18. Đarənieđe đəŋələŋe
Ndə nəṯɵliaŋ nebəɽo nwaiñ, Ḏauḏ nəŋaiye, eđia gəlëɽəŋu seleman ŋətođe gəbërəndia leđa lisrayil. Rəmwa ndrəlwaɽəṯe saleman na ndrəmeɽǝđe ṯa ŋen ŋawənde iŋi agonaṯa iñi ṯa iŋiṯi đurri. ŋen saleman geɽəđo đələŋaṯa ŋen nəsi, Rəmwa ndrəmaŋəreṯe nano na ndrəmiđi geɽo eđa geləŋeṯo ŋen nəsi alo pređ eləbate. Saleman nəŋəlëŋeṯe ŋen ŋwaiñ na ŋəɽeṯe eđa geləŋeṯo ŋen nəsi eđagəma. Rəmwa ndrəmiđi gerṯo laŋge lwaiña.
Alo Yursalim, Saleman naŋwađe alyakəl isi eṯen gëləɽiŋu Ḏauḏ gəfo gəɽəṯu ŋen na nəŋërəreiđi laŋge ildi ləŋəmaɽria. Na leđa ṯalukuwđəñəṯu Rəmwa alo na ṯaliṯu điɽəđənia ekaləyakel gerṯa iləṯu ildi leđərareiđia. Rəmwa ndrela na ndrəfeṯe ekalyakəl, na ndrəfeṯe tu leđala lënəɽəŋu.
Nəṯia Saleman ṯaŋəbwaño wuji gəfo irnuŋ gərto. nəŋerṯe gađəñađəṯa Rəmwa eŋen na naŋəme liji lwaiña, garno ndređia eredia ređ! Liji lwaiña eŋulu leṯo irnuŋ gerto na leṯo imwaiya esen na taləməñađaṯo nəñwaŋ eđukuwđəñṯia eđen. ŋen Saleman gəɽoṯəti, na com ṯaŋukwuđəñəṯu imwa alo.
Rəmwa rafo racətu Saleman ano na, garno ŋen ŋəfua ŋəsaleman iŋi ŋəbaŋəiđia ṯa Saleman gero gəđëña Rəmwa, rënəŋu ndrəgase ŋen ta arënəđe irnuŋano Gisrayil aŋəɽeṯe ŋələŋ ŋəɽijan iliga Saleman gaiyo.
ŋen Saleman gaiyo đəge, eđia gənəɽəŋu, Rəboam, nëŋəɽeṯe eləŋ. Rəboam gafo gaɽo iɽəṯiano. Leđa pređ lirnuŋ Gisrayil leṯo ləɽo ṯa aləlëŋeṯe ŋen ŋeləŋ. lǝnǝŋulu ndǝmǝlǝwɽiṯi ta saleman gǝliđia ŋǝmǝɽria ŋǝwaiña na ṯǝlǝmanǝnǝjio tulba
Rǝboam ŋǝɽǝṯianoŋa nǝŋǝluɽibiṯi eŋen,"ñǝgǝru ŋen ṯa papa ŋǝlǝɽiñi saleman giđiende ŋǝmǝɽria ŋǝbwa, igiđi indiđi ŋǝmǝɽria ŋǝwaiña ŋǝmǝñǝito orǝba , nṯia igiđi lndǝnǝjie ŋen ŋǝbwa ŋǝmǝmëñǝṯo orǝba ganuŋu ganǝjiende ."
đǝlǝŋe ređ eleđa lirǝnuŋ g-Israyil nǝlđame ŋen ŋǝ-Rǝboam. Ilda đǝlǝŋe đǝɽǝjian đəfo đerṯo đwonaṯa iŋu. Đǝlǝŋe iđi đəɽijian nađǝɽeṯe leđa lǝŋǝlǝŋe ŋalo yawuḏyia .
leđa ildi lëđalǝŋia iđi đǝɽo ređ đirǝnuŋ gisrayil iđi đǝniđo ŋen ŋǝ- Rǝboam nǝlǝwaṯe maji gǝbǝrǝnia Jeroboam ŋen ŋanṯa ǝŋǝɽǝṯe elǝŋe egen . lǝnǝŋulu nduṯiđi ŋǝlǝŋe ndeleyia nḏëɽe đǝmǝṯan đǝlǝbaṯia na nǝlǝniji ŋǝlǝŋe ŋisrayil .
Rǝboam nǝŋǝneđi rǝmwa na nǝŋiđi leđa ṯa liđu ŋen ŋacia. Nǝlǝwǝđiṯi ŋǝmborǝđa ŋǝɽijan ṯa leđa aluguđiti alo gamǝñaṯo ŋen ṯa aluguguđiṯi rǝmwa alo eɽa eŋǝlǝŋe ŋalo yauḏiya
Eŋǝlǝŋe ŋalo Yuwḏia na ŋ-Israyil ləɽeṯe ëməcu na ṯaləbwaiñəđo jeica jeica leđala ləmaṯan.
Orn eŋələŋ ŋəmajin ŋəleđa lisrayil. Nələŋ pređ nafo nabəđia ŋen ŋeicia. Nələŋ ini nafo nwaiña nəɽəño leđa lisrayil ildi lwonaṯa ṯa aɽeṯe nələŋ egal esen.
Nələŋ ini pređ na leđa ləmaṯan eŋələŋ ŋisrayil talukwuđəñiṯo ñəmbrwađ alo. laŋge ildi ləlukwuđəñiṯia alo fəŋulu ŋen iŋi ŋətaŋa ŋwaiña ŋoɽwa na đənaiđa ŋere iđiɽəđənia.
Nələŋ nalo Yauwḏia naɽo đələŋe đə-Ḏauḏ. Ləmaṯan iŋulu lafo lađərwaṯo eŋen eđerldia leđa na iđukwuđəñiṯi Rəmwa alo. Orn nələŋ nwaiña nalo Yauwḏia nafo neicia na naber naɽəwađiđia ŋen ŋəleđa na lukwuđəñiṯia ŋəmbrwađ alo. Nələŋ nəmaṯan nabəđia đeɽəđinia ñereña eñen ismwa isi yəbiano. Eleđa layauḏyia com ldəneđe ŋen ŋ-Rəmwa na lukwuđəñiṯia ŋəbrwađa alo.
Đumëđənia eg-ađam : 1 G-ənələŋ 1-6; 11-12