Pasal

Chapter 1

¹ Paulus pere Timotius, kembari detero Yesus Kristus, emukuna detero mero mero Kristus Yesus yeine neke mari di Filipi neperena Yesus kena kembari detero: ² May Allah wenawaribu dekabu, yatum mere, Tuhan Yesus Kristus we beino sema tenekumuru! ³ De mondete mekare dena may Allah sena nare ya yunu yunu wetena mendote meka mare. ⁴ Dena mendo mekari wete muku tena, De nemenamote mendote mekare kari je kare ⁵ ena kembari poi nembey mekoyande akurung asna semo ya beinyare meyowe dasereyte. ⁶ Detere pere mendote mekare neye da kembari poite kiapeko enanerore, neye teme pugo poy mekonde ende ya Yesus Kristus. ⁷ Nepeterepere de tuanare We mukuna dena kenayeina. Terepere de ongko miene tona yaru de lati ate eri yaru akurung wari semo, we muku ye denbere may Allah a kerene. ⁸ Allah ne dete doute teyotung, nepere dena kene we muku ye Yesus Kristus bise yeine nekembe. ⁹ Da dena mendo mekarena: Netenate wena bise wemena mote neberate-berate, dete nikimen; ¹⁰ Neperena we mukuye erimare mena yang poi; neperena wei Eu moro-morote neki ambai Kristus menena Ya; ¹¹ Netenate ke mepego ona poi meyowe Kristus Yesus nena nou mero-mero dimisemo akurung Allah kapemanere. ¹² Yauyauna po, kembari nepete mekoyau asena semokepey urapete tapiyau, ¹³ Meterena detero muko semate nekay Berengkaway miene tepaye deteri nimiyang ne ongko miyeng tepewe Kristus tante. ¹⁴ Meterena detero tereperetere eyei manwari netenate ongko menetepe, detero endiki dekopai awari sunumung. ¹⁵ Tereperetre, detero Kristus kena a wari sanuyome peko detero, detero si poyte eraye. ¹⁶ Detero si poyte mekaye kembari kena terere mekaye danone asasemo terepere erai peko. ¹⁷ Detero si mendopekote tepay, ne kembari yeko pekote kiraye, mendo zikina mekoipai nenei kenate pekote mekaye, terepe ongko mene tepere. ¹⁸ Nemenakaye karo beyamane nekewe? Netenate e beyamane meko mare, Aupepure tenepere karo, Kristus Asena, netena de kenakari dopere danenere, Terepere, de kari komare. ¹⁹ De nime yanare mendore-mendore Wena kena bise Roh Kristus Yesus, beasa yang kiapeko dena eune. ²⁰ De karikare netena paitabure tuwaipay. Suru berusekuna wakete dukare Kristus, menayato meyowe dina diapote, wetw kapemaweri dena euburune, netena tetepoi waripoy. ²¹ Nemane, Wari Kristus yeine tete poy. ²² Nemenekaye, dena wari da eubrune, de ni miyepai, nemena de kembarite eute oripai. Nepe, netenate oritepone, de ninimeipai. ²³ De pero-pero dupukare a karo da beseney nikiyena mena sature. Dena kena nekewena yeko pekote baite ana sama sini dena wari nembey Kristus, netenate baite wande poi. ²⁴ Nemekaye, wetwna, nemena poi de wena cakiana neketere. ²⁵ Da terepere karo, de nepenimen yembekare de embre-embre nembey mare soukari komare ena euburune. ²⁶ Yabeiska de burutisini wekote metere, neperena kena karite kombe Yesus Kristus burune de embere. ²⁷ Netenate, yerui karo temene kemere akurung Kristus de poy meterena embere tupeyemare, de mipaina, de betotere we mukuye Roh beite nekembe, mendo beite mekombe, nembey de manere enaterepere asena semone meropeko. ²⁸ Netenate karotena ipauna peko detero wete endiki wapenaimere. ²⁹ Terepere Kristus ete warite yatumung nembey mote kapemanerena ambai, e peko piyang tuamambone nete nate beyte. ³⁰ Nemanlati we mukunamane peko piyang tuanembe we nepe tiyaunung de tua yanare, we nepe betayau me yowe dasereyte nemetuanare.

