31.

ና ኃኹኑ ኹላ ኦሮ ኼሌኮዬ ተኀሩ ና ኦኩ ና ኤሌው ዬሱሲ “ኺራ ቲሚርቲ ኧያⶉ ሶ!” ና ዬሱሲ ኦሩ ሲዮና ማኩ ና ዬሱሲ ሰሰ ቢቲሮሲ ኬ “ኢኜ የባ ቲኒኝ ከዮኅ ኺኒሲ ራማን ሎሚ ከዮኅ?”።

ና ቢቲሮሲ ኮ ዬሱሲ ኾዻ ጎኁል ቶዬ ና ኹላ ኾኘያ ኮኁል ቶዬ ኆያ ዋ ኡኻና ጋራ ቮይ ና ባዕ ተይ ላይ ና ዮግ ሉኩራ ዬሱሲ ሴዻ ኬ “ኢኜ አኒ ኤርሚያ ቱሞኝ ኻኅ ና ቶነሰ ኮማ”።

ና ቢቲሮሲ ቩና ጎኁሎ ና ኦኩ ቫ ዬሱሲ ና ኹልሊ ኃኒ ኮይኃ ቫ ዋ ጉንቻ ዬሱሲ ያጋ ካዕረና ኹልሊ ጉኝ ማ ኃ አሩ ኼሌኮ።

ኖኅ ኹልሊ ዬሱሲ ኦል ቱሞዬ ዮግ ሉኩራ ገኘ ኩለየ ጎኁል ና ኸይ ታንኖ ና ባርከኆ ቮንሰሰነ ማዕ ኺኒ ኬ ቤ ኆዮ አ ቡይ ኻኅኔ ቤ ዮግ ኩሊነ ሾላ ኻኅ።

ና ኃዻኝኑኑ ሉኩራ ገኘ ሴዸሰ ኬ “ቮይ ታዕ ባሩሶ ና ዮገሰ ዙዎ ና ካዎ ኃኦሬያ ኧል ጃዕኃ ና ካታላ አኻይ ቫጉኝ ና ካቫጋየ”

ና ኹልሊ ቤ ዙዋ ኃኻ ኮ ኤሮ ኃኪቶይዮዬ ቤ ዙዎ ማጋ ዻካካን ሺኛ ኻናን ቮዕ ና ኖኅ ዬሱሲ ኹላ ኦሮ ዙዎ ኃኃ ኖኅ ቶኘሰ ኻኅ። ኖኅ ቤ ቫ ዬሱሲ ኃዙግታ ኸኮ መደርኒያ ኺራ ኢዎ ኒኀንንና ና ኖኅ ቲሚርቲው ና ኢባይሲው ዙዋ ኢሳሰያ ኃቩኑ።

ና ኖኅ ዬሱሲ ያገሰ ና ሰሰ ኬ “አኺቲ ቫጉኝኔ አዸ ኢጌዉረ” ና ዮግ ያግተሰ ና ሴዸሰ ኬ ና ኃሎግታ ኮዋኖ ኧነኅ ኃመያ አጌ ኮሎሞ ኡርጉሳ ራማን ኮ ላሳኛ ኻናን ሶኅ”

ና ኹላ ዙዎ ኸያዬ ኖኅ ዬሱሲ ዮገሰ ሉኩራ ገኘ ና ኪብታ ጉኁል ና ኬሬ ታንኖ ና ኖኅ ኦኩ ኩቱሎ ቱሙ ኦል ና ኃቩኑ ቤ ኢ ቪዕ ቲዕ ኮ ዻዕይኖ።

__

ዬሱሲ ኢባይሲው ኺራ ሎማ ካይዪ ረኾ ኮ ኾያ ኢላሳ

ና ኩልያ ገርሳ ቮንና ቫ ኺሪኝ ቮይና አዎ ቾዋቺን ቶዬ ና ቾዋቺ ኄና ኆ ማዕ ቤ ኃቾዋቺንና ዻካካን አ ሺኛ ራማን።

ና ኺራ ሎማ ካይዪ ረኾ ኦኩ ና ሴያ ኬ ኤርሚያ ቱሞኝሶ ኢኜ ቫ ናኑ ኺኒ ኦኅኄ ? ኃሾላኜዬ” ና ኖኅ ዬሱሲ ጊንኑ ካይዪ ና ሰሰ ኬ ሳራ ኬሊኝ ኧነኅ ና ካይዪ ሴያ ኬ ካኖ መሪ ና አኜ ሳራ ኬሎኝ ኬ ሌጌዎን።

ና ኖኅ ቤ ኃኺራ አ ዾሮሲ ኻኅ ኺሪ ማግ ኖኅ ና ኦዋና ኒኀ ና ቤ ኮ ዙዎ ኹልሊ ቺበ ሲጊዮዬኃ ኖኅ ኬዻና ሲጊቶ ቮይ ዾሽ ዾሽ።

ና ኃኺራ ኹላ ኦሮ ዬሱሲ ኃ ኖኅ ኄያ ና ቶዸሰ ዬሱሲ ኮማ ና ዬሱሲ ሰሰ መነኂ ኬ “ካይዪ ቮና ቫ ኃኺራ ቮይ ኃመያረ።

ና ዙዋ ኢዎየያ ቾዋቺን ኹላ ኦረያ ኃሎግታ ኃኃ ዮግ ኢዋሺና ኄ ና ዮግተሰ ዙዎ ካታማይዬ ና ዙዋ ካታማይ ኾዻ ና ጎኛ ኺሪ አና ታዕ ኖኅ ዋ ቪሪው ሩሚኛ ና ተይ ኬ ኺሪ ኬ ባሲኃ።

