1 Weche Mag Ndalo

Chapter 1

Nonro mar ndiko chakre Adam nyaka Ibrahim

Yawuot Noa

¹ Adam nonywolo Seth, Enosh.

² Kenan, Mahalalel. Mahalalel nonywolo Jared,

³ Enok. Enok nonywolo Methusela, Lamek.

Lamek nonywolo Nowa.

⁴ To Nowa nonywolo Shem, Ham kod Jafeth.

Joka Jafeth

⁵ Yawuot Jafeth ne gin:

Gomer, Magog, Madai, Javan, Tubal, Meshek kod Tiras.

⁶ Yawuot Gomer ne gin:

Ashkenaz, Rifath kod Togarma

⁷ Yawuot Javan ne gin:

Elisha, Tarshish, jo-Kitim kod jo-Rodan.

Joka Ham

⁸ Yawuot Ham ne gin:

Kush, Mizraim, Put kod Kanaan.

⁹ Yawuot Kush ne gin:

Seba, Havila, Sabta, Rama kod Sabteka.

Yawuot Rama ne gin:

Sheba kod Dedan.

¹⁰ Kush ne en wuon

Nimrod, mane en jalweny maratego e piny.

¹¹ Mizraim ne en wuon

jo-Lud, jo-Anam, jo-Lehab, jo-Naftu,

¹² Jo-Pathrus, jo-Kaslu (ma jo-Filistia nowuok kuomgi) kod jo-Kaftor.

¹³ Kanaan nonywolo

Sidon wuode makayo, kendo jo-Hiti,

¹⁴ jo-Jebus, jo-Amor, jo-Girgash, ¹⁵ jo-Hivi, jo-Arki, jo-Sini, ¹⁶ jo-Arvad, jo-Zemar kod jo-Hamath.

Joka Shem

¹⁷ Shem nonywolo

Elam, Ashur, Arfaksad, Lud kod Aram.

Aram nonywolo

Uz, Hul, Gether kod Meshek.

¹⁸ Arfaksad nonywolo Shela,

to Shela nonywolo Eber.

¹⁹ Eber nonywolo yawuowi ariyo:

wuode makayo nochako ni Peleg, nikech e ndalono ema nopogie piny, owadgi to ne nyinge Joktan.

²⁰ Joktan nonywolo

Almodad, Shelef, Hazarmaveth, gi Jera,

²¹ Hadoram, Uzal, Dikla, ²² Obal, Abimael (kata Ebal), gi Sheba, ²³ Ofir, Havila kod Jobab. Jogo duto ne gin yawuot Joktan.

²⁴ Shem nonywolo Arfaksad, Arfaksad nonywolo Shela.

²⁵ Shela nonywolo Eber, Eber nonywolo Peleg. Peleg nonywolo Reu,

²⁶ Reu nonywolo Serug. Serug nonywolo Nahor, to Nahor nonywolo Tera.

²⁷ Tera nonywolo Abram (ma bangʼe noluongo ni Ibrahim).

Joka Ibrahim

²⁸ Yawuot Ibrahim ne gin: Isaka gi Ishmael.

Nyikwa Hagar

²⁹ Ishmael nonywolo

Nebayoth wuode makayo, Kedar, Adbel, Mibsam,

³⁰ Mishma, Duma, Masa, Hadad, Tema, ³¹ Jetur, Nafish kod Kedema. Jogo duto ne yawuot Ishmael.

Nyikwa Ketura

³² Ketura, ma chi Ibrahim machielo, nonywolo

Zimran, Jokshan, Medan, Midian, Ishbak kod Shua.

Yawuot Jokshan ne gin:

Sheba kod Dedan.

³³ Midian nonywolo

Efa, Efer, Hanok, Abida kod Elda. Magi duto ne gin nyikwa Ketura.

Nyikwa Sara

³⁴ Ibrahim nonywolo Isaka.

To Isaka nonywolo

Esau kod Israel.

Yawuot Esau

³⁵ Esau nonywolo

Elifaz, Reuel, Jeush, Jalam kod Kora.

³⁶ Elifaz nonywolo

Teman, Omar, Zefo, Gatam kod Kenaz.

Timna ma ne en chi Elifaz machielo nonywolo Amalek.

³⁷ Yawuot Reuel ne gin:

Nahath, Zera, Shama kod Miza.

Jo-Seir man Edom

³⁸ Seir nonywolo

Lotan, Shobal, Zibeon, Ana, Dishon, Ezer kod Dishan.

³⁹ Lotan nonywolo

Hori kod Homam. Timna ne en nyamin Lotan.

⁴⁰ Shobal nonywolo

^[1]

Zibeon nonywolo

Aiya kod Ana.

⁴¹ Ana nonywolo

Dishon.

Dishon nonywolo

Hemdan, Eshban, Ithran kod Keran.

⁴² Ezer nonywolo

Bilhan, Zavan kod Akan.

Dishan nonywolo

Uz kod Aran.

Ruodhi mag Edom

⁴³ Magi e ruodhi mane orito piny Edom kane jo-Israel ne pod onge kod ruodhi:

Bela wuod Beor ma dalane maduongʼ niluongo ni Dinhaba.

⁴⁴ Kane Bela otho, Jobab wuod Zera mane ja-Bozra nobedo ruoth kare.

⁴⁵ Kane Jobab otho, Husham mane oa e piny jo-Teman nobedo ruoth kare.

⁴⁶ Kane Husham otho, Hadad wuod Bedad mane oloyo jo-Midian e piny jo-Moab nobedo ruoth kare. Dalane maduongʼ niluongo ni Avith.

⁴⁷ Kane Hadad otho, Samla ja-Masreka nobedo ruoth kare.

⁴⁸ Kane Samla otho, Shaul ja-Rehoboth man but aora nobedo ruoth kare.

⁴⁹ Kane Shaul otho, Baal-Hanan wuod Akbor nobedo ruoth kare.

⁵⁰ Kane Baal-Hanan otho, Hadad nobedo ruoth kare. Dalane maduongʼ niluongo ni Pau, kendo chiege niluongo ni Mehetabel nyar Matred ma nyar Me-Zahab. ⁵¹ Hadad bende ne otho.

Jodong Edom ne gin:

Timna, Alva, Jetheth ⁵² Oholibama, Ela, Pinon ⁵³ Kenaz, Teman, Mibzar ⁵⁴ Magdiel kod Iram. Magi e jodongo mag Edom.

1:40 ^[1] Nying machielo mar Alvan en Alian.

Chapter 2

Yawuot Israel

¹ Magi e yawuot Israel: Reuben, Simeon, Lawi, Juda, Isakar, Zebulun, ² Dan, Josef, Benjamin, Naftali, Gad kod Asher.

Juda

Ne Yawuot Hezron

³ Yawuot Juda ne gin:

Er, Onan kod Shela. Yawuowi adekgi nonywolo gi nyar jo-Kanaan mane nyar Shua.

(Timbe Er ma kach Juda ne richo e wangʼ Jehova Nyasaye, omiyo Jehova Nyasaye nonege.)

⁴ Chi wuod Juda ma Tamar nonywolone Perez kod Zera. Yawuot Juda duto ne gin yawuowi abich.

⁵ Yawuot Perez ne gin:

Hezron kod Hamul.

⁶ Yawuot Zera ne gin:

Zimri, Ethan, Heman, Kalkol kod Darda, ma gin yawuowi abich koriwore duto.

⁷ Wuod Karmi ne en:

Akar mane okelo chandruok ne Israel kuom ketho chik mane orito gigo mowal.

⁸ Wuod Ethan ne en:

Azaria.

⁹ Yawuowi mane Hezron onywolo ne gin:

Jeramel, Ram kod Kaleb.

Yawuot Ram wuod Hezron

¹⁰ Ram nonywolo

Aminadab, to Aminadab nonywolo Nashon mane jatelo mar jo-Juda.

¹¹ Nashon nonywolo Salmon,

to Salmon nonywolo Boaz,

¹² Boaz nonywolo Obed,

to Obed nonywolo Jesse.

¹³ Jesse nonywolo

Eliab, wuode makayo; wuode mar ariyo Abinadab,

mar adek Shimea,

¹⁴ mar angʼwen Nethanel,

mar abich, Radai,

¹⁵ mar auchiel Ozem,

to mar abiriyo Daudi.

¹⁶ Nyiminegi ne Zeruya kod Abigael.

Yawuot Zeruya adek ne gin Abishai, Joab kod Asahel.

¹⁷ Abigael ne en min Amasa ma wuon-gi ne en Jetha ja-Ishmael.

Kaleb Wuod Hezron

¹⁸ Kaleb wuod Hezron ne nigi nyithindo mane onywolo gi chiege Azuba (ma bende ne iluongo ni Jerioth). Magi ema ne yawuote:

Jesher, Shobab kod Ardon.

¹⁹ Kane Azuba otho, Kaleb nonywomo Efrath mane onywolone Hur.

²⁰ Hur ne onywolo Uri, to Uri ne onywolo Bezalel.

²¹ Bangʼe achien, ka Hezron ne ja-higni piero auchiel ne okendo nyar Makir ma wuon Gilead. Nobedo e achiel kode ma nonywolone Segub.

²² Segub ne onywolo Jair, mane orito mier piero ariyo gadek man Gilead.

²³ (Kata kamono, Geshur kod Aram ne omako Havoth Jair, kaachiel gi Kenath kod kuonde mag dak molwore, mane gin mier piero auchiel). Magi duto ne gin nyikwa Makir wuon Gilead.

²⁴ Kane Hezron osetho e Kaleb Efratha, Abija chi Hezron nonywolone Ashur wuon Tekoa.

Jeramel wuod Hezron

²⁵ Yawuot Jeramel wuod Hezron makayo ne gin:

Ram wuode makayo, Buna, Oren, Ozem kod Ahija.

²⁶ Jeramel ne nigi dhako machielo mane iluongo ni Atara, ne en min Onam.

²⁷ Yawuot Ram wuod Jeramel makayo ne gin:

Maaz, Jamin kod Eker.

²⁸ Yawuot Onam ne gin:

Shamai kod Jada.

Yawuot Shamai ne gin:

Nadab kod Abishur.

²⁹ Chi Abishur ne iluongo ni Abihail mane onywolone Aban kod Molid.

³⁰ Yawuot Nadab ne gin:

Seled kod Apaim. Seled notho maonge nyithindo.

³¹ Wuod Apaim ne en:

Ishi mane wuon Sheshan. To Sheshan ne wuon Alai.

³² Yawuot Jada owadgi Shamai ne gin:

Jetha kod Jonathan. Jetha notho kaonge nyithindo.

³³ Yawuot Jonathan ne gin:

Peleth kod Zazar. Magi ema ne nyikwa Jeramel.

³⁴ Sheshan ne onge gi yawuowi, nonywolo nyiri kende.

Ne en gi misumba ma ja-Misri miluongo ni Jarha.

³⁵ Jarha nokendo nyar Sheshan kendo nonywolone Atai.

³⁶ Atai nonywolo ne wuon Nathan,

to Nathan ne wuon Zabad,

³⁷ Zabad ne wuon Eflal,

to Eflal ne wuon Obed,

³⁸ Obed ne wuon Jehu,

to Jehu ne wuon Azaria,

³⁹ Azaria ne wuon Helez,

Helez ne wuon Eliasa,

⁴⁰ Eliasa ne wuon Sismai,

Sismai ne wuon Shalum,

⁴¹ Shalum ne wuon Jekamia,

to Jekamia ne wuon Elishama.

Anywola Kaleb

⁴² Yawuot Kaleb owadgi Jeramel ne gin:

Mesha mane wuode makayo mane wuon Zif

to gi wuode Maresha mane en wuon Hebron.

⁴³ Yawuot Hebron ne gin:

Kora, Tapua, Rekem kod Shema.

⁴⁴ Shema nonywolo Raham,

to Raham nonywolo Jorkeam.

Rekem ne wuon Shamai.

⁴⁵ Wuod Shamai ne en Maon,

to Maon ne wuon Beth Zur.

⁴⁶ Chi Kaleb machielo ma nyinge Efa ne min

Haran, Moza kod Gazez.

Haran ne wuon Gazez.

⁴⁷ Yawuot Jadai ne gin:

Ragem, Jotham, Geshan, Pelet, Efa kod Shaf.

⁴⁸ Chi Kaleb machielo ma nyinge Maaka ne min

Sheba kod Tirhana.

⁴⁹ En bende nonywolo Shaf mane wuon Madmana

to Sheva nonywolo Makbena kod Gibea.

Nyar Kaleb niluongo ni Aksa. ⁵⁰ Jogo duto ema ne nyikwa Kaleb.

Yawuot Hur wuod Efratha makayo ne gin:

Shobal wuon Kiriath Jearim,

⁵¹ Salma wuon Bethlehem kod Haref wuon Beth Gader.

⁵² Nyikwa Shobal wuon Kiriath Jearim ne gin,

Haroe mane nus jo-Manahath,

⁵³ to anywola Kiriath Jearim ne gin: jo-Ithri, jo-Puthi, jo-Shumath kod Mishrai. Kuomgi ema ne jo-Zorath gi jo-Eshtaol owuokie.

⁵⁴ Nyikwa Salma ne gin:

jo-Bethlehem, jo-Netofath; Atroth Beth Joab, nus jo-Manahath, jo-Zor,

⁵⁵ kod anywola mar jondiko mane odak Jabez: jo-Tira, jo-Shimea kod jo-Suka. Magi ne jo-Keni mane owuok e anywola mar Hamath, ma wuon jo-Rekab.

Chapter 3

Yawuot Daudi

¹ Magi e yawuot Daudi mane onywolo ka en Hebron:

Amnon wuode makayo wuod Ahinoam nyar Jezreel,

mar ariyo ne en Daniel wuod Abigael nyar Karmel;

² mar adek ne en Abisalom wuod Maaka nyar Talmai ruodh Geshur,

mar angʼwen, Adonija wuod Hagith;

³ mar abich ne en Shefatia wuod Abital;

to mar auchiel ne en Ithream wuod chiege miluongo ni Egla.

⁴ Yawuowi auchielgi ne onywol ni Daudi ka en Hebron, kuma ne obedoe ruoth kuom higni abiriyo gi dweche auchiel.

Daudi nobedo ruoth korito piny ka en Jerusalem kuom higni piero adek gadek, ⁵ kendo magi e nyithindo mane onywolne Jerusalem kuno:

Shamua, Shobab, Nathan, Solomon. Nyithindo angʼwen-gi nonywolo gi Bathsheba nyar Amiel.

⁶ Bende ne nitiere Ibhar, Elishua, Elifelet, ⁷ Noga, Nefeg, Jafia, ⁸ Elishama, Eliada, kod Elifelet; giduto ne gin ji ochiko.

⁹ Magi duto ne gin yawuot Daudi, ka waweyo yawuote mane onywolo gi mondene mamoko. To Tamar ne nyamin-gi.

Ruodhi mag Juda

¹⁰ Solomon nonywolo Rehoboam,

Rehoboam nonywolo Abija,

Abija nonywolo Asa,

Asa nonywolo Jehoshafat,

¹¹ Jehoshafat nonywolo Jehoram,

Jehoram nonywolo Ahazia,

Ahazia nonywolo Joash,

¹² Joash nonywolo Amazia,

Amazia nonywolo Azaria,

Azaria nonywolo Jotham,

¹³ Jotham nonywolo Ahaz,

Ahaz nonywolo Hezekia,

Hezekia nonywolo Manase,

¹⁴ Manase nonywolo Amon,

Amon nonywolo Josia.

¹⁵ Yawuot Josia ne gin:

Johanan wuode makayo,

Jehoyakim mar ariyo,

Zedekia mar adek,

kod Shalum mar angʼwen.

¹⁶ Joma nokawo loch bangʼ Jehoyakim ne gin yawuote miluongo ni:

Jehoyakin

kod Zedekia.

Nonro mar joka ruoth bangʼ ka gisewuok e twech

¹⁷ Nyikwa Jehoyakin mane onywol ka en e twech ne gin:

Shealtiel,

¹⁸ Malkiram Pedaya, Shenazar, Jekamia, Hoshama kod Nedabia.

¹⁹ Yawuot Pedaya ne gin:

Zerubabel kod Shimei.

Yawuot Zerubabel ne gin:

Meshulam kod Hanania, to Shelomith ne nyamin-gi.

²⁰ Yawuowi abich mamoko mane Zerubabel onywolo ne gin: Hashuba, Ohel, Berekia, Hasadia kod Jushab-Hesed.

²¹ Nyikwa Hanania ne gin:

Pelatia kod Jeshaya, gi yawuot Refaya ma joka Arnan, joka Obadia, kod joka Shekania.

²² Shekania nonywolo Shemaya:

Yawuot Shemaya ne gin: Hatush, Igal, Baria, Nearia kod Shafat. Giduto ne gin ji auchiel.

²³ Yawuot Nearia ne gin:

Elioenai, Hizkia kod Azrikam; giduto ne gin yawuowi adek.

²⁴ Yawuot Elioenai ne gin:

Hodavia, Eliashib, Pelaya, Akub, Johanan, Delaya kod Anani, giduto gin yawuowi abiriyo.

Chapter 4

Nyikwa Juda mamoko

¹ Nyikwa Juda ne gin:

Perez, Hezron, Karmi, Hur gi Shobal.

² Reaya wuod Shobal nonywolo Jahath, to Jahath nonywolo Ahumai kod Lahad. Magi ema ne anywola mar jo-Zorath.

³ Magi ema ne yawuot Etam:

Jezreel, Ishma kod Idbash, to nyamin-gi niluongo ni Hazelelponi.

⁴ Penuel nonywolo Gedor kod Ezer ma wuon Husha.

Magi ne nyikwa Hur, mane en wuod Efratha makayo mane wuon Bethlehem.

⁵ Ashur wuon Tekoa ne nigi mon ariyo, Hela kod Naara.

⁶ Naara nonywolone Ahuzam, Hefer, Temeni kod Hahashtari. Magi ema ne nyikwa Naara.

⁷ Yawuot Hela ne gin:

Zereth, Zohar, Ethnan

⁸ kod Koz, mane wuon Anub, to gi Hazobeba kod anywola mar Aharhel wuod Harum.

⁹ Jabez ne ngʼat marahuma moloyo owetene. Min-gi nochake Jabez, kowacho niya, “Ne anywole gi rem.” ¹⁰ Jabez noywagorene Nyasach Israel, “Yaye, yie igwedha mondo pinyruodha omedre! Mad lweti obed koda kendo orita mondo kik gima rach ohinya kendo abedi maonge rem.” To Nyasaye notimone mana kaka ne okwayono.

¹¹ Kelub, owadgi Shuha nonywolo Mehir mane wuon Eshton. ¹² Eshton nonywolo Beth Rafa, Pasea kod Tehina mane wuon Ir Nahash. Magi ne jo-Reka.

¹³ Yawuot Kenaz ne gin:

Othniel kod Seraya.

Yawuot Othniel ne gin:

Hahath kod Meonothai.

¹⁴ Meonothai nonywolo Ofra.

Seraya nonywolo Joab

mane wuon Ge Harashim. Kanyo niluongo ni Ge Harashim nikech joma nodak kanyo ne joma payo gik moko.

¹⁵ Kaleb ma wuod Jefune nonywolo:

Iru, Ela kod Naam.

Ela nonywolo

ne en Kenaz.

¹⁶ Yawuot Jehalelel ne gin:

Zif, Zifa, Tiria kod Asarel.

¹⁷ Yawuot Ezra ne gin:

Jetha, Mered, Efer kod Jalon.

Achiel kuom mond Mered nonywolo Miriam, Shamai kod Ishba mane wuon Eshtemoa. ¹⁸ Magi e nyithind Bithia nyar Farao mane Mered okendo.

Jaode ma nyar Juda to nonywolo Jered ma wuon Gedor, Heber nonywolo Soko, to Jekuthiel nonywolo Zanoa.

