Jaki

Chapter 1

¹ Jaki,Mawu kudo Yesu Kristo yo subɔvi,axun gbédódó nɛn yí nɔn kɔta wúívéɛ wo tsiwo má ȡó anyigban djí. ² Nɔnvinyéwo mi kpo funkpékpé tsiwo mé tówɔ mi lé shigbé djidjɔ há nɛnnɛn. ³ Mi nyí bé miá xɔsé yo dódókpɔ hɛnnɔn djigbɔnȡɛ vá nɔn. ⁴ Mi dashi djigbɔnȡí yá wá yó dɔ lé miámi bé miá shin,ku susu bé mi ŋgbé vá gɛn lé ŋȡékpíkpí méo. ⁵ Vɔ nɛn améȡé lé mia domé hian nunyan lɔ,nɛn biɔ Mawu,tsi nanɔn méshiamé tsi biɔni ku domé kɔkɔɛ yí ŋmé kankan ŋdé nɔnnɔn ŋtió. ⁶ Nɛn biɔ kudo xɔsé yí ŋgbé xuíkpɔ lé yo djiméó.Ŋti ŋtílɔ métsi ŋdé ȡó xɔséó lé sigbé axu yó danwáwá tsí ayá xonɔn yi í yinɔn gó shiá gó mé nɛnnɛn. ⁷ Mexɔn ŋgbé súísúí bé yélá xɔ ȡóŋti so Mawu gbɔ. ⁸ Méxɔn ŋdé wánɔn tsantsan,ŋdé linɔn ké lé yo nuwanawo méó. ⁹ Metsi nyi nuhádonɔn lɔ,nɛn kpɔ djidjɔ ¹⁰ . Gatsimé égátɔ lá dó yiȡókúí ȡó djí sɔ yió gbɔȡiȡi ŋti,ȡó e lá ku gbéȡáká shigbé fláwá tsílé gbémé há nɛnnɛn. ¹¹ Nyídɔn xun nɔn kudó zozo,e fiɔn nɔn ati,fláwá kudó yio nyɔnnyɔn bunɔn.Nɛnnɛn yí nyi nɛn egátɔwo yi wo bunɔn háȡéká lé wo dɔwáwá wó mé. ¹² Yayrá tɔ yi nyí métsi donɔn dji lé tétékpɔmé,nɛn e dó djí lé tétékpɔ mé vɔ lɔ,e lá xɔ fiɔ kuku tsi ŋgbé wó dó nɔn métsíwo lɔn Mawu. ¹³ Nɛn wó té améȡé kpɔ lɔ,ŋgbé to bé,tétékpɔ xɔn só Mawu gbɔ.Ðó enu báȡá ŋdé ténɔn Mawu kpɔ,yi yéŋtɔ ŋdé ténɔn amékpɔ. ¹⁴ Méshiámé ŋtɔ ténɔn yé ȡókúí kpɔ to yió nudjródjró wo mé tsi í kplɔ ni yi djídjíxoé. ¹⁵ Yi nudjródjró djinɔn nuvɔn yi nɛn nuvɔn shin lɔ,e djinɔn eku. ¹⁶ Nɔnvinyé lɔnlɔn tɔwo mi ŋgbé blé mia ȡókúío ¹⁷ Enunáná nyúwo kékéŋ sonɔn djipo,wo sonɔn kékélí yio tɔ gbɔ.Métsimé viviti ŋdé léo. ¹⁸ Mawu tsan bé yá nami agbé to ényɔnlɔ mé,bé mia nyí tutugbɔn tɔwó lé yio nuwáwá wó mé ¹⁹ Nɔnvinyɛn lɔnlɔntɔwo mi nyi bé,méshiamé nɛn bi lé nussésé mé,mi ŋgbé tidji bé yéwá xó nuxo,miŋgbé binɔn djí kábá. ²⁰ Amégbétɔ yio djibíbí ŋdé wánɔn Mawuó lɔnlɔnnuó. ²¹ Exɔn ŋtia mia gbénu lé éȡixóxó kudo enu báȡá tsí wo trɔdo milɔ gbɔ.Kudó bɔbɔ nyɛnnyɛn lɔ,mixɔ ényɔn tsí wo do ȡó miamé tsi lá tɛnŋ ȡé mia klá. ²² Mi wá ȡó Maxu nyɔnwo dji miŋgbé séni kpoó anɔn mia ȡókúí bléwɔ kudo miá susuwo. ²³ Nɛn améȡé sé ényɔn lɔ yí ŋdé wá ȡó djio lɔ,e lé shigbé ŋsu tsi kpɔ yio ŋmé lé pipi mé. ²⁴ Tsi i kpɔ yio ŋmé yi í djó lɔ,zanȡélɔ e ŋlɔnbé yio ŋmé. ²⁵ Vɔ métsi wáȡó vóvó kpɔkpɔ yio séɛ dji pɛpɛpɛ lɔ,ŋdé nyi métsi sénɔn nyɔn yi yi ŋlɔnnɔn béo,wó lá yrɛ bé esɔ do dɔwáwámé. ²⁶ Né améȡé susúí bé yé subɔnɔn vɔ ŋdé lénɔn yio aȡé olɔ,e lé yio dji fluwɔ yi yio subɔsubɔ nyi gbagbaló. ²⁷ Subɔsubɔ tsi kɔ lé Mawu mia tɔ yio ŋmé lɔ yi nyi bé,wá kpéȡó tsóɛviwo kudó ahoshiwo ŋti lé wo xáxáw mé kudo wá gbénu lé xixéyɛmé yio ȡíxóxó wo g ɔ.

