Matthew

Chapter 1

¹ Pleme e Isusesoro e Hristesoro, o čhavo e Davidesoro, him čhavo e Avramesoro. ² E Avramese bijandilo o Isak. E Isakose bijandio o Jakov. E Jakovese bijandilo o Juda him lesere phralja. ³ E Judase i Tamara bijani e Farese him e Zare. E Faresese bijandilo o Esrom. E Esremese bijandilo o Aram. ⁴ E Aramese bijandilo o Amindav. E Aminadavese bijandilo o Naason. E Naasonese bijandilo o Salmone ⁵ . O Salmonese i Rahava bijani e Vooze. O Vooazese i Ruta bijani e Ovide. E Ovidese bijandilo o Jesaj. ⁶ E Jesajese bijandilo o David o thagar. E Davidese bijandilo o Solomon e Urinicaja. ⁷ E Solomonese bijandilo o Rovoam. E Rovoamese bijandilo o Avija. A e Avijase bijandilo o Asa. ⁸ E Asase bijandilo o Josafat. E Josafetese bijandilo o Joram. E Joramese bijandilo o Ozija. ⁹ E Ozijase bijandilo o Jotam. E Jotamese bijandilo o Ezekija. ¹⁰ E Jezekijase bijandilo o Manasija. E Manasejase bijandilo o Amon. E Amonese bijandilo o Josija. ¹¹ E Josijase bijandilo o Jehonija hem lesere phralja ano vreme đaiba ano Vavilon. ¹² Palo đaiba ano Vavilon e Jehonijase bijandilo o Salatilo. E Salatiilese bijandilo o Zorovavel. ¹³ E Zorovavelese bijandilo o Aviud. E Aviudejese bijandilo o Eliakim. E Eliakimese bijandilo o Azor. ¹⁴ E Azorese bijandilo o Sadok. E Sadokese bijandilo o Ahim. E Ahimese bijanđola o Eliud. ¹⁵ E Eliudese bijandilo o Eleazar. E Elezarese bijandilo o Matan. E Matanese bijandilo o Jakov. ¹⁶ E Jakovese bijanđola o Josif, o rom e Marijakoro, koja bijanđa e Isuse kova vičinipe o Hrist. ¹⁷ Oto sa kustika oto Avram đi ko David dešuštar kustika, oto David đi ko đaiba ano Vavilon dešuštar kustika; oto đaiba ano Vavilon đi ko Hrist dešuštar kustika. ¹⁸ A o bijaniba e Isusesoro inele ađahkar. Lesiri daj i Marija, inele mangli e Josifese, pana so na sastavisale, uli khamni oto Dux Sveti. ¹⁹ O Josif, lakoro rom, o pravedno, namanglja te čerela lađavese, nego anđa ani godi garajndo te ačhajla. ²⁰ Sa dok na dikhlja suno, i dik o anđeo e Devlesoro mothovsalo lese ano suno phenela lese: "Josipe, čhaveja Davidesereja, madara te le tuče e Marija, kle romnja. So ano late čerdilo, čaće oto Duh Sverti. ²¹ Ka bijani čhave, a tu ka čhive o anav Isus sose ov ka spasini sa ple manušen oto greja lengere." ²² Sa adava ulo te pherđol so o Devlikano phenđa palo proroko: ²³ Ače, i čhaj ka ačhol khamni i ka bijani čhave i ka denle anav Emanuel- so vačeri: "O Devel amencar!" ²⁴ Ked o Josif uštino oto suno, čerđa sar vačerđa olese o anđeo e Devlesoro: lelja kora peste ple romnja. ²⁵ I na suča olaja sa dok na bijanđa e čhave. I čute lesoro anav Isus.

Chapter 2

¹ I ked o Isus bijandilo ano Vitlajem o Judejsko ano dive e Herodese e thagarese,dik o mudraci oto Istok pojavindepe ano Jerusalem ² rasplučlepe: "Kaj adava nevo bijando thagari o Jevrejsko? Dikhljam kotar ikljola i čeren lesiri pa aljam te pera kočijende anglo leste." ³ Ked došunđa adava o thagari o Herod, preturisalo i sa o Jerusalem sa leja. ⁴ Vičinivse sa e šeralen svečenikonen i e đandenlilaren e manušengeren pa pučlepe kote o Hrist ka bijanđol. ⁵ On irinde olese: " Ano Vitlajemem judejsko sose ađahkar pisinđa o proroko: " ⁶ A tu Vitlejeme, phuvone e Judasirije! Nisar na injan najtikoro maškaro knežestvima e Judesere sose tutar ka ikljol vladari kote ka peren mle manuša -Izraelesere!" ⁷ Teganio Herod garavde vičinđa e mudrakonen i dođanđa o vreme ked iklili i čeren. ⁸ I tegani bihčalđa olen ano Vitlajem: " Đan phjenela, i sa jek te pučen e čhavese. Ked ka arahkenle, bihčalen maje haberi tebi i me avava te perav kočijende anglo leste. " ⁹ Šunde e thagare i đele. I dik, i čeren kola dikhle ko iklipe sar đala anglo lende sa dok na resle i terdini anglal kote o than inele e čhavoresoro. ¹⁰ Ked dikhle i čeren, raduisale but. ¹¹ Đerdinđe ano čher, dikhle e čhave e Marijaja e dijaja olesaraja, pele tele anglo leste. Lele phravđe pumaro barvalipe i dindole darja: sumnakaj,o tamjani hem i smirna. ¹² Alo lenđe ko suno tena irinenpe ko Herod, đelevse avre dromeja pumenđe ani phuv. ¹³ So on đelevse, dik, o anđeo e Devlesoro ano suno javini e Josifese: "Ušti" phenela "le e čhave i e dija lesera i naš ano Egipat i ahčov adari sa dok na phenavače sose o Herod rodela e čhave te mudari". ¹⁴ Ov uštino, lelja račate e čhave i lesere dija i pođinđa ano Egipat. ¹⁵ Him ahčilo adari sa đi e Herodesoro meriba, te ovel so o Devlikano vačerđa palo proroci: "Oto Egipto vičinđum me Čhave." ¹⁶ Dikhlja so o mudraci nakhavdole, o Herod but holjandilo i bičhalđa te mudari sa e muršikane čhavoren ano Vitlajem i ani pli okolina, oto duj berš pa sa natele- palo vreme so đanđa oto mudracija. ¹⁷ Tegani pherdilo so phendilope palo proroko o Jeremija: ¹⁸ "Ani Rama i vika šunđola, o cviliba o rojba čerko: I Rahela rovela ple čhaven i namangela te traini sose nanetala više." ¹⁹ Pale e Herodesoro meriba, dik, o anđeo e Devlesoro anela haberi ano suno e Josifese ano Egipat: ²⁰ " Ušti, phenela, le e čhave hem lesere dija pa đa ani phuv Izraelsko sose mule okola so mangle te mudaren e čhave. " ²¹ Ov uštino, lelja e čhave him lesere dija i đerdini ani phuv Izraelsko. ²² Dođanđa so o Arhelaj ičeri i Judeja ko than ple dadese e Herodese, darandilo te pođini adari pa, bičhaldo andro suno, đelo ano krajo o Galilejsko. ²³ Alo i ačhilo ate ani diz vičime o Nazaret - te pherđol soj phendo palo proroci: Ka vičinipe Nazarečanino.

Chapter 3

¹ Ana adala dive iklilo o Jovane o Krstitelj vačerindoj ani Judejsko pustinja: ² "Irinen tumen sose alo paše o thagaripe o nebesko! " ³ Akavaj čače okova kolestar vačerđa o Izaija o proroko: O glaso vični ani pustinja: "Čeren o drom e Devlikanese, ravnonen lese o dromija." ⁴ O Jovane inole šeja uti kamilakre bala i kustik uti morti ko maškar; O hajba inele lese o skakavci hem o divljo avđin. ⁵ Tegani ale koro leste o Jerusalem, sa i Judeja i sa okolina i Jordansko. ⁶ Lele olestar o krštenje ani len o Jordan pišmanindoj mohtovdoj pumare greja. ⁷ Ked dikhela buten farizejen i saducejen kaj avena lese ko krštenje, phenela olenđe: " I gižmina sapa! Ko li tumen upozorinđa te našen uti panari holi? ⁸ Anena o bijandipe kovaj dostojno irimnase koro Devel. ⁹ I ma te čeren te phenen ana tumende: "Isi amen dad o Avram! Me phenava tumenđe, o Devel akale barendar šaj vazdel čhaven Avrameseren." 12 ¹⁰ Več čuto o tover upro koreno ko kašta. Đi ko jekh kaš kova na anela šukar bijanipe, čhinelape i ani jag frdelape, " ¹¹ "Me, čače, krstinava e panjeja ko iriba e Devlese, a okova so palamande avela po zoralo mandar. Me na injum dostojno lesoro uriba ko pre te akharav. Ov ka krstini tumen E Duxo Svetoneja him jagaja. ¹² Ano vas lesoro i ašofi, him ka čistini po gumno him ka čedel o điv ano plo thand kote čedela o điv, a i pleva ka tharel jagaja koja na ka ačhol." ¹³ Tegani avela o Isus oti Galileja ko Jordan koro Jovane ov te krstinle. ¹⁴ O Jovane vačeri olese: "Tu man valjani te krstine, a tu kora mande aveja?" ¹⁵ A o Isus pa penela olese: "Mek akana! Mora te ovel ađakhar tebi pheraja sa o pravednost! " Tegani o Jovane ačhavđa ole. ¹⁶ Sigate so krstisalo iklilo o Isus andro pani. Him dik! Phravdilo olese sa o nebo i dikhlja e Devlesero Duxo kotar uljela sar golubi i mekelape upro leste. ¹⁷ Him dik, o glaso odupral vačeri: "Akavaj mlo Čhavo, o čumudimo! savo maje palo mangipe! "

Chapter 4

¹ Tegani o Duxo legarđa e Isuse ani pustinja te probini ole o beng. ² Postinđa saranda dive him saranda rača, i oto jekhvar bokhalilo vse. ³ Tegani avela nakoro leste o kušači i phenela olese: "Te injan o čhavo e Devlesoro, phen akale barenđe te oven maro. " ⁴ A ov phenela lese: "Pisimeji: Na đivdo o manuš samo oto maro, nego oto svako lafi so ikljola e Devlese andro muj. " ⁵ Tegani o beng legarđa ole ki Sveto diz, čučale ko naj učo vrh e Hramesoro ⁶ i penđa olese: " Te injan Čhavo e Devlesoro, frde tut tele! adalese soi pisime: "E Anđelenđe plenđe ka vačeri tutar i ko vasta ka legaren tut nigde e preja na ka khuve tut ko bara." ⁷ A o Isus phenđa olese: "Pisime ađakhar: Ma iskušin te Devlikane e Devle, kle!" ? ⁸ I o beng tegani legarle ki gora but uči i mothoj lese sa o thagaripe e svetosoro i i slava lengiri, ⁹ Him phenđa olese: "Sa adava ka dava tut ako maje pereja ko kočija. " ¹⁰ Tegani phenđa lese o Isus: " Đa mandar, Benga! Adalese soi pisime: "Samo kle Devlese per ko kočija him lejekhe kand!" ¹¹ Tegani meklja ole o beng. Him dik, o anđelja ale i kandle ole. ¹² A ked šunđa soj e Jovane dolime, cidisalo ani Galileja. ¹³ Ačhavđa o Nazaret him đelo i ačhilo ano Kapernaum, zalo more, maškari i međa e Zevulonovesiri him Naftalijevesiri. ¹⁴ Te pherđol soi phendo palo proroko o Izaija: ¹⁵ "I phuv Zavulonovesiri him i phuv Naftalijevasiri, ko drom zalo more, okola stranatar oto Jordan, i Galileja kola so na đande e Devlese. ¹⁶ O manuša so bešle ani kalipe dikhle o baro svetlo, upro okolende kola bešena ani phuv merimnasiri senka i ikllo o svetlo." ¹⁷ Otegani lelja o Isus te vačeri o lafi: "Irinen tumen sose alo paše o Thagarstvo odupral!" ¹⁸ Sar nakhlo zalo Galilejsko more, dikhlja duje phraljen, e Simune so vičinipe Petar i e phrale lesere e Andrija, kote frdena i mreža ano more; on inele kola dolinde mačhen. ¹⁹ I phenela olenđe: "Aven pala mande, ka čerav tumen manušen kola ka dolen e manušen sar mačhen!" ²⁰ On sigate ačhavde o mreže i đele palo leste. ²¹ Pođinđa athar, dikhlja avren dujen phraljen, e Jakove e Zebedijasere čhavei lesere phrale e Jovane: ani lađa e Zebedejea ple dadeja,sivde o mrže. ViČinđa i olen. ²² On sigate ačhavde i lađa i e dade ple i đele palo leste. ²³ Him phirđa o Isus ki sa i Galileja him sikavđa ko lengere sinagoge, vačerđa oto Šukar Lafi oto thagaripe i so sasjari svako nambormipe him svako bizoralipe ano manuša. ²⁴ I o haberi lestar legarđape upreder i Sirija. I andolese sa okolen save inele namborme oto razna namborbipa him oto pharipe, him okolen ano save inele o benga, okolen so isolen naborma ko soiba, ov sasjarđalen. ²⁵ Palo leste pođinđe bare manuša oti Galileja, oto Deš dizja, him oto Jerusalem, uti Judeja him aver strana oto Jordan.

Chapter 5

¹ Him ked dikhlja but manušen, him uklilo upri gora ² . I ked bešlo, nakhle nakoro leste o sikamne. ³ I ov vačerindoj terdino te sikajlen: ⁴ "Blago e čororenđe ano duxo: lengoro thagaripe o nebesko! Blago e rovavnenđe, adalese so ka oven utešime! ⁵ Blago e mirnonenđe: olenđe ka ačhel i phuv! ⁶ Blago e bokhalenđe him e žednonenđe za ko pravednost: on ka čaljon! ⁷ Blago e kovlenđe: on ka len o kovlipe! ⁸ Blago e čistone vilenđe: on ka dikhen e Devle! ⁹ Blago okolenđe so anen mir: on ka vičinenpe e Devlesere čhave! ¹⁰ Blago e gonimenđe za ko pravednost: lengoro o thagarstvo oto nebo!" ¹¹ Blago tumenđe ked lađarena tumen zbog maje- akošena tumen i jurinena tumen i sa o hovajba čhuvena protiv tumende! ¹² Raduinen tumen i veselinena tumen: bari i plata tumari upre! Ađakhar progoninde e prorokonen angleder tumende! ¹³ " Tumen injen o lon e phuvjakori. Ako li pa o lon ruminipe, soja ka lonđaripe? Nane više sose, nego te frdelpe avrijal i o manuša upro leste nakhena." ¹⁴ Tumen injen o svetlo ano sveto. Našti te garajpe i diz so pašljola upri gora. ¹⁵ I thardi i memeli ked čhuvelape talo čaro, nego ko svečnjako terđola te svetlini sarijenđe ano čher. ¹⁶ Ađakhar te svetlini tumaro svetlost anglo manuša te dikhen tumaro šukaripe so čerena i te slavinen tumare Dade kovaji ko nebo." ¹⁷ Na li čhinen gođaja te čhinavav o Zakonija il e Prorokonen. Na aljum te čhinavav, nego te doperav le. ¹⁸ Čače, phenava tumenđe, sa dok na nakhela o čeri hem i phuv, ni nijek slovo, ništa andro Zakoni naka nakhel, dok sa na ovela. ¹⁹ Te ruminđa oto akala zapovedija i ađakhar sikaj e manušen, naj tikoro ka ovel ano Thagarstvo o nebesko.Him ko ovela te čerelen len i avren sikaji, adava ka ovel baro ano Thagarstvo o nebesko. ²⁰ "Čače phenava tumenđe: na ovela li i pravednost tumari po bari oti pravednost oto lil oto đande him oto fariseja, na naka đerdini ano Tahgarstvo o nebesko." ²¹ Šunđen li soi vačerdo e puranenđe: "Ma mudar! Ko mudari, ka ovel bango ko sudo. ²² A me phenava tumenđe: Svako okova savo holjani upro plo phral, ka ovel bango ko sudo. A ko phenela ple phralese 'raka!' ka ovel legardo ko Veče. A ko pa phenela: 'dilineja!' ka ovel irime andi jag koja na ačhel." ²³ Ako li pa aneja daro ko žrtveniko pa athe setineja tut so isi te phrale nešto protiv tute, ²⁴ ačhav o daro athe anglo žrtveniko, đa angleder mirin tut kle phraleja, tegani ava i ana o daro." ²⁵ Soi po sigate rešin tut kle protivnikostar sar pana so injan oleja ko drom, te nebi predela tut ko sudo, a o sudija ko tamničari, pa te na frdentut ani tamnica. ²⁶ Čače phenava tuče, naka ikljove athar sa dok na isplatineja đi ko jekh dinari." ²⁷ Šunđen li soi phendo: Ma čer odujčumudiba! ²⁸ A me phenava tumenđe: Sar ko e požudaja dikhela e đuvlja, več čerđa olaja o dujčumidiba pese ano vilo. ²⁹ Ako tut kli desno jak sabazlini, ikala i frdla tutar. Po šukar te na ovel tut jekh oto kle kotora nego sa o trupo te đal frdime ani jad koja na ačhel. ³⁰ Him to desno vas sablaznini, čhinla i frdla tutar. Adalese po šukar te properel če jekh oto kotora nego to celo trupo te đal ani jag koja na ačhel." ³¹ "Phendilo dani ađakhar: Ko mekela ple romnja, neka dela lil mekhimnasoro. ³² A me phenava tumenđe: Ko god mekhela ple romnja- sem zbog i preljuba- čhivela te čerel preljuba i savo lela phivlja čerela i preljuba." ³³ Šunđen li pana soj phendo e puranenđe: Ma ha bange sovel, nego e Devlese čer kle sovlja. ³⁴ A me phenava tumenđe: Ma han sovel nisar! Ni e neboja soi o prestolje e Devlesoro. ³⁵ Ni phuvljaja sose i o podnožje talo lesere pre. Ni upro Jerusalem sose i diz e bare thagaresiri. ³⁶ Ni kle šereja ma ha sovel sose ni jekh bal našti te čerele te ovel parno ili kalo. ³⁷ Tumaro lafi te ovel: 'Oja, oja,- na, na!' Soj po but adalestar, oto Lošno avela." ³⁸ Šunđen soi phendo: Jakh jakhače, dand dandese! ³⁹ A me me phenava tumenđe: Ma branin tut oto bilačho! Khuvela li tut neko uti desno čham irin olese i i dujto. ⁴⁰ Okolese kova mangela te sudinipe tuja tebi lela klo gad dele to fostani. ⁴¹ Him ako nesavo mangela te đa oleja hiljadu meterija đa duj. ⁴² Ko rodela tutar, dodle him ko mangela uzajem tutar, dodle. ⁴³ Šunđen li soj vačerdo: "Čumudin kle pašutne, him kle dušmane ma čumudin." ⁴⁴ A me phenava tumenđe: "Čumudinen tumaren dušmanjen, molinen tumen okolenđe kola dena tumen armanja, čeren šukar okolenđe kola nakamena tumen, him blagosuinen okolen kola uspudinena tumen. ⁴⁵ Te oven čhave e Dadesere tumaresere kovaji ko nebesija, adalese so ple khameja tačari šukaronen him bilačen, him o bršin perela upro pravedna him nepravedna." ⁴⁶ Him ako čumudinena samo okolen save tumen čumudinena, savi plata isi tumen? Na li čerena adava o carncija? ⁴⁷ Te ako pozdravineja samo kle phraljen so Čerđan? Na li čerena adava o manuša save na đanen e Devle? ⁴⁸ Oven ađakhar savršena, sar tumaro Dad ko nebo savršeno.

