48. Yesu gaɽo Al-masiya igi ŋen ŋəfo ŋəlwaɽənu iŋu
ŋen Rəmwa riđu alo, laŋge pređ lafo lafo ŋobe.ŋen ŋeicia ŋafo ŋero. Aḏam na Awa lafo labwuđiya, na lënəŋulu lafo labwa Rəmara. Đwuma đafo đero walla ŋəɽaiñ. Fəŋen iŋi Rəmwa rəfo ronaṯa alo ṯa aiyofeṯe.
Orn seṯan naiyənṯi irəmwa reicia alo igri ŋen ŋanṯa ayəgibṯi Awa alo.Orn lënəŋulu ntəm Ađamga ldiđi ŋen ŋeicia ŋgiya Rəmwa.ŋen ŋanṯa lënəŋulu lafo liđu ŋen ŋeicia,naṯia leđa pređ lalo ṯalwukumiṯu na ṯalaiyo
ŋen ŋanṯa Aḏam na Awa liđu ŋen ŋeicia,naṯia ŋen ŋəbɽaŋəno naŋəleinṯi.Lënəŋulu nalerəṯe amëcu gə-Rəmwa. Garno ŋen ŋiđinu ṯia,leđa pređ liđi ṯaləŋəđo ŋeiciaŋa nano na com ṯa alɽeṯe amëcu gə-Rəmwa.Đeɽəbəđia ŋen eđen Rəmwara đafo đəgirnu ŋenŋa ŋeicia.Orn Rəmwa rëɽu ŋen ṯa aroɽəbaje đeɽəbəđia eŋen eđen.
Orn Rəmwa narəgase ŋen ṯa eđa gənəŋ eleđa ləbapanda l-Awa liđi aləpwuɽi Seṯan nda,na Seṯan yiđi ayəmase əlɽwa.ŋen ŋanṯa ṯa Seṯan yiđi ayəɽeiñe Aləmasiya,orn Rəmwa riđi arəmaduđi təŋ gəməṯo,naṯia Masiya giđi aŋəđame ŋabɽa ŋəseṯa bəɽəbəte.Ndə nṯəliaŋ nəbəɽo nwaiña đəge,Rəmwa naraŋeiđi Yesu ṯa gaɽo Aləmasiya.
ŋen Rəmwa rəməndađo labade pređ ŋawŋa iŋi ŋəređa alo,Rënəŋu ndrənaeđe đəpundri ṯa ađəbri leđa ildi lëndu ŋen ŋəlëɽəŋu,na məldin ŋen ŋafo ŋunainia leđa nano ṯa aləməndëđəni ŋen ŋanṯa ŋeicia eŋen,orn Rəmwa narəneiđe Yesu ṯa aŋəbri leđa pređ ildi lëndu ŋen ŋəlëɽəŋu.
Garno nṯəliyaŋ ntređia ređ, leđa ləkanna ṯaləməñiađaṯo nëiñua iđəɽəđənia đə-Rəmwa eleđa ṯa aŋaŋeiđi đagəme iđi lënəŋulu ləfo lonaṯa iŋeicia eŋen. Orn điɽəđiniya iđi đaber điđi ađəŋgeici ŋen ŋeicia. Yesu gaɽo eđa goɽra eŋen ŋaləkanun,gënəŋu ganeiđo điɽəđənia ŋu bɽan ŋen ŋanṯa aŋgeici ŋen pređ ŋəleđa lalo. Yesu gafo gaɽo irəŋeiđi gəŋəra ŋen ŋanṯa gënəŋu gamo ŋen ŋubwa ŋəŋen ŋeicia pređ iŋi leđa ləfo liđu.
Rəmwa ndreiṯi Ibrayim ṯa,"Leđa pređ lalo liđi aləbuŋənṯi ŋen ŋanṯa ŋa."Yesu gafo gaɽo đələŋe đəleđa l-Ibrayim. Leđa pređ lalo labuŋənṯu iŋu, lënəŋulu pređ ildi lëndu ŋen ŋə-Rəmwa liđi alëbərni i-ŋeicia eŋen, na lënəŋulu nalɽeṯe usila gəliđia l-Ibrayim.
