20. Đəməñia na đoɽəbeđia
ŋələŋe ŋ-Israyil na ŋal-yawuḏiya ŋiđu ŋen ŋeicia ŋegiya Rəmwa. Lənëŋulu lagero đərreiđia ŋen iđi liđu Rəmwara alo y-Sina. Rəmwa ndrəđwaṯe Nabi yəllëɽəŋu đəgerëiñaṯađa ṯa alṯađe ŋen eŋen ŋeicia na ṯa alukwuđǝñiṯi Rəmwa alo təŋ, orn lənëŋulu lerṯe lənaṯa.
Nṯia Rəmwa ndrənaice ŋələŋe ŋen ŋubwa na rënəŋu ndrəŋgiṯi leđa ildi ləɽo ëmcu egen ṯa aləməntađe. Orn eŋələŋe ŋəleđa Ləsuriya, igi gerṯo ŋabəɽa na gero ŋəbaiyano, nəŋəmandəđe ŋələŋe ŋ-Israyil. Na Leđa lə-Siriya ləɽaiñe leđa lwaiña eŋələŋ ŋ-Israyil, ldarəpe laŋge ildi lwaiña iliyano pređ, na lənëŋulu luwɽi alo yoɽra irnuŋ gakəl .
Leđa lə-Siriya ɽərreiđi leđa pređ ildi ləɽo ŋoɽwa, na ildi ləɽo nələŋ na leđa ildi lerṯo đələŋeṯa na ldələmamaṯe alo Yi-Siriya. Orn leđa ildi ləɽo ŋabəyiaŋəno lerəṯe ləɽiñinia lənëŋulu ləṯëđəni eŋələŋe ŋalo Y-Israyil.
Nṯia leđa Lǝsiriya ldəmame leđa ildi lajəbaṯo ṯa aləfeṯe irnuŋ igi ŋələŋ ŋisrayil ŋəfo ŋəfau. Leđa ildi lajəbaṯo ləbəjeđe irənuŋ igi gəfo gǝgro na ləmame liji lisrayil ildi lafo ləṯađənu. Orn đələŋe đi-Israiyil iđi đəmaməđo leđala lajəbaṯo nəđanəjini ṯa leđa ləsa̵mariya.
Leđa leŋələŋ ŋal yawuḏ ldəseici ŋen ŋubwa iŋi leđa leŋələŋ ŋisrayil ləneinu ŋen lero ləbëndia ŋen na lənaṯa Rəmwa . Orn məldin ṯalukwuəđəñiṯu imwa alo isi yəpiano, na com imwa yeleđa Ləkanan. Rəmwa ndrəđwaṯe Nabi ṯaw aŋəlwaɽəṯi, orn lënəŋulu lerṯe ləna.
Ndə nṯəlia nəbɽo ndređia ređ iliga ildi leđa L-Asiriya ləgero ŋələŋe ŋi-Israyil, Rəmwa ndrəđwaṯe Nabukəṯənasr, eləŋ galo yə-Babylon, ṯa aŋëndi ŋələŋe ŋalo Yawuḏiya. Orn Babylon gafo gerṯo ŋabəɽa ŋoɽra kaiñ. Eləŋ galo Yawuḏiya naŋaŋənṯi ŋen ṯa aŋəɽeṯe ibai gə-Nabukəṯənasr na ṯa ṯaŋəmabəɽo Algurus ywaiña inṯəlia pređ.
Orn inṯəlia nətafr, eləŋ galo Yawuđiya naŋgace Babylon eŋen. Nṯia, leđa lə-Babylon ldela na lëndi ŋələŋe ŋalo Yawuḏiya. Lənëŋulu lëndi irnuŋ Gursalim, laməndëđe al yəkal, na ldarəpe laŋge pređ ildi lafo inəmuđun nirnuŋ na nal yəkal.
Ṯa alnaice eləŋ galo Yauḏiya ŋen ŋubwa, ṯruwa Đənabugəđṯənasir nəđəɽeiñe lëmmia lənəleŋ ŋuŋ ndasi na ləmiđi girəmiṯu. Naṯia đəge,lənëŋulu ləŋgaici eləŋ ṯa aŋəɽe aŋaiyəṯe egarəŋ alo Yəbabylon.
Nabugəđənasir na ṯruwa đəlëɽəŋu leməme leđa pređ eŋələŋ ŋalo Yawuḏiya alo Yəbabylon, ləṯađe leđa ildi laɽo ŋəbaiyaŋəno nḏruṯu ṯa aliđi ŋəmaɽria inii. Iliga ildi ŋen leđa ɽ-Rəmwa ləṯərənëṯainu eŋen ṯa alṯađe alo yəđəgasa ŋen yəbarnia alo yəđəmeiña.
Orn ṯia com ndə Rəmwa rənaico leđa ŋen ŋubwa əllëɽəŋu ŋen ŋanṯa ŋeicia eŋen ndrələđwaṯe eđëñwa, rənëŋu ndrerṯe rəluwajəbainia na đəgasa ŋen đəlëɽəŋu. Rəmwa ṯərërəmoṯo leđa ləlëɽəŋu na ṯarəldwaɽiṯu alənabiya-ya. Gənëŋu naŋgase ŋen ṯa, ndə nəṯila nəŋgaṯo ndređia đənəŋ na gəɽəjan, na lənëŋulu liđi aloɽəbaṯe alo isi Rəmwa rəlwaɽəṯəlau təŋ.
Garno nəṯilia ndređia đenəŋ na gəɽajan, Syrus, eləŋ gəleđa lalo Yaperisia, naŋəđəme leđa Ləbabylon, nṯia ŋələŋe ŋeleđa Ləparsiyia naŋəmaləđiađe eŋələŋ ŋəleđa Ləbabylon. Leđa Lisrayil đəñëđi labərnia Alyawuḏ na lənëŋulu lafo lwaiña ɽəŋa alo Yǝbabylon. Orn leđa ləməṯan lal yawuḏ ildi loɽra inṯəlia ṯaləlëləŋəđeinu alo isi yawuḏiyia.
Na ŋələŋ ŋəleđa Ləparsia ŋafo ŋonṯəṯo orn ŋerṯo ŋəbaiyano eleđa ildi lëndənu eđəbwuñəđia. Iliga lobəlano ŋen Syrus gaɽo eləŋ galo Yəparisia, gənëŋu ganaiđo ole ṯa ndə Alyawuḏ yafo yənəŋ yonaṯa yoɽəbaṯa alo yawuḏiya aŋəṯađe alo yəparesia na aŋoɽəbaṯe alo yawuḏiya. Gənëŋu com naŋənaiđe algurus ta aləbëcəđe al yəkal təŋ! Nṯia, ndə nətilaŋ nəŋgaṯo ndređia đenəŋ na gəɽijan, leđa latəfr ildi leɽo Alyawuḏ loɽəbaṯe irnuŋ G-ursalim alo Yawuḏyia.
ŋen leđa ldrəmaṯo alo Yursalim, lənëŋulu labəđe al yəkal na laɽëđaṯe eɽo. Lənëŋulu lafo labərəlda ŋələŋeŋa ŋəleđa ɽrǝto, na com lenëŋulu ləfeṯe alo isi Rəmwa rə'ɽəṯǝlo na ṯələbuŋṯu Rəmwa egal yakəl.
Đumëđənia eg-ađam: 2 Gənələŋ 17;24-25;2 Lawain 36;Esra 1-10; Nemaiya 1-13