Kapu

Chapter 1

¹ Simoni Petelo, nanga ye ntumua ya Yisu Klisto kua wowo a tambula minu kia ntalu kimosi wonso wu tua tambudila kio, minu mu lunungu lua Nzambi eto ye mvuluzi Yisu Klisto. ² Bika nlemvo wakala yeno, bika luvuvamu lua tombuka mu nzayilu yaNzambi ye ya Yisu mfumu eto. ³ Mamonso matedi lendo kia Nzambi mu luzingu tua vewa mo mu nzila ya nzayilu ya Nzambi, ndioyo watu bokila mu nkembo wa yani kibeni ye wambote. ⁴ Mu mambu momo, katu sila nsilulu za zinene ye zantalu. Wasila zo kidi nua kala wowo ena ye nkadilu ya kinzambi, kadi nua vukusua mu mambu mambi mena mu nza diambu dia mpuila zambi. ⁵ I mu diodio, nu sa kimfuzi mu tambula mavanga mambote mu minu, ye mu nkadilu eno yambote, nzayilu. ⁶ Mu nzayilu eno lukudikila kukiyala ye mu kukiyala kueno nukudila ntatumunu, ye mu ntatumunu eno nukudikila minu. ⁷ Ye mu vumi kieno nutudila luntala lua kimpangi ye mu luntala lua kimpangi nukudila zola. ⁸ Kadi vo mama mena mu yeno ye meti kulu va kati kueno, kanuena kala a kondua nzayilu za mfumu eto Yisu Kliso ko. ⁹ Kansi kua ndioyo mambu momo ka mena ko, ye weti tomba mena lukufi, yani i mpofo. Wa vilakene nkudulu a masumu mani mankulu. ¹⁰ Mu diodio mpangi, nukala kimfuzi mu toma visa mbokolo evo ye nsodolo eno. Vo nueti vanga ma mpila yayo, ka nulendi vanga nkombo ko. ¹¹ Mu mpila yoyo, nkotolo mu kintinu kia mvu ya mvu kia mfumu eto ye mvuluzi Yisu luena kia mfumu eto ye mvuluzi Yisu luena kio vewa mu kimvuama kiakio. ¹² Mu diodio, ngina kala yeno lukufi muku lu bambukila mambu momo moyo evo nu zayi mo, ye vo mpe wowo wena ngolo mu kedika. ¹³ Mbenzi vo, i kua mono mu kunu sikimisa ye mu kunu bambula mambu mama moyo kiena vo ngiena yeno mu nsampa wawu. ¹⁴ Kadi nzeyi vo kantama beni ko, mono siyavayika mu nsampa wonso mfumu Yisu Klisto kansonga mau. ¹⁵ Si yasala mu mpilame mpasi vo nuakuyi bambula moyo mu mambu momo ku nima ngiendolo ame. ¹⁶ Kadi yeto katua landa minsamu mia toma kubukua mu mayindu ma antu ko vo tua nuzayisa ngizulu a lulendo lua mfumu Yisu Klisto ko kansi tuamona tuakala mbangi za mona meso mu tunda kuani. ¹⁷ Kadi watambula kua Nzambi se nzitusu ye nkembo ntangu ndinga ya wakana mu nkembo wawunene: "Nduayu i muana ame wanzolua mu yani ngiena luntata". ¹⁸ Tua wa ndinga yoyo yatuka mu zulu, ntangu tuakala ye yani kuna mongo wanlongo. ¹⁹ Tuena ye mpova ya mbikudulu yi tufueti kangama mu yau. Yeno wonso muinda usemanga va vuma kia tombe nate ye kuma vo kukiele ye mpe mbuetete ya nsiuka ye telamene mu ntima mieno. ²⁰ Nuzaya ntete diadi, kambikudulu za masonukua zitukidi mu mbangudulu ya muntu yani kibeni ko. ²¹ Kadi kakuena mbikudulu yayiza mu luzolo lua muntu ko. Nkutu, antu ku nsia lutuadusu lua mpeve ya nlongo avovila mu Nzambi.

