Eta

Chapter 1

¹ Pɔlu, Silvɛn, kudo Timoté, ȡoȡa Tɛsalonika yo hamɛa, lé Mawu mia Tɔ kudo Axoétɔ Yésu Kristo. ² Amɛnuvévé kudo ŋtifafa tsi so mia Tɔ kudo Yésu Kristo nɛ nɔ mia dji. ³ Mi kpɔtɔ lé akpé doɔ nɛ Mawu ȡo mia ta, nɔviwo, ȡolɔ élé djɔdjɔɛ, ȡoŋti mia xɔsé lé sinsinwɔ ȡo dji, yi amɛ ȡésiaȡé yo lɔnlɔn lé mia mɛ lé go gbankɔ ȡoȡa nɔviɛ gbɔ. ⁴ Yi ŋtɔtsan mia ŋtɔwo milé nuxo xoɔ kudo églo so mia ŋti lé Mawu yo hamɛ mɛ so mia djigbɔngbɔnȡɛ kudo xɔsé lé yomɛtsitsiwo kpata kudo nuxaxawo tsiwo milɔn xɔ ȡé akɔn. ⁵ Ðolɔ étsɛ nyi Mawu yo djési kɔtɔɛ sɔkuȡo Mawu yo djɔdjɔnyɛnyɛ djɔdjɔ, yi étsɛ ȡéfia bé mi djé nɛ Mawu yo fiɔȡuxoé tsinɛ mi kpéfun na tsan. ⁶ Elé djɔdjɔɛ bé Mawu nɛ do ŋzinzin amɛtsiwo léfun mi, ⁷ yi nɛ yafa dji nɛ mi lé mia xaxawo mɛ sigbé miawo tsan nɛnɛ, lé mia Axoétɔ Yésu yo trɔtrɔva lé yo ŋsin mɛ kudo mawodɔlawo. ⁸ Lé ézo ganȡé mɛ lɔ éla ȡo téxoé nɛ amɛtsiwo kpata ŋdé djési Mawu o yi ŋdé lé wawaɔ ȡo mia Axoétɔ Yésu yo nyanyuiɛ dji o. ⁹ Wo lakpéfun lé tsrɔntsrɔn yo tohinhin mavɔ lɔ lé Axoétɔ yo téxoé nɔnɔ godo yi lé yo djiȡuȡu yo ŋsɛn mɛ. ¹⁰ Nɛ éla va lé gbéxɔn gbé nɛ mawudɔlawo nɛ doé ȡé dji lɔ, bé nɛ amɛtsiwoé xɔ mia ȡaséȡiȡi sé lé mia mɛtsiwoé xɔɛ sé bé yéwoa kpɔɛ. ¹¹ Xɔn ŋti mi kpɔtɔ lé gbédoɔ ȡa nɛ mi, bé nɛ mia Mawua nɛ bu mi sigbé amɛtsiwo djé nɛ yo yɔyɔ lɔ énɛ, yi nɛ ya wɔ djidji nyui kudo xɔsé yo dɔwɔwɔ ȡésiaȡé lé ŋsɛn mɛ, ¹² bé nɛ Axoétɔ Yésu yo ŋkɔ ya kpɔ dodoȡédji so mia gbɔ, yi nɛ mia kpɔ dodoȡédji so gbɔ, sɔkuȡé mia Mawu yo amɛnuvévé ŋti kudo Axoétɔ Yésu Kristo tɔ.