¹⁹ Yawuot jaod Hodia, nyamin Naham ne gin:

Keila ja-Garmi kod Eshtemoa ja-Maaka.

²⁰ Yawuot Shimon ne gin:

Amnon, Rina, Ben-Hanan kod Tilon.

Nyikwa Ishi ne gin:

Zoheth kod Ben-Zoheth.

²¹ Yawuot Shela wuod Juda ne gin:

Er ma wuon Leka, Laada ma wuon Maresha kod jo-anywola maloso lewni Beth Ashbea;

²² Jokim, jo-Kozeba kod Joash gi Saraf mane jatend Moab kod Jashubi Leham. Weche mondikgi noyud koa e kitepe mag ndalo machon. ²³ Magi ne jo-chwe agulni mane odak Netaim kod Gedera, kendo negidak kanyo ka negitiyone ruoth.

Nyikwa Simeon

²⁴ Nyikwa Simeon ne gin:

Nemuel, Jamin, Jarib, Zera kod Shaul;

²⁵ Shaul nonywolo Shalum, Shalum nonywolo Mibsam, to Mibsam nonywolo Mishma.

²⁶ Joka Mishma ne gin:

Hamuel nonywolo Zakur, Zakur nonywolo Shimei.

²⁷ Shimei ne nigi yawuowi apar gauchiel kod nyiri auchiel, owetene to ne onge gi nyithindo mangʼeny omiyo anywolagi duto ne ok obedo oganda maduongʼ kaka jo-Juda. ²⁸ Negidak Bersheba, Molada, Hazar Shual, ²⁹ Bilha, Ezem, Tolad, ³⁰ Bethuel, Horma, Ziklag, ³¹ Beth Makaboth, Hazar Susim, Beth Biro kod Sharaim. Magi ne miechgi nyaka chop kinde loch Daudi. ³² Miechgi abich mamoko mane olworogi ne gin Etam, Ain, Rimon, Token kod Ashan, ³³ kaachiel gi gwenge duto mokiewo kodgi mag dak nyaka chopi Baalath. Magi ne miechgi mag dak.

Kendo negindiko nonro margi:

³⁴ Meshobab, Jamlek,

Josha wuod Amazia, ³⁵ Joel,

Jehu wuod Joshibia, ma wuod Seraya ma wuod Asiel,

³⁶ to gi Elioenai, Jakoba, Jeshohaya,

Asaya, Adiel, Jesimiel, Benaya,

³⁷ kod Ziza wuod Shifi, ma wuod Alon, ma wuod Jedaya, wuod Shimri, wuod Shemaya.

³⁸ Chwo mondik nying-gi malogo ne jotelo mar anywolagi.

Anywolagi nomedore ahinya ³⁹ kendo negidak nyaka oko mar Gedor koma omanyore gi wuok chiengʼ mar holo ka gimanyo kar kwath ne jambgi. ⁴⁰ Neginwangʼo kuonde kwath mabeyo, piny ne lach kendo kwe ne nitie. Jo-Ham moko nodak kae mokwongo.

⁴¹ Chwo ma nying-gi ondikgo nobiro e ndalo Hezekia ruodh Juda. Negimonjo jo-Ham kuma negidakie kod jo-Meun mane nitie kanyo ma gitiekogi duto mana kaka nyisore ratiro nyaka sani. Negidak ka nikech ne nitiere kar kwath ne jambgi. ⁴² To ji mia abich kuom jo-Simeon, ka otelnigi gi Pelatia, Nearia, Refaya kod Uziel, ma yawuot Ishi ne omonjo piny got Seir. ⁴³ Neginego jo-Amalek mane otony odongʼ kendo pod gidak kanyo nyaka chil kawuono.

Chapter 5

Nyikwa Reuben

¹ Reuben ne en wuod Israel makayo, to kane oterore gi chi wuon mare, to duongʼ mar ngʼat makayo nomi yawuot Josef ma wuod Israel, omiyo nyinge ne ok nyal wuok mokwongo ka indiko nying nyikwa Israel kaluwore gi chik mar kayo. ² Kata obedo ni Juda ema ne tek moloyo owetene kendo ruoth nowuok kuome, to duongʼ mar kayo ne mar Josef. ³ Yawuot Reuben wuod Israel makayo ne gin:

Hanok, Palu, Hezron kod Karmi.

⁴ Joka Joel ne gin:

Joel nonywolo Shemaya, Shemaya nonywolo Gog,

Gog nonywolo Shimei,

⁵ Shimei nonywolo Mika,

Mika nonywolo Reaya, Reaya nonywolo Baal,

⁶ Baal nonywolo Beera mane Tiglath-Pilesa ruodh Asuria otero e twech. Beera ema ne jatend joka Reuben.

⁷ To owete kowuok e anywola, kaka ondikgi e chenro mar nywolgi ema:

Jeyel ne jatelo, Zekaria,

⁸ kod Bela wuod Azaz, ma wuod Shema, wuod Joel.

Negidak e gwengʼ kochakore Aroer nyaka Nebo kod Baal Meon. ⁹ Koa yo wuok chiengʼ, negidak e piny mokiewo gi thim kadhi nyaka Aora Yufrate nikech jambgi ne omedore e piny Gilead.

¹⁰ E ndalo loch Saulo, negikedo gi jo-Hagri mane giloyo ma gikawo kuondegi mag dak duto e piny machiegni gi Gilead.

Nyikwa Gad

¹¹ Jo-Gad nodak e bathgi e piny Bashan nyaka chop Saleka.

¹² Joel ne jatendgi ka iluwe gi Shafam, Janai kod Shafat, e piny Bashan.

¹³ Owetene abiriyo kaluwore gi anywolagi ne gin:

Mikael, Meshulam, Sheba, Jorai, Jakan, Zia kod Eber.

¹⁴ Magi ema ne yawuot Abihail wuod Huri, ma wuod Jaroa, wuod Gilead, wuod Mikael, wuod Jeshishai, wuod Jado, wuod Buz.

¹⁵ Ahi wuod Abdiel, wuod Guni ne en jatend anywolagi.

¹⁶ Joka Gad nodak Gilead, Bashan to gi mier mokiewo kode kod lek mar Sharon duto.

¹⁷ Magi duto ne ondiki e nonro margi mar nywol e ndalo loch Jotham ruodh Juda kod Jeroboam ruodh Israel.

¹⁸ Joka Reuben, joka Gad kod nus mar dhood joka Manase ne gin ji alufu piero angʼwen gangʼwen mia abiriyo gi piero auchiel (44,760) mane oyikore ni lweny. Jolweny molony mane nyalo tiyo gi gige lweny machalo kuodi, ligangla kod atungʼ, nomi tiegruok ne lweny. ¹⁹ Negikedo gi jo-Hagri, jo-Jetur, jo-Nafish kod jo-Nodab. ²⁰ Ne okonygi kuom kedo kendo Nyasaye nomiyogi e lwetgi jo-Hagri, to gi jogo duto mane oriwore kodgi nikech ne giywagorene e ndalo lweny. To ne odwoko lamogi nikech negiketo yie margi kuome. ²¹ Negipeyo jamni mag jo-Hagri, ngamia alufu piero abich (50,000), rombe alufu mia ariyo gi piero abich (250,000), to gi punde alufu ariyo (2,000). To bende negimako ji alufu mia achiel (100,000) ma gitero e twech, ²² to mamoko mangʼeny to neginego, nikech lweny ne mar Nyasaye. Pinyni nobedo margi nyaka ne otergi e twech.

Nus mar dhood jo-Manase

²³ Nus mar dhood jo-Manase ne ngʼeny mokadho; negidak e piny jo-Bashan nyaka Baal Hermon, gi Senir ma en Got Hermon.

²⁴ Magi ema ne jotelo mar anywolagi: Efer, Ishi, Eliel Azriel, Jeremia, Hodavia kod Jadiel. Ne gin jolweny mathuondi kendo marahuma kendo jotend anywolagi. ²⁵ To negiweyo Nyasach kweregi ma gindhogore kendgi gi nyiseche mag jopinyno mane Nyasaye owachonegi ni ginegi. ²⁶ Omiyo Nyasach jo-Israel nojiwo chuny Pul ruodh jo-Asuria (ma bende iluongo ni Tiglath-Pilesa ruodh jo-Asuria), mane otero jo-Reuben, jo-Gad, kod nus mar dhood jo-Manase e twech. Ne oterogi Hala, Habor, Hera kod but aora Gozan kuma gidakie nyaka chil kawuono.

Chapter 6

Lawi

¹ Yawuot Lawi ne gin:

Gershon, Kohath kod Merari.

² Yawuot Kohath ne gin:

Amram, Izhar, Hebron kod Uziel.

³ Nyithind Amram ne gin:

Harun, Musa kod Miriam.

Yawuot Harun ne gin:

Nadab, Abihu, Eliazar kod Ithamar

⁴ Eliazar nonywolo Finehas,

to Finehas nonywolo Abishua,

⁵ Abishua nonywolo Buki,

to Buki nonywolo Uzi,

⁶ Uzi nonywolo Zerahia,

to Zerahia nonywolo Merayoth,

⁷ Merayoth nonywolo Amaria,

to Amaria nonywolo Ahitub,

⁸ Ahitub nonywolo Zadok,

Zadok nonywolo Ahimaz,

⁹ Ahimaz nonywolo Azaria,

to Azaria nonywolo Johanan,

¹⁰ Johanan nonywolo Azaria.

En ema ne otiyo kaka jadolo e hekalu mane Solomon ogero Jerusalem.

¹¹ Azaria nonywolo Amaria,

to Amaria nonywolo Ahitub,

¹² Ahitub nonywolo Zadok,

to Zadok nonywolo Shalum,

¹³ Shalum nonywolo Hilkia,

to Hilkia nonywolo Azaria,

¹⁴ Azaria nonywolo Seraya,

to Seraya nonywolo Jehozadak.

¹⁵ Jehozadak nodar kane Jehova Nyasaye otiyo gi Nebukadneza motero Juda gi Jerusalem e twech.

¹⁶ Yawuot Lawi ne gin:

Gershon, Kohath kod Merari.

¹⁷ Magi e nying yawuot Gershon:

Libni kod Shimei.

¹⁸ Yawuot Kohath ne gin:

Amram, Izhar, Hebron kod Uziel.

¹⁹ Yawuot Merari ne gin:

Mali kod Mushi.

Dhout jo-Lawi kaluwore kweregi e magi:

²⁰ Joka Gershon ne gin:

Gershon nonywolo Libni, Libni nonywolo Jahath,

Jahath nonywolo Zima,

²¹ Zima nonywolo Joa,

Joa nonywolo Ido, Ido nonywolo Zera

to Zera nonywolo Jeatherai.

²² Joka Kohath ne gin:

Kohath nonywolo Aminadab, Aminadab nonywolo Kora,

Kora nonywolo Asir,

²³ Asir nonywolo Elkana,

Elkana nonywolo Ebiasaf, Ebiasaf nonywolo Asir,

²⁴ Asir nonywolo Tahath, Tahath nonywolo Uriel,

Uriel nonywolo Uzia, to Uzia nonywolo Shaul.

²⁵ Joka Elkana ne gin:

Elkana nonywolo Amasai, Amasai nonywolo Ahimoth,

²⁶ Ahimoth nonywolo Elkana, Elkana nonywolo Zofai,

Zofai nonywolo Nahath,

²⁷ Nahath nonywolo Eliab,

Eliab nonywolo Jeroham, Jehoram nonywolo Elkana,

to Elkana nonywolo Samuel.

²⁸ Yawuot Samuel ne gin:

Joel wuowi makayo,

kod Abija, wuode mar ariyo.

²⁹ Joka Merari ne gin:

Merari nonywolo Mali, Mali nonywolo Libni,

Libni nonywolo Shimei, Shimei nonywolo Uza

³⁰ Uza nonywolo Shimea, Shimea nonywolo Hagia,

to Hagia nonywolo Asaya.

Jower mag hekalu

³¹ Magi e joma Daudi noketo mondo ochungʼ ne weche mag wer e od Jehova Nyasaye bangʼ kane osekel Sandug Muma kanyo. ³² Negipako Nyasaye gi wer ka gigoyo thum e nyim kar romo gi Nyasaye, e Hemb Romo nyaka Solomon notieko gero hekalu mar Jehova Nyasaye Jerusalem. Negitiyo tijegi moluwore kod chike mane oketnegi.

³³ Magi e joma notiyo kaachiel gi yawuotgi:

Koa kuom jo-Kohath ne gin:

Heman jago thum,

ma wuod Joel, ma wuod Samuel,

³⁴ wuod Elkana, wuod Jeroham,

wuod Eliel, wuod Toa,

³⁵ wuod Zuf, wuod Elkana,

wuod Mahath, wuod Amasai,

³⁶ wuod Elkana, wuod Joel,

wuod Azaria, wuod Zefania,

³⁷ wuod Tahath, wuod Asir,

wuod Ebiasaf, wuod Kora,

³⁸ wuod Izhar, wuod Kohath,

wuod Lawi, wuod Israel;

³⁹ kod Asaf jatich kaachiel gi Heman mane otiyo kochungʼ e bade korachwich.

Asaf wuod Berekia, wuod Shimea,

⁴⁰ wuod Mikael, wuod Baseya,

wuod Malkija,

⁴¹ wuod Ethni,

wuod Zera, wuod Adaya,

⁴² wuod Ethan, wuod Zima,

wuod Shimei

⁴³ wuod Jahath,

wuod Gershon, wuod Lawi;

⁴⁴ kendo koa kuom jotich kaachiel kodgi, joka Merari kochungʼ e bade koracham ne gin:

Ethan wuod Kishi, wuod Abdi,

wuod Maluk,

⁴⁵ wuod Hashabia,

wuod Amazia, wuod Hilkia,

⁴⁶ wuod Amzi, wuod Bani,

wuod Shemer,

⁴⁷ wuod Mali,

wuod Mushi, wuod Merari,

wuod Lawi.

⁴⁸ Jo-Lawi mamoko to ne omi tije mamoko duto e hema, e od Nyasaye. ⁴⁹ To Harun gi joge ema ne chiwo misango e kendo mar misango miwangʼo pep, kendo ne giwangʼo ubani e kendo mar ubani, kendo negitimo misango mipwodhogo richo jo-Israel. Negitiyo tije duto mag Kama Ler Moloyo, kaka Musa jatich Nyasaye nochiko.

⁵⁰ Magi e joka Harun:

Harun nonywolo Eliazar, Eliazar nonywolo Finehas,

Finehas nonywolo Abishua,

⁵¹ Abishua nonywolo Buki,

Buki nonywolo Uzi, Uzi nonywolo Zerahia,

⁵² Zerahia nonywolo Merayoth, Merayoth nonywolo Amaria,

Amaria nonywolo Ahitub,

⁵³ Ahitub nonywolo Zadok,

to Zadok nonywolo Ahimaz.

⁵⁴ Magi e kuondegi mane gidakie kod gwenge mane omigi (tiende ni, mane omi joka Harun mane jo-dhood Kohath nikech pok mokwongo ne margi).

⁵⁵ Ne omigi Hebron ei Juda kaachiel gi kuonde kwath molwore. ⁵⁶ (To pewe kod mier molworo dala maduongʼ nomi Kaleb wuod Jefune.) ⁵⁷ Omiyo nyikwa Harun nomi Hebron (ma en dala mar pondo), kod Libna, Jatir, Eshtemoa, ⁵⁸ Hilen, Debir, ⁵⁹ Ashan, Juta kod Beth Shemesh to gi kuondegi mag kwath.

⁶⁰ Kuom oganda mag Benjamin to ne omi Gibeon, Geba, Alemeth kod Anathoth, kaachiel gi kuondegi mag kwath. Mier mane opog ne anywola Kohath ne gin apar gadek koriwore.

⁶¹ Joka Kohath mamoko to nopog mier apar koa e nus dhout oganda Manase.

⁶² Joka Gershon, kuom anywola ka anywola nopog mier apar gadek koa kuom oganda mar Isakar, Asher kod Naftali, kendo koa e nus mar dhout oganda Manase manodak Bashan.

⁶³ Joka Merari kuom anywola ka anywola to nopog mier apar gariyo koa kuom oganda Reuben, Gad kod Zebulun.

⁶⁴ Omiyo jo-Israel nomiyo jo-Lawi miechgi kod kuondegi mag kwath.

⁶⁵ Koa kuom oganda Juda, Simeon, kod Benjamin negipogogi mier mondik malogo.

⁶⁶ Dhood Kohath mamoko ne omi mier mag dak ei oganda Efraim.

⁶⁷ E piny got mar Efraim nomigi Shekem (ma en dala maduongʼ mar pondo) kod Gezer, ⁶⁸ Jokmeam, Beth Horon, ⁶⁹ Aijalon to gi Gath Rimon, kaachiel gi kuonde kweth.

⁷⁰ To koa kuom nus oganda Manase jo-Israel nochiwo Aner kod Biliam, kaachiel gi kuondegi mag kwath ne anywola dhout Kohath mane odongʼ.

⁷¹ Jo-Gershon nonwangʼo magi:

Koa kuom nus anywola mar joka Manase, neginwangʼo Golan man Bashan kod Ashtaroth bende, kaachiel gi kuondegi mag kwath;

⁷² koa kuom oganda Isakar neginwangʼo Kedesh, Daberath, ⁷³ Ramoth kod Anem, kaachiel gi kuondegi mag kwath,

⁷⁴ koa kuom oganda Asher neginwangʼo Mashal, Abdon, ⁷⁵ Hukok kod Rehob, kaachiel gi kuondegi mag kwath;

⁷⁶ kendo kuom oganda jo-Naftali neginwangʼo Kedesh ei Galili, Hamon kod Kiriathaim, kaachiel gi kuondegi mag kwath.

⁷⁷ Jo-Merari (ma gin jo-Lawi modongʼ) nonwangʼo magi:

Koa kuom oganda Zebulun neginwangʼo Jokneam, Karta, Rimono kod Tabor kaachiel gi kuondegi mag kwath;

⁷⁸ koa kuom oganda Reuben modak loka Jordan, yo wuok chiengʼ momanyore gi Jeriko neginwangʼo Bezer e piny thim mar Jazer, ⁷⁹ Kedemoth kod Mefath kaachiel gi kuondegi mag kwath;

⁸⁰ to koa kuom oganda Gad neginwangʼo Ramoth man Gilead, Mahanaim, ⁸¹ Heshbon kod Jazer kaachiel gi kuondegi mag kwath.

Chapter 7

Isakar

¹ Yawuot Isakar ne gin:

Tola, Pua, Jashub kod Shimron. Yawuot Isakar duto ne gin yawuowi angʼwen.

² Yawuot Tola ne gin:

Uzi, Refaya, Jeriel, Jamai, Ibsam kod Samuel, mane en jotend anywolagi. Ndalo loch Daudi, joka Tola kokwan chwo ma jolweny koluwore gi nonro mar nywolgi ne gin ji alufu piero ariyo gariyo gi mia auchiel (22,600).

³ Wuod Uzi ne en:

Izrahia.

Yawuot Izrahia ne gin:

Mikael, Obadia, Joel kod Ishia. Yawuowi abichgo ne gin ruodhi.

⁴ Kaluwore gi nonro mar anywolagi ne gin gi chwo alufu piero adek gauchiel (36,000) mane nyalo dhi e lweny, nimar ne gin gi mon gi nyithindo mangʼeny. ⁵ Wede mag jo-Isakar machwo mane ni e lweny kokwan-gi kaluwore gi nonrogi mar nywolgi ne ji alufu piero aboro gabiriyo (87,000).

Benjamin

⁶ Yawuot Benjamin ne gin adek:

Bela, Beker kod Jediael.

