Ndime
Chapter 1
1 Kuyamba kwa Mafala ya Jezu kiristo«, mwana wa Mulungu». 2 Ninga bzidanembedwa ku profita Isaia: Ine ndikutuma ntumiki wa mafala pakati pa khope wako, omwe adzakodza njira yako. 3 fala lomwe likukuwa kuthengo: kodzekerani njira ya mbuya, ndendemezani njira zanu. 4 Juwau adabwera achi batiza ku thengo, achi mbalalika batizo la kunchinhuka laku lekeredwa bza kuphonha. 5 Chigawo chentse cha judeya na Jerusalema likhachoka kuyenda kuna iye; akha batiziwa na iye ku gombe la jorodano, achi zimbula bzakuphonha zbao. 6 Juwau akhadvala makanda wa ngamira,na ntcheka wa khanda m`chiuno mwache, iye akhalha mchobwa na uchi bwa m´midzi. 7 Iye akhalalika tenepai: kutsogolo kwangu kukubwera ule womwe ngwamphanvu kuposa ine. kwa iye ndiribe kuthemera kukotama kuti nditsudzule ntcheka wa tsapato zache. 8 Ine ndikukubatizani na madzi, Iye adzakubatizani na mzimu wakuchena. 9 natenepoyo bzidachitika kuti, ntsiku zomwezire, Jezu waku Nazareta wa ku Galileia adabwera, pompwepo adabatizidwa na Juawu ku Jorodao. 10 Pomwe adachoka m`madzi, adaona kudzulu kuda funguka, Mzimu, udabuluka ningati khangaiwa pa iye. 11 Lidabwera fala ku dzulu: iwepo ndiwe mwanangu wakufunikira,mwa iwe nimba komedwa. 12 Pomwepo Mzimu udamutengera kuthengo. 13 Iye adakhala ku thengo ntsiku maku manai,achi yessiwa na sathani. Iye akhali na bzirombo bzathengo, angero akhamu tumikira. 14 Pomwe Juwau adayenda kaidi, Jezu adabwera ku galileia, achimbalalika mafala ya mulungu, 15 Achiti: Nthawi yakwanirisika, Ufumu bwa Mulungu buli pafupi; ntchinhukani, bvumani mafala. 16 pomwe akhafamba mphepete mwa gombe la Galileia, iye adaona Simao na m`bale wache Andrea, akhathusa mbwazi m´madzi, thangwe akhali akhongwe; 17 Jezu adawauza: Bwerani kwa ine, nidzakusandusani akhongwe wa wanthu 18 Pomwepo adasiya mambwaziyawo, achimutewera. 19 Pomwe adapita pan´gono patsogolo, adaona Tyago mwana wa Zebedeu, na m`bale wache Juwau, womwe akhali m´mwadia, akhakonza mambwazi yawo. 20 Pomwepo letu adawachemera; iwo adasiya pai wayo Zebedeu mumwadia na anyabasa, achiyenda kuna iye. 21 Iwo adapita mu cafarnaum; pomwe lidafika sabudu, Jezu adapita mu sinagoga adayamba kufhundzisa. 22 Iwo adakhala wakudzidzimuka na chifhundziso chache, n´mwakusiyana na cha alemberi, iye akhawafhudzisa ningati womwe ana ulamuliro. 23 Pomwepo adaonekera mu sinagoga yawo munthu na mzimu wakuipa, akhakuwa, 24 achimbati: Ah, tinachiyani naiwe, Jezu M´nazareno? Wabwera kudzati fhudza? Ndikudziwa bwino ndiwe yani: Wakuchena wa Mulungu. 25 Jezu adamudzudzula, achiti: Nhamala, choka mwa iye. 26 Pomwepo mzimu wakuipayo, udanhandula nfhayi mwa iye, adakuwa kwenekwene, udachoka mwa iye 27 Natenepoyo wentse adakhala wakudabwa, achimbabvudzana okha okha: N'chiyani chimwechi? Chifhudziso chatsapano cha lamuliro! Iye ambalamula bzimizimu bzakuipa, ibzo bzichimubvera! 28 Pomwepoletu mbiri yache idabvekera mzinda yentse wa Galileia 29 Pomwe iwo adachoka ku sinagoga, adabwera ku mui wa Simao na Andrea, pabodzi na Tiago na Juwau. 30 Mabzala wa Simao akhada gona nakufesuka, pomwepo adamuuza Jezu bza iye. 31 Pomwepo adamufenderera iye, adamuphata boko ,achimulamusa; pomwepo kufesuka kudamusiya, iye adayamba kumutumikira. 32 Kumaulo, dzuwa likuenda kadoka, adamubweresera atenda wemtse na omwe wa bziwanda; 33 mzinda wentse udagwezekana pansuwo. Iye 34 adachiza azinji omwe akhagumanikana na matenda mazinji, pomwepo adathotha bziwanda bzizinji. Iye akhasiyalini bziwandabzo bzilewelewe, thangwe bzikhamudziwa. 35 M´bhandakuecha, iye adamuka achichoka, adaenda ku mbuto kuthengo, komweko akhapemphera. 36 Simao na omwe akhali naye adamutewera. 37 Pomwe adamugumana, adati, wentsene akukuyan`ganani. 38 Jezu adawatawira: Tendeni ku midzi yapafupi, kuti inembo ndikalalike kumweko, thangwe ndabwerera bzomwebzi. 39 Iye adayenda kukalalikira m´ma sinagoga yawo mu Galileya mwentse, akhamba thotha bziwanda. 40 Nyamapere m´bodzi adamufenderera iye, achimu dhandaulira, adagodama, achimuuza: Mungafuna, imwepo mungandi pukute. 41 Jezu, adaphatiwa na ntsisi, adafuthula boko lache, adamukhuya, adati: Ndifuna; khala wakuchenesedwa. 42 Pomwepo mapereyo yadachoka mwaiye, adakhala wakuchena. 43 Jezu adamuchenjeza, pomwepo adamugoneka, 44 adamuuza: MPholemphole, nampodi kuuza munthu. Ndoko, kaonese akulu wa ntsembe, pereka tsembe yako thangwe wachenesedwa bzomwe Mose adalamulira, kuti bziwakhalire ningati umboni. 45 Natenepo, iye adachoka, adayamba kubziwisa bzinthu bzizinji, achimbadziwisa mkhaniyo, natenepo Jezu angadapitalini pomwe mwapadecha mu mzinda; iye akhakhala kumbali yakunja ku mbuto ya kuthengo, kumweko wanthu wa mbali zentse akhabwera kuna iye.
Chapter 2
1 Ntsiku zidapita, Jezu adapita pomwe mu kafarnau, kudabveva kuti alipamuy. 2 Adagumana azingi, ne pafupi nansuwo wakhakwanalini; iye akhawauza mafala. 3 Adabwera wamuna wenango anai adanyamula bundukutu. 4 bzikachita kuti ataze kufika naye cuna iye na thangue la nthithi, ada zindikira pantsodzi pomwe iye akhali, ada pasula pantsodzipo, achi chita buli, ada tereza iye pampasa yomwe ikhana bundukutu. 5 Pomwe Jezu ada ona chikhulupiriro chawo, ada muwuza bundukutu: Mwanangu, bzakuphonha bzako bzalekeledwa. 6 Pomwepo akhadakhala na walemberi wenango, akhakumbuca mitima mwawo: 7 Thangue lanhi mwamunai alikulewa tenepa? Iye alikunhoza! Mbani anga lekelele bzakuphonya, Kusaya kukhala Mulungu yekhayo? 8 Mwakufulumiza jezu adabva mwamu mzimu wache kuti ndibvomwebzi bzomwe akha kumbukira kwaye. Pomwepo adawa bvunza: Thangwe lanyi mulikumbuka tenepa mitima mwanu? 9 Kodi bzakupusa nthsiponi? Kuwuza bhundukutu " Bzakuphonha bzako bzalekeledwa", penango ndimuwuze, "Muka iwe nyamula mpasa ufambe"? 10 Kuti mudziwe mwana wamunthu ana mpanvu pa dziko lapansi laku lekelela uphonyi, ( adauza bundukutu): 11 iwepo ine ndikukuwuza, lamuka, nhamula mpasa yako uyende kumuyi kwako. 12 Pomwepa iye ada muka, ada phata mpasa, ndipo adachoka pamaso pa wense nabzomwebzo wada kala wakudabwa nabzo, pomwepo wadamukhuza mulungu wachiti : Tikanati taona bzintu ningabzobzi. 13 Jezu ada bwerela pomwe ku gombe, wanthu wazingi wada bwela kunaiye, iye akhawa nfhunzisa. 14 Pomwe akhapita , adamuwona Levi, mwana wa Alifewu, ada khala pambuto yakutsongesa chuma, ada muwuza: Nditewele , pomwepo Levi ada lamuka achimu tewela. 15 Bzidachitika pomwe akhadakhala pa mesa pamuyi pache,. wazinji wanyakutsongesa chuma na wakuphonya pabodzi naJezu wakhada khala na wakufhunzira wache, thangwe lakuti wazinji wakhamutewera. 16 Pomwe walembeli na wafalisi wadaona watsonguesi wachuma nawa wakuphonya akulha naye, adawauza wafhunziri: Thangwe lanyi iye alikulha pamobodzi nawa tsonguesi wachuma nawakumphonya? 17 Jezu adabva achiwatawira: munthu waculimba anga nyan`ganelini mulapi, koma wacudwala ndiwo amanyan`gana mulapi. Ine ndiribe kubwelela wakulungama, ndidabwelela wakuphonya. 18 Wakufhunzira wa jowawu nawa falisi wakhabzimana kulha; tsono ada bwera wachi bvunza: thangwe lanyi wakufhunzila wa Jowawu nawa wafalisi amadzi mana kulha, wakufhunzila wanu wambabzimanalini kulha? 19 Jezu adawa tawira: Kodi wakuchemeliwa wamalowozi wanga bzimane kulha wachinamwari aripo? Pomwe wachinamwari alinaye, iwo wangabzimanelini kulha. 20 Nsiku zilikubwera, zakuti wachinamwali adzachosedwe; Nsiku yomweyo wanza bzimana kulha. 21 Palibe omwe anga sonele chigamba chitswa panguwo yacale; thangwe chigamba chitswacho chin´gamba yakaleyo, kudzongeka kwayo kwakupitiliza. 22 Palibe omwe angaikhe vinhu itswa mu tsuko wakale; bvingachitise kuti vinhuyo ingaswe mitsukoyo, pomwepo vinhuyo iniluzica pabodzi nami tsukoyo; coma vinhu itswa yikhidwe mumitsuko itswa. 23 Bzida chitika pomwe jezu akha pita naminda ntsiku ya sabudu, wafhunzili wache, wadayamba kutsuola bzibatso, wachifamba. 24 wafalisi wada muwuza: Ona! Thangwe lanyi walikuchita bzilibe mvumo mu sabudu? 25 Adawa uza: Mukanate kuwelenga bzida chita Davidi, pomwe akhabva njala, na omwe akhali nawo? 26 Ada chita tani pomwe ada pita munyumba yaMulungu, pomwe Abiatari akhali nkulu wantsembe adalha mikati yawa ntsembe( yomwe ykha vumiziwalini kulha, bhasi wantsembe okha), ada pasambo omwe akhali nawo pabodzi? 27 Ada wa uza pomwe, Kuti ntsiku ya sabudu ida chitidwa thamgwe la wanthu, wanthu walibe chitidwa thangwela sabudu. 28 Ni thambwe lomwelo mwana wamunthu ni mbuya wa sabudu.