Chapter 2

¹ Nɔnvi nyɛnwo,miŋgbé nyi miaxuétɔ Yesu Kristo,ŋtikɔkɔɛ fiɔ yio nukplanviwo vɔyi mia nɔn amé ŋmé kpɔkpɔ nuwawɔ. ² Nɛn améȡé va mia domé yi i do awu xuashi kudo shika wlɔ,yi wáménɔn ȡé tsan va kudo awu xóȡi. ³ Yi ósɔ axó susu daȡo metsi djráȡó di yi ó to ni bé:va nanyi ȡó téxoé nyúí yɛ,vɔ o to nɔn wamenɔn bé:va nanyi ȡó anyigban lé fiɛ. ⁴ Nyi hoɛ yi xɔn sówɔ mi lé lé mia ȡókú wo mé lo?Yi mitrɔ zun hoɛ sotɔwo kudo susu báȡá wo ló? ⁵ Nɔnvinyɛn lɔnlɔntɔwo mi ȡoto, ȡe Mawu ŋtsan wamɛnɔnwo le xixéɛmɛ nɔn wa trɔ zun gatɔwo le xɔxemɛ nɛn ya ȡu tínɔn nɔn yio fiɔȡuxuémɛ tsi yio ŋgbé yi do nɔn mɛtsiwo lɔnni. ⁶ Vɔ mio lɔ, mi miȡinɔn gbɔ wuamɛnɔnwo! Nyi gatɔwoé yi jínɔn mia djiló yi wokplɔnɔn mi yi kodjoȡowuélo? ⁷ Nyi gatɔwoé nuɔnɔn busu nyɔn so ŋkɔ tsi le miashi ŋtsilo? ⁸ Vɔ nɛn owa shika séɛdji shigbe letsi yi le ŋlɔnŋlɔnmɛ nɛnɛlɔ: "nan lɔn haovi shigbe woŋtɔ xa nɛnɛ, o woɛ nyúíȡé. ⁹ Vɔ nɛn o donɔn vovo toto amɔnwo domɛlɔ, o wa nuvɔn tsi eséɛ so hoɛnɔn yi o dalesédji. ¹⁰ Mɛn tsi wa séɛwo kékéŋ dji, vɔ yi dale ȡéka djilɔ, eda le wokékéŋ dji. ¹¹ Ðo Mawu nube: "ŋda wa hashio" yi "ŋda wuamɛ". Nɛn ŋde wa hashio vɔ yi o wu amɛlɔ, oda lé Mawuo sédji. ¹² Fifiɛ mi xonuxo yi mia zɔn shigbe mɛtsiwo wodja so huɛna ku vovo kpɔkpɔ yio sé. ¹³ Ðo huɛ soso man kuŋ ŋshishi nan mɛ la va mɛtsiwo ŋde kuŋ ŋshishi wo dji. ŋshishi