⁷ Yawuot Bela ne gin:

Ezbon, Uzi, Uziel, Jerimoth kod Iri, giduto yawuowi abichgo ne gin jotend anywolagi. E ndiko mar nonrogi mar nywol ne gin chwo ma jolweny maromo alufu piero ariyo gariyo gi piero adek gangʼwen (22,034).

⁸ Yawuot Beker ne gin:

Zemira, Joash, Eliezer, Elioenai, Omri, Jeremoth, Abija, Anathoth kod Alemeth. Magi duto ne gin yawuot Beker.

⁹ Nonro manie anywolagi, notingʼo nying jotend dhoutgi kod jolweny alufu piero ariyo gi mia ariyo (20,200).

¹⁰ Wuod Jediael ne en:

Bilhan.

Yawuot Bilhan ne gin:

Jeush, Benjamin, Ehud, Kenana, Zethan, Tarshish kod Ahishahar.

¹¹ Yawuot Jediael duto ne gin jotend anywolagi. Ne nitiere ji ma jolweny alufu apar gabiriyo gi mia ariyo (17,200) mane oikore dhi e lweny.

¹² Jo-Shup gi jo-Hup ne gin joka Ir, to jo-Hush to ne gin joka Aher.

Naftali

¹³ Yawuot Naftali ne gin:

Jaziel, Guni, Jezer kod Shilem ma joka Bilha.

Manase

¹⁴ Joka Manase ne gin:

Asriel ne nyakware koa kuom dhako machielo ma nyar Aram. Dhakoni nonywolo Makir mane wuon Gilead.

¹⁵ Makir ne okawo dhako koa kuom jo-Hup kod Shup. Nyamin Makir ne iluongo ni Maaka. Watne machielo ne ochak Zelofehad mane onywolo nyiri kende. ¹⁶ Jaod Makir ma Maaka ne onywolo wuowi mochake Peresh. Owadgi ne iluongo ni Sheresh, to yawuote ne Ulam kod Rakem.

¹⁷ Wuod Ulam ne en:

Bedan.

Magi ne yawuot Gilead ma wuod Makir, ma wuod Manase.

¹⁸ Nyamin mare miluongo ni Hamoleketh nonywolo Ishhod, Abiezer kod Mala.

¹⁹ Yawuot Shemida ne gin:

Ahian, Shekem, Liki kod Aniam.

Efraim

²⁰ Joka Efraim e magi:

Shuthela ma nonywolo Bered,

Bered nonywolo Tahath, Tahath nonywolo Eleada,

Eleada nonywolo Tahath,

²¹ Tahath nonywolo Zabad

bangʼe Zabad nonywolo Shuthela.

Yawuot Efraim moko ne gin Ezer kod Elead mane onegi gi jo-Gath ma jopinyno kane gidhi peyo jambgi.

²² Efraim wuon-gi ne oywagogi kuom ndalo mangʼeny, to wedene ne obiro mondo ohoye. ²³ Bangʼe negibedo e achiel gi chiege kendo, mine omako ich ma onywolo wuowi. Ne ochake ni Beria nikech ode noseyudo masira. ²⁴ Neginywolo nyako ma nyinge Shera, mane ogero Mwalo gi Malo mar Beth Horon kaachiel gi Uzen Shera.

²⁵ Beria nonywolo Refa, to Refa nonywolo Reshef

Reshef nonywolo Tela, Tela nonywolo Tahan,

²⁶ Tahan nonywolo Ladan, to Ladan nonywolo Amihud,

Amihud nonywolo Elishama,

²⁷ Elishama nonywolo Nun,

bangʼe Nun nonywolo Joshua.

²⁸ Lopgi gi kar dakgi ne oriwo Bethel to gi mier matindo molwore kaachiel gi Naaran man yo wuok chiengʼ, Gezer kod mieche matindo yo podho chiengʼ kod Shekem to gi mieche matindo nyaka chop Aya to gi mieche. ²⁹ Kaluwore gi tongʼ jo-Manase ne nitiere Beth Shan, Tanak, Megido kod Dor, kaachiel gi miechgi matindo. Joka Josef wuod Israel ne odakie miergi.

Asher

³⁰ Asher nonywolo

Imna gi Ishva gi Ishvi kod Beria kod nyamin-gi ma nyinge Sera.

³¹ Yawuot Beria ne gin:

Heber kod Malkiel nonywolo Birzaith,

³² Heber nonywolo Jaflet gi Shomer gi Hotham gi nyamin-gi Shua.

³³ Yawuot Jaflet ne gin:

Pasak, Bimhal kod Ashvath. Magi ne yawuot Jaflet.

³⁴ Yawuot Shomer ne gin:

Ahi, Roga, Huba kod Aram.

³⁵ Yawuot Helem ne gin:

Zofa, Imna, Shelesh kod Amal.

³⁶ Yawuot Zofa ne gin:

Sua, Harnefa, Shual, Beri, Imra.

³⁷ Bezer, Hod, Shama, Shilsha, Ithran kod Beera.

³⁸ Yawuot Jetha ne gin:

Jefune, Pispa kod Ara.

³⁹ Yawuot Ula ne gin:

Ara, Haniel kod Rizia.

⁴⁰ Magi duto ne gin joka Asher, jotend anywola, ji ma oyiedhi, jolweny mathuondi kendo jotelo mabeyo. Kar romb jomane oikore dhiyo e lweny, ka ondikgi ginonrogi mar anywolagi ne gin ji alufu piero ariyo gi auchiel (26,000).

Chapter 8

Nonro mar Saulo ja-Benjamin

¹ Benjamin nonywolo

Bela, wuode makayo,

Ashbel wuode mar ariyo, Ahara mar adek,

² Noha mar angʼwen kod Rafa mar abich.

³ Yawuot Bela ne gin:

Adar, Gera, Abihud,

⁴ Abishua, Naaman, Ahoa, ⁵ Gera, Shefufan kod Huram.

⁶ Magi e joka Ehud mane jotend dhoudi mane odak Geba, to ne odargi otergi Manahath.

⁷ Naaman, Ahija to gi Gera mane odarogi kendo ne en wuon Uza kod Ahihud.

⁸ Yawuowi mane onywolne Shaharaim ei Moab bangʼe kane oseriembo monde, Hushim kod Baara. ⁹ Mane onywolne kod chiege Hodesh, ne gin Jobab, Zibia, Mesha, Malkam, ¹⁰ Jeuz, Sakia kod Mirma. Magi ne yawuote mane otelo ne anywolagi. ¹¹ To mane onywolne kod chiege ma Hushim, ne gin Abitub kod Elpal.

¹² Yawuot Elpal ne gin:

Eber, Misham, Shemed (mane ogero Ono kod Lod kaachiel gi mier molworogi),

¹³ to gi Beria kod Shema mane jotend anywola mar jogo mane odak Aijalon kod jogo mane oriembo joma nodak Gath.

¹⁴ Ahio, Shashak, Jeremoth, ¹⁵ Zebadia, Arad, Eder, ¹⁶ Mikael, Ishpa kod Joha ne yawuot Beria.

¹⁷ Zebadia, Meshulam, Hizki, Heber, ¹⁸ Ishmerai, Izlia kod Jobab ne gin yawuot Elpal,

¹⁹ Jakim, Zikri Zabdi, ²⁰ Elienai, Zilethai, Eliel, ²¹ Adaya, Beraya kod Shimrath ne gin yawuot Shimei.

²² Ishpan, Eber, Eliel, ²³ Abdon, Zikri, Hanan, ²⁴ Hanania, Elam, Anthothija, ²⁵ Ifdeya kod Penuel ne gin yawuot Shashak.

²⁶ Shamsherai, Sheharia, Athalia, ²⁷ Jareshia, Elija kod Zikri ne gin yawuot Jeroham. ²⁸ Magi duto ne gin jotend anywola kendo ruodhi kaka ondikgi e nonro mar anywola kendo negidak Jerusalem.

²⁹ Jeyel wuon Gibeon ne odak Gibeon.

Jaode niluongo ni Maaka,

³⁰ to wuode makayo ne en Abdon, kiluwe gi Zur, Kish, Baal, Ner, Nadab, ³¹ Gedor, Ahio, Zeker ³² kod Mikloth mane wuon Shimea. Gin bende negidak machiegni gi wedegi Jerusalem.

³³ Ner ne wuon Kish, Kish ne wuon Saulo, to Saulo ne wuon Jonathan, Malki-Shua, Abinadab kod Esh-Baal.

³⁴ Wuod Jonathan ne en:

Merib-Baal mane wuon Mika.

³⁵ Yawuot Mika ne gin:

Pithon, Melek, Tarea kod Ahaz.

³⁶ Ahaz ne wuon Jehoada, Jehoada ne wuon Alemeth, Azmaveth kod Zimri, to Zimri ne wuon Moza. ³⁷ Moza nonywolo Binea, Binea nonywolo Rafa, Rafa nonywolo Eliasa, to Eliasa nonywolo Azel.

³⁸ Azel ne nigi yawuowi auchiel kendo magi e nying-gi:

Azrikam, Bokeru, Ishmael, Shearia, Obadia kod Hanan. Magi duto ne yawuot Azel.

³⁹ Yawuot owadgi ma Eshek ne gin:

Ulam wuode makayo, Jeush wuode mar ariyo to gi Elifelet mar adek.

⁴⁰ Yawuot Ulam ne thuondi ma jochir mane nyalo tiyo gi atungʼ. Ne gin gi yawuowi gi nyikwayo mangʼeny; giduto ne gin ji mia achiel gi piero abich.

Magi duto ne gin joka Benjamin.

Chapter 9

¹ Jo-Israel duto ne ochan nying-gi e ndiko mar nonro mar anywolagi e kitap ruodhi mag Israel. Oganda mar Juda ne oter e twech Babulon nikech ne ok gibedo jo-ratiro.

Ji modak Jerusalem

² Joma nokwongo dak kendo e kuondegi giwegi kod miechgi ne gin jo-Israel moko, jodolo, jo-Lawi kod jotij hekalu.

³ Joma noa Juda, Benjamin, Efraim kod Manase mane odak Jerusalem ne gin:

⁴ Uthai wuod Amihud, wuod Omri, wuod Imri, wuod Bani, joka Perez ma wuod Juda.

⁵ Joka Shilo ne gin:

Asaya makayo to gi yawuote.

⁶ Joka Zera:

Jeul. Jo-Juda ne gin ji mia auchiel gi piero ochiko (690).

⁷ Joka Benjamin ne gin:

Salu wuod Meshulam, wuod Hodavia, wuod Hasenua;

⁸ Ibneia wuod Jeroham;

Ela wuod Uzi, wuod Mikri

kod Meshulam wuod Shefatia, wuod Reuel, wuod Ibnija. ⁹ Oganda joka Benjamin kaka ochan-gi e nonro mar anywolagi kwan-gi ne romo ji mia ochiko gi piero abich gauchiel (956). Jogi duto ne gin jotend anywolagi.

¹⁰ Koa kuom oganda jodolo ne gin:

Jedaya, Jehokarib, Jakin,

¹¹ Azaria wuod Hilkia, wuod Meshulam, wuod Zadok, wuod Merayoth, wuod Ahitub mane jatelo morito Od Nyasaye;

¹² Adaya wuod Jeroham, wuod Pashur, wuod Malkija

kod Maasai wuod Adiel, wuod Jazera, wuod Meshulam, wuod Meshilemith, wuod Imer. ¹³ Jodolo mane jotend anywolagi ne kwan-gi romo ji alufu achiel gi mia abiriyo kod piero auchiel (1,760). Ne gin joma niginyalo kendo molony e tij Od Nyasaye.

¹⁴ Joka Lawi ne gin:

Shemaya wuod Hashub, wuod Azrikam, wuod Hashabia ja-Merari;

¹⁵ Bakbakar, Heresh, Galal kod Matania wuod Mika, wuod Zikri, wuod Asaf,

¹⁶ Obadia wuod Shemaya, wuod Galal, wuod Jeduthun;

kod Berekia wuod Asa, wuod Elkana mane odak e mier matindo mag jo-Netofath.

¹⁷ Jorit rangeye ne gin:

Shalum, Akub, Talmon, Ahiman kod owetegi; Shalum jatendgi ¹⁸ noket e Rangaj Ruoth e yo wuok chiengʼ nyaka chil kawuono. Magi ema ne jorit dhorangeye mag kuonde bworo mag jo-Lawi.

¹⁹ Shalum wuod Kore, ma wuod Ebiasaf, wuod Kora, to gi jorit rangeye kaachiel kode moa e anywolane, ma jokora, tijgi ne rito rangeye man gohinga mag Hema mana kaka wuonegi nosebedo katimo tijno mar rito rangach midonjogo e kar dak mar Jehova Nyasaye.

²⁰ E ndalo mokadho Finehas wuod Eliazar ema ne jatend jorit rangach kendo Jehova Nyasaye nenikode.

²¹ Zekaria wuod Meshelemia ne jarit rangach madonjo e Hemb Romo. ²² Koriwore duto, jogo mane oyier mondo obed jorit rangeye man gohinga kar kwan-gi ne mia ariyo gi apar gariyo (212). Ne ondik nying-gi kaluwore gi nonro mar anywolagi e miechgi.

Jorit rangeye ne omii tijni mogen koa e lwet Daudi gi Samuel ma jakor wach. ²³ Gin gi jogegi negitelone rit mar rangeye mag od Jehova Nyasaye, ma en ot miluongo ni Hema. ²⁴ Jorit rangeye ne nitie e bethe angʼwen ma gin: yo wuok chiengʼ, yo podho chiengʼ, yo nyandwat kod yo milambo. ²⁵ Owetegi modak e miechgi nyaka ne bi kinde ka kinde kakonyogi tich kuom ndalo abiriyo. ²⁶ To jorit angʼwen madongo mag rangeye ma jo-Lawi ne otelo ne tich mar rito udi gi kuonde keno mag Od Nyasaye. ²⁷ Negidak ka girito Od Nyasaye nikech nyaka negirite; kendo gin ema negitingʼo rayaw ma iyawego pile gokinyi.

²⁸ Jomoko kuomgi ne rito gigo mane itiyogo ei hekalu, ne gikwanogi kane okelgi kar keno kendo kogolgi. ²⁹ Moko kuomgi to ne omi tich mar rito gik miberogo ot to gi gik mamoko duto mowal mane itiyogo e kama ler mar lemo kaachiel gi mogo kod divai, gi mo, gi ubani kod gik moko mangʼwe ngʼar. ³⁰ To jodolo mamoko ema ne omi tij ruwo gik mangʼwe ngʼar. ³¹ Ja-Lawi miluongo ni Matithia, wuod Shalum ja-Kora makayo, ema ne omi tij tedo makati mar chiwo. ³² To owetene mamoko mag jo-Kohath ne omi tij keto makati e mesa chiengʼ Sabato ka Sabato.

³³ Jogo mane gin jothum kod jotelo mag dhood Lawi ne odak e ute mag hekalu kendo ne ok omigi tije mamoko nikech gin ema negirito tich odiechiengʼ gotieno.

³⁴ Magi duto ne jotend anywola mag jo-Lawi, ruodhi kaka ondikgi e nonro mar anywolagi kendo negidak Jerusalem.

Nonro mar anywola Saulo

³⁵ Jeyel wuon Gibeon ne odak Gibeon.

Jaode niluongo ni Maaka,

³⁶ to wuode makayo ne en Abdon, kiluwe gi Zur, Kish, Baal, Ner, Nadab, ³⁷ Gedor, Ahio, Zekaria kod Mikloth. ³⁸ Mikloth ne en wuon Shimeam. Gin bende negidak but wedegi man Jerusalem.

³⁹ Ner ne wuon Kish, Kish ne wuon Saulo, to Saulo ne wuon Jonathan, Malki-Shua, Abinadab kod Esh-Baal.

⁴⁰ Wuod Jonathan ne en:

Merib-Baal mane wuon Mika.

⁴¹ Yawuot Mika ne gin:

Pithon, Melek, Tarea kod Ahaz.

⁴² Ahaz ne wuon Jada, Jada ne wuon Alemeth, Azmaveth kod Zimri ne wuon Moza. ⁴³ Moza ne wuon Binea, Binea ne wuon Refaya, Refaya ne wuon Eliasa, Eliasa ne wuon Azel.

⁴⁴ Azel ne nigi yawuowi auchiel kendo magi e nying-gi:

Azrikam, Bokeru, Ishmael, Shearia, Obadia kod Hanan. Magi ema ne yawuot Azel.

Chapter 10

Tho mar Saulo

¹ Koro jo-Filistia ne kedo gi jo-Israel kendo jo-Israel noringo e nyimgi kendo joma ngʼeny nonegi e Got Gilboa. ² Jo-Filistia nolawo Saulo gi yawuote matek ma neginego yawuote magin Jonathan, Abinadab kod Malki-Shua. ³ Lweny nobedo mager kama Saulo ne nitie kendo kane jodir asere ojuke, to ne gihinye.

⁴ Saulo nowacho ni jatingʼne gige lweny niya, “Wuodh liganglani mondo inega nono to joma ok oter nyangigi biro nega kendo yanya.”

To jatingʼne gige lweny ne luoro omako kendo ne ok onyal timo kamano, omiyo Saulo nokawo liganglane owuon mochwoworego. ⁵ Kane jatingʼ gige lweny oneno ka Saulo osetho en bende nokawo liganglane mochwoworego motho kode. ⁶ Kamano, Saulo gi yawuote adek kod joode duto notho kaachiel.

⁷ Kane jo-Israel duto mane nitie e holo noneno ka jolweny oseringo, kendo ni Saulo gi yawuote bende nosetho, negijwangʼo miechgi ma giringo. Kendo jo-Filistia nobiro modak e miechgigo.

⁸ Kinyne kane jo-Filistia obiro mondo oyak gige joma otho, negiyudo Saulo gi yawuote kotho e Got Gilboa. ⁹ Ne gilonyo lepe kendo ne gikaw wiye gi gige mag lweny, bangʼe negioro joote e piny jo-Filistia duto mondo oter wach ne nyisechegi kendo ni jopinygi. ¹⁰ Negiketo gige mag lweny e hekalu mar nyisechegi, to wiye, to negiliero e hekalu mar Dagon.

¹¹ Kane jo-Jabesh Gilead nowinjo gik moko duto mane jo-Filistia osetimo ni Saulo, ¹² thuondigi duto nodhi mokawo ringre Saulo kod ringre yawuote ma gikelogi Jabesh. Eka ne giyiko chokegi e tiend yien maduongʼ mar ober man Jabesh, bangʼe to negitweyo chiemo kuom ndalo abiriyo.

¹³ Saulo notho nikech ne ok orito singruokne gi Jehova Nyasaye. Ne ok orito chike Jehova Nyasaye, kendo nodhi mana ir jo-nyakalondo mondo onyise wach, ¹⁴ kar penjo Jehova Nyasaye wach. Omiyo Jehova Nyasaye nonege mokawo loch omiyo Daudi wuod Jesse.

Chapter 11

Daudi obedo ruodh Israel

¹ Jo-Israel duto nobiro Hebron ir Daudi ma giwacho niya, “Wan ogandani kendo wan remo achiel. ² E ndalo mokadho kata ka Saulo ne ruoth in ema ne itelo ni jo-Israel e lwenjegi. Kendo Jehova Nyasaye ma Nyasachi nowachoni niya, ‘In ema nibed jakwadh joga Israel, kendo inibed jatendgi.’ ”

³ Kane jodong Israel duto osebiro ir Ruoth Daudi e Hebron, notimo kodgi singruok e nyim Jehova Nyasaye kodgi e Hebron kanyo, kendo ne giwiro Daudi mondo obed ruodh Israel mana kaka Jehova Nyasaye nosingore gi dho Samuel.