Chapter 6

¹ Arakh o čačipe klo ma čer zalo manuša tebi dikhena turt, adalese naka ovel tumen plata koro tumaro Dad kovaj ko nebo. ² Adalese ked deja i milostinja, ma trubi angla tute, sar so čerena okola oto sinagoge i ko dromija te dikhenlen o manuša. Čače phenava tumenđe, lele pumari plata. ³ Ked deja i milostinja, te na đanel klo levo vas so čerela o desno. ⁴ Ađakhar te ovel kli milostinja, i klo Dad te dikhel so adava Ćereja garandoj,a ov ka deltut i sare ka dikhen. ⁵ I ked molineja tut e Devlese, ma ov sar okola duje mujengere,save ko sinagoge soj ko droma terđona i molinena te dikhenlen o manuša. Čače phenava tumenđe kaj lele pli plata. ⁶ a tu ked molineja tut,đa ani kli soba i phand kle udara, i molin tut kle Dadese garandoj, A klo Dad so dikhela so molineja tut garandoj, sa ka irini če anglo sarijende. " ⁷ Ked molinena tumen, ma vačeren but lafija, sar okola save na đanen e Devlese, adaleswe so on dena pe godi kaj but lafija ka ovenšunde. ⁸ Tumen ma oven sar olende, adalese soj tumaro Dad đanel so valjani tumenđe i angleder negoli pana so na mangena. ⁹ Tumen, ađakhar, molinen: "Dade amareja, kova čače so injan ko nebesija! Te svetini klo anav! ¹⁰ Te avel klo thagaripe! Te ovel kli volja sar ko nebo ađakhar him ki phuv! ¹¹ O maro amaro savo valjani amenđe deamen avdije! ¹² I halalin amaro dugo sar amen so halalinaja amare dužnikonenđe. ¹³ I ma čhuv amen ano lošnipe, ikalamen oto lošnipe. Adalese soj klo thagaripe, ti i zor him slava ano šelberšipe. Amen. ¹⁴ Adalese ako tumen halalinena e manušenđe lengere greja, ka halalini i tumenđe o Dad tumaro ko nebesija. 15Him tumen te na halalinena e manušenđe, ni o dad tumaro naka halalini tumare greja. ¹⁶ I ked postinena, ma oven peravde mujeja sar okola duje mujencar. Irinena pumare muja te mothoven e manušenđe sar postinena. Čače phenava tumenđe, lele pumari plata. ¹⁷ Tu čer, ked postineja, makh to šero i thov to muj ¹⁸ te na dikhen o manuša sar tu postineja, nego klo Dad kovaj ano garavdoj, ka iriniče sa. ¹⁹ Ma čeden tumenđe o barvalipe ki phuv, kote ka hanle o moljci him i hrđa ka hale i kote o čora hanena te na čoren le. ²⁰ Len tumenđe barvalipe ko nebo, kote ni o moljci ni i hrđa našti han ola him kote našti o čora te hanen him te čoren. ²¹ Čače, kaj klo barvalipe, athe ka ovel tumaro vilo. " ²² I jak e trupose so thabljola ( te svetlini). Ako kli jak sasti, sa klo trupo ka ovel sasto. ²³ Ako li pa kli jak čhelamni, sa klo trupo ka ovel kalo. Ađakhar akoj ana tute o sverlost tamno, kobor ka ovel i tama? ²⁴ Nijekh našti te kandel dujen thagaren. Ili jekhe naka mangel, a e dujtone ka volini; ili jekhe ka mangel a e dujtone naka mangel. Našti te kande e Devlese him e barvalimnase. " ²⁵ Adalese phenava tumenđe: Ma oven grižime za klo tumaro životi: so ka han, so ka pijen; ni za ko klo trupo: so ka urjen tumen. Na neli o životi po vredno oto ahjba a o trupo oto šeja? ²⁶ "Dikhen o čiriklja o nebeska! Ni sijinena a ni pa čedena te čhuven ane đivesere thana, a palem parvarlen tumaro nebesko Dad. Da li tumen na injen po vredna olendar? ²⁷ A ko tumendar sikirimnjaja šaj ple manušikimnase te dodel jekh musi? ²⁸ I za ko šeja so sikirinena tumen? Dikhen o poljska ljiljanja, sar barjona! Na mučinenape ni predena. ²⁹ A phenava tumenđe: ni o Salomon pese ani slava na hurđape sar jekh olendar. ³⁰ Pa ako li i čar e poljesiri, koja avdije athe a tajsa frdelape ani jag, o Devel ađakhar urjaj, na li tumen pana doborhka, tikore verakere?" ³¹ "Ma te skirinen tumen so ka phenen:' So ka has?' ili: ' So ka pija?' ili: So li ka hurja?' ³² Adava sa rodena okola so na đanen e Devlese, a đanel o Dad ko nebo so sa akava valjani tumenđe. ³³ Angleder roden o thagarstvo e Devlesoro, i lesoro pravednost, a sa aver ka dopherel. Ma te sikirinen tumen za ko tajsa. ³⁴ O tajsato dive kokore pestar ka brinini pe za sa. But svakonese o dive oto lošnipe."

Chapter 7

¹ Ma sudinen te nebi sudinipe tumenđe! Save sudoja sudineja adaleja ka oven sudime. ² I meraja savaja merinena adalaja ka merinipe tumenđe. ³ So dikheja o karo ani jak kle e phralese, a na dikheja i greda tuče ani jak? ⁴ A sar šaj te phene kle phralese: 'Ana te ikalav o karo andri ti jak,' a dihk i greda ani kli jak ⁵ ?Dujemujengoro! ikal prvo kli greda kle jakhatar, pa tegani ka dike i ka ikale o karo anrdi jak e phralese! " ⁶ Ma den o svetipe e đuklenđe! Ni pa frden o biserja tumare anglo bale, te na bi gazinena olen pumare prencar, i irinena pe i te na pharaven tumen. " ⁷ Mangen, i ka delpe tumenđe! Roden i ka arakhen! Khuven i ka phravđol tumenđe ⁸ ! Him savo rodela, ka arakhi; o okolese savo khuvela ka phravđol lese. ⁹ Ili okova savoj manuš kastar ako mangela lesoro čhavo maro ov bar dele? ¹⁰ Il ako mačhe rodela te dele sape? ¹¹ Sar tumen, o lošna so ka oven, đanen šukar darja te den tumare čhavenđe, kobor li po but o dad tumaro, kovaj ko nebesija, ka del o šukaripe okolenđe save molinenle? ¹² "Sa so ka mangen, so o manuša tumenđe te čeren, čeren i tumen olenđe: Adavaj o Zakonja i o Prorokija." ¹³ Đrdinen ko tanđiple udara! Sose o bule udara i o bulo drom kova legari ano propast i buti adala kola đana oleja. ¹⁴ O sari o tesna udara i tesno drom kova legari ano životi, i hari olendar kola arakhenle! " ¹⁵ Arahken tumen oto hovavmne prorokija, kola avena e bakrese andi morti, a andral ruva so ka čoren tut. ¹⁶ Pale lengere plodija ka penđaren olen. E čedelape li o kare oto drahka ili o kare oto smokve? ¹⁷ Ađakhar svako šukar kaš bihjani šukar šafloko, a o lošno kaš bihjani lošno šafloko. ¹⁸ Našti o šukar kaš te bihjani lošna plodovja, ni pa lošno kaš te bihjani šukar plodija. ¹⁹ Svako kaš kova na bhijani šukar plodija, čhinela pe i frdela pe ani jag. ²⁰ Ađakhar: palo plodovja olengere ka penđaren olen. " ²¹ Naka šaj ni jekh savo phenela maje: 'Devlikaneja ! Devlikaneja!' te đerdini ano thagaripe upre; ko čerela pali volja me dadesiri kovaj upre. ²² But ka vačeren ana adava dive: 'Devlikaneja! Devlikaneja!' na li tuče ko anav prorokuinđam, i kle anaveja e bengen ikalđam, i kle anaveja o čudija but čerđam? ²³ I tegani me ka phenav olenđe: 'Nikad na đanđum tumen; đan tumenđe mandar so čerena o bezakonja.' ²⁴ Đi jek kova šunela akala mle lafija i čerela len, ka phenav sar mudro manuš kova vazdela plo čher ko bar: ²⁵ I perela o bršind i avena o panja, i phudena o balvalja, i napadinena upro čher adava, i na perela, soj oj inele zorali upro bar. ²⁶ Đi jekh savo šunela akala mle lafija a na čerela len, ov ka ovel sar jekh manuš dilino kova vazdela o čher plo ki pošik: ²⁷ I perela o bršind, i avena o panja, i phudena o balvalja, i khuvena ano adava čher perela,i sa ruminipe otperela. ²⁸ Iked sa vačeri o Isus akala lafija, rumindile o manuša lesere naukače. ²⁹ Ov sikađalen sar okova kova isile o vlast, a na sar o knjigale.

Chapter 8

¹ A ked hulilo uti gora, paloleste đele bare manuša. ² I dikh, o manuš gubavo alo i telilo i phenela: Devla! ako mangeja, šaj te kose mandar. ³ I ikalđa po vas nakoro Isus, dolinđa le i phenđa: "Mangava, ov koslo." I oto jekhvar koslilo uti guba. ⁴ Phenela lese o Isus: "Dik, i ma nikase te phene nego le him đa mothov tut anglo svešteniko, i legar o daro so vačerđa o Mojsije zbog o svedočanstvija lenđe." ⁵ ked đrdinđa ano Kafernaum, alo nakoro leste o kapetani i molini le, i phenela: ⁶ "Devlikaneja! mo kandlo pašljola čhere lelo, i but cidela muke". ⁷ A o Isus phenela lese: "Me ka avav i ka sasjarav le." ⁸ O kapetani irini lese i phenela: "Devlikaneja! na injum dostojno maje talo učhardo čher te đerdine; le vačer jekh lafi, i ka sasljol mlo kandlo. ⁹ Adalese so i me injum manuš talo vlast nekase, i isima tala mande vojnici, pa phenava jekhese: đa, i ov đala; i e dujtonese: ava, i ov avela; i ple kandle se: čerela adava, i čerdo". ¹⁰ Ked šunđa o Isus, šukar inole se i phenela okolenđe so avena palo leste: "Čače phenava tumenđe: Ni ano Izrael odoborkha vera na arakhljum." ¹¹ I adava vačerava tumnđe so but oto istok i zapad ka aven i ka bešen ki sofra e Avrameja him e Isakoja i e Jakoveja ano thagaripe upre: ¹² A o čhave oto thagarstvo ka ikljon ani tomina avrijal; athe ka ovel rojba i tresiba dandencar." ¹³ A e kapetanese vačeri o Isus: "Đa i sar veruinđan ađakhar neka ovelče." I sastilo lesoro kandlo ana adava sati. ¹⁴ I ked alo o Isus e Petrese ano čher, dikhlja lesere sasuja kote namborme pašljola ani groznica. ¹⁵ Dolinđa la oto vas i meklja la i groznica. Uštini i kandlja len. ¹⁶ Ked kalilo, andolese buten bengalen. I ikalđa e duxoven lafeja i sa e nambormen sasjarđa- ¹⁷ te pherđol soj phendo palo Izaia o proroko: "Ov amaro bizoralipe lelja i o dukhajbija legarđa." ¹⁸ Ked dikhlja o Isus bute manušen zala peste, vačerđa olenđe te nakhen okotar. ¹⁹ I nakhino jekh lilano đandibasoro i vačeri lese: "Sikamneja, pala tute ka avav kaj kuri ka đa." ²⁰ Penela lese o Isus: "E lisicen isilen lengere jazbine i o čiriklja odupral pumare gnezdija, a o Čhavo e Manušesoro nanole kote po šero te čhuvel." ²¹ O dujto sikamno oto sikamne phenela: "Devlkaneja, mekma anglal te đav i te parunav mle dade." ²² O Isus vačeri olese: Ava pala mande i mekh o mule te parunen ple mulen. " ²³ So đrdinđa ani lađa, ale palo leste lese sikamne. ²⁴ I dikh, zorali balval lelja upro more ađakhar so e lađa na irinde o talasija. A ov suča. ²⁵ Nakhle i vazdinde ole phenena: " Devlikaneja, arakhamen, sa ka tasljova! " ²⁶ Vačeri olenđe: " So injen darutne, tikore verakere?" Tegani uštino i vačerđa e balvaljenđe i e morese i oto jekvar ulo sa mirno. ²⁷ A o manuša ana peste pučlepe: " Kova adava o more him i barval te šunen o le? " ²⁸ I ked alo prekal, ano gadarsko kravo, eče anglo leste duj pherde e bengencar: ando barengere limorja, on inele asavke diline so na nakhino nijekh te đal athar adale dromeja. ²⁹ " I dikh vičinde: " So isi tut amencar, Čhaveja Devlikaneja? Aljan akari angleder o vreme te mučine amen? " ³⁰ A po dur olendar čarjardilo bari kupa bale. ³¹ O benga molindele: "Ako ikaleja men, bičhalen amen ani akaja kupa e balengiri. " ³² Ov phenđa olenđe: "Đan!" On iklile i đerdinde ano bale. Idikh, sa i kupa o bale prastandoj đele natele ano more i sa taslile. ³³ A e balengere manuša, đele ani diz i sarijenđe sa vačerde, i so čerđa e bengale manušenđe. ³⁴ I dikh, celo diz iklili anglo Isus. Ked dikhlole, molindole te đavse lenđe oti diz.

Chapter 9

¹ I đerdinđa ani lađa, đele i alo pese ani diz. ² Ked, dikh, andolese okočime manuše kova pašlilo ki pašlundi. Dikhlja lengiri vera, phenđa o Isus e okočimese: " Bi darako, mo čhavo, mekenape te greja!" ³ I dikh, nesavo oto lilengoro đando phende ana peste: "Akava hulini!" ⁴ Đanđa soj lenđe ani godi, i o Isus phenela: " Sose phandena lošnipe tumenđe ko vile? ⁵ Soj po pharo te phenelpe: ' Mekenape če kle greja' ili te phene: ' Ušti hem phir'? ⁶ Ali te đanen: ovlastime o Čhavo Manušikano upri phuv te mekel o greja!" Tegani vačeri e kočimese: "Ušti, le ti pašlundi i đače čhere! ⁷ I ov uštino i đelovse čhere. ⁸ Ked dikhle sare adava, pelo bezdali i dinđa slava e Devlese kova asavko vlast dinđa e manušenđe. ⁹ Pođindoj adathar, dikhlja o Isus manuše kova vičinipe Matej kote bešlo ki carinarnica. Him phenela olese " Pođin palamande!" Ov ušthino i đelo palo leste. ¹⁰ Dok inele o Isus ano čher zalo astali, dikh, but carinci i grejonencar manuša ale zalo astali leja i lesere sikamnencar. ¹¹ Dikhlje adava, o fariseja terdine te vačeren: " Sose tumaro sikamno hala e carinconencar i grejone manušencar?" ¹² I ov,šunđa adava i phenela: Na valjani e sastenđe doktori, nego e nambormenđe. ¹³ Hajden i proučinen soj adava: O milosrđe maje but šukar, a na žrtva. Me na aljum te vičinav okolen soj pravednici, nego kolaj e grejonencar." ¹⁴ Tegani ale nakoro leste e Jovanesere sikamne i phenena: " Sose amen o fariseja postinaja, a kle sikamne na postinena?" ¹⁵ Upro adava o Isus phenela: " Šaj li o bijavesere manuša te oven tužna ked olencar o terno savo lel romnja? Ka aven o dive ked ka čoren lengere terne kova lel pe romnja, i tegani ka postinen!" ¹⁶ Niko na čhuvela o neve parčikija ko purane šeja, ked krpineja vucinipe oto šeja i ovela po bari rupa." ¹⁷ I na čhorela pe i nevi mol ano purane morthja. Adalese so ka pharavđon, ka čhorđol i mol, a o morthja ka pharavđon. Adalese čhivelape i nevi mol ano neve morthja i solduj garavenape. " ¹⁸ Sa dok vačerđa olenđe, i dikh, alo nesavo šeralo, pelovse ko kočija đi ki phuv i phenela: " Mi čhaj, ače, merela, ali ava i čhuv to vas upro late, i ka uštel. " ¹⁹ O Isus uštino i ple sikamnencar đelo palo leste. ²⁰ I dikh, nesavi romni koja inele namborme dešuduj berš oto rata nakhli otpalal i dolinđape lese ko fostani. ²¹ Anđa ani godi: "Ako dolama lese ko fostani, ka nakhen me rata(ka sasljovav)." ²² Irisalo o Isus dikhlja la i phenđa olače: " Zorale mi čhaj, kli vera sasjarđa tut. " I i romni adale satestar inele sasjardi. ²³ Đerdinđa o Isus ano čher e šerale manušese. Dikhlja e bašavnen i o baro šundipe him bute manušen ²⁴ pa phenđa: "Cidetumen! oj na muli, sovela." I on lele te asan lese. ²⁵ I ked inele o manuša frdime, đerdinđa, dolinđa e čhija oto vas i oj uštini. ²⁶ I adava šundilo ko sa adava kravo. ²⁷ Ked iklilovse athar o Isus, đele palo leste duj korore vičindoj:" Smiluin tut amenđe, Čhaveja Davidesereja!" ²⁸ I ked đerdinđa ano čher, ale anglo leste o korore. O Isus phenela lenđe: " Veruinena li kaj šaj adava čerava?" Vačerše olese: "Oja Devlikaneja!" ²⁹ I tegani dolinđa len ko jačha i phenđa: " Nek ovel tumenđe pali tumari vera. ³⁰ I phravdile lengere jačha. I o Isus phenđa olenđe: "Dikhen niko te na dođanel!" ³¹ On iklile, him legarde o haberi lestar upro sa adava kravo. ³² Samo so iklile, dikh, andolese lalore manuše kole o beng dinjačerđa. ³³ So ikalđa e benge, vačerđa o laloro. O manuša čudisale i phende: "Na dičhilo nisar ađakhar ano Izrael!" ³⁴ I o fariseja vačerena: "Ano pomožiba e bengese šeralestar ikalđa e bengen." ³⁵ I sa o dizija phirđa o Isus i o gava sikavđa lenđe ano sinagoge, vačerđa oto Evanđelje oto Thagarsvo i sasjarđa sa đi jekh nambormipe i svako bizoralipe. ³⁶ Dikhlja but manušen, pelo lese dožal uprolende inele mučime i sa mudarde sar o bakre bizo plo čobani. ³⁷ Tegani phenđa ple sikamnenđe: " O điv but pherdilo, a bučarne hari. ³⁸ Molinen e thagare e đivestar te bičhali bučarnen ano plo điv."