Chapter 2

¹ NeteNa te Kristus yena kari susunne, bise poi kena yau yanbu, kena bise, kena kalri, kenambei. ² Dena kena kalri yumbon Ne-wetenate kenambei, mendombei membeina kena bise, membeinayambu mendo beiyene nipimbei yenei. ³ Peko tena mekoipanya bay kena yelreu, eu tena mendomo, akau sisi panya menenatena mekoipanya netenate kena tepa-tepane mendote mekoye det’lro so kaso pelre wei yelreu ane dusung. ⁴ Sapiyame we mbei-mbei wei yelreu mote tembe, netenete detelro sitena yelreu lrati tembe. ⁵ Tenembobe da mendo wena nelrone nekende, Yesus Kristus tena mane. ⁶ Nena bee Mang Walri mane, nei eu kensipai Mang Walri pelre na neyou mane ambai, danate mesue telre tapeyowe. ⁷ B’lru suku tua yone sa ambainya delro mane, nepelre kembalru detelro mane, detelro yei mane dupuko. ⁸ Detelro yei tena mane, kena te dusun kuko, tepa-tepa yena yowe tetdoko nepere tete te salib onone doku. ⁹ Netante Mang Walri wete yalre telre kensuku, nete Irang te ikenetre, eu do si bulra na cudo te ikenelre. ¹⁰ Nete Yesus kena eudo ne metelrena yengkeng dusnaimlre di manona ye, da yo bulra na ye, nepelre yo anakelre nayo ya. ¹¹ Nepelre peu bembei saunai ye Kristus Tuhan ne Tuhan ilrang Mang Walri nenei, ne memai. ¹² Netenate mengke dokeka kena bisena, beyamane we bentekei betoi-betoi de wena nelrona mane, mbai de we Nelrona ambainyane, wei walri ppoi te mekombe dekoi-dekoine pei-peine. ¹³ Netenate Mang Walri wena yene mekonde nei kena denuna mekombena nei kalritena. ¹⁴ Metelra ye mekombena susi-susi panya ate kingelri panya. ¹⁵ Netenate wena nelro ne yeko peko nikipai Mang Walrri nei yei nining mane, yeko malre nalre mbai di yau-yauna kena yokipei peko, na mendo yeke-yeke, nepe we sute mane elrem bone nena nelrone sutemane kiyanebone. ¹⁶ Asna walri yelruu te suwe telri tapembe Kristus nei ya Kiyambone. De ne wakene karete sisitelre de teunalrna kasombai ne pelre kembalrui mekalri na kaso ambai. ¹⁷ Meselrei mbei bumane dilrai te, kembeu teu yenama sanasini wei telre pelre yena mane, de kalri te kotelre we metelrena yene, ¹⁸ Nemane we lrati ne wake mone, kalrui ye seplroye dembelre nembei kande. ¹⁹ Tuhan Yesus yene mendo te mekanalre Tomotius te selraibeite sante bone mende we kote nende a kia te betotepone kena poi te tuatenelre. ²⁰ De na detelro ne mena si ambai, mendo sipi yene wei poite mekone. ²¹ Sipe nenei yelrui mbeibei kone welrai, Yesus Kristus tena ambai. ²² We memeiyani, Timotius nei eutel;ru puko ne poi Injil be te nendena tente de nembelre mekonde yeinining neman kotena mane. ²³ Netenate tuwanalre santebone nende wande nenemeitebone beasa mekonetepone. ²⁴ Nepelre Tuhan te telrplre te elrete pone, delrey me ye selraimbeite we kote telre. ²⁵ Mendo dou kalrna Epafroditus santeboone we kote nende ne delrey weke, ne nembei mekone, ne yaura nembei mekone. ²⁶ Ne we metelrna kena te dunu, kena peko te tualronu, betoyawu sa namune tenoyowe. ²⁷ Yasine betoyau sa namu netenoyowe dite tetepowna mane mang walri nete kenabise te kelrimbuko, memotena ambai, demblre lati, kena kalri daiedaie tuatehelre. ²⁸ Netenate tua yanalre, dantebone we kote nende, netenate nete tenembobe kalrite denembe de dekalrena ate kuninsine. ²⁹ Tuhan kena yene Epafroditus me poi dowenembe kalri-kalri plre pei-pei plre nemena detelro tena. ³⁰ Kristus tena kembalri tante dite telepounamane: Dete dikipainya tante nei yalre te ane sasuku.