Daudi okawo dala mar Jerusalem

⁴ Daudi gi jo-Israel duto nodhi Jerusalem (tiende ni, Jebus). Jo-Jebus mane odak kanyo ⁵ nowacho ni Daudi niya, “Ok inidonj ka.” To kata kamano Daudi noloyogi mokawo ohinga mar Sayun, ma en Dala Maduongʼ mar Daudi.

⁶ Daudi nosewacho niya, “Ngʼat ma nokwong kedo gi jo-Jebus ema nobed jatend jolweny.” Joab wuod Zeruya ema nodhi mokwongo nokete jatelo.

⁷ Eka Daudi nodak e dala mochiel gi ohinga moluonge ni Dala Maduongʼ mar Daudi. ⁸ Nogero dalano kolwore gi ohinga, to Joab to noloso kuonde mamoko mag dala mane okethore. ⁹ Kendo Daudi nomedo bedo gi teko ahinya, nikech Jehova Nyasaye Maratego ne ni kode.

Thuondi mag Daudi

¹⁰ Magi e jotelo mag thuondi mag Daudi, gin, kaachiel gi jo-Israel negisiro lochne mobet gi teko ma ji oyie kode e pinygi duto mana kaka Jehova Nyasaye nosingore. ¹¹ Magi e nyinge thuondi mag Daudi:

Jashobeam ma ja-Hakmon mane jatelo mar thuondi, nonego ji mia adek dichiel.

¹² Maluwe ne en Eliazar wuod Dodai ma ja-Ahohi, achiel kuom thuondi adek. ¹³ Ne en kod Daudi e Pas Damim kane jo-Filistia ochokore kanyo ne lweny. Ne nitiere puoth shairi kuno. Jolweny moko noringo jo-Filistia, ¹⁴ to gin negichungʼ kar tiendgi e dier puodhono ka girite kendo ginego jo-Filistia mi Jehova Nyasaye nomiyogi loch maduongʼ.

¹⁵ Adek kuom jotelo piero adek madongo nobiro ir Daudi e lwanda manie rogo man Adulam ka jolweny mag jo-Filistia to nojot e holo mar Refaim. ¹⁶ E kindeno Daudi nopondo e rogo kendo jo-Filistia to nochokore Bethlehem. ¹⁷ Daudi riyo noloyo mowacho niya, “Yaye, mad ne ngʼato kelnae pi soko man but ranga Bethlehem mondo amodhi!” ¹⁸ Eka thuondi adekgi nomwomo oganda lweny mar jo-Filistia ma gitwomo pi koa e soko manie but rangaj Bethlehem mi gikelone Daudi pi, to nodagi modho pigno, kendo noole piny e nyim Jehova Nyasaye. ¹⁹ Nowacho niya, “Nyasaye okwero ni mondo kik atim ma! Bende anyalo modho remb jogi mane odhi ome ka gichiwo ngimagi ne wasigu?” Daudi ne ok nyal modho pigno nikech negichiwo ngimagi mondo mi gikelne pi.

Gik ma kamago ema ne thuondigi otimo.

²⁰ Abishai owadgi Joab ne jatend thuondi adekgi. Ne otingʼo tonge mi onego ji mia adek, mano ema nomiyo obedo ngʼat marahuma ka thuondi adekgi. ²¹ Nomiye duongʼ moloyo thuondi adekgi nyadiriyo ma okete jatendgi kata obedo nine ok en achiel kuomgi.

²² Benaya wuod Jehoyada ne jalweny mathuon moa Kabzel, notimo timbe madongo. Nonego ji ariyo mag Moab mane ger ka sibuor. Chiengʼ moro nodonjo e bur ka piny otimo pe mi onego sibuor. ²³ Bende en ema nonego ja-Misri ma borne ne fut abiriyo gi nus. Kata nobedo ni ja-Misrino ne nigi tongʼ machalo gi lodi e lwete, Benaya nodhi kedo kode kotingʼo arungu. Noyudho tongʼ e lwet ja-Misrino monege gi tonge owuon. ²⁴ Mago e timbe mag thuon mane Benaya wuod Jehoyada otimo, en bende ne en rahuma ka thuondi adek ka. ²⁵ Nomiye luor maduongʼ moloyo thuondi piero adekgo, to kata kamano ne ok en achiel kuom thuondi adekgo madongo. Daudi nokete jatend jolweny mane rite.

²⁶ Thuondigo ne gin:

Asahel owadgi Joab,

Elhanan wuod Dodo ma ja-Bethlehem,

²⁷ Shamoth ja-Haror,

Helez ja-Pelon,

²⁸ Ira wuod Ikesh ma ja-Tekoa,

Abiezer ma ja-Anathoth,

²⁹ Sibekai ma ja-Hushath,

Ilai ma ja-Ahohi,

³⁰ Maharai ma ja-Netofath,

Heled wuod Baana ja-Netofath,

³¹ Ithai wuod Ribai mawuok Gibea e piny Benjamin,

Benaya ja-Pirathon,

³² Hurai moa e holo man Gash,

Abiel ja-Arbath, gi

³³ Azmaveth ja-Beharum,

Eliaba ja-Shalbon,

³⁴ gi yawuot Hashem ja-Gizon,

Jonathan wuod Shage ja-Harar,

³⁵ Ahiam wuod Sakar ja-Harar,

Elifal wuod Ur,

³⁶ Hefer ja-Mekerath,

Ahija ja-Pelon,

³⁷ Hezro ja-Karmel,

Naarai wuod Ezbai,

³⁸ Joel owadgi Nathan,

Mibhar wuod Hagri,

³⁹ Zelek ja-Amon,

Naharai ja-Beroth mane jatingʼ gige lweny mag Joab wuod Zeruya,

⁴⁰ Ira ja-Ithri,

Gareb ja-Ithri,

⁴¹ Uria ja-Hiti,

Zabad wuod Alai,

⁴² Adina wuod Shiza e piny Reuben, mane jatend jo-Reuben to gi thuondi piero adek mane ni kode.

⁴³ Hanan wuod Maaka,

Joshafat ja-Mithni,

⁴⁴ Uzia ja-Ashterath,

Shama kod Jeyel yawuot Hotham ja-Aroer,

⁴⁵ Jediael wuod Shimri,

gi Joha owadgi ma ja-Tizi,

⁴⁶ Eliel ja-Mahavi,

Jeribai kod Joshavia ma yawuot Elnam,

Ithma ja-Moab,

⁴⁷ Eliel, Obed kod Jasiel ja-Mezoba.

Chapter 12

Jolweny mane odhi moriwore gi Daudi

¹ Magi e joma nobiro ir Daudi Ziklag kane Saulo wuod Kish oseriembe e nyime (jogi ne gin achiel kuom jolweny mane okonye e lweny; ² mane omanore gi atungʼ mikedogo, kendo neginyalo diro asere kata orujre gi badgi korachwich kata koracham, bende ne gin wede Saulo koa e oganda mar Benjamin):

³ Jogi ne gin: Ahiezer ma jatendgi gi Joash owadgi ma yawuot Shema ja-Gibea,

kod Jeziel gi Pelet yawuot Azmaveth;

Beraka gi Jehu jo-Anathoth, ⁴ gi Ishmaya ja-Gibeon, ngʼat maratego kuom thuondi piero adek, ma bende ne en jatelo mar thuondi piero adek,

kod Jeremia gi Jahaziel gi Johanan gi Jozabad ma ja-Gedera, ⁵ gi Eluzai gi Jerimoth gi Bealia gi Shemaria gi Shefatia ja-Haruf;

⁶ kod Elkana gi Ishia gi Azarel gi Joezer kod Jashobeam ja-Kora,

⁷ kod Joela gi Zebadia yawuot Jeroham ja-Gedor.

⁸ Joka Gad mamoko bende noluwo Daudi e kar pondo mare e thim. Ne gin thuondi mager kendo negiikore ne lweny kendo neginyalo kedo gi tongʼ kod kuot. Wengegi ne ger ka wenge sibuoche kendo tiendgi ne yot ka tiend mwanda maringo e got.

⁹ Ezer ne jatendgi,

Obadia ne jalupne e telo, Eliab ne mar adek,

¹⁰ Mishmana ngʼat mar angʼwen, Jeremia mar abich,

¹¹ Atai mar auchiel, Eliel mar abiriyo,

¹² Johanan mar aboro, Elzabad mar ochiko,

¹³ Jeremia mar apar, to Makbanai mar apar gachiel.

¹⁴ Joka Gad-gi ne gin jotend jolweny, ma ngʼat matin kuomgi ne ipimo gi ji mia achiel, to maduongʼ kuomgi to ne ipimo gi ji alufu achiel (1,000). ¹⁵ Gin ema negingʼado aora Jordan e dwe mokwongo kane aora opongʼ moo ma gimiyo jogo mane odak e holo oringo matek kadhi wuok chiengʼ to moko podho chiengʼ.

¹⁶ To joka Benjamin mamoko gi jo-Juda mamoko bende nobiro ir Daudi e kare mar pondo. ¹⁷ Daudi nodhi moromo nigi kendo nowachonegi niya, “Ka ubiro ira gi kwe mondo ukonya, to aikora mondo ariwra kodu, to ka ubiro mondo undhoga ne wasika kata obedo ni lweta onge remo, to Nyasach kwerewa ema obed jangʼadnu bura.”

¹⁸ Eka Roho nolor kuom Amasai mane jatend thuondi piero adekgi kowacho niya,

“Wan jogi, yaye Daudi!

Wan kodi, yaye wuod Jesse!

Lochi, bed jaloch

kendo joma konyi bende olochi,

nikech Nyasachi biro konyi.”

Eka Daudi norwakogi ma oketogi jotelo mag jopecho.

¹⁹ Kane Daudi odhi Filistia mondo giked gi Saulo, jo-Manase moko noweyo Saulo moriwore gi Daudi. Daudi to gi joge ne ok okonyo jo-Filistia nimar ka jotendgi ne osewuoyo kendgi negiriembe kagiwacho niya, “Onyalo negowa ka dipo ni odok ir ruodhe Saulo.” ²⁰ Joka Manase mane odok ir Daudi koa ir Saulo mane odhi Ziklag ne gin: Adna, Jozabad, Jediael, Mikael, Jozabad, Elihu kod Zilethai mane jotend jolweny alufu achiel (1,000) kuom joka Manase moro ka moro. ²¹ Negikonyo Daudi kuom joma ne monje nikech giduto ne gin jolweny mathuondi, kendo ne gin jotelo mag lweny. ²² Odiechiengʼ kodiechiengʼ ji ne medo biro ir Daudi mondo okonye, nyaka nobedo gi jolweny mangʼeny machalo gi jolweny mag Nyasaye.

Joma moko oriwore gi Daudi Hebron

²³ Magi e romb ji mane oikore ne kedo mane obiro ir Daudi Hebron mondo okaw pinyruodh Saulo mane omiye mana kaka Jehova Nyasaye nosewacho:

²⁴ joka Juda, mane otingʼo kuodi gi tonge ne gin ji alufu auchiel gi mia aboro (6,800) mane oikore ne lweny;

²⁵ joka Simeon ne gin ji alufu abiriyo gi mia achiel (7,100) mano oikore ne lweny,

²⁶ joka Lawi ne gin ji alufu angʼwen gi mia auchiel (4,600), ²⁷ Jehoyada mane en jatelo mar anywola mar joka Harun ne nigi ji alufu adek gi mia abiriyo (3,700), ²⁸ Zadok, ma en wuowi mathuon ne nigi jotelo piero ariyo gariyo moa e anywolane;

²⁹ joka Benjamin, ma gin jo-dhoodgi Saulo ne gin ji alufu adek (3,000) ma thothgi nosebedo koyie gi od Saulo nyaka kindeno;

³⁰ joka Efraim, ma gin jolweny mathuondi kendo mane rahuma e dhoodgi ne gin ji alufu piero ariyo gi mia aboro (20,800),

³¹ nus mar joka Manase mane owal mondo obi kendo giket Daudi ruoth ne gin ji alufu apar gaboro (18,000);

³² joka Isakar mane obedo gi rieko kuom gima timore kendo nongʼeyo gima jo-Israel onego otim ne nigi jotelo mia ariyo (200) koriw gi anywolagi mane gitelonegi;

³³ joka Zebulun ma gin jolweny molony kendo moikore ni kedo gi gige lweny mopogore opogore mondo omi gikony Daudi gi chuny achiel ne gin ji alufu piero abich (50,000);

³⁴ joka Naftali ne nigi jotelo alufu achiel (1,000) kaachiel gi ji alufu piero adek gabiriyo (37,000) motingʼo kuode kod tonge;

³⁵ joka Dan mane oikore ni kedo ne gin ji alufu piero ariyo gaboro gi mia auchiel (28,600);

³⁶ joka Asher, ma gin jolweny molony kendo moikore ni kedo ne gin ji alufu piero angʼwen (40,000);

³⁷ kendo koa yo wuok chiengʼ mar Jordan, joka Reuben, joka Gad kod nus mar dhood joka Manase ma gin jogo moikore gi gige lweny mopogore opogore noromo ji alufu mia achiel gi piero ariyo (120,000).

³⁸ Jolwenygi duto nochiwore mondo giti kode.

Negibiro Hebron ka gingʼado e chunygi ni Daudi nyaka bed ruodh jo-Israel duto. To jo-Israel mamoko bende ne nigi paro achiel mondo Daudi oket ruoth. ³⁹ Jogi nobedo gi Daudi ndalo adek ka gichiemo kendo metho nikech jowetegi noseikonigi gik moko. ⁴⁰ Bende joma nokiewo kodgi koa ka joka Isakar, joka Zebulun nyaka ka jo-Naftali nobiro kotingʼo chiemo e punde, ngamia, pundane kod rwedhi. Negikelo gik moko mangʼeny machalo mogo, olembe mag ngʼowu gi mag mzabibu motwo mongʼin gi divai, gi mo, dhok kaachiel gi rombe nikech ne nitiere mor e Israel.

Chapter 13

Duogo Sandug Muma

¹ Daudi noporo wach kod jotende, jotend lweny alufe kod jotend lweny miche. ² Bangʼe nowachone riwruok duto mar jo-Israel niya, “Ka wachni bernu kendo ka en dwaro mar Jehova Nyasaye ma Nyasachwa, to waor wach ne jowetewa mamoko kamoro amora ma gintiere e kuonde mag Israel kaachiel gi jodolo gi jo-Lawi man kodgi e miechgi to gi lege mag kwath mondo gibi irwa. ³ Eka mondo waom Sandug Muma mar Nyasachwa ma wakel ka nikech ne ok wamanye e kinde loch Saulo.” ⁴ Chokruokni duto noyie mondo otim mano nikech mano nonenore makare ni ji duto.

⁵ Daudi nochoko jo-Israel duto chakre Aora Shihor man Misri nyaka Lebo Hamath mondo giom Sandug Muma mar Nyasaye Kiriath Jearim. ⁶ Daudi kod jo-Israel duto mane ni kode nodhi Baala e piny Juda, ma bende iluongo ni Kiriath Jearim mondo giom Sandug Muma mar Jehova Nyasaye, mobet e kind kerubi, en sanduku mar muma miluongo gi nyinge.

⁷ Negigolo Sandug Muma mar Nyasaye e od Abinadab ka otingʼe e gari manyien, to Uza gi Ahio ema ne chiko garino. ⁸ Daudi kod jo-Israel duto ne miel gi tekregi duto e nyim Nyasaye ka gimor gi-ilo ka giwer gi thumbe gi nyatiti gi orutu gi oyieke gi kayamba kod turumbete.

⁹ To kane gichopo ei kar dino mar Kidon, Uza norieyo bade mondo osir Sandug Muma mane dhi podho nikech rwedhi mane ywayo gari notangni. ¹⁰ To Jehova Nyasaye nokecho gi Uza kendo ne ochwade nikech nomako Sandug Muma omiyo notho e nyim Nyasaye.

¹¹ Daudi nokecho nikech mirima mager mar Jehova Nyasaye nomwomore kuom Uza, omiyo nochak kanyo ni Perez Uza, nying ma pod iluongogo kanyo nyaka chil kawuono.

¹² Luoro nomako Daudi chiengʼno nikech Jehova Nyasaye mopenjo niya, “Ere kaka dakel Sandug Muma mar Jehova Nyasaye ka?” ¹³ Omiyo ne ok okawo Sandug Muma mar Nyasaye mondo odhigo e Dala Maduongʼ mar Daudi, to nobaro otere e od Obed-Edom ja-Giti. ¹⁴ Sandug Muma mar Nyasaye nosiko kuno gi jood Obed-Edom e ode kuom dweche adek kendo Jehova Nyasaye nogwedho gimoro amora e ode mane en-go.

Chapter 14

Jood Daudi gi anywolane

¹ Koro Hiram ruodh Turo nooro joote ir Daudi ka gitingʼo sirni mag yiend sida, kaachiel gi jogedo mag kite kod jopa bao mondo gigerne dala ruoth. ² Kendo Daudi nongʼeyo ni Jehova Nyasaye osegure kaka ruodh Israel kendo ni osetingʼ pinyruodhe malo nikech joge Israel.

³ Daudi nomedo kendo mon mamoko Jerusalem kendo nonywolo yawuowi gi nyiri mangʼeny. ⁴ Magi e nying nyithindo mane onywolo ka en Jerusalem: Shamua, Shobab, Nathan, Solomon, ⁵ Ibhar, Elishua, Elpelet, ⁶ Noga, Nefeg, Jafia, ⁷ Elishama, Beliada kod Elifelet.

Daudi oloyo jo-Filistia

⁸ Kane jo-Filistia owinjo ni Daudi osewir bedo ruodh jo-Israel, negiwuok kar rombgi mondo gidware, to ka Daudi nowinjo wachno omiyo nowuok mondo orom kodgi. ⁹ Koro jo-Filistia nosebiro ma gimonjo holo mar Refaim, ¹⁰ omiyo Daudi nopenjo Nyasaye niya, “Bende anyalo dhi mondo amonj jo-Filistia? Bende iniketgi e lweta?”

Jehova Nyasaye nodwoke niya, “Dhiyo, nikech abiro chiwogi e lweti.”

¹¹ Omiyo Daudi gi joge nodhi nyaka Baal Perazim kendo noloyogi kanyo. Eka nowacho niya, “Mana kaka pi muomo, e kaka Jehova Nyasaye osemwomore ni wasika gi lweta.” Mano emomiyo kanyo nochak ni Baal Perazim. ¹² Jo-Filistia noweyo nyisechegi kanyo kendo Daudi nochiwo chik mondo wangʼ-gi gi mach.

¹³ Jo-Filistia nochako omonjo joma odak e holo kanyo, ¹⁴ omiyo Daudi nopenjo Nyasaye kendo, to Nyasaye nodwoke niya, “Kik ichomgi tir, to lwor gi yo ka ngʼegi kendo imonjgi kama omanyore gi omburi. ¹⁵ Kiwinjo ka wi omburi yiengni, iwuog mapiyo idhi e lweny nikech mano biro nyiso ni Nyasaye osetelo e nyimi mondo otiek jolweny mag jo-Filistia.” ¹⁶ Omiyo Daudi notimo kaka Nyasaye nochike kendo neginego jolweny mag jo-Filistia kochakore Gibeon nyaka Gezer.

¹⁷ Humb Daudi nolandore e piny duto kendo Jehova Nyasaye nomiyo ogendini duto oluore.

Chapter 15

Okel Sandug Muma mar Nyasaye Jerusalem

¹ Kane Daudi osegero ute e Dala Maduongʼ mar Daudi, ne oloso kama Sandug Muma mar Nyasaye nyalo betie ma ogurone hema. ² Bangʼe Daudi nowacho niya, “Onge ngʼato machielo manyalo tingʼo Sandug Muma mar Nyasaye makmana jo-Lawi nikech Jehova Nyasaye noyierogi mondo gitingʼ Sandug Muma mar Jehova Nyasaye kendo mondo gitine nyaka chiengʼ.”