Chapter 10

¹ Vičini dešudujen plen sikamnen i dinđa olen o vlast upro benga: te ikalen olen i te sasjaren đi ko jek nambormipe i bizoralipe. ² I akala o anava e apostolengere: prvo o Šiimun, vičime Petar, I o Andrija lesoro phral; i o Jakov o čhavo e Zebedijasoro, i o Jovane o phral olesoro; ³ O Filip him o Bartolomej; O Toma him o Matej o carinco; O Jakov e Alfejesoro i o Tadej; ⁴ O Šimun Kananaj i o Juda Iskariotski kova bikinđale. ⁵ Adalen dešudujen bičhalđa o Isus i uputinđa olen: "Koro okola so nađanen e Devlese ma te đan ni ano nisavo samarijsko diz tena đerdinen! ⁶ Đan pošukar koro našalde bakre ano čher e Izrailesoro! ⁷ E dromeja vačeren: 'Reslo o Thagarstvo upruno!' ⁸ E nambormen sasjaren, e mulen vazden, e gubavonen čistinen, e bengen ikalen! ⁹ Ma čeden o sumnakaj, ni o rupuno, ni o avđin tumenđe ano kustika, ¹⁰ ni dromesere traste, ni po duj fostajna, ni kundre, ni i rovlik. Po vredini o bučarno pe hamnastar." ¹¹ Ani bilo savi diz ili gav đrdinena, dikhen ko anoleste ičerdo ko pre: athe ačhoven sa đi kote na đana tumenđe. ¹² So đrdinena ano čher mangen lače o mir. ¹³ Ovela li o čher ičerdo ko pre, o mir tumaro neka huljel uprol leste. Na li pa ovela ičerdo ko pre, tumaro mir neka irinipe tumenđe. ¹⁴ Kote na mangena tumen i na šunena tumare lafija, ikljoven adale čherendar ili uti diz adalatar i i prašina tresinen tumare prendar. ¹⁵ Čače, phenava tumenđe, po lokhe ka ovel e phuvjače e sodomskonače him e gomorskonače ko Dive o sudnjo nego li adala dizijače." ¹⁶ Ače, me bičhalava tumen sar bakren maškaro ruva. Oven mudra sar o sapa, a bizo lošnipe sar o golubija! ¹⁷ Arakhen tumen oto manuša, ka legaren tumen ko sudo i koro ple sinagoge ka maren tumen. ¹⁸ Anglo upravitelja i anglo thagarja ka legaren tumen radi maje, te den svedočanstvo anglo lende i anglo okola so na đanen e Devlese. ¹⁹ Ked ka legaren tumen, ma te oven sikirime sar i so ka vačeren. Ka delpe tumenđe ana adava sati so ka vačeren. ²⁰ Adava tumen naka vačeren, o Duho e Dadesoro tumaro ka vačeri ana tumende!" ²¹ O phral e phrale ka del ko meriba i o dad e čhave. O čhave ka ušten upro pumare dada hem upro dija i ka mudaren olen. ²² Sare ka mrzinen tumen mle anavese. Ali ko ka terđol đi ko kravo, ka ovel spasime." ²³ Ked ka terđon te progoninen tumen ani jekh diz, našen ano dujto. Čače, vačerava tumenđe, naka phiren o dizija o Izraelska anglal so valjani te avel o Čhavo o Manušikano." ²⁴ Nane o sikavdo upreder o sikamno niti o kandlo upreder o thagari plo. ²⁵ šukar o sikavdo te ovel sar lesoro sikamno i o kandlo sar lesoro thagari. Ako e domaćine Veelzevul vičinde, kobori po but lese čherutnen?" ²⁶ Madarn olendar tumen. So nane ništa garavdo so naka đanđolpe ni tajno so naka đanđolpe. ²⁷ So vačerava tumenđe ani tomina, phenen ko svetlo; i so ko kan šunena, vačeren le ko čher upral." ²⁸ Ma daran okolendar so mudarena o trupo, ali o duše našti te mudaren. Te daran po but okolestar kova šaj i duša him i o trupo te tharel ano pakao." ²⁹ Na li biknena pe duj čirikle jekhe dinarese? Palem na perela lendar nijekh ki phuv bizo tumaro Dad. ³⁰ A tumenđe svako bal ko šero đendo. ³¹ Madaran adalese! Po but vredinena nego li but čirikle." ³² Ko god tumendar, vačeripe soj mlo anglo manuša, i me ka vačerav so i me injum lesoro anglo mlo Dad, kovaj upre. ³³ Him cidelape mandar him vačeri kaj nane mlo angle manuša, ka cidama i me olestar anglo mlo Dad, kova i ano nebesija." ³⁴ Na li anena ani godi so aljum o mir te anav ki phuv. Na, na aljum o mir te anav, nego o mačo. ³⁵ I aljim te odvojinav e manuše oto dad lesoro i e čhija uti daj lakiri i e borja lakra uti sasuj; ³⁶ i o dušmanja e manušese ka oven čherutne lesere. ³⁷ Ko mangela pe dade ili ple dija po but nego man, nane maje dostojno. Ko mangela ple čhave ili ple čhija po but nego man, nane maje dostojno. ³⁸ Ko na lel po krsto thaj na đal pala mande, nane maje dostojno. ³⁹ Ko arakhi plo životi, ka našali ole, a ko našali plo životi radi maje, ka arakhle." ⁴⁰ Ko primini tumen, man priminena; a ko man primini, primini okole kova man bičhalđa. ⁴¹ Ko primini e proroko adalese soj proroko, ka lel i plata i proročko; ko primini e pravedniko, ka lel i plata i pravedničko. ⁴² Ko dela pani jekhe akalendar naj tikorendar jeke čašaja šudre panjeja adalese soj mlo sikamno, čače, phenava tumenđe, naka properel lesiri plata."

Chapter 11

¹ Ked o Isus završinđa akala vačeriba e dešudujenđe ple sikamnenđe, đelo athar te sikaj i te ičeri vačeriba upro lengere dizija. ² A ked došunđa o Jovane andi tamnica e deloneđe e Hristose, bičhalđa ple sikamnen ³ te pučen ole: " Dali tu injan Okova kova valjani te avel ili avre te đičera?" ⁴ O Isus irini o lafi: "Đan i phenen e Jovanese so dikhljen him so šunđen: ⁵ O korore predikhle,o bange phirena, o gubava koslile, o kašuke šunena, o mule uštena, e čororenđe legaripe o lafi e Devlesoro. ⁶ I o barvalipe okolese savo na sablaznini pe mandar." ⁷ Ked đelevse, lelja o Isus te vačeri oto but oto Jovane: "Sose ikliljen te dikhen i pustinja? I trska so i balval čheljari? ⁸ Il sose ikliljen te dikhen? Manuše ano kovle šeja? Eče, okola so kovleste akharenape upro thagarse čhera. ⁹ Ili sose ikliljen? Te dikhen e proroko? Oja, phenava tumenđe, i po but nego o prorokija. ¹⁰ Ovi adava kolese pisime: "Ahče, me bičhalava e glasniko mle anglo muj klo te čerel o drom angla tute." ¹¹ Čače, phenava tumenđe, oto bijande uti romni naka uštel po baro oto jovane o Krstitelji. Ama pale,i o najtikoro ano thagarstvo upre po baro olestar! ¹² A oto dive e Jovanesoro e Krstiteljesoro đi akana o thagarstvo upruno silaja probinipe i o silna grabinena ole. ¹³ Ano čačipe sa o prproci i o Zakoni prorokuinde đi ko jovane. ¹⁴ Čače ako mangena: Ovi o Ilja kova isi te avel." ¹⁵ Kas isi kana, neka šunel." ¹⁶ Kasa te barabinav akaja semka? Ličini upro čhavore so bešena ko dromija i jekh jekhese prebacinena: ¹⁷ Bašalđam tumenđe a na čhelđen, but runđam i na runđen." ¹⁸ Čače alo o Jovane. Ni halja ni pilja, a vačeripe: '? Ov dilindilo oto benga.' ¹⁹ Avela o Čhavo E Manušesoro kova hala i pijela, a phenela pe: ' Dik, o halane i moljakere piljarne, o amala e carinarnengere i e grejonengere!' A thovenape e Đandibaja i e čerimnjaja plaja." ²⁰ Tegani terdino te ukorini o duzija ano savende inele po bare lesere čudija, a on na irindepe lese ko drom; ²¹ " Jao tuče, Korozaine! Jao tuče, Vetsaido!So inele ano Tir i ano Sidon ule čudija kola inele ana tumende, od anglal bi ovena okola ani sargija him ano pravo bi ovena anglal irime. ²² A me phenava tumenđe: E Tirese him e Sidonese kovel ko Dive o sudosoro po lokhe nego li tumenđe." ²³ I tu Kafarnaume! Zar ka vazdetut đi upre ka baljaretut? Ka huljke ano ano teluno sveto! Čače, so inele ani Sodoma o čudija kola inele ana tute, bi ačhona đi avdije. ²⁴ A me phenava tumenđe: E phuvjače e sodomsonače kovel ana dava Dive po lokhe nego li tuče." ²⁵ Ana adava vreme phenela o Isus: "Slavinava tut, Dade, Thagarona upruneja i phuvakereja, so akava garavđan oto mudra him oto gođakerendar, a mothovđan e tikorenđe. ²⁶ Oja, Dade, ađakhar tuče pelo ki jak. ²⁷ Sa maje dinđa mlo Dad i nijek na penđari e Čhave dela o Dad nijek na phenđari e Dade dela o Čhavo i okolese o Čhavo mangela te mothojpe." ²⁸ Aven koramande sare kola čhindiljen tumenđe i pharipe upratumende i me ka ločharav tumen. ²⁹ Len o jaram mlo upra tumende, sikljoven mandar sose me injum krotko i peravde vilesoro i ka arakhen o mir tumenđe ano duše. ³⁰ Ano čačipe, o jaram mlo gudlo i o breme mlo lokho.

Chapter 12

¹ Ana adava vreme nakhiino o Isus ko savato andro điv. I o sikamne olesere bokhalile i lele te čhinen o klasija i te han. ² Dikhle adava, o fariseja phendolese: "Dikh, o sikamne kle čerena so nane lenđe meklo te čeren ko savato." ³ Ov phenđa olenđe: "Na li čitinđen so čerela o David ked bokhalilovse ov him lesere pratioci? ⁴ Sar đerdinđa ano Hram e Devlesoro i hale o ande mare, a adva na ine meklo te halpe ni lese pa ni lesere pratiocenđe, nego samo e svečenikonenđe? ⁵ Tumen li na čitinđen ano Zakoni so ko savato o svečenici ano Hram phagena o Savato, a nanolen i krivnja? ⁶ A me phenava tumenđe: Akate po buderi oto Hram oja akate! ⁷ I ked bi Đanena so okova đanđolape: O milosrđe maje po šukhar,a na i žrtva, nebi osudinena akalen kola nane bange. ⁸ O Čhavo Manušikano ovi thagari e savatestar!" ⁹ Đelo athar, alo lenđe ani sinagoga, ¹⁰ him dikh, o manuš šuke vasteja. I on pučle e Isuse tebi šaj te peraven le: " Meklo li ko savato te sasjaripe?" ¹¹ Ov phenela olenđe: "Kovaj adava tumendar isile jek bakri nali ka čerel te ikala ked bi perela lese hor ani phuv? ¹² A kobor o manuš i po kuč oti bakri! Ađakhar, phravdo o savato te čerelpe o šukaripe!" ¹³ I tegani phenela e manušese: " Dema to vas!" I ov dele po vas,- i o vas lese sasto sar i o dujto! ¹⁴ A o fariseja iklile i ičerde čediba protiv oleste, sar te mudaren ole. ¹⁵ Ked šunđa o Isus,cidisalo adathar. Palo leste đele but manuša. Ov sa sasjarđa olen, ¹⁶ him phenđa tena mothovenle- ¹⁷ te pherđol so phendilope palo Izaija o proroko: ¹⁸ Ače o Kandlo mlo, kole maje birinđum: mle čumudlime, me vilesoro manglo i me dušakoro! Ka čhuvav mlo Duxo upro leste: ka vačeri mlo čačipe sa e manušenđe; ¹⁹ Naka koškinenpe, i naka vazdel galama, nijekh naka šunel lesoro glaso ko sokaci; ²⁰ O snopija e trskakere naka phagel, o tresiba so akana naka mudarđol- sa soj đi ki pobeda naka ikali ko pravo. ²¹ Lesoro anav nada e manušenđe! ²² Tegani andolese pherdo e begencar manuše, i korore i lalore. Him sasjarđa ole i o laloro pro vačerđa i pro dikhljha. ²³ Him sa okija gužva iklile gođatar i phende: " Te nane akava o čhavo e Davidesoro?" ²⁴ I o fariseja šunde i phende: " Našti akava te ikali e bengen samo prekalo Beelzebul, o pobaro e bengesoro. " A ov đanđa, so iinelen ki godi, ²⁵ i phenđa: " Đi ko jekh Thagarstvo ana peste odvime ka pustoni i svako diz ili čher ana peste odvime naka terđol. ²⁶ Ako o beng e benge ikali, ana peste odvime. Sar ka terđol o thagarstvo lesoro? ²⁷ Him ako me palo Veelzevul ikalava e bengen, pala kaste tumare čhave ikalena len? Adalese on ka oven tumenđe sudije. ²⁸ Ako me palo Duxo e Devlesoro ikalava e bengen, čače alo tumende o thagarstvo e Devlesoro." ²⁹ "Il sa bi đerdini ano čher okolese savoj zoralo i te lel sa oto čher ako prvo na phandela e zorale? Tegani ka lel sa oto čher." ³⁰ "Ko nane mancar, ovi protiv mande, i ko na čedela mancar, čhorela." ³¹ Adalese phenava: Đi jekh grejo i huliba upro devel ka halalinipe e manušenđe, ali phenela li jekh protiv o Duxo, naka halalalinipe lese. ³² Him ka phenel ko o lafi protiv o Čhavo Manušestar, ka halalinipe lese. Ali ko ka phenel protiv o Dux Sveti, naka halalinipe olese ni ko akava sveto niko okova so avela." ³³ Ili len: o šukhar kaš i o bijando lesoro šukhar. Ili len: o đirno kaš i o bijando lesoro čirno. I palo lesero bijanipe o kaš penđarđola. ³⁴ Pašljoiba e sapengoro! Sar šaj te phenen šukhar ked injen lošna. I andro vilo pherdo o muj vačeri! ³⁵ O šukhar manuš andro riznice šukhar ikali o šukhar, a o lošno manuš ando riznice lošna ikhali o lošnipe. ³⁶ A phenava tumenđe: za ko svako lafi lošno kova o manuša phenena ka den računi ko dive o Sudnjo. ³⁷ Čače, kle lafija ka thoventu i kle lafija ka osudinen tut." ³⁸ Jekhvar dolinde lafi leja nesave o lilaneđande him o fariseja: "Sikamneja, mangaja bi tutar te dikha znako:" ³⁹ A ov irini olenđe: "O lošno o preljubičko bijande znako mangena, ali naka delpe lese o dujto znako osim znako oto Jona o proroko. ⁴⁰ Čače, sar o Jona inele ano vođi e bare mačhese trin dive i trin rača, ađakhar i o Čhavo Manušikano ka ovel ano vilo e phuvjače trin dive him trin rača. ⁴¹ O Niniljavnja ka ušten upro Sudo gatane akale manušencar i ka osudinen ole so on ko propoved e Jonasoro irindepe, a eče, akatej i po buderi oto Jona! ⁴² I Thagarni oto Jug ka uštel ko Sudo katane akale manušenca anglo Sudo i ka osudini olen so oto krajo e phuvjakoro al te šunel o barođandipe e Salamonesoro, a ače, akate i po but oto Salomon! " ⁴³ I ked o melalo duxo iklilo oto manuš, phirela bizopanjesere thanende rodelavse po than, ali na arakhi! ⁴⁴ Tegani phenela: 'Ka irinama ano čher kotar ikljiljum,' I alo, arakhla čučo, šulavđa i kosjarđa. ⁴⁵ Tegani đala lela peja avren eftan duxonen, po lošnonen pestar, i đerdinena i ačhona athe. Ko kravo ovela okole manušeja po lošno nego anglal so inele. Ađakhar ka ovel akale lošnonencar." ⁴⁶ Dok ov pana vačerđa e butenđe, eče i daj him lesere phralja. Terdine avrijal i mangle oleja te vačeren. ⁴⁷ Phenela lese nesavo: "Ače ti daj i te phralja, terđona avrijal i mangena tuja te vačeren." ⁴⁸ O Toma kova vačerđa olese a ov phenela: " Koja mi daj adija, kola me phralja adala?" ⁴⁹ I po vas frdela premalo sikamne: ⁵⁰ "Čače, savo ulo i čerela i volja mle Dadesiri, kovaj upre, adavaj mlo phral i phen him mi daj.