ና ዬሱሲ ታኩ ዬሮ ቮኮን ቮንቻያ ና ቡዸ ና ሴያ ኬ “ና ማጋኝ ኖይ?” ና ዮግ ሉኩራ ገኘ ሴዸሰ ኬ “ና ዙዎ አገያ ቡዕ መር ኡጉንነ ና ገረ ኹኅኃ ኢኜ ጊኒ ቮይ ኬኬ ማጋኝ ኖይ ከዮኅ?”

ና ዮግ ቤ ዙዎ ተኀረ ዋኃ ና ዮግ ሴዸሰ ዬሱሲ ና ኮግ ረና ና ዬሱሲ ኦኩ ጎኁል ቶዬ ና ኦኩ ና ኺራ ዋ ሎማ ካዪ ረኾ ኦሉ ዬሱሲ ና ኪዺ ኻሪ።

ና ኃኺራ ቤ ቫ ኧልቻ ጊኆይ ከርገን ና ኖኅ ኦግ ካሊ ካሊ ሪብና ኮ ሩሚኛ ኃቪሪዮና ኬዕን ረያነነ በኔ።

ና ኃኒዬ ኖኅ ዬሱሲ ሴያ ኬ “ኃኮይዮ”አኜ ኪኺኒ ኬ ኦግ ኦሮ ና ዮገሰ ዙዋ ጉኙ ኮ ሉኩራ ጉኙ ኹልሊ ባሬ ቱሙ ኧያኒኝ ኧነኅኔ”

ና ኃኺራ ኹላ ኦሮ ዬሱሲ ኃ ኖኅ ኄያ ና ቶዸሰ ዬሱሲ ኮማ ና ዬሱሲ ሰሰ መነኂ ኬ “ካይዪ ቮና ቫ ኃኺራ ቮይ ኃመያረ።

ና ኺሪ ጋ ኦኩ ና ዮገሰ ዙዎ ሎጋ ዋ ኪባይሲቻ ና ዙዋ ሺገያ ኃሎግታ ኪባይሰኃ ዻካካ ካሪ ዮግ ሳቢ ኬነ ና ማገ ሲቢ ላዕ ኹኅ።

ና ኾያ ጋ ተኀሩ ና ቫቫሪቱ ና አይዎ ና ቶዻይ ኮማ ባዕ ዬሱሲ ና ዮገሰ ቫ ዋ ማግቻ ና ኮ ባሻ ና ኖኅ ዬሱሲ ሰሰ ኬ “ዋ ኢባይሲኞ የባ ኑኑ ና ኦግ ኬ ቻልሊ”።

ና ዬሱሲ ሚረ ዪሪሲ ታንኖ ና ኮይ ኃቩኑዬ አ ዙዎ ኢጊ መሪ ኻኅ ና ካታኒ ና ቴ ገረ ኹኅ ና ቤ ኃዙግቱኑ ቶዬ ሎም ኾይቲ ቤ ካልካል ኦይኛ ቶሞን ኮ ራማን ና ቤ ኖኅ አኪሚኛ ኢሎቡ ዻካካን ና ኢኒ ኢባይሲ ጋራ።

ና ኖኅ ቤ ሺግ ቫ ዬሱሲ ኢባይሴዮ ዙዋ ኣላሰያ ና ኖኅ ሴያ ከኆ ቶዬ ኬ “ኹልሊ ካማግ ሩማ ዬሱሲ ካባሰዮ” ና ኖኅ ቶዋ ዉረዮ ና ማኩ ሩማ ዬሱሲና ኹላ ማጋ ኃኃ ኖኅ ኛዋ ካልካለያ ሺሊ ኮብ ኹኅ።

ና ኹልሊ ቮንሰ ታንኖኃ ኺሪ ሎም ካይዪ ኄያ ቫ ዬሱሲ።

ከኂ ዾነይ ዬሱሲ ኮ ሉኩራ ገኘ ኤሬ ማዕ ታንኖ ቫ ዙዋ ግርጌሶኒ ና ካማተዮ።

ሎጋ ኺራ ኢዎ ቢዮ

ኢንና ኆና ቫ ኮ ታዋርሬ አ ኺራ ሺጎ ሎጋ ቱሞኝ ና ኖኅ ኺኖ ሻው ኹኅ ና ኃኒዬ ኹሊ ሾላይ ኩንንኃ ኖኅ ዾዕ ሎጎ ኹኅ።

ኢና ኆና ቫ ኮ ቢሮኖ አ ኺራ ሺጎ ሎጋ ቱሞኝ ቺር ኃኒዬ ኖኅ ኢሺኖ ቮይቲኒ ና ኺን ደለለሞዋ ኃባ ኮ ዬላ ኃባ ና ሎጋ ቱሞኝ ኡሉቦኖ ሎጋ ኃባ ቮይ ዻካካን ካሪ።

