4. Ɖərreiđia eŋen iđi Rəmwa riđu Ibrayim-ga
inṯəlliaŋ nwaiña eŋau iŋi ŋəraređa alo, leđa lafo lwaiña eləbate təŋ, na lafo ləɽwata ole gonto. Garno ṯa alonṯəcaice ləbate ŋen ŋarno Rəmwa rəlwaɽəṯalo, orn ldərareiđe ndǝɽo na ndabəđe irnuŋ.
lënəŋulu lafo lëmina bɽan, na laber lëna ŋen iŋi Rəmwa rəɽwata. Nṯia lënəŋulu ṯaləbəđo eɽa gwalla gəđaŋṯa elo. Orn Rəmwa ndrəseici ṯa ndə ləbđia ŋəmaɽria ndəɽo ṯa aliđi ŋen ŋeicia, liđi aliđi ŋen ŋwaiña ŋeicia.
Nṯia Rəmwa ndrəriđi ole egen ṯaləɽwato ole ŋəɽwa ɽətəɽeteo na ndrəliđi lafo alo nano eləbate təmətəm. irnuŋ igi lonaṯa ləbəđa gabərnia Babil, ŋen ŋanənu ṯia, "đəjəba ŋen."
Inṯəllia ndređa eređia ređ, Rəmwa ndralwaɽəṯi maje gəbərnia Ibraiym. Rəmwa ndrəmalwaɽəṯi ṯa," məño irnuŋ na eleđa leɽa gëləɽəŋa na ŋaɽe alo isi igiđi iŋaŋaici. Igiđi iŋabuŋṯi na iŋiđi agoɽra irnuŋ. Igiđi ñiđi irəŋ gëləɽəŋa goɽra. Igiđ ñabuŋṯi leđa ildi ləŋabuŋṯia na leđa ildi ləŋaboŋwa igiđi elaboŋwe. Leđa pređ lalo liđi alɽeṯe labuŋǝnṯu ŋen ŋanṯa ŋa."
Nṯia Ibraiym nəŋəđəñəđiṯi Rəmwa eŋen. Naŋəme wasen gëləɽəŋu, Sarai, ləbaila ildi ləmađuɽəđinṯia pređ na laŋge ildi gerṯəlo na naŋëɽe alo Yəkanan isi Rəmwa raŋacima.
ŋen Ibraiym gərmaṯo alo yə-kanan, Rəmwa ndrəmaiṯi ṯa," sëiđu alo pređ isi yaɽəđaṯaŋa eɽo. Igiđi eŋanace labate pređ ildi agəsecia na đələŋe đələɽəŋa garno đǝraṯe elaŋge." Nṯia Ibraiym naŋəfeṯe alo yakəl.
Eloman lənəŋ, Ibraiym ldopəđaiđe Malkisaḏaka, igi gəɽo kana I-rəmwa irri roɽra elaŋge pređ. Malkisaḏak nəŋbuŋṯi lbrayim na naŋaṯa," wande ṯa Rəmwa irri roɽrəṯu laŋge pređ irri rerəṯo elo na alo aŋabuŋṯi Ibraiym. Nṯia Ibraiyam naŋənace Malkisaḏak laŋge elaŋge ildi əllëɽəŋu leɽo ređ.
Inṯəlia nwaiña nəbəɽo, orn lbraiym na sarai məldin lero ləbërəṯa ŋere. Rəmwa ndrəlwaɽəṯi Ibraiyam na ndrəɽi ŋen təŋ ṯa giđi aŋerəṯe ŋere na aŋerəṯe đələŋe đəwaña garəno ropa relo. Nṯia Ibraiyam nəŋëndi ŋen ŋ-Eləŋ Rəmwa na nəŋumiđənṯi ŋen ṯa gënŋu gađurwatu eŋen ŋen ŋanṯa gaŋənṯu ŋen.
Nṯia Rəmwa ndriđi đərrëiđia eŋen Ibraiym-ga, đərrëiđia eŋen đaɽo đeɽəbəđia eŋen. Rəmwa ndrəmaiṯi ṯa," igiđi eŋanaice ŋere egaŋəno yëlaɽeŋa. Igiđi enace đələŋe đələɽəŋa alo yi-kanan," orn Ibraiym gafo gero gəbərṯa ŋere məldin.
Đumëđənia iđigiđia Ađam: Gəđətođalo 11-15