Pasal

Chapter 1

¹ Neplre naiye Paulus, mang nenei kembalri deltro moiyena Walei yei nenna akyana, nete ti yekeko telre pelre na deltro Mang Walri elri puko neplre mendo telre peltre na, mendo melro-melro bulra te tan nembon ne. ² Neplre Walri sena neman nemote neken de, manimpa na sanembuko na A, bulrate, mang Walri a peu-peu di panya memetlre na yapi slrei ne. ³ Ne yatna nene a sena Walri ate ane elri youwe, mang Walri kena man ne sanutupuko, etepoi te meko mu puko. ⁴ Titus kore yei de elri pukalrna nekembari mote mekan dena. Mang Walri kena yambupoi neplre Walri yei, ete yelre poi te kimelre. ⁵ Dakalro tena te wete Kelreta, yone tewepukalre, neplerena kambari te poi-poi mekombe neplre yo doplre na penatua te elrim bombe neplre na a ilea malre namane, ⁶ Nedeltro peko mekoi panya deltro, do milre boi monam nena yenining Walri yeite tlre- pelre elra pekona, neplre netena mamana a, elri panya deltro. ⁷ Neplre nam detlro Walri you te ya tenem lre kaso tena dileri panya meterenasa nenei mote ⁸ Neplre nam deltro te nenei yete nemlrena sate mama yem oulre na deltro, nekembari poi te mekowena deltro. ⁹ Dena A, sena malre na sematna poi ye nekembe we tlre-plre a, te dowembe dakembalri dekilram malrna mane mekombe, neplre naiye dena A, sena yang sine neme tong ke mewe, neplre na a nemane mo neme santenemlre, da a kulrung poi, nedelro A, alma te sane ¹⁰ Neplre naiye, detlro detro kena alre mate niki yaiye ne detlro a, peu-peu sulrena, nemei wapi yaiye, ne detlro-detlro kembalri pekote mekaina, you. You te nekepuko ¹¹ Neplre naiye ne detlro-detlro amblru te dinai peko, nena eute nemane, Walri wai nena mie deko peko re sani yam me. Nenei kembalri nolruna, nem na detlrosi tena kilri panya, detlro site paita bulre te mekau we ¹² Nena detlro simbei, nenei blreng ka mena a, te elri youwe, ne deltro kereta yolrna a peu-peu na detlro, malrisa selrei tena mame, eti selrai te dum ne, nekembalri tena a, mekoi poi. ¹³ Walri kena kembalri poi. Nepelre naiye, ne detlro tena a, alre ma sanemamblre, ne deltro mendo poi te dou naiye walri wai kena einenekenaiye ¹⁴ Neplrena Yahudi detlro kena a, susute bulran ne betepelre betoipaiNya nedetlro Walri wai jenam a'te baite salremupuko. ¹⁵ Mang kena akulrung pai, meter nam poi mo-poi mo. Ne detlro beisika menapai ambai nena mendo nena kena peko more mekoyouwe. Nena a elri yaiye nelati mang tekapi you ne, nenei kembalri kalro ne, Mang tena ter plre na, elri pai, nete ate wapensuku ¹⁶ Telre pelre, delati mang te ni me yanembuko, kembalri karo ne, detenemai wapi yaite, emblru tu mone keparna ambai, mang a oeu-oeu wa pi yaine. Ne detlro niki yaiye mang kena, kenabulru na nikipai ne detelro wakembanya, mang kena kembalri nepoina mekoi pai.