Chapter 3
1 Jezu adapita pomwe mu sinagoga; akhalipo momule mamuna bodzi omwe akhana boko la kupunduka . 2 Iyo adakhala ntcheru naye, penu angadamuchirisa mtsiku ya sabudu, kuti amupase mulandu. 3 Jezu adamuuza mwamuna omwe akhana boko lakupunduka:Lamuka , bwera pakati. 4 Adawauza: Mswakubvumizidwa pa sabudu kuchita dzabwino, pinango dzakuipa? Kupulumusa munthu bodzi, penango kumupha? Iyo adakhala wakunhamala. 5 Adayan'gana pakati pawo na ukali, nakubva ntsisi na kukhuma kwawo mitima, adamuuza mwamunaule: Futhula boko.Iye adafuthula; pomwepo boko lache lida limbisiwa. 6 Pomwe afalisi adachoka, adakhala na khazikano na maerodi, kuti apangane angada mupha tani. 7 7Jezu adabula na afhunziri wache achienda Kugombe; udamutewera nthithi waku galileia, waku judeya, 8 waku Jerussalema, waku Idumeia, waku jorodani, na wa wapafupi pa Tiro na waku Sidon; nthithi ukulu, pomwe adabva bzabzikulu bzomwe akhachita, adabwera kwa iye. 9 Iye adauza afhunziri wache kuti mwadia bodzi akhale pafupi naye, thangwera mthithi; kuti uleke kumubzinhiza. 10 Thangwe akhadalimbisa azingi,natenepo wentse omwe akhabonera akhabzithusa kwa iye kuti amukhuye. 11 Bzimizimu bzakuipa, pomwe bzikhamuona, bzikhamugodamira iye ; bzichimbakuwa; iwepo ndiwe Mwana wa Mulungu. 12 Tsono Jezu akhabzimanga kwenekwene, kuti bzileke kumuzimbula iye niyani. 13 Iye adhakwira phiri, adachemera omwe adafuna; pomwepo adabwera kuna iye. 14 Adasankhula khumi na awiri kuti akhale naye, kuti awatume kukalalika, 15 kuti akhale na mphanvu yakuthotha bziwanda . 16 Akhali iwo; Simao, omwe adamupasa dzina la Petulo; 17 Tyago mwana wa Zebedeu, Juwau bale wa Tyago; adampasa dzina la Boanerges, bzomwe bziku tathauza"mwana wa chiphaliwali"; 18 Anderea, Firipe, Batolomeu, Matewu, Tome, Tyago mwana wa Alufeu ,Tadeu; Simeao m`zelote; 19 na Yuda Sicaliote, omwe adamu phindukira. 20 Pomwe Jezu adaenda nhumba inango ,adasokhana pomwe thithi, bzomwe bzikhachitisa kuti ataze kulha nkate. 21 Adzinza wache, pomwe adabva bzimwedzo, adabula kuti akamphate, thangwe akhati; "Iye alirini mu umunthu bwache". 22 Alemberi omwe adachokera ku Yerussalema akhati: Iye ana Belzebulu, na nkulu wa bziwanda ambathotha bziwanda. 23 Pomwepo Jezu adawachemera, achiwauza mufananizo: bzingachitiketani Sathani kuthotha sathani? 24 Ufumu bunga gawanika kwaibo bokha, ufumu bomwebo bunga khalise lini, 25 pa nhumba ibodzi pangakhala kugawana payio, nhumba imweyo ingakhalelini yakulimba. 26 Sathani angabzi ukira iye ekha, achigawika, angakhalise lini, bzimba mala. 27 Palibe ndie angabe bzinthu bza omwe anamphanvu, angapita nhumba mwache, achisaya kuyamba kumumanga waphanvuyo; pamwepo anzaba nhumba mwache. 28 28 Mwachadidi ndiku uzani kuti bzakuphonhabzanu bzentse bzidzalekereredwa mwa wana wa wanthu, bzakunhoza bzetse bzomwe mukunhoza; 29 omwe aninhoza Mzimu Wakuchena anzakhala wakusaia kulekeredwa kumthawi zentse, kusiyana pabzimwedzi, ngwa thangwe lakuphonha lakusaia kumala. 30 Thangwera iyo akhalewa: "Iye ana mzimu yakuipa". 31 Pomwepo adafika mai wache na azibale wache; akhali kunja, adamuchemeresa. 32 Nthithi ukhadakhala pakati pache. pomwepo adamuuza: mai waco na azibale wako alikukunha´ngana. 33 Iye adawataira: Mbani mai wangu na azibale wangu? 34 Adanha´ngana omwe akhada khala pafupi naye, adati: Alipano awa mai na azibale wangu. 35 Omwe anichita chifuniro cha Mulungu, umweyo ni khoswe, nfumakazi,na mai wangu.
Chapter 4
1 Jezu adayamba pomwe kufhunzisa m'phepete mwa gombe, nthinthi adantsonkhana naye, Iye adapita m`mwadia adakhala pa gombe; nthinthi wentse akhali m'phepete mwa gombe. 2 Akhamba anfunzisa bzinthu bzizinji na mafananizo; akhawauza mu chinfunziso chache: 3 bvani: wakubzala adabula achimbabzala; 4 Bzidachitica, pomwe akabzala, mbeu zinango zidagwa pakati panjira,mbalame zincabwera, kudzalha. 5 zinango zidagwa minyala, pomwe pakhalibe mataka mazinji;pomwepo idamera, thangwe pakhalibe mataka yakuzika. 6 Pomwe, lidachoca dzuwa, ikhatswa;thangwe ikhalibe mizi, idauma. 7 Inango idagwa pakati pa minga; mingazo zidakula zidatswinhiza, iribe kubhala bzipatso. 8 Inango idagwa pa mataka ya bwino, idabala, idakula; ibodzi idabala madzana matatu, inango madzana matanthatu, inango chulu. 9 Adati: Omwe anamacutu yakubva, abve. 10 Pomwe Jezu akhali yekha, omwe akhali nawo pabodzi, khumi na awiri, adamubvunza thangwe la mafananizo. 11 Adawatawira: Kwa imwepo kwapasidwa bzakubika bza Ufumu bwa Mulungu; kwa omwe wale ali kunja, wense bzimbachitika pakati pa mafananizo; 12 afuna kuona, awone, anbvesesalini; kubva, yabva, anibvesesalini; kuti aleke kutendeuka, kuti alekereredwe. 13 Adawauza; Mukudziwalini thandauzo la fananizo limweri? Munzavesesa tani mafananizo yentse? 14 Wakubzala abzala fala. 15 awa ndiwo wa pakati panjira: mwa iyo malafa wambabzalidwa;iyo angabva, Santhani ambabwera, ambachosa fala lomwe labzalidwa pa iwo. 16 Bzibodzibodzi, omwe abzala m`minyala: pomwe angabva fala, ambatambira na nfantso. 17 alibe mizi pa iwo okha; na tenepo, mba kanthawi in'gono. Pomwe, pangamuka mazunzo ayai kuteweredwa thangwera fala, pomwepo letu ambagwa. 20 18 18Wenango mbale ambabzala pokati pa minga: ambabva fala; 19 na thupo la bza dziko, kupunswa kwa bzinthu, na kusirira bzithu bzinango, bzimbapita, bzichitswinhiza fala, ilo limbakhala lakusaya kubala bzipatso. Awa ndiwo omwe adabzalidwa pa mataka yabwino: omwe ambabva fala, achilitambira, achimbala bzipantso, mbodzi madzana matatu, unango madzana matanthatu, unango chulu. 21 Iye adawauza: Bzingachitike kutenga chiphani-phani kuikha pansi pa kama? Chimbaikhiwa lini padzaulu kuti chibvunike? 22 Thangwe palibe chinthu chakubisika chomwe chingadzaleke kuonekera; kungachitike lini chinthu kuti achibise, ibzo bzinzakhala padecha. 23 Penu unango anamakutu yakubva, abve. 24 Adawauza: Khalani txero na bzomwe munibva: na kuyeza komwe munieza nako imwepombo munzaezedwa, kunzanthimiziridwa kwa imwepoletu. 25 Kwa omwe anabzo, anzapasidwa; kwa omwe alibe, bzire bzomwe anabzo anzachoseredwa. 26 Akhalewa: Ntenepai Ufumu wa Mulungu, ningati mamuna akutaya mbeu pantsi; 27 angagona, achimbamuka, usiku namasikati, mbeuyo ikhamera, ichikula, mwakusaia kudziwika yakula tani. 28 Mataka kwa iyo iyokha iyambabereca, kuyamba m`mera, kunzabwera chibantso, kunzabwera kudzaza chibatso, 29 Pomwe bzibatso bvingalatiza kuti bzatokota, ambatenga djeko,tangwe nthawi ya kukukolola yakwana. 30 Adalewa: Tinzandendemeza na chyani Ufumu 'bwa Mulungu? na fananizo liponi Tinzalinganiza? 31 Ninga mbeu ya mpiru yomwe, ingabzalidwa pantsi,ni mbeu yakuchepa pa zentse za padziko. 32 Pomwe, ingabzalidwa, imbakula, imbakhala yakuposa bzakumera bzentse, imbakonza mi thawi mikulu,bzimbachitisa kuti mbalame zaku dzulu zichite bzitsa pa mithudziyo. 33 Na mafananiso mazinji ninga yomweya Jezu akhawauza fala, ningati momwe angadabvera. 34 Akhawauzalini pa kusaya fananizo: kwa anfunziri wache akhambawauza bwino pa phunzu. 35 Ntsiku imweire, yadafika maulo, adawauza: mbati piteni ku mbali inango. 36 Pomwepo adagoneka nthithi, wadatenga wanthu wenango akhali mu mwadia; pakhana mi mwadia inango pabodzi naye. 37 Padamuka chonzi chikulu; na tenepo mam'bimbi yakhafika padzaulu pa mwadia, mwadiayo akhanzala. 38 Jezu akhadagona akhada tsamira tsago.pomwepo adam`musa, adamuuza: Misiri, ulibe nabzo basa kuti tintaika? 39 Iye adamuka, adadzudzula chonzi, achili uza gombe: Ima, derekha! natenepo chonzi chidaima, padakhala zi. 40 Adawabvunza: Thangweranhi ndimwe wakupusa? Ningati mulibe chikhulupiriro? 41 Iyo adakhala na mantha, akhauzana m'bodzi na m'bodzi: Mbani umwei, kuti chonzi na gombe bzimbamubvere?
Chapter 5
1 Pomwe adafika mbali inango ya gombe, dziko la ma Gerasenos. 2 Pomwe Jezu adabula mu mwadia, adabwera kuchokera kumanda mamuna m'bodzi akhana mzimu wakuipa, 3 omwe akhamba khala kumanda, nem na maunholo yakulimba akhatazira kumumanga nabzo; 4 kazingikentse adamumanga na maunholo, iye akhamba yabwedza maunholoyo, pakhalibe munthu omwe akhakwanisa kumuonerera. 5 Ntsiku zentse usiku na masikati akhamba khala akumbakwa m`manda na m`mapiri, achimba bzikweteka na minyala. 6 Pomwe adaona Jezu nakutali, adathamanga achimu godamira iye. 7 Adakua kwenekwene: Ndinawe chiyani ine Jezu, Mwana wa Mulungu Wakudzulu? Ndiku kumbira kuti muleke kundi boneresa. 8 (Jezu adati: "Bula mwa mamunai, mzimu wacuipa"). 9 Pomwepo adamu bvunza: Umba chemeredwa yani? Ada tawira: Chikhamu, ni dzinalangu, thangwe tiripo azingi. 10 Akhamu kumbira kuti aleke kuwa thotha mu dziko limwelire. 11 Likhalipo pafupi la phiri lomwelire gulu la mkhumba lomwe likhalha. 12 Mizimu yakuipa ire idamu kumbira ichiti: Titumizeni mwa nkhumba, tipite mwa izo. 13 Jezu adabvumiza. Mizimu ire ida bula ichipita mwa nkhumba; pomwepo gulu lire lidabzithusa mu gombe; (zikha thamanguira bzulu bziwiri) izo zidamira gombe. 14 Omwe akhauswa adathawa, adadziwisa m`mzinda na m`midzi; pomwepo wanthu adayenda kaona bzomwe bzidachitika. 15 Pompale adafenderera Jezu, adaona munthu akhana bziwanda adakhala, adabvala, akhali mwa muwunthu bwache, adakhala wakudzidzimuka. 16 Omwe adaona wale adamu kulukulira bzomwe bzidamu chitikira , na nkhumba zire. 17 Adayamba kumukumbira kuti achoke mu dziko lawo. 18 Pomwe Jezu akhapita m`mwadia, omwe akhana bziwanda ule adamukumbira kuti akhale naye. 19 Jezu adalamba, achiti: Ndoko kumui kwako, kuna azibale wako, ukawadziwise bzikulu bzomwe Mbuya akuchitira, momwe iye akubvera ntsisi. 20 Pomwe iye adayenda, achiyamba kudziwisa mzinda wa Decapolis bziculu bzomwe adachitidwa na Jezu, na tenepo wanthu akhambadabwa nabzo. 21 Pomwe Jezu adapita pomwe mu mwadhia achienda mbali inango, mthithi wa wanthu adamu fenderera; Iye adakhala kufupi na gombe. 22 Adabwera m'bodzi wa atsogoleri wa sinagoga, omwe akha chemeredwa Jairo; pomwe adamuona, adagodama m´minhendo mwace. 23 Achimu dhandaulira, achiti: Mwana wangu wankazi ali kufa. Nincu kumbirani kuti mudza ikhe manja yanu pa iye, kuti a limbe, akhale na moyo. 24 Jezu adayenda naye. Na tenepo thithi ule akhamu tewera, achimu ntswinhiza. 25 Akhalipo mkazi m'bozi, akhana matenda yacu samba pa magole khumi na mawiri, 26 iye akha bhonera kwacu nyanya na mbuto za ulapi, achi pereca bzentse bzomwe akhanabzo, tsono matendayo yakha mala lini; cusiana nabzimwebzi, bzikha nyanhiratu. 27 Pomwe iye adabva kulewa bza Jezu, adabwera naku khonde kwa mthithi ule, achi khuya bzacubvala bzace. 28 Achimba lewa: Nacutondo ku khuya bzacubvala bzace, ndini limbisiwa. 29 Na tenepo matenda yace yale yadhamala; adhabva muthupi mwace kuti alimbisidwa matenda yale. 30 Jezu adazindikira mphanvu yomwe idachoka kwa iye. Ada zungunukira mthithi ule, achi bvunza: Mbani akhuya bzacubvala bzangu? 31 Afhunziri wace adati: Mthithi acucu tswinhizani, mungabvunze: Mbani acukhuyani? 32 Na tenepo Jezu akhamba nhan'ganisa kuti azindikire mbani achita bzimwebzire. 33 Na tenepo mkazi ule na mantha, e na ku tetemera, nacu dziwa bzomwe bzikhadha mucitikira, adamu fenderera, achimugodhamira, achimu uza bzachadhidhi. 34 Jezu adhati: Mwana wangu, chikhulupiriro chako chaku pulumusa. Ndoco na ntendere, ulimbisiwe matenda yaco. 35 Pomwe iye akha lewa lewa, mbali inango ya mthithi ule idabwera kuchokera cumui kwa ntongui wa sinagoga, achiti: Mwana waco wankazi wafa; thangueranhi ucumu nesa Misiri? 36 Jezu, alibe kutetekera fala lomwe lida lewedwa, adamu uza ntongui wa sinagoga: Leca cugopa; bvuma basi. 37 Alibe kubvumiza munthu kuti a mutowere, kupambula Pedro, Tiago, na Juwau m´bale wa Tiago. 38 Iwo adafica kumui kwa ntongui wa sinagoga, Jezu adaona bzomwe bzikhacitica, omwe akhalira nakufhula mwacusaia kulongosoka. 39 Pacu pita, adawa uza: Thangueranhi mukulira kwakusaia kulongosoka? Ntsicanai alibe kufa, adatondo cugona. 40 Iwo adamu seca. Iye, pomwe adamala kubhulisa wentse panja, adasala na pai na mai wa ntsicana ule, na wale omwe akhali naye pabhodzi. Patsogolo pace adapita mukhana ntsicanayo. 41 Iye adaphata boco la ntsicanayo, achiti: «Talita cumi», (bziculewa cuti: "Ntsicana, nincu uza, lamuca"). 42 Na tenepo ntsicanayo adamuca achifamba, iye akhanacale magole khumi na mawiri yacu badwa. Iwo adakhala wacu dzedzemuca. 43 Adawacumbira kwenekwene kuti aleke kumizimbula bzomwe bzidacitica; adawauza kuti amupase chaculha.