Chapter 13

¹ Jekh dive o Isus iklilo andro čher i bešlovse anglo more. ² I navalinde nakoro leste but manuša i morandilo te đrdini ani lađa: bešlo, a sa okola manuša terdine ki obala. ³ I but phenđa olenđe ano barabiba: Dikh, iklilo o Sijači te sijini. ⁴ Dok sijinđa, nesave semke pele lestar udrumal, ale o čirikhlja i halole. ⁵ Hari pale pelo ke barengoro than, kote na inele but phuv, i sigate niconđa naine but hor ani phuv. ⁶ I ked iklilo o kham, thabilo nainole koreno, i sa šučilo. ⁷ Nesave pale pele maškaro kare, o kare barile i tasavđolen. ⁸ Hari pelo ki šukhar phuv i dinđa o bijaniba: jek šelostruko, dujto šovardeš ostruko, o trito trijandato struko." ⁹ "Kas isi kana, neka šunel!" ¹⁰ I nakhle o sikamne pa pučenle: "Sose vačereja olenđe ano barabiba?" ¹¹ I ov irini olenđe: "Adalese soj tumenđe dindo te đanen i tajne oto thagarstvo odupral, a lenđe nane dindo. ¹² Čače, okolese kas isi ka delpe olese i ka čhorđol olese, a okova kas nane ka lelpe lestar i okova so isile. ¹³ Ano barabiba phenava olenđe adalese dikhindoj a nadikhena šundoj a na šunena i na svatinena. ¹⁴ "Ađakhar pherđola uprolende o prorpštvo e Izaijasoro kova phenela: "Ka šunen, i šunena- i naka svatinen; ka dikhen, a na dikhena, - i naka diken! ¹⁵ O vilo čerdilo ani khoni akale manušengoro: o kana phandlile, o jačha phandlile e jačhencar te na dikhen, e kanencar tena šunen, e vileja tena svatinen tena irinenpe pa te sasjaravlen. ¹⁶ A sa o šukaripe tumare jačhenđe so dikhena, i kanencar so šunena. ¹⁷ Čače phenava tumenđe, but proroci him pravednici mangle te dikhen so tumen dikhena, a na dikhle; i te šunen so tumen šunena, a naštine te šunen." ¹⁸ Tumen, šunen oto barabiba oto sijači. ¹⁹ Đi jekhese kova šunela o lafi oto Thagaripe, a na svatinena, avela o Lošno i ka čorel soj lese ano vilo sijimo. Adavaj okova udrumal soj sijimo. ²⁰ A o sijime soj ko than e barengoro - adavaj ov kova šunela o Lafi i sigate lel le, ²¹ a nane anoleste o koreno, nego nane ov stabilno: ked lela e Lafese te aven o lošnipe ili o našiba, oto jekvar perela i ađakhar i averčande. ²² Okola sijime soj maškoro kare - adavaj so šunela o Lafi, ale o brige bare i o legariba oto barvalipe tasavena o Lafi, i oj ačhola bizo bijaniba(plod). ²³ O sijime ki šukhar phuv - davaj okova kovaj o Lafi šunela i svatinle, i tegani i nesar bhijanđola i dekla: jekh šelstruko, jekh šovardestruko, a jekh trijandatostruko." ²⁴ O dujto po barabiba ikali: O Thagarstvo ovi otupral sar soj o manuš sijini o šukhar semke ki pli njiva. ²⁵ Dok suče lesere manuša, avela lesoro dušmani,sijini maškaro điv o kukol i đalavse. ²⁶ Ked barjola o sijime i dela klaso, tegani dičhola o o kukolj. ²⁷ O kandle ale ko domačini i phende olese: Thagarona, na li tu o šukahar semke sijinđan ki kli njiva? Kotar onda o kukolj?' ²⁸ Ov irini olenđe: 'O dušmani manuš adava čerđa.' Upro adava sa o kandle phenena olese: 'Mangeja li, te đa i te čedale?' ²⁹ A ov phenela: ' Na! Te nebi čedindoj čhinena o kukolj gatane oleja i o điv. ³⁰ Meken soduj neka barjon đi ki žetva. Ano vreme e žetvakoro ka phenav e žeteocenđe: Čeden anglal o kukolj i phanden ole ko snopija te tharelpe, a o điv čeden maje ano hambari." ³¹ I o dujto barabiba vačeri: O Thagarstvo ovi odupral sar o manuš ked lela e o naj tikoro zrno i sijini ki pli njiva. ³² Ovi čače najtikoro oto sa semenke, a ked barjola, ovi hem baro oto o sa zelenipe. Buljola ano kaš i avena o čiriklja odupral i čerena gnjezdija upro lesere granke." ³³ I o dujto vačeriba phenela: "O thagaripe odupral sar i romni ked lela o kvasac i čerela le ko trin mere e varesere sa dok na ušljola. " ³⁴ Sa adava o Isus pheđa maškare pherdo manuša oto vačeriba. I ništa olenđe na phenđa bizo barabiba - ³⁵ te pherđol so phendilope palo proroko: 'Ka pravav ano vačeriba mlo muj, ka ikalav soj garavdoj oto anglunipe e svetosoro. ³⁶ Tegani mekhlja e bute manušen i đrdinđa ano Lher. Nakhle o sikamne phendoj: "Phen amenđe oto barabiba oto kukolj ki njiva. " ³⁷ Ov irini lenđe: " O sijači oto šukhar seme ovi o Čhavo o Manušikano. ³⁸ I njiva i o sveto. O šukar seme o čhave oto Thagaripe, a o kukolj o čhave oto Lošno. ³⁹ O dušmani kova sijini ole adavaj o beng. O čediba ovi so ka nakhel o sveto, a okola so ka čeden oni o anđelja. ⁴⁰ Sar so o kukolj čedelape i jagaja žiške dela, ađakhar ka ovel ked ka nakhel o sveto. ⁴¹ O Čhavo o manušikano ka bičhali ple anđelen te čeden lese ando thagarstvo sa e zavedimen i okolen bizo lafi olesoro ⁴² i ka frden olen ani bari jag, kote ka ovel rojba i tresiba dandencar. ⁴³ Tegani okola so ičerde o lafi ka thablon sar o kham ano thagarstvo pe dadese." "Kas isi kana, neka šunel!" ⁴⁴ " O thagarstvo ovi odupral sar o barvalipe garavdo ki njiva: o manuš arakhle, i garajle, sa radosno đala, biknela sa so isile i činela adaja njiva. " ⁴⁵ Po dur, o thagarstvo ovi odupral sar so o trgovco rodela palo šukhar biserija, ⁴⁶ arakhi jekh kuč biseri đala, biknele sa so isile i činele. " ⁴⁷ Po dur, o thagarstvo odupral sar jek mreža frdime ano more dolela oto sa vrste mačhen. ⁴⁸ Ked pherđola, ikalen la ki obala, bešena i čedena ano šukar čare, o lošna frdena. ⁴⁹ Ađakhar ka ovel ked ka nakhel o sveto. Ka ikljon o anđelja, ka odvojinen e lošnonen oto šukar ⁵⁰ him ka frden olen ani bari jag, kote ka ovel o rojba i o tresiba e dandencar." ⁵¹ Svatinđen li sa akava? " Phenena olese: " Oja. " ⁵² A ovi lenđe: " I o đijek lilengorođando uputime ano thagarstvo odupral ličini upro manuš kovaj domačini kovaj pese ando hambari ikali i o nevo i o purano." ⁵³ Ked o Isus sa adava vačerđa akava barabiba đelovse athar. ⁵⁴ I alo pese ani diz. Sikadolen lenđe ani sinagoga i ubunime phende: " Kotar akalese adija mudrost i adala čudesna sile? ⁵⁵ Na li akava e kaštengoro romesoro čhavo? Na li lesiri daj i Marija, a o phralja o Jakov, him o Josip,i o Šimun, i o Juda? ⁵⁶ Him nali lesere phenja sa maškara mende? Kotar lese sa akava?" ⁵⁷ I sablaznime ačhile olestar. A o Isus phenđa olenđe: "Nane o proroko bizi sajgija nego pese ko than i ko plo čher." ⁵⁸ Him na čerđa okote but čudija zbog lengiri nevera.

Chapter 14

¹ Ana adava vreme šundilo o lafi đi ko Herod oto Isus. ² Pa phenđa ple kandlenđe: " Adavaj o Jovane o Krstitelji! Ov uštino oto mule i adalese o čudesna sile deluinena ano leste. " ³ O Herod čače ine dolinđa e Jovane i phandle frdinđa ole ani tamnica zbog e Herodijače, e phralesere romnače oto Filip. ⁴ So o Jovane vačerđa olese: " Našti te ovel kli!" ⁵ Manglja te mudarle, ali darandilo oto manuša sose dikhlole sar proroko. ⁶ E Herodese ko bijando dive čhelđa e Herodijakiri čhaj anglo sarijenden i dopadisalo adava e Herodese. ⁷ Adalese dinđa ola o lafi so ka dela so ka mangel. ⁸ A oj pherdi uti daj: " Dema, phenđa, akate ko tanuri o šero e Jovanesoro e krstiteljesoro. " ⁹ Pelo ki žal o Thagari, zbog o lafi him o gostija dinđa i naredba te denla. ¹⁰ Bičhalđa te čhinen o šero e Jovanesoro ani tamnica. ¹¹ I ande o šero lesoro ko tanuri, dinde ki čhaj, a oj legarđa ki daj. ¹² I lesere sikamne ale, lele lesoro trupo i parundole i đele te phenen e Isusese. ¹³ Ked šunđa o isus adava, cidisalo athar e lađaja ko than, kote naine nijek te ovel kokoro. Došunđde o manuša i sa phirindoj paloleste đele andro diza. ¹⁴ Ked iklilo dikhla bute manušen, pelolese dožal upro lende i sasjarđa e nambormen. ¹⁵ Ki rat ale o sikavne him phenđe olese: "Pusto i akava thand a kasno i akana. Muk olen: te đan ko gava e činenvse hamnase." ¹⁶ O Isus phenđa olenđe: "Na valjani te đan, dodlen tumen te han." ¹⁷ On phenena olese: "Nane amen akate so te dalen isi amen te da panđ mare i duje mačhen." ¹⁸ A ov lenđe: "Anen maje adava akari." ¹⁹ I phenđa e bute manušenđe te bešen upri čar. I ov lelja o panđ mare i o duj mačhe, dikhlja naupre, vačerđa o blagoslov i lelja phaglja i dinđa oto mare ko sikavde,a o sikavde e bare manušenđe. ²⁰ Sare hale i čalile. Oto ačhavde parčikija čedinde dešuduj pherde košare. ²¹ A hale sar jek panđ hiljade murša, bizo romnja him o čhave. ²² I sigate čuča e sikavden te đrdinen ani lađa i te nakavempe athar dok ov sa na mekela e bare manušen. ²³ Ked meklja e manušen, iklilo ki gora, kokoro te molinipe. Angli rat inele kokoro. ²⁴ I lađa več but dur đeli sa đi ko kraj, legardola o talasija. Inele but bari balval. ²⁵ Uti štarto ratutni straža alo ov korolende phirindoj upro pani. ²⁶ A o sikavde diklole sar phirela upro more, daravdeste phende. " Čerela pe amenđeA o Petar! " I uti dar vičinde. ²⁷ O Isus sigate phenđa olenđe: " Zorale ađakhar! Me injum! Ma daran! " ²⁸ A o Petar lelja adava so dikhlja i phenela: "Devlikaneja, ako tu injan, phenmaje te avav nakra tute upro pani!" ²⁹ A ov phenđalese: "Ava!" I o Petar hulilo uti lađa, i lelja te phirel upro pani, nakoro Isus. ³⁰ Him ked dikhlja i barlval, darandilo, lelja te tasljol i vičinđa: "Devlikaneja, arhkma!" ³¹ O Isus sigate pružinđa po vas, dolinđale i phenela olese: "Tikoreverakere, sose sumnjinđan? " ³² I ked đrdinde ani lađa, ačhili i barval. ³³ I lele te teljon ani lađa anglo leste i phenena: "Ano čačipe, tu injan o Čhavo e Devlesoro!" ³⁴ I nakhle , ale đi ko krajo, ani Genezaret. ³⁵ I o manuša adale kravostar phenđardole legarde o haberi sa ani adaja okolina. ³⁶ I andolese sa e nambormen i molindole samo te dolenpe lese oto rubo e fostanesoro. I save bi dolenape, sa bi sasljona.

Chapter 15

¹ Tegani nakoro Isus ale o faiseja i e lilalendar o đande oto Jerusalem i phenena: ² " Sose kle sikamne prestupinena te den e puranen? Na thovena pumare vasta angklal so ka halpe! " A ov irini olenđe: " ³ A sose tumen pristupinena o lafi e Devlesoro radi tumaro sikajba? ⁴ I phenela o Devel: "Čer sajgija te dadese him te dače! I: Ko akoši ple dade ili ple dija, e merimnaja te kaznini pe! ⁵ A tumen phenen: 'Phenela li ko ple dadese him ple dače: O pomožiba koja avela mandar neka ovelče o sveto daro, ⁶ na valjani te čere i sajgija kle dadese him kle dijače. ' Ađakhar čhinđen o lafi e Devlesoro radi tumaro sikajba. ⁷ Duje mujengere, šukhar prorokuinđa tumendar o Izaija: ⁸ "O manuša akala man voštencar sajgija čerena, a o vilo lengoro but dur mandar. ⁹ Uzalud čerena maje sajgija sikavena o nauke - o uredbe o manušikane." ¹⁰ Tegani vičini buten i phenela: " Šunen i svatinen! ¹¹ Na meljari e manuše so đerdini lese ano muj, nego so ikljola olese andro muj - adava meljari e manuše. " ¹² Tegani ale nakoro leste o sikavde i phenena olese: " Đaneli so o fariseja sablazninđepe ked šunde adava lafi? " ¹³ A ov irinđa olenđe:"Svako sadime kova na sadini mlo Dad o nebesko ka iskorenini pe. ¹⁴ Mekhen olen! Korore, okola save legaren e kororen! A ako o kororo e korore legari, soduj ka pheren ani rupa. " ¹⁵ A o Petar irini i vačeri olese: "Objasnin amenđe akaja paramiz! " ¹⁶ I ov phenela: "A tumen pana na svatinđen? ¹⁷ Na svatinena li: sa so đerdini ano muj, đala ano vođi i ikljola avrijal." ¹⁸ A so ikljola andro muj, andro vilo thavdela adava meljari e manuše. ¹⁹ So andro vilo thavdela lošna misle, mudariba, anglal čumudiba, o blud, o čoriba, o hovamne svedočanstvija, him o akošiba. ²⁰ Adava meljari e manuše; a so halape melale vastencar na meljari e manuše. " ²¹ Tegani o Isus đelo athar cidisalo ano kravija ano tirska i sidonska. ²² I dik: nesavi romni, Kanaanka adale krajonendar, iklili vičindoj: "Smiluin tut maje, Devlikaneja, Čhaveja e Davidesereja! Mli čhaj but phareste peli oto benga!" ²³ A ov nijek lafi na irinđa olače. Ale nakoro leste o sikavde i molindele: "Čer olače vičini pala mende. " ²⁴ I ov irini olenđe: " Bihčaldo injum samo e našaldenđe bakrenđe oto čhere e Izraelese. " ²⁵ A oj ali, peli tele ko kočija i phenela: "Devlikaneja, pomožin maje! " ²⁶ Ov irini olače: "Na valjani te lelpe o maro oto čhave i te frdelpe e đuklenđe." ²⁷ A oj phenđa: "Oja Devlikaneja! Ali o đukle hana oto troške so perena oto astali lengere thagarendar! ²⁸ "Tegani o Isus phenđa olače: "O tu romnije! Buti bari kli vera! Neka ovelče sar mangeja." I sastili lakiri čhaj ane adava sati. ²⁹ Đelo athar, alo o Isus đi ko Galilejsko more, uklilo upri gora i bešlo athe. ³⁰ Tegani ale nakoro leste but manuša sa bangencar,irime vastencar prencar,korore,lalore i pana but nesave. Meklolen lese anglo pre, i ov sa sasjarđa olen. ³¹ Dikhlja sar lalore provačerde o bange vastenca i prencar sastile, so naštine te phiren phirde, o korore prodikhle, divisale o manuša i slavinde e Devle Izra.elesere ³² A o Isus vičinđa ple sikavden pa phenđa olenđe: " Pharo maje e manušenđe trin dive več zala mande, a nanolen so te han. Te uspudinavlen bokhalen nako tena peren udrumal. " ³³ Phende olese o sikavde: " Kotar amenđe ani pustinja doborhka maro te parvara doborkha manušen?" ³⁴ A o Isus phenđa olenđe: " Kobor mare isitumen?" A on : " Evta, i hari mačhe. " ³⁵ Phenđa sa adale bare manušenđe te bešen ki phuv, ³⁶ lelja o efta mare i o mačhe, zahvalinđa, pahglja i dinđa ko sikavde, a o sikavde sa okole manušenđe. ³⁷ Hale i sare čalile. So ačhile o parčikija okolestar pherde efta košare. ³⁸ A hale štar iljade manuša, bizo romnja him o čhave. ³⁹ Tegani mekljalen, đrdinđavse ani lađa i đelo ano kravo magadansko.