Chapter 3

¹ Tu, tena, do-kekau- do-kekapo, kalri te kombe Walri kena yena. De suksipai melroi-melroi kalro memanmo wekote, nepelrena dakalro we te semate neke nemelre. ² Betena tei bulrane yoko selraina, betena tei bulrane, peko detelro tena, betena tei bulra ne detelro da eu kanite poite terplrete elre naye. ³ E metrenar detelro baite sukaime pukona, man Walri mote kepanene, Yesus Kristus mote kepanene, neptrena da tandena teplre elripai. ⁴ Nemena sa de nourunape da eukani tena akau doplre. Detelro si mendote mekaye, nekakate mekopuko da eukani tena, de kaso doplre. ⁵ De, ya musinamin bute kelrai te puko, Israel detelro, Benyamin serailrena, Ibrani detelro, Ibrani peute, Atung bulra pe de parisi detelro. ⁶ De kalri nelrone, Jemaat pekote nekoyamalre, De Atung te terplrete elrupukalri de pekomekoipai ⁷ Me tehrena sasasi memetena datena doplre, memaya de Kristus te, ni meyembukalre, mena kosombai. ⁸ Telre - plre metelrena sasasi de tuwa nalre kasombai, nenate tininong te tuwa nalre Yesus te nineyembu kalre Walri te bena nupu kalre. ⁹ Kristus tan mote metrena, nelrai peko dena kenayema. Metelrena Atung Ayeko, Kristus teplre - telre te elre naina, man Walri nena Atung Ayeko detelr o yei tena ¹⁰ De teplre - telre elrambuko. Yesus deipukoi kena besika te meko mantre nena deipukona. ¹¹ Ne tena te tutena serei de Lati tete nelrolre deiyete ponde. ¹² Nena ne alri youwena nolruna ate elriyowe, ne detelrote besaisiki, nete kronai nate dianne, Walri Wai tenamane kyonai dianne. ¹³ Dokeka - dokekapo dena a elri yalri - yalre, netena kroipai. Netenate dena a elri - yalre dena eute doualre kiane welralre. ¹⁴ De nemetelre, mendo kalrona dotelre wande, da kembalri nememeko telre. Mang nemei kembalri Walri wai kena eidone. ¹⁵ Membe, e nawalro te neilre-neilre mendo te mekomanlre. We nemna mendo kalro mekoi panya, mang Walri wete kyaye-kyaye kilrinemponde. ¹⁶ Nenane a sanunpukona sematena poi nekembe. ¹⁷ Dokeka-dokekapo dena yeko tau tembe perdoute danembe detelro kena yelreu dena yeko walrena mane walrandena taumu mane. ¹⁸ Metelrena detelro kena yelreu welraiya Kristus kena ose mane, yembei - yembei detelro mane. Nepelrena a nekeweuna, meke akaiye. ¹⁹ Yelreu tutena peko bulra sarnaipona, Ne kepaiyape eselre motenate, ne detelro popeda pai tabulre. Nena mendo mekaina pedaanane tepandena. ²⁰ Nemane ye, e nekandena Walri yo deka yo kena detelromane. Dipana kenakalrite ete temalre Juru Selamat, neiye Tuhan Yesus Kristus. ²¹ Ena eute nenamane mekobonde nenei eu molro mane nenei wakene. Metelrena sasasi Kristus kena bukoune ane kronaiponde.

