19. Leđa ildi lǝɽwata ŋen iŋi ŋiđi aŋela.
Eŋen iŋi ŋafo bətaŋəɽan eleđa lisrayil, Rǝmwa rađwaṯo leđa ildi lǝbǝrǝŋiđia ŋen iŋi ŋiđi aŋela. Leđa ildi lǝbǝrǝŋiđia ŋen iŋi ŋiđi aŋela lafo lerṯo ole igi geṯo i-Rǝmwa nṯia ldërrǝŋeici leđa ole g-Rəmwa
Eliya gafo gaɽo eđa igi gǝbërrǝŋaiđia ŋen iŋi ŋiđi aŋela ilga Aab gǝɽo elǝŋ eŋǝlǝŋ ŋ-Israyil .Aab gafo gaɽo eđa geicia gənëŋu gafo gabɽia leđa nano ṯa alukwuđǝñiṯi rǝmwa alo iri rǝbiyano rǝbǝrnia Baal .Eliya naŋǝlwaɽṯi Aab ṯa , "Rǝmwa raber riđi arǝđëne irǝnuŋ gǝŋǝlǝŋe ŋ-Israyil na ŋuđu ŋiđi aŋerṯe com ilda egǝlǝwëɽo ṯia."Orn ŋen iŋi naŋiđi Aab geiciano kaiñ.
Rǝmwa ndrǝlǝwɽṯi Eliya ṯa aŋǝɽe ndwldaŋ eđǝpǝrnda ŋen ŋǝnṯa aŋǝlbijicini Aab igi gwonaṯa gǝmaɽaiña.Ilwalndiṯano na eregano pređ ndǝfia ṯaləmarëbṯu eđe na ragif. Aab na ṯruwa đǝlëɽǝŋu lafo lamaninia. Orn lterṯe lǝmafiđiṯa . ŋërǝwaṯa ŋafo ŋëndu alo ŋabɽaŋəno kaiñ ebarnda ltaiye pređ.
Nṯia Iliya nǝŋǝɽe irǝnuŋ gǝleđa lǝɽo ëuwr. Uji gayinu na lamiya ǝllëɽǝŋu irǝnuŋ igi ŋəsa ŋafo ŋero ŋrnŋanṯa Rǝmwa rəđǝnia rafo rero na ŋrwaṯa nǝŋëndi alo. Orn lǝnëŋulu ndǝrǝmwoṯe Eliya , na Rǝmwa rdǝlnaje ŋen ŋanṯa ulia egen eŋəmwa na ŋela aŋerṯe ŋǝməndađia. Nderṯe ŋəsa eŋǝrǝwaṯa pređ .Eliya nalɽaŋe tu nṯəlia nwaiña .
Ndǝ nṯǝlia nǝgaṯo nǝɽijin na gǝṯǝbëđiano , Rǝmwa nǝŋǝlǝwëɽṯi Eliya ṯa aŋoɽǝbǝṯe irǝnuŋ g-ŋǝlǝŋe ŋ-Israyil na nǝŋǝlǝwɽiṯi Ab ṯa Rǝmwa riđi aŋǝđne tǝŋ . ŋen Ab gǝsëicu Eliya naŋaṯa,"Fǝtu agəfau, ya eđa gǝđəgera ŋen ŋeicia!" Eliya naŋǝmuɽəbiṯi eŋen, "aganəŋa agaɽo eđa gǝgera ŋen ŋeicia ! agaṯađo yauwe, Rǝmwa iri rǝɽo đeṯam na ṯukwuđəñiṯu Baal alo . Mǝŋ leđa pređ ləŋǝlǝŋe ŋ-Israyil ŋǝliyeṯa naiyen y-karmel ."
Leđa lǝŋǝlǝŋe ŋ-Israyil pređ ,na leđa ildi lǝbǝrǝŋeiđia ŋen iŋi ŋiđi aŋela ŋ-Baal ilidi lǝɽo eređa mǝrldwan na ndređia đenǝŋ ləbɽe naiyen ye-karmel . Eliya nǝŋǝlǝwǝɽiṯi leđa ṯa , ŋen ŋǝwënde ñǝgǝbǝndicia ŋen ŋǝđǝrǝgëđia ŋǝṯǝɽa eŋalo? ndǝ yauwe gǝɽo Rǝmwa, đuɽəđinṯǝmar ! ndǝ Baal gǝɽo Rǝmwa , đuɽəđǝnṯǝmar!"
Nṯia Eliya nǝŋǝlǝwǝɽiṯi leđa ildi lǝbǝrëŋeiđia ŋen iŋi ŋiđi aŋela ŋ-Baal ," ɽəñr ŋǝnḏëri na ñiđi điɽǝđənia , orn ñerṯe ñǝgəurđǝṯa sia. igiđi ñiđi ṯia com . Rǝmwa iri roɽəbajia ŋen sia raɽo Rəmwa đeṯəm." Nṯia leđa laɽo kanna lbaal ndǝṯoɽǝđaṯe điɽǝđinia eđen nṯia lerṯe lwurǝđiṯa sia .
Nṯia leđa lbaal ildi lǝbǝrǝŋeiđia ŋen iŋi giđi aŋela ndǝṯurṯi Baal, "naṯǝnde ,rǝmwa iri rǝ-baal!"ldǝṯuriṯi rǝmwa eren ëđǝñǝđiñin na ṯǝldrëjaco ole na ṯǝlǝgǝlnu aŋəno esen bǝɽan ntərtiaŋna , orn đoɽəbajia đafo đero .
Ndǝ loman lǝɽǝñađaiđo , Eliya naŋǝṯoɽaṯe đǝɽiđinia đǝ-rǝmwa . Nṯia nǝŋǝlǝwëɽiṯi leđa ṯa alǝɽǝjeice ŋǝwua ŋëɽia ređ na ŋǝɽəjian iŋi ŋoɽra ëđuna eđəpe iđiɽǝđinia ŋen ŋanṯa oṯe , eđe na com labate ildi ëđuna yəfau naiyəɽeṯe ŋaw đuri.
Naṯia Eliya naŋəbuŋṯi Rəmwa, "yauwe , Rǝmwa iri r-Ibrayim. r-Isag na r-Yagub aŋǝceinde điñiđi ŋen ṯa agǝɽo Rǝmwa r-Israyil naŋen ṯa egaɽo ibai gəlëɽəŋa. Uɽəbiṯiñe ŋen ŋen ŋanṯa leđa aləŋeṯe ŋen ṯa agaɽo Rəmwa rləɽëñi đeṯəm."
Na taltal,sia nayiruwa elambal na nayuɽi eđe, rənduwi, ŋəɽata, na ŋawa iŋi ŋəfo ŋaɽəđaṯo ləmbruwađa eɽo. Ndə leđa ləsëcu ŋen iŋi, lənëŋulu ldəmwuđəñinṯi alo ldaṯa,"Yauwe gaɽo Rəmwa! Yauwe gaɽo Rəmwa!"
Nṯia Iliya naŋaṯa, ñerṯe ñaŋgiṯia eđa gənəŋ eleđa ləŋəɽëuwen ŋəbṯa aləmñe!" Naṯia leđa nalagəndi leđa pređ ild ləŋəɽəuwein Yə-Baal na naləɽəñe.
Na rənëŋu narəluwaɽiṯi eləŋ Ap ṯa,"oɽəbaṯo irənuŋ gəllëɽəŋa taltal,ŋen ŋanṯa ŋaw ŋiđi aŋəđəne."Na taltal lduŋga naŋəđaŋəṯe elo elambal lərmiya, na ŋawa naŋədođe ŋəđəniya ŋwaiña kaiñ. ŋen ŋanṯa Yauwe gaɽəñiađaṯo ŋen ŋəŋəruwaṯa na naŋaŋeiđi ŋen ṯa gaɽo Rəmwa đeṯəm.
Iliga ildi Liliya,Rəmwa narwoṯe eđa gənəŋ gəbərniya Ilisa ṯa aŋəɽeṯe eđa gole gəlëɽəŋu. Rəmwa ndriđi aŋuwara ywaiña Igilisa. Na aŋuwara yənəŋ isi yiđənṯu Naaman, na eđa gənəŋ goɽra eŋen igi gəɽo amëcu, igi gəfo gerṯo ŋəɽaiñ nano ŋeicia kaiñ. Gənëŋu naŋəne ŋen ŋ-Ilisa na naŋeɽəđe Ilisa ṯa aŋəmaiyəđi. Ilisa naŋeɽəđe Naaman ṯa aŋərəđe iŋau ñoman đenəgəɽəjian eđəparnda Đurḏun.
Nṯia ananoŋ Naaman gafo geiciano na gafo gero gonaṯa ṯa gabəđia ŋen ŋənəŋ ŋen ŋanṯa ŋaɽo đajəba ŋen nisi. Orn gənëŋu naŋəməlëđi ŋen eŋəṯəɽa ŋəlëɽəŋu na naŋoɽəṯe iŋau ñoman đenǝŋ na ñəɽəjian eđəparnda Đurḏun. ŋen gabwoṯo iŋau iliga lənṯurṯu, gənëŋu naŋəfiđi aŋəno yəllëɽəŋu yaiđinu! ŋenŋanṯa Rəmwa rafo raiđima.
Rəmwa ndrəđwaṯe nabi ywaiña elorəb. Yənëŋulu naiyəlwaɽəṯi leđa ṯa alerṯe lukwuđəñiṯia ŋombrađa alo na ṯa alaŋaiđi đəđrwaṯa eŋen na ŋəbaiya eleđa ləmaṯan. Orn nabi naiyəgərəñaṯe leđa ṯa ndə lero ləđəruwa iđiđia ŋen eŋen ŋeicia na ṯa aləđəñeđəṯi Rəmwa eŋen, nṯia Rəmwa riđi arəlakəme eŋen eŋen ŋeicia, na rənëŋu riđi arəlnace ŋen ŋubwa.
Iŋiga ŋwaiña, leđa lafo lero ləđiñëđəṯa Rəmwa eŋen. Lənëŋulu lafo labəđia leđa ləđwainu ŋađəna na iŋiga ŋəmaṯan naləɽaiñe. Iliga lənəŋ nabi Yirmiya gafo gëɽnu ilbu lonṯoṯo na naŋgeđijini ŋen ŋanṯa aŋaiye. Na gənëŋu naŋənṯi eŋaico alo ilbu, orn eləŋ naŋerəṯe ŋəbaiyano iŋuŋ na naŋəđwaṯe ləbai əllëɽəŋu ṯa aləmabəleđe ilbu ŋen gəmlu gəbaiya.
Nabi yafo yaborəgwađaṯa eđəɽwata ŋen ŋə-Rəmwa iliga ŋen məldin leđa ləgelo. Lənëŋulu naləgərëñiaṯe leđa ṯa Rəmwa riđi arlakəme ndə lero loɽəbaṯa aŋəno nano. Na lənëŋulu naləŋaici leđa ŋen iŋi Rəmwa rəfo rəgaso leđala egal Masiya igi giđi aŋela.
đumëđənia egađam igi :1g-Ndǝlǝŋ 16:18- 2 Ndǝlǝŋ 5; Irmiya 38 .