन त्यान हुकुम दिन्हा की , ज्यासाला पोहता येत आसही त्यासं पहिलान उडी मारी किनाराला जावा , ⁴⁴ आन बाकीचास कोणी फळीसवर , कोणी तारवा मधले दुसरे कशावर बशी जावा . हे प्रमाण सर्वजण निभवी किनाराला पोहचनत.

Chapter 28

मिलितम पौल ¹ नतर आमहू सुर्क्षीतपणाम कीनारावर उतरणत 'आन आम्हाला समजायना की ता मालता बेट आस जे लोक ते ठिकाणी रह्त्त. त्यास आम्ह्णा लय चागला पाहून चार कऱ्या ² 'त्यास आम्ह्ने साठी शेकोटी पेट्व्या आन सेकवाने साठी बोलव्या कारण पाउस पडत रहेनाल आन थडी पण अस्तेल ; ³ जव्हा पौलन काडक्या गोळा करी जाळम टाखना .आन त्यज महीन एक विषारी उष्णता मूळ बाहेर निघणा , आन तो पौलने हातला बिल्गाई रहेना अन दौंश करणा ते बेटवरचे लोकास पौलने हतला बिलगेल सापला जोध्या अन त्यास येकमेकासला आख्या. ⁴ नक्की हे मानुसना कोन्हा तरी खून करेल आसवा जरी हाय समुद्रमहीन बुडवा पहिन वाचना तऱ्ही देव याना न्याय करी याला मरान दीहि . ⁵ पण पौलना सहज तो साप जाळम झटकना आन त्याला काहीच जखम होईनी नाहा , तय असणारे लोकासला असा वाटनाल का पौलना शरीर सुजाई अन त्याला ताप येही पडई आन मरही . ⁶ पण खूप वेळ थांबल्यावर त्यास जोध्या का काहीच घडणा ना तव्हा लोकास त्यासाला विचार बदल्या आन त्यास एक मेकास्ला आख्या हाई माणूस खुनी नाहा तर हाय कोणी देव आसं . ⁷ आता आम्हू जेजागावर आसत, ती जागा आन शेती पुबल्या नावने मानुस्नी अस्तेल आन तो ते बेटणा मुख्य अधिकारी अस्ताल , त्यान आम्हला आमंत्रण दी घर रव्हाणी बोलवणा . ⁸ आन त्यान तीन दिवस आम्ह्नी काळजी चांगली ल्हीना आन ते वेळेस पुब्ल्याने आबासला ताप आन जुलाब लाग्णाल मग पौलन त्यासने साठी प्रार्थना करणा आन आपला हात त्याजवर ठूइ त्याला बरा करणा . ⁹ पौलन आसा केल्यावर ते बेटवरच दुसरं लोक जे आजारी असताल ते त्यास्क वनत आन त्यासाला बरा करणा आन आशे प्रकारे त्यास आम्हाला देणग्या आन्या त्यास आम्हणा मान राख्या . ¹⁰ जव्हा आम्हू तीन महिना नंतर तहीन निघनात त्यास आम्ह्ने साठी अन्न ज्या गोष्टी आम्हाला लागत त्या जहाज वर आन्या . रोमना प्रवास पुढ सुरु ¹¹ ते ठिकाणी तीन महिना रह्ल्यावर नतर आम्हू दुसरे जहाजम चडनत अलेक्झांडर ना असी इटलीक रवाना व्ह्यना ते जहाज वर जुळे देवणी प्रतिमा कोरेल अस्तेल ' ¹² ज्याना नाव कास्तोर आन पौल्क्ष असा असताल तव्हा आम्हू सीराकस शहरम पोह्चनत तय आम्हू तीन दिवस रहेनत .' ¹³ त्याने नतर आम्हू इटलीने रेगीयोनास हे शहरम पोह्च्न्त तव्हा दुसरे दिवस द्क्षीन कडचा वारा वाहात रहीणाल 'म्हणी दोन दिवसम पीतोली शहरम आम्हू ता जहाज सोडी दिद्या . ¹⁴ ते पीतोली शहरम भरपूर विश्वासनार भेटनत ज्यासनी इच्या अस्तेल का आम्हू त्याने बरोबर सात दिवस रहवा आण असे रितीन आम्हू रोम शहरम पोह्चंनत ; ¹⁵ आन रोम मदल काही विश्वासनार ज्यास त्याने विषयी ऐक्या ते सगळजण मार्केट मधला अप्पीन रोड हुती भेटनत आन काही जण थ्रीडनन्स हुती भेटनत त्यासाला जुई पौलन देवलाधन्य वाद दिना . ¹⁶ नतर आम्हू रोम्म थांबनत अन पौला त्याने घरम रह्वानी संधी मिळणी .