Chapter 16

¹ Nakhle nakoro leste o fariseja i o saduceja. Te iskušinen ole, mangle olestar nesavo znako odupral. ² Ov phenđa plenđe: "Angli rat phenena: 'Ka ovel šukar o vreme, o nebo loljola.' ³ A sabale: 'Avdije ka ovel lošno vreme, odupral tomina sa lolilo.' O muj e nebosoro đanen te dikhen, a znaci e vremesere na đanen. ⁴ O lošno him o preljubničko znako rodena, i naka delpe lese o znako osim oto znako e Jonasoro. " Tegani ačhađalen i đelovse. ⁵ E sikavne ale aver rig, a bisterđe te anen o maro. ⁶ A o Isusu phenđa olenđe: "Arakhen tumen, oto kvasaco o farisejsko thaj o saducejsko!" ⁷ On trainđe him dinđe godi maškar peste vačerđe: "Maro na anđam." ⁸ Dikhlja adava o Isusu pa vačerđa: "Sose den godi, tikore verače, maro nane tumen?" ⁹ Pana li na čhuvena gođate, na setinena tumen okole panđe marendar ko panđ iljade manuša i kobor košare čedinđen? ¹⁰ I okola efta mare ko štar iljade i kobor košare čedinđen? ¹¹ Sar onda na anena gođate adava te na phenav tumenđe oto maro? Nego, arakhen tumen oto kvasaco o farizejsko i oto saducejsko." ¹² Tegani ande gođate sar na phenđa olenđe te arakhenpe oto kvasac e maresoro, nego oto sikajba oto farizejsko i oto saducejsko. ¹³ Ked avela o Isus ano kravija ko Cezareje e Filipesere, pučela e sikavden: " So phenena o manuša, kovaj o Čhavo manušikano? " ¹⁴ On phende: " Nesave so o Jovan Krstitelj; o dujto soj o Ilija; o trito pale soj o Jeremija ili nesavo oto prorokija, " 15Vačerđa olenđe: "A tumen, so tumen vačeren, ko injum me? ¹⁶ O Simon o Petar lelja i vačeri: "Tu injan o Hrist - o Pomazaniko, o Čhavo e Devlesoro e đivdesoro. " ¹⁷ Upro adava o Isus lese: "Sa o barvalipe tuče, Simone, čhaveja Jonesereja, adalese so adava na phenđa to trupo him to rat, nego o Dad mlo, kovaj upre. ¹⁸ A me tuče phenava: Tu injan o Petar - Stena i ki adaja stena ka vazdav i Khanđiri mli i o udara e paklesere naka navladinla. ¹⁹ Tuče ka dav o brave oto thagaripe upral, i sa so ka phande ki phuv, ka ovel phandlo upre, a sa so ka čere ki phuv, ka ovel čerdo upre. ²⁰ Tegani na dinđa e sikamnenđe tena mothoven soj ov o Hrist. ²¹ 21Od tegani lelja o Isus te bičhali ple sikavden sar valjani te đal ano Jerusalem, so ka but nakhaj oto starešine, šerutnesveštenička i oto lilengeređandendar, te ovel mudardo i o trito dive te uštel. ²² O Petar cidinđale ki strana i lelja te irini: "Devla arakh, Devlikaneja! Na, tuče nasmini te ovel adava! " ²³ O Isus irinđape i phenela e Petrese: "Cidetut mandar, benga! Sablaznime injan maje jer naneče ki godi soj e Devlesoro, nego soj o manušikano! " ²⁴ Tegani o Isus phenela ple sikavdenđe: " Mangela li jekh tumendar pala mande, neka odreknini pe pestar kokorestar, neka lel po krsto i neka avel pala mande. ²⁵ Ko mangela životi plo te spasini, ka našale, a ko našali plo životi zbog maje, ka arakhle. ²⁶ So ka koristini e manušese ako sa o sveto lesoro, a ple životese čerela lošnipe? Ili so o manuš ka del ano meniba za ko plo životi? ²⁷ Ka avel, čače, o Čhavo Manušikano ani slava mle Dadesiri e andelencar plencar i tegani ka naplatini svakonese palo lesere delija. ²⁸ "Čače, phenava tumenđe, nesave akalendar so terđona akate isi nesave kola naka probinen o meriba dok na dikhena e Čhave Manušikane kotar avela sa plo thagarstvo."

Chapter 17

¹ Palo šov dive lelja o Isus peja e Petre e Jakove i e Jovane, e phrale olesere, i legarđa olen ki gora uči, kote na ine niko, ² i preobrazisalo anglo lende. I lesoro muj thabilo sar o kham, a o fostani ulo parno sar o svetlo. ³ I dikh: mothovsalo olenđe o Mojsija i o Ilija i čerde lafi oleja. ⁴ A o Petar lelja adava i phenela e Isusese: "Devlikaneja, šukar amenđe akate te ova. Ako mangeja, ka čerav akate trin čhera, tuče jekh, e Mojsijase jekh i e Ilijase jekh. " ⁵ Sa dok ov vačerđa, dikh, o svetlinđa olen jekh oblako učharđa olen, i o lagi andro oblako phenela: " Akavaj mlo Čhavo, Čumudimalen! Ano leste maje sa o šukaripe! Šunen ole! " ⁶ So šunde o lafi, o sikavde pele mujeja ki phuv i but darandile. ⁷ Nakhlo nako lende o Isus, dolinđa olen i phenela: "Ušten, madaran!" ⁸ Vazdinde pumare jačha, a na dikhle nikas kokore e Isuse. ⁹ So hulile uti gora, phenđa olenđe o Isus: "Nikase ma te vačeren oto viđenje sa dok o Čhavo Manušikano oto mule na uštela." ¹⁰ Pučlole o sikavde: "So sar phenena o lilengeređande da anglatute valjani te avel o Ilija? " ¹¹ Ov irini lenđe: " O Ilija ka avel sa ka namestini. ¹² A me vačarav tumenđe: "O Ilija alo, ali na penđardole, čerde oleja so mangle. Ađakhar i e Čhaveja Manušikaneja ka nakhaj olendar," ¹³ Tegani ande ki godi o sikavde da adava phenđa olenđe oto Jovane Krstitelj. ¹⁴ Ked ale ani bari gužva, nakhlo lese manuš, pelo anglo leste ko kočija ¹⁵ him phenela: "Devlikaneja, nek ovel kli žal mle čhavese ovi mesečari i lošno lese. Sa jek perela ani jag i ano panja. ¹⁶ Anđum le koro kle sikamne i naštine te sasjaren le." ¹⁷ A o Isus irinđa: " O bijandipe o neverno him opako! Đi ked ka nakhavav tumen! Anen le maje akari!" ¹⁸ I pretinđa o Isus e lošnone duxose i ov iklilo olestar. I sastilo o čhavoro ane adava sati. ¹⁹ Tegani o sikavde nakhle kokore nakoro Isus i phende: " Sose naštine amen te ikala ole? " ²⁰ Phenđa olenđe: " Tumari neveraće.Adalese čače phenava tumenđe, ako isitumen vera kobori o zrno gorišicakoro i phenena akala gorače: 'Cidetut akatar i đa okote!', ka nakhel i ništa naka ovel tumenđe nemoguće. " ²¹ Akava bijandipe cidelape e molitvaja him e posteja. ²² I ked čedisaale ani Galileja, phenđa lenđe o Isus: " O Čhavo Manušikano ka ovel legardo e manušende ano vasta ²³ Him ka mudaren ole, i o trito dive ka uštel." I on sare ožalostindepe zorale. ²⁴ I ked ale ano Kafarnaum, nakhle e Petrese okola so činena o didrahme pa phende olese: "O Sikamno tumaro na del o didrahme?" O Petar irinđa olenđe: ²⁵ "Ka del" I ked ov đerdinđa ano čher, pretekninđa ole o Isus: " Sar dikheja, Simone? O Thagarja e phuvljakere kastar čedena i carina ili o porez? Ple čhavendar ili oto tuđa? " ²⁶ Ked ov irinđa: "Oto tuđa!" phenela olese o Isus: " Ađakhar o čhave i oslobodime. ²⁷ A te na sablaznina olen, pođin nakoro more, frde i udica i e prvone mačhe kova naiđini le ole, phrav lesoro muj i ka arakhe o starteri. Lole i dode olende maje him tuče. "

Chapter 18

¹ Ana adava sati nakhine o sikavde koro Isus i pučle ole: "Kovaj , naj baro ano thagarstvo upre?" ² I on vičinde e čhavore, čučale anglo lende i phenđa: ³ "Čače, phenava tumenđe, ako na irinena tumen i na ovena sar o čhavore, naka đerdinen ano nebo e thagaresoro. ⁴ Savo god ka perajpe sar akava čhavoro, adavaj naj baro ano thagarstvo upre. I ko primini jekhe asavke čhavore maje ⁵ ano anav, man primini." ⁶ Okolese naprotiv, ko bi sablaznini jekhe akalendar tikorendar so veruinena ana mande bi ovela olese po šukhar ki men te čhuvel pse e mlinesoro bar i te tasjol ano hor e moresoro." ⁷ " Jao po pharo e svetose oto sablazna ! Jer mora o sablazna te aven, ali pharo e manušese palakaste avela o sablaznost. ⁸ Ako to vas ili to pro sablaznini, čhinle i frdele tutar. Po šukar te đrdine ano životi bi vastesoro him bizo pro, nego li duje vastencar ili duje prencar ani jag večno. ⁹ I ako ti jak sablaznini tut, ikala i frdla tutar. Po šukhar tuče jekhe jakhaja ano životi te đrdine, nego li duje jačhencar te ove frdime ano pakao jagakoro." ¹⁰ "Dikhen tena lađaren nijekhe akalendar oto tikore, phenava tumenđe, o anđelja lengere upre uvek dikhena o muj mle Dadesoro, kovaj upre. " 11Adalese so o Čhavo e Manušesoro alo te arakhi so i našavdo." ¹² "So čerela pe tumenđe? Ako li nesavo manuš isile šel bakrija i jekh olendar našalđola, nali ov ka ačhaj okolen enjavardeš enjen ano gore i naka đal pali našaldi? ¹³ I ako desinipe lese i arakhla, čače, phenava tumenđe, radunipe olače but nego okole enjavaršune enjanđe kola na našaldile. ¹⁴ Ađakhar ni o Dad tumaro, kovaj upre, nadela te properen nijekh akale tikorendar." ¹⁵ Grešini li klo phral, đa i ukorinle kedi kokore. ¹⁶ Ako na šunela tut, le tuja jekhe ili dujen manušen,te čerelpe svako spor uredinipe izjavaja dujencar ili trinencar svedokonencar te čerelpe svako tvrdiba. ¹⁷ Ako li ni len na šunela, phen e Kanđirjače. I ako ni i Khanđiri na šunela, neka ovelče sar okova so na đanel e Devlese i carinco. " ¹⁸ "Čače, phenava tumenđe, so god phandena ki phuv, ka ovel phandlo upre; i sogod phravena ki phuv, ka ovel tumenđe phravdo upre." ¹⁹ "Po nadari, phenava tumenđe, ako duj tumendar ki phuv gatane mangena soj lese šukar, ka delen mlo Dad,kovaj upre. ²⁰ Kote o duj ili o trin čedime maje ano anav, athe i me injum maškaro lende." ²¹ Tegani alo o Petar nako leste i phenela: "Devlikaneja, kobor puti te oprostinav mle phralese ako gešinđa premale mande? Đi o efta puti? " ²² Phenela lese o Isus: "Na phenava tuče đi ko efta puti, nego đi ko eftavarševta puti efta." ²³ "Ađakhari o thagarstvo upruno sar ked o thagari anela odluka te uredini o računja e kandlencar. ²⁴ Ked počini te obračunini, andolese jekhe kova dugujinđa lese deš hiljade talentija. ²⁵ Sar na inole kotar te irini, dinđa lafi o thagari te biknen ole, i romne lesiri him o čhave i sa so isile te ikali o dugo. ²⁶ Tegani o kandlo frdinđape anglo leste ko kočija i phenela olese: 'Thagarona neka oveltut mancar strpenje, i sa ka irinav če.' ²⁷ O thagari pelo lese žal adale kandlese, mekljale i o dugo halali čerđa olese. " ²⁸ I ked adava isto kandlo iklilo , upro ple amaleste kova dugujinđa olese šel denara. Dolinđa ole i lelja te tasalje i phenela: 'Irin so injan dužno!' ²⁹ O amal pelo anglo leste i lelja te molinle: 'Nek ovel tut stpljenje mancar i ka irinav če.' ³⁰ A ov na manglja, nego đelo frdinđa ole ani tamnica dokh na irini olese o dugo." ³¹ "Ked dikhle lesere amala so ulo, zorale ožalostime đele i sa adava vačerde e thagarese. ³² Tegani o thagari vičini ole: 'Kandleja lošnona, sa okova dugo so hala linđum če so molinđan man. ³³ Na li valjanđa i tut te perel dožal kle amalese, sar maje so pelo tuče dožal?' ³⁴ I o thagari, holjame, predinđa ole ko mučiteljasa dokh na irini sa o dugo. ³⁵ Ađakhar i o Dad mlo odupral ka čerel tumencar ako đijekh oto vilo na halalini ple phralese. "

Chapter 19

¹ I ked o Isus vačerđa sa akala paramiza, đelo andi Galileja i alo ano Judejsko kravo okole stranaja oto Jordan. ² Palo leste đele but manuša. Adathe sasjarđa olen. ³ Ale leste o farizeja, te iskušinen ole, phenena: " Dopustime li te mekel e romja oto bilo savo razlog? " ⁴ Ov irini olenđe: "Dal na čitinđen: O okova so sa čerđa( Stvoritelj) oto anglal murše him e đuvlja čerđa olen ⁵ i phenela: "Adlese o manuš ka ačhaj pe dade him e dija te ovel zali pli romni; i on duj ka oven jekh trupo? ⁶ Ađakhar so nane on duj, nego jekh trupo. So adava, o Devel so čučalen, o manuš tena odvinlen." ⁷ Phenena olese: " Sose onda o Mopjsija dinđa zapoved i mekhlo lil - te mekelpe? " ⁸ Irini olenđe: "So isitumen zorale vile domekhlja o Mojsija te mekhen tumare romnjen, ali oto anglal na inele ađakhar. ⁹ A me phenava tumenđe: Ko ka mekhel ple romnja - osim za ko blud - pa ženinipe avraja, čerela i preljuba. " ¹⁰ Phenena olese o sikamne: " Akoj ađakhar maškoro rom him i romni, po šukhar tena ženinipe. " ¹¹ A ov phenela olenđe: "Na đana gođaja sare, nego samo okolenđe savenđe dindilope. ¹² Čače, isi za ki ženidba nesposobna kola asavke andro vođi pe dače bijandile. Isi nesposobna kola kokoren pes nesposobinde za ko thagaripe upruno. Ko šaj te čhivel ki godi, neka čhivel." ¹³ Tegani andolese e čhavoren te čhuvel po vas upro lende i molisalo. A o sikamne na dinde cidinde e manušen. ¹⁴ Ko adava olenđe o Isus: " Mekhen e čhavoren i ma sprečinen len mande jer asavkej o thagarstvo upre! " ¹⁵ I čuča pe vasta upro lende i đelo athar. ¹⁶ I dikh, nakhlo lese nesavo i vačeri: " Sikamneja, savo maje šukhar te čerav te ovelma životi sa o dive? " ¹⁷ A ov phenđa olese: "So pučejama oto šukhar? Jeki samo o šukhar! A ako mangeja ano živiba te đrdine, arakh o lafija e Devlesere." ¹⁸ Pučele: "Kola?" A o Isus phenela: Ma mudar! Ma čer o preljube! Ma čor! Ma svedočin hovavmne! ¹⁹ Poštuin te dade him te dija! I mang kle bližnone sar tut kokore! " ²⁰ Phenela olese o terno: " Sa adava ičerđum. So pana maje falini? " ²¹ Penela olese o Isus: " Mangeja li te ove savršeno, đa, i sa biknin so isitut i dode e čororenđe i ka oveltut o barvalipe upre. I tegani onda ava i đa pala mande. " ²² Ko adava lafi đelovse o terno žalostime inole baro barvalipe. ²³ A vo mIsus bphenela ple sikamnenđe: "Čače, vačerava tumenđe, but phareste o barvalo ka đerdini ano thagaripe upruno. ²⁴ Pale phenava: Po lokhe ka ovel e kamilaće te nakhel maškaro e suvjakere kana nego e barvalese ano thagaripe e Devlese." ²⁵ Šunđe adava, o sikamne zorale pučlepe: Ko adava šaj te spasinipe? " ²⁶ A o Isus angleder adaleste dikhla ano lende i phenela: " E manušenđe adava naštine, a e Devlese saj šajtine. " ²⁷ Tegani o Petar lelja o lafi pa pučlja: " Ačhe, amen sa ačhađam i aljam pala tute. So ka la adalese? " ²⁸ Penela olese o Isus: "Čače, phenava tumenđe, tumen save aljen pala mande, o preobratimalen, ked o Čhavo e Manušeso ka bešel ko prestolje pese ki slava, i tumen ka bešen ko dešuduj prestolja i ka sudinen za ko dešuduj plemenija Izraelska. ²⁹ I savo ka ačhaj plo čher,ili ple phraljen, ple phenjen,dade dija, romnja,ple čhaven pe njive mle anavese, šelstruko ka lel o životi sa e divengoro i ka ovel lesoro. " ³⁰ A but o anglune ka oven palune, a o palune anglune."

