3.
Nyasaye yaruma tsinyama luganu nu luganu, isatsa khu ikhali nende manyonyi;khu Nuhu yinjilitse mu liaro khu tsihonyinywe khurula khu muchelelo. Nyasaye yaruma tsinyama tsisatsa saba, khu tsikhali saba mu vuli lukanu lwi tsinyama, tsiakharumishilwe khuhana musango.Vuli shindu lwa shinjila Nyasaye mwene yikala muliango.
Luhono lunyishi nulwakhavira,vandu vali vamenya mulilova vanyishi.Valivutamanu nivakhola vwoni nende injinia munonono.Vwali vuvi muno Nyasaye nalola yononyinye lilova liosi nende michelera mikali.
Nuhu niyakharula muliaro yumbakha vwali malelo nasamba khu shiavuli inyama yali nivishilwe khuli shihanwa. Nyasaye yayanzitswa nende shihanwa yesho nakashitsa Nuhu nede vandu veve.
Nyasaye yavolela Nuhu yumbashe liaro liu vurambi tsimita 140,vukalamu tsimita 23, vulunji tsimita 13.5. Nuhu yenyekha khumbakha ni misala; live vikhaa viachelekhana vivaka, ving'otso vinyishi,lidilisha ma livimbwi. Liaro liakhavishi Nuhu,vandu veve nende vuli lukanu lwinyama imenyanga khu mulimi ihone khurulana khu michelelo.
Lwinyuma Nuhu yaruma ilwanyi linyonyi lilangwa shiduti.Nikhali shishianyola havundu hosi nihuma tawe, khu shikalukha khu Nuhu.Lisitsa niliakhavira yaruma khandi shiduti ilwanyi na shiamanya nishikalukha ni lisambu liu musala kwa 'olive' khu munwa! Matsi kali nikikhanga na viragwa viali nivimela khandi!
Nyasaye yavola,''Ndagaanga vu shinililama hasi shijila vindu vitamanu vya vandu vakhola, inoho nzononyinye lilova nende mucherero ta. Nikhali ndio vandu nivoni khurula nivali vana.''
Vuli shindu shiali khu shivala shia khutsa,nikhali vandu nende tsinyama tsiali mu liaro.Liaro lielema khu matsi khulomba vindu viali mukari vivuli khwirwa na matsi.
Nyasaye khu nalomba luhembo lukhuranga khuli shimanyinyilo shililakano lielie.Vuli lwa luhembo lulolekha ikulu, Nyasaye yitsulitsa ka yalaga khandi vandu veve ndio.
Imbula lwa yali niyakhakatukha, liaro lielema khu matsi mieli jiranu, na khuluhono lwene yulu matsi karanga khukalukha hasi.Malelo litukhu lilala liaro liahulushila khu shikulu ikulu,na shivala shiosi shiali nishikhunikwe nende matsi.Mieli chindi chivili nichiakhavira vutengesi vwi vikulu vwalolekha.
Nyasaye khandi yivalila Nuhu nende vandu veve vavunjelitse shukhulia shitukha vo nende tsinyama. Lwa vuli shindu shiarejekhwa, Nyasaye yavolela Nuhu inyinga yakhatukha khu ye, mukhali wewe, vana veve vishiyayi vavaka na vakhali vavo , khwinjira muliaro-vandu munane halala.
Malelo imbula niranga khukhuva,yakhuva nikhuva.Yakhuva matukhu makhomi kanne nende vutukhu makhomi kanne vujila khukatukha! Matsi khandi karanga khurula mwilova. Vuli shindu mwilova mwosi shiakhunikhwa nende matsi, khali vikulu virambi.
Nuhu yalinda lisitsa lindi naruma khandi shiduti ilwanyi lukhola khavaka.Shishiamanya nishicherera tawe shianyola havundu hukhuhulushila.Matsi kali nikakhamanga.
Navutswa Nuhu yanyola tsimbavasi khu Nyasaye.Yali mundu musuvirifu umenyanga mu vandu vooni.Nyasaye yavolela Nuhu khulondekhana khu mucherera kwa yakanakana khuruma.Yavolela Nuhu yumbakhe liaro likali.
Mwieli chivili nichiakhavira Nyasaye yavolela Nuhu,''Ive na vandu vovo nende tsinyama tsiosi munyala khurula muliaro lwenulu.Unyole vana vanyishi nende vitsukhulu ha witsulitse shivala,''Khu Nuhu nende vandu veve nivarula muliaro.
Nuhu yahulila Nyasaye.Ye nende vana veve vavaka vi shiyaya, vumbakha liaro khuli Nyasaye yali navavolele.Liaro lumbakhwa khu mihika minyishi shijila liali likali.Nuhu yakhuvilitsa vandu khulondokhana khu muchelero kwali nukwitsanga; navavolela vamukalushile Nyasaye nikhali shivamusuvila tawe.
Matukhu kandi makhomi kanne nikakhavira, Nuhu yaruma ilwanyi linyonyi lilangwa likhokho lilole nikali matsi kakhama.Likhokho liabulukha nilitsirira khukhava havundu humu,shilianyola ta.
__