ŋen ŋəđëređia aŋano

Lomanəŋ, Yesu naŋəmame leđa ləđwainu əllëɽəŋu liɽijin, fəŋu Butrus, Yagob, na Yuanna, (eđa gənəjinu Yuanna gafo gero gəɽia gonto eđaga igi gemamuṯi Yesu.) lənəŋulu ldəbəṯe nayən ywala bəɽan ṯa alṯurṯi Rəmwa.

Garno Yesu gafo gaṯaṯurṯia Rəmwa, isiano ilëɽəŋu nayewađo alo yarno ëđəñinia na ndərenia nəlëɽəŋu nəbəjəṯe narno arrerre, nəbëcəṯu orəba eđa gero gənəŋ galo igi gaɽəwađaṯia gëbəđia erenia gəbəjo garno ṯia kwai kwai.

Nṯia Musa na nabi Iliya lələməñiṯi. leđa ildi lafo lafo alo nətəliaŋ eređia ređ. lənëŋulu ləɽwate Yesuŋala eŋəɽaiñ ŋəlëɽəŋu, iŋi ŋiđi aŋəfeṯe taltal alo Yursalim.

Garno Musa na Ilaiya lafo laɽwata Yesuŋala, Buṯrus naŋaiṯi Yesu ṯa, "ŋen ŋaŋəra ṯa alfeṯər ëli. Aliđər ŋutu ŋiɽijin lənəŋ ləlaɽəŋa, lənəŋ lə Musa na lənəŋ lə Iliya." Butrus gafo gajəba ŋen iŋi gënəŋu gaɽəwata.

Garno Buṯrus gafo gəɽwata, đëba nəḏəleṯa nano đwađo alo na ole nəŋela eđaba naŋaṯa, "fuŋuŋ iđia gəlëɽəñi igi igəbwamaiya igəŋərəṯəma nano. naṯəmar." Ləmateṯa liɽijin lafo lađəñalo kaiñ na ldirətəṯi alo.

Nṯia Yesu naŋələpre naŋaṯa, ñerṯe ñəgađiñalo. tođər." ŋen lənwanəđəno erəte, lënəŋulu lasëici Yesu gafo gonto.

Yesu na ṯaləmis yəɽijin loɽəbəđe na loɽəbaṯe naiyan. Nṯia Yesu naŋəlaṯi ṯa, ñerṯe ñagəlwaɽəṯia eđa ŋen ŋənəŋ iŋi ŋiđenu ëli. Igiđi ñaiye iliga lətafər na igiđi ñeməṯe təŋ. Nṯia đəge, ñagiđi ñalwaɽəṯe leđa."

Đumëđənia egađam:Gə-Maṯṯa 17:1-9; Margus 9:2-8; Luka 9:28-36