³ Daudi nochoko jo-Israel duto Jerusalem mondo gikel Sandug Muma mar Jehova Nyasaye kama ne oselosone.

⁴ Ne ochoko bende nyikwa Harun kod jo-Lawi kanyakla.

⁵ Koa e nyikwa Kohath,

ne gin ji mia achiel gi piero ariyo kotelnegi gi Uriel,

⁶ koa e nyikwa Merari,

ne gin ji mia ariyo gi piero ariyo kotelnegi gi Asaya,

⁷ koa e nyikwa Gershon,

ne gin ji mia achiel gi piero adek kotelnegi gi Joel,

⁸ koa e nyikwa Elizafan,

ne gin ji mia ariyo kotelnegi gi Shemaya,

⁹ koa e nyikwa Hebron,

ne gin ji piero aboro kotelnegi gi Eliel

¹⁰ koa e nyikwa Uziel,

ne gin ji mia achiel gi apar gariyo kotelnegi gi Aminadab.

¹¹ Bangʼe Daudi noluongo Zadok kod Abiathar ma jodolo kod Uriel, Asaya, Joel, Shemaya, Eliel kod Aminadab ma ja-Lawi. ¹² Nowachonegi niya, “Un e jotend anywola mar jo-Lawi, un kaachiel gi joweteu ma jo-Lawi nyaka upwodhru mondo uom Sandug Muma mar Jehova Nyasaye, ma Nyasach Israel mondo ukele kama aseikone. ¹³ Jehova Nyasaye ma Nyasachwa ne iye owangʼ kodwa e kinde mokwongo nikech un jo-Lawi ne ok udhi ome bende ne ok wapenje kaka dine wakele e yo mowinjore.” ¹⁴ Omiyo jodolo kod jo-Lawi nopwodhore mondo mi gikel Sandug Muma mar Jehova Nyasaye ma Nyasach jo-Israel. ¹⁵ Jo-Lawi noliero Sandug Muma mar Nyasaye e gokgi gi ludhe, mana kaka Musa nochiko kaluwore gi wach Jehova Nyasaye.

¹⁶ Daudi nowachone jotend jo-Lawi mondo oyier jowetegi kaka jower mondo ower wende mag mor ka gigoyo thumbe machalo orutu, nyatiti gi ongengʼo.

¹⁷ Omiyo jo-Lawi noyiero Heman wuod Joel kuom owetene, Asaf wuod Berekia, to kuom owetegi ma joka Merari, negiyiero Ethan wuod Kushaya ¹⁸ kaachiel gi jowetene ma jolupne e tich, mane gin: Zekaria, Jaziel, Shemiramoth, Jehiel, Uni, Eliab, Benaya, Maseya, Matithia, Elifelehu, Mikneya, Obed-Edom kod Jeyel ma jorit rangeye.

¹⁹ To jogo thum ma Heman, Asaf kod Ethan nonego go ongengʼo mar mula, ²⁰ Zekaria, Aziel, Shemiramoth, Jehiel, Uni, Eliab, Maseya kod Benaya nonego go nyatiti kaluwore gi chenro wer miluongo ni alamoth , ^[1] ²¹ to Matithia, Elifelehu, Mikneya, Obed-Edom, Jeyel kod Azazia to nonego go nyatiti kaluwore gi chenro miluongo ni sheminith. ^[2] ²² Kenania jatend jo-Lawi notelo ne wer, mano ne tije nikech nolony e wer ahinya.

²³ Berekia kod Elkana to ne gin jorit dhout od Sandug Muma mar Nyasaye. ²⁴ Shabania, Joshafat, Nethanel, Amasai, Zekaria, Benaya kod Eliezer ma jodolo, to nonego go turumbete e nyim Sandug Muma mar Nyasaye. Obed-Edom kod Jehia bende ne jorit od Sandug Muma mar Nyasaye.

²⁵ Omiyo Daudi kod jodong Israel kaachiel gi jotend lweny mane orito jolweny alufu achiel ne odhi mondo okel Sandug Muma mar singruok mar Jehova Nyasaye koa e od Obed-Edom gi ilo. ²⁶ Negitimo misango gi rwedhi abiriyo kod rombe abiriyo nikech Nyasaye nokonyo jo-Lawi manotingʼo Sandug Muma mar singruok mar Jehova Nyasaye. ²⁷ Daudi, jo-Lawi duto mane otingʼo Sandug Muma mar singruok mar Nyasaye, jower kaachiel gi Kenania mane otelo ne jower norwakore gi aroche mag bafta. Daudi bende norwako law mayom mar dolo miluongo ni efod. ²⁸ Kamano jo-Israel nokelo Sandug Muma mar singruok mar Jehova Nyasaye ka gigoyo sigalagala gi tunge im, gi turumbete kod ongengʼo kendo ka gigoyo orutu kod nyatiti.

²⁹ Kane Sandug Muma mar singruok mar Jehova Nyasaye ochopo e Dala Maduongʼ mar Daudi, ne oyudo ka Mikal nyar Saulo ne ngʼicho gie dirisa. To ka noneno Ruoth Daudi kamiel kendo tugo komor, nochaye gie chunye.

15:20 ^[1] Kit wer mane jogi wero.

15:21 ^[2] Kit wer mane jogi wero.

Chapter 16

¹ Negikelo Sandug Muma mar Nyasaye mi gikete ei hema mane Daudi ogurone, bangʼe negitimo misengini miwangʼo pep kod misengini mag lalruok e nyim Nyasaye. ² Kane Daudi osetieko chiwo misango miwangʼo pep kod misango mar lalruok, ne ogwedho jo-Israel ka oluongo nying Jehova Nyasaye. ³ Bangʼe ngʼato ka ngʼato ma ja-Israel, dhako kata dichwo nomiyo makati achiel, gi ringʼo mayom kod olembe motwo mongʼin.

⁴ Noyiero jo-Lawi moko mondo oti e nyim Sandug Muma mar Jehova Nyasaye, mondo olem kendo ogo erokamano ka gipako Jehova Nyasaye ma Nyasach Israel. ⁵ Asaf ne jatendgi, Zekaria jalupne, kiluwogi kod Jeyel, Shemiramoth, Jehiel, Matithia, Eliab, Benaya, Obed-Edom gi Jeyel mane jogo orutu gi nyatiti ka Asaf to ne dwongʼo ongengʼo ⁶ to Benaya kod Jahaziel ma jodolo to ne goyo turumbete e sa ka sa e nyim sanduk singruok mar Nyasaye.

Zaburi mar Daudi mar goyo erokamano

⁷ Chiengʼno ema ne Daudi omiyo Asaf kod jowetene zaburini mar goyo erokamano ni Jehova Nyasaye kama:

⁸ Pakuru Jehova Nyasaye,

luonguru nyinge,

landuru ne ogendini duto gima osetimo.

⁹ Werneuru, pakeuru gi wende,

nyisuru kuom tijene duto miwuoro.

¹⁰ Nyinge maler nigi duongʼ,

chuny joma manyo Jehova Nyasaye mondo obed mamor.

¹¹ Ranguru Jehova Nyasaye gi tekone,

dwaruru wangʼe kinde duto.

¹² Paruru gik miwuoro mosetimo,

honni mage kod buche mosengʼado,

¹³ yaye, un nyikwa Israel jatichne,

yaye, un yawuot Jakobo joge moyiero.

¹⁴ En e Jehova Nyasaye ma Nyasachwa;

buchene ni e piny duto.

¹⁵ Oparo singruokne nyaka chiengʼ,

weche mane osingo e tienge tara,

¹⁶ Singruok mane otimo gi Ibrahim,

muma mane okwongʼorego ni Isaka.

¹⁷ Ne ogure ne Jakobo kaka chik,

kendo nogure ni Israel kaka singruok mochwere:

¹⁸ Nowacho niya, “Anamiyi piny Kanaan kaka

girkeni mari.”

¹⁹ Kane pod gin ji manok e kar rombgi,

ne ginok ahinya kendo ne gin welo e pinyno,

²⁰ ne giwuotho e kind ogendini mopogore,

ka gidhi e pinyruodhi mopogore opogore.

²¹ Ne ok oyie mondo ngʼato osandgi,

nokwero ruodhi kowachonegi niya,

²² “Kik umul joga ma awiro,

kik uhiny jonabi maga.”

²³ Weruru ne Jehova Nyasaye un ji duto modak e piny,

landuru warruokne odiechiengʼ kodiechiengʼ.

²⁴ Huluru duongʼne e kind ogendini

kendo landuru tijene miwuoro ne ji duto.

²⁵ Nimar Jehova Nyasaye duongʼ kendo owinjore gi pak;

onego omiye luor moloyo nyiseche mamoko duto.

²⁶ Nikech nyiseche duto mag ogendini gin mana gik ma dhano oloso,

to Jehova Nyasaye ema nochweyo polo.

²⁷ Duongʼ kod pak nitiere e nyime;

teko kod mor nitiere kar dakne.

²⁸ Pakuru Jehova Nyasaye, yaye ogendini manie piny,

wachuru ni Jehova Nyasaye duongʼ kendo en gi teko.

²⁹ Miuru Jehova Nyasaye duongʼ mowinjore gi nyinge.

Keluru chiwo kendo ubi ire mondo.

Ulam Jehova Nyasaye e lerne marieny mar berne.

³⁰ Un ji duto manie piny, beduru gi e nyime!

Piny osegur motegno kendo ok noyienge.

³¹ Polo mondo obed moil,

piny mondo obed mamor,

we mondo giwachne e dier ogendini niya,

“Jehova Nyasaye olocho!”

³² Nam kod gik moko duto man e iye bende omor,

beduru mamor un pewe kod gik manie iwu.

³³ Bangʼe yiende manie bungu nower,

giniwer gi mor e nyim Jehova Nyasaye,

nikech obiro ngʼadone piny bura.

³⁴ Gouru erokamano ne Jehova Nyasaye nikech ober;

kendo herane osiko manyaka chiengʼ.

³⁵ Ywaguru niya, “Reswa aa Nyasaye ma Jawarwa,

chokwa kendo reswa kuom ogendini,

mondo mi wadwok erokamano ne nyingi maler

kendo wabed mamor kwapaki.”

³⁶ Pakuru Jehova Nyasaye, ma Nyasach Israel

mochwere manyaka chiengʼ.

Eka ji duto nowacho niya, “Amin” kendo ni “Opak Jehova Nyasaye.”

³⁷ Daudi ne oweyo Asaf kod jotich kaachiel kode e nyim Sandug Singruok mar Jehova Nyasaye mondo giti kanyo ndalo duto mana kaka ne dwarore pile ka pile kendo odiechiengʼ ka odiechiengʼ. ³⁸ Ne oweyo bende Obed-Edom kod jowetene piero auchiel gaboro mondo joti kodgi. Obed-Edom wuod Jeduthun to gi Hosa bende ne jorit rangeye.

³⁹ Daudi noweyo Zadok jadolo kod jowetene ma jodolo e nyim hekalu mar Jehova Nyasaye e kama otingʼore gi malo man Gibeon, ⁴⁰ mondo gichiwne Jehova Nyasaye misengini pile pile e kendo mar misango miwangʼo pep, gitim kamano okinyi kod odhiambo mana kaka ondikgi duto e Chik Jehova Nyasaye mano mi jo-Israel. ⁴¹ Kaachiel kodgi ne gin Heman gi Jeduthun kod joma moko manoyier kendo oluong gi nyingegi mondo gi dwokne Jehova Nyasaye erokamano, “nikech herane osiko manyaka chiengʼ.” ⁴² Heman kod Jeduthun to ne tijgi en goyo turumbete kod ongengʼo kod goyo thumbe mamoko mag wend Nyasaye. Yawuot Jeduthun to ne rito rangach.

⁴³ Eka ji duto noa ka ngʼato ka ngʼato dok e dalane, kendo Daudi bende nodhi dalane mondo ogwedh joge.

Chapter 17

Singruok mar Nyasaye ne Daudi

¹ Bangʼ ka Daudi nosedonjo e ode mar ruoth, nowacho ni Nathan janabi niya, “Koro anto adak e od ruoth moger gi yiend sida, to Sandug Muma mar singruok mar Jehova Nyasaye to osiko e bwo hema.”

² Nathan nodwoko Daudi niya, “gimoro amora manie chunyi to dhi nyime mondo itim nikech Nyasaye ni kodi.”

³ Otienono wach mar Nyasaye nobiro ni Nathan kawacho niya,

⁴ “Dhiyo mondo inyis jatichna Daudi niya, ‘Ma e gima Jehova Nyasaye wacho: In ok nigerna ot mondo adagie. ⁵ Pok adak e ot chakre ndalo mane agolo jo-Israel e piny Misri nyaka kawuono. Asebedo kawuotho e kuonde mogurie hema ka adar e kuonde dak mopogore. ⁶ Kuonde duto masewuothoe gi jo-Israel duto, bende asewachoe ni jotendgi mane aketo jokwadh joga niya, “Angʼo momiyo pok ugerona ot mar yiend sida?” ’

⁷ “Omiyo koro wach ni jatichna Daudi niya, ‘Ma e gima Jehova Nyasaye Maratego wacho kama: Ne agoli e lek kuma ne ikwayoe rombe mondo ibed jatend joga Israel. ⁸ Asebedo kodi kuonde duto misedhiye, kendo asetieko wasiki duto e nyimi. Koro abiro miyo nyingi bed kaka humb jomadongo manie piny. ⁹ Kendo abiro chiwo piny ni joga Israel kendo abiro gurogi mondo gibed gi pinygi giwegi mondo kik chandgi kendo. Jomahundu ok nochak osandgi kendo kaka negitimonegi mokwongo, ¹⁰ kendo kaka gisetimo nyaka chakre ne ayier jotelo marito joga Israel. Bende abiro loyo wasiki duto.

“ ‘Awachoni ni Jehova Nyasaye biro geroni ot: ¹¹ Ka ndaloni orumo mitho kendo iluwo kwereni, to abiro keto kothi moro mondo okaw kari, achiel kuom yawuoti minywolo kendo anagur pinyruodhe. ¹² En ema noger ot ni nyinga kendo anagur lochne osik nyaka chiengʼ. ¹³ Anabed wuon-gi, to enobed wuoda. Ok nagol herana kuome kaka ne agolo herana kuom ruoth mane ikawo loch kuome. ¹⁴ Anakete motegno e oda kendo kuom pinyruodhe nyaka chiengʼ, lochne nogur motegno manyaka chiengʼ.’ ”

¹⁵ Nathan nonyiso Daudi weche duto mane ofwenyne.

Lemo mar Daudi

¹⁶ Eka Ruoth Daudi nodonjo e hema mobet piny e nyim Jehova Nyasaye mowacho niya,

“An to an ngʼa, yaye Jehova Nyasaye, to jooda to gin ngʼa gini momiyo isetimona gigi duto? ¹⁷ To ka gima kamano ok oromo e nyim wangʼi, yaye Jehova Nyasaye, to isewuoyo kuom gima biro timore e od jatichni. Isengʼiya mana ka gima an ngʼat motingʼ malo moloyo ji duto, yaye Jehova Nyasaye.

¹⁸ “En angʼo ma Daudi dimed wachoni kuom duongʼ ma isemiyo jatichni? Nikech ingʼeyo jatichni, ¹⁹ yaye Jehova Nyasaye. Nikech wach misewacho kendo koluwore gi dwaroni, isetimo tim maduongʼni bende isemiyo singruok madongogi ongʼere.

²⁰ “Yaye Jehova Nyasaye, onge ngʼama chalo kodi kendo onge Nyasaye moro makmana in, mana kaka wasewinjo gi itwa wawegi. ²¹ Ere oganda machal gi jogi Israel? Bende nitiere oganda moro mane Nyasache osedhi moreso ka gin wasumbini milokogi jogi? Donge isemiyo nyingi duongʼ kuom timbe madongo kendo malich, nimar iseriembo ogendini mamoko e nyim jogi mane ireso kigolo Misri? ²² Ne imiyo jogi ma jo-Israel obedo jogi iwuon nyaka chiengʼ to bende in Jehova Nyasaye isebedo Nyasachgi.

²³ “To koro Jehova Nyasaye, mi singruok misetimo kuom jatichni kod ode mondo ogurre nyaka chiengʼ. Tim mana kaka ne isingori, ²⁴ mondo mi ogurre kendo nyingi obed maduongʼ nyaka chiengʼ. Eka ji biro wacho ni, ‘Jehova Nyasaye Maratego, en Nyasach jo-Israel!’ Kendo dhood jatichni Daudi nogurre e nyimi.

²⁵ “In, Nyasacha isefwenyo ni jatichni ni ibiro gerona ot omiyo jatichni osebet gi chir mondo olami. ²⁶ Yaye Jehova Nyasaye, in e Nyasaye! Kendo isesingo gik mabeyogi ni jatichni. ²⁷ Emomiyo iseyie mondo igwedh od jatichni mondo osik e nyimi nyaka chiengʼ nikech isegwedhe kendo inigwedhe nyaka chiengʼ, yaye Jehova Nyasaye.”

Chapter 18

Lwenje mane Daudi oloyo

¹ E kinde moko, Daudi noloyo jo-Filistia ma gibedo e bwo lochne kendo nokawo Gath to gi mier matindo molwore koa kuom jo-Filistia.

² Daudi noloyo jo-Moab bende kendo negibedo e bwo lochne kendo negigolone osuru.

³ Bende Daudi nokedo gi Hadadezer ma ruodh Zoba nyaka ochopo Hamath kane odhi mondo ogur lochne e dho Aora Yufrate. ⁴ Daudi nomako geche lweny alufu achiel gi joidh farese alufu abiriyo, to gi jolweny mawuotho gi tiendgi alufu piero ariyo. Nongʼado odond farese duto makmana farese mia achiel kuomgi ema noweyo.

⁵ Kane jo-Aram moa Damaski obiro konyo Hadadezer ruodh Zoba, Daudi nonego ji alufu piero ariyo gariyo kuomgi. ⁶ Noketo kambi mag jolwenje e dala maduongʼ mar Damaski e piny jo-Aram kendo jo-Aram nobedo e bwo lochne kendo negikelone osuru. Jehova Nyasaye nomiyo Daudi olocho kamoro amora mane odhiye.

⁷ Daudi nokawo kuodi molos gi dhahabu mane otingʼ gi jotend lweny mag Hadadezer mi okelogi Jerusalem. ⁸ Chakre Teba kod Kun, mane gin miech Hadadezer, Daudi nokawo mula mangʼeny, mane Solomon olosogo gima iluongo ni Nam mar mula gi sirni, to gi gik mopogore opogore molos gi mula.

⁹ Kane Tou ruodh Hamath nowinjo ni Daudi noloyo jolweny duto mag Hadadezer ruodh Zoba, ¹⁰ nooro wuode Hadoram ir Ruoth Daudi mondo oterne omose kendo opake kuom locho e kedo kod Hadadezer mane osebedo kakedo gi Tou. Hadoram nokelo gik mopogore opogore ma olos gi dhahabu gi fedha kod mula.

¹¹ Ruoth Daudi nochiwo gigi ne Jehova Nyasaye, mana kaka ne osetimo gi fedha kod dhahabu manokawo kuom ogendini duto: jo-Edom kod jo-Moab, jo-Amon kod jo-Filistia to gi jo-Amalek.

¹² Abishai wuod Zeruya nonego jo-Edom alufu apar gaboro e Holo mar Chumbi. ¹³ Nogero kar kambi jolweny ei Edom kendo jo-Edom nobedo e bwo loch Daudi. Jehova Nyasaye nomiyo Daudi olocho kamoro amora mane odhiye.

Jodongo mag Daudi

¹⁴ Daudi nobedo ruodh jo-Israel duto kotimo maber kendo makare ni joge duto.

