27. Đumëđənia đeđa gəsamaria igi gəŋəra

Loman lənəŋ, eđa gəbërrəŋiđia ŋen ŋal-ganun gal-Yauḏ geṯo ṯa aŋindaici Yesu, nəŋaṯa," eđa gəbërrəŋiđia ŋen, igëbəđia ṯau ṯa yerṯe đaməṯia đəbeɽəbəte?" Yesu nəŋəmiṯi ṯa," wandigi gəwërriđənu igal ganun Yərəmwa?"

Eđa igi gəbərrəŋiđia ŋen nəŋaṯa ṯa al-ganun Yərəmwa yaṯa ṯa," bwiṯu eləŋ Rəmwara rəlaɽəŋa arga, usilaga, ŋabəɽaŋa, ŋəṯəɽeŋa na ŋubwiṯi eđaga igi gaɽo euwər garno etam gəlaɽəŋa." Yesu nəŋəmiiṯi ṯa," ŋen ŋafo ŋope! Iđu ŋen iŋi na agiđi ŋaməṯe."

Orn eđa gəbërrəŋiđia ŋen gafo gwonaṯa geləŋeṯa eŋen ṯa gaɽe gafo ŋope, orn naŋeɽəđe ṯa," əsëgi gaɽo uwër yəlëɽəñi?"

Yesu nəmuɽəbiṯi eŋen ṯa," eđa gənəŋ gamiño alo Yursalim gonaṯa gabəṯa alo Yariya."

"Orn iliga gafo eđađ ndom nəməndi, nəmabaṯe laŋge pređ gənəŋu gerəṯəlo nəmëpwi nabəla nəməŋgiṯi gafo ŋəɽaiñ ṯwaiñ. Nṯia Nalabəla"

"Orn Kana yənəŋ yafo yabəla eđađ đakəl. Na ndə yaseicu eđa igi gibəno, niyamiñ alo yarto niyabəla, ləneđe eđa igi gonaṯa gamađinia

"Na eđa gənəŋ gaɽo lawi nəŋəmiñe eđađ iđei com. (gənëŋu gaɽo alyaud). Nəŋarəməṯe alo yakal nəŋela ṯaŋəseicu eđa orn nəŋəmiñe alo yarto nəgabəla."

Orn eđa gənəŋ gəsəmariyin. Nəŋəmiñe eđađ iđei com nəŋəfiđi eđa. Ndə gəsəicəma nəŋəmaɽəṯe ŋəbaiyaŋəno. Gënəŋu nəŋəmaɽe nano nəŋəmaicwađe ŋela ŋawa ŋinəb irëɽi."

"Nəŋəmakase ndrənana nəŋəmape ŋəɽiŋgiaŋa ŋəlëɽəŋu ldabəṯa alo yal kurnu ṯaŋəmarəmaṯo."

"Na ulaldiṯano, gënəŋu nəŋəme gǝrus yarno riyal nəŋənaice maji gerṯo alkurnu nəməmeiṯi ṯa, rəmoṯo eđa igi na ndə isi yaṯo yero yaɽəwađaṯia elaŋge ildi agananaicəlo maji, igiđi eŋëɽijiṯia algəru ndə igoɽəbəđo."'

Orn Yesu nəŋeɽəđe maji ṯa, "əsëgi eleđa ildi liɽijin gaɽ ëuwer gamaji igi ndom nëndəma?" "Na maji nəŋaṯa fəmaji igi gagaiṯəma ŋəbaiya nano." "Yesu nəŋəmeiṯi ṯa mbu ŋiđi ṯia com."

Đumëđənia ig-ađam :Luka 10:25-37