ና ኃሎግታ ኖኅ ኬዻ ሉኩራ ዬሱሲ ሳቢ ቮይ ና ዬሱሲ ዮገሰ ሸዕ ና ሰሰኃኃ “ዱጉ አ ሎጋ ቱሞኝ ኢገያ ዻገ ባ ጎሮዬ አ ኺራ ሺጋ ቱሞኝ ና ኃኒዬ ኖኅ ሸዕ ኃኧሰቶ ና ሴይታኒ ኩን ና ኢዋና ቮይ።

ና ዬሱሲ ዮኩ ኃሎግታ ኺሪ ኮኺነዮ ኮን ሴ ኮግ ጉዮ ዱጋ ና ዱጋ ዋ ኮቻ ዱጋ ጌና ኆዻ ጎሮ ና ሾዋ ኾዻ ና ቫታ ቮይ።

ና ዱጉ ጌና ኆዻ ቮይ ኮ ሳሪ ቶዬ ና ኃሊዋ ሺላ ና ኃኒዬ ኖኅ ማጋ ቢሮኖው ና ጎሪ ሲለ ጋራ ና ኬቫ ማገሰነ ቢሪኖው ባዬ ኮ ካዐረ ኃኒ ኃኢጊሰነዮ።

ኃኒዬ ኃይገያ ኆነ ባ ቡ ቻሊሴ ኖኅ አ ኺራ ሺጎ ሎጋ ቱሞኝ ና የባ ና ኖኅ ኻሌ ኢጊሲኖ ካረ።

ና ዱጉ ጌና ኆዻ ቮይ ኮ ሳሪ ቶዬ ና ኃሊዋ ሺላ ና ኃኒዬ ኖኅ ማጋ ቢሮኖው ና ጎሪ ሲለ ጋራ ና ኬቫ ማገሰነ ቢሪኖው ባዬ ኮ ካዐረ ኃኒ ኃኢጊሰነዮ።

ና ዱጉ ጌና ኆዻ ቫ ቡ ባ ቻልላ ና ኃሊዋ ኢጊዾና ኮና ኢጌው ካረ 30 ኮና ኢጌው 60 ና ኮና ኢጌው ካረ 100 ኺራ ሎማ ኛዊ አኝ ኪሺግ።

ና ዬሱሲ ዮኩ ኃሎግታ ኺሪ ኮኺነዮ ኮን ሴ ኮግ ጉዮ ዱጋ ና ዱጋ ዋ ኮቻ ዱጋ ጌና ኆዻ ጎሮ ና ሾዋ ኾዻ ና ቫታ ቮይ።

ከኂ ዾነይ ዬሱሲ ኦኩ ማዕ ቱጏ ና ቲሚርቲ ዙዎ ኢጌ መሪ ና ዬሱሲ ኦኩ ማ ቱጎ ጎኁል ቱንኖ ና ዙዎ ኢጊ መሪ ኾዻና ቲሚርቲው።

ዬሱሲ ቲሚርቲው ⶀግ ጌና

ና ኺራ ዶሪያ ቱሞኝ ቦ ኦሉ ቱሙ ና ሴያ ኃኃ “ቱሞዬ ኬቫ ኢኜ ዳሚታ ዙግታ ሜሰ ሎሉሞ ኮ ዙግታ ማታነ አኻ ዙዎኝ ኮ ኺራ ሞጎ ጊራ ኃካንውዬ ኮዾኂኝ ጎሬ።”

“ኸኮ ኃመያ አኜ አና ቲዕ ቲዕ ጋዋኛዬ ጋዋኛይ ኮሊኝ ኢኜ ቫግ ኒኀንኔ ና ኮ ቢሮዋ ኮጆዋኒ ጌና ካጂኝኔ።”

ና ኃቫ ዉረዮ ዬሱሲ ዮገሰ ዙጋ ዬለያ ረኺያ ገይ ናኮ ዾኀያ ረሒና ለሰያ ዙግ ጌና ና ሰሰ ኃኃ “ዙዎ ዻካካን ቤ ኸይ ቱሙ ኦል ዶረያ ቱሞኝ ቶዬ ና ኃቩኑ ቶዬ ኮና አ ኺራ ሙጎ ጊራ ኮና አ ኺራ ዶሪያ ቱሞኝ ቦዕ።”

“ና ኮ ቾዋነኅ ማኂሲያ ቱሞኝ ኸኮ ኺራ ኡሎጉኞ ቢሮ ጉይ ቶዬ ና ኃቢሮዋ አሩ ኺርኮንኖ ና ኃኺራ ኩረሰ ባዕ ቾዋነኅ ና ኦኩና ታሊየይ አኻ ገኘ ሎማ ዻካካን ና ካይዎ ና ካታል ኃጉዋ”

ና ኖኅ ኺራ ሞጎ ጊራ ኮ ኃኒ ካዕረ ቱሞ ኮዾኅኖ ና ኖኅ ሴያ ኬ “ቱሞዬ አኜ ካኒ ገርሲ ና ሴያ ኬ አይ ካጋራየ”

