29. Đumëđǝnia đebai igi gero ŋǝbǝiyano

Iliga lǝnǝŋ ,Buṯrus naŋeɽǝđo yesu ,"nǝŋǝmaiṯi ṯa , ya elǝŋ , ñoman ñǝɽo mǝnəu ndǝ orañ gǝñiṯia ŋen ŋeica ṯa imǝŋgǝđëci ŋen? Ñoman đenəgəɽəciana? Yesu naŋaṯa, gerəṯa ñomanđenəŋ nəgəɽəjian, orn ñoman ndređa đenəgəɽəjian na alo đenəŋ nəgəɽəjain!" Na ŋenṯia, Yesu gabaŋaiđia ŋen ṯa aləŋgađaiđiar ŋen ŋeica nṯia Yesu naŋəlwaɽəṯi ŋenəŋa ŋəđumëđinia.

Yesu galuwaɽo naŋaṯa, "ŋələŋe ŋə-Rəmwa ŋarno eləŋ gənəŋ igi gerəṯo laŋge ləbaiyəla ṯa aləŋobɽe. Orn ibai gənəŋ elorb naŋerəṯe amëcu kwuaiña garno nṯəliaŋ 200,000."

Iliga ləbai lero ləɽwađaṯa ṯa albəɽđe laŋge elden, eləŋ naŋəlaiṯi ṯa, ṯëuer maje igi na eɽia gəlaɽiŋu garəno eđa gəđuɽəđənia ṯa aŋəbəɽəđe amëcu gəlaɽiŋu."'

"Orn ibai naŋiɽiṯi ndrianalo nəlaɽiŋu eləŋ nëñua naŋaṯa, naṯəñe aɽənu đəñiano iñi, ŋen ŋanṯa igiđi eŋabɽe amëcu pređ igi gəlaɽeŋa. Ndə eləŋ gəno ŋen ibai gəluwaɽəṯəma ŋen naŋəmaɽəṯe ŋəbaiyaŋəno, nṯia naŋgere ŋen ŋamëcu gəlëɽiŋu naŋəmaŋgiṯi naŋəɽe."

"Orn ndə ibai gəṯađo alo yeləŋ, ganəŋu naŋəfiđi ləbai ildi ləɽo lorb ləfo lerəṯəlda amëcu garəno nubwa marldwan eđəbɽa eđen. Ləbai ləgəɽwađaṯe orba na naŋaṯa, bɽəñe irial isi neŋalonaṯa nano!"

"Ibai igi gəɽo orəb naŋəmiɽiṯi erəmanəŋ rəlaɽiŋu naŋaṯa, naṯəñe aɽənu đəñiano iñi, igiđi eŋabəɽe igamëcu pređ igi agəñonaṯa nano, 'orn garəno ŋen ṯia, ibai naŋəđwaṯe orba alo egara ilda ndə gəpëɽəđo amëcu gəlaɽiŋu."

"Na ləbai lǝmaṯǝn elorəb lǝsǝcu ŋen iŋi ŋiđunu ŋoɽra ŋəɽo đinṯëcia. ləɽe eləŋe nano na naləmalwaɽəṯi ŋen pređ."

"Na eləŋ naŋundəđi ibai na naŋəmaiṯi ṯa, 'ya ibai gabia eŋen! igaŋgiđiciaŋa amëcu gəlaɽiñi ŋen ŋanṯa agafo ageɽəđəñe. ŋen ŋarəjiađaṯo ṯa ŋiđi ŋen ŋen ŋarəno igiṯiaŋa. 'Eləŋ gafo gaciano na naŋəɽi ibai egaraŋ ŋen ŋanṯa giđi aŋəmabəɽe amëcu gəlaɽiŋu pređ."

Orn Yesu naŋaṯa, "fəŋen iŋi ŋiđi aŋəfeṯe nəpapa gəlaɽiñi elo ndə ñiagero ñiagəŋgađëcia lorəldalada ŋen eŋen ŋeica enare enalo."

đumëđǝnia egađam Gǝ:maṯṯa :18-21:35