¹⁵ Joab ma wuod Zeruya ne jatend jolweny,

to Jehoshafat wuod Ahilud ne jachan weche,

¹⁶ Zadok wuod Ahitub kod Abimelek wuod Abiathar to ne jodolo,

Shavsha ne jagoro;

¹⁷ Benaya wuod Jehoyada to ne jatend joka Kereth kod joka Peleth,

to yawuot Daudi to ne gin jotelo madongo makonyo ruoth.

Chapter 19

Kedo gi jo-Amon

¹ E kinde mamoko Nahash ruodh Amon notho mi wuode nobedo ruoth kare. ² Daudi noparo e chunye kowacho niya, “Anatim ngʼwono ni Hanun wuod Nahash, nikech wuon mare bende notimona ngʼwono.” Omiyo Daudi nooro joote mondo otimne Hanun mos kuom tho wuon mare.

Kane joote Daudi nobiro ir Hanun e piny jo-Amon mondo gitimne mos, ³ joka ruoth mag Amon nowachone Hanun niya, “Iparo ni Daudi miyo wuonu duongʼ ka ooro ji iri mondo ogoni mos? Donge joge osebiro mana mondo ginon kendo gicheng pinywa mondo onwangʼ yo ma onyalo loyego?” ⁴ Omiyo Hanun nomako joote Daudi molielogi, ma ongʼado lepgi koa e dier ngʼegi nyaka e nungogi kadhi piny, bangʼe to oriembogi.

⁵ Kane ngʼato obiro mi onyiso Daudi gima osetimore ne joge, ne ooro joote mondo oromnegi nikech ne giyudo wichkuot malich. Ruoth nowacho niya, “Beduru Jeriko nyaka yie tiku dongi eka bangʼe uduogi.”

⁶ Kane jo-Amon oneno ka gisechido chuny Daudi, Hanun kod jo-Amon nooro fedha madirom kilo alufu piero adek mondo giholgo geche gi joriembgi kuom jo-Aram-Naharaim, jo-Aram Maaka kod jo-Zoba. ⁷ Ne giholo geche alufu piero adek gariyo gi joriembgi kaachiel gi ruodh jo-Maaka gi jolweny mage kendo negibiro ma gigoyo kambi but Medeba, to jo-Amon nochoki e miechgi mi negiyworone lweny.

⁸ Kane Daudi owinjo wachno nooro Joab gi jokedo mag lweny duto. ⁹ Jo-Amon nobiro mi giriedo ne lweny e dhoranga dalagi maduongʼ kane ruodhi mane obiro konyogi ne nikendgi e pap.

¹⁰ Joab noneno ni wasigu ni yo ka nyime gi yo katoke, omiyo noyiero jolweny mabeyo moloyo ei Israel, moketogi mondo giked gi jo-Aram. ¹¹ To joge mane odongʼ to noketo e bwo owadgi Abishai kendo nochomogi kuom jo-Amon. ¹² Joab nowacho niya, “Ka jo-Aram dwaro loya, to ubi ukonya, to ka diponi jo-Amon tek moloyi, to anabi akonyi. ¹³ Bed motegno kendo wakeduru motegno ne jowa kendo ni mier madongo mag Nyasachwa. Jehova Nyasaye notim gima ber e nyim wangʼe.”

¹⁴ Eka Joab gi jolweny mane ni kode nodhi mondo oked gi jo-Aram kendo negiringo e nyimgi. ¹⁵ Kane jo-Amon oneno jo-Aram karingo gin bende negiringo e nyim owadgi ma Abishai mi gidhi ei dala maduongʼ. Eka Joab nodok Jerusalem.

¹⁶ Bangʼ kane jo-Aram oneno ni jo-Israel oseloyogi, negioro joote moomo jo-Aram mane ni loka Aora kotelnegi gi Shofak mane jatend jolwenj Hadadezer.

¹⁷ Kane onyis Daudi wachni, nochoko jo-Israel duto ma ongʼado aora Jordan, kendo nochomogi mi giriedo ne lweny momanyore kodgi. Daudi noriedo joge mondo girad e lweny kod jo-Aram mi gikedo kode. ¹⁸ To negiringo gia e nyim jo-Israel kendo Daudi nonego jolwenjgi alufu abiriyo ma joidho geche miywayo gi farese to gi jolweny mawuotho gi tiendgi alufu piero angʼwen. Bende nonego Shofak mane jatend jolwenjgi.

¹⁹ Kane jopiny mane nitie e bwo loch Hadadezer oneno ni jo-Israel oseloyogi negiloso kwe kod Daudi mi gibedo e bwo lochgi.

Omiyo jo-Aram ne ok ochako oyie konyo jo-Amon kendo.

Chapter 20

Okaw dala miluongo ni Raba

¹ E kinde chakruok oro, e ndalo ma ruodhi thoro wuok kadhi kedo, Joab nowuok gi jolwenjgo momanore gi gige lweny. Ne omuko moketho piny jo-Amon bangʼe odhi Raba ma olwore gi jolweny, Daudi to nodongʼ Jerusalem. Joab nomonjo Raba moweyo kokethe chuth. ² Daudi nogolo osimbo ewi ruodhgi, ma pek mar dhahabu molosego nonwangʼ ni dirom kilo piero adek gangʼwen, kendo nochom kuome kite ma nengogi tek mi nosidhe ewi Daudi. Nokawo gik mangʼeny mane oyako e dala maduongʼno ³ kendo nodaro joma nodak kanyo moketogi e tich mar tiyogi musmende, kod tindo mag chuma kod ledhi. Daudi notimo mano ne mier duto mag jo-Amon. Bangʼe Daudi gi jolweny mage duto nodok Jerusalem.

Kedo gi jo-Filistia

⁴ E kinde mamoko lweny nowuok Gezer e kindgi gi jo-Filistia. E ndalogo Sibekai ma ja-Hushath nonego Sipai mane en achiel kuom nyikwa Refai omiyo nolo jo-Filistia.

⁵ E lweny machielo gi jo-Filistia, Elhanan wuod Jair nonego Lami ma owadgi Goliath ja-Giti mane ni kod tongʼ ma bonde romo gi lodi.

⁶ Lweny machielo nochako owuok Gath, kama ne nitie ngʼat marabet mane nigi lith lwedo auchiel gi lith tielo auchiel koni gi koni, lith lwetene gi mag tiendene koriw to ne romo piero ariyo gangʼwen. En bende ne en nyakwar Rafa. ⁷ To kane othiano ni jo-Israel, Jonathan wuod Shimea ma owadgi Daudi nonege.

⁸ Magi ne nyikwa Rafa ja-Gath mane Daudi gi joge onego.

Chapter 21

Daudi okwano joma nyalo dhiyo e lweny

¹ Satan ne dwaro hinyo jo-Israel omiyo nosundo Daudi mondo okwan jo-Israel. ² Daudi nowachone Joab kaachiel gi jotend jolweny niya, “Dhiuru kendo ukwan jo-Israel kochakore Bersheba nyaka chop Dan, bangʼe to inyisa kar rombgi mondo mi angʼe ni gin ji adi.”

³ To Joab nodwoke niya, “Mad Jehova Nyasaye med jolweny madirom nyadi mia achiel. Ruodha kendo jatenda, to donge gin duto gin jo-ruoth? To en angʼo momiyo ruoth ma en ruodha didwar timo richo machal kama ni Israel?”

⁴ Kata kamano ruoth notamo Joab omiyo Joab nowuok modhi e piny jo-Israel duto, bangʼe noduogo Jerusalem. ⁵ Joab nokelo ne Daudi kar kwan jolweny kama: Kuom jo-Israel ne nitie ji tara achiel gi alufu mia achiel mane nyalo tingʼo ligangla koriwore gi jo-Juda alufu mia angʼwen gi piero abiriyo.

⁶ To Joab ne ok okwano jo-Lawi kod jo-Benjamin nikech nosin gi chik ruoth. ⁷ Chikni ne rach ahinya e nyim wangʼ Nyasaye omiyo nokumo jo-Israel.

⁸ Eka Daudi nowacho ni Nyasaye niya, “Asetimo richo maduongʼ kuom gima asetimoni. To koro akwayi mondo igol richoni kuom jatichni. Asetimo gima ofuwo ahinya.”

⁹ Jehova Nyasaye nowacho ne Gad ma jokor wach mar Daudi niya, ¹⁰ “Dhiyo iwach ni Daudi ni, ‘Ma e gima Jehova Nyasaye wacho: Aketo weche adek e nyimi. Yier achiel kuomgi monego atimni.’ ”

¹¹ Omiyo Gad nodhi ir Daudi mowachone niya, “Ma e gima Jehova Nyasaye owacho: ‘Kaw achiel kuomgi: ¹² higni adek mag kech, dweche adek ma wasiku biro lawoue gi ligangla ka negou kata ndalo adek mar ligangla mar Jehova Nyasaye (ma en ndalo mag dera marach e piny), ka malaika Jehova Nyasaye neko kamoro amora e piny Israel.’ Koro par ane mondo imiya dwoko matero ni ngʼama ne oora.”

¹³ Daudi nodwoko Gad niya, “An-gi chuny lit ahinya. Ber mondo alwar e lwet Jehova Nyasaye nikech ngʼwonone duongʼ, to kik iweya mondo alwar e lwet ji.”

¹⁴ Omiyo Jehova Nyasaye nokelo masira kuom jo-Israel kendo nonego jo-Israel alufu piero abiriyo. ¹⁵ Kendo Nyasaye nooro malaika mondo oketh Jerusalem. To kane malaikano timo kamano Jehova Nyasaye noneno mano mi okuyo nikech tim malichno mi nonyiso malaika mane nego ji niya, “Oromo! Koro dwok lweti.” Malaika mar Jehova Nyasaye noyudo ochungʼ e kar dino cham mar Arauna ja-Jebus.

¹⁶ Daudi nongʼiyo malo ma oneno malaika mar Jehova Nyasaye kochungo e kind polo gi piny ka otingʼo ligangla mager e lwete mane orieyo kuom Jerusalem. Bangʼe Daudi gi jodongo nopodho piny auma ka girwakore gi pien gugru.

¹⁷ Daudi nowacho ni Jehova Nyasaye niya, “Donge an ema nagolo chik mondo okwan joma nyalo dhi e lweny? An ma an jakwath ema asetimo richo kendo aseketho. Magi to gin mana rombe, angʼo magiseketho? Yaye Jehova Nyasaye ma Nyasacha, akwayi ni an ema ikuma kaachiel gi joga to kik iwe masira odongʼ kuom jogi.”

¹⁸ Bangʼe malaika mar Jehova Nyasaye nochiko Gad mondo onyis Daudi odhi malo kar dino cham ma Arauna ja-Jebus mondo oger kendo mar misango ni Jehova Nyasaye. ¹⁹ Omiyo Daudi nodhi malo kaluwore gi wach mane Gad osewachone kuom nying Jehova Nyasaye.

²⁰ Kane Arauna dino ngano, notingʼo wangʼe ma oneno malaika, yawuote mane ni kode nopondo. ²¹ Bangʼe Daudi nodhi ire, kane Arauna ogoyo wangʼe monene, nowuok kar dino mokulore auma nyaka e lowo e nyim Daudi.

²² Daudi nonyise niya, “Yie imiya laru mar dino cham mondo angʼiew mondo agerie kendo mar misango ni Jehova Nyasaye eka tho manego ji orum. Yie iusnago e kar romb nengone duto.”

²³ Arauna nowacho ne Daudi niya, “Kawe! Mad ruodha ma jatenda okawe kendo otim kode gima chunye dwaro. Ne, anamiyi rwedhi mondo ichiw kaka misango miwangʼo pep, kod gige dino kaka yien kaachiel gi ngano kaka cham michiwo; abiro chiwogi duto.”

²⁴ To Ruoth Daudi nodwoko Arauna niya, “Ooyo, nyaka achuli nengone duto mowinjore kode.” Ok anayie ngangʼ kawo ne Jehova Nyasaye giri nono kata timo misango miwangʼo pep ma ok achuloe gimoro.

²⁵ Omiyo Daudi nochulo Arauna pesa mag dhahabu ma dirom kilo abiriyo mane nengo kar dinono. ²⁶ Daudi nogero kendo mar misango ni Jehova Nyasaye kanyo kendo nochiwo misango miwangʼo pep kod chiwo mar lalruok. Noluongo Jehova Nyasaye, kendo Jehova Nyasaye nodwoke gi mach moa e polo kalwar e kendo mar misango miwangʼo pep.

²⁷ Eka Jehova Nyasaye nowuoyo gi malaika mine odwoko liganglane e olalo mare. ²⁸ E sechego Daudi notimo misengini kanyo kane oneno ni Jehova Nyasaye osedwoke e laru mar dino mar Arauna ja-Jebus. ²⁹ Hekalu mar Jehova Nyasaye mane Musa oloso e thim, kaachiel gi kendo mar misango miwangʼo pep e kindego ne pod nitiere e kar lemo man Gibeon. ³⁰ Kata kamano, Daudi ne ok nyal dhiyo bute mondo openj Nyasaye nikech ne oluoro ligangla mar malaika mar Jehova Nyasaye.

Chapter 22

¹ Bangʼe Daudi nowacho niya, “Ma e kama od Jehova Nyasaye ma Nyasaye nobedie, kendo kae ema jo-Israel nogerie kendo mar misango miwangʼo pep.”

Ikruok mar gero hekalu

² Omiyo Daudi nogolo chik mondo ochok jodak duto manie piny jo-Israel kendo koa kuomgi noyiero jangʼad kite mondo opa kite migerogo od Nyasaye. ³ Noiko nyinyo modhuro mondo olosgo musmande migedogo kendo mirwakogo dhoudi mag rangeye gi mula mathoth mokadho apima. ⁴ Bende noiko yiend sida madongo ma ok kwan nikech jo-Sidon gi jo-Turo nokelone Daudi yiende mangʼeny mag sida.

⁵ Daudi nowacho niya, “Wuoda Solomon pod rawera mayot kendo en gi ngʼeyo matin, to ot monego ogerne Jehova Nyasaye nyaka bed miwuoro kendo ma humbe gi berne onego onere e piny mangima. Omiyo nyaka aikne gige gedo.” Kuom mano, Daudi noiko gik moko mangʼeny kapok otho.

⁶ Bangʼe noluongo wuode Solomon mochike ni mondo oger ot ne Jehova Nyasaye, ma Nyasach Israel. ⁷ Daudi nowachone Solomon niya, “Wuoda naparo e chunya mondo ager ot miluongo gi Nying Jehova Nyasaye, ma Nyasacha. ⁸ To wach Jehova Nyasaye nobirona kawacho ni, ‘Isechwero remo mangʼeny kendo isekedo lwenje mangʼeny. Ok iniger ot maluongo Nyinga nikech isechwero remo mangʼeny e nyima. ⁹ To ininywol wuowi manobed ngʼat mohero kwe maonge tungni, kendo anami obed gi kwe kuom jowasike molwore. Enochake ni Solomon, mi anakelni jo-Israel kwe e ndalo lochne. ¹⁰ En ema noger ot miluongo gi Nyinga. Enobed wuoda, to anabed wuon mare kendo anagur loch mar pinyruodhe mar Israel nyaka chiengʼ.’

¹¹ “Koro wuoda, Jehova Nyasaye obed kodi, kendo mad ogwedhi mondo mi iger od Jehova Nyasaye, ma Nyasachi kaka nosewacho ni initim. ¹² Mad Jehova Nyasaye omiyi rieko kod ngʼeyo e kinde moketi mondo irit jo-Israel kendo mondo mi irit chik Jehova Nyasaye, ma Nyasachi. ¹³ Bangʼe inine ber kimako chike kod buche ma Jehova Nyasaye nomiyo Musa ne jo-Israel. Bed motegno kendo gichir, kik iluor kata kik chunyi bed gi nyosruok.

¹⁴ “Aseneno lit malich mondo aikne od Jehova Nyasaye dhahabu ma pekne romo tan alufu adek mia abiriyo gi piero abich kaachiel gi fedha ma pekne romo tan alufu piero adek gabiriyo gi mia abich kaachiel gi mula kod nyinyo ma pekgi okadho apima kod yiende gi kite. In bende inyalo medo moko. ¹⁵ In gi jotich mangʼeny kaka jopa kite, jogedo gi jopa bao kaachiel gi ji molony e tije mopogore opogore, ¹⁶ mag dhahabu, kod fedha, mula kod nyinyo kaachiel gi jopecho mokadho akwana. Koro chak tich, mad Jehova Nyasaye obed kodi.”

¹⁷ Bangʼe Daudi nochiko jotend Israel duto mondo okony wuode Solomon. ¹⁸ Nowachonegi niya, “To donge Jehova Nyasaye ma Nyasachu ni kodu? To donge osemiyou kwe e alworau duto? Nimar osechiwo joma odak e pinyni e lweta ma pinyni koro nitie e bwo loch Jehova Nyasaye kaachiel gi joge. ¹⁹ Omiyo koro keturu chunyu gi ngimau kuom dwaro Jehova Nyasaye ma Nyasachu. Koro chakuru gero kama ler mar lemo mar Jehova Nyasaye mondo omi ukel Sandug Muma mar Singruok mar Jehova Nyasaye kod gigo mopwodhi mag Nyasaye ei hekalu mibiro gero ne Nying Jehova Nyasaye.”

Chapter 23

Jo-Lawi

¹ Kane Daudi koro oseti kendo hike ne ngʼeny, ne oketo wuode Solomon obedo ruodh Israel.

² Bende ne ochoko jodongo duto mag jo-Israel kaachiel gi jodolo kod jo-Lawi. ³ Jo-Lawi machwo ma jo-higni piero adek kata moloyo kanyo nokwan, ne gin ji alufu piero adek gaboro. ⁴ Daudi nowacho niya, “Ji alufu piero ariyo gangʼwen kuomgi noket jorit tich e hekalu mar Jehova Nyasaye, to ji alufu auchiel kuomgi to noket jotelo kod jongʼad bura. ⁵ Ji alufu angʼwen, to noket jorit rangeye, kendo ji alufu angʼwen mamoko, to noket jopak Jehova Nyasaye gi thumbe ma asechiwo nikech tijni.”

⁶ Daudi nopogo jo-Lawi e migepe kaluwore gi yawuot Lawi ma gin Gershon, Kohath kod Merari.

Joka Gershom

⁷ Koa kuom joka Gershon, ne gin:

Ladan kod Shimei.

⁸ Yawuot Ladan ne gin:

Jehiel wuode makayo, kiluwe gi Zetham kod Joel, giduto ne gin ji adek.

⁹ Yawuot Shimei ne gin:

Shelomoth, Haziel kod Haran, giduto ne gin ji adek.

Magi ema ne jotend anywola mar Ladan.

¹⁰ To yawuot Shimei ne gin:

Jahath, Ziza, Jeush kod Beria.

Magi ema ne yawuot Shimei, giduto ne gin ji angʼwen.

¹¹ Jahath ema ne kayo, Ziza ne luwe, to Jeush kod Beria nokwan kaka dhoot achiel moriwgi e tich achiel nikech yawuotgi ne nok.

Joka Kohath

¹² Yawuot Kohath ne gin:

Amram, Izhar, Hebron kod Uziel, giduto ne gin ji angʼwen.

¹³ Yawuot Amram ne gin:

Harun kod Musa.

Harun gi nyikwaye to nowal nyaka chiengʼ mondo opwodh gik maler moloyo, kendo ochiw misango e nyim Jehova Nyasaye kendo mondo gitine kendo gigwedh ji e nyinge nyaka chiengʼ.

¹⁴ Yawuot Musa, ngʼat Nyasaye, to nokwan kaka achiel kuom dhood jo-Lawi.

¹⁵ Yawuot Musa ne gin:

Gershom kod Eliezer.

¹⁶ Nyikwa Gershom ne gin:

Shubael mane wuowi makayo.

¹⁷ Nyikwa Eliezer ne gin:

Rehabia mane wuowi makayo.

