Iexoa iatai aha ꞌya arimo

Iexoa imanai wemimoꞌe tokeke yꞌara pope, taha ꞌyowai henone, hekai imanapawypyo goa, taha oawyripe, oxa. Xowe iapawamo, aha oxepewei oxeopita ywytyra re, oporogetao Xenerowete pe ꞌo ypytonamo.

Einonamo hemimoꞌe, taraha ne ꞌyowai, oxa pane. Ypyaxexete, ꞌya pyteripe xowe hekai, kwarywytoa ityreꞌia re hatoeteramo ixope, ipyworahyrahyo pane.

Xowe oporogetapapa Xenerowete pe, Iexoa aha hepexona wemimoꞌe yꞌara. Oatao aha ꞌya arimo!

Xowe hemimoꞌe Iexoa rexaka, okyyxeteo ixohi. Owera pa, oxateo. Iexoa ikwahawi ikyyxetawa aꞌeramo imomeꞌo ixope: "Pekyyxeeme, Xene ixe!" Iꞌi ixope.

Xowe Pero imomeꞌo ixope: "Wemoꞌenan, aipa ene, xemana ipe wixe exepyri, ꞌya arimo taata ne weha." Iexoa iatywari: "Erexapa, Pero!" Iꞌi.

Xowe Pero ohema yꞌara hi, aha oatao ꞌya arimo hepexona Iexoa, xowe omaꞌeteo Iexoa hi, omaꞌeo ꞌya apipemohoa re, kwarywytohoa re we.

Okyyxeo, iypyroka oxepomio, wahewahemamo: "Wemoꞌenan, xepotywo ipe!" Iexoa kowei opoweꞌeka, ipyhyka ipa. Xowe imomeꞌo Iexoa ixope: "Akomaꞌe pipiete oxemoagypyhyg waꞌe! Maꞌeramo pa naxemoakygytaihi ipe? Iꞌi.

Xowe Pero, Iexoa re oxowerokeo yꞌara pope, kowei kwarywytoa ywypapawa tyreꞌia we ixemomigi. Eomia rexaka, hemimoꞌe imamari weꞌa. Okopytao opa imomoxyo Iexoa imomeꞌo: "Axeete, ene Wexan, Xenerowete raꞌyra!" Iꞌi ixope.

Xenerowete Xeꞌega popewara: Mateo 14:22-33, Mako 6:45-52, Iohane 6:16-21