Chapter 2

¹ Fifiɛlɔ milé mia biɔ, nɔviwo,sɔ kuȡo mia Axoétɔ Yésu Kristo yo vava ŋti kudo mia kui yo gododo ŋti, ² bé mi ŋgbé tsaka fafaȡé lé mia susuwo mɛ,alo mia gbɔngbɔn mɛ, so nyan ȡé ŋti, alo to woéma ȡé tsi ŋdé so mia gbɔ; nɛ mia xɔsé bé Axoétɔ lɔ ŋkéké ȡo vɔ. ³ Mi ŋgbé na nɛ woa blémi to mɔ ȡékpékpé nu alo to amɛȡé kpékpé dji o. Sɔkuȡo ŋkéké tsɛ ŋti lɔ, etsɛ ŋda kpɔ émɛ vava nɛ ényɔlɔ ŋdé kpɔ yi amɛgbétɔ ésémaȡo lɔ, énugblévilɔ ŋdé va zé o. ⁴ Yi nyi amɛtsi tsitré yi so ȡo Mawu ŋti, kudo yo subɔsubɔ yi yilé djiddjiɔ la xɔ Mawu yo fiɔzikpéɛ yi sɔ yiŋtɔ sɔ lé Mawu wɔɔ. ⁵ Ðé mi ŋȡokui bé ŋnu nyɔ tsɛwo nɛ mi tsi ŋnɔ mia gbɔ? ⁶ Fifiɛlɔ minya nutsi xémɔn ni bé ŋgbé so ȡé Mawu ŋtsi o, vɔ wola ȡéfia lé gaxoxo nyui tɔ mɛ. ⁷ Ðolɔ amliman nya sɔkuȡo nuvɔn ŋtia lé dɔdji, vɔ Mawu lé ȡo té kaka va ȡo gatsimɛ yila ȡéȡa. ⁸ Kéxɔnlɔ, aglandjéviɛ la zé yi Axoétɔ Yésu la wui toi yo numɛ yaxoxo yi yila trɔɛ nugbalo lé yo vavamɛ. ⁹ Busunulɔ vava lava émɛ to Satanã kudo ŋsɛn dji, djésiwo, kudo alakpa nukunuwo, ¹⁰ Kudo numadjɔmadjɔ ȡésiaȡé nɛ amɛtsiwo yinɔ tsrɔntsrɔn gbé, ȡolɔ wo ŋdé xɔ nyawo yo lɔnlɔn tsi wo sɔ kpɔnɔ ȡéȡéo. ¹¹ Yi ŋtsi lɔ Mawu sɔ émɔtratra yo gbɔngbɔn sɔna wo, bé nɛ woaxɔ adjéȡaȡa dji sé. ¹² Bé nɛ woa so kodjo nɛ woakpata, amɛtsiwo ŋdé kpɔnɔ djidjɔ lé so nyɔ djɔdjɔɛ ŋti o. ¹³ Mi kpɔtɔ lé akpé doɔ ȡé mia ta nɔvi lɔnlɔntɔ Axoétɔlɔ tɔwo,ȡo Mawu tsan mi sigbé nuku gbantɔ nɛ ȡéȡékpɔkpɔ lé gbɔngbɔn kɔkɔɛ yo kɔkɔnyɛnyɛ mɛ kudo nyawoa dji xɔsé, ¹⁴ Tsiŋtsi yi yomi ȡo to mia nyanyui dji bé nɛ mia xɔ mia Axoétɔ Yésu Kristo yo ŋtikɔkɔɛ. ¹⁵ Yiŋtilɔ nɔviwo, minɔ té sinsinȡé, milé kɔnuȡoȡo tsi mi fia mi fia mi to nuxo xoxo mɛ alo mia woéma ŋlɔŋlɔ mɛ. ¹⁶ Mia xoétɔ Yésu Kristo ŋtɔ kudo mia Tɔ Mawu tsi lɔn mi yi yisɔ amɛlélé tɛgbɛ kudo kankanȡédji to amɛnuvévé tsi gbɔnɔ mɛ, ¹⁷ milé mia nɔnɔwo yi mido ŋsɛn mia nɔnɔwo lé mia djiwo mɛ lé dɔnyui wawa mɛ yi lé ényɔnyui ȡésiaȡé mɛ.

