41. Rəmwa reduđi Yesu eŋəɽañ
ŋen ṯruwa đaɽu Yesu iđuɽi, nələŋ nal yawuḏ isi yero yəbandia ŋen ləlwaɽəṯi pilaṯus ṯa," igi gəɽëwen, Yesu, gaṯa gënəŋu giđi aŋətođe eŋəɽaiñ eñoman ñəɽijin. ŋen ŋaŋəra ṯa eđa gəneŋ aŋəṯəni ëli ŋen ŋanṯa ṯaləmis ayerṯe yələbaica aŋəno əllëɽəŋu na liđi alwaɽe ta gënəŋu gaṯođo eŋəɽañ."
Bilaṯus nəŋaṯa," mər ṯruwa đəmaṯan ŋen ŋanṯa ađənwane đəl." Nṯia ləkase lwandra lëɽəi đel nəñwa na naŋəɽi truwa ŋen ŋanṯa ađənwane aŋano ṯa eđa aŋerṯe gənaŋ galəbaica.
iliga yesu gǝɽǝnu eđel eloman lǝđǝmiñǝniano, na al yawuḏ yero yǝnǝinia ŋen ṯa yaɽe nḏel eloman lakǝl. na ulaldiṯano bǝrni bǝrnia eloman lǝđǝmiñǝniano, liji ɽrlda ləṯuɽəđaini ṯa aɽe nḏel đəyesu, ṯa alǝmẽcuëđe aŋano yelëɽəŋu ŋelaŋa ŋəmwađa gain̄əla.
Taltal, alo yafo yətəsenu. Na məliayəka iđi đawađialo đəməñiṯəlo rëmwa elo. Na nəyiđwađe lwandra ildi laɽəno nḏel đoba na nəywəɽaŋe. Truwa iđi đafo đənwana đela nəyagəđe aŋəno na nəyëɽiṯe eđuđa garno eđa gaiyo.
ŋen liji ɽrlda ldrəmaṯo nḏel đoba, məliayəka nayəlaṯi ṯa," ñerṯe ñagađəñalo. Yesu gero ëli. Gënəŋu gatođo eŋəɽaiñ, ŋen ŋarno gəlwaɽo! Nwanəđur eđel na ñasəiđi." Liji ɽlda lənwanđe eđel na ləsici alo isi aŋəno yefo yəɽəneu isi Yesu. Lerṯe ləfiđia aŋəno!
Na məlaiyəka nəđaṯi Liji ṯa," mbər na ñəlwaɽəṯi ṯaləmis ṯa ,' Yesu gatođo eŋəɽaiñ na giđi aŋəndəbarđəṯe alo yəjalil.'''
Liji lafo luṯəđəinu ŋəđañəŋa na đəŋəra nano. Lënəŋulu lələləñëṯe ṯaləmis nano ŋenŋa ŋəŋəra.
ŋen liji ləfo eđađ labəla ṯa aləlwaɽəṯe ṯaləmis ŋen ŋəŋəra, na Yesu nəŋələmiñiṯi, na ləmakwuđəñitialo. Yesu naŋaṯa," ñerṯe ñagəđəñalo. Mbər na ñalwaɽəṯi ṯaləmis yëləɽəñi ṯa aɽe alo yəjalil. Lënəŋulu liđi aləñəsaici ṯu."
Đumëđinia egađam-Gə-Maṯṯa 27:62-28:15; Margus 16:1-11; Luka 24:1-12; Yuanna 20:1-18