Kubbatuka kwa 2

Chapter 1

¹ Paulusi, Silvano, ne Timotea ku nkereke ya Matesalonika ka Nyambe Shwetu noku Nfumu Jesu Keresite Echishemo ne nkozo zibe ninwe. ² Tuna kuha obuitumelo kwa Nyambe kebaka lyenu mwenshe, shinaho tuna kumi kuwanga mwi ntapero zetu. ³ Tu hupura echi kalira habuso bwa Nyambe ne shwetu emi sebezi yenu ye ntumelo, mi sebezi ye rato, ne nsepo yoku lindira zo zishikezya ko Nfumu wetu Jesu Keresiste. ⁴ Bayawe enwe mu shakiwa kwa Nyambe, tuzyi ye namiketa, ⁵ kakuli o burumiwa bwetu kali ke zywii bulyo nibwa kezya kono nika manta, mu Ruho Ruchenete, nike nkorwisiso hawa. Kenjira iswana, nenwe hape muzyi ye tu libantu bobuti mukati kenu ke baka lyenu. ⁶ Nimwa ba abantu batu ziiza no Nfumu, shinaho mwinaho muwana ezywi ko bukukutu ne ntabo ku Ruho Ruchenete. ⁷ Kabulyaho, nimwa ba omutala kubena Masedonia nibena Acha abo bazumina. ⁸ Mi zywi lyo Nfumu lilira nelizwa kwenu, mi kali mwa Mesodonia ne Asha bulyo. Kono, mu chibaka chonse omo niya ya entumelo yenu kwa Nyambe. Kabulyaho, kwaazye cho torukero kuamba. ⁹ Kakuli abo beni baha empiho yo mufuta okezya kwetu mukati kenu. Ba amba buti nimwa zokera kwa Nyambe okuzwa kwi milimu koku berekera Nyambe ozywa hara niwe niti. ¹⁰ Baha empiho yokuta ye mulindire mwane okuzwa ku wiru, ozyo na busa ku bafu. Ozyu ndi Jesu, ozywa turukurura ku bukali obo bukezya.

Chapter 2

¹ Kakuli enwe mubeni muzyi, bashere, okuta ye okezya kwetu kali nkwabulyo. ² Muzyiye mwi nako niya mana nitwa shanda mi nitwa tendiwa ke fwiso lye nshoni kwa Mafilipi. Katu gorete kwa nyambe oku amba kwenu ze zywi lya Nyambe mwi shando enene. ³ Kakuli ensusuezo zetu kali kazili ze tengamite kapa kwezo zizywiro bubbi, kapa kwezo kazi chenete, kapa kuzo kuhoma. ⁴ Kunje ya bulyaho, shina Nyambe aho natu bona ye tuswanera oku hewa ensebelezo za evangeli, mbo bulyaho tuamba. Tuamba, kali ko kutabisa bantu, kono ko kutabisa Nyambe. Ndeye atatuba emyozyo yetu. ⁵ Mi kwaazya enako eyo nitwa berekisa a mazywi o kuneya, shina ha muzyi, kapa oku zika entakazo yo kufuma, shina Nyambe aho ali mpaki yetu. ⁶ Kali nitwa shaka o kutembwa kuzwa kubatu, kapa oko kuzwa kwenu niba munya. Katu ora oku zeka entukero zetu shinaho tuli ba apositola ba Keresite. ⁷ Kunje ya bulyaho, katwine chishemo mukati kenu shina mushemi we chikentu ozyo a shenga-shenga bana bakwe. ⁸ Kenjira ya bulyanu twina e zwaro kwenu. Katu tabite oku libbatwira nenwe kwanda yo burumiwa bulyo bwa Nyambe kono no buharo bwetu. Kakuli shemuli bantu ba shakiwa hawa kwetu. ⁹ Mi muhupura, bashere, e misebezi ne shando lyetu. Masiku na kamwi katu bereka okutaye tureke oku remesa zyumwi wahenu. Mweyo nako, nitwa mi ruta o burumiwa bwa Nyambe. ¹⁰ Muli mpaki, ne Nyambe bulyaho, mbuti ku chenete, no kuruka, noku shaba necho chi nyansahara ko mukaliro wetu kwenu enwe mu zumina. ¹¹ Kenjira iswana, mwizyi zyumi no zyumwi wenu, shina mushemi we chikwame na bane, nitwa miruta noku misusueza. Nitwapaka ¹² ye mu botere o kuyenda ke mikwa ibotere kwa Nyambe, ozyo ami kuwa mu mubuso wakwe ne tubo. ¹³ Kebaka lya bulyanu tu litumera neswe kwa Nyambe enako yonshe, Kakuli aho nimwa tambura o burumiwa bwa Nyambe obo kabuzwa kwetu nimwa shuwa, nimwa bu tambura kali kokuta ye ndizywi lyo muntu. Kunje ya bulyaho, nimwa li tambura kuba lye niti komu li kalire, enzywi lya Nyambe. Ndi lyonya lili zywi hape elyo linaho libereka mukati kenu enwe mu zumina. ¹⁴ Kenu, bashere, nimwa ba baruti be nkereke za Nyambe ezo zina mwa Judea mwi zina lya Jesu Keresite. Kakuli nenwe nimwa shanda e zintu zi swana kwabo muzyakite nabo, shino mo niba tendera okuzwa ku Majuda. ¹⁵ Kaili Majuda niba yaya Jesu Kereste na baporofita. Kaili Majuda niba tutanda. Kaba tabisi Nyambe. Ka bulyaho, mba kake kake ku bantu bonshe. ¹⁶ Ba tukanisa o kuamba ku balichaba okuta ye ba hazwe. Ama manikizo nibara bumbiliza obubi bwabo. Obukali bura sukira habo kuma manikizo. ¹⁷ Katu kauhenywe kwenu, bashere, ke nako efwihi, ko buntu kali ko mozyo. Tu piherere hawa, netu shilire, oku bona ezi fateho zenu. ¹⁸ Kakuli katu shiliro kezya kwenu, eme, nde paulusi, lyonke hape, kono Satani na tuzyimika. ¹⁹ Mi e nsepo yetu ya kubuso njeyi, kape ntabo, kapa omushukwe woku linanuna ha buso bo Nfumu Jesu Keresite haku kezya kwakwe? Kali ndinwe na bamwi abo ba zumina? ²⁰ Kakuli muli tubo ne ntabo yetu.