Chapter 2

¹ Nemane, we krim membena noutelre na Sate krim membe ² Detro dasina Eutena menase titau naiye, nepelrena pe membe, Weieu te semate nekembe telrepelre nou nekende, kena bise, dusunun kone. ³ Nepelrena milre-milre dasina wenayeko pote kelrimbe nepelrena apeko tena Elripanya. Neprena angurr tna anipanya, klri-klri kalro nou telre na tr klrimebe ⁴ Nemane, milre-milre Berang te klrimbe nenei dote bisete Denenelre, neplre yeinining lati. ⁵ Eusemate nekewe telre, mie Deki na keambalri tememekowe temetlre do kena ate betowe, nenate Atena dipanya. ⁶ Ne mani nelati, do sekolro te A, Walri te sanuyomu, ne na eute semate nekenaiye. ⁷ Metelrena akalro, wei wetena poite kilriwe neplrena kembalri kalro poite me mekowe kilri-kilri kalrona, yeko pote kiwe, ⁸ Nou telrna ate elrewe yembe Detoro paita bulrete tu a nebonde nena Embuna Etenam A, peko elripai. ⁹ Kembalri detero belren (Kawai) kena atebetonaye, Eu wake nesiwe nete mode poite, nen delretena kilri panya ¹⁰ Bisitena di panya, Wena yeko kilri mbena detero Wete Telrplelre Elrenai pon en, ete telro melrompode. ¹¹ Nepelrena, man Walri kena yambu pai meyowe detelro kena bete kiya mupuko, ¹² Nepelre na, Emeko malre pekote baite salrmalre nemane lati Ena peko Dayo brana ne Mekandena Ena semate ni kipayi, denapoi "melro-melro De pine ¹³ Da selrey kenalre rambeko tnande wena bisete i mulre, neplrena na delre mendena mane kna Walri kenalre mende, ete telro telrom melro mupeko na detelro, Walri yei. ¹⁴ Nenei Eu kano pote Ekote Meyowe Baite sukum mupuko nepelrena nenei Eute Baite sukumubuko, nenei Detlro Elri pukona nenei Emi yene kembalri poi te mekaiye. ¹⁵ Dana te metelre na tekilrim mulre. Atena menase sanumulre kena tepa-tepat e, Detelro siwete Anena tite Wipanya.

Chapter 3

¹ Atei mane sane membombe kembombe pemerintahplre bete-bete neka yena, betombe nena A elrena yena kembalrite na mekombe ² Netena pekotena yelripanya, atena kin kilripanya, temae Neperna noulre wena yeko tepa-tepa, kani-kani muku na detelro kote. ³ Neplrenam Eyansina pelro-pelro, tawi-tawi ambai, nipipekolre peko kena kemablri detelro mane nepelre kalri, yelreu peko kena selrai, yembe, nepelre yembe-yembe. ⁴ Nepelrena, yalri ambai bise man Walri kenalre neplre walriyei kenalri kiyapuko. ⁵ Ne, ete telro olru mupuko, ambai ena peko kembalri mekoyande na, nepelrena, nenaw bise suku mupuko yelreu poite sonknade alru melro-melro ⁶ nemane mote dilrimu, doplre, doplre Walri yei kena Welrolre e, telro melrambuko. ⁷ Nemane delrati ne telrepelre mane nena poim emenaya detelroteduwanbuko, Ena telre pelre yansitena e Walri senate yate-malre. ⁸ Do a, telrepelre nooulre, dekalrotena dena kenalre pe we nolre elrem bombe, nepelrena ne manewalrite telre pelre te elreai pekona kembalri poite mekonaye. Dakalro potelrena, detelro mukutena. ⁹ Nepelrena, baite A kin Alrai nelro-lre, miedekone A, yembe dite date kinklraye nepelrena Atung nimeipainya. Ne A kendombai nepelre Apepau. ¹⁰ Ate din kelraina detelro, atei tei beitena, beitena wei eutw baite ewe ¹¹ Wenimeyaoumbuko nedetelro peko nelrote yowena nipitenalre koku. Ne nenei eute peko bulrate salre puko. ¹² Nepelre de Artemas te me ko pukalre ne Tikhikus wekote, wenipite dewembe de kote menbe Nikopolis yone, de kenalre ketupukalre dapene nekerelre, dayabilringke doplre ¹³ Nemane wena wakene, Zenas te dikimbone, Atung mendona, Apolos plre nipi kalro te miye, nepelrena keti-keti kalro tuwaipai ¹⁴ Ena detelro nimei na nelro kena tepa-tepa te dakembalri poi, nemane delrati nenei yelre yayanate, nepelrena nenei yelreu Euplre. ¹⁵ Metelrena detelro denbelrena poi ate senai me. Dena apoite meternakote, nepelrena bise tlre plre bulrane. Nena poi wena bulrate nem na mote. front