pasal
Chapter 1
1 So Yudas, pelayan Yesus Kristus burode ngan Yakobus, dedek datneh dinih milih ngan nih Allah Bapa ngaseh, ngan dinih melihara dedek Yesus Kristus. 2 Kiraneh belas kasihan, ngan damai sejahtera, ngan kasih nih nginyua dedek omu. 3 Saudara-saudara diningasih, sementara oko bu oman-oman nulis dedek omu hal keselamatan edeap busamah, oko engkinyam pontek nulis dedek omu ngan minto enat berusaha oman-oman dedek iman dinih nyampei sikali enya selamanya dedek balo enyo kudus. 4 Sobab edeah balo enyo tertentu dijeh menyusup dikai edeap entaoneh, yaitu datneh ditinan nih niju enya tingekep, balo enyo dikai buiman dimenyalahgunaakan anugerah Allah edeap enya empuas nafsu ngan nula Penguasa Tunggal ngan Tuhan edeap, Yesus Kristus. 5 Oko modo omu nenteh walaupun omu enjeh entao simuaneh, bahwa Tompo enjeh menyelamatkan umat-Nya simopo so tono Mesir, tapi Edeapneh ngkomis datneh dikai pucaya. 6 Ngan balo malaikat dikai taat ngan batas-batas kekuasaan datneh, malah entogat arok datneh ngenei, enjeh nih Neh nyisit minya rantei abadi nouwah torut dibukerep dipalik bukerep nya penghakiman waktu onu besar nanti. 7 Bukano ge Sodom ngan Gomora busamah-samah ngan kota didikitneh, di empuas datneh engan dosa nyoro ngan ngesek nafsu di kai wajar, enjeh rima hukuman opi kekal enya contoh. 8 Bukano ge balo enyo te, pucaya engan balo pemeh datneh, engkek tubu, nula kekuasaan, ngan menghina simua di mulia. 9 Mikhael maihneh, kupala malaikat, waktu budoruh engan Sitat mengenai bangkei Musa, kai burani mengucapkan kata-kata hujatan nanuneh, tapi hanya nyido, "Saneh Tompo di noruh omu!" 10 Tapi balo penyesat te menghujat balo koyuh dikai datneh entao neh, dinih datneh entao so naluri maihneh, mah binatak di monyap akal. Keneh hal-telah datneh pasti dihancurkan. 11 Cilakalah datneh! Datneh enjeh nyogat jorat Kain ngan keneh datneh, keneh upah, nyongua no ksesatan Bileam, datneh binasa keneh kedurhakaan emah Korah. 12 Datneh te mah koyuh dicome no tudo kurami, di ensogat aseaneh kai gola ngan monyap kengenneh, hanya pedeli ngan edeapneh goniedeapneh. Datneh emah roma di kai emat ujat, dinih bono nupuh kote koih. Datneh mah atuh koyuh di monyap buoneh no sonta buo, kobis idu kali, nih emut sampei engan balo uwatneh. 13 Datneh emah gulumak lawet diganas, dibupopo , popo kehinaan datneh sendiri. Datneh emah binatak dioji monyap, didedek edeapneh jeh siap torut dipalik bukerep monyap tojuaneh. 14 Henokh, kuturut dikuiju so Adam, enjeh labi mengenai balo enyo te, "Kirih, Tompo monik engan buribu-ribu enyo kudus-Neh, 15 enya nyalat penghakiman dedek simua enyo; ngekep simua enyo dibek keneh kulakot neh di bek dinih datneh engkoji ngan cara dibek, ngan simua balo omongneh di bek dijeh nih enyo budosa labi nanu Allah.'' 16 Datneh balo enyo dianal busungun, ngogou kesalahan, ngan nyogat hawa nafsu datneh maihneh; datneh doi omong ngan nipu enyo nya noput kuuntok doi. 17 Saudara-saudara dinih kongaseh, omu harus nenteh onih koyuh dijehnih rasul-rasul Tuhan kita, Yesus Kristus labi. 18 Datneh jeh nyido nanu enat, "Majeh zaman akhir, pasti edeh pungidoh dihanya nyogat nafsu datneh di bek." 19 Datneh balo enyo dimodo terjadineh pocah-bolah, nyogat nafsu duniawi, engan monyap Rohneh. 20 Tapi omu saudara-saudara dinihko ngaseh, mongkatlah sendiri nouwah imanmu dipalik suci ngan budoalah nouwah Roh Kudus. 21 Tinyaga omusendiri nouwah kasih Allah samel nungu rahmat Tuhan dep, Yesus Kristus, diemat nanu pumedeap kekal. 22 Tinyua belaskasihan dedek datneh di ragu-ragu, 23 tinyelamat enyo dibeket so uwah opi. 24 Dedek Tompo, dibukuasa nyagaenat kai robu engan modo enat cikpun monyap cacat nomuo takhta kemuliaan-Neh engan sukacita palikdoi. 25 Dedek monyap Allah dibeket, Juru Selamat edeap, nyoso Kristus Yesus, Tuhan edeap.kemuliaan, keagungan, kekuatan ngan kuasa sepanjang masa: muloi, jite, sampei jetieh. Amin. front