ና ኃቫ ዉረዮ ዬሱሲ ሴያ ኃኃ “አኜ ኮዮጎኅ ሎጎ ኻኅ ኖኅ ቱሙ ሺኩ ቱሙ ኦላ ኃኺራ ሙግ ጊራዬ ና ሰሰ ኬ ኢኜ አኒ ኾሊ ና ኃኒዬ ኖኅ ቱሙ ኃቱሙ ኦልላ ኺራ ቡ ዶሪያ ቱሞኝ ኃ ኃዬልሎ። ቱሙ ኖኅ ዙዋ ዾኀያ ረኺያ ገይ ያጋና ዋር ና ኢጊያ ያገያ ረኺያ ገይ ባይ ዾኅ ቱⶁ።”

ና ዬሱሲ ዮኩ ሎግጌና ቾዋነኅ “ኮሞራሞዋ ቱሞኝ ኸኮ ኺራ ኢዋና ዾሌይ ና ኦጀሰና ጉዱማ ማቶይ ቶዬ ና ኻሌ ኢሾ ና ኢጊሶ።

ና “ቾዋነኅ ማኂሲያ ቱሞኝ ኸኮ አኻ ቡዕ ዻዻላ ና ኹልሊ ኺሪ አሮዬ ኮይ ና ታልነነይ አኻ ገኘ ሎማ ዻካካን ና ታል ኃኬታ።”

ና ኃኒዬ ኹልሊ ኃሊዋይታ ሺልሌ ኖኅ ኃሊዋይታ ኻሌ ጆረሰን ላሉገ ባዕ ዻካካን .

ዬሱሲ ኃቫ ዉረዮ ቲሚርቲው ማኂሲዮ ቱሞኝ ሎግ ጌና ና ሴያ ኃኃ “ማኂሲያ ቱሞኝ ኸኮ ሊዋያ ኩዱጎ ና ሞኮኛ ና ኖኅ ቫ ላሉገዉኅ ዻካካን አ ሞኮኚ”.

ሎጋ ዳዳ ቻልላ

ና ኤርሚያ ጊና ቶዻይ ዎቺን ና ኦኩ ቫ ሹነይ ና ኹልሊ ኃኒ ኢሾኖ ረና ኃ ኖኅ ሹነ አሩ ኾይነ ቮይ ኩነዮ ና ቶኘሰ ና ኄው ና ማግተ ና ቾቦሱ።

ና ኤርሚ ሰሰ ሹነ ኬ “ዳዳ አኜ ኬሜሶይኞ ኢኜ ኮ ቱሙ ገረኅ ኻኅ ና ኃመያ ቫ ሴ ኬሊዾኝ ኬ ኤርሚያ ኑኑ ኃጋነው”

ና ዉረዮ ኖኅ ሰሰ ረያ ነነ ኬ “ና ኹልሊ ኃ አኜ ኬሜሲ ኦኅ? ኖኅ ኃመያ ቶዬ ጋይማኛ ዳዳይ አሚነ ና ቻሰ ና ቲለን ጌና ዾቲ ኹኅኔ ኃመያ አኝ ኮግና ኮቱረ ዳዳና ከተኸቶ ኮ ኃጋይማቺኒኑ ገኝኔ ኮና ኹኅ”

ና ዙዋ ቢቢዮ ዶረያ ቱሞኝ ቤ ኧለያ ኃቩኑ ኹላ ኦረያ ዬሱሲ ቮይ ኖኅ ዬል ዙዋ ገርሳ ኃ ዮግ ዮግ አሊ ከኆ ገረኅ ገረኅ ና ዬሱሲ ዮገሰ ዮግ ኃሎግታ።

ና ኢና ቲኖ ኢዋ አኻ ጊና ና ኦኩ ቹግ ረና ባ ኮንኖ ና አቻኹራና ቢሮ ቮይ ዻካካን ጋራየ።

ና ኹልሊ ኃኒ ኧላነ ቮይቲኒኃ ኤርሚያ ቦ ዋ ደሺነና ጉዮ አይዎና ኹልሊ ቮንሳና ኦርኃ ኖኅ ሺኩ ኮዾኀያ ኮ ሞሮ ኦግ ና ሳባ ኬዼ ና ሴያ ኬ ና ካልላ ዋ ቴ ኦኅ።

ቤ ሎም ኺሪ ሎም ኤሮ ራማን ና ኖኅ ኢና ቲኖ ሴያ ኬ ዳዳ ኀራ ቢሮይ አና ኦጂነ ኬ ኢገያ ጋኙ ና አኞ ና ኖኅ ሹነ ኀረ አኻ አይነ

“ና ኖኅ ኹላ ጋዕ ኬ ታዋ ጎዲነያ ቲኖ አይዎ ና ዙዎ ዶረየ ኃሎግቱኑ ኖኅ ኺኒ ቴ ቲኒ ና ታማራ ቫ ሴ ኮገ ዶሪ ቶዬ ቮይ ና ተይ ቮ ና ሹነ አይዎ ና ኦልሉ ና ኮግ ቶዬ ና ኖኅ ታማራ ቮይ ዾግ።

“ናኃቫ ውረዮ ባዕ ቤ ኮቻ ኤርሚያ ቲኖ ቴ ኾዞ ና አኺቲ ቫጉኝ ጋራ ና ኮቢሮይ ታላነይ ቲላ ኒኂ ና ኖኅ አሩ ደሺቲ ካጀ ቾዋቺን ቲላ ና ኖኅ ኹልሊ ደሺነኃ ኖኅ ከኂ ዾነይ ዾነይ ቾሎ ቲላ አጃ ቾዋቺን።