Chapter 20

¹ O thagaripe upruno ovi saro domačini kova rano sabale ikljola te lel bučarnen pese ano reza. ² Čerela pazari e bučarnencar po jekh denari za ko dive i bičhalen pese ano reza. ³ Ikljola i ko trin o sati i dikhela avren kote trđona ko trg bi bučengere ⁴ pa i lenđe phenela: 'Đan i tumen maje ani rez pa so ovela pravo, ka davtumen.' ⁵ Lelepe i đele. Iklilo pale ko šovto i ko enjato o sati i pa le čerđa ađakhar. ⁶ A ked iklilo ko dešujek o sati, arakhi avren kote terđona i phenela olenđe: ⁷ 'Sose akate terđona celo dive bizi buti?' Phenena olese: 'Adalese so nijek na lelamen.' Phenela olenđe: 'Đan i tumen ani rez.'" ⁸ Angli rat phenela o thagari e rezakorople upraviteljese: Vičin e bučarnen i dodlen i plata počin oto palune pa sa đi ko anglune.' ⁹ Avena on ađakhar oto tešujekto o sati i lena po jekh denar. ¹⁰ I ked avena okola anglune,ani godi pese so ka len po but olendar, ali i on lena po denari. ¹¹ I ked lele, lele te borborinen protiv o domaćini: ¹² 'Akala o palune jekh sati čerde barabinđan olen amencar, kola pherdijam sa o pharipe o dive him o tatipe.'" ¹³ Upro adava irinđa jekhese olendar: ' Amala, na čerava če lošno. Na li pogodinđan tut mancar po denar? ¹⁴ Le soj klo i đa. A me i akale palunenđe ka dav sar tuče. ¹⁵ Na neli maje slobodno te čerelpe mleja sa so ka mangav? Ili sar ti jakh lošno so me injum đukhar?''' ¹⁶ " Ađakhar o palune ka oven anglune, a o anglune palune." ¹⁷ Dok đrdinđa o Isus ano Jerusalem, lelja dešudujen i dromeja phenela: " ¹⁸ Ačhe, đerdinaja ano Jerusalem i o Čhavo o Manušikano ka ovel dindo ke šerutne e sveštenkonenđe i ko sikamne e zakonengere. Ka osudinen ole ko meriba. ¹⁹ I ka preden ole ko grejonengere manušende te lađaren ole, ka šibinen ole i ka kovinen ole, ali ov ko trito dive ka uštel." ²⁰ Tegani ali anglo leste i daj oto čhave e Zebedejengiri sa gatane ple čhavencar, peli tele te mangel lestar nešto. ²¹ A ov lače: "So mangeja?" Phel olese: "Phen akala mle duj čhave tuče ano thagaripe te bešen zala tute, jekh tuče ki desno, a o dujto ki levo." ²² O Isus irinđa olače: " Na đane so mangeja. Šaj li te pijen i čaša koja me ka pijav? " Phende olese: "Šaj!" ²³ A ov phenela lenđe: "I čaša mli doduše ka pijenla, ali te bešen maje ki desno ili uti levo adava na injum vlastime te dav, adava okolengiri kolenđe čerđa mlo Dad." ²⁴ Ked adava šunde ačhile deš đene, holjandile upro duj phralja. ²⁵ Adalese o isus vičinđa olen i phenela: "Đanen li o vladari thagarinena ple manušencar i o pbare lengere ičerena len talo vlast. ²⁶ Naka ovel ađakhar maškara tumende! Ađakhar, ko mangela maškara tumende te ovel naj baro, neka ovel tumenđe okova so ka kandel. ²⁷ I ko god maškaro tumende mangela te ovel angluno, neka ovel tumenđe o kandlo. ²⁸ Ađakhar i o Čhavo Manušikano na alo te kandel ole, nego te služini i plo đivdipe dinđa sar otkupnina sarijenđe. " ²⁹ Ked iklile andro Jerihon, đelo palo lende but manuša. ³⁰ I dik, i sa o korore bešle uzalo drom. Šundilo so o Isus nakhela, vičinde: "Devlikaneja, neko vel tu žal upra amende, Čhaveja e Davidesereja!" ³¹ But manuša trainčerdolen, a on po zorale vičinde: "Devlikaneja, neka ovel će žal, Čhaveja e Davidesereja. ³² O Isus rendino, vičinđa olen i phenđa: " So mangena te čerav tumenđe?" ³³ Phende olese: " Devla, te phravđon amare jačha. " ³⁴ E Isusese pelo dožal dolinđa olen ko jačha i on sigate prodikhle. I đele palo leste.

Chapter 21

¹ Ked ale đi ko Jerusalem i ale ani Betfagu, ki Maslinsko gora, bičhalđa o Isus dujen sikamnen ² phendoj: " Đan ano gav angla tumende i sikate ka arakhen phandle hernja i zalo late here. Phrav olen i anel olen kora mande. ³ Ako tumenđe neko so phenela, phen: ' e Devlikanese valjanena,' i sigate ka mekhen olen. " ⁴ Adava inele te pherđol soj phendo palo proroko: ⁵ Phenen e čhijače e Sijonskonače: Ačhe o thagari klo avelače, krotko, uklilo e here,ko her, terno e hernjakoro. ⁶ O sikamne đele i čerde sar phenđa olenđe o Isus. A ⁷ nde e hernja i e here i čute upro lende o fostanja i o Isus jašinđa upro lende. ⁸ Bare manuša buljarde pumare fostanja upro drom, a o dujta čhinde o granke oto kašta i čutolen upro drom. ⁹ Bare manuša anglo leste i palo leste sa vičinde: " Hosana e Čhavese e Davideserese! Blagosuime Okova kova avela ano anav e Devlese! Hosana ano visine!" ¹⁰ Ked đrdinđa ano Jerusalem, premeklepe sa i diz i phende: " Kovaji akava?" ¹¹ A pherdo irinde:" Adavaj o proroko, o Isus ando Nazarei galilejsko. " ¹² O Isus đerdinđa ano Hram i sa ikalđa okolen so bikninde i so činde ano Hram. Okolenđe so meninde o pare sa irinđa o astalja i okolenđe so bikinde golubonen ko klupe. ¹³ Phenela olenđe: "Pisime: O čher mlo ka vičinipe o Čher molitvakoro, a tumen olestar čerena pečina e čorengiri." ¹⁴ Ano Hram nakle olese o korore i o bange i ov sasjarđalen. ¹⁵ I ked o anglune sveštenici i o sikamne e zakonesere dikhle o čudija kola čerđa i o čhave so vičinena ano Hram: "Hosana e Čhavese e Davideserese!" holjame ¹⁶ phede olese: "Šuneja li akala so vačeren?" O Isus vačerđa olenđe: "Oja!" A nali čitinđen: Andro muj e čhavenđe i okola so pijena i čuči pese čerđa slava?" ¹⁷ Ov ačhavđa olen, đelo oti diz ani Vetanija him adari suča. ¹⁸ Sabale irinđape andi diz i bokhalilo. ¹⁹ Dikhlja i smokva zalo drom i nakhino zalo late, a na arakhlja upro late samo inele o lisija pa phenđa olače: "Naka ovel odakana upratute o plodovja!" I i smokva oto jekvar šučili. ²⁰ Dikhle adava, o sikavde i pele bezdali: "Sar adava otojekvar šučili!" ²¹ A o Isus irinđa anole lende: "Čače, phenava tumenđe, ako ka ovel tumen vera i naka sumnjinen, ka čeren na samo akava e smokvaja, nego - phenena li i akala gorače: 'Ušti frdetut ano more!' ka ovel ađakhar. ²² I sa so ka mangen ani molitva e veraja, ka len." ²³ I đerdinđa ano Hram. Dok sikavđa, ale nakoro leste o anglune sveštenici i o starešine manušengere i on pučlole: "Save vlasteja tu adava čereja? Ko dinđa tut adava vlast?" ²⁴ O Isus irini olenđe: "I me tumen jekh ka pučav. Ako upro adava ka irinen maje vačerbinaja, me ka phenav save vlasteja akava čerava. ²⁵ O krstiba e Jovanesoro kotar inele? Oto Nebo ili oto manuša?" A on maškare peste lele te vačerenpe: "Phenaja li 'Oto Nebo', ka irinen amenđe: 'Sose olese na veruinđen?' ²⁶ A phenaja li 'Oto manuša,' dar amen oto akala but manuša. Sose e Jovane dikhle sar proroko." ²⁷ Adalese irinde e Isusese: "Na đana." I ov olenđe phenđa: "Ni me naka vačerav tumenđe save vlasteja akava čerava." ²⁸ O o rezale grabinde lesere kandlen i jekhe marde, e dujtone mudarde,a e tritone barencar mudarde. ²⁹ Him pale bičhali avren kandlen, po but lendar nego anglal, ali on i olencar čerde ađakhar isto. ³⁰ " Ko kravo bičhalđa oleste ple čhave mislinđa ka poštuinen mle čhave.' ³¹ Kova oto duj olendar čerđa i volja e dadesiri?" Phenena. " Okova o prvo." Upro adava olenđe o Isus: " Čače, phenava tumenđe, o carinci i o bludnici nakhavde tumen ano thagaripe e Devlesoro! ³² Čače, o Jovane alo kora tumende te mothoj tumenđe o drom i tumen na veruinđen olese, a o carinci him o bludnice veruinde olese. Tumen bar, adava dikhljen,ni popalal na čučen gođaja te verinen olese. " ³³ I dujto paramiz šunen! Inele nesavo domačini kova sadinđa o vinograd, učharđale e tarabencar, ahndlja ano leste muljača i vazdinđa i kula i dinđa ko iznajmiba e rezalenđe i đelo ko putujba. ³⁴ Ked alo o vreme e plodonenđe, bičhali ple kandlen e rezalenđe te len lesoro so bijandilo. ³⁵ O o rezale grabinde lesere kandlen i jekhe marde, e dujtone mudarde,a e tritone barencar mudarde. ³⁶ Him pale bičhali avren kandlen, po but lendar nego anglal, ali on i olencar čerde ađakhar isto. " ³⁷ Ko kravo bičhalđa oleste ple čhave mislinđa ka poštuinen mle čhave.' ³⁸ I ked o rezale dikhle e čhave, phende maškare peste: 'Akavaj o nasledniko! Hajde te mudarale i ka ovela men o nasledstvo lesoro!' ³⁹ I dolindole, frdindole andri rez i mudardole. " ⁴⁰ Ked alo o thagari e rezakoro, so ka čerel adale rezalenđe?" ⁴¹ Phenena olese: "E lošnonen bizi žal ka mudari, a i rez ka del avre rezalenđe so ka den bijaniba ano plo vreme." ⁴² Phenela olenđe o Isus: "Dali uopšte na čitinđen ano Lila: O bar so frdindole okola so vazdindole ulo bar glavno. E Devlesoro adava delo - savo čudo ano jačha amenđe! ⁴³ Adalese - phenava tumenđe - ka lelpe tumendar o thagarstvo e Devlesoro i ka delpe e manušenđe kola anena lesere plodovja! ( ⁴⁴ I ko ka perel ko adava bar, ka drobini pe sa , aupra kaste ka perel, ka mudarle.)" ⁴⁵ I ked šunde o anglune svečenici him o fariseja lesere uporedbe, đanđe so vačerđa olendar. ⁴⁶ I rodinde te dolen ole, ali darandile oto manuša jer on le smatrinđe kaj proroko.

Chapter 22

¹ Palem o Isus vačeri olenđe ano uporedba: ² " O thagarstvo upruno sar nesavo thagari spremini o bijav pe čhavese. ³ Bičhalđa ple kandlen te vičinen e vičimen ko bijav. Namangle te aven. ⁴ Palem bičhalđa avren kandlen te phenen: 'Phenen e vičindenđe: Ače, i sofra čučum. Mle guruva i mle tovime sa čhinde i saj spremno. Aven ko bijav!" ⁵ " A on ni javisale, đelepse - jekh ki pli njiva, a o dujto pali plbikniba. ⁶ Okola so ačhile dolinde lese kandlen, čerđe žalje olencar i mudardolen. ⁷ Upro adava o thagari but holjanđa, bičhalđa ple vojska i sa mudarđa okole lošnonen, a i diz lengiri sa tharđa, " ⁸ Tegani phenđa e kandlenđe: ' Bijav ulo, ače, čerdi ali o vičinde na inele dostojna. ⁹ Đan ko raskrsnice i sar nekas arakhena, vičinen ko bijav!'" ¹⁰ "O kandle iklile ko dromija i čedinde sa kas arakhle - i e lošnonen i e šukaren. I e bijavesiri dvorana pherdili musafirja. ¹¹ Ked o thagari đrdinđa te dikhel e musafiren, dikhlja okote e manuše kova nainele urjavdo ano bijavesore šeja. ¹² Phenela olese: 'Amala, sar akate đrdinđan bizo e bijavesere šeja?' A ov ahčilo bizo lafi. ¹³ Tegani o thagari phenđa okolenđe so kandle: ' Phanden lesere vasta i lesere pre i frden ole avri ano mrako, kote ka ovel o rojba i o mariba e dandencar.' ¹⁴ Čače, but vičime, a hari izbirime. " ¹⁵ Tegani o fariseja đelepse i ičerđe esnafi sar e Isuse te dolen ano lafi. ¹⁶ Bičhalde koro oleste ple sikamnen e heredovconencar te pučen ole: " Skamneja! Đana so inan o čačutno i palo o čačipe e dromeja e Devlesereja sikaveja i na marineja koj savo tu na injan nesavo ki strana. ¹⁷ Phen amenđe, sose, so čerela peče: dali meklo te delpe o porezi e thagarese ili na?" ¹⁸ Đanđa lengro lošnipe, phenđa o Isus; " Sose iskušinena man, dije mujengere injen? ¹⁹ Mothoven maje o porezno dinari!" Dindole o dinari. ²⁰ Ov pučlja olen: " Kasiri akaja slika o potpis?" ²¹ Irinde olese: " E thagaresiri." Phenela olenđe: " Doden e thagarese soj e thagaresoro, a e Devlese soj e Devlesoro. " ²² Šunde adava, iklile uti godi i ačhavdole i đelepse. ²³ Adava dive ale nakoro oleste o saduceja, kola phenena nane uskrsnuče, i pučle ole: ²⁴ " Sikamneja, o Mojsija phenđa: Merela li k bizo čhave, lesoro phral neka lel lesre romnja i neka vazdel čhaven radi plo phral. ²⁵ Inele ađakhar kora mende edta phralja. O prvo ženisalo i mulo bizi čhave i ačhavđa ple romja ple phralese. ²⁶ Ađakhar i o dujto i o trito, sa đi ko evtato. ²⁷ A angleder sarijendar muli i romni. ²⁸ Kase oto adala evta ka ovel romni ko uskrsnuče? Sose inele so evtangiri romni." ²⁹ Iri olenđe o Isus: "Ani zabluda injen soj na svatinena o Lila ni i sila e Devlesiri. ³⁰ I oto uskrsnuče ni dali neko ka ženini pe niti ka denpe, nego oni ka oven sar o anđelja upre. ³¹ A so phenelape oto uskrsnuče oto mule, dal na čitinđen so phenđa tumenđe o Devel: ³² Me injum o Devel e Avramesoro, e Isakosoro i o Devel e Jakovesoro? Nane ov Devel e mulengoro, nego e đivdengoro!" ³³ Šunde adava, o but manuša čhile gođatar lesere naukaja. ³⁴ I ked šunde o fariseja sar trainčerđa e saudecejen, čedisale, ³⁵ a jekh olendar, e zakonesoro đando, te iskušini ole, pučlja: ³⁶ " Sikamneja, kojaj zapovest naj bari ano Zakoni?" ³⁷ A ov phenđa olese: " Čumudin e Thagare e Devlikane kle sa vileja kleja, i sa kla dušaja, isa kle gođaja klaja. ³⁸ Adijaj najbari i i prvo zapovest. ³⁹ I dujto, akalaja ličini: Čumudin klje pašutne sar tut kokore: ⁴⁰ Oto adala duj zapovestija terđola sa o Zakoni him o Proroci:" ⁴¹ Ked o fariseja čedisale, pučlja olen o Isus: ⁴² " So phenela tumari godi oto Isus? Kasoro ovi čhavo?" Phenena olese? " E Davidesoro, " ⁴³ A ovi olenđe: "Sari onda o David ano Duho vičinle Thagarona, kedi ov: ⁴⁴ Phenela o Thagari e Thagarese mlese: 'Bešela maje ki desno dok na peravava e dušmanen klen talo pod e prengere kle?' ⁴⁵ Ako li le o David vičini Thagarona, sar lesoro čhavo?" ⁴⁶ Him nijekh naštine te irinen olese nijek lafi, nite od adale divestar ko osudisalo te pučele soj bilo.

Chapter 23

¹ Tegani phenđa butenđe i ple sikamnenđe: ² "Ke Mojsijasiri bešundi bešle o lilengere đande i o fariseja. ³ Čeren ađakhar i ičeren sa so phenena tumenđe, a ma te ravnonen barabinen tumen palo olengere delja jer phenena, a na čerena olen. ⁴ Phandena i e manušenđe ko dumo tovarinena phare bremenija, a kokore ni ti e najeja cidena. ⁵ Sa pumare delja čerena adalese te dikhen olen o manuša. Čače, proširinena ple zapisija i produžinena o recke. ⁶ Volinena počasna thana ko gostujiba, prva bešlinde ano sinagoge, ⁷ te pozdravinen olen ko dromija i o manuša te vičinen olen Sikamneja (Rabbi'). ⁸ Tumen ma doden te vičinen tumen Rabbi', sose jeki o Sikamno tumaro, a sa tumen injen o phralja. ⁹ Ni dadeja ma vičinen nikas ki phuv nijekhe sose o Dad ovi jekh tumaro okova upre. ¹⁰ I ma doden tumen e vođen te vičinen tumen, sose jeki tumaro vođa o - Hrist. ¹¹ Najbaro maškaro tumende neka ovel tumenđe o kandlo. ¹² Ko god vazdelape,ka ovel peravdo,ako peraj pe,ka ovel vazdime." ¹³ Jao tumenđe, lilengere đanđalen i fariseji! Dujeje mujengere! Phandena o thagaripe od upral anglo manuša; kokore na đerdinena, a na dena te đerdinen ni okolenđe kola bi mangena. ¹⁴ Pharo tumenđe lilarnalen thaj farezonalen, him dujemujengere, so han ano čhera e romnjenge kasre roma mule, him hovavne molinena tumen but vreme, adalese ka hinjen osudime. ¹⁵ " Jao tumenđe, lilengere đanđalen i fariseji! Duje mujengere! Okolinena o morja him i phuv te prelen jekhe slebdeniko. A ked pridobinena ole, čerena ole e čhave e paklosere po duj puti po lošnone pestar. " ¹⁶ Jao tumenđe! Korolalen kolaj tumen o vođe! Phenena: 'Halape li sovel ko e Hrameja, nane ov ništa. Ali ako halape sovel e hramosere sumakleja, phandela ole i zakletva, ¹⁷ 'Budalalen him kororalen! Soi po baro: o sumnakaj ili o Hramo so posvetini o sumnakaj? ¹⁸ Po dur: ' Hala pe li sovel e žrtvenikoja, nane ov ništa. A ako halape sovel e daroja soj upro oleste, phandela ole i zakletva, ¹⁹ 'Kororalen! A soi po baro: o daro ili o žrtveniko soj o e daro posvetini? ²⁰ Ko hala pe sovel e žrtvenikoja, halape oleja i sa soj upro oleste. ²¹ I ko hala pe sovel e Hramoja, halape oleja i Okoleja kovaji ano leste bešela. ²² I ko hala pe sovel e neboja, hala pe sovel e prestoleja e Devlesereja i Okoleja kovaj upro leste bešela, " ²³ Joj tumenđe, lilengere đanđaljen i tumen o fariseja! Duje mujengere! Namirinena i desetina uti metvica i nana him oto kim, a premekena naj važno ano Zakoni: o pravednost,o milosrđe, i o vernost. Akava valjani te čerel pe, a okova tena mekelpe. ²⁴ Korore vođengere! Cedinena e komarco, a gutinena e kamila! " ²⁵ Jao tumenđe, lilengere đanđalen! Dujemujengere! Thovena i čaša i o čaro odavrijal, a andral pherdo grabežija i pohlepija. ²⁶ O fariseja o korore! Thoven od anglal andral i čaša te bi odavral ovela čisto. " ²⁷ Jao tumenđe lilengeređanđalen i fariseja! Dujemujengere! Tumaro liko sar o makhlo parnipe e limorengoro. Od avrijal dičhona šuže, a andral sar pherde mulengere kokala i svakojako melalipe. ²⁸ Ađakhar i tumen andral e manušenđe te dičhon sar pravedna, a andral injen pherde duje mujengere i o sa bezakonja." ²⁹ Jao tumenđe, lilengeređanđalen i fariseja! Dujemujengere! Vazdena o grobnice e prorokonenđe i kitinena o spomenici e pravednikonenđe i ³⁰ phenena: 'Tebi amen ovaja ano adala dive amare dadengoro, nebi ovaja lengere sudionici ano čhoriba o rat o proročko.' 31Ađakhar kokore protiv pumendar svedočinđen so injen o čhave okla so mudarde e prorokonen. ³² Dopherena samo i mera tumare dadengiri!" ³³ "Sapalen! Gižmino sapengirije! Sar ka našen oti osuda i pakleno? ³⁴ Adalese ačhe me bičhalava tumenđe e prorokonen i e mudrakonen i e lilengeređanden. Jekhen olendar ka mudaren i ka kovinen olen, e dujtonen ka šibinen upro lengre sinagoge i ka goninen uti diz ki diz ³⁵ ađahar upratumende avela sa o pravedno rat, čhordi ki phuv oto rat e Abelestar pravodno nestar pa đi ko rat e Zaharijase, e čhavese Barahijinase, kole mudarđen maškaro Hramo i o žrtveniko. ³⁶ Čače, phenava tumenđe, sa adava ka avel ki akaja kustik! " ³⁷ " Jerusaleme, Jerusaleme,kova mudareja e prorokonen i barencar okolen so oni tuče bičhalde! Kobori li puti mangljum te čedav e čhaven klen sar i kvočka čedela e pujen talo pakha, i na mangljen. ³⁸ Ačhe, meklo tumaro čher. ³⁹ Čače, phenava tumenđe, od akana naka dikhenma dok na phenena: Blagosuime Okova kova avela ano anav e Devlese!"

