Xatanaxa iaꞌagi Iexoa toapo maꞌeagawa

Xenerowete Pytoa weraha Iexoa awatywyꞌyime, 40 koꞌema, 40 ypytona re we Iexoa nokaroihi aka. Xowe Xatanaxa aha ipyri, tamomirahy ne, toapo maꞌeagawa, oxa pane.

Xataxana iaꞌagi, imomeꞌoi Iexoa pe: "Xenerowete raꞌyra pa ene, eapo wixe ita paoramo tereꞌo. Iꞌi ixope.

Iexoa iatywari: "Xenerowete xeꞌega pope imomeꞌoi 'Awaa nakaihi temiꞌoa re xoweyꞌym, xoporemo Xenerowete xeꞌega remimomeꞌoa re we!'"

Xowe Xeroxarem retomime herahai Iexoa, imoꞌoma Xenerowete raga iapyropaipe, eipo iꞌi Iexoa pe: "Amonamo ene Xenerowete Raꞌyra amo, exan exemamata ywy pe. Xenerowete xeꞌega imopinimyra imomeꞌoi: 'Xenerowete omana pota neope ywagimewara, Nepyhygtari tereꞌareme.'"Iꞌi Xatanaxa Iexoa pe

Iexoa iatywari Xatanaxa, amote Xenerowete xeꞌega popewara po. Eipo iꞌi: "Xenerowete xeꞌega popewara we imopinimi 'Eaꞌageme Xenerowete, Nexara'." — Iꞌi Iexoa ixope.

Hehewe Xatanaxa hexagokata xoporemo amotemote ywya, hexagokata ywya arotawa, opoahywa we hexagokari Iexoa pe. "Amana pota xoporemo maꞌexiroa neope, ene ekopytao neroiramo wemomoxyramo". Iꞌi Iexoa pe.

Xowe Iexoa iatywari: "Ekwa xeohi, Xatanai! Xenerowete xeꞌega imopinimyra imomeꞌoi "Ekopytao eꞌyi Xenerowete Exarete rekwapyteripe xowe, emomoxy Aꞌe xowe." Iꞌi Iexoa

Iexoa nomoaroihi Xatanaxa xeꞌega. Xowe Xatanaxa aha ixohi, xowe ota ywagimewaretoa herekakatoeteo, imogaro we.

Xenerowete xeꞌega popewara: Mateo 4:1-11, Mako 1:12-13, Roke 4:1-13