10.Matiinyu likhomi

Nyasaye yakalukhanyinya matsi ku muchela kwa Naili nikava musayi, nikhali Faraho shiyalakhula Vaisilaheli tawe.

Khu Nyasaye yaruma vunyishi vwi tsisichi mu Misili. Viragwa viosi viali nivikhononyinywa nende machina vialilwa nende tsisichi.

Lilondakhu, yalomba tsinyama tsiavaywa nende Vamisili tsilwale nukhukhutsa.Nikhali mwoyo kwa Faraho kwali mutinyi shiyakhalakhuli Vamisili vatsia tawe.

Makhandi Nyasaye naruma shisundi shia matukhu kavaka. Shiali shimwamu Vamisili shivanyalitsa khurula mutsinzu tawe. Nikhali wa Vaislaheli vamenya vulavu vwaliyo.

Faraho yatsililila khwambakhana khulakhula vandu, khu Nyasaye yarumila Vamisili minyakhano makhavi likhomi Khuvirila mu minyakhano yichi Nyasaye yamanyinya ali ni tsingulu khuvira Faraho nende nyasaye va vamisili.

Musa nende Haruni vazia khu Faraho. Vavola, ''Yaka nako ka Nyasaye wa Vaisilaheli avola, 'Lekha vandu vanje vatsi!''' Faraho shiyava hulila tawe. Havukono hukhuvalakhula, yavaminilizila khu lihinzila litinyu!

Viloleshitso via matinyu tisa viosi, Faraho yali nashiambakhane khulakhula Vaislaheli . Shijila Faraho shiyali muhulili Nyasaye yenya khuruma vutinyu vulala vukhumalilikha. Yuvu vwakhakalukhanyinye tsinganagani tsia Faraho.

Nikhali Faraho yona khandi nadinya mwoyo kwekwe. Shiyanyalitsa khulakhula Vaislaheli vatsia tawe.

Inyuma wakeneyako, Nyasaye yaruma imbula ya machina niyononyinya viragwa via Vamisili nukhwira vuli mundu warula ilwanyi. Faraho yalanga Musa nende Haruni navavolela, ''kholi vwoni. Munyala khutsia.'' Khu Musa yasala ma machina nikalekha khurula khwikulu.

Nyasaye yaruma tsing'alo mu misili mwosi. Faraho yahomba Musa arulitse tsing'alo. Nikhali tsing'alo nitsiakhakhutsa, Faraho yatinya mwoyo navula khulakhula Vaislaheli varuli Misili.

Khu Nyasaye yaruma tsindaha mu shivala shia Misili. Naruma khandi vijinji vitambitsi Vamisili. Faraho yalanga Musa nende Aaron na vavolela, nivawakhasinjilitse matuyo keneyako Vaisilaheli vakharuli mu Misili. Lwa Musa yasala Nyasaye yarulitsa vijinji viosi mu Misili. Nikhali Faraho yatinyinya mwoyo na shiyalakhula Vaisilaheli vatsi tawe.

Khu Nyasaye yavolela musa asiuvi likoshe imbeli wa Faraho .Niyakhakhola ario mavombo kali shia khu mundu mu Misili

Livala livanjeli khurula: Khurula 5-10