Chapter 24

¹ O Isus iklilo andro Hram. Dromeja nakhle o sikamne te mothoven olese o hram soj vazdime. ² A ov phenđa olenđe: "Na li dikhena sa akava? Čače, phenava tumenđe, naka ačhajpe akate nijek bar upro bar so naka ovel peravdo." ³ Sa dok bešlja ki Maslinsko gora, ale olese o sikamne kokore i phenena: " Phen amenđe ked ka ovel adava savo znak ka ovel ked ka Ave i ko završna sa o dive?" ⁴ O Isus irinđa olenđe: " Arakhen tumen tena neko hovaj tumen! ⁵ But čače ka aven maje ano anav i ka phenen: ' Me injum o Hrist' I buten ka hovaj." ⁶ A ka šunen e mariba i za ko haberja oto mariba. Arakhen,tena uznemirinen tumen. Čače valjani te ovel, ali adava nane pana o kraj. ⁷ O manuša ka ušten protiv o manuša i o thagaripe protiv o thagaripe; ka ovel bokhalipe i potresija palo razna thana. ⁸ Ali sa adava samo o anglunipe e dukhengoro." ⁹ " Tegani ka den tumen ko muke i te mudaren tumen. Isa o manuša ka mrzinen tumen mle anavese. ¹⁰ Buti tegani ka sablazninenpe, ka izden jekh avre i ka mrzinen pe maškare peste. ¹¹ Ka ušten but hovamne prorokija i buten ka hovaven. ¹² Zbog o baro bezakoni ka šudrol o čumudiba butendar. ¹³ Ali ko ka izdržini đi ko kravo, ka ovel spasime." ¹⁴ "I ka vačeripe akava evanđelje oto Thagaripe ko celo sveto za ko svedočanstvo sa e manušenđe. Tegani ka avel o krajo." ¹⁵ Ked ka dikhen so o gadnipe pustoni, palo proroštvo e Danilelesoro e prorokosoro, terđola ko sveto than - ko čitini, neka svatini: ¹⁶ kola tegani ka arakhenpe ani Judeja, neka našen ano gore; ¹⁷ ko ka ovel upro čher, ma te huljel te lel nešto ando čher, ¹⁸ i ko ka ovel ani njiva, ma te irinipe palal te lel po fostani!" ¹⁹ A jao e khamnjenđe i okola so dena čuči ana adala dive!" ²⁰ "I molinen tumaro našiba tena ovel ano jevend ili ko savato ²¹ tegani ka ovel baro tanđipe savo na inele oto anglunipe e svetosoro sa đi akana, a na da ka ovel." ²² I ked nebi kratkonena okola dive, nijekh nebi spasinipe. Ali zbog o birime ka ka kratkonen pe o dive adala." ²³ Ako li tegani dijek phenela: ' Dikh, ače o Hrist!' ili: ' Ečetano!' - ma veruinen! ²⁴ Ka uštel, čače, o hovamne hristija i o hovamne prorokija i ka čeren baro đandipe i bare čudesija tebi ovela moguče, te hovaven e birimen." ²⁵ "Eheče,angleder phenđum umenđe." ²⁶ Phenena li tumenđe ađakhar: 'Ačhe, ani pustinja!', ma te ikljoven; 'Ahčetanoj ano sobe!', ma veruinen. ²⁷ Ađakhar sar i munja so ikljola oto istok i sevini ko zapad, ađakhar ka ovel o ajba e Čavesoro e Manušesoro." ²⁸ "Kote ovela i lešina athe ka čedenpe i o orlija." ²⁹ A sigate palo nevolje adale divendar o kham ka tomini pe i o masek naka del svetlo i o čerenja odupral ka peren i o sile odupral ka ljuljine pe." ³⁰ I tegani ka ikljol o znak oto Čhavo o Manušikano upral. I tegani ka roven sa o kustika e phuvljakere. I ka dikhen e Čhave manušikane kaj avela ko oblaci nebeska sa i bari moč him i slava. ³¹ I ov ka bičhali ple anđelen e trubaja baraja i ka čedel olese e birimen oto štar balvalja, oto jekh kravo e nebosoro đi ko dujto." ³² A uti smokva sikljoven usporedba! Ked lakiri granka kovljola i lisija ikljona, đanen: sigate o linaj. ³³ Ađakhar i tumen ked sa adava ka dikhen, đanen: pašej, ko udara!" ³⁴ Čače, phenava tumenđe,akaja kustik naka nakhel sa dok akava na ovela. ³⁵ O nebo him i phuv ka nakhen, ali mle lafija naka, nakhen." ³⁶ A okole divestar him e satestar niko na đanel, pa ni o anđelja o uprune, ni o Čhavo nego samo o Dad. ³⁷ Sar ano dive e Nojasere, ađakhar ka ovel o Ajba e Čhavesoro e Manušesoro. ³⁸ Sar so ano adala dive - anglal o potop - hale pile, ženisale i lelepe đi ko dive ked o Noja đrdinđa ani barka ³⁹ i ništa ni ande ki godi dk na avela o potop i sa legari - ađakhar ka ovel i Ajba e Čhavesoro e Manušikanesoro. ⁴⁰ Duj đene tegani ka oven ani njiva: jekh ka lelpe, dujto ka ačhajpe. ⁴¹ "Duj ka meljinen ko mlin: jekh ka lelpe, i dujto ka ačhaipe." ⁴² "Ma soven jer na đanen ano savo dive o Thagari tumaro avela. ⁴³ A akava te đanen: ked bi o domačini đanel uti savi strana avela o čor, nebi sovela i nebi mekela te rodel ko čher. ⁴⁴ Adalese i tumen oven đangavde jer ano sati i ked naka mislinen o Čhavo o Manušikano avela." ⁴⁵ "Kovaj li adava verno i gođaver kandlo so le o thagari čhuvela upreder o čherutne te delen o hajba ano pravo vreme? ⁴⁶ Sa o šukaripe okolese kandlese kole o thagari ked avela arakhi ađakhar te čerel! ⁴⁷ Čače, phenava tumenđe, ka čhuvel ole upreder sa o imanje plo." ⁴⁸ Phenela li adava lošno kandlo pese ano vilo: 'Ka kasnini o mlo thagari' ⁴⁹ i lela te marel ple amalen, i te hal te pijel e pijanicencar, ⁵⁰ ka avel o thagari adale kandlestar ano dive ano savo na nadinipe i ano sati kova naka anel ki godi; ⁵¹ ka čhinel ole ko ekvaš i ka odredini lesoro than maškaro dujemujengere, kote ka ovel o rojba tresiba e dandencar."

Chapter 25

¹ Tegani o thagarstvo o upruno ka ovel sar ked o deš čista čhija lele pumare svetiljke i iklile ano arakhiba e zaručnikoja. ² Inele panđ dilinja, a panđ đandlja. ³ O dilinja lele o svetiljke, ali na lle pumencar o ulje. ⁴ O đandlja sa gatane e svetilkencar lele ano čare o ulje." ⁵ Pošto o mladoženja kasninđa, sa okola zadreminde i zasuče. ⁶ Ani rat uli vičiba: 'Ačhe o zaručniko! Ikljoven anglo leste!' ⁷ Tegani uštine sa okola čhija i čerde pumare svetiljke. ⁸ O dilinja tegani phende e mudronenđe: 'Denamen tumare uljestar, mudarđona amare svetiljke!' ⁹ O mudre vačerde olenđe: 'Nisar!Naka ovel dovoljno i amenđe ni tumenđe.Đan činen tumenđe ko bikinde!"" ¹⁰ Dok on đele te činen, alo o zaručniko: kola inele o đičerde, đerdinde oleja ko bijav i phandlile o udara. ¹¹ Palal so ale o avera i terdine te vičinen: 'Thagarona! Thagarona! Phrav amenđe!' ¹² A ov irini olenđe:'Čače phenava tumenđe, na penđarava tumen!' ¹³ Ma soven sose na đanen ni odive ni o sati!" ¹⁴ Čače, ked okova sar o manuš,pođini ko drom, vičini ple kandlen i delen plo imanje. ¹⁵ Jekhese dinđa panđ talentija, e dujtonese duj, a e tritonese jekh - svakonese palo lesoro sposobnost. ¹⁶ I putuinđa. Okova savo lelja panđ talentija sigate đelo, upotrebinđa olen i ulole pana panđ. ¹⁷ Isto ađakhar i okova dujencar ulole pana duj. ¹⁸ Okova naprotiv kova dobinđa jekh đelo, handlja i phuv i garavđa o saja e thagaresere." ¹⁹ Naklo but vreme alo o thagari e kandlengoro i rodela olendar o računi. ²⁰ Nakhel olese okova so lelja o panđ talentija i anela i okola panđ i phenela: 'Thagarona! Dinđanma panđ talentija. Ačhe, aver panđ čerđum!' ²¹ Phenela lese o thagari: 'Vernoneja, kandleja šukarona! Ano hari injanle verno, upro but ka čhuvavtut! Đerdin ano radost e thagarese klese!'" ²² Nakhela i okova e duje talentonencar i phenela: 'Thagarona! Duj talentija dinđanma. Ačhe, aver duj čerđum!' ²³ Phenela olese o thagari: 'Šukareja, kandleja i vernona! Ano hari injale verno, upreder o but ka čhuvav tut! Đrdin ano radost e thagarese klese."" ²⁴ Nakhela i okova kova lelja o jekh talenti i phenela: 'Thagarona! Đanđum tut: manuš injan oštro, čedeja kote na sijinđan i čineja kote na čhorđan. ²⁵ Darandiljum tutar, đeljum i garavđum o talento klo ani phuv. Aleče klo!' ²⁶ A o thagari phenela olese: 'Kandleja lošnona i lenjona! Đanđan so čedava kote na sijinđum i činđum kote na čhorđum! ²⁷ Valjanđan te uložine mle saja koro sajengoro i me palo mlo iriba ka ikalav mlo i ka davtut e dobitkoja," ²⁸ "'Len adalese olestar o talenti i doden okolese kova isile deš. ²⁹ Čače, okolese kova isile pana ka delpe olese, neka ovele o izobilje, o okolestar kas nane ka lelpe olestar i okova so isile. ³⁰ A o beskorisne kandle ikalen avri ani tomina. athe ka ovel o rojba i tresiba e dandencar.'" ³¹ "Ked o Čhavo Manušikano avela ani slava i sa o anđelja lesere oleja, ka bešel ko prestolje slave ple. ³² I ka čedempe anglo oleste sa o manuša, a ov jekhen oto avrendar ka odvojini sar o čobano so ikali e bakren oto jarci. ³³ E bakren ka čhuvel pese ki desno,a e jarconen ki levo." ³⁴ Tegani o zhagari ka phenel okolenđe uti desno: 'Aven,blagoslovime mle Dadestar! Len ani baština o Thagarstvo čerdo tumenđe oto počiba e svetostar! ³⁵ Adalese bokhaliljum i dinđen man te hav; žednonđum i piljarđenma; durutno injumle leljenma; ³⁶ nango hurjavđen ma; namborme aljen maje; ani tamnica injumle i aljen kora mande."" ³⁷ Tegani olese o pravednici ka irinen: 'Thagarona, ked adava dikhljamtut bokhale i parvarđam tut; ili žednone piljarđamtut? ³⁸ Kedi dkhljam tut sar durutne i leljam tut; ili nange i hurjađam tut' ³⁹ Ked dikhljam tut namborme ili ani tamnica i aljam kora tute?' ⁴⁰ A o Thagari ka irini olenđe:'Čače, phjenava tumenđe, so god čerđen jekhese akle mle najtikore phraljenđe,maje čerđen!"" ⁴¹ Tegani ka vačeri i okolenđe uti levo: 'Đan tumenđe mandar, haramnonalen, ani jag sa e divengiri, čerde e bengese i lesere anđelenđe! ⁴² Jer bokhaliljum i na dinđen man te hav; žednonđum i na dinđen man te pijav; ⁴³ abanđija injumle i na mangljen man; nango i na hurjavđen man, namborme i ani tamnica i na aljen maje!"" ⁴⁴ Tegani olese i on ka irinen: 'Thagarona, a ked adava dikhljam tut bokhale, him trošale, il abanđija il nange, il namborme, il ani phandlipe, him na kandljam tut? ⁴⁵ 'Tegani ov olenđe ka irini vačeribnaja: 'Čače, phenava tumenđe, sogod na čerđen jekhese akale najtikorendar, ni maje na čerđen.'" ⁴⁶ "I ka đan akala ani muka večito, a o pravednici ano životi sa o dive. "