Eliezer ne onge gi yawuowi mamoko, to yawuot Rehabia ne ngʼeny moloyo.

¹⁸ Yawuot Izhar ne gin:

Shelomith mane wuowi makayo.

¹⁹ Yawuot Hebron ne gin:

Jeria mane wuowi makayo, Amaria mar ariyo,

Jahaziel mar adek gi Jekameam mar angʼwen.

²⁰ Yawuot Uziel ne gin:

Mika mane wuowi makayo kod Ishia wuowi mar ariyo.

Joka Merari

²¹ Yawuot Merari ne gin:

Mali kod Mushi.

Yawuot Mali ne gin:

Eliazar kod Kish.

²² Eliazar notho kapok onywolo yawuowi, ne en mana gi nyiri kende. Owetegi ma yawuot Kish nokendogi.

²³ Yawuot Mushi ne gin:

Mali, Eder kod Jerimoth, giduto ne gin ji adek.

²⁴ Magi ema ne nyikwa Lawi kochan-gi kaluwore gi anywolagi mane gin jotelo mag anywola mana kaka nondik nying-gi kendo kokwan-gi ngʼato ka ngʼato, mane gin jotich mahikgi piero ariyo kata moloyo kanyo mane tiyo e hekalu mar Jehova Nyasaye. ²⁵ Nimar Daudi nosewacho niya, “Nikech Jehova Nyasaye ma Nyasach Israel osemiyo joge yweyo kendo osebiro mondo odag Jerusalem nyaka chiengʼ, ²⁶ onge tiende mondo jo-Lawi osik katingʼo Hemb Romo kata gige lemo mitiyogo e iye.” ²⁷ Kaluwore gi chike mogik mar Daudi, jo-Lawi nokwan kochakore jo-higni piero ariyo kata moloyo kanyo.

²⁸ Tij jo-Lawi ne en konyo nyikwa Harun tiyo e hekalu mar Jehova Nyasaye. Negirito laru, agulni mag od Nyasaye, luoko gik moko duto mopwodhi to gi timo tije mamoko e od Nyasaye. ²⁹ Gin ema ne gitedo makati mane iketo e mesa, mogo mar chiwo mar cham, makati ma ok oketie thowi, losogi kendo pimogi, bende rito gik moko duto mane ipimogo ngʼeny kod pek gik moko. ³⁰ Bende negichungʼ pile ka pile mondo gidwok erokamano kendo gipak Jehova Nyasaye. Nonego gitim kamano godhiambo bende, ³¹ kendo e kinde ka kinde manochiw misengini miwangʼo pep ne Jehova Nyasaye e odiechienge mag Sabato, kendo e Sawo mar Dwe manyien kendo e kinde mag sewni moyier. Nonego giti e nyim Jehova Nyasaye kinde ka kinde kaluwore gi kwan-gi kod yo mowinjore mane ochan-negi.

³² Kendo jo-Lawi notiyo tijegi mag Hemb Romo gi Kama Ler kotelnegi gi jowetegi ma gin nyikwa Harun mondo giti e hekalu mar Jehova Nyasaye.

Chapter 24

Migepe mag jodolo

¹ Magi e migepe mag yawuot Harun.

Yawuot Harun ne gin: Nadab, Abihu, Eliazar kod Ithamar. ² To Nadab kod Abihu notho motelone wuon-gi kendo ne gionge gi yawuowi; omiyo Eliazar kod Ithamar ema ne otiyo kaka jodolo. ³ Daudi nopogogi e migepe kaluwore kaka nopognigi tich kikonye gi Zadok ma nyakwar Eliazar kod Ahimelek ma nyakwar Ithamar. ⁴ Jotelo mangʼeny nonwangʼ e nyikwa Eliazar moloyo nyikwa Ithamar kendo nopog-gi kaluwore gi tichgi. Jotend anywola apar gauchiel nowuok kuom nyikwa, Eliazar to gi jotend anywola aboro nowuok kuom nyikwa Ithamar. ⁵ Negipogogi maonge dewo wangʼ ka gigoyo ombulu nikech ne nitie jotelo mag kama ler mar lemo, to gi mag Nyasaye e kind nyikwa Eliazar kod Ithamar.

⁶ Jagoro Shemaya wuod Nethanel ma ja-Lawi nondiko nying-gi e nyim ruoth, to gi jotelo, ne gin Zadok jadolo, Ahimelek wuod Abiathar kod jotend anywola mag jodolo kod mag jo-Lawi ka gikawo ngʼato achiel koa e anywola mar Eliazar, to machielo koa e anywola mar Ithamar.

⁷ Ombulu mokwongo nolwar ne Jehoyarib,

to mar ariyo ne Jedaya,

⁸ mar adek ne Harim,

to mar angʼwen ne Seorim,

⁹ mar abich ne Malkija,

to mar auchiel ne Mijamin,

¹⁰ mar abiriyo ne Hakoz,

to mar aboro ne Abija,

¹¹ mar ochiko ne Jeshua,

to mar apar ne Shekania,

¹² mar apar gachiel ne Eliashib,

to mar apar gariyo ne Jakim,

¹³ mar apar gadek ne Hupa,

to mar apar gangʼwen ne Jeshebeab,

¹⁴ mar apar gabich ne Bilga,

to mar apar gauchiel ne Imer,

¹⁵ mar apar gabiriyo ne Hezir,

to mar apar gaboro ne Hapizez,

¹⁶ mar apar gochiko ne Pethahia,

to mar piero ariyo ne Jehezkel,

¹⁷ mar piero ariyo gachiel ne Jakin,

to mar piero ariyo gariyo ne Gamul,

¹⁸ mar piero ariyo gadek ne Delaya

to mar piero ariyo gangʼwen ne Mazia.

¹⁹ Ma e kaka nochan-gi mondo giti kane gidonjo e hekalu mar Jehova Nyasaye kaluwore gi chike mane Jehova Nyasaye ma Nyasach Israel nochiko Harun kwargi.

Joka Lawi mamoko

²⁰ Nyikwa Lawi mamoko e magi:

Koa kuom yawuot Amram noyier Shubael;

koa kuom yawuot Shubael noyier Jedeya.

²¹ Koa kuom yawuot Rehabia noyier Ishia mokwongo.

²² Koa kuom Izhar noyier Shelomoth;

koa kuom yawuot Shelomoth noyier Jahath.

²³ Yawuot Hebron mane oyier ne gin:

Jeria mokwongo, mar ariyo Amaria, mar adek Jahaziel kod mar angʼwen Jekameam.

²⁴ Wuod Uziel mane oyier ne en, Mika,

to kuom yawuot Mika noyier Shamir.

²⁵ Owadgi Mika mane oyier ne en Ishia,

to kuom yawuot Ishia noyier Zekaria.

²⁶ Yawuot Merari mane oyier ne gin: Mali kod Mushi.

To kuom yawuot Jazia noyier Beno.

²⁷ Kuom yawuot Merari:

noyier Jazia: to kuom yawuot Jazia noyier Beno, Shoham, Zakur kod Ibri.

²⁸ Koa kuom Mali noyier Eliazar mane ok onywolo yawuowi.

²⁹ Koa kuom Kish, noyier wuod Kish miluongo ni Jeramel.

³⁰ Koa kuom yawuot Mushi noyier Mali, Eder kod Jerimoth.

Magi e jo-Lawi mane oyier kaluwore gi anywolagi.

³¹ Gin bende negigoyo ombulu mana kaka jowetegi ma nyikwa Harun notimo e nyim Ruoth Daudi kod Zadok, Ahimelek kaachiel gi jotelo mag anywola mag jodolo kod jo-Lawi. Jomadongo notimnegi mana machalre gi jomatindo.

Chapter 25

Jower

¹ Daudi kaachiel gi jotend jolweny noyiero yawuot Asaf mamoko gi yawuot Heman gi yawuot Jeduthun ne tich koro wach ka gigoyo nyatiti, gi orutu kod ongengʼo. Ma e chenro mar jogo kaka negitiyo:

² Koa kuom yawuot Asaf noyier:

Zakur, Josef, Nethania kod Asarela. Yawuot Asaf notelnigi gi Asaf mane jakor wach ni ruoth.

³ Koa kuom yawuot Jeduthun noyier:

Gedalia gi Zeri gi Jeshaya gi Shimei gi Hashabia kod Matithia. Giduto ne gin ji auchiel kendo notelnegi kod wuon-gi Jeduthun mane koro ka goyone Jehova Nyasaye erokamano kendo pake gi nyatiti.

⁴ Koa kuom yawuot Heman noyier:

Bukia, Matania, Uziel, Shubael kod Jerimoth, bende noyier Hanania, Hanani, Eliatha, Gidalti kod Romamti-Ezer, bangʼe noyier Joshbekasha, Malothi, Hothir, kod Mahazioth.

⁵ Magi duto ne gin yawuot Heman jakor wach ne ruoth mane Nyasaye omiye kaluwore gi singruok ni nobiro tingʼe malo. Nyasaye nomiyo Heman yawuowi apar gangʼwen kod nyiri adek.

⁶ Jogi duto notelnegi gi wuonegi e tijgi mar goyo thum e hekalu mar Jehova Nyasaye, ka gitiyo e od Nyasaye kuom goyo ongengʼo, orutu kod nyatiti.

Asaf, Jeduthun, kod Heman to notelonegi kod ruoth. ⁷ Jogo duto kaachiel gi wedegi ne nigi tiegruok kod lony kuom goyo thum ne Jehova Nyasaye, giduto ne gin ji mia ariyo gi piero aboro gaboro. ⁸ Negipogo tijgi ka gigoyo ombulu, jomatindo gi jomadongo, jopuonj gi joma ipuonjo machalre.

⁹ Pok mokwongo mar Asaf nodhine Josef gi yawuote kod wedene, giduto ji apar gariyo,

Pok mar ariyo ne mar Gedalia gi wedene kod yawuote, giduto ji apar gariyo,

¹⁰ Pok mar adek ne mar Zakur gi yawuote kod wedene, giduto ji apar gariyo,

¹¹ Pok mar angʼwen ne mar Izri gi yawuote kod wedene, giduto ji apar gariyo,

¹² Pok mar abich ne mar Nethania gi yawuote kod wedene, giduto ji apar gariyo,

¹³ Pok mar auchiel ne mar Bukia gi yawuote kod wedene, giduto ji apar gariyo,

¹⁴ Pok mar abiriyo ne mar Jesarela gi yawuote kod wedene, giduto ji apar gariyo,

¹⁵ Pok mar aboro ne mar Jeshaya gi yawuote kod wedene, giduto ji apar gariyo,

¹⁶ Pok mar ochiko ne mar Matania gi yawuote kod wedene, giduto ji apar gariyo,

¹⁷ Pok mar apar ne mar Shimei gi yawuote kod wedene, giduto ji apar gariyo,

¹⁸ Pok mar apar gachiel ne mar Azarel gi yawuote kod wedene, giduto ji apar gariyo,

¹⁹ Pok mar apar gariyo ne mar Hashabia gi yawuote kod wedene, giduto ji apar gariyo,

²⁰ Pok mar apar gadek ne mar Shubael gi yawuote kod wedene, giduto ji apar gariyo,

²¹ Pok mar apar gangʼwen ne mar Matithia gi yawuote kod wedene, giduto ji apar gariyo,

²² Pok mar apar gabich ne mar Jerimoth gi yawuote kod wedene, giduto ji apar gariyo,

²³ Pok mar apar gauchiel, Hanania gi yawuote kod wedene, giduto ji apar gariyo,

²⁴ Pok mar apar gabiriyo ne mar Joshbekasha gi yawuote kod wedene, giduto ji apar gariyo,

²⁵ Pok mar apar gaboro ne mar Hanani gi yawuote kod wedene, giduto ji apar gariyo,

²⁶ Pok mar apar gochiko ne mar Malothi gi yawuote kod wedene, giduto ji apar gariyo,

²⁷ Pok mar piero ariyo ne mar Eliatha gi yawuote kod wedene, giduto ji apar gariyo,

²⁸ Pok mar piero ariyo gachiel ne mar Hothir gi yawuote kod wedene, giduto ji apar gariyo,

²⁹ Pok mar piero gariyo ne mar Gidalti gi yawuote kod wedene, giduto ji apar gariyo,

³⁰ Pok mar piero ariyo gadek ne mar Mahazioth gi yawuote kod wedene, giduto ji apar gariyo,

³¹ Pok mar piero gangʼwen ne mar Romamti-Ezer gi yawuote kod wedene, giduto ji apar gariyo.

Chapter 26

Jorit rangeye

¹ Magi e migepe mag jorit rangeye:

Koa kuom joka Kora,

noyier Meshelemia wuod Kore, ma en achiel kuom yawuot Asaf. ² Meshelemia ne nigi yawuowi,

wuowi makayo ne en Zekaria, mar ariyo ne en Jediael,

mar adek ne en Zebadia, mar angʼwen ne en Jathniel,

³ mar abich ne en Elam, mar auchiel ne en Jehohanan,

to mar abiriyo ne en Eliehoenai.

⁴ Obed-Edom bende Nyasaye nogwedho gi yawuowi,

wuowi makayo ne en Shemaya, mar ariyo ne en Jehozabad,

mar adek ne en Joa, mar angʼwen ne en Sakar,

mar abich ne en Nethanel,

⁵ mar auchiel ne en Amiel,

mar abiriyo ne en Isakar, to mar aboro ne en Peulethai.

Nimar Nyasaye nosegwedho Obed-Edom.

⁶ Wuode ma Shemaya bende nonywolo yawuowi mane gin jotend dhood wuon-gi nikech ne gin joma olony. ⁷ Yawuot Shemaya ne gin,

Othni, Refael, Obed kod Elzabad;

Elihu kod Semakia ma wedene bende ne joma niginyalo.

⁸ Magi duto ne gin nyikwa Obed-Edom. Gin kaachiel gi yawuotgi to gi wedegi ne gin joma niginyalo kendo maroteke kuom tich. Koriw nyikwa Obed-Edom duto to ne gin ji piero auchiel gariyo. ⁹ Meshelemia ne nigi yawuowi kod wedene, giduto ne gin ji apar gaboro man-gi nyalo.

¹⁰ Hosa ja-Merari ne nigi yawuowi,

mokwongo Shimri (kata obedo ni ne ok en wuode makayo, wuon-gi noyiere mokwongo),

¹¹ mar ariyo ne en Hilkia, mar adek ne en Tabalia,

to mar angʼwen ne en Zekaria. Yawuot Hosa kod wedene giduto ne gin ji apar gadek.

¹² Migepegi mag jorit rangeye kokadho kuom jotendgi madongo ne nigi pok mar tiyo ei hekalu mar Jehova Nyasaye mana kaka wedegi bende notimo. ¹³ Nogo ombulu kaluwore gi anywolagi, jomatindo gi jomadongo machalre mondo oyud jorit rangeye.

¹⁴ Ombulu mar Rangach ma yo Wuok Chiengʼ nolwar ne Shelemia.

Nogo ombulu ne wuode Zekaria, ma jangʼad bura mariek kendo noyudo Rangach ma yo Nyandwat.

¹⁵ Ombulu mar Rangach ma yo Milambo nolwar ne Obed-Edom, to ombulu mar od keno nolwar ne yawuote.

¹⁶ Ombulu mar Rangach ma yo Podho Chiengʼ to gi rangach miluongo ni Shaleketh man e yo mamalo nolwar ne Shupim kod Hosa.

Arita duto noket machalre.

¹⁷ Pile ka pile ne nitiere jo-Lawi auchiel marito rangach ma yo wuok chiengʼ,

angʼwen e rangach ma yo nyandwat,

angʼwen rangach ma yo milambo,

to gi ariyo ariyo mane rito od keno.

¹⁸ Kuom laru mantie yo podho chiengʼ, angʼwen ne rito yo michopogo e laru to ariyo ne rito laruno.

¹⁹ Magi e migepe mag jorit rangeye mane gin nyikwa Kora kod Merari.

Jokeno kod jotelo mamoko

²⁰ To jowetegi moko ma jo-Lawi, kotelnegi gi Ahija, ne gin jorit kuonde keno mag od Nyasaye kod kuonde mikanoe gik mowal.

²¹ Nyikwa Ladan mane gin joka Gershon ma anywola mar Ladan kendo mane jotelo mag dhout Ladan ja-Gershon ne gin Jehiel, ²² yawuot Jehiel ne gin Zetham gi owadgi ma Joel. Gin ema ne gichungʼne keno mar hekalu mar Jehova Nyasaye.

²³ Koa kuom jo-Amram, gi joka Izhar gi joka Hebron kod joka Uziel noyier,

²⁴ Shubael ma nyakwar Gershom wuod Musa mane jatelo manorito kuonde keno. ²⁵ To wedene ma joka Eliezer noyier yawuote ma gin Rehabia, Jeshaya, Joram, Zikri kod Shelomith.

²⁶ Shelomith gi wedene to nochungʼne keno duto mag gik mane Ruoth Daudi owalo gi jotend dhoudi mane gin jotend jolweny alufe kod jotend jolweny miche to gi jotend jolweny mamoko. ²⁷ Moko kuom gik mane ope e lweny nowal ne tij loso hekalu mar Jehova Nyasaye. ²⁸ Bende gik moko duto manowal gi Samuel janen kod Saulo wuod Kish, Abner wuod Ner kod Joab wuod Zeruya kaachiel gi gik mamoko duto manowal norit gi Shelomith kod wedene.

²⁹ Kuom joka Izhar

noyier Kenania kod yawuote manomi tije oko mar hekalu kaka jotelo kendo jongʼad bura e piny Israel.

³⁰ Kuom joka Hebron

noyier Hashabia kod wedene. Ne gin ji alufu achiel mia abiriyo motegno, mane rito jo-Israel modak yo podho chiengʼ mar Jordan ka girito tije duto mag Jehova Nyasaye kendo ka gitiyone ruoth.

³¹ Kuom joka Hebron, Jeria ema ne jatendgi kaluwore gi nonro mar anywolagi.

E higa mar piero angʼwen mar loch Daudi nonon ndiko kendo noyud ni joma olony kuom nyikwa Hebron ne oa Jazer e piny Gilead.

³² Jeria ne nigi wedene alufu ariyo mia abiriyo mane gin joma olony kendo jotend anywola, omiyo Ruoth Daudi noketogi jotend jo-Reuben, jo-Gad kod nus dhood jo-Manase e yore duto mag tich Nyasaye to gi tije mag ruoth.

Chapter 27

Migepe mag jolweny

¹ Ma e chenro mar nying jo-Israel ma jotend anywola, jotend jolweny alufe kod jolweny miche to gi jotendgi; mane tiyone ruoth kaluwore kod tije duto mag migepe mag jolweny mane ni e tich dwe ka dwe kuom higa ngima. Migawo ka migawo notingʼo ji alufu piero ariyo gangʼwen (24,000).

² Jatend migawo mokwongo mane tiyo e dwe mokwongo ne en Jashobeam wuod Zabdiel. Ne nitiere ji alufu piero ariyo gangʼwen (24,000) e migape. ³ Ne en nyakwar Perez kendo en ema ne en jatelo maduongʼ motelone jotend lweny mag dwe mokwongo.

⁴ Jatelo e migawo mar dwe mar ariyo ne en Dodai ja-Ahohi, Mikloth ne jatend migape. Ne nitiere ji alufu piero ariyo gangʼwen (24,000) e migape.

⁵ Jatend jolweny mar adek, e dwe mar adek ne en Benaya wuod Jehoyada ma jadolo. Ne en jatelo maduongʼ kendo notelo ne jolweny alufu piero ariyo gangʼwen (24,000) e migape. ⁶ Ma e Benaya mane achiel kuom thuondi piero adek madongo kendo en ema notelonegi. Wuode miluongo ni Amizabad notelo ne migape.