kuku ȡu huɛ soso dji. ¹⁴ Nɔnvi nyinwo, enu nyúí ŋde le mɛ nɛn amɛȡe be xɔsé le yéshi vɔ edɔ wawa ŋde le shio? xɔsé xɔn la tɛnŋ hlɛn amɛa? ¹⁵ Nɛn nɔnvi ŋsu alo nyɔnu hian awu alo gbeshiagbe yio ŋȡuȡulɔ ¹⁶ yi mɛȡe le mia mɛ nu ni be: " yi le ŋtsi fafamɛ, do zozo lanmɛ yi na ȡunu nyúíȡé" vɔ mi ŋde sɔ nutsi hianɔn ŋtsilan nio, alé ŋde lemɛ? ¹⁷ Nɛn nɛn yi xɔsélé nɛn, nɛn edɔwawa ŋde le ŋtsiwolɔ, ékunɔn. ¹⁸ Amɛȡe la gbe tɛnŋ tobé: "xɔsé la shio yi nyéyɛ edɔwawa la shiyin". Sɔ xɔséo tsi dɔwawa ŋde le ŋtsilɔ fiaŋ yi na sɔ ahun xɔsé to dɔwawa mɛ sɔ fiaŋ. ¹⁹ O xɔɛsé be Mawu ȡekɛle, enyɔn; vɔ gbɔngbɔn vúíwo tsan xɔɛsé yi wo hunhun nɔn. ²⁰ O dji la nyan, enu manyantɔ, be xɔsé tsi edɔ wawa ŋde le ŋtsio nyi nugbaloa? ²¹ Wo so huɛ djiɔdjiɔ nɔn miatɔgbi Abraham gatsimɛ yi sɔ viɛ Izaki savɔ le avɔsa kplɔn dji ló? ²² Ŋkpɔɛ be xɔse xɔn ȡe yéȡokui fia ku yio dɔ wawawoto dɔ wawawo mɛ, yio xɔsé ȡu blébu. ²³ Yi enu tsi ŋlɔnŋlɔn tolɔ vamɛ: "Abraham xɔ Mawu dji sé yi wo búí amɛ djɔdjɔɛ" yi Abraham trɔ zun Mawuo xlɔ. ²⁴ O kpɔɛ be to dɔ wawa mɛlɔ o so huɛ djɔdjɔ nɔn amɛ gbetɔ, vɔ ŋde to xɔsé ȡekɛ mɛo. ²⁵ Nɛn nɛn ké, (Rahab) hashitɔlɔ o so huɛ djɔdjɔɛ ni to dɔ wawamɛ etsimɛ yi xɔ amɛdɔdɔwo yi inan wo shito emɔn budji djoa? ²⁶ Shigbe letsi nɔn ékla ŋde le ŋtsilanmɛ ekunɔn lɔ, nɛn nɛn ke xɔsé tsi edɔ wawa ŋde lemɛolɔ kunɔn.