Chapter 6
1 Jezu adachoka pomwepale adabwera ku dziko lache lakubadwa,Wafhunziri wache Wadamutewera. 2 Pomwe lidafika sabudu,Iye adafhunzisa mu sinagoga.wazingi wadamubva wadakhala wakudabwa.Iyo wakhalewa: "Adafhunziria kuponi Iye chifhunziso chimwechi?". "Nzeru iponi imwei yomwe apasidwai?". "Bzidabwiso bzobzi ntsiponi bzomwe iye ambachita na manja wache?". 3 "Umwei ne wakukhoma matabwa,mwana wa Malia,m`bale wa Tyago,Jose,Juda na Simao?Abale wache alirini nafe pano?".Iyo wakhanyatsidwa naye Jezu. 4 Jezu adawauza: "Palibe mpolofita wakusaya kulemekeziwa, kusaya kukhala ku dziko lomwe adabadwa 5 Iye angadachita lini bzakudabwisa pomwepale, kupambula watenda wenango omwe Iye adatsanjika boko Lache achiwalimbisa. 6 Kusaya chikhulupiriro kwao Kudamukhalisa wakudabwa. Iye adachoka achimbalalika m`midzi 7 Iye adachemera wakhumi na awiri adayamba kuwatuma, awiri awiri; adawapasa ulamulilo pa mizimu yakuipa. 8 Iye adawauza kuti aleke kunyamula chinthu chirichentse munjira, kusawa kukhala ntswimbo:ne mkate, ne thumba, ne kobiri muncheka mwanu 9 mubvale chango lekani kubvala bzakubvala bziwiki. 10 Adawauza pomwe:"Mungapita nyumba ibobzi, khalani mwemo kufikira kuchoka mbutoyo. 11 Kumbuto inango angasaya kukutambirani achisaya kukubverani, mungachoka pomwepo, kutumulani fhumbi pantsi pa minyendo yanu, bzikhale umboni kuna iwo". 12 Iyo wadachoka achimbawauza wanthu kuti bzinfunika kutshinhuka bzakuphonya bzao. 13 Wakhathotha bziwanda bzizinji, wakhawa dzoza azinji wakudwala na mafuta akhawalibisa. 14 Mfumu Herodi idabva bzomwebzo,thangwe dzina la Jezu likhada bvekeka kwenekwene.wenango wakhalewa: "Juwau,mubatizi,walamukisidwa kwa wakufa thangwera bzobzi, bzakudabwisa bzaphanvu bzikuchitika mwa Iye. 15 Wenango wakhalewa: "Iye ni Eria". wenango pomwe wakhalewa:Iye ni mpolofita, ningati bodzi wa mapolofita yakalekale. 16 Pomwe Herodi adabva bzomwebzo,adati: "Juwau,omwe ine ndidamugwata,walamukisidwa". 17 Thangwe Herodiyo akhada tumiza kumumanga Juwau adamuikha m`kaidi thangwera Herodia (nkazi wa m`bale wache Firipe), Iye adakhala naye banja. 18 Thangwe Juwau akhadamuuza Herodi: "ntswakuenera lini kuti utenge nkazi wa m`bale wako". 19 Nabzomwebzo, Herodia akhamuyeanga Juwau akhafunafuna kumupha, angada mupha lini. 20 Herodi akhagopa Juwau,akhadziwa kuti iye akhali mamuna wakulungama na wakuchena, akhamukoya bwino. pomwe adabva Juwau, Herodi akhabzalini bwino, akhamubvera na ntima wentse. 21 Ntsiku inango yakufunikira, wakubadwa kwache, Herodi adawakobzera mhpwando anyankwa, atongi, na akulu akulu waku Galileia 22 Mwana wa nkazi wa Herodiayo adabwera achiwabzinira wentse iye adakomekera Herodi na waku chemeredwa wache. Mfumu idamuuza ntsikana ule: "Ndikumbire chirichentse ungachifune iye ninkupasa". 23 Iye adamulumbirira achiti: "Chirichentse chomwe undikumbira ine ninkupasa, kati na kati bwa ufumu bwangu ninzakupasa". 24 ntsikanayo adakauza mai wache: "ndikakumbire chiyani?" Iye adamutaira: " Nsolo wa Juwau, m´batizi". 25 Iye mwakufulumiza adabwerera kuna mfumu achimukumbira, achiti: "Ndifuna mundipase, tsapanoperatu, mu mbale, nsolo wa Juwau,M`batizi". 26 Mfumu idatsukwopa kwenekwene, thangwera lumbiro lache na waku chemeriwa, angadalamba lini bzomwe adamukumbira. 27 Momwepo mfumu idatuma socha bodzi m`londa wache adamulamulila kuti abwerese nsolo wa Juwau. Londayo adayenda kamugwata mu kaidi 28 Iye adabweresa nsolo wache mu mbale achimupasa ntsikanaule iye adapasa mai wache. 29 Pakubva bzimwebzi, afhunziri wache wadabwera kudzatenga ntembo wache wadakamuikha kumanda. 30 Atumwi, adagwezekana pakati pa Jezu, adamufotokozera bzentse bzomwe iye akhadachita na kufhunzisa 31 Iye adawauza: "bwerani kumbali kumbuto kuthengo pumani pan`gono". thangwe azingi akhayenda achibwera iyo alipe kuona nthawi kuti alhe. 32 Pomwepo adayenda onkha, mu mwadia,kumbuto inango kuthengo. 33 Tsono azingi wadawaona wadachoka achiwadziwa, wadathamanga pabobzi, na minhendo,mizinda yentse, wadatoma kufika iyo akhanati. 34 Pomwe wadafika, Jezu adaona nthithi ukulu Iye adakhala na ntsisi,thangwe akhali ningati mabira yomwe yalibe makabusa 35 Pomwe nthawi ikhadamala, Afhunziri wache adabwera kwa Iye achimuuza: "Kuno nkumbuto kunthengo nthawi waenda. 36 Atumeni ayende m`midzi na mi mzinda yapafupi kuti akagule bzakulha 37 Jezu,adawatawira,achiti: "Apaseni chinthu kuti alhe".Iyo wadalewa: "Tingaende kagula mikate ya madzana mawiri yama denario tichiwapasa kuti alhe?". 38 Iye adawauza: "Muna mikate ingasi imwepo?. Pomwe iyo adazindikira, adalewa: "Mikate michanu na ntomba ziwiri". 39 Iye adalamula kuti wentse akhale m`magulu m`mauswa. 40 Iyo wadakhala mu magulu; magulu wa madzana na makhumi machanu. 41 Iye, adaphata mikate michanu na ntomba ziwiri,adayan`gana kudzulu, ada dalisa adagwata mikateyo achiwapasa afhunziri kuti aikhe patsogolo pa nthithi. Adagawa nsomba ziwirizo kwa wentse. 42 Wentse wadalha wachikhuta. 43 Iyo wadalokota mabedu ya mikate yakugwatika gwatika, kudzaza bzitundu khumi na bziwiri, na mabedu ya nsomba. 44 Akhalipo wanthu bzulu bzichanu omwe adalha mikateyo. 45 Mwakufulumiza Iye adachita afhunziri wache kupita mwadia wadatewera ku tsogolo kwache ku mbali inango, ku Betsaida, Jezu akhamwazana na nthithi. 46 Pomwe iwo wadachoka, Iye adakwira ku phiri kukapemphera. 47 Usiku udabwera, mwadia ukhali pakati pa gombe, Iye akhali wekha kumataka kwa kuuma. 48 Iye adaona kuti iyo wakhatazira kuchapa, thangwe chonzi chikhamenha mwakusiwana. Pomwepo, pafupifupi nthawi zinai za M´bandakwecha, Iye adabwera kwa iyo, achifamba padzaulu pa gombe, akhafuna kupita patsogolo pawo. 49 Pomwe Wadamuona akufamba padzaulu pa gombe, wadakumbuka kuti ni chiphoko wadakuwa. 50 Wadamuona wadakhala na mantha.Pomwepoletu Iye adawauza: "Khalani wakungwima! Ndinepano! Lekani kugopa". 51 Iye adapita mwadia naiyo, chonzi chidaima kufuliza.Iyo wakhali wakudabwisika, 52 Iwo wakha bvesesa lini bza mikate bzire; mwakusiwana nabzimwebzi, mitima yawo ikhadauma. 53 Adamala kuwambuka, iyo wadabwera ku dziko la Genezare wada imisa mwadia. 54 Pomwe wada choka mwadia, mbumbayo pomwepoletu idamudziwa Jezu. 55 Wanthu wankhafamba chidera chentse akhayamba kumubweresera watenda pa phasa, kulikwentse komwe iyo wakhanza kuti Iye alikumweko. 56 Kulikwentse komwe Iye akhapita ku boma, mzinda, m`midzi, iyo wakhaikha watenda m´miseu,wakhamudandaulira kuti abvumize penangopentse wamukhuye mphepete mwa bzakubvala bzache.Wentse omwe wakhamukhuya wakhalimbisiwa.