ና ኤርሚያ ቦ ሰሰ ሹነ ኃኃ “ኃኦይኛ ቡዕ መር ኃ አኜ ከደሺኛኪኝ ኢኜ ና ኮ ከኂ ዾነይ ሎጋ ዮጎኒ ኢኞይ ኃኒ ካታማሮ ና ኢኜ ከኂ ዾነይ ኮ ቶኃ ኬ ቶኇ ኃኒ ኢኖኖ ና ኮ ሉኩራ ጋኙ ኩዱሪዾ ኻኅ ና ኖኅ ኃኤርሚታ ኑኝ ቤ ማር ሎጋ ጉኙ ና ኮይ ሜ ገረገረኃ ኹላ ኩኖዬ ኢንሰዮ ቢ ኹኅ።”

ና ሹነ ያገሰ ና ሰሰ ኃኃ “ኤርሚያ ናኑ ኤኜ ቲዕ ከል ኮ አኜ ካሪ ና አኻ ጋኙ ዻካካ አይገያ ጉኙ ና ኃቯ ኩዱረኃ ኢ ዲብ ኻኅ ኬቫ ጎዶኑ ቤ ኤራ ና ኃመያ ተይ ኬ ባሲ ቾዋነኅኔ አና ቤ ⶆኀያ ና ኃኒዬ ኃመያ ኮጆዻ”

ከኂ ዾነይ ዬሱሲ ቲሚርቲው ዙዋ ሙገያ ጊራ ኮ ዙዋ ገርሳ ኢጊ መሪ ኻኅ።

ከሎጋ ዳዳ ቻልላ

ኧያ ዬሱሲ ቮዸ

ና ዬሱሲ ኮ ሉኩራ ገኘ ኮ ዚዝዚ ኆዻ ኩቱል ቱንኖ ና ኹልሊ ኆዋነዬ ዬሱሲ ሰሰ ሉኩራ ገኘ ኬ “ኃሎግታ ዋ ሜሲነ ኃቫዬ ኺር ኮና ኃዮገሰኖ አኜ ኻሌ ኮዻኝ ና ከረሰዮ ና ኮጎይ ኬ ባሲ ቾዋነኅ ና ኃኒዬ ኃኹሉኑ ኃኒዬ ዮጎቶ”

ና ኃኹሉኑ ዬሱሲ ኺርኺሩ ዮግ ና ሰሰ ኬ ባናየ ኃኧኀርሶ ና ኹልሊ ባንሳነዬ ኺሪ ዾነይ ኒኀ አ ዬሱሲ ሶኅ።

ና ኹልሊ ዬሱሲ ኃኒ ኦል ቱሙኃ ሞማ ነነ ታዋሉ ኹላ ሱሱኝ ና ሩማ ነነ ቴ ኾሊ ኹር ና ቴ ኾልና ኮኺርኮና ኹሊ ኮቹር ሩም ኃባ ኃኃ ኾሊ ኃአንኖ።

ኹልሊ ኃኒ ዬሱሲ አሊነ ኮ ኤሊያስ ኮ ሙሴኃ ኖኅ ቪቲሮሲ ኦኩ ና ሴያ ኬ “ቫ ሴ አጌ ከተልለ ኃባ አ ቻልሊ ኻኅ ና ኃመያ ኮቶዾ ዶኅካቺንና ኮና ቴ ኢኜ ኮና ኬ ኤሊያስ ኮና ኬ ሙሴ” ኖኅ ቢቲሮሲ ኃሎግታ ዮግኃ ኢማግⶆ።

ና ኃኹሉኑ ሙሴ ኮ ጃላውያ ኬ ኤሊያስ ኾዻ ቫ ዬሱሲ ና አለ ሎጋ ኻሌ ረሻ ዬሩሳለⶁ ኃዙግታ አ ዙዋ ቫገያ ባዕ ቤ ኦይኛይ መሪ ሳⶅ።

ና ኹልሊ ኃኒ ቢቲሮሲ አሊኃ ኖኅ ዋኃይ አይዎና ኡሉቦ ዮግ ቮይና ቱዋ ቱሞኝ አሊው ና ሴያ ኬ “ኤርሚቲ ናኝ ኬዬሌ አና ና ሺጊ ኖኅ” ናዮግ ሉኩራ ዬሱሲ ተኀረ ና ቶናይ ኮማ ባዕ።

ከኂ ዾነይ ዬሱሲ ኢዋ ሉኩራ ገኘ ኢጊ ኮ ዚዝዚ ያይኮብ ኮ ዮኻኒሲ ኮ ቢቲሮሲ ና አዎ ኩቱል ቱንኖ( ኃዮኻኒሲታ ዮኻኒሰያ ቤ ቹሮ ዬሱሲ ኃንኖ)።

__

ዬሱሲ ዾኃ አላዛር ረሰዮ

ቤ ኃሎግታ ኩረ ኃ አ ቮጎይ ና ኹላ ዬሱሲ ቮንሶ ቫ ሎጎኝ ጃዬ ሰሰ ኬ “ዾኅና በ ቮይ”ና ኖኅ ማርታ ሰሰ ዬሱሲ ኬ “ኡኃ ባሬ ኩርቻ ኃመያ አ ዉሽሶ መያ ባሬ ሙጆዮ ቮይ”