Chapter 3

¹ Nɔ̂nvi nyɛ o, énu fia tɔ wo ŋgbé subgɔ le mia domɛo, mi nyi be o la ȡo kodjo mi vévé ɖé. ² Mixɔn kéké mi nuvɔn lé énu sugbɔ wo mɛn.Nɛn amɛ ȡé ŋȡé wa nuvɔn lé nuxɔ xoxo mɛolɔ,ényi amɛ blibo yi i lá tɛnŋ aȡu yio ŋtilan kékéŋdji. ³ Nɛn mido ga énu nɛn ésɔ wo lɔ,wo sénɔn gbé nɔ mi.Mi la tɛnŋ zan wo ŋtilan kékéŋ. ⁴ Mia lé ŋkuvi ȡo zoŋviwo ŋti kpɔ,togbɔ bé wo lolo yi aya gangan wo tutunɔn tsan,améȡéká pɛ kpoé kunɔn wo yi fitsi djrúí lɔ. ⁵ Nɛnnɛn ké aȡé tsan nyi énu vitsúíkúí lé ŋtilan ŋti,vɔ exonɔn adégbé só enu ganganwo ŋti.Ezó vitúkúí binɔn ávé ganganwó. ⁶ Aȡé tsan nyí ezó,nuvúí yó xixémé,tsí wo sɔ dó mia ŋtí nuwo domé,tsi xonɔn ȡí ŋtilan kékéŋ,etɔnɔn zó agbé mɔn,yi zomavɔ tɔnɔn zó yéŋtɔ. ⁷ Elan wadanwó kékéŋ,xéviwo,edanwo kudo axumé lanwo kékéŋ lɔ,wo djɔnɔn wo,yi amegbétɔ yi djɔnɔn wo. ⁸ Vɔ améȡé kpikpi ŋdá tɛnŋ djɔ aȡéo.Enu gblégblé ŋtɔ ŋtɔ yi nyí,yi aȡí wuamé sugbɔ lé mé. ⁹ Mi sɔnɔn aȡe sɔ kanɔnfu Mawu tsi nyi miatɔ,yi migbé sɔni sɔ xonɔn findó amégbetɔ tsí Mawu wá ȡó yo nɔnnɔnmé nu. ¹⁰ Enu xɔn kémé yi yáyrá kudo enyɔn gblégblé tonɔn lé.Nɔnvinyéwo ŋgbé nyí nɛnnɛn kéo. ¹¹ Eshí víví kudo eshi tsí vé lá tɛnŋ nɔn vudí ȡéká méa? ¹² Nɔnvi nyéwo gboti lá tɛnŋ sɛn rézɛn?Alo rézɛn ti lá tɛnŋ sɛn ŋtíá?Eshi vévé ŋdá tɛnŋ trɔzun eshi vivio. ¹³ Méȡé nyi nunyatɔ lé mia domé?nɛn nɔn kpɔȡéŋ gbé lé bɔbɔɛ nyinyimé tsi só nunya gbɔ. ¹⁴ Vɔ nɛn zóxɔxɔ gblégblé kudo nudjródjró báȡáwo lé mia djimé lɔ,miŋgbé xó adégbéo yi miŋgbé kan nusu ȡó nyatéxoɛ shio. ¹⁵ Nunya xɔn ŋdé só djiŋkushió,vɔ anyigbandji,ŋtilanmé,gbɔngbɔn vúíwo tɔ. ¹⁶ Fitsi nuxuanxuan kudo ŋtilan djródjrówo lé lɔ,tsáká tsáká kudo nubaȡá wawa wo nɔnnɔn xɔn. ¹⁷ Tutugbɔn lɔ,djiŋkushi yio nunyan kɔ,lɔnlɔn sugbɔ lé mé,élé fá,ȡéká wáwá lé mé,nublanyúí kpɔkpɔ sugbɔ lé mé,kusɛnsɛn nyúí lé mé,ŋdé donɔn vóvo tótó améwo doméo yi í ȡónɔn ŋmé vévi. ¹⁸ Wo donɔn djɔdjɔnyínyí yio ku sɛnsɛn lé ŋtifáfá mé tó métsiwo djinɔn ŋtifáfá dji.