Chapter 2

¹ Mimbikudi mia luvunu mia meni kuiza kuena bantu, ye minlongoki mia luvunu miena kuiza diaka kuena yeno. Ena kulunatina mu kinsueki malongi maluvunu ye mafuasanga, ye se atinguna mfumu ya ku akula. Eti sokila mbungulu ya nakakibiu mu yau. ² Ayingi ena landa nzila zau zakondua songa, ye mu nzilau ya kedika yena vueza. ³ Munsatua zola baka kuayingi, se yakunu bakila ndandu mu mpova zaluvunu. Mfundusu awu kayena zingila ko; mbungulu awu kayena leka tulu ko. ⁴ Kadi vo nzambi katadila zi mbasi zozo za sumuka k, kansi, wakuwayekolua kua Talitalusi mpasi vo akengua mu zimbienga muna mpinda za bilungi nate ye kuna mfundusu. (mbangudulu za nkaka zeti vovila vo: Mpasi vo akangua muna mpinda nate yekuna mfundusu). ⁵ Mboki, katabila nza yankulu ko, kansi wasueka Nowa, yani wakala nlongi wa lunungu, ya ansambuadia ankaka, muntangu yi kafila zalu mu nza yambi. ⁶ Nzambi waniengisa zi mbanza za Sodoma ye gomora mu ntoto wa mpolo ye wa kuwa zengila mbungulu, mpasi vo diaka makala nkonso kifuani mumena luakila ambi. ⁷ Mu matadidi nkua lunungu Loti, yani watoma kikuamisa mu kadilu kia alembolo zitisa minsiku mu nzimbusu awu, Nzambi wa vulusa. ⁸ Kadi muntu wowo wa lunungu, wakala vakati kuawu, lumbu kua lumbu, wa kuamusua mu muela ani wa lunungu, mudiambu dia momo makakala monanga ye wanga. ⁹ Mfumu zeyi wonso wu kalenda tanina muntu wa lunungu mu ntotolo ye wonso wu kalenda lunda ye akondolo lunungu mu tumbua mulumbu kia mfundusu. ¹⁰ Diadi diena beni dia kedika mu yau yeti tatamana mu nzinunu zambi za nkisuni ye abelanga luyalu. yau ena mayama ye ntu ngolo. kayena ye wonga ko musakanana nsemono za nkembo. ¹¹ Zimbasi zena ye ngolo ye lendo kia yingi kuani beni , kansi ka anatumukanga mu yawu ko ye zi mfundulu za yifingu va ntuala mfumu. ¹⁴ Kansi bulu yoyo yakondua zayu yasemua konso wowo kidi vo abakua ye bungua. ka azeyi ko ma eti finga. Se abungua. ¹³ Se abaka mfutu mia fu yau yambi. Eti banzila vo kuyivana mu yukutisa nsatu zau za kimuntu lumbu yayonso diena dia mbote. Yena amvindu ye asumuka. ayangalalanga mu luvunu luawu muntangu yi yena mu nkembo miawu. ¹² Ena ye meso mafuluka ye nsatua tala izizi ya akazi ansuza; ka ayukutanga ko mu sumuka. atuntanga miela mia alembua toma siama mu mavanga mau mambi, ye ena ye ntima miau mia yukua mu zinzinunu. Ena ana asingua. ¹⁵ Asisa nzila za sungama. Ameni vila ye ameni landa nzila ya Balami muana wa Beole wuzolanga vewa mfutu wakondua kua lunungu ( Buku ya nkaka yasongua; Balami muana wa Bosoli). ¹⁶ Kansi yani wasembua mu nsumukunu ya yani mosi. Mpunda yi lembua vovanga yavova mu ndinga ya muntu ya manisa kizengi kia mbikudi. ¹⁷ Antu wowo ena konso zi nto zakondua nlandu. Ena konso matuti ma natuanga kua vento kiangolo. Tombe kia nkobo kieti ku alundulua. ¹⁸ Avovanga ye akuyiyana kua kondua salu. Eti bokila antu mu zinzinunu za kinsuni. Eti bokila wowo eti teza mu tina kua wowo eti zinga muna nzimbusu. ¹⁹ Eti ku asila kimpuanza, kansi yau mosi ena nkole muna kinsuekila. Kadi muntu wena nkole mu yayonsono yeti nunga muyani. ²⁰ Wonso wonso weti eina nsumukunu za nza mu nzila ya nzayilu a mfumu ye vuluzi Yisu Klisto, mbosi futukidi diaka muna masumu, zingu kiansuka kieka kiambi lutila kio kiavita. ²¹ Diakutu kala diambote mu yau mu lembua zaya nzila ya lunungu kansi kayi mozaya ko ye teka nima mu nsikudukusu a nlongo yoyo yi avewa. ²² Ngana yayi yena yakedika mu yau: "Mbua yivutukanga mu dia yilukulu ya yani kibeni. Ye ngulu ya sukulua yivutukanga mu potopoto".