ና ዬሱሲ ሰሰ ኬ “አና ቤ ኮዮጎይኆ ኃንኖ ኹልሊ የባኞ አኜ ኻሌ ኦሮ ዪራ ቱሞኝ?” ና ዮግ ያጋ በ ረና።

ና ዉረዮ ማሪያም አይዎ ና ቶዻይ ኮማባዕ ቫ ዬሱሲ ጃሬ ና ሴያ ኬ “ኮሞሮዬ ኢኜ ኹልሊ ቤ ተይ ኃቫ ጎዶና ናኑ አና ቤ ኃረሶ” ና ኖኅ ዬሱሲ ጊንኑ ና ሰሰ ኬ አላዛር ባሬ ኩሮ ኦሪ?ና ሴዸሰ ኬ ኢ ሎግ ቶዬ አይዎ ናጎኛ ና ዬሱሲ ቱሩ ዋኅ።

ና ኹላ ኡኆ ራማ አኀያዬ ዬሱሲ ሰሰ ሉኩራ ገኘ ኬ “ካዎ ዪኹዻይዬ” ና ሉኩራ ዬሱሲ ያተሰ ዬሱሲ ና ሴዸሰ ኬ “ና ኡኆ መቺጊ ዉረዮና አና ዙዋ ኃቩኑ ኺኒኘያ ኮዻ ኃአንኖ ና ኖኅ ዬሱሲ ሴያ ሉኩሪያ ና ኬ አላዛር ታዕ ባሬ ቱኁና ኮጎይ ና ኪባሴው ኡኄ”

ኹላ ዬሱሲ ቮንሶ ካታማ ቤ ኪሪቾኛ አላዛርሬ ኖኅ ኃኹሉኑ ኡኃ ረሻ አላዛሪ ቴ ዉሽ ና ማርታ ቮና ካርተ ኮ ዬሱሲ ና ሰሰ ኬ “ኮሞሮዬ ኹልሊ መያ ቤ ኢኜ ተይ ኃቫ አና ጎዶና ናኑ አላዛር ኃረሶ ና ኃኔ አኜ ካጋይዮ ቫ ኢኜ ሎጋ ኦሊ ቫ ቱሞኝ ዻካካ ኻሌ አጂኚ”

ና ኃቫ ዉረዮ ዬሱሲ ዾኁ ካረ ቱሞ ና ሴያ ኬ “ዳዳዬ ኬቫ ሺጋኝኔ ኯⶍኂኝ ጎሬ አኜ ካጋይዯ ቫ ኢኜ ቲዕ ቲዕ ሺግቻኚ አኜ ና ኃመያ ኮዮጊ ኃሎግታ ና ኃዙግታ ሺለ ኃቫኃ ዻካካን ካታጋ ኬ ቫ ቤ ኢቶንቾኞኚ ኢኞይ” ና ዬሱሲ ኃቫ ዉረዮ ሴያ ኬ “አላዛር ቮና ቮይ”

ና አላዛር ቮና ና ዬሱሲ ሴያ ኬ “ኦጎየ ና ኮጎ” ና ኃቫ ዉረዮ ዙዋ አይኹዻይ ኢጊ መሪ አሪ ኃሎግታ ና የበ።

ና ሉኩራ ዬሱሲ ሴዼሰ ዬሱሲ ኬ “ኺራ ቲሚርቲዪ ኹልልሊ ኖኅ አላዛር ባሬ ኡኁሴ ኖኅ ኻሌ ባንሳና ኹኅኒሶ” ና ኃኹሉኑ ዬሱሲ ያገሰ ና ሰሰ ኬ “ኃቫ ኹልሊ ኃሎግታ ኣሜሲነዬ ኃቩኑ ቶዬ ኃኧልቾዬ አኜ ኩቹሙኒ ዋኅ ኬቫ ኻሌ የባኙ አኜዬ”

ና ኃኒዬ ዮግ ዙዋ አይኹዻይ ቢቢዮ ቾሎሶ ኃሎግታ ና ዮግ ሙግተ ቮይ ዾነይ ና ኧሰዸ ጎሪ አና ኻሌ ኯቶንነ አላዛር ኮ ዬሱሲ።

ና ዬሱሲ ያገሰ ና ሰሰ ኃኃ “አኜ ካኒ ባሴ ኮ ባናሴ ና ዙዋ የባኘያ አኜ ዻካካን ኮ ኹልሊ ኬሪዪየ ዮግ ኻሌ ኸይ ኬ ባሲ ቾዋነኅ ዮግ ዙዋ የባኘያ አኜ ዻካካን ዮግ ኃረሰዮ።ኃሎግታ የቢ ቺር? ና ማርታ ሴያ ኬ “ኢዕኝ ኮሞሮዮ ኢኜ ቫ አነይ ኤርሚያ ቱሞኝ ከየበዮ” ።