पण त्याने घरपण कायम .नतर तीन दिवसान पौलन येहुदी पुढा र्यासला निरोप पाठवणा का. पौल रोम मयने मधील यहूदासनी भेट लेय ¹⁷ तुम्हू या अन मान्हे बरोबर बोला .मय कधीचरूढ अन पंरपरा सने विरोध बोलना नाहा . ¹⁸ तरी येरूसलेम मधले येहुदि ' मला आवडात पण त्यास मला ठार मार्वानी अगोदर रोमी अधीकारीन मान्ही सुटका करीमला केसरिया हे शहरम पाठवणा 'अन तय मला उभा करणा मग त्यास मला प्रश्न विचारी सोडी दिद्या 'कारण महे त्यासने परंपरेने बद्दल चुकीना बोलणाल नाहा . ¹⁹ पण येहुदी पुढारी वीरोधम बोलतअसतान रोमननी मान्हे बद्दल सुटका करवानी इच्छा व्ह्यनी म्हणी मान्ही विनती असी अस की ; ²⁰ मय रोम्म न्याय माघत रहित 'पण हाय मान्हा करणा कोन्हाला दोस लावानी सारखा नाहा म्हणी मय ही विनती करकी मान्हेजवळ या कारण मय तुम्हाला आखू इच्छा रहित की मय कजा बदीवान व्ह्येना कारण मान्हा विश्वास आस की इस्रायेल लोक विश्वासने देवला स्वीकारीत आन देव त्यासने साठी काम करइ. ²¹ तव्हा येहुदी पुढार्यास आख्या येहुदिया महीन असा कोणताच पत्र आम्हाक इत नाहा 'अन येहुदा सुद्धा कधीच तुम्ह्ने बद्दल बोलना नाहा . ²² तरी आपला विचार का आस ता तुम्हापहीन ऐकी लेव्हा हाय आम्हाला बरा वाट कारण भरपूर लोक वीरोधम बोलत रहित ' ²³ मग त्यास असा विचार करया की परत एक दिवस आम्ह्ने सग बोलीई आन जव्हा तो दिवस ईही 'तव्हा खूप लोक पौलना आईकवानी वनत 'आन मग पौल त्यासनेसग देवना नियम व मोसांना नियम शास्र आन जे सन्देस्टे येशू विषयी बोलत रहेनाल ; ²⁴ ते सगळासने विषयी पौल सकाळी सपहीन तर सध्याकाळपर्यंत त्यासाला आईकवत रहेनाल मग भरपूर लोकास विश्वास ठुद्या 'अन भरपूर लोकास विश्वास नाहा ठुद्या ' ²⁵ त्याजम एकमत न झाल्यानेमूळ ते सगळ उठी जाऊ लागणत तव्हा पौलन त्यासाला आखणा 'पवित्र आत्मा तुम्ह्ने पूर्व जासने सग याशया सन्देस्टासने द्वारे जा बोलना ता हाय , जा ते लोकसम आन आख ' ²⁶ तुम्हाला कान आस पण तुम्हू आईकू शकत नाहा 'तुम्हाला डोळा असत पण तुम्हू जऊ शकत नाहा 'की देव का आखत रहित ; ²⁷ कारण त्यासाला समजाय नाहा 'ते अंतकरणा न जड असत त्यासना कान कमी आईक्त आन त्यास आपला कान बंद करी लिहीत 'यानेसाठी की त्यास कानान आईकवा नाहा आन अंतकरणान समजवा नाहा आन त्यासना अंतकर्ण मसक वळावा नाहा.' ²⁸ म्हणी परराष्ट्रई यासकदेवन दान म्हणी देवना वचान पाठवणा अन त्यास ता ऐक्या. ²⁹ तो आसा बोलल्यावर यहुदी आपसामं बराच वादविवाद करत निघी गयत. समाप्ती ³⁰ पोल जे घरम दोन वर्षे रहता ता घर 'भाडाणा अस्ताल 'भरपूर लोक त्याला भेटवानी येतत 'आन तो त्यासने सग आन्दान बोली त्यासना स्वागत करणा ' ³¹ त्यान लोकासला देव स्वता कसा राजा आस हाय उपदेस करी प्रभू येशू ख्स्रीताने बद्दल पूर्ण धैर्यन शीकवणा /आन कोन्ह त्याला आडव्या नाहा ' front