Chapter 4

¹ Fiȡé adré kudo énudɔndɔn tsi lé miamé wo só?ȡé ŋdé nyi mia djró vɔnȡiwo yi wáná hua kudo mia nɔnviwo lé xɔsémé wá? ² Mi dji yí miŋ̀dé kpɔ.Mi nyí amé wutɔwo yi milé édju shiwɔ kplɔ énutsi miŋdá tɛnŋ xɔ dó.Mi lé ekɔn dawɔ,lé avun wákɔ vɔ énuȡé ŋdé sun miashio ȡó miŋdé lé enu biɔwɔ Mawu. ³ Mi lé enu biɔwɔ vɔ miŋdé lé éȡé xɔwɔ ȡó miŋdé nyán enu biɔbiɔ,yi milé enu biɔwɔ asɔ wá miá djidjiwó,djidji vúí wo. ⁴ Hashi watɔ minyi!ȡé yi miŋdé nyá bé xixɛmewo lɔnlɔn sinɔnté ȡó Mawu ŋtió wá?Ametsi djinɔn lá djéxlɔ kudo xixɛ sɔ nɔn yéȡókúí ȡo Mawu o kétɔ. ⁵ Aló mi xoɛsé bé ŋlɔnŋlɔnlɔ xonuxo gbalo etsimé yi to bé Mawu lénɔn bénɔn gbɔngbɔn tsi i sɔ dó mia méá. ⁶ Vɔ Mawu nanɔn aménuvévé tɔxɛ,yí ŋti ŋlɔnŋlɔn bé:Mawu tinɔntré ȡó métsiwo danɔn ŋti,vɔ e kpɔnɔn nublanyúí nɔn métsiwo bɔbɔnɔn wo ȡokúíwo. ⁷ Mi bɔbɔ mia ȡokúí nɔn Mawu,mi tité ȡó santana ŋti yi ya shidjó lé miagbɔ. ⁸ Mi zɔn gógó Mawu yí yétsan lá gógó mi.Mi klɔ mia lɔwɔ,nuvúí wá tɔwo kudó mia ayé djiwo. ⁹ Minɔn nuháhá mé,mi fanvi,mi fankonyúí!Mi trɔ mia nukókó ya zun avifanfan,yi mia djidjɔ kpɔkpɔ na zun nuxáxá. ¹⁰ bɔbɔ mia ȡókúí lé axuétɔlɔ ŋmé nɛn ya kɔkɔ mi ȡó djí. ¹¹ Nɔnviwo,miŋgbé xónuxó ȡó mia nɔnnɔn wo ŋtio.Metsi xó nuxó ȡó nɔnviȡé ŋtilɔ,aló só hoɛ nɔn nɔnviɛlɔ,xonuxo ȡó éséɛ ŋti yi i so hoɛ nɔn Mawu yó sé.Nɛn o só hoɛ nɔn éséɛ,ŋdé wá ȡó éséɛ djió,vɔ o lé hoɛ sówɔ ni. ¹² Ameȡéka pɛ kpoé li wánɔn ésé ku hoɛsotɔ,Mawu,amé ȡéká tsi latɛnŋ xɔ nɔn amé yi í lá gbé tɛnŋ gblé amé.Méȡé ó nyi,é wo tsi lé hoɛ sowɔ nɔn nɔnviwo? ¹³ Misé mia metsiwo nunɔn bé:Egbɛ alɔ esɔ mila yi edju xɔn mé ,mila wá exué ȡéká lé xɔn,mila dó adjɔ yí mila kpɔ viȡé. ¹⁴ Médé nyá ŋtí lá djɔ sɔ kudó ŋti lá djɔ ȡó miá gbédji?Mi lé sigbé zizɔ yi zanȡé lɔ é bunɔn. ¹⁵ Mi ȡó lá nu bé:Nɛn Axuétɔ ȡé mɔn lɔ,mila nɔn agbé yi mila wá nutsɛ kudo nuxɔn. ¹⁶ Vɔ milé mia ȡokúí dowɔ ȡó dji lé mia ȡóȡówo mé.Adégbé xoxo ŋdé nyɔn. ¹⁷ Mé tsi nyá nunyúí wáwá vɔ ŋdé woɛlɔ,wá nuvɔn.

Chapter 5

¹⁹ Nɔnvi nyɛ o nɛ miadomɛ tɔ ȡe té ȡa lé nyawo ɔ gbɔa, yi amɛ bu kplɔɛ gbɔa, ²⁰ Nɛ nya bé amɛ tsi ȡé nuvín watɔ le yio nuvín o mɔ̂ndji lɔ la déga ékla le éku mɛ yi i la tsɔ̂n nuvuín sugbɔ dji..