ኡኆ ዾነይ ዬሱሲ ኮዮግተሰ ሳዕኒ ኬኬ አላዛር ኢላ ና አ ረሲ ና ቤ ኆኒገያ አላዛሪ ኬ ማርታ ኮ ማሪያም ዮግ አ ሉኩሪ ዬሱሲ ና ዬሱሲ ኹላ ሺጎ ኃኃ ኖኅ ሴያ ኬ “ኃኢላጋይታ ኃ ኖኅ አ ኢላጋይቲ ኢኬ ዾኃ ቱሞኝ ኹኅ ኢንኒ ረሰኝ ኃንኖ” ና ኖኅ ዬሱሲ ተው ቫ ኢሻ ኡኆ ራማን ።

__

ዬሱሲ ካዺየይ

ና ይኹዻ ቫኩ ቲላ ና መነኂ ኦኩ ረኾ ና ቮኑ ቮዕ ቫ ዙዋ ኣይኹዻይ ቢቢዮ ና ኦኩ ና ዮገሰ ሎጋ ሴ ካማግተ ዬሱሲ። ና ኃኹሉኑ ባ ቤ ኣኮሮይ።

ና ዬሱሲ ኮ ሉኩራ ገኘ ቫጋ ቲላ ና ኣዎ ደረዘይተዬ። ና ሰያ ኬ ኢጌ ኻሊ ዻይኖ ዾታኞ ና ኺር ኢዎ መደርኒ ኻሊ ዻገ ዙው ና ኻሊ መደርኒ ኣሳነው። ና ሰያ ኬ ኃሎግታ ኣና ቤ ኮንና።

ኃኒዬ ዬሱሲ ዮገሰ ሉኩራ ገኘ ኬ ከርገና ኑይ ቶይ ዾነይ ታልቻኝ ዙዎ።ኃኒዬ ዮግ ሉኩራ ገኘ ኣሊ ከኆ ና ሴዻ ኬ ታ ኣ ነኅ። ና ዬሱሲ ሰያ ኬ ኣኺሪ ኻሊ ኪሾረሰን ቲላ ቱጎዬ። ና ኖኅ ዬሱሲ ውረው ኢዋ ቲላ ና ኣይነ ይኹዻ።

ዬሱሲ ሉኩራ ገኘ ዾነይ ኬሊ ኬ ይኹዻ ኃኒዬ ይኹዻ ኣኺራ ቦ ማጋ ቢሮዋ ሉኩራ ገኘ። ና ኖኅ ዬል ቢሮ ዋኅ ና ቲዕ ቢሮዋ ቹርቺነነያ ኦጎሮ።ና ዬሱሲ ኮ ሉኩራ ገኘ ኣዎ ዩሪሳሌሞ። ና ኖኅ ይኹዻ ኦኩ ቫ ዙዋ ኣይኹዻ ቢቢዮ ና ሺግቲየ ቢሮዋ ካታልቻ ዬሱሴ ና ዬሱሲ ቫ ኣንቻ ኮሞሩ ዮግ ዙዋ ኣይኹዻይ ቢቢዮ ኮና ኢና ኬ ያሴሩ ዻቤ ጋዮ።

ዬሱሲ ኮ ሉኩራ ገኘ ዮግ ኡሲይ ባሲጋ ዩሪሳሌሞ ና ዬሱሲ ኢዋ ቲላ ና ኦለሰ ቱሙ ና ሰሰ ኬ ኡሲየ ና ኖኅ ሰሰ ኬ ኃይና ኣ ኣቹጋ ናኑ ና ኧገቻኛኞ።

ና ኖኅ ቢቲሮሲ ሰያ ኬ ኹሊ ሉኩራ ጋኙ ዮግ ቮንሰይ ኣኜ ኃኮጎዮ። ኃኒ ኖኅ ዬሱሲ ያገሰ ቢቲሮሲ ና ሰሰ ኬ ኢጌ መነኂ ቫዕ ሴ ኪዋኅኆ ኺኑኅ ኻኅ ና ቫ ኣንቾ ሞዾሲ ኮሎኅ ቱሙ። ና ኢኜ ቢቲሮሲ የዋ ኣኒኝ ዻዻሊኝ ቺር ና ኢኜ ኻሊ ኢማጋኝ ቱጎ ከኂ ሲዝዚ ና ሉኮያ ኮ ሳባ ሮግቶ።

ና ኹሊ ኾሊሶ ማገ ዬሱሲ ኃ ኖኅ ቢቲሮሲ ኾራ ዋራ ና ታኻላ ኺራ ካኺናይ ኮን ኛዊ ቮይ። ና ዬሱሲ ኣለሰ ቢቲሮሲ ና ሰሰ ኬ ያግ ዋራ ውረው ኣኜ ኹሊ ከተኸን ኺሪ ኧናኚ ዳዳ ኃኮገሰኖ ና ሉሳ ገኘ ኾኝ ኧናኘው።ና ኖኅ ዬሱሲ ያገሰ ኺራ ጊና ኛዊ ና ኖኅ ሉኩራ ገኘ ኄዾ።(ዋርካቲያ ሳና ቻልላ፡ማቴ፡26፡14-56 ኮ ማር 14፡10—50 ኮ ሉካ 22፡1—53 ኮ ዮሐ 12፡6—18፡1—11)