⁷ Jatelo mar angʼwen, e dwe mar angʼwen ne en Asahel owadgi Joab. Bangʼe Zebadia wuode nokawo kare. Ne nitiere ji alufu piero ariyo gangʼwen (24,000) e migape.

⁸ Jatelo mar abich e dwe mar abich ne en Shamhuth ma ja-Izra. Ne nitiere ji alufu piero ariyo gangʼwen (24,000) e migape.

⁹ Jatelo mar auchiel, e dwe mar auchiel ne en Ira wuod Ikesh ja-Tekoi. Ne nitiere ji alufu piero ariyo gangʼwen (24,000) e migape.

¹⁰ Jatelo mar abiriyo, e dwe mar abiriyo ne en Helez ja-Pelon ma ja-Efraim. Ne nitiere ji alufu piero ariyo gangʼwen (24,000) e migape.

¹¹ Jatelo mar aboro, e dwe mar aboro ne en Sibekai ja-Hushath ma ja-Zera. Ne nitiere ji alufu piero ariyo gangʼwen (24,000) e migape.

¹² Jatelo mar ochiko, e dwe mar ochiko ne en Abiezer ja-Anathoth ma ja-Benjamin. Ne nitiere ji alufu piero ariyo gangʼwen (24,000) e migape.

¹³ Jatelo mar apar, e dwe mar apar ne en Maharai ja-Netofath ma ja-Zera. Ne nitiere ji alufu piero ariyo gangʼwen (24,000) e migape.

¹⁴ Jatelo mar apar gachiel, e dwe mar apar gachiel ne en Benaya ja-Pirathon ma ja-Efraim. Ne nitiere ji alufu piero ariyo gangʼwen (24,000) e migape.

¹⁵ Jatelo mar apar gariyo, e dwe mar apar gariyo ne en Heldai ja-Netofath koa e anywola mar Othniel. Ne nitiere ji alufu piero ariyo gangʼwen (24,000) e migape.

Jotend dhoudi

¹⁶ Jotend dhout Israel ne gin:

koa kuom jo-Reuben: Eliezer wuod Zikri notelonegi,

koa kuom jo-Simeon: Shefatia wuod Maaka notelonegi;

¹⁷ koa kuom jo-Lawi notelnigi gi Hashabia wuod Kemuel;

koa kuom joka Harun: Zadok notelonegi;

¹⁸ koa kuom jo-Juda: Elihu owadgi Daudi notelonegi;

koa kuom jo-Isakar: Omri wuod Mikael notelonegi;

¹⁹ koa kuom jo-Zebulun: Ishmaya wuod Obadia notelonegi;

koa kuom jo-Naftali: Jerimoth wuod Azriel notelonegi;

²⁰ koa kuom jo-Efraim: Hoshea wuod Azazia notelonegi;

koa kuom nus mar dhood jo-Manase: Joel wuod Pedaya notelonegi;

²¹ koa kuom nus machielo mar jo-Manase mane ni e piny Gilead: Ido wuod Zekaria notelonegi;

koa kuom jo-Benjamin: Jasiel wuod Abner notelonegi;

²² koa kuom jo-Dan: Azarel wuod Jeroham notelonegi.

Magi ema ne jotelo mane otelo ne dhout Israel.

²³ Daudi ne ok okawo kwan ji ma jo-higni piero ariyo, kata matin ne mano nikech Jehova Nyasaye ne osesingore ni nomi jo-Israel bed mangʼeny mana ka sulwe manie kor polo. ²⁴ Joab wuod Zeruya nochako kwano ji, to ne ok otieko. Kwenono nokelo mirimb Nyasaye kuom jo-Israel, omiyo ne ok ondik kwenono e kitap Weche mag Ndalo mag loch Ruoth Daudi.

Jodong ruoth

²⁵ Azmaveth wuod Adiel ne jarit kuonde keno mar ruoth.

Jonathan wuod Uzia ne rito kuonde mag keno mag gwenge molwore, e mier madongo kod matindo, kendo e miech lweny mochiel gi ohinga.

²⁶ Ezri wuod Kelub ne rito jotich mane tiyo e puodho.

²⁷ Shimei ja-Rama to ne orito puothe mzabibu.

Zabdi ja-Shifmi to norito olemb mzabibu e kar loso divai.

²⁸ Baal-Hanan ja-Geder to norito yiend zeituni gi yiende ngʼowu mane ni e bwo gode e yo podho chiengʼ,

Joash nochungʼne kano mo zeituni.

²⁹ Shitrai ja-Sharon nochungʼne kweth mag dhok makwayo Sharon.

Shafat wuod Aldai to ne ochungʼ ne kweth dhok manie holo.

³⁰ Obil ja-Ishmael to nochungʼne ngamia,

Jedeya ma ja-Meronoth to nochungʼne punde.

³¹ Jaziz ja-Hagri nochungʼne kweth rombe. Magi duto ne jotelo mane orito mwandu mag Ruoth Daudi.

³² Jonathan, owadgi wuon Daudi ne en jangʼad rieko, ngʼat man-gi paro matut, kendo jagoro.

Jehiel wuod Hakmon norito yawuot ruoth.

³³ Ahithofel ne en jangʼad rieko ne ruoth.

Hushai ja-Arki to ne en osiep ruoth. ³⁴ (Jehoyada wuod Benaya kod Abiathar nokawo kar Ahithofel.)

Joab to ne jatend jolweny.

Chapter 28

Daudi ochano gero hekalu

¹ Daudi noluongo jotend Israel duto mondo ochokre Jerusalem. Noluongo jotend dhoudi gi jotend migepe mag jotich ruoth, jotelo morito migepe mag jolweny alufe gi migepe mag jolweny miche, to gi jotelo morito mwandu duto kod jamni mag ruoth gi mag yawuote kaachiel gi jotelo matiyo e dala ruoth, joma roteke to gi jolweny mathuondi.

² Eka Ruoth Daudi nochungo kar tiende mowacho niya, “Winjauru jowetena kendo jothurwa. Ne achano e chunya mondo ager ot kaka kar yweyo mar Sandug Singruok mar Jehova Nyasaye mondo obed raten mar tiend Nyasachwa kendo ne an gi chenro mar gere. ³ To Nyasaye nowachona ni, ‘Ok iniger ot miluonge Nyinga nikech in jalweny kendo isechwero remo.’

⁴ “Kata kamano Jehova Nyasaye ma Nyasach Israel noyiera kuom anywolana mondo abed ruodh Israel manyaka chiengʼ. Noyiero Juda jatelo, to koa e dhood Juda noyiero anywolana, to kuom yawuot wuora duto, notimo ngʼwono mondo oketa ruodh Israel duto. ⁵ To kuom yawuota duto ma bende Jehova Nyasaye osemiya mangʼeny, noyiero wuoda Solomon mondo obedi e kom loch mar pinyruodh Jehova Nyasaye e Israel. ⁶ Nowachona niya, Wuodi Solomon e ngʼat manogerna ot gi laru mare nikech aseyiere mondo odok wuoda kendo anabed wuon-gi. ⁷ Ka orito chikena gi buchena ma ok obaro mana kaka iritogi sani, to anagur lochne nyaka chiengʼ.

⁸ “Omiyo achikou e nyim Israel duto kendo e nyim chokruok mar Jehova Nyasaye kendo ka Nyasachwa wacho kama: Beduru motangʼ mondo ulu chike duto mag Jehova Nyasaye ma Nyasachu mondo omi piny maberni osik maru kendo uchiwe kaka girkeni ne nyikwau nyaka chiengʼ.

⁹ “To in wuoda Solomon, par Nyasach wuonu kendo ichiwri mondo itine gi chunyi duto kendo imiye paroni duto nikech Jehova Nyasaye nono chuny ji duto kendo ongʼeyo paro duto mopondo. Kidware, to iniyude, to kiweye, to enojwangʼi nyaka chiengʼ. ¹⁰ Emomiyo par malongʼo nikech Jehova Nyasaye oseyieri mondo igerne ot kaka kama ler mar lemo. Bed motegno kendo itim tich.”

¹¹ Bangʼe Daudi nonyiso wuode Solomon kit gedo mar agoch hekalu, kaka onego gere, kuondege mag keno, utege mamalo, agolnige maiye kod kar timo misango. ¹² Ne omiye kit gedo duto mag laru mar hekalu mar Jehova Nyasaye to gi udi molwore kod mago mag keno mar hekalu mar Jehova Nyasaye kendo kuonde keno mag gik mopwodhi mana kaka Roho mar Nyasaye noketo e pache. ¹³ Bende nomiye chike mag migepe mag jodolo kod jo-Lawi to gi tije duto mag hekalu mar Jehova Nyasaye kaachiel gi gik moko duto mitiyogo e iye. ¹⁴ Bende nonyise pek mar dhahabu molosgo gige dhahabu monego tigo e tije mopogore opogore, to gi pek mar fedha molosgo gige fedha monego tigo tije mopogore opogore kaka: ¹⁵ pek mar rachungi mag teyni kod techegi molos gi dhahabu, kaachiel gi pek mar rachungi mar taya ka taya gi techene, pek fedha mar rachungi mar taya ka taya gi techene molos kod fedha mana kaka moro ka moro owinjore gi tije; ¹⁶ pek mar dhahabu mar mesa ka mesa miketoe makati mopwodhi kaachiel gi pek mar fedha mag mesni molos gi fedha; ¹⁷ pek mar dhahabu maler milosogo uma, bakunde mag kiro pi kod njage; pek mar dhahabu mar tawo ka tawo molos gi dhahabu kod pek mar fedha mar tawo ka tawo molos gi fedha; ¹⁸ kod pek dhahabu mopwodhi molosgo kendo mar misango miwangʼoe ubani. Bende nonyise kaka onego olos gach lweny, ma en kerubi molos gi dhahabu moyaro bwombegi kendo oumo Sandug Singruok mar Jehova Nyasaye.

¹⁹ Daudi nowacho niya, “Magi duto manie ndiko ne ayudo kuom lwet Jehova Nyasaye mane ni kuoma, kendo nomiya winjo matut kuom chenro mar gedo.”

²⁰ Bangʼe Daudi nowachone Solomon niya, “Bed motegno kendo gichir kendo tim tijni. Kik ibed maluor kendo kik chunyi nyosre nikech Jehova Nyasaye ma Nyasacha nobed kodi. Ok enojwangʼi bende ok noweyi nyaka itiek tije mag hekalu mar Jehova Nyasaye.” ²¹ Migepe mag jodolo kod jo-Lawi oseikore ne tije duto mag hekalu mar Jehova Nyasaye, kendo joma ochiwore molony e tije mopogore opogore oikore konyi e tije duto. Jotelo kod ji duto nowinj weche duto miwacho.

Chapter 29

Chiwo mag hekalu

¹ Eka Ruoth Daudi nowacho ni chokruok duto niya, “Solomon wuoda ma Nyasaye oseyiero pod en rawera man-gi lony matin. To tijni en tich maduongʼ nikech ot malichni ok en mar dhano to en mar Jehova Nyasaye. ² Kuom mwandu duto ma aseiko ne gero hekalu mar Nyasacha ma gin dhahabu kuom tije madwaro dhahabu, gi fedha kuom tije mag fedha, gi mula kuom tije mag mula, gi nyinyo kuom tije mag nyinyo, kaachiel gi yiende kuom tije mag yiende kod oniks milosogo ot, gi kite ma kitgi opogore opogore gi kite duto mabeyo kod kite mag ombo. Magi duto aseiko mangʼeny. ³ Ewi mago duto ma asechiwo ne hekalu mar Nyasacha achako agolo mwanduna awuon mag dhahabu kod mag fedha ne hekalu mar Nyasacha. To bende asechiwo moloyo mago ne hekalu malerni gik machalo kaka: ⁴ dhahabu moa Ofir ma pekne romo kilo alufu mia achiel, fedha mopwodhi ma pekne romo kilo alufu piero ariyo gangʼwen mondo obawgo kor udi, ⁵ mago notigo tije madwaro dhahabu kod fedha kod tije duto ma jotich molony dwaro timo. To koro ere ngʼat moyie mondo ochiwre ne Jehova Nyasaye kawuono?”

⁶ Eka jotend anywola gi jotelo mag dhout Israel, gi jotend migepe mag jolweny alufe to gi jotend migepe mag jolweny miche kaachiel gi jotelo mochungʼne tije ruoth nochiwore mamor. ⁷ Negichiwore ne tich mar hekalu mar Jehova Nyasaye ka gigolo dhahabu ma pekne romo kilo alufu mia achiel gi piero ochiko kod machielo ma pekne romo kilo piero aboro gangʼwen, gi fedha ma pekne romo kilo alufu mia adek gi piero abiriyo gabich kod mula ma pekne romo kilo alufu mia auchiel gi piero abiriyo gabich kaachiel gi nyinyo ma pekne romo kilo gana adek, alufu mia abiriyo gi piero abich. ⁸ Bende joma ne ni kod kite ma nengogi tek nochiwogi e kar keno mar hekalu mar Jehova Nyasaye ka jaritgi en Jehiel ja-Gershon. ⁹ Ji duto ne mor gi ilo kuom chiwo mar jotendgi nikech negichiwo gi mor kendo gi chuny achiel ni Jehova Nyasaye. Ruoth Daudi bende nomor ahinya.

Lemo mar Daudi

¹⁰ Daudi nopako Jehova Nyasaye e nyim riwruok mar ji duto kowacho niya,

“Yaye Jehova Nyasaye ma Nyasach kwarwa Israel,

duongʼ odogni ndalo duto,

manyaka chiengʼ.

¹¹ Yaye Jehova Nyasaye, duongʼ kod teko,

pak gi loch kod ber odogni,

nimar gik moko duto manie polo gi piny gin magi.

Yaye Jehova Nyasaye, pinyruoth en mari

kendo omiyi duongʼ moloyo gik moko duto.

¹² Mwandu gi duongʼ aa kuomi;

kendo in e jarit gik moko duto.

E lweti nitiere teko gi nyalo

mondo omi itingʼ ji malo kendo imigi teko.

¹³ Koro, Nyasachwa, wadwokoni erokamano,

kendo wapako nyingi maduongʼ.

¹⁴ “An to an ngʼa, kata joga to gin ngʼa gini, mamiyo nyaka wachiw gi chuny achiel ka ma? Gik moko duto aa kuomi, kendo wasemiyi mana gima oa e lweti ¹⁵ Wan jodak kendo joma welo e nyim wangʼi, mana kaka kwerewa nobet. Ndalowa e piny ka chalo gi tipo, kendo waonge geno. ¹⁶ Yaye Jehova Nyasaye ma Nyasachwa, kuom gigi duto ma wasechiwo ne geroni hekalu ne Nyingi Maler, oa e lweti, kendo giduto gin magi. ¹⁷ Angʼeyo, Nyasacha, ni inono chuny ji kendo imor gi ngʼama timbene beyo. Asechiwo gigi duto gimor kod chuny makare. To bende aseneno kuom mor ma jogi man ka osechiworenigo. ¹⁸ Yaye Jehova Nyasaye, ma Nyasach kwerewa Ibrahim, Isaka kod Israel, mad herani osiki ei chuny jogi ndalo duto kendo imi chunygi osik kuomi. ¹⁹ Kony Solomon wuoda osik kogeno kuomi gi chunye duto mondo orit chikeni gi dwaroni kod gima iwacho kendo mondo otim gik moko duto kaluwore gi chenro mar gedo malichni ma asechiworane.”

²⁰ Bangʼe Daudi nowachone chokruok duto niya, “Pakuru Jehova Nyasaye, ma Nyasachu.” Omiyo giduto negipako Jehova Nyasaye, ma Nyasach kweregi, negikulore piny auma kendo ginindo piny e nyim Jehova Nyasaye kendo e nyim ruoth Daudi.

Solomon obedo ruoth

²¹ Kinyne negitimone Jehova Nyasaye misango kendo negichiwone misengini miwangʼo pep mag rwedhi alufu achiel gi imbe alufu achiel to gi nyiimbe alufu achiel kaachiel gi misango miolo piny to gi misengini mamoko mangʼeny ne jo-Israel duto. ²² Negichiemo kendo metho gimor maduongʼ odiechiengno e nyim Jehova Nyasaye.

Bangʼe negichako giketo Solomon wuod Daudi kaka ruoth, kendo ne giwire gi mo e nyim Jehova Nyasaye mondo obed ruoth, to Zadok, to nowir kaka jadolo. ²³ Omiyo Solomon nobedo e kom loch Jehova Nyasaye kaka ruoth kar Daudi wuon mare. Ne en gi gweth kendo jo-Israel nomiye luor. ²⁴ Jotelo kod thuondi madongo kaachiel gi yawuot Ruoth Daudi nochiwore moyie bedo e bwo loch Ruoth Solomon.

²⁵ Jehova Nyasaye notingʼo Solomon malo e nyim jo-Israel kendo nomiye duongʼ moloyo ruodhi duto mane osebedo e Israel motelone.

Tho mar Daudi

²⁶ Daudi wuod Jesse ne ruoth mar jo-Israel duto. ²⁷ Nobedo ruodh Israel duto higni piero angʼwen, higni abiriyo ne en Hebron, to higni piero adek gadek ne en Jerusalem. ²⁸ Nodak e ngima maber ka en-gi mwandu kod duongʼ, bangʼe notho ka hike noniangʼ moloyo. Wuode ma Solomon nobedo ruoth kare.

²⁹ Kaluwore gi gik moko mane Daudi otimo chakre kinde mane en ruoth nyaka giko; ondikgi e kitepe mag jonabi Samuel, Nathan kod Gad, ³⁰ kaachiel gi weche mamoko mag lochne kod teko, to gi gik moko mane olwore gi jo-Israel kod loch jopinje mamoko.

open-licensed biblical content

1 Weche Mag Ndalo

Chapter 1

Nonro mar ndiko chakre Adam nyaka Ibrahim

Yawuot Noa

Joka Jafeth

Joka Ham

Joka Shem

Joka Ibrahim

Nyikwa Hagar

Nyikwa Ketura

Nyikwa Sara

Yawuot Esau

Jo-Seir man Edom

Ruodhi mag Edom

Chapter 2

Yawuot Israel

Juda

Ne Yawuot Hezron

Yawuot Ram wuod Hezron

Kaleb Wuod Hezron

Jeramel wuod Hezron

Anywola Kaleb

Chapter 3

Yawuot Daudi

Ruodhi mag Juda

Nonro mar joka ruoth bangʼ ka gisewuok e twech

Chapter 4

Nyikwa Juda mamoko

Nyikwa Simeon

Chapter 5

Nyikwa Reuben

Nyikwa Gad

Nus mar dhood jo-Manase

Chapter 6

Lawi

Jower mag hekalu

Chapter 7

Isakar

Benjamin

Naftali

Manase

Efraim

Asher

Chapter 8

Nonro mar Saulo ja-Benjamin

Chapter 9

Ji modak Jerusalem

Nonro mar anywola Saulo

Chapter 10

Tho mar Saulo

Chapter 11

Daudi obedo ruodh Israel

Daudi okawo dala mar Jerusalem

Thuondi mag Daudi

Chapter 12

Jolweny mane odhi moriwore gi Daudi

Joma moko oriwore gi Daudi Hebron

Chapter 13

Duogo Sandug Muma

Chapter 14

Jood Daudi gi anywolane

Daudi oloyo jo-Filistia

Chapter 15

Okel Sandug Muma mar Nyasaye Jerusalem

Chapter 16

Zaburi mar Daudi mar goyo erokamano

Chapter 17

Singruok mar Nyasaye ne Daudi

Lemo mar Daudi

Chapter 18

Lwenje mane Daudi oloyo

Jodongo mag Daudi

Chapter 19

Kedo gi jo-Amon

Chapter 20

Okaw dala miluongo ni Raba

Kedo gi jo-Filistia

Chapter 21

Daudi okwano joma nyalo dhiyo e lweny