Chapter 7
1 Afalisi na alembi anango omwe adachokera ku Jerusalema, adagwezekana pakati na Jezu. 2 Iyo wadaona afhunziri Wache wenango wa akhalha mikate namanja ya kuswipa, kulewa kunango, kusaya kusamba manja. 3 ( Wafalisi na majudeu yentse wambalhalini walibe kusamba m`manja, thangwe ambakoya mwambo wa akuluwo. 4 Pomwe adabwerera kunsika, wafalisi wambalha lini, angasaya kusamba. Iripo mitemo inango mizinji yomwe iyo wambayiteweza , kuphatanidza kutsuka makhapu, majaro, mavazo ya boronzi, kufikira mipando ya pameza). 5 Afalisi na alembi wadamubvunza Jezu: "Thangweranhi afhunziri wako wambakhala lini mwakundendemera na mwambo wa akulu, iyo wambalha mikate achisaya kusamba m`manja?" 6 Iye adawatawira; "Wachinhengo, adapolofita bwino Isaia bza imwepo, ninga bzidalembiwa: 'Anthu awa ambandilemekeza namilomo, mtima wayo ili kutali na Ine. 7 Iwo wambandipasa mapenphero yakusaya bzinthu, achifhunzisa mitemo wa wanthu ningati khalidwe lawo'. 8 Imwepo mumbasiya malamulo ya Mulungu mumbabziphatikiza pa mwambo wa munthu. " 9 Adawauza pomwe: ''Imwepo mumba lamba malamulo ya Mulungu kuti mukhale na mitepo yanu! 10 Pakuti Mose adalewa:Lemekeza pai wako na mai wako', Omwe anilewa kuipa pai na mai wacheletu, mwachadidi anzafa'. 11 Natenepo imwepo mumbalewa: Munthu bodzi angauza pai na mai wache;'' Chirichentse chinthandizo chomwe kungadatambira kwa ine ni 'Corba," (bzimwebzi bzikulewa,` kupasiwa na Mulungu'), 12 lekani kubvumiza pomwe kuti iye achite chilichentse kwa pai wache penango mai wache. 13 Mulikuchosa lamulo la Mulungu na mwambo omwe mwa perekayo. Imwepo mumbachita bzinthu bzizinji bzakundendemera''. 14 Panango pomwe,adachemera IyeN thithi achiwauza: "Imwe mwentse, bvani bzangu ndikulewa, muchibvesesa. 15 Palibe chinthu chomwe chirikunja kwa munthu chomwe, chingamupita, chingamudzongue. Bzomwe bzimbachoka mwa iye ndibzo bzimbamudzonga''. 16 [Penu pana munthu ana makutu yakuva, mbave. (Bzakunembedwa bzabwino bzakale kale bzimbabhisa vesi 16)] 17 Thawe yomwe yire, pomwe Jezu adasia nthithi adapita nhumba, Afhunziri wache wadamubvunza bza fananizo. 18 Jezu adati: " Imwepo pomwe muku kubvesesa lini? Mulikuwona lini kuti bzentse bzomwe bzimbapita bzingamuswipise lini munthu, 19 nthangwe bzimwebzi bzimgapite lini muntima mwache, ibzo bzimbayenda muchifhu mwache pomwepo bzimbachosedwa, " Nabzakulewa bzobzi, Jezu adachenesa bzakulha bzentse . 20 Iye adati: "Bzomwe bzimba bula mwa munthu ndibzo bzimbamunswipisa. 21 Pakuti nkati mwa ntima, ndimo mumbachokera kukumbuka kwakuipa, bzakunyantsa, umbava, kupha, 22 uputa na unphombo, kusirira, bzakuipa, kunama, kuvala kuipa, njiru, kunamiza, kubzikuza, kupusa. 23 Bzakuipa bzentsenebzi bzimba chokera nkhati, ibzo ndibzo bzimbznswipisa munthu''. 24 Iye adabula pomwepale achienda kuzinda wa Tiro ya Sidom. Adapita munhumba inango akhafunalini kuti wanthu adziwe kuti Iye ali kumwe kule, bziribe kukwanisika kumibisa. 25 Mwakufulumiza, nkazi n`bobzi akhana mwana n'gono omwe akhana mzimu wakuipa, adabva kulewa bza Jezu, adabwera achimugodamira minhendo Mwache. 26 Natenepo nkaziyo akhali Gerega, wakuchokera kuzinda wa Siro- Fenicia. Iye adamudandaula kuti achose bziwanda mwa mwana wache. 27 27 Iye adamuuza: '' Siyani wana ayambe culha. pakuti tswabwino lini kutenga mkate wa wana kupasa tumbukaya''. 28 Nabzobzo nkaziyo adamutawira: ''Inde, Mbuya, tumbukayambo tumbalha nfhunfu za pantsi pameza pa tuwana''. 29 29 Iye adamuuza: "Thamgwe walewa bzimwebzi, ndiwe wakuntsudzuliwa kuti uyende. Chiwanda chidabula kwa mwana ule ''. 30 Iye adabwerera kuenda kumui adagumana mwana adagona pa kama , chiwandacho chikhadabulakale. 31 Iye adabula pomwe pam zinda wa Tiro, adapita naku Sidom kufikira Gombe la Galileya, kumzinda wa Decapolis. 32 Iyo wadamubweresera munthu mbodzi nkutwi akhana mathata, iyo wakhamudhandaulira kuti Jezu ayikhe boco Lache pa iye. 33 Iye adamuchosa pa nthithi, achienda naye pamphunzu, Adaikha bzala bzache nkutu mwache, adatswipa, Iye adakhuya lirime lache. 34 Jezu adayan'gana kudzulu, adachita befu adhimuuza: ''Efata!'', bzikulewa ''Bzifungula'' 35 Pomwepoletu, Makutu yache yada funguka, bzomwe bzikhamumanga lilime bzidhachosedwa, iye adhadzalalewa bwino bwino. 36 Iye adawalamulira kuti aleke kuuza munthu. Pomwe akhawa lamulira, wakhadziwisa. 37 Iyo wakhali wakudadwasika, achimbalewa: ''Iye achita bwino bzinthu bzentse. Iye ambahita nkutwi kubva bewewe kulalewa.
Chapter 8
1 Ntsiku zomwezire, Ukhalipo pomwe nthithi ukulu, iyo wakalibe bzakulha. Jezu adachemera afhunziri Wache, adawauza: 2 ''Ndina ntsisi na nthithi, thamgwe ana tsiku zitatu ndinawo palibe bzakuti walhe. 3 Ine ningawa goneka wachiyenda kunhumba zawo nanjala, wanza komoka munjira, Wazinji mwa iwo wadachokera kutali''. 4 afhunziri Wache wadamutawira: ''Kuponi tingakwanise kuwona mikate yakukwana kuti wanthuwa wakwane nthengo muno?'' 5 Jezu adawabvunza: "Muna mikate mingasi? "Iwo adalewa: "Minomwe". 6 Iye adalamulira nthithi kuti ukhale pansi. Iye adaphata mikate minomweire, adatenda achi bedhula; adapasa akufhunziri wache kuti agawe, kuna nthithi. 7 Iwo akhanato tunnsomba tunango, pomwe adamala kupemperera, adawalamulira kuti awagawire. 8 ywo adalha wadakala wakufhansa. afhunziri wache ada temga bzire bzikadasala, bzitundu bzinomwe bzikulu. 9 Wakhali bzulu bzinayi bza wanthu pompale. Jezu adawagoneka. 10 Mwakufulumiza Iye adayenda mumwadhia na afhunziri wache, adaenda muzinda wa Dalmanuta. 11 Afalisi wada bwela wachiyamba kupopotezana Naye. Wadamukumbira chilatizo chakudzulu, kuti wamuyese. 12 Nabefu lakupitiliza mu mzimu Wache, adati: "Ntangweranyi ntundu uyu ulikuyan'gana chilatizo? Mwachadidi ndikuku wuzani palibe chilatizo chomwe chinzapasiwa ntundu wanu". 13 Adawasiya iwo, achipita pomwe mumwadia achiyenda mbali inango. 14 Bzvidachitika afhunziri wache wadayebwa kutenga mikate. Iyo wakhana nkate ubodzi okha mumwadia. 15 Jesu adawachenjeza: "Bveserani bzikoyeni kwabza kufufumisa bza afalisi na bza Erodi". 16 Wakufhunzila wache wakhapopotezana." thangwe lanyi tilibe nkate ". 17 Jezu pomwe adabzibva, adawauza: "Ntamgwe lanyi mulikupopotezana nakusaya nkate? Mwasati mwabvesela ? mwasati mwabva? Ntsono mimoyo yanu yakulimba? 18 Maso munayo mukuona lini? Makutu munayo mukubva lini? Mukukumbuka lini? 19 Pomwe Ine ndida bedula mikate michanu pa bzulu bzichanu, madengu mangasi ya mikate yomwe mudalokota?" Wadamutawira: "Khumi namawiri". 20 Pomwe ndidabedula mikate minomwe pakati pa bzulu bzinai, bzitundu bzingasi mudatenga?" Iwo wadati: "bzinomwe". 21 Adawa bvunza: "Mukanati kubvesesa?" 22 Iwo wadafika ku Betesaida. Wanthu wadatenga munthu phofu wachiyenda naye kuna Jezu wadamu dandaulira kuti amukhuye. 23 Jezu adamphata boko achichoka naye kunja kwa midzi. Pomwe Iye adamutswipira mata m`maso achimutsanzika manja pansolo wache, adamubvunza:" Ulikuona chinthu chinango?" 24 Adhamusa maso, iye adati: " Ndilikuona wanthu ninga miti irikufamba". 25 Iye adamu khuya pomwe maso; Kuona kwa munthu ule kudabwera iye akhaona bzentse mwakungwelewera. 26 Jesu adantumiza kumui kwache adati: " Leka kupita muzinda". 27 27 Jezu adayenda na afhunziri Wache mimidzi ya Cesaria ya Firipi. Munjira, Iye adabvunza afhunziri: " Wanthu walikuti Ine ndine yani? " 28 Iwo wadatawira: Juwau, Mbatizi. Wenango wakuti: 'Elia' ; Wenango, ' M'bodzi wamapolofita". 29 Iye adawabvunza: " Imwepo mukuti ndine yani?". Mwakumu tawira, Petulo adati: " Iwe ndiwe Kiristu". 30 Jezu adawa chenjeza kuti aleke kuuza aliyentse bza Iye. 31 Adayamba kuwafhunzisa kuti Mwana wa Munthu ati abonere bzintu bzininji, kulambiwa na akulu, na antsembe, na alemberi, kuphiwa, nakumuka pakumala ntsiku zitatu. 32 Adalewa bzomwebzi mwapadecha. Pomwepo Petulo, adamuchemera payekha, adayamba Kumudzudzula. 33 Jesu adazungunuka , adanyan'gana afhunziri wache, adamu dzudzula Petulo, adati "Mbuyo mwangu, Sathani! Umbakumbukila lini bzinthu bza Mulungu, umbakumbuka bza wanthu". 34 Iye adachemera nthithi na afhunziri adati: "Omwe afuna Kunditewera, abzilambe iye yekha atakule ntanda Anditewera. 35 Omwe anfuna kupulumusa moyo wache , anzauluza, omwe aniluza moyo wache thangwera Ine na Mafala, anzapulumuka. 36 Phindulanhi ule omwe aniwina dziko lentse kuluza moyo wache? 37 Ntchiyani chomwe munthu angapereke kuti achinjane na moyo wache? 38 Aliyense omwe anchita manyazi na Ine, na Mafala Yangu mu ntundu uno wauputa na wakuphonya, Mwana wa Munthu anzachitambo naye manyazi angadzabwera mu ulemerero Bwa p Pai wache na anguero wakuchena".
Chapter 9
1 Jezu adawauza: ''Mwachadhidhi ninkuzani kuti, mbali ya omwe ali pano, anza yezezalini cufa mpaca kuona ufumu bwa Mulungu kubwera na m'phanvu''. 2 Kupita kwa ntsiku zitanthatu, Jezu adatenga Pedro, Tiago, na Joao, achiyenda kumphunzu kuphiri litali; Adasanduka pamaso pawo. 3 Bzacubvala bzache, bzidadzayetimira, bzidachena kwenekwene, palibe nhakufula padziko la pantsi omwe angakwanise kuchenesa. 4 Adawafikira Elia na Mose, adacheza na Jezu. 5 Pedro adauza Jezu: ''Misiri, ntswabwino kuti ifepano tikhale pano; tikonze bzikhumbi bzitatu: chibodzi chanu, chibozdi cha Mose, na chibodzi cha Elia''. 6 (Tsono akhadziwalini bzomwe angadalewa, thangwe akhana mantha). 7 Adabuluka ntambo, achiwafunikiza na mthunzi wache, lidabwera fala kudzulu, likhalewa: ''Uyu ni mwanangu waku funikira, mubvereni!''. 8 Mwadzidzidzi, pomwe adhanhan´ganisa pakati pawo, alibhe kuona pomwe munthu, kupambula Jezu na iwo. 9 Pomwe akhabuluka paphiri, Jezu adawa uza kuti akaleke ku uza wanthu bzomwe aona, kufikira mwana wa munthu kudzalamuka kwa wakufa. 10 Adakoya bzimwebzire mwaiwo, akhapopotezana kuti nchanhi ''kudzalamuka kwa wakufa''. 11 Adamubvunza: ''Thangueranhi alemberi ambalewa kuti Elia ndiye aniyamba kubwera?'' 12 Jezu adawatawira: ''Mwachadidi Elia aniyamba kubwera kudza konza patswa bzinthu bzentse. Thangue bzidanembiwa kale kuti mwana wa munthu ati abhonere bzinthu bzizingi achinhoziwa? 13 Nincu uzani kuti Elia adabwera, adachitanaye bzomwe akhafuna, ninga bzakunembedwa bzikulewa bzaiye''. 14 Pomwe adabwerera komwe kukhana afhunziri anango wale, adaona mthithi wa wanthu akhawa zungulira, alemberi akhambapopotezana nawo. 15 Pomwe mthithi ule adamuona, adakhala wakudabwisidwa adamuthamanguira kuti akamumuse. 