ና ኖኅ ቢቲሮሲ ሰያ ኬ ኣኜ ቮሪቲ ረሰ ዬሱሴዬ ኹሊ ካራ ኃኪማጌው ኻኅ። ና ኮገዬ ሉኩራ ገኘ ሴዻ ኃኃ ቾዋነኅ።

ና ዙዋ ካኺና ቢቢዮ ዮግ ኢዻነ ዙዋ ኣይዻይ ቢቢዮ።ና ኖኅ ይኹድ ኢዋ ቢሮ ኺርኮን ኮ ቶሞን። ና ኖኅ ቫዕ ኣንቻ ጃላዋ ቱሞኝ ቫዕ ቤ ዮጎ ዬሱሴይ ዮገሰና ይኹዻ ዮግ ሺግቲየይ ኃቢሮይኑ ሶኅ ኦኩ ላሚው ጎሪ ሴ ካማግተ ዬሱሲ ና ኖኅ ጆዋ ጎሪ ኮይ ና ኢሳነነ ኮ ዬሱሲ ና ካማገ።

ና ውረው ዬሱሲ ኮ ሉኩራ ገኘ ኣዎ ቮይ ኬ ጌቴሲማኒ ና ኖኅ ዬሱሲ ዮገሰ ሉኩራ ገኘ ና ኮሎ ቱሙ ማይ ኪሎብ ሎኮ። ና ኖኅ ዬሱሲ ኦኩ ና ኦሉ ቱሙ ቪዕ ዾነነን።

ና ቾዋነኅ ዬሱሲ ኢዋ ኢገያ ካማታ ና ኦለሰ ቱሙ ና ሰያ ኬ ኢሪየ ኃይገያ ኣኛዋ ጋኙ ኩቱመሰኒ ቢ ና ኦኆነያ ገረሲኞጋ ና ኧገቻኛኞ።

ና ዬሱሲ ኦሉ ቱሙ ከኂ ሲዝዚ ና ሰያ ኬ ዳዳዬ ኹሊ ኦዋኔ ማይ ዾታኝ ሾላይ ና ገረሲና ዙዎኝ ኹሊ ጎሪ ኮዋነይ ኮና ኒኀዬ ኃሎግቱኑ ኬቴ ሎጋ ጉኙ ና ይርሱሲ ለለው ኃኅ ና ኦሉ ቱሙ ና ዼሪያ ዼሬ ተብተብ ኬ ኛዋ።

ዬሱሲ ኦሉ ቱሙ ና ኢገ ቫ ሉኩራ ገኘ ና ኮዬ ታዋ ዮግ ቱኂየ ና ሰሰ ኬ ኡኆሶ ከኦኅ? ቴሊ ቱኖ ኺራ ኣጃኚ ዙዎ ኣና።

ና ይኹጳ ኮ ኾሊሶዋ ኣይኹዻ ቢቢዮ ኮ ዙግቲ ቡ መሪ ሎናነ ዋራቺን ኮ ዶኀን ና ይኹዻ ኦኩ ና ኣሳ ዬሱሲ ና ኤሊው ና ሰሰ ኬ ቻሊን ኣይኬቴ ቫ ኑኑ ና ቾቦሱ። ና ኃቫ ኮቾቦሰ ዬሱሲ ኃ ቤ ኣ ሚሺሮይቲ ዙዋ ኣይኹዻይ። ና ኖኅ ዬሱሲ ሰሰ ይኹዻ ኬ ኢኜ ዾሎኝ ዙዎ ቾቦሶ።

ኃ ቮሪቱኑ ኣ ቮሪያ ባሲጋ ዙዋ ኣይኹዳይ ቤ ኦይኛ መራ ሳቦ ቤ ኃኹሉኑ ኧና ቱሙይ ጋይማሞይ። ና ኦይኛ ሲዝዚ ዉረው ዮግ ላሚ ቮይ ሴ ኩሲ ባሲጋ ዩሪሳሌሞ።ና ኖኅ ዮገሰ ሉኩራ ገኘ ሎጋ ኮንቻ።

__

ዬሱሲ ካይተ ቺቢን፡፡

ኃኒዬ ዙዋ ካኺናይ ቢቢዮ ጊኒ ዬሱሲ ና ሴዸሰ ኬ ኢኜ ኣኒ ኤርሚቲ ዋ ቱሞኝ ኔ ረዕ?

ና ዙዋ ኣይኹዻይ ቢቢዮ ኣይተ ዬሱሲ ኬሶ ና ጊነየ።ና ኾዻይ ዙግቲ ኮ ቢቶጋ ና ጊነየ። ና ዮግ ከኆ ኃኒ ኃሺጊነው ቾዋነኅ።ኃኒ ዙዋ ኣይኹዻ ቢቢው ሎጊኛ ኣና ሜሶ ዬሱሲ ገረኅ ዮኅ ኃኒ ኃጋዮ።

ና ኃኹሉኑ ቬልሌ ዙዋ ካኺናይ ማጋ ዬሱሲ ና ኣይተ ቫ ዙዋ ካኺናይ ቢቢዮ። ና ኖኅ ቢቲሮሲ ኮቡ ዮግ ቩዮቩዮ ና ኹሊ ቮንሰ ኦሮኃ ቢቲሮሲ ኦኩ ሺለሰ ዮግ ጃ ቮይ ጎኝ ኃኦሪኑ።