ŋen Rəmwa rəlwaɽəṯu Ibrayim ṯa aŋənaiđe iđia gëləɽəŋu, Isag, iđəɽəđənia, Rəmwa ndrənaiđe lɽruma lëđəɽəđənia ṯa aŋəraṯe eŋen ŋiđia gëləɽəŋu, Isag. Laŋgr pređ ŋen ŋarəjiađaṯo ṯa alaiyr eŋen ŋeicia! Orn Rəmwa ranaiđo Yesu, igi gəɽo lɽruma ɽ-Rəmwa ŋen ŋanṯa aŋiđi đəɽəđənia na ṯa aŋaiye eŋen iŋëndr.
ŋen Rəmwa rəđwaṯo ŋəɽaiñ ŋəđəpɽwa alo Yəmasir, Rënəŋu ndrəlwəɽiṯi leđa Lisrayil ṯa aləɽeiñe lɽruma lero amrta nano na ṯa aləgëɽi ŋifini isëur erbe na erte. Ndə Rəmwa rənwano ŋifini,rënəŋu arṯađaṯe eɽa gakəl na raber riđi arəɽeiñe ñere ñǝɽo ŋəɽwa iñi ñərrwa. ŋen iŋi ŋarno ti̱a ëmđia gəđəburnia nano.
Yesu gaɽo lɽruma lëmđia igëndr gəđəburnia nano. Gënəŋu gafo gəđurwaṯo eŋen na gero ŋen nano ŋeicia na gënəŋu naŋəɽəñini iliga ildi lëməđia gəđəŋəra nano galəffisa.Ndə eđa gənəŋ gëndu ŋen ŋi-Yesu, ŋəfini ŋi-Yesu ŋapəɽəma i-ŋeicia, na đagəme đə-Rəmwa đerəma nano.
Rəmwa riđu đərreiđia eŋen leđala l-Israyil, ildi ləfo aləsoŋ. Orn rënəŋu đəñiđi ndriđi đərreiđia eŋen đəmaijən iđi đəleđa pređ. ŋen ŋanṯa ŋen iŋi ŋəđərreiđia eŋen đəmaijən, eđa gənəŋ eleđa ləŋəɽwa giđi aŋəɽeṯe aŋəno yəleđa ildi lëndu ŋen ŋə-Rəmwa yi-Yesu
Musa gafo gaɽo nëbi yoɽra isi yəɽwato eŋen ŋə-Rəmwa. Orn Yesu gënəŋu gaməñaṯəlo pređ. Gënəŋu gaɽo Rəmwa, naṯia laŋge pređ ildi giđəlo na gəlwaɽo laɽo ŋəmaɽria na ole gə-Rəmwa. Fəŋen iŋi ṯia ṯa Yesu gaɽo ole gə-Rəmwa.
Rəmwa ndrəgase ŋen ŋeləŋe Ḏauḏ ŋen ŋanṯa eđa gənəŋ eđələŋe giđi aŋirndi ŋələŋe eleđa ɽ-Rəmwa bəɽəbəte. ŋen ŋanṯa Yesu gaɽo iđia gə-Rəmwa na Masiya, gënəŋu igi gafo aləsoŋ eleđa lə-Ḏauḏ gënəŋu giđi aŋirndi leđa bəɽəbəte.
Ḏauḏ gafo gaɽo eləŋ g-Israyil, orn Yesu gaɽo eləŋ gelo na galo pređ! Gënəŋu giđi aŋoɽəbəđia təŋ na aŋagəme ŋələŋe pređ ŋəlëɽəŋu đəṯruwəṯađa ŋen na đëuṯaralo, bəɽəbəte.
Đumëđənia egađam:Gəđətođalo 1-3,6,14;Gəđəməñia 12,20;2 Samuel 7; Ibranin 3:1-6,4:14-5:10,7:1-8:13,9:11-10:18;Ruiya 21