Chapter 3

¹ Fifiɛlɔ, nɔviwo,mi dogbéȡa ȡo miata, bé nɛ mia Axoétɔ yo nyɔ nɛ kankan kaba yi nɛ ya kpɔ dodoȡodji, sigbé létsi yilé lé miagbɔ nɛnɛ ² yi nɛ miakpɔ katutu lé nuvuinwɔwɔ gbɔ kudo amɛ gbégbléwo domɛ. ³ Vɔ Axoétɔ lɔ nyi nutéxoé watɔ bé nɛ ya lé mi ȡo té kudo ya ȡé mi ȡa so futɔlɔ simɛ. ⁴ Mi ȡo kankanȡédji lé Axoétɔlɔ mɛ ȡo miaŋti, bé milé nutsiwo mi to nɛ mia wɔɔ, yi mila gbé waa nutsiwo kpata mi biɔ mi wo dji. ⁵ Axoétɔlɔ nɛ kplɔ mia djiwo lé Mawu lɔnlɔn kudo Kristo yo djigbɔnȡɛ mɛ. ⁶ Fifiɛlɔ nɔviwo, mi lé mia biɔɔ lé Axoétɔ Yésu Kristo yo ŋkɔ, bé mi ŋgbé nɔ kadodo mɛ kudo dɔvétɔwo o, nutsi ŋdé sɔgbé kudo ȡoȡo tsi mí xɔ so mia gbɔ. ⁷ Bohun miȡo la ȡi mi. Ðo miŋdé zɔn abé kuviɔntɔwo nɛnɛ lé mia domɛ o. ⁸ Yi mi ŋdé ȡu amɛȡé yo nuȡuȡu fata o, bohun; mi wɔ dɔ sɛnsɛnȡé zan ku kédé ȡo mia hianhianwo ŋti bé nɛ mi ŋgbé trɔ zun agban nɛ amɛȡékpé o. ⁹ Ŋdé gɔmɛ yi nyi bé mi gbé mia amɛxɔxɔ o vɔ mi wɔɛ bé mia na mi kpɔȡéŋ bé nɛ mia ȡi mi. ¹⁰ Gatsimɛ yi milé mia gbɔ lɔ, minɔnɔ toxoɔ nɛ mi: " Bé nɛ amɛȡé gbé bé yéŋda wɔ dɔ o lɔ, ŋgbé ȡu nu tsan." ¹¹ Ðo mi sé bé amɛȡéwo lé mia do mɛ wo gbé bé yéowo ŋda wa dɔ yi bohun, wo yinɔ ȡo téxoé ȡé kudo ébuwo yi nɔnɔ adjé ȡaɔ bé nɛ yéwoa kpɔ viȡé. ¹² Ké nɛnɛ yo amɛwo lɔ, milé toxoɔȡo nɔwo lé Axoétɔ Yésu Kristo yo ŋkɔ mɛ bé wo nɛ djé dɔdji bé woa kpɔ wo hianhianwo gbɔ. ¹³ Yiŋtsia nɔviwo mia djiwo ŋgbé téȡa lé nunyui wawa gbɔ o. ¹⁴ Yi nɛ amɛȡé lé tsi ŋdé lé wawaɔ ȡo nutsiwo mi to nɛ mi olɔ, mi kpɔgbɔ bé mi ŋgbé ya ȡéka kudo amɛtsɛ o. ¹⁵ Mi ŋgbé gbé hamɛ nii sigbé mia futɔ nɛnɛ, vɔ mi xotoȡo nii sigbé mia nɔvi nɛnɛ. ¹⁶ Ŋtifafa yo Axoétɔlɔ ŋtɔ nɛ na mi ŋtifafa gasiagamɛ, lé gaxoxo ȡékpékpé mɛ. Axoétɔlɔ nɛ nɔ anyi kudo mia kpata. ¹⁷ Ŋdo gbé nɛ mi, ényɛ Pɔlu, ku alɔ tsinyɛ, nɛnɛ yi nyi asidodo woma nyɛwo nɛ; nɛnɛ yi ŋ'ŋlɛnɔ nu nɛ. ¹⁸ Axoétɔ Yésu Kristo yo amɛnuvévé nɛ nɔanyi kudo mi. front