10.Matiinyu likhomi

Khu Nyasaye yaruma tsindaha mu shivala shia Misili. Naruma khandi vijinji vitambitsi Vamisili. Faraho yalanga Musa nende Aaron na vavolela, nivawakhasinjilitse matuyo keneyako Vaisilaheli vakharuli mu Misili. Lwa Musa yasala Nyasaye yarulitsa vijinji viosi mu Misili. Nikhali Faraho yatinyinya mwoyo na shiyalakhula Vaisilaheli vatsi tawe.

Musa nende Haruni vazia khu Faraho. Vavola, ''Yaka nako ka Nyasaye wa Vaisilaheli avola, 'Lekha vandu vanje vatsi!''' Faraho shiyava hulila tawe. Havukono hukhuvalakhula, yavaminilizila khu lihinzila litinyu!

Nyasaye yakalukhanyinya matsi ku muchela kwa Naili nikava musayi, nikhali Faraho shiyalakhula Vaisilaheli tawe.

Lilondakhu, yalomba tsinyama tsiavaywa nende Vamisili tsilwale nukhukhutsa.Nikhali mwoyo kwa Faraho kwali mutinyi shiyakhalakhuli Vamisili vatsia tawe.

Faraho yatsililila khwambakhana khulakhula vandu, khu Nyasaye yarumila Vamisili minyakhano makhavi likhomi Khuvirila mu minyakhano yichi Nyasaye yamanyinya ali ni tsingulu khuvira Faraho nende nyasaye va vamisili.

Nyasaye yaruma tsing'alo mu misili mwosi. Faraho yahomba Musa arulitsi tsing'alo. Nikhali tsing'alo nitsiakhakhutsa, Faraho yatinya mwoyo navula khulakhula Vaislaheli varuli Misili.

Khu Nyasaye yavolela musa asiuvi likoshe imbeli wa Faraho .Niyakhakhola ario mavombo kali shia khu mundu mu Misili

Livala livanjeli khurula: Khurula 5-10