Chapter 4

¹ Neplrena ye delrei yau-yau na, kena bisyete danalre na, neplre na kena kalrite twanalre. Walri kna eine nou netepe malre. ² De, kena telrelre, we-te snawalre Euodia, neplre dlrati Sintike, dlrati walri kena ci-ne, ne kombelneme nekepi. ³ Nepelre de’wete diamelre delrei yau-yau na, da’milre-milre te di-ki mampone, dina kenatelrelre klemens, nei yau-yauna si slrati nena Eudo asna semone dina merai peka. ⁴ Walri kna ci-ne kalri-kalri plre, sari plre elretepone kalri-kalri plrei! ⁵ Wena kena tepa-tepa de tlro mukunamane, nimei naim ponde, walri nepe nopyewe. ⁶ Da, yelrue endiki tena dekoi panya, nete natas, metlrena sya-sya si mandone mekoyena, walri kna bulrune sani-sani kalro ne sanunulre, neplre a poi te sanunulre. ⁷ Mang kena poi, wena kena dekone kembalrite, neme mekonde mende dina slrei te. ⁸ Neplrenaye, yau-yau na eyei tlre plre, eyei pai, eyei de ke eyei mlro-mlro tlre plre, nenate wei mendo yei mekombe. ⁹ We beyasate kireaine, yatiyau webetoyau we tiayau we denalrena, metlrena mane mekombe, mang kena poi e te nemane moto yatenem lre mende. ¹⁰ Walri kna ei-na wlralre, kena kalri doplrete, twa nalre, nemane satenate wē bulrau puko dena yeko wlralre nate tau, neplre wēnekalrotna-dowipai. ¹¹ Da’a senamarna dena cune, nuku pukona ambai, da’kalro de,nepe ni meim bukalre. ¹² Nekepukona kalro, de’nepe nimeim bukalre, eringkondena ya de’nime yanalre neya;ya, menaina de, nepe nemeimbukalre, sa’ pernaya, moning ya, doi pernaya, doi-ambainya ya. ¹³ Dena-da’ yelreu, walri kna ne, klro tembonde, nembeimoye, wakete ini tlre. ¹⁴ Wena poi, klri yena, sete twanurna kalrone, walri wete diki neu ponde. ¹⁵ We’nepe nimeyanu, Filipi yo, me-me-te a’sna meyowe, de’Makedonia-yote dane tembukalre, nepda de tlro, setetuyaine, demberna-a’ nembeina Elripai. ¹⁶ Tesalonika yone, diki-diki kalro, notulre mekoyau, kasoplre. ¹⁷ Ne, karotenade, duweipai, de’ duwernape, dena a’saniyamarna, eu ne kilrimbe mene mekombe, eu plre wau nai ye. ¹⁸ Wenapoy nepe muku yati yalre neplrena ka so plre, nesa wena walrolrena, Epafroditus, sa’poi te dupuko, ne-kembalri walri kenate dununa. ¹⁹ Walri yane-yane ena poi klri yandenate, walri ate nepe saumu wey tlre plre mekoyena. ²⁰ Mang walri te kapemanlre, da’slreirē, di slrei te malre, tlre plre. ²¹ Dana da’a’poi te, dou we, walri kna ci-ne kembalri te mekainate sanumulre, da, a’poi eyei yau-yau knalre na, walri kna bulrune kembelrite mekan denatna. ²² Metlre na detlro mlro-mlro, wetena a’ poi te saniyaiwe, a’poi motlrena, detlro kembalrite dia delre ne mekaina tnate, sane you me, ²³ Walri knapoi wemblre-wemblre tlreplre. Poi... front