6.Nyasaye ahanila Isaka

Isaka yasaalila Rabeka , na Nyasaye navujililia averekhe makhwana. Vana vavili yavo vakwanakana nivashili munda mwa Rabeka, khu Rabeka yareva Nyasaye shina shikholekhanga.

Lwa Abrahamu yali niyasaakhule munonono, mwana wewe, Isaka, yali yakhava mundu mutukhu. Khu Aburahamu yaruma mulala khu varumikhi veve inyuma mushivala shia vikho veve vaamenya alerele mwana wewe Isaka, mukhali.

Rabeka yavujilila khulekha vandu veve nivakalukha nende murumishi ingo wanga Isaka. Isaka yambahilitsa lwene lwayatukha yatukha.

Nyasaye yavolela Rabeka,''Tsimbia tsivili tsilarula khu vana vavili vali muive. Valayingana khutukha lwa mwikhula mukhulundu alakhave murumishi wu mushe.''

Niyakhachenda luchendo lurambi khutukha wa vikho va Aburahamu vaamenya, Nyasaye yimilila murumishi khutukha khu Rabeka. Yali mwitsukhulu wa amwavo Aburahamu.

Luhono nulwakhavira lurambi, Aburahamu yakhutsa na kosi ka Nyasaye yali niyamulaaga mu Lilakano, karikala khu Isaka.Nyasaye yali niyalaaga Abrahamu alikhave nende lwivulu lukhavalizwa, nikhali mukhali wa Isaka, Rabeka yali mukumba.

Vana va Rabeka lwa vivulwa, muyayi mukhulundu yali ni likondo limuchililu na maswa khu mmbili, vamulanga lira Esau. Khandi muyayi mushe yarula ilwanyi nachimile indekeye ya Esau, na vamukulikha lira Yakobo.

Livala livanjeli khurula: Liraanga 24:1-25:26