40. Kros A Isu Hemde

Chun Isu a khêk suok a, “Zo an tah! Pa, ka thlarau I kutah kan kawl tir,” a ta. Chun a lu a kûna, a thlarau an thla ta a. A thi lai chun simkhawlei nasa takin an hnînga, Tempul puonzâr khawm chungtienga inthokin a mong tlung rakin a lo inthlêr suok a.

A thina lei chun mihai ta dingin Pathien kuom an hung theina dingin Isun lampui a hong ta a. Isu hmaa ngîr sipai khan thil tlunghai a hmu chun, “Hi mi hin thil iengkhawm a suksuol nawh. Pathien Naupa a ni tak zet el,” a ta.

Sûn changlai tak a ni a, khawvêl ram popo chu a hung inthim ta vong a. Sûn changlaia inthokin chawhnung dar 3:00 chenin khawvel an thim a.

Sipaihai chun, “Luru hmun” an ti a chun Isu chu an thruoia, a kuthai le a kehai chu krosah an hemde a. Nisienlakhom Isu’n, “Pa, anni hi ngaidam rawh, an thilthaw hi an hriet naw a nih,” a ti a. “Judahai Lal” ti a lekha Isu lu chunga tar dingin Pilat chun thu a pêk bok a.

Isu chu suomhmang pahni inkârah an hemde a. Suomhmang pakhat pa khan Isu a vau a, nisienlakhom a ruolpa khan, “Pathien i tri naw manih? Eini chu misuol ei ni a, ama hin chu iengkhom a suksuol nawh. Isu, i lalram i tlung pha mi hre zing rawh aw?” a ta. Isu’n a kuomah, “Voisûn hin ka kuomah Paradisah um vêng i tih,” a ta.

Chