33. Đəmwëđinia đeđa igi gəlaɽa

Orn eloman lənəŋ, Yesu gafo gabarəŋacia leđa ŋen ildi lwaiña đəparnda nano. Leđa lwaiña leṯo Yesu nano ṯa aləne ŋen iŋi ganəŋu gonaṯa ṯa aŋəlwaɽiṯi orn ganəŋu naŋapoṯe iđəpundr iŋau ṯa aŋəfiđi alo yəbrano. Ganəŋu naŋəɽaŋe iđəpundr na naŋarəŋeici leđa ŋen.

Yesu naŋəlwaɽiṯi ŋenŋa ŋəđumwëđənia ṯa."Eđa gəlaɽa gabɽo i-gii ṯa aŋuwađe ŋəlwa. Ndə gələlađo ŋəlwa ŋëləɽəŋu alo pređ, ŋəmaṯan naŋirtiṯi eđađ, nṯia ndəfia nəlase pređ."

"Na ŋəlwa ŋəmaṯan naŋirtəṯi alo yəɽo ŋwandr, alo isi đuđa đafo đatəfr. ŋəlwa iŋi ŋafo ekəl yaɽo ŋwandr naŋopəđe taltal, orn urndia egen naŋerəṯe giruwëṯa egal yoleno iđuđa. Ndə ađëñina yuwɑđənu yibuwa, nuɽi nanəmiđiṯi aŋəno na nanaiye."

"Nṯia məldin ŋəlwa ŋəmaṯan naŋirtəṯi egal yaɽo rri. Orn ŋəlwa ŋakəl naŋətođe na rri narəlagantəđaiđi. Nṯia ŋəlwa iŋi ŋobəđo ekəl yaɽo rri naŋerəṯe ŋələŋa liđia kwai kwai."

"Orn ŋəlwa ŋəmaṯan naŋiɽiṯi iđuđa đəŋəra. ŋəlwa iŋi naŋobəđe na naŋələŋe liđia luwaiña garno, 30, 60, orn məldin 100 ŋəməñaṯo ŋəlwa ŋananoŋ iŋi ŋafo ŋuwađənu. Eđa igi gerəṯo nanəŋia ŋgiṯəmar aŋəne!"

Ɖumwëđinia iđi naŋəruđaiđi leđa nano ildi letateṯa Yesu. Nṯia Yesu naŋələgiriṯi ŋen ano ṯa, "ŋəlwa ŋaɽo ole gə-Rəmwa. Ɖađ fəŋu eđa igi gəna ole gə-Rəmwa orn naŋerəṯe gələŋeṯa ŋen, or seṯan nayələmaṯe ole egen."

"Alo isi yeɽo ŋwadr yarəno eđa igi gəno ole gə-Rəmwa na naŋaŋənṯi đəŋərađa nano. Orn ndə ŋen ŋaɽəŋacima ŋəbəɽaŋəno walla ŋəbwa, ganəŋu naŋoɽëbəṯe nṯurṯu."

" Alo isi yaɽo rii yarəno eđa igi gəna ole gə-Rəmwa, orn ndə liga ləbəɽo, đamia, ŋələŋe, na đonaṯa đəđaməṯia đëləɽəŋu naŋəmađərənađiđe alo iđəbwa đə-Rəmwa. Nṯia, ndə geno ŋen ŋəđarəŋainiya ganəŋu naŋerəṯe gənaiđia ŋen ŋeŋəra."

" Orn đuđa iđi đeŋəra đaɽo eđa igi gəno ole gə-Rəmwa,ganəŋu naŋëndi ŋen, na naŋələŋe liđia lwaiña."

Đəmwëđinia egađam:Gə-maṯṯa13:1-8,18-23;Markos 4:1-8;13-20;Luka 8:4-15