16 Iye adabvunza afhunziri wache: ''Thanguera chanhi mukhapopotezana nawo?''. 17 M'bodzi wa mthithi ule adatawira: ''Misiri, ndaku bwereserani mwana wangu; iye ana mzimu omwe ambamubvumizalini kulalewa. 18 Ambamuguesa m'fhai, ambamuguesa achichoka maphobvu nkamwa, ambakukuta mano, ambabziumisa. Ndidakumbira afhunziri waco kuti achithamanguise, iwo adatazira. 19 Iye adawatawira: ''Ntundu wakusaya chikhulupiriro, mpaka lini ninzakhala namwe? Mpaka lini ninzakupirirani? Ndibweresereni''. 20 Iwo adamubweresa mulumbwanayo. Pomwe mzimu ule adaona Jezu, pomwepoletu adamuguesa m'fhai. Mulumbwanaule adagwa pantsi paku gulumunda akhachoka phobvu nkamwa. 21 Jezu adabvunza pai wa mulumbwanaule: ''Anamagole mangasi alitenepai??'' Pai wache adalewa: ''Kuyambira ubwana. 22 Kazingikentse ambamuthusa pamoto na m'madzi, ambayezera kumufhudza. Penu munkwanisa kuchita chinthu, tibvereni ntsisi mutithandize''. 23 Jezu adalewa: ''Penu munkwanisa!, Bzinthu bzentse ntswakukwanisika kwa omwe ankhulupirira''. 24 Pomwepoletu pai wa mwana adakuwa achiti: '' Ine Ninbvuma! Ndithandizeni nakusaya chikhulupiriro changu!''. 25 Pomwe Jezu adaona m'thithi ule akhamuthamanguira, adadzudzula mzimu wakuipa aciti: ''M'zimu wa ubhewewe na unkhuthwi, Ndikukulamulira: Tchoka kwaiye, leka kudzapitapomwe kwaiye''. 26 Adakuwa achimuguesa mfhai mulumbwana ule chichibula kwaiye. Iye akhakhala ningati adafa, nabzimwebzire mbali izingi ya mbumba ikhati: ''Iye wafa''. 27 Jezu adamuphata bhoco achimumusa, mulumbwana ule adaima. 28 Pomwe Jezu adapita munhumba, Afhunziriwache adamubvunza paokha: ''Thangueranhi tidatazira cuchithotha?''. 29 Iye adawauza: ''Chinzimu chimwechi chimbathothiwa lini kusaya kukhala na mapemphero''. 30 Kuyambira kumweko, akhambapita naku Galileia, Jezu akhafunalini kuti wanthu adziwe komwe akhalipo, 31 Pomwe iye akhamba fhunzisa afhunziriwache achimbalewa: ''Mwana wa Munthu anzaperekiwa m'manja mwa wanthu, achiphiwa. Angadzaphedwa, anzalamuka ntsicu yachitatu''. 32 Tsono iwo alibhe kubvesesa mafala yamweyo akhana mantha kuti amubvunze. 33 Adaenda ku Cafarnaum. Pomwe akhali kumui adabvunza Afhunziriwache: ''Mukha popotezanirachani munjira?''. 34 Tsono iwo adanhamala, bzomwe akhambalelewa munjira bzikhati mbani akhali nkulu. 35 Iye adakhala, adachemera khumi na awiri achiwauza: ''Penu munthu anfuna kukhala wakuyamba, anzakhala wakumalizira achitumukira wentse''. 36 Iye adatenga mwana n'gono, achimuyikha pakatipawo, achimuphata M'manja mwache, achiwauza: 37 ''Munthu alientse omwe anitambira mwana Mudzina Langu, iye andi Tambirambo; omwe andi Tambira, iye antambiralini Ine, tsono Ule omwe Adanditumiza''. 38 Joao adamuza: ''Misiri, ife taona munthu akhathotha bzimizimu Mudzina Lanu tichimuletsa, thanguera iye alikutitoweralini''. 39 Tsono Jezu adalewa: ''Lekani kuletsa''. Thangue palibhe munthu ambachita bzakudabwisa Mudzina langu patsogolopache achilewa bzinthu bzakuipa Bzaine. 40 Omwe alibhe chakuipa kwaife, alinafe. 41 Alientse omwe ankupasani khapo ibhodzi ya madzi kuti mumwe thangue ndimwe wa Mulungu, mwachadidi ndikukuzani kuti aniluzalini m'bhairo wache. 42 Alientse omwe anza tchocheresa m'bodzi wa tuwanatu tomwe Tukundibvuma, bzikhalibwino kuti akhale adamanguiridwa chimwala m'khosi achithusidwa m'madzi. 43 Penu bocolako limbaku chocheresa, liguate. Bziribwino kuti upite kumoyo na boco libhodzi lakugwatika kusiyana nakukhala na mawiri uchienda ku djahena, kuna moto wakusaya kuthimidwa. 44 undefined 45 Penu mwendowaco ambaku chocheresa, muguate. Bziribwino kupita kumoyo udapunduka, kusiyana kuenda ku djahena unaminhendo miwiri. 46 undefined 47 Penu dhisolako linku chocheresa, lizule. Bziribwino kuti upite ku Ufumu bwa Mulungu na dhiso libodzi kusiyana nakukhala na mawiri, uchithusiwa ku djahena, 48 Komwe nkhonhe zimbafalini, moto ambathimidwalini. 49 Thangue m'bodzi m'bodzi anza ikhiwa munhu wa moto. 50 Munhu ngwabwino, tsono angaluza kukoma kwache, unchitatani kuti munhuyo usuluke pomwe? Khalani na munhu mwa immwepo, mukhale na ntendere na anzanu''.
Chapter 10
1 Jesu adasiya mbuto yomweire achienda malire ya Judeya, kutsogolo kwa gombe ya Jordau; mthinthi udabwera achikhala naye pomwe, achi wa fhunzisa, pomwe akhana chizolowero. 2 Mafalizeu yadamufenderera, yachimubvunza: ''Tswakubvumizidwa mamuna alambane na nkazi wache?''. 3 Iye adatawira: ''Chani Moze adakulamulirani?''. 4 Iwo adalewa: ''Moze adabvumiza kuti anembe tsamba ya kulambana, kulamba nkazi''. 5 Jezu, adalewa: ''Nithagwerakuuma mitima yanu iye adanemba ntemo umweyo. 6 Pomwe, kuyamba kwa kukonzedwa, 'Mulungu adakonza mamuna na nkazi'. 7 Na thangwe limweri mamuna anzasiya pai wache na mai wache achikhala na nkazi wache 8 awiriwo anzakhala nhama ibodzi. Tenepa bzirilini bziwiri, ni nhama ibodzi yokha'. 9 Nabzimwebzo, chomwe Mulungu adagumaniza, munthu aleke kusiyanisa''. 10 Pomwe akhali kumui, afhunziri adamubvunza pomwe thangwe ya bzimwebzo. 11 Iye adalewa: ''aliwentse anzasiya nkazi wache achilola unango, achita uphombo. 12 Nkazi angalamba mamuna wache achilodwa na mamuna unango, iye achita uputa''. 13 Akhamubweresera wana wawo kuti awakhuye, afhunziri akhamba wa dzudzula. 14 Pomwe Jezu adaona bzimwebzo, adakhala wakukalipa, achilewa: ''Siani wana abwere kuna Ine lekani kuwaletsa, tangwe Ufumu bwa Mulungu bwa wale adandendemera na iwo. 15 Mwachadidi ninku uzani: aliwentse omwe atambiralini ufumu bwa Mulungu ninga mwana, ebwani kuti munzapita kwa iye''. 16 Tsono, adawatenga achiwaikha m'manja Mwache achi wadalisa achikha manja kwaiwo. 17 Pomwe iye adapitiriza njira Yache, mamuna m'bodzi adabwera akhathamanga, adagodama patsogolo Pache achimubvunza: ''Misiri wabwino, ningachite chani kuti ndikhale na moyo wakusaya kumala?''. 18 Jezu adamutawira: ''Thangweranhi Ukundichemera wa bwino? Palibe wabwino, kupambula Mulungu. 19 Iwepo umbayadziwa malamulo: 'Leka kupha, leka kuchita umphombo ayai uputa, leka kubha, leka kunama, leka kunhenga, lemekeza abereki wako. 20 Adalewa mamuna: ''Misiri, bzensenebzi ndidabzibvera kuyambira ulumbwana bwangu''. 21 Jezu adamunhan'ganisa achimufuna, achimuza: ''Chibodzi chikukuperewera; ndoko, kagulise bzentse bzomwe unabzo upase wanyakusauka, unzakhala na chuma kudzulu. Tsono, bwera unditowere''. 22 Tsono mamunayo, na kulemedwa na mafala, adayenda wakuntswoma thangwe akhana bzithu bzizinji. 23 Jezu adanyan'gana pakati pawo achiuza afhunziri Wache: ''Ntswakunesa kwa wakudala apite ku Ufumu bwa Mulungu!''. 24 Afhunziri adadabwisidwa na mafala Yache. Tsono, Jezu adawauza pomwe: ''Wanawangu, ntswakunesa tani kupita ku Ufumu bwa Mulungu! 25 Ntswakupusa ngamira kupita pabuli la ntsingano, kusiyana na Nhakudala kupita ku Ufumu bwa Mulungu''. 26 Iwo akhali wakudabwa achimbauzana mbhodzi na wanzache: Tsono, mbani angapulumusiwe?''. 27 Jezu adanyan'ganisa achilewa: ''Kwa wamuna ntswakunesa, kusiyana na kwa Mulungu. Thangwe bzentse ntswakukwanisika kuna Mulungu''. 28 Pedro adayamba kumuza: ''Tidasiya bzentse mbuyo tichikutowera''. 29 Jezu adatawira: ''Mwachadidi ninkuzani, palibe omwe adasiya nhumba, abale wache, mai wache, pai wache, wana wache na pansi tangwera Ine na Mafala ya mbuya 30 achidzaleka kutambira dzana pomwe, nthawe ino, nhumba, abale wachimuna na wachicazi, pai, mai, wana, pantsi, na mazunzo; padziko anzabwera moyo wakusaya kumala. 31 Tsono azinji omwe mbakuyamba anzakhala wakumalizira, wakumalizira anzakhala wakuyamba'' 32 Iwo akhali munjira, akhayenda ku Jeruzalema, Jezu akhayenda kutsogolo kwao. Omwe akhamutowera akhali wa kudzedzemuka na mantha. Jezu adachemera pomwe khumi na awiri, adayamba kuwauza bzomwe bzingadachitika kwa iye makusaya kuchedwa: 33 ''Pomwe tikukwira ku Jeruzalema Mwana wa munthu anzaperekedwa kwa wakulu wa nsembe na walemberi. Anzatongedwa kwa kufa, Achiaperekedwa kwa wanthu wa kuipa. 34 Anzamunhoza, Anzatswipira mata, Anzantchanga Achimupha. Kupita kwa ntsiku zitatu, Iye anzalamuka kwa kufa''. 35 Tiyago na Juwau, wana wa Zebedeu, adabwera kuna Iye achilewa: ''Misiri, tinfuna utibvere bzathu Tinkukumbira'', 36 Iye adawauza: ''Mulikufuna chiani kuti Ndikuchitireni?''. 37 Iwo adatawira: ''Tibvumizeni kuti tidzakhalenamwe Mbuya mu ulemelero Bwanu,'' m'bodzi Ku madidi unango Kumadzere''. 38 Jezu adamutawira: ''Ulikudziwalini bzomwe ulikukumbira. Imwepo munzamwera lini kombo omwe ninzamwera, munzabatizaridwa lini na m'batizo lomwe ndidabatizidwa nalo''?. 39 Iwo adamutawira: '' ife tingachite''. Jezu adawauza: ''Na nkombo ni mwera, munzamwera. Na batizo lomwe ndabatizidwa, munzabatiziwambo nalo. 40 Tsono bziri lini kwa Ine kusankhula omwe anzakhala Kumadzere kwagu na kumadidi kwangu, Ntswa wale omwe adakonzeredwa bzimwebzi''. 41 Pomwe afhunziri wenangowo khumi adabva bzimwebzi, adakhala wakuipidwa na Tiyago na Juwau. 42 Jezu adawachemera pa Iye achilewa: '' Imwepo mukudziwa kuti wale ambachemeredwa watongui wa anhakuipa anzawachepesa, na akulu ambachita ulamuliro pa iwo. 43 Tsono mbabzileke kukhala tenepo kwa imwepo. Omwe anfunisisa kukhala nkulu pa imwepo, akhale ntumiki wanu, 44 omwe anfunisisa kukhala wa kuyamba pa imwepo, akkhale kapolo wa mwentse. 45 Mwana wa Munthu alibe kubwera kudza tumikiridwa, adabwera kudza tumikira achipasa moyo Wache kwa kulombola wanthu wazinji. 46 Adabwera ku Jeryko. Akhabula Jezu ku Jeryko na afhunziri wache na mthithi uzingi, mamuna m'bodzi wakuchemeredwa Bartymeu, mwana wa Tymeu, m'bodzi nyakukumbira kumbira phofu, akhadakhala mphepete mwa njira. 47 Adabva kuti ni Jezu, M'nazareno, akhafika, adayamba ku kuwa achimbalewa: ''Jezu, Mwana wa David, khala na ntsisi na ine!'' 48 Wazinji akhambalewa kuti anhamale; Tsono iye akhambakuwiratu kwenekwene: ''Mwana wa David, khala na ntsisi na ine!''. 49 Jezu adaima achiwalamulira kuti amuchemere. Adamuchemera phofu, achimbalewa: ''Khwima ntima! Muka! Iye alikukuchemera''. 50 Iye adathusa chakufunika chache, adamuka nakumoga achibwera pana Jezu. 51 Jezu, pakumutawira, adalewa: ''Ulicufuna ndicuchite chiani?''. Phofu adamuza: ''Misiri, ndifuna ndione''. 52 Jezu adamuza: ''Ndoko, chikhulupiliro chako chakulimbisa''. Pomwepoletu, adakwanisa kuona Achimbamutewera munjira.
Chapter 11
1 Pomwe akhafenderera ku Jerusalema, pafupi pa Betfage na Betania, mu Phiri mwa Olivera, Jezu adatuma afhunziri wache awiri, 2 adawauza; ''Ndokoni ku midzi kwa wanthu uli pafupi naimwe. mungatondo kupita momwemo, munzagumana bulu omwe akanati kupakiriwa. Ntsudzuleni mubwereseni. 3 Munthu angaku uzani: 'Thangweranhi mulikuchita bzimwebzi?', mutawireni: 'Mbuya akumufuna iye anzamubwezera kokuno''. 4 Iyo wadayendawadagumana bulu ule akhadamangiridwa pansuwo, kumbali ya kunja munjira wadamu tsudzula. 5 Wanthu wenango akhali pompale wadabvumza: ''Mukuchitanhi kumutsudzula buluyi?''. 6 Iyo wadatayira ninga mzomwe Jezu adawauza, wanthu adawasiya achiyenda. 7 Afhunziri awiri adatenga kabulu kale achimuyendesera Jesu, wadaikha bzakuvala pa iye, Jezu adamupakira. 8 Wanthu azingi wakhatandika bzakubvala bzawo munjira anamgo akhatandika minthawi yomwe akhada gwata m'thengo. 9 Omwe akhaenda Naye na omwe Akhamutewera wakha kuwa: '''Hosana! Wakulemekezeka Omwe akubwera mu dzina la Mbuya! 10 Ulemekezeke ufumu omwe bukubwera mwa pai wathu Davide! Hosana kudzulu!''. 11 Pomwepo Jezu adapita ku Jerusalema, adayenda kuguereja adawonesesa bzentse pakati. kukhali pakati pausiku, adanyamuka kuyenda ku Betania na akhumi na awiri. 12 Mangwana mwache, pomwe akhabwerera ku Betania, adabva njala. 13 Pakuwona nkuyu n'bodzi omwe akhaonesa masamba yakuswipirira napatali, adayenda kaona penu angagagumana chibatso. Pakufika pafupi pa iye, alibe kuona chinthu adawona masamba yokha, thangwe ikhalirini nthawi ya kubereka. 14 Iye adalewa kuna nkuyu: "Palibe ndiye anzalha pomwe bzibatso bzako''. Afhunziri Wache adabva bzimwebzire. 15 Wadabwera ku Jerusalema. Pakupita muguereja, Jezu adayamba kuthotha omwe akhagulisa na omwe akhagula. Adagubudusa mesa za wanhakusintha na bzakukhalira bza wale akhagulisa m'khangayiwa. 16 Alibe kubvumiza kuti munthu aliyentse apite napa guereja adanyamula chinthu chiri chentse chomwe chingada gulisidwa. 17 Iye akhawafhunzisa, Achiti: "Bziribe kunembidwa: 'Kuti Nhumba yangu yinza chemeriwa nyumba ya mapemphero kwa mitundu yentse?' Imwepo mulikuyichitisa nsika wa umbava''. 18 Akulu wantsembe na alembi adabva bzomwe Iye adalewa wakhanhan 'gana nzeru kuti amuphe. Wakha Mugopa, nathangwera wanthu wentse akhali wakudabwisika na bzakufhunzisa Bzache. 19 Kumaulo, iyo wadachoka mu mzinda. 20 Machibese, pomwe wakhafamba, wadawona kuti nkuyu ukhadauma mpakana mizi. 21 Tsono Pedro, adakumbuka, adamuuza, ''Misiri, nkuyu womwe mwamutemberera ule wawuma''. 22 Jezu adawatawira: ''Khala na chikhulupiriro pa Mulungu. 23 Mwachadidhi ndiku 'kuuzani kuti aliyentse m'bodzi wa imwe omwe anzauza phiri iri: Lamuka bzithuse m'gombe', angasaya kukayikira muntima, achi bvuma kuti bzomwe bzalewedwa bzinzachitika, natenepo Mulungu anzabzichita. 24 Natenepo Ine ndikuku uzani kuti bzentse bzomwe munkumbira mu pemphero, uchi khulupirira kuti mwatambira kale, kwa imwe munzapasidwa. 25 Mungakhala muli kupemphera, imwepo mulekerere bzentse bzomwe munabzo kuna munthu, kuti Pai wanu ali kudzulu akulekererenimbo bzakutaza bzanu. 26 undefined 27 Iwo wadabwerera ku Jerusalema. Pomwe Jezu akhafamba mu guereja, antsembe, alembi na akulu wadamu bwerera Iye. 28 Wadamubvunza: '' Na ulamuliro buponi ulikuchita bzinthu bzimwebzi? Mbani adakupasa lamulilo kuti ubzichite?'''. 29 Jezu adawauza: '''Ninkupasani m'bvunzo m'bodzi, munditawire pomwepo ninku uzani na lamuliro liponi ndikuchita bzinthu bzimwebzi: 30 Batizo la Juwau likhali la kubzulu penango la wanthu? Muditayire''. 31 Iyo wakhapopotezana okha okha, wakhambauzana wachiti: ''Tingalewa: Laku Dzulu', iye anilewa :Thangweranhi mulibe kumubvumira iye? 32 Tsono tingalewa: Bwa wanthu'...'' Iwo wakhagopa mbumba, thangwe wentse wakhamuona Juwau ningati m'polofitadi. 33 Pamwepo wadamutawira Jezu: ''Tikubziwalini''. Jezu adawauza: " Ne pan'gono pokha Ine ninku uzani na ulamuliro bhuponi nimba chitanabho bzimwebzi''.
Chapter 12
1 Tsono Jezu adayamba kuwafhunzisa na mafananiso, achimbalewa: ''Mamuna m'bhodzi adabzala muti wa vinho, achimutswanguirira, adachera ntchera kuti ambatswinhire uva, achikonza chinthu chitali. Tsono adalugarisi muti wa vinhuyo kuna alimi anango achichoka ulendo. 2 Pomwe idafika nthawe yakutcha, adatuma ntumiki m'bhodzi kuti akatambire bzibhatso bza vinho kuna iwo. 3 Tsono iwo adamuphata, achimumenha achimubweza alibhe chinthu. 4 Ndipo, adatuma pomwe ntumiki munango, adamukweteka munsolo achimunhaza. 5 Iye adatuma pomwe munango, iye achiphiwa. Iwo akhambachita bzimwebzi na atumiki azinji, anango akhawamenha anango akhawapha. 6 Akhadamusalira m'bhodzi, mwana wache wakufunikira, omwe adamalizira kuwatumizira. Iye adalewa: 'Iwo animulemekeza mwana wangu'. 7 Alimi wale akhambauzana okha: 'Uyu ndiye anzakhala na bzentse, bwerani timuphe ndipo bzentsebzi bzinzakhala bzathu'. 8 Iwo adamuphata, achimupha achimuthusa kunja. 9 Ndiye pale, Ntchanhi angachite mwene kachiro muti wa vinho ule? Iye anibwera, achifhudza alimiwale achipasa muti wa vinho ule wanthu anango. 10 Ulibhe kuwerenga Mafala yamweya? 'Mwala omwe anhakukonza adalamba adadzakhala wakufunikira. 11 Bzobzi bzinibwera kwa Mulungu, ntswakudabwisa m'maso mwathu'''. 12 Iwo adatswaga kuti angadamumanga tani Jezu, akhana mantha na mthithi ule, ndipo akhadziwa kuti Iye adalewa mafananisoyale thanguera iwo. Tsono Adamusiya iwo achienda. 13 Pomwepo iwo adamutumizira mbali ya mafiriseu na ma herodhiano kuti Amuphate na mafala yanango. 14 Pomwe adafika, adamuza: ''Misiri, tinnziwa kuti ndimwe wachadidi mumbaphatisalini bhasa bzomwe bzinilewa munthu, thangue mumba langalini nama onekedwe ya wanthu.Mwachadidi mumba fhunzisa njira ya Mulungu. Ntswakubvumizidwa kupereka ntsonkho kwa Cesar penango neye? Tipereke penango neye?''. 15 Jezu akhadziwa chinhengo chawo adawauza: '' Thangueranhi mukundiesa? Ndibweresereni kobiri ibhodzi kuti ndiyione''. 16 Iwo adamubweresera ibhodzi. Tsono, Jezu adabvunza: ''Njambani nkhope iri apai?''. 17 Iwo adatawira: ''Nja Cesar''. Jezu adalewa: ''Pasani Cesar chomwe ntcha Cesar kwa Mulungu, chomwe ntcha Mulungu''. Adakhala wakudabwisika Naye. 18 Tsono wa saduceu, omwe ambalewa kuti kulibhe kumuka, adabwera kuna Iye achimubvunza, achiti: 19 ''Misiri, Mose adatisira bzakunemba kuti: 'Mamuna wa munthu angafa achisiya mkazi alibhe wana, m'bhale wache ati alole mkaziyo kuti amubhalire wana m'bhalewacheyo'. 20 Akhalipo wabhale wanomwe; wakuyamba akhana nkazi achidzafa, alibhe kusiya wana. 21 Tsono, wachiwiri adakhala na mkaziyo achidzafa, alibhe kusiya wana. Na wachitatu bzidachitika bzibhodzi bhodzi. 22 Anomwewo alibhe kusiya wana. Pakumala wentse, mkaziyo adafambo. 23 Pakumuka, kwa wakufa, iye anzakhala mkazi wayani? Nakuti anomwewo adakhala naye ningati mkazawo''. 24 Jezu adawatawira: ''Sikuti thangue limwero mukukhala waku nhenguezeka, thangue muni dziwalini Bzakunemba ayai mphanvu za Mulungu? 25 Angadzamuka kwa wakufa, ambalolana lini, tsono ambakhala ninga anguero kudzulu. 26 Pawakufa omwe anzalamusidwa, mulibhe kuwerenga mubhuku la Mose, lalikiro lachi tsamba, chomwe Mulungu adalalewa naye achilewa: 'Ine ndine Mulungu wa Abraao, Mulungu wa Isaque, Mulungu wa Jaco?'. 27 Iye ndiyelini Mulungu wa anhakufa, tsono wa anhamoyo. Mukulu ni uphonhi bwanu''. 28 M'bodzi wa alemberi adabwera achibva kupopotezana kule, iye adaona kuti Jezu adawatawira bwino. Adamubvunza: '' Malamulo yaponi njakufunikira pa yentse?''. 29 Jezu adatawira: ''Lakufinikira ndimweri: 'Bvaya, Israel, Mbuya wathu Mulungu ndiye ekha Mbuya. 30 Nfunisise, tsono, Mbuya wako Mulungu, na ntimawako wentse, na nzimu wako wentse, naku bvesesa kwako, na mphanvu zako zentse'. 31 Lachiwiri lamulo ndiri: 'Funa mwanzako ninga iwepoletu'. Lamulo likulu ninga limweri kulibhe''. 32 Tsono mulemberi adamuza: ''Bwino, Misiri! Mwachadidii mwalewa kuti Mulungu ninbhodzi yekha, kulibe munango kupambula Iye. 33 Kumufuna nantima wentse, nakubvesesa nanphanvu zentse, kufuna mwanzako ningati iwe wekha, ntswakufunika kuposa chakupereka na ntsembe''. 34 Pomwe Jezu adaona kuti iye amutawira bwino, adamuza: ''Iwepo ulilini kutali ku Ufumu bwa Mulungu''. Kumala bzimwebzo, palibhe munthu adafuna kumubvunza pomwe Jezu. 35 Ndipo akhafhunzisa mu guereja, Jezu adawatawira, achiti: ''Momwe ambalewera alemberi kuti Kiristo ni mwana wa David? 36 David adalewambo na Mzimu Wakuchena: 'Mbuya adauza Mbuya wangu: Khala ku Madidi kwangu, pakudzafikira Ine kuikha wadhani wako pantsi pa minhendo yako'. 37 Iye David ambachemerambo Kiristo 'mbuya', tsono, angakhale tani mwana wache?''. Mthithi ukulu ule Akhamba mubva nakukondwerera. 38 M'mafhunziso mwache, Jezu akhalewa: ''M'phole m'phole na alemberi, omwe ambafuna kufamba nama tunika matali, achimba musiwa m'miseu, 39 m'mipando makulu makulu ya m'ma sinagoga na m'mipando yaku funikira. 40 Iwo ambapitambo m'nhumba za akazi wa masiye, kuti abzikhotcherere, ambachita m'minamato yakutalipha. Iwo anzapasiwa chilango chikulu''. 41 Pomwe Jezu Adakhala pafupi na m'tsengwa ya bzakupereka mu guereja. Iye akhamba nhan'ganisa wanthu pomwe akhamba thusa kobiri mu m'tsengwa. Azinji anhakudala akhambathusa kobiri zijinji. 42 Tsono, mkazi nhakusauka m'bodzi wa masiye adafika achiyikha kobiri ziwiri, zomwe zikhakwana ibhodzi ikulu. 43 Jezu adachemera Afhunziri wache achiwauza: ''Mwachadidi ninku uzani: Mkazi nhakusaukayi aikha kuposa wentse omwe atchosa chakupereka mu m'tsengwa. 44 Wentse apereka bzomwe akhafuna, tsono mkazi wa masiyeyi, naku sauca kwache, aikha kobiri yentse yomwe akhanayo.