Chapter 26

¹ I ked o Isus završinđa sa adala paramiza, phenela ple sikamnenđe: ² "Đanen li soj pana duje divenđe i Pasha, i o Čhavo Manušikano ka predelpe te kovinen ole." ³ Tegani čedisale o anglune sveštenici i o starešine manušengere ano dvor angluno sveštenikose anaveja Kajfa ⁴ i phandle e Isuse ki prevara dolinde te mudaren. ⁵ Adalese so phenđape: "Ma ko Barodive, ma te ovel pobuna ano manuša." ⁶ Ked o Isus inele ani Vitanija, ano čher e Simonese e Gubavcose, ⁷ nakhli olese nesavi romni e alabasterne čareja kuč inele adava pomast i čhorđa olese upro šero, dok ov inele uzalo astali. ⁸ Dikhle adava, o sikamne te vačeren: "Sose adava čhoriba? ⁹ Šaine adava bare sajenđe te biknelpe i te delpe e čororenđe." ¹⁰ Zadikhlja o Isus pa vačerđa olenđe: " So dosadinena e romnja? O šukhar delo čerđa premala mande. ¹¹ Čororen ko svako than isitumen zala tumende, a man nanetumen ko svaka thana. ¹² Čhorđa adaja pomast maje ko trupo - za ko paruniba adava čerđa maje. ¹³ Čače, phenava tumenđe,sar kaj ka ovel o vačeriba oto akava evanđelje,upro sa o sveto, ka phenelpe i akava oj so čerđa - sar setiba upro late." ¹⁴ Tegani jekh oto dešudujendar, vičime Juda Iskariotski, đelo koro anglune svečenici ¹⁵ i phenela: "So ka denma ime ka predavle tumenđe." A on odmerinde te denle trijana rupane. ¹⁶ Otegani rodinđa i prilika te izdel le. ¹⁷ O prvo dive Bizokvasnonengere marendar nakhle o sikamne e Isusese i pučlole: " Kaj mangeja te čerače te blagujine i pasha?" ¹⁸ Ov phenela: " Đan ani diz adalese i adalese i phenen olese: "O sikamno mangela: Mlo vreme paše, kora tute ka slavinav i pasha mle sikamnencar." ¹⁹ " I čerde o sikamne sar phenđa olenđe o Isus i čerde i pasha. ²⁰ Angli rat inele o Isus zalo astali e dešudujencar. ²¹ I dok hale, phenđa: "Čače, phenava tumenđe, jekh tumendar ka izdel man." ²² Zorale ožalostisale, lele jekh pala avreste ²³ I đilabđe hvalađiljengiri, i đele ki Maslinsko gora. ²⁴ Tegan phenđa olenđe o Isus: Sare tumen pana akale račatar ka sablazninen tumen mandar. ²⁵ Pisimej: Ka khuvel e čobane i o bakre sa ka našen. A ked ka uštav, ka avav angla tumende ani Galileja.' ²⁶ I dok hale, lelja o Isus o maro, vačerđa o blagoslov i phaglja, dinđa ke ple sikamnende i phenđa: " Len i han! akavaj mlo trupo!" ²⁷ I lelja i čaša, zahvalinđa i dinđa olen i phenela: "Pijen olatar sare! ²⁸ Akavaj mlo mrat, o rat oto Savez kojaj butenđe ka čhorđol te mekenpe tumare greja. ²⁹ A phenava tumenđe: na, nako odakana te pijav akale bijandendar oto trsija đi ki okole diveste ked okole - nevestar - tumencar ka pijav ano thagaripe e Dadese mlese." ³⁰ I đilabđe hvalađiljengiri, i đele ki Maslinsko gora. ³¹ Tegan phenđa olenđe o Isus: Sare tumen pana akale račatar ka sablazninen tumen mandar. Pisimej: Ka khuvel e čobane i o bakre sa ka našen. ³² A ked ka uštav, ka avav angla tumende ani Galileja.' ³³ I olese o Petar: "Him te sare sablazninenape tutar, me naka čerav!" ³⁴ Phenela olese o Isus: "Čače, phenava tuče, pana akala račatar, pana so naka vičini o bašno, trin droma naka penđarema!" ³⁵ Phenela olese o Petar: "Valjani li i te merelpe ka ovav tuja, na, naka čerama kaj na penđarava tut." Ađakhar phende olese i o sikamne. ³⁶ Tegani alo o Isus lencar ani vičime Getsemani i phenela e sikamnenđe: "Bešen akate te phenela te đav adari te molinama. ³⁷ "I legarđa peja e Petre i soldujen čhaven e Zebedejeseren. Pelo olese žal i tanđipe. ³⁸ Tegani phenđa olenđe: "Mi duša anglo meriba i žalno. Ačhoven akate i masoven mancar!" ³⁹ I đelo hari po dur, pelo tele ko kočija i molinipe: "Dade mleja! Ako šaj, šajli te nakhelma akija čaša. Ali na sar me so mangava, nego sar tu so mangeja." ⁴⁰ I alo koro sikamne i arakhlja olen sar sovena i phenela e Petrese: "Ađakhar, šaineli jek sati tena bešen mancar? ⁴¹ Bešen i molinen tena peren ano napad! O duxoj ovi o čačipe, mangela, a o trupo nane zoralo. " ⁴² Pale, palo dujto puti, đelo i molisalo: "Dade mleja! Ako nane tešajtine i čaša te nakhel te nebi pijavla, ovela kli volja!" ⁴³ I palem arakhlja olen sovavmen, o jačha phandlile olenđe. ⁴⁴ Palem ačhavđa olen, đelo i molisalo palo trito puti vačerindoj sa ista lafija. ⁴⁵ Tegano alo koro sikamne i phenđa olenđe: "Sa sovena i pašljona! Ačhe, alo o sati! O Čhavo manušikano predelape ano vasta e grejonengerenđe! ⁴⁶ Ušten, ka đa! Ačhe, paše alo mlo so bikinđama. " ⁴⁷ So ov pana vačerđa, dikh, avela o Juda, jekh oto dešudujendar, i leja zorali jag sa e mačonencar i e Kaštencar bičhalde oto anglune svečenici i oto starešine e manušengere. ⁴⁸ A o izdajniko dinđa olen o znako: "Kole me čumudunava, adavaj, le dolen!" ⁴⁹ I sigate alo anglo Isus i phenela: "Sari, Sikamneja!" I čumudinđa ole. ⁵⁰ A o Isus phenđa olese: "Amala, sose injan akate!" Tegani nakle, vazdinde pumare vasta upro Isus i dolinde ole. ⁵¹ I dikh,jek okolendar kola inele e Isuseja vzdinđa po vas, ikalđa o mač, khuvel e kandle oto bare svečenikonendar i čhinđa olesoro kan. ⁵² Phenela olese tegani o Isus: "Irin o mač lese ko than save ka dolenpe ko mač i oto mačo ka mudarđon. ⁵³ Tu li nađaja te gođaja so me šajine te molinav me Dade i eheče kok phenđan po but oto dešuduj legija anđelija? ⁵⁴ Sar bi te pherđol o Lil so valjani ađakhar te ovel?" ⁵⁵ Ana adava sati phenđa e manušenđe: "Sar upro čor ikliljen e mačonencar i e motkencar te dolenman? Svako dive bešljum ano Hram sikavđum i na dolinđeman. " ⁵⁶ A sa adava ulo te pherđol o Lila o proročka. Tegani sa o sikamne ačhavdole i našle. ⁵⁷ Upro adava dolinde e Isuse i legardole ko angluno svečenikoko Kajfa, koro saveste sare čedisale o lilengeređande i ostarešine. ⁵⁸ A o Petar đelo palo leste ali podurestar đi ko dvor anglune svečenikose; i đrdinđa andre, bešlo okolencar so arakhena te dikhel so ka ovel. ⁵⁹ A o anglunesvečenici i sa o Veče rodinde sar nesavo hovamno svedočanstvo protiv o Isus tebi šajine te mudaren ole. ⁶⁰ A na arakhle i uštile but hovamne svedoci. ⁶¹ I nakhle duj i phenena: "Akava phenela: 'Me šaj te peravav o Hram e Devlesoro i za ko trin dive te vazdav ole: "" ⁶² Uštevse upro adava o angluno svešteniko i phenela olese: "Sose na irineja o lafija?" ⁶³ O Isus trainđapse. Penela olese o angluno svešteniko: "Ahvatu sovel te Devleja e đivdeja: Phen amenđe tuli injan o Hrist, o Čhavo e Devlesoro?" ⁶⁴ Phenela olese o Isus: "Tu phjeneja! So po but phenava tumenđe: Odakana ka dikhen e Čhave Manušikane kaj bešela ki desno Zor i avela ko obaci upral. " ⁶⁵ So šunđa o angluno svešteniko sa phendoj pharaj o fostani: "Hulinđa! So valjanena amenđe svedoci! Ačhe, akana šunđen i hula! ⁶⁶ So čerelape tumenđe?!" A on irinde olese: "O meriba perela olese!" ⁶⁷ Tegani čhungarde lese anglo muj i khuvđole, a o dujta šiba dindole ⁶⁸ phendoj: " Phen amenđe, Hriste, ko khuvđa tut?" ⁶⁹ A o Petar avri bešlo ani avlija. I ali nakoro oleste jekh kandli phendoj: "I tu injanle e Isuseja e Galijconeja. " ⁷⁰ Ov anglo sarijende hovavđa: "Na đanav so pheneja. " ⁷¹ Ked iklilo anglo anglunodvor, dikhele i dujto i phenela okolenđe so terdine: "akava inele e Isuseja e Nazarečaninoja. " ⁷² Ov palem hovaj e sovljaja: Na đanav adale manuše. " ⁷³ Adala so terdine nakhle nakoro Petar i phende olese: "Čače, i tu injan olendar! kKlo vačeriba izdela tut! " ⁷⁴ Ov tegani terdino te halen sovel i te zamolinlen: " Nađanav adale manuše. " I sigate vičinđa o bašno. ⁷⁵ I dinđape godi o Petar e lafonenđe kola O Isus so phenđa olese: "Pana o bašno so naka vičini, trin puti ka odreknine tut mandar. "I iklilo i čerkeste runđa.

Chapter 27

¹ I ked dislilo, sa o anglune svečenici i o starešine e manušikamnengere ičerde veče protiv o Isus te mudarenle. ² I phandle legardole i predindole ko upravitelji ko Pilat. ³ Ked o Juda, lesoro izdajica, dikhlja soj o Isus osudime, pokaisalo i irini o trijanda rupunale e anglune sveštenikonenđe ⁴ phendoj: "Grešno čerđum predinđum o rat o bizogrejengoro! " Irindeolese: "So amenđe đala adava? Adavaj klo staro! " ⁵ I frdinđa o rupane ano Hram, i đelo te umlajpe. ⁶ Anglunesveštenici lele o rupane i phende: "Nane meklo te čhuvenpe ane Hramesiri kasa soj ratvale." ⁷ Vačerđepe gatane i činde adale rupunencar i lončaresiri polje tebi parunena pe o abanđije. ⁸ I adava polje vičinipe "Ratvali phuv" Đi avdije. ⁹ Tegani pherdilo soj phendoj palo proroko o Jeremija: Lelepe o trijanda rupune - i cena okolesiri savi Naštine te platinipe kas proceninđe o čhave e Izraelesere - ¹⁰ him dinđe olen za ki njiva e lončaresri sar vačerđa o Devlikano. ¹¹ Ande e Isuse anglo upravitelj. Pučlja ole o upravitelj: Tu li injan o thagari o židovsko?" I ov irini olese: "Tu pheneja. " ¹² I ked o anglune o sveštenička i ostarešine e manušengere čutolese tužba, nijekh lafi na vačerđa. ¹³ Tegani phenđa olese o Pilat: "Na li šuneja soj sa protiv tute svedočinena?" ¹⁴ I na irini olese ko nijekh lafi o upravitel zorale čudisalo. ¹⁵ A oto Šukardive o upravitelj običaj ko praznici te mekel jekhe phandle, kole on ka mangen. ¹⁶ Tegani athe inele koro lende prešundo phandlo vičime Baraba. ¹⁷ Ked tegani čedisale, penela olenđe o Pilat: "Kole mangena te mekav tumenđe: E Varava ili e Isuse kova vičinipe Hrist?" ¹⁸ Đanđa so predindole uti zavist. ¹⁹ Dok bešlo vse o Pilat ki sudačko stolica, lesiri romni bičhali lafi: "Mektut okole pravednikostar sose avdije ano suno but inele maje pharo radi olese. " ²⁰ o anglune sveštenici i o starešine pherena e manušen te mangen e Varava, a e Isuse te mudaren. ²¹ Pučelen o upravitelj: "Kole akale dujendar mangena te mekav?" A on phende: "E Varava!" ²² Phenela olenđe o Pilat: "So te čerav e Isuseja kova vičinipe o Hrist?" A on phenena: "Kovinen ole. " ²³ A ov pučela: "A savo lošnipe čerđa?" Lele te vičinen po zorale: "Kovinen ole!" ²⁴ Ked o Pilat dikhlja so nane adalestar, so ka ovel po baro lošnipe, lelja o pani i tovela ple vasta anglo manuša i phenela: "Thovdo injum oto rat akava! Tumen arakhen tumen!" ²⁵ Sa o manuša upro adava irinde: "Lesoro rat upramende i upro amare čhave!" ²⁶ Tegani muklja olenđe e Varava, a e Isuse šibinde, dindole te kovinen ole. ²⁷ Tegani o vojnici o upravitelja legardole ane upraviteljesoro dvor i čedinde zalo leste bari četa. ²⁸ Huljavdole pa hurjavdole skrletone fostaneja. ²⁹ Čerde olese venco oto kare i čutolese ko šero, a dani i ano desno vas i trska. Tegani telile anglo leste, i lele te maren muj oleja: "Sar injan, thagarona židovskoneja!" ³⁰ Lele te čhungaren uproleste, lele i trska i olaja khuvenle upro šero. ³¹ I ked marde muj oleja, huljavde lestar o fostani i hurjavdole lesoro fostani, i legardole te kovinen ole. ³² Ko ikljojba, avrijal arakhle nesave manuše Cirenca, anaveja Šimun, i terindole te legari o krsto. ³³ I resle ko than vičime Golgota, adavaj e Lobanjakoro than, ³⁴ Dindole te pijel sirče mešime žučkaja,probinđa i na manglja te pijel. ³⁵ A ked kovindole, ko ekvaš pharavde lesoro fostani frdinde o barbuti upro leste; ³⁶ Bešle athe i arakhlole. ³⁷ I upreder lesoro šero čute natpis: akavaj o Isus o thagari o Judejsko. ³⁸ Tegani kovinde oleja dujen čoren, jekhe uti desno a jekhe uti levo strana. ³⁹ A kola nakhine hulinde uproleste him vrtinde pumare šerencar, ⁴⁰ I phende: tu kova i khanđiri peraveja i zako trin dive vazdola akana ikaltut athar kokoro; ako injan o čhavo e Devlesoro, hulji oto krsto. ⁴¹ I hađakhar i okola o anglune sveštenici e lilarengere đandencar i e starešinencar asandile olese i phenena: ⁴² Avrenđe čerđa o šukharipe, a pese našti te čerele. Akoj o thagari o Izraelsko, neka huljel akana oto krsto pa tegani ka veuina olese. ⁴³ A ov čučape ano Devel: akana neka dikhele, akoj lese pali vilja, sose phende: me injum o čhavo e Devlesoro. ⁴⁴ Ađakhar i o čora o kovime oleja mardolese muj. ⁴⁵ A oto šovto o sati sa kalilo upri sa i pšhuv sa đi ko enjato o sati. ⁴⁶ A sar oto enjato o sati vičinđa o Isus zorale sa e glasoja i phenela: Ili! Ili! Lama savahtani? adavaj: Devla mleja! Devla mleja! sose ačhavđanma? ⁴⁷ A nesave olendar so terdine athe šunde so vačerđe: akava vičini e Ilija. ⁴⁸ I sigate prastandilo jekh olendar lelja o sunđeri, i pherđale šut, i čučale upri trska, i dnđale te pijel. ⁴⁹ A okola phende: " Meken te dikha dali ka avel o Ilija te spasinle. " ⁵⁰ A o Isus pale vičini zorale andro glaso i mekhlja po duh. ⁵¹ I dikh,i fironga e khanđirjakiri pharavdili ko ekvaš oto upruno krajo sa đi ko teluno; i i phuv sa tresinđa, i o bara sa pele te phađile; ⁵² I o limorja sa phravdile, i uštine but trupija svetovna kola so mule; ⁵³ I iklile ando limorja palo vaskrsenje lesoro đrdinde ano sveto diz i mothovsalo butenđe. ⁵⁴ A o kapetani i okova so oleja arakhlja e Isuse dikhlja so i phuv sa tresini i so ka ovel, darandile but i phende: čače akava inele o čhavo e Devlesoro. ⁵⁵ I okote on inele i dikhle udural bute đuvljen kola đele palo Isus andri Galileja i kandlole. ⁵⁶ Maškare nesavende inele i Marija Magdalena i i Marija i daj e Jakovesiri i e Josijnasiri i daj e čhavengiri e Zevedejevengiri. ⁵⁷ I ked pelo o akšami, alo manuš barvalo andi Aramateja, palo anav Josip, kova so dani inele učeniko e Isusesoro. ⁵⁸ Akava nakhlo nakoro Pilat molinđa ole zako lesoro trupo e Isusesoro. Tegani o Pilat phenđa te denle o trupo. ⁵⁹ I lelja o Josip o trupo i pačarđale ano čisto platno; ⁶⁰ I mekhljale ano nevo plo limori so inele so čhinđale ano bar; I čuča baro bar k udara oto limori i đelo. ⁶¹ A okote inele i Marija Magdalena i i dujto Marija, i bešle premalo limori. ⁶² Tajsa o dive pali paračuvi čedisale o anglune sveštenici o fariseja koro Pilat. ⁶³ I phende: thagarona! amen dinđamen godi so akava hovavmno phenđa pana ked inele đivdo: palo trin dive ka uštav. ⁶⁴ Adalese vačer te arakhen but o limorimđi ko trito dive tena aven sar olesere sikamne račate i tena čoren ole i tena phenen e manušenđe: uštilo oto mule; i ka ovel paluni prevara po lošno uti angluni. ⁶⁵ Phenđa olenđe o Pilat: ahče tumenđe o kollen so arakhena, pa đan čeren sar so đanen. ⁶⁶ I on đele e arakhlencar i zorjarde o limori, i pečaterindole bareja.

Chapter 28

¹ A palo o akšami e sabalesoro anglo kham so ka ikljol o prvo dive o purano kurko ali i marijai Magdalena i i dujto marija te dikhen o limori. ² I dikh, i phuv tresisalibut; sose o anđeo e Devlesoro hulilo odupral, inakhino cidinđa o bar oto udara e lilorestar i bešlo upro leste. ³ A o muj olesoro inele sar ked čhinela sevni, a lesere šeja sar o hgiv. ⁴ I uti lesiri dar sa tresinde okola so arakhena, i ule sar mule. ⁵ A o anđeo irindoj vačeri e đuvljenđe: ma te daran tumen; sose đanan so e Isuse e kovime rodena. ⁶ Nane akate: jer uštino sar so phenđa. Aven te dikhen o than kote pašlilo o Devel. ⁷ I len tumen po sigate vačeren lesere sikamnenđe leserenđen so uštino oto mule. I dikh, ov angla tumende ka đal ani Galileja; adari ka dikhen ole . ačhe me phenđum tumenđe. ⁸ I iklilovse po sig andro limori sa daraja i radosteja bareja prastajndoj te vačeri lesere sikamnenđe. ⁹ Ked heeče lengoro Isus ano jek ana vreste! Phenđa olenđe: " Lačhipe tumencar! " On prastajndo ano leste, lele te hurjavenle ko pre i telile tele te pokloninenpe lese. ¹⁰ Tegani o Isus phenđa olenđe: " Ma daran! Đan, phehen mle phralenđe te aven ani Galileja!Adathe ka dikhenma! " ¹¹ Sa dok on,đele,i dikh, nesave oto arakhlendar ale ani diz i vačerde e anglune sveštenikonenđe sa so inele. ¹² Lele sa čadisale e starešinencar ko isnafi, lele but saja i dinde ko vojnici i ¹³ phende: "Phen olenđe: Račate dok amen sučam, ale resere sikamne i čorde ole.' ¹⁴ I ako došunela o upravitelj, amen ka čerale te veruini i sa ka čera tumen tena oven o pharipe. " ¹⁵ On lele o saja i čerde sar inele olendar pherde. I sa adava šundilo maškaro o Židovja - sa đi avdije. ¹⁶ O dešujek o sikamne đele ani Galileja ki gora kote phenđa olenđe o Isus. ¹⁷ I ked dikhlole, telile olese; a jekh posumninđa. ¹⁸ I nakhlo nakoro olende o Isus phenđa olenđe vačerindoj: dindilope maje sa đi ki i jekh vlast upre i ki phuv. ¹⁹ Đan ađakhar i sokaven sa e manušen krstinen olen ano anav e dadesoro i e čhavesoro i ano Dux Sveti. ²⁰ Sikaven olen sa te ičeren so phenđum tumenđe; i ahače me injum tumencar ano sa o dive sa đi ko sa o dive e svetosere.