Chapter 3

¹ Wawu, ngieti kunu sonikina nu akiazola nkanda wawu wam zole mu sikimisa diela diasungama dia mpeve eno. ² Mpasi vo luna bambuka moyo mu mpova za kisamununua kala kua mimbikudi mia nlongo ye mu nsikudukusu ya mfumu ye vuluzi ya vewa munzila a zintumua. ³ Nuzaya vantete vo mi mvuezi se miza mu lumbu yansuka, se akunu vueza ye diatila wonso wena nsatu zau. ⁴ Ye avova: "Kueyi kuena nsilulu a mvutukulu anie? mase meto mamana fua kansi lekua yayonsono yena kaka wonso wu yena, tuka mu mbadukulu ya nsemono". ⁵ Avolakana mu luzolo luayawu kibeni vo zulu ye ntoto bia vayika mu maza ye mu nzila maza, se tuka ntama mu mpova ya Nzambi, ⁶ Yi munzila mambu momo nza ya nkulu ya dimina ye ya bungua. ⁷ Tala, mazulu ye ntoto yilunduanga mudiambu dia tiya mu ntumumunu yoyo kaka : Biawu bieti lunduanga mu lumbu kina kia mfundusu ye kia mbungulu. ⁸ Nu wakiazolua kalulendi vilakana edi diambu ko, vo lumbu kimosi mu mfumu kiena konso funda dia mi mvu, ye vo funda dia mi mvu konso lumbu kimosi. ⁹ Mfumu kazingilanga ko mu ndungusulu a zinsilulu zani konso ankaka adio kuikidilanga. Kansi wena ye mfibudulu mu yeno. Yani kazolele ko vo muntu wu mosi kavila, kansi weti zola vo yeni diawo nua luaka mu mpilulu a madiela. ¹⁰ Kansi tu, lumbu kia mfumu kina kuiza konso muivi. Mazulu mena vioka mu mazu mangolo. Lekua yi vuilu mo yena zina mu tiya, ntoto ye mavanga mani mena monokusua. ¹¹ Wakina vo lekua yayonsono yoyo yi fueni bungua mumpila yoyo, nkia mpila ya antu lufueti kale? nufueti zinga mu nlongo ye mu vumi. ¹² Nga nufueti vingila mu mvibudulu lumbu kia Nzambi, muntangua yayina, mazulu mena bungua mu tiya ye lekua yina baka tiya yina nienga. ¹³ Kansi tueti vingila konso wukasila, mazulu mampa ye ntot wa mpa ye muna lunungu luna yala. ¹⁴ Idiawu nu akiazolua, luvingidila mambu momo, mu vanga wonso wu nulenda kidi vo nuawanuka nuakondua lusembo ye nua kondua bila va ntadisi ani. ¹⁵ Nu muena dio konso vo mvibudulu ya mfumu eto yi mpulusu eno wonso mpe weto wam zolua Paulu wasonikamo; konso wena nduenga zikavewa. ¹⁶ Paulu wa vovila mambu momo mu nkanda miani mia mionsono, yi muna munena mambu ma mpesi mu bakula. Antu akondolo zayu ye avualangana eti balula nsasa a mambu mama konso wu asanga mpe mu masonukua mankaka, yi mu nzimbusu ya yau kibeni. ¹⁷ Mu diodio, nu akiazola, konso wu nuzayidi mambu momo, nukikenga kidi vo lua lembua vidusua mu luvunu lua nkua mambi, nate ye zezisa kuikama kueno. ¹⁸ Kansi nukula muna nlemvo ye muna nzayilu a mfumu eto yi nvuluzi eti YIsu Klisto. Kua yani kuavewa nkembo tuka wawu nate ye mu mvu ya mvu. Ameni! front