Chapter 13
1 Pomwe Jezu akhachoka mu gereja, m'bodzi wa afhunziri Wache adamuuza: "Misiri, nyang'anisani minyala yakudeka na bzaku konzidwa. 2 Jezu adatayira: "Mukuona bzaku konzidwabzi bzikulubzi? panzasiyiwa lini mwala pabzaulu pa mwala omwe anzaleka kugumuliwa". 3 " adakhala Iye pa phiri la Oliveira ku mbali inango ya guereza, Petulo, Tyago, Juwau na Andereya wada Mubvunza pa mphunzu: 4 "Tiuzeni, bzinzachitika lini bzimwebzi? Chilatizo chiponi chomwe tinzaona pomwe bzentsenebzi bzinzakhala pafupi kuchitika?". 5 Jezu adayamba kuwauza: "Khalani natcheru kuti aliyentse aleke kukunyenguezani. 6 Wazinji Wanzabwera mu Dzina Langu wanzalewa: 'Ine ndine Kiristu', wanzanyengueza azingi. 7 Mungadzabva bza khondo na phokoso la khondo, lekani kukhala na thupo; bzimwebzi bzikuti bzichitike, chimaliziro chikanati kufika. 8 Thangwe ntundu anzaukira ntundu unango, ufumu na ufumu, kunzabwera chiteketeke ku mbuto zizinji, njala. Uku nkuyamba kwa kuwawa kwa kubala. 9 Khalani tcheru. Iwo wanzakuperekani mwa bwalo ya mirandu, munza temedwa m'ma sinagoga. Imwepo munzakhala pakati pa antongi na wafumu thangwera Ine, ningati mboni pa iwo. 10 Nswakufunikira kuti mafala ya yambe kulalikiridwa pa mitundu wentse. 11 Wangadzaku mangani achidza kutengani ku chiweruzo, lekani kukhala na thupo na bzomwe munilewa.Thangwe thawi imweyire,bzomwe muti mulewe munzapasiya; munzakhala lini imwepo omwe munzalewa, unzakhala mzimu wakuchena. 12 m'bale anzapereka m'bale ku infa, pai mwana wache. Wana anzaukira makolo yawo anzanyosa infa yawo. 13 Imwepo munzakhala wakuyenguewa na wentse thangwe la dzina Langu. Omwe anzapirira kufirira pa chimalizo, umweyo anzapulumuka. 14 Mungadzaona bzakunyantsa pa mbuto yomwe bzikuthemera lini kukhala, omwe ali ku Judeya wanza thawire m'mapiri, 15 ule omwe anzakhala pa ntsodzi naleke kubuluka nyumba, naleke kutenda chiri chentse mwemo. 16 omwe anzakhala ku midzi naleke kubwerera kuti atengue chakufunika. 17 Ntsisi kwa omwe anzakhala na pathupi na omwe anzakhala akumamisa ntsiku zomwezire! 18 Pempherani kuti bzobzi bzibzaleke kuchitika mainza. 19 Thangwe kunzakhala na mazunzo mazinji, makulu yomwe yakanati kuoneka kuchokera pa chiyambi, pomwe Mulungu adakonza dziko kufikira tsapano, kunzaoneka lini pomwe. 20 Mbuya angadaleka kugwatiza ma ntsiku, palibe angada pulumusidwa. Thangwe la anyakusakhuliwa, wale omwe Iye adasakhula, adagwatiza ma ntsiku. 21 Tsono, Aliwentse angakuuzani: 'Onani Kiristu pano!" ayayi: 'Onani Iye ali kule!' lekani kubvuma. 22 Thangwe ma kiristu yachinyengo na ma polofita ya chinyengo yanzabwera yanzachita bzilatizo bzakudabwisa, kuti anyengue, penu ntswaku kanisika, na wakusakhulidwa 23 Khalani tcheru! Ndaku uzani bzinthu bzentsenebzi bzikanati kuchitika. 24 Natenepo, pangadzapita mazunzo ya ntsiku zomwezire, dzuwa linza doka, mwezi unzapereka lini kugaka kwache, 25 nyenyezi zinzagwa ku dzulu, mphanzu zomwe ziri kudzulu zinza kutumulidwa. 26 Pomwepo, munzaona Mwana wa Munthu akubwera m'mitambo na mphanvu izinji na ulemerero. 27 Iye anzatuma anguero Wache anzagumaniza wakusakhuliwa Wache waku mphepo zinai, kwa malizira kwa dziko na kwa kumalizira kwa kudzulu. 28 Fhunzirani na khani ya nkuyu. ningati mi thayi yamba kula wachi onesa masamba, mumbadziwa kuti chirimo chiri pafupi. 29 Mungadzaonambo, bzinthu bzimwebzi bzikuchitika, dziwani kuti Iye ali pafupi, pa m'suwo. 30 Mwachadidi Ine ndiku kuuzani, ntundu uyu udzapita lini kufikira bzentsenebzi kuchitika. 31 Kubzulu na pantsi panzapita, mafala Yangu chipo yanzapita lini. 32 Bza ntsiku na thawi imweyo, palibe akudziwa, neye anguero waku dzulu, neye Mwana, Pai yekha. 33 Khalani tcheru! yan'ganirani pempherani, thangwe mukudziwa lini pomwe inzakhala thawiyo. 34 Ninga mamuna m'bodzi omwe akuyenda ulendo: iye ambasiya nyumba yache ambayikha anyabasa wache alamulire nyumbayo, aliyentse na basa lache. Iye amba lamulira waku yan'ganira kuti akkale adapenya. 35 Nabzomwebzo yan'ganirani! Thangwe mukudziwa lini pomwe mwenekachiro wa nyumba anzabwera, penu ni maulo, penu pakati pa usiku, penu chongwe angalira, penango m'machibese. 36 Iye angadzabwera mwadzidzi, Iye adzaleke kukugumanani mudagona. 37 Tchiyani chomwe Ine ndiku kuuzani, ndiku kuuzani mwentse: yan'ganirani!".
Chapter 14
1 Kukhasala ntsiku ziwiri kuti ifike pascua na npwandu la mikate yakusaya chakutupisa. Akulu akulu wantsembe na alembi wakhanhan'gana nzeru yaku mumanga mwakabisebise na kumupha. 2 Iyo wakhalewa: "Neye pakati pa pascua, kuti paleke kumuka phokoso pakati pa mbumba". 3 Akhali Jezu ku Betania kumui kwa Simau, wakhate, pomwe iye akhakhala pa mesa, adamufenderera nkazi m'bodzi na vazo ya mwala yomwe ikhana mafuta yakuumira kwenekwene, Iye adaswa vazoyo adakhuthula mu nsolo wa Jezu, 4 wenango wadaipidwa. Iyo wakhalewa wokha wokha: "Nthangweranhi kudzonga kumweku bzaku nuntchirisa? 5 Bzaku nuntchirisa bzimwebzi bzingada gulisidwa madzana matatu ya denario tichipasa wakusauka". Adawadzudzula. 6 Jezu adati: "Musiyeni mwa ntendere.Thangweranhi mukumunesa? Iye achita basa labwino kwa Ine. 7 Pakati panu pentse munzakhala nawo waku sauka mungadzafuna munzawa thandiza, munzakhala lini Nande pentse. 8 Iye achita bzomwe akwanisa, adzoza thupi Langu ndikanati kuyenda kumanda. 9 Mwachadidi ndikuku uzani, palipentse pomwe mafalaya yanza lalikidwa pa dziko lentse, bzomwe nkaziyi achita bzindza lewenguiwa, mwaku kumbukira iye". 10 Pomwepo Juda Sikaliyoti, m'bobzi wa khumi na awiri, adayenda kwa akulu akulu wantsembe kuti apereke Jezu kwa iyo. 11 Pomwe antsembe wadabva bzobzire, wadakomedwa wadamulonjeza kumpasa kobiri. Iye adayamba kuyan'gana mpata kuti apereke Jezu. 12 Ntsiku yakuyamba ya mpwandu la mikate yakusaya chakutupisa, pomwe iyo wakha pereka ntsembe kwa bira wa pascua, Afhunziri wache wada muuza: "Kuponi komwe muku funisisa tikakonze pascua?". 13 Iye adatuma afhunziri Wache awiri achiwauza: "Ndokoni ku mzinda munthu m'bobzi adasenza m'golo wa madzi anzaku gumanani. Mutewereni. 14 Kuli kwentse komwe iye ampita, ntewereni mu uze mwenechiro ya nyumba: 'Misiri ati: Imba khala kuponi sala yomwe anzalhera pascua na afhunziri Wangu?.' 15 Iye adzakuonesani sala ibobzi yaku longuedziwa bwino yandzaulu yomwe idakonzekera. Chitani kumweko makonzekero yathu. 16 Afhunziri wada choka wachiyenda ku mzinda; wada wona bzentse ningati Iye adawauza wada konzekera malhedwe ya pascua. 17 Pomwe kukhali usiku, Iye adabwera na khumi na awiri. 18 Pomwe wakhada khala pameza wachimbalha, Jezu adati: "Mwachadidi Ine ndiri kukuuzani, m'bodzi mwa imwe, omwe akulha nande Anzandi pereka". 19 Wentse wada tswoma m'bodzi na m'bodzi Wada muuza: "Ninga khale ndine?" 20 Jezu, pakutayira,adawa uza: "Ni m'bodzi wa akhumi na awiri, ule omwe abvika mkate na Ine mu mbale. 21 Thangwe Mwana wa munthu akuyenda ninga bzaku lembedwa bzikulewa bza Iye; ule omwe Anzandi mphindukira! Bzikhali bwino kwa iye kusaya kubaliwa". 22 Pomwe wakhalha, Jezu adaphata mkate, ada mudalisa, adagwata achiwapasa. Pomwepo adati: "Lhani, iri ni thupi Langu". 23 Iye adaphata nkombo, ada dalisa, adawapasa wentse kuti amwe. 24 Pomwepo adawauza: "Uyu ni mulopa Wangu wa chipangano, mulopa omwe udayerera kuthandiza azingi. 25 Mwachadidi ndiku kuuzani, Ine ninzamwa lini namwe pomwe vinhu kufikira ntsiku lomwe Ine ninzamwa vinho intswa ku Ufumu wa Mulungu". 26 Wada imba chimbo, wada yenda ku phiri la oliveira. 27 Jezu adawa uza: "Mwentse nemwe munzandi siya, nthangwe bzida lembiwa: 'ninza kweteka m'busa mabira yentse yanza balalika'. 28 Ninga dzalamuka, Ine ninza yenda kutsogolo ku Galileya". 29 petulo adamuuza: "Wentsene wangaku thaweni, ine ninzaku thawani Lini". 30 Jezu adati kwa iye: "Mwachadidi Ine ndikulewa kuti, usiku buno, chongwe akanati kulira kawiri kentse, iwepo Unzandi lamba katatu". 31 Petulo adati: "Ningafe Nawe pabodzi, Ninzaku lamba lini". Iwo wentse wadachita lumbiro libodzi bodzi. 32 Iwo wadayenda mbuto inango yaku chemeredwa Getsemani, Jezu adawauza afhunziri Wache: "Khalani pano pomwe Ine ndikupephera". 33 Iye adatenga petulo, Tyago, na Juwau, adayamba kukhala wakuntsukwala naku wawidwa kwene kwene. 34 Jezu adawauza: "Nzimu Wangu uli wakutswoma kwene kwene, pafupi kufa, Khalani pano onererani". 35 Jezu adayenda patali pan'gono, adagwa pantsi, akha pephera, ningati tswaku kwanisika, nthawi imweyi imupitirire Iye. 36 Iye adati: "Aba, Pai, bzinthu bzentse tswaku kwanisika kwa Imwe, chosani nkombo umweyi pa Ine. mbabzi leke kukhala kufuna Kwangu, kukhale kufuna Kwanu". 37 Iye adabwerera, adawagumana wakugona, adamuuza petulo: "simau, iwepo ukugona? ukwanisa lini kuonerera nthawi ibodzi? 38 Onererani penpherani kuti muleke kupita m'mayesero. Mzimu udakonzeka, nyama njakuofoka". 39 Kanango pomwe Iye ada talikira adapemphera, adalewa mafala mabodzi bodzi. 40 Adafederera pomwe Jezu afhunziri adawagumana waku gona; maso yawo yakhada lemera kwene kwene iyo wakhadziwa lini Bzaku muuza. 41 Iye adabwera kachitatu adawauza: " Mukada gona naku puna? Bzakwana! Nthawi yafika. Mwana wa Munthu akuperekedwa m'manza mwa wakuphonha. 42 Mukani, tendeni! Ule omwe anindi phindukira ali pafupi". 43 Pomwepo letu, Iye akada lewalewa, Juda, mbodzi wa akhumi na awiri, adafika, nthithi ukulu ukhali naye; wakhana bzisenga na piti, kumbali wa antsembe, alembi na akulu. 44 Nyakumphindukirayo wadawapasa chilatizo, adati: "Omwe nimu nswonswona". M'mangeni N'tengeni aka koyedwe". 45 Pomwe Juda adafika, mwaku fulumiza adabwera kuna Jezu adamu Uza: "Rabi!". iye Adamu ntswontswona. 46 Pomwepo iwo Wadanphata Wachimumanga. 47 M'bodzi omwe akhali pomwepale adafhuwa chisenga chache, adakweteka nhabasa wa antsembe adamugwata khutu. 48 Jezu adawauza: "Wabwera Kudzandi manga ningati mbava, na bzisenga na miti? 49 Pomwe Ine ndikhali namwe ndichikufhunzisani ntsiku na ntsiku mu gereja, Mulimbe kundimanga. Bzomwebzi bzachitika kuti bzaku lembedwa bzikwanirisidwe". 50 Wentse omwe akhana Jezu Wadamusiya wadathawa. 51 Mulumbwana m'bobzi adamuteyera, omwe akhada bvala nguwo yokha, iwo wadamuphata, 52 mulumbwanayo adasiya nguwo yache adathawa pezi. 53 Wadamu thenga Jezu kwa antsembe. wada gwezekana wentse, akulu na alembi. 54 Thawi yomweyo, Petulo akhaona bzentse nakutali, kufikira nkati kumbuto ya antsembe. Iye adakhala pakati pa anyakuonerera, omwe akhali pafupi na choto, kuti wathume. 55 Antsembe na watewereri wawo wakhayan'gana umboni pa Jezu, kuti wamuphe. Iwo wakhaona lini. 56 wazinji wadabweresa mboni za kunama pa Iye, umboni bumwebo mukhalibe matere. 57 Wenango wadamuka achibweresa umboni bwa kunama pa Iye; iwo wakhati: 58 "Ife Tidamubva akulewa: "Ine ninzafudza gerejai yaku konzedwa na manja ya wanthu mu ntsiku zitatu ine ninzakonza inango, yakusaya kukonzedwa na manja". 59 Umboni bwawo bulibe kukhala na matere. 60 Pomwepo, nkulu wantsembe adamuka pakati pawo adanbvunza Jezu: "Iwepo untawira lini chinthu? Bzomwe wanthuwa wakulewa bza Iwepo?" 61 Iye akhada nyamala akhatayira lini. Kanango pomwe nkulu wantsembe ule adabvunza: "Iwepo ndiwe Kiristu, Mwana wa Mulungu wakulemekezeka?" 62 Jezu adati: " Ine ndine. Unzaona Mwana wa Munthu adakhala ku madidi kwa wanphanvuzentse na mitambo ku dzaulu". 63 Pakati pa bzobzi, nkulu wantsembe adan'gamba bzakubvala bzache achiti: " Tikada funa umboni? 64 Imwepo mwabvamanyozoya. Kumaliza kwanu khuponi? ". Wentse wadati Jezu ngwaku themera kufa. 65 Wenango wadayamba Kunstwipira ahimbamutswikha khope Yache, kumenya Iye achiti: "Polofita!" anyakuonerera wada Mutenga wada Mumenya. 66 Akhali Petulo mbali ya pantsi, pambuto, nyabasa m'bodzi wankazi wa akulu antsembe adabwera pana iye. 67 Iye, pomwe adaona Petulo pa choto, kuti abzithumise, adamuyan'gana bwino adati: "Iwepombo ukhali na M'nazareno, Jezu". 68 Iye adalamba achiti: " Ine nidziwa lini ndikubvesesa lini pomwe bzomwe ukulewa". Pomwepo iye adachoka kuwenda pambuto. 69 kumweko, waku fuyiwa adamuona adayamba kulewa pomwe kwa omwe akhali pomwepale: "Mamunayi nin'bodzi Wawo!" 70 Iye adalamba pomwe. tsono, omwe akha gumanika pomwepale wakha muuza Petulo: "Mwachadidi letu ndiwe m'bodzi wawo, iwepombo ndiwe galileu". 71 Iye adayamba ku temberera achi lumbira: " Ine nimbamudziwa lini Mamuna uyu omwe mukulewa". 72 Pomwepo, mwakufulumiza, chongwe adalira kachiwiri. Petulo pomwepale adakumbuka mafala yomwe Jezu akhada muuza: "Chongwe akanati kulira kawiri, katatu Unzandi lamba". Iye adakhala wakuntswoma adayamba kulira.