Chapter 5

¹ Fifiɛ,miá gatɔwo,mi fanvi ku gbé sinsin ȡó djɔgbé vúi tsi dja va mia dji ŋti. ² késhinɔn nuwo gblé yi kɔbábáwo gblé mia wuwo. ³ Mia shika kudo mia gá djé akaȡá yi wo kaȡá lɔ lá ȡi ȡásé so miaŋti yi wo lá vunvun mi shigbé ezó nɛnnɛn.Mi xotɛ mia késhinɔn nuwo lé ŋkéké kpɛtɛ dji. ⁴ Metsiwo wá dɔ lé mia gbéwo mé yi miŋdé tu fɛn nɔnwo lɔ,wo fɛntuwo lé axua dówɔ sinsinȡé!yi dɔwatɔlɔwo xa yi káká Mawuo tomé.Minɔn anyigbandji lé késhinɔn numé,yi miá dji djémé. ⁵ Mi djra mia dji ȡó nɔn wuwu ŋkékéɛ. ⁶ Mi so hoɛ,yi mi wu amé djodjoɛ tsi ŋdé wá ŋȡékpékpi nɔn mio. ⁷ nɔnviwo mixɔ djigbɔnȡɛ,káká vá ȡó Axuétɔlɔ trɔtrɔ vá,shigbé agblédatɔ tsi lé ténɔnwo kpɔ anyigban nuku.Tsi gbɔndjiȡɛ lé tenɔnwo kpɔ édji tutugnɔn kudó kpɛtɛ kpɛtɛ. ⁸ Mi a wo tsan, mi gbɔ̂n dji ȡɛ, mi dodji ȡo awuétɔ lɔ o trɔtrɔ va gogo. ⁹ Nɔ̂vio mi ŋgbé sɔ ényɔ̂n ȡo mia nɔ̂nɔ̂ o ŋtsi nɛ wo a va ȡo kodjo nɔ̂ mio. Kodjo ȡo tɔ lɔ le éhɔ̂ lɔ dji. ¹⁰ Nɔ̂vi nyɛ wo mi sɔ ényɔ̂nudaȡɛtɔ o kpoȡowín ku wo djigbɔ̂ȡɛ. ¹¹ Mi yɔnɔ̂ vévédonu tɔo be yayra tɔ o. Mi sé o honuxo so jɔbu o djigbɔ̂ȡi ŋtsi yi mi nyâ nuwuwu tsi mawu ni, tsi mawu ȡɔ kudo nublanui kpɔkpɔ kudo domɛ trɔtrɔ. ¹² Nɔ̂vi nyɛ o, le énu o kéŋkéŋ mɛa mi ŋ gbé ta djiŋkusi, mi ŋgbé ta anyigbâ, alo mia fiâ adjɔgbé o. Mia ɛn nɛ nyi ɛn yi mia o nɛ nyi o nɛ mi ŋgbé va gé djé kodjo ȡoȡo mɛo. ¹³ Amɛȡé le éfũn kpékpé mɛ lé mia domɛa? Nɛ dogbé ȡa. Amɛȡé lé djidjɔɛ kpɔkpɔ mɛ le mia domɛa? nɛ dji éha. ¹⁴ Amɛȡé lé édɔ léɔ? Nɛ yɔ hamɛ mégâ o nɛ dogbéȡa do éta ni yi wa si ami ní le awétɔ o nyikɔ mɛ. ¹⁵ Yi xɔsé o gbédoȡa la yɔ yɔdo ni yi axuétɔ la li tsité. Nɛ é wa nuvuín a mawu la sɔ ki. ¹⁶ Mi hun nuvuín gɔnmɛ nɛ mia nɔ̂nui o yi mi do égbé ȡa ȡo mi nɔ̂nui wo ta nɛ mia kpɔ édɔ yɔyɔ. Amɛ djɔdjɔɛ o gbédoȡa do asi xɔxɔ sugbɔ. ¹⁷ Djɔdjɔmɛ xɔ̂n ké yi lé Elia si sigbé miɔ̂n ke nɛnɛ. Edogbéȡa kudo kudo kutri kuku be édji ŋgbé dja o yi édji dokpo djadja lé anyigbân kaka na éxué amɛtɔn kudo éfan. ¹⁸ Yi i gbé dogbéȡa, djíŋkusi hun yi édji dja, nuku wa. ¹⁹ Nɔnvi nyɛ o nɛ miadomɛ tɔ ȡe té ȡa lé nyawo ɔ gbɔa, yi amɛ bu kplɔɛ gbɔa, ²⁰ Nɛ nya bé amɛ tsi ȡé nuvín watɔ le yio nuvín o mɔ̂ndji lɔ la déga ékla le éku mɛ yi i la tsɔ̂n nuvuín sugbɔ dji..