Chapter 3

¹ Kabulyaho, aha kali ka tu wora o ku zitenda, tunahana ye mburoti kusiala mumashala kwa Atete yeke. ² Netwa tuma Timotiya, mushere neba mwinya babeleki ba Nyambe nebu rumiwa bwa Kreste, kuha a mata noku mi omba omba ku amana ne tumelo. ³ Nitwa tenda zizi kuteye ku azya ozyo shaka na nyanganiswe ka mashando. Mi enwe muzyi kuteye kezi twa ketiwa. ⁴ Zachaha, aha katu kere newe, nitwa kusumwina neku shina nako kuteye shetwina hafwihi noku shanda, Miko ku tendahara, sina aho ozyi. ⁵ Mi ke lyo ebaka , kali ka ndi ora ku chitenda, nda tumi oku tiye ndi zyibe ze tumelo yako. Hamwi baliki neba kulika mi musebezi wetu kau shina e ntuso. ⁶ Kono Timotiya na keza kwetu kuzwa kwako mi na tuletela mazywi malotu e tumelo yako ne lato. Natu sumwina okwesi e minahano emi rotu ku amana neswe, Mi oshaka oku tubona shina omu tu shakila oku kubona neswe. ⁷ Kabulyaho, bayawe, tu ombwa ombwa kwenu kebaka ye tumelo, no bu kababu tukere mwabo neku likalilelwa. ⁸ Mi hanu tuhala, haiba ozimana kokungola kwa Nfumu. ⁹ Mi cinji ocho tuola kuha Nyambe kwangu, ne mbotera yoshe tukwesi habuso wa nyambe wetu? ¹⁰ Masiku ne Kamwi tulapela hawa ye tubone echi fateho chako neku bona cinji echi chishota mwi tumelo. ¹¹ Nyambe Shwetu eye yemwini, ne Nfumwetu Jesu, a olola e njela yetu kwako. ¹² Nfumu ami hingise ne no ku miha e lato ku muntu no muntu mani neci chaba choshe, sina hatu panga kwako neswe. ¹³ A tende kugoresa e myozyo yenu muku sha nyanswa habuso bo bwa Nyambe Shwetu muku kezya kwa Jesu Keresite noku chena kwakwe konshe.

Chapter 4

¹ Ko ku manikiza, bayawe, tumi susuweza chaha ku Nfumu Jesu. Shinaho ni mwa tambura e mirao izwa kwetu kuamana omo murukera kusebeleza noku tabisa Nyambe, mi munjira yiyi mu sebeze, okute ye muhitilire chaha. ² Kakuli muzyi ye mirao nji nitwa miha kuya ko Nfumu Jesu. ³ Ezi nzizo murero wa Nyambe, oku cheneswa, okuteye mu lizwise ku bushai, ⁴ okuteye neni neni azyi omo ku kalirwa ne mukazu wako mu kuchena nomwi kute, ⁵ kali mwi ntakazo zo bushai (shina be chishi echo ka chizyi Nyambe). ⁶ Mureke oku zuminiza o muntu a fosekeze no kuhambiliza ba rumeli bayenze mweyi ntaba. Kakuli o Nfumu ndeye a boozera obubbi mwezi zintu zoshe, shina omo nitwa miremusa che ntanzi nokuha obupaki. ⁷ Kakuli Nyambe kali na tu kuwira mu bubbi, kono na tu kuwira mu chenete. ⁸ Kabulyaho, yenshe ozyo a kanezi ka nakani bantu, kono ndi Nyambe, ozyo a kuha o Muzya wakwe Wuchenete. ⁹ Kuamana ne rato lye chizware cho burumeli, kwaazye ntuso yokute ye zyumwi ami ñorere, kakuli enwe mu zyiizwa kwa Nyambe oku lishaka mubeni. ¹⁰ Ee, mu pamgira bonshe bashere benu abo bena mwa Masedonia. Kono tumi shonga, enwe ba shere betu, okute ye muzi tende kuhitiliza. ¹¹ Tumi ereza ye mulike kuhara mwi mpore, mu twalize mihupuro yenu kuzenu, noku berekisa maanja enu, shina mbulyaho tu mipaka. ¹² Mupange zi okute ye mwa kuyenda nenja mwinjira ku kutika bena ka bazumini, mi nokute ye nemu siye kubura e chintu. ¹³ Katu shaki ye mube nokusha shuwisisa, bashere, kuamana nabo ba pumura, okute ye mwasha lili mbwee mbwabena bonshe kaba zumini zoku buso. ¹⁴ Haiba tu zumina ye Jesu naafwa noku buka hape, no mbulyaho Nyambe nara reta ne Jesu kwabo niba fwira kwakwe. ¹⁵ Ka bulyena tumita ke zywi lyo Nfumu, o kuteye eswe tuhara, abo ba siyere mani nakezye o Nfumu, kali shaka niba rake bena niba fwa. ¹⁶ Kakuli o Nfumu yemwini nara kezya hanshi, Nara kezya na kashumpu, nezywi lye ngeloi e kuru, mi ne ntorombita ya Mulimu. mi abo niba fwira kwa keresite nibara tanga ku buka. ¹⁷ Cware eswe tuhara, tu siyalire, twenshe tura kaliwana mu mazyoba ka shangana o Nfumu muwiru. Mwinjira ya bulyena mbutwa ka kalilire no Nfumu. ¹⁸ Ka bulyaho, muli shenge-shenge naa mazywi.

Chapter 5

¹ Hanu ku amana ne nako no mwaka, bashere, mwa azhya ku botere ye zonshe ne muna ziñorewi. ² Kakuli enwe muzyi nenja hawa ye ezyuba lyo Nfumu likezya mbo musa masiku. ³ Aha ne bateye, "Cimpore ne mpabarero," Haho o bumpai na una kezya habo. Na kufwana mbo kukubaza ko mukentu mu kureta. Kali na ku be ne njila yo kupicuka. ⁴ Kono enwe, bashere, mwa azya kwina mufifi ye elyo zyuba neli mipatise shina musa. ⁵ Kakuli muli bana be tubo ne bana be zyuba. Kali mu libana ba masiku kapa befifi. ⁶ Kabulyaho twa sha rali o mu ba tendera bonshe. Muchibaka chezo twa sha rali o mu ba tendere bamwi, tulindire no ku liketa. ⁷ Kakuli a ba barara ba tenda bulyaho masiku, mi aba ba dakwa ba ba tenda bulyaho masiku. ⁸ Mi shina ha tuli bana ba kamwi ntulindire ezyuba, tukare netu liketete no ku zyabara entumero ne rato mbwe cirwiso, no buniti bwe zyona mubuharo bwe chisirerezo cha ku mutwi. ⁹ Kakuli Nyambe kali na tu halifire, kono ku wana o buharo ku Nfumu Jesu Christ. ¹⁰ Ndeye ozyo na tufwira ye, kapa tu tonda kapa turere, ne tu kakare neye. ¹¹ Ka bulyaho mu tende zyumwi no zyumwi nenja, muli zyake, mumu sho muna tendera. ¹² Tu mikumbira, bashere, kuhupura a ba musebeza nabo bena mukati kenu na ba bena hawiru yenu ku Nfumu na ba tondera ¹³ Tumikumbira ye mu bashake ke rato nene kebaka lye misebezi yabo. Mi be mumpore. ¹⁴ Tumisusueza, bashere, mubone ye kwina ekute, mususueze aba shibana kitobohe, mutuse bafokoli,mutende nenja bonshe. ¹⁵ Bone ye kwa azya ozyo a bozela obbi ko bubbi ko zyumwinya. Kunje ye zo muzwire ha ha ku tenda ezi kwa zyumwinya mane no ku bonshe. ¹⁶ Muboterwe nako ne nako. ¹⁷ Mukumbire mwasha siyi. ¹⁸ Mucintu ne chintu muhe o buitumelo, kakuli keci ngo muazyaro wa Nyambe kwa Kreste Jesu kwetu. ¹⁹ Mwa sha zimisi o Muzya. ²⁰ Mwa sha swabisi chiprofita. ²¹ Mu tatube ezintu zonshe. Mukwatilire ku zirotu, ²² Mupime emikwa emibbi. ²³ Nali Nyambe we mpore na ku tenda o kuzyulira kuchena. Nali muzya wako wonshe, buharo, no mubili na bikiwe ne u azya echi chi nyansahara muka bora kwa Nfumwetu Jesu Kreste. ²⁴ Omusepahali ndozyu a ku kuwa, ozyo, na chitende hape. ²⁵ Bashere, mutukumbilire neswe. ²⁶ Murumelise bashere ko ku chuchunwa ko ku chena. ²⁷ Ndi mi kumbira ko Nfumu ye eli ñoro na balirwe bashere bentu bonshe. ²⁸ Nali ecishemo cho Nfumu Jesu chibe nenwe.