Yakobus
Chapter 1
1 wia Jakobus, hamba Opo Empung dan Empung Yesus Kristus wana mapuluh orua perantawan. 2 patuari waya anggap peno tanu kasenangan sa ko nunawu witu rupa-rupa pencobaan 3 niitu pailekaniu ujian witu iman niitu mawehe ketekunan 4 mo mako ketekunan tii ma kailek mbuah na mbowos orior kamu mamuali sempurna dan utuh o raai wana kakurangan maan nesa. 5 sa wia nantara ni esaan wi nikamu wewehan kakurangan hikmat nisia kumiwehe wana i Opo Empung. I ni sia mawehe wia pakasanetou kaampit nate leos, wo ika ampit wo rai membangkil-bangkil, ni itu pa wewehe nisia. 6 musti kumiwehe kaampit ni iman otia ma bimbang, ka e tou bimbang masuat om mbalolongan mbana lour, I phegagho-nghaghoi mange o mai o reghes 7 tou tainitu tia ma pikir nisia tumerima inesa wanai Empung. 8 tou ma rua ate eraai tenang wia nidopena. 9 e patuari ewia gorem kaadaan rendah bermegah se sahruhmunan wananatas 10 sia ruruhumunan mbawa nea rendah sea maelang tanu mbunga ndukut. 11 i rumetik o makaampit okapasaan maweles ndukut akar rumaambas mbungangena o itu mailang kawangunanna. Teintu mo kai itou sia; wia puser i pakasa mbanua niitu maapu. 12 se tou e timahang wia pemahwaan, sasia timahango ujian, nisia itumerima imakota kehidupan enai janji ni Opo Empung wia tou maupus ni Sia. 13 tou pemahwaan, tou maila pemahwaan niai ni nai wi Opo Empung, Kai opo Empung raaitora pemahwaan etou lewo oni sia sandiri i raai mewahwa si tou 14 pakasaan nitou epemakwaan i nehewe na sandiri, o nisia nai seret dan ka kiit nisia. 15 nehewe na niitu mi muahmo ma mualimo andosa niitu wowoso niitu momate nisia. 16 kaupusku, tiamo kaliong! 17 pemberian leos oan pakasa anugerah sempurna mi nai wana natas, nai tumpami ni Opo Empung pakasa in tirang wia nisia taai wena pa waluyen ka apa ambayangan pinasawelan 18 kapaaranNa sandiri nisia isimiwo nikita ki miit Ferman kaulitan, orior kita wana tingkat nei tentu mamuali oki tua wia nantara pakasa impasiwoNa. 19 o kaupusku. Genang-genang nyaai pakasa. Etou repet malingan taan gerer malilia okahai gerer maghalo. 20 ghalo nu tou ndai mamuali sumiwo kabenaran wia Opo Empung 21 itumo tia mo makapasaing kotor ong kalewoan ne laker i ti terima no maka kaampit ilemah lembut Firman nai tanem wia ghorem natemu o makuasa ma selamat e nawak kenu. 22 ni kamu musti mamuali masiwo ni Firman ndaikande malinga ka sa taiutu kamu ti mowo mou nawak niusandiri 23 sa malingate Firman o raai pasiwona nisia tanue tou me laho lahote ngiaona wia muka seremin. 24 sia limoho nawak kena asia mange limiur namong giona. 25 si sia tumeliti I hakun sempurna, niitumo hukum mabebebas e tou. Osia bertekun wia ghorem ndaitekante lumingga o paliliuren na, taan ulit-ulit pasiwona ni sia su menang ka pa siwo-siwona 26 wewehan tou ma hanggap I nawak kena mahuntep taan raai mathangg ni sia mo timowa, nawak kena sandiri indai, wana berguna sia mahuntep. 27 murni o raai wana cacat wia I Opo Empung, Bapata niitu mo makunjung eulah eojanda wia ka susaan nea, omajaga orior nawakena sandiri, ndai papairang ing kaowatan.
Chapter 2
1 patuariku, tanu itou beriman wia Yesus Kristus, Empung ngeta imulia, tia iman niitu amalen ka ampit maloho ingio 2 tou muntep witu pa herueruran siaminake sisim mas oh lambung wangun o maikahi sitou lengei witu I minakei lambung lewo 3 ni kamu ma ormat ittou nimakelambung wangun o lumila wia nisia, maimo tuang wangko o rumuhmuno wia tampa leos yai sedangkan wia tou lengei kamu lumila tumooro wanaime kaapa rumuhmuno wia mbela tawi naeku! 4 ni kamu simiwo mo perbedaan wia gorem nate mu o timindako tanu e hakim kaampit pikiran lewo? 5 e patuariku kaupuseku! Dai reen Empung si misir se tou ni anggap na tou lengei wia kaoatan yai, mamuali siga wia iman oh maumali ahli waris karajaan, oh naimo tantuNa wia se tou maupus ni Sia? 6 ni kamu mahina e tou lengei dai reen se tou mo siga matindas ni kamu oh mali ni kamu wana pangadilan 7 sea ma hujat ingaran yang mulia oh ini kamu mamuali punya ni Opo Empung? 8 kamu makelangte hukum utama wia nai tulis wana Kitab Suci: “kaupus sako eka suat tou , tanu nawakmu sandiri”, kamu simiwomo i leos. 9 sa ni kamu ma loho te gio, kamu masiwo dosa, o karna hukum niitu mamuali nyata, nikamu simiwomo kasumelokan 10 sia makiit pakasa hukum niitu taan lumangkoi inesa wia niitu, sia si melok wia pakasa niitu 11 limila “dai toro bersinar” limila kangkahi dai toro ma pate, sakamu rai bersinah taan mapate tou, limangkoyo hukum 12 mo oh sumiwo tanu etou nihakimi ihukum ma bebas etou 13 wanai upus mamuali kangkahi niitu wia tou rai wanai nupus taan ne nupus muntung wia penghakiman. 14 berguna e patuari ku sa tou maila, nisia wewehan iman, taan nisia dai wana I pasiwo-siwon? Toro te iman nitu sumelamat nisia? 15 patuari ta oh rai wana palalambungen oh rai wana kakanen susurinendo, 16 tou esa ane wia nikamu lumila: kumelango o pake no mako lambung paso oh kumano makar mawesu, taan sia rai mine mako wia nisia kaperluan nawekena. Sapa berguna niitu? 17 kangkahi iman: iman o rai pawali-wali pasiwo-siwon, iman niitu mi nate. 18 wona wewehan tou lumila, wia ni kou wewehan iman, oh wia nyaku wewehan pasiwo-siwon nyaku mingkot nisia. Papaileki wia nyaku iman nemu taan ndai wana pasiwo-siwon. Oh niaku tumuru mange wia ni kou imanku oh kaampit pasiwo-siwonku. 19 ma eman yesates Opo Empung?, nitu leos! Taan setang-setang kangkahi maeman niitu oh sea magiger-giger 20 tou kabal, paarkan kou mengaku taekan. Sa iman dai wana pasiwo-siwon niitumo iman kosong? 21 reen Abraham bapata binenar kana pasiwo-siwona, tempo nisia. Simembakkan ioki na Ishak wananatas mesbah? 22 lumoho iman mapayang ma wali-wali om pasiwo-siwon, ka pasiwo-siwon niitu iman mamuali sempurna. 23 lala niitu lekepo nats limila: “oh sia ma eman I Abraham wia Opo Empung, oh opo empung rimekeno waya niitu wia nisia tanu kabenaran, ka niitu Abraham patotoran kaampit ni Opo Empung! 24 kamu limoho mo tou binenarite karna pasiwo-siwona oh ndaite karna iman. 25 reen taintu i Rahab i pelacur tii binenar karna pasiwo-siwona, tempo nisia simindek e tou, witu ngorem balena, oh sia tumulung nisea kimiit lalan walina? 26 banti nawak rai wana roh ni mate. Teintu mo kangkahi iman dai wana pasiwo-siwon ni mate.
Chapter 3
1 patuariku, tia laker tou esa ane wia nikamu oh paar mamuali guru, ka pailek kenta sakita guru e hakimen kumiit e nukuran lembe wuter. 2 kita waya simelok wia laker soal, sei rai wana selok wia paila na nisia mo tou sempurna kanisia toro kumendali I pakasa nawak na. 3 minake tom wia semur ni kuda, oh sia kumiit kapaaranta, kaampiit laler ni kita kangkahi kumendali pakasa nawak kita. 4 loone kapal-kapal, maan nitu sela rendai, pengahoi-ngahoi reghes wangko, taan kandaite kemudi rintek, kumiit kapaar ni juru mudi. 5 mo kahi, maan nitu anggota rintek wia nawak, taan toro memegahkan perkara-perkara sela. Lohoene kumura ka rintek I mbaha toro rumengis I talun wangko. 6 niitu mo mbaha, nitu masuato oh kalewoan I kaoatan, o mahindo tampa witu e nesa ane I anggota-anggota nawak keta tanu sering wia pakasa nawak keta. O lumayas I roda penow-nowanta, sedang nisia sandiri I layasen imbaha naraka. 7 rupa e binatang liar, burung-burung obinatang-binatan ma langkow o binatang-binatang wana lour toro naramen, e ni narameno I kalakuan netou 8 dai wana tou maan nesa o makakawasa o menenaram lila; lila niitu lewo, rendai ndai kakuasaan, kai mbuta racung me mate. 9 I lila kita mapuji Empung i papate, kaampit i ni lila kita makutuk etou siniwo kumiit ghio ni Opo Empung 10 semur esa kimaluar berkat o kutuk. Enyai patuariku dai toro mamuali 11 pagi garan makaluar dano tawar o dano pait witu pagigaran masuat? 12 wewean e pohon ara o mawua zaitun oh wewean pohon anggur o muah ni ara? Teintukangkahi pagigaran dano teno e dai toro kumaluar deno tawar. 13 esaan ne wia ni kamu o bijak o ber budi? Leoso sia kaampit cara nidopena leos tumuru I kalakuana oleh hikmat etimou mi witu kelemah lembutan 14 kamu o kadanghean mawehete ngenang wia nawak sandiri, tia kamu mewanwangko nawak sandiri, o tia ma towo malalawan kabenaran! 15 dai hikmat minai wana nata, taan wia kaoatan, dari kapaaran netou o setang-setang 15ka wisa wewehan kadangkean o pikirite nawakena sandiri nitu mo pakasaan pasiwo-siwon lewo. 16 hikmat ni nai wananatas niitumo katare-tare murni, tumondongi niiti pendamai, peramah, penurut ma wu wunupuso leos, I rai mapaulit o rai munafik. 17 mbuana kimuluari wia kabenaran i nai parut wia ghorem damai wia nesea i masiwo e damai. 18 wua timoor wia kabenaran ni tabur wia nggorem leos wia nisea e masiwo-siwo leos.
Chapter 4
1 o sengketa o mai o pipet wia nikamu? Dai reen nitumimai wia kapaarannu sandiri, o berjuang wia ghorem I nawakenu? 2 mahewe nesa taan dai makailek, oh kamu mate tou, kamu kadangkean taan dai mambo i patoroannu okamu ma pipet o kamu ma tokol o kamu dai makailek sapa-sapa ka kamu dai si mombayang. 3 kamu masombayang taan kamu dai materima sapa-sapa, kani kamu selok masombayang, kaapa kamu makiwehe maaapu, o maseseso ingkaheweannu, 4 kamu tou raai setia, ndai ree pailekennu, makaampit ingkoatan niitumo musuh ni Opo Empung? Sa sei paar mamuali kaampit kaoatan niyai simiwo inawakkena i musuh ni Opo Empung. 5 kamu masangka e kitab suci dai wana alasan lumila roh yang nai tampa ni Opo Empung wia gorem nimateta kapaar rua kaampit cemburu. 6 upus o karunia, niianugrahnami wia nikita lembe wangko taan nitu kaanitu sia lumila i opo empung i malawang setou sombong, taan ni maupus se tou rindah nate. 7 niitumo tumunduko wia opo empung o lawangenomako si iblis oh sia tumingkas wia nikou 8 mo wia Opo Empung, o sia tumawi wia ni kamu, oasan no mako lawasemu e tou berdosa, o suci no mako natemu, e tou ma rua-rua ate! 9 mako ka soeanu, sumusah o ma memo: o keeke mu sawelano mako o namemu kasenangannu o kaampit kasusaanu. 10 mako nawakemu wia empung o sia mangkat ni kamu. 11 tia mengawi-ngawitan I sei mahawit patuari na o mahakim nisia, ni sia cimela mo hukum o mahakimi sia o mahakimi hukum ni kou dai makiit ihukum taan, hakimena 12 te masiwo hukum o hakim, ni sia makawasa o maselamat o mabinasa. Taan se reei kou taan kakou mahakime kasuat tou mahakim e kasuat tou. 13 taekan kamu maila nendo yai kapa woondo kami mangemo wana banuaome o wana ma kami mena sangataun o dumagango makailek ka untung. 14 kamu dai mailek sapa mamuali woondo, sapa patoutouannu patou towanu niitu masuat susuw, taekan wewehan sabantar dai mowana. 15 kamu musti lumila saitu kapaar ni Opo Empung kami nidop sumisiri nyai kapaar niitu. 16 taekan kamu mawawangko nawak niu wia kasombongan niu pakasa kawangkoan intaintu selok. 17 mailek kumura sia masiwo leos taan ndai siniwona sia berdosa.
Chapter 5
1 taekan o kamu tou siga, mamemo oh rumekeyo wia kasangsaraan e matetena nikamu 2 minawuruko ohlambungenu kinano nemot. 3 omperakemu enkimarato, oh karatena mamuali kasairi wia nikamu, oh kamu kuman i leonamo tanu mbaha, kamu mineraro in kakayaan witu nendo palowis 4 liningamo irimekei wana wangko kang gaji tinahangeniu wia etou mapaayang wia nikou nimupusmou i hasil numamu, minambamo lunteng ni Opo Empung Semesta alam empengeluhanea simabito impanenniu 5 kamewahaniu kamu ma-tou-tou o berfoya-foya wia kaoatan nikamu mapupus inatemu tanu witu nendo penyembelihan, 6 minukumo oh minatemu e tou benar o nisia raitoro lumawang ni kamu, 7 empatuariku sumabaro makar si Empung imaimo? nulit epetani maana ihasil berharga wia tanana akar osia sabar akar nuran tumumpa witu musim gugur ohnuran musim witu semi 8 kahi musti sumabar oh teguhnako matemu kai Opo Empng raimo ure imaimo, 9 patuari kamu raitoro ma sulu-sulu ohraitoro makiselok etou orior kamu rai okumen kai hakim itimooro witu muka impepenet, 10 kumiitomako encontoh kasiksaan oh kasabaran nenabi-nabi elimila demi ngaran ni Empung 11 kami maila nisea sumenango, ka nisea timekuro nikamu limingano ketekunan ni Ayub okamu maileko sapa sinadia ni Opo Empung wito nendo palois wia nisia. Kai Opo Empung tongkoupusen rendai ombelas kasihan. 12 paling penting epatuari, tia kamu masumpah demi sorga kaapa demi kaoatan, kaapa demi in walina saitu en. Kamu lumilaen sarai kamu lumila rai orior kamu rai ukumen 13 esaane wia nikamu siksa leoso sia sumombayang sawewehan wia nikamu osenang leoso sia kumantar 14 esaane wia nikamu osakitan, leoso sia tumowa e penatua jamaat, ohrior sea sumombayang nisia ogumoso ilana wia ngaran ni empung 15 sombayang timoumi wia iman sumelamat etou sakitan oi empung tumoori nisia, sasia simiwomo in dosa, dosana niitu nampungan. 16 kamu musti mengaku indosamu, oh sumom bayang orior kamu maleos, sombayang netou benar sakaampit maeman pasombayang bangko kawasana 17 itou biasa tanu nikita, onisia mauliulit masombayang orior nuran dai tumampa, nurantuu ndai timumpa wia kaoatan kaurean intelu ngataun o nenem ngaserap 18 sia sumombayang langit tumumpami inuran wia engkaoatan kimaluaro buahna, 20 19 patuari sawewehan esaane wia nikamu ontimingkaso wia kabenaran owewehan tou sumiwo nisia mareng, sei isumiwo itou berdosa tumelaumi ilalan sesat, nisia sumelamat inawak nitoutii, witu maut oh tumutup ilaker dosa.