Chapter 15
1 Machibese bese, akulu akulu antsembe adagumana na akulu na alemberi na wentse atewereri. Iwo wadamumanga Jezu, Wadamutenga Achimupereka kwa Pirato. 2 Pirato adamubvunza: ''Iwe ndiwe Mfumu yama Judeu?'' Iye adatawira: ''Iwe ukulewa''. 3 Akulu antsembe akhambalewa bzakunama bzizinji kwa Jezu. 4 Pirato adabvunza pomwe: ''Iwepo untawira lini chinthu? Ulikuona ntswingasi bzomwe iwo akukunamizira Iye?''. 5 Jezu alibe kumutawira pomwe Pirato, bzobzi bzidamusiya wakudabwa. 6 Pa nthawi ya phwando, chikhali chizolowezo Pirato kutchosa nkaidi munthu m'bhodzi omwe iwo wangadasankhula. 7 Pabodzi na wanhakusaya kubva m'nkaidi, na wanha kupha omwe akhachita mbali ya anhakusaya kubva, akhalipo mamuna omwe akhachemeredwa Barrabas. 8 Mthithi adabwera kuna Pirato achiyamba kumukumbira kuti achite bzachizolowezo. 9 Pirato adawatawira: ''Munfuma kuti nditsudzule Mfumu yama Judeu?''. 10 Iye akhadziwa kuti bzikhali bza chiwengo akulu antsembe wakhadamuperekera Jezu. 11 Tsono akulu antsembe adayamba ku uza mthithi ule alewe kuti, mbuto Yache, atsudzule Barrabas. 12 Pirato adawatawira pomwe: ''Ntchani ningadachita na Mfumu yama Judeu?''. 13 Iwo wadakuwa pomwe: ''Mukhomereni pa ntanda!''. 14 Pirato adawauza: ''Nchanhi chomwe Iye adaphonha?''. Tsono iwo wakhamba kuwa basi: ''Mukhomereni pa ntanda!''. 15 Pirato, kufuna kuti achite bzomwe mthithi ukhafuna, adawapasa Barrabas. Iye adapereka Jezu kuti angamala kumenhiwa, akhomeredwe pa ntanda. 16 Masocha wadapita Naye Munhumba Yautongui, lomwe ni bwalo la mirandu, achichemera masocha yentse. 17 Adamubvazika chakufunika, adakonza mkhata ya maluwa adamuikha Jezu. 18 Adayamba, tsono, Kumu musa achimbalewa: '' Akhale na moyo Mfumu wama Judeu!''. 19 Iwo wadamumenha munsolo Mwache na ntchamu achimutswipira Iye, wadagodama wachimukusa. 20 Pomwe adamala kumunhaza Iye, adamukhundula chakufunika Wadamubvazika bzakubvala bzawo, wadamutenga achienda Naye kunja, kuti akamu m'khomerere. 21 Iyo wadakakamiza omwe akhapita na njira, omwe akhachoka ku munda, kuti anyamule mtanda wa Jezu. dzina lache Simao waku Cirene (pai wa Alexandre na Rufo). 22 Masocha yadamutenga Jezu yachiyenda naye mbuto ibodzi yaku chemeredwa golokota, bzirikulewa m'buto yaku ikhira mafupa ya kuuma. 23 Adamupasa Iye vinho yakusanganiza na mirra, tsono Iye alibe kumwa. 24 Pomwe wadamu m'khomera wachigawana bzakubvala Bzache, wadathusa mwai kuti asocha bhobzi na bhobzi aphate. 25 Ikhali nthawi yachitatu pomwe Wadamu'khomera. 26 Pachilata, iyo wadanemba bzakumunamizira: ''MFUMU WAMA JUDEU''. 27 Na Iye wadakhomerera mbava ziwiri, m'bobzi mbali ya madidi munango yamabzere. 28 undefined 29 Omwe wakhapita wakhamutukana, achimbatekenhesa misolo yawo achimbalewa: Ah! Iwe ndiwe ukha bzonga ma guereja uchi'mba yakonza mu ntsiku zitatu. 30 bzipulumuse Iwe wekha buluka pa ntanda". 31 Natenepo, akulu wantsembe akhamunhaza Iye pa iyo, na alembi, achimbalewa: Iye apulumusa anango, alikutazira kubzimulumusa Yekha. 32 Kuti Kiristu, mfumu ya Iziraeli, buluka tsapanopa pantandapo, kuti tiwone tichibvuma'' nawomwe adakhomeredwa Nawe achimbamu'tukanambo. 33 Pa nthawi ya chitatatu, n'dima udabwera pantsi pentse kufikira nthawi ya chifhemba. 34 Pa nthawi ya chifhemba, Jezu adakukuwa kwene kwene: ''Eloi, lama sabactani?'', bzirikulewa Mulungu wangu, Mulungu wangu , thamgweranhi mwandisiya. 35 Omwe ndiwo wakhali pompale wadabva wadalewa:''Iye alikuchemera Eria''. 36 Unango adathamanga, adaikha vinagre pachi n'fada, adayikha pa chintchamu ada Mupasa kuti amwe. Mwamunayo adati: ''Bwerani tiwone penu Eria anibwera kudzamuchosa. 37 Pomwepo Jezu adakuwa kwene kwene achifa. 38 Pomwepo guwo ya mugereja idan'gambika pakati, padzaulu mpakana pantsi 39 Pomwe nkulu wama socha akhali pompale na Iye, paku Muona Kupuma terepa ule,, adati: '' Ntswachadidi Mwamunai akhali Mwana wa Mulungu''. 40 Akhalipo pompale akazi akhamba nhan'ganisa napatali. Payiwo akhalipo Maliya Madalena, Maliya (Mai wa Tiago, mwana waku malizira, na wa Jose) na Salome. 41 Pomwe Iye akhali ku Galileiya, Iwo wakhamutewera achimba'mutumikira. Akazi azingi wakhamutewera wachienda naye ku Jerusalema. 42 Pakudoka, pakukhala ntsiku ya makonzekero, ibzo ndibzo, pafupi ya sabudu, 43 Jose wa Alimateia adayenda npaka kumweko. Iye akhali munthu waku lemekezedwa pakati pawo, akhadikira ufumu wa Mulungu. Mwakusaya mantha adayenda kuna Pirato achikumbira thupi la Jezu. 44 Pirato mwakudabwa kuti Jezu akhadafakale; adachemera nkulu wama socha achimubvunza penu Jezu akhadafakale. 45 Pomwe pirato adabva na wama socha kuti Jezu akhadafa, adapereka thupi kuna Jose. 46 Jose akhadagula n'guwo yaku'umira. Iye adabulusa Jezu pa n'tanda, achimufunikiza na n'guwo yire, Achimu ikha mu manda adatula pa mwala. pomwe, adayikha mwala pan'suwo pa manda. 47 Maliya Madalena na Maliya, amai wa Jose, wadawona mbuto yomwe adatidwa Jezu.
Chapter 16
1 Kumala kwa Sabudu, Malya Madalena, Malya, mai wa Tiyago na Salome adagula mafuta yakununchira kuti ayende nayo kadzoza thupi la Jezu. 2 Nsiku ya kuyamba kwa Sumana, kumachibesebese, dzuwa likuchoka, Iwo adayenda kumanda. 3 Iwo akhabvunzana m'bodzi na nzache: ''mbani ankati gwinhira mwala wa kumanda?''. 4 Pomwe adafungula maso, adaona mwala adagwinhidwa, omwe ukhali ukulu kwenekwene. 5 Adapita manda, adaona mulumwana adabvala chakufunika chichena adakhala mbali ya madidi, adakhala wakudzedzemuka. 6 Iye adalewa: ''Nhampodini kutetemera. Mulikunhan'gana Jezu, mu Nazareno, omwe adankomeleredwa. Iye amuka!. Alilini kuno. Onani mbuto yomwe mudamuikha. 7 Ndokoni mukauze afhunziri wache na Petulo kuti Jezu alikuenda kutsogolo kwa imwepo ku Galileya. Kumweko munkamuona, ningati Iye akhadawauza.'' 8 Iwo adabula kumanda achithamanga, akhatetemera achibva matha. Alibe kuuza munthu, thangwe akhana mantha kwenekwene. 9 Pomwe adamuka mwa kufa pa nsiku ya kuyamba ya sumana, Jezu adayamba kuoneka kwa Malya Madalena, omwe adamuchosa bziwanda bzinomwe. 10 Iye adachoka achikalewa kuna wense akhana Iye, pomwe iwo akhadandaula wachilira. 11 Iwo adabva kuti Jezu anamoyo adaonedwa na iye, alibe kubvuma. 12 Mbuyo mwa bzinthu ibzi, Iye adaoneka mwa kusiyana pa awiri kwa iwo, pomwe akhayenda midzi. 13 Iwo adayenda kawausa afhunziri omwe akhada sala, pomwe alibe kubvuma. 14 Pomwe, Jezu adaoneka kwa khumi na m'bodzi, pomwe iwo akhadakhala pa mesa, nakusaya kubvera achilimba ntima, na kusaya kutetekera na bzire bzomwe ywo akhabva pomwe akhada muka. 15 Tsono, adawauza: ''ndokoni pa dziko lense, mupereke fala kwa muthu wense. 16 Omwe abvuma na kubatizidwa anzapulumuka, omwe asaya kubvuma anzapasiwa chilango. 17 Chizindikiro chimwechi chikhaperekeza kwa wale omwe akhafuna: na Dzina langu munzachosa bviwanda, munzalewa chilewedwe chinango, 18 munzabata nhoca na manja munzamwa bzithu bzakupha, ibzo bzinzakunzonganilini; munzaikha manja kwa anhakudwala iwo anzalimba''. 19 Pomwe Mbuya Jezu adalewalewa na iwo, adatengedwa achienda kudzulu adakhala madidi ya Mulungu. 20 Afhunziri adachoka achilalika mbali yense, pomwe mbuya akhaphata nawo basa akhaona bzakudabwisa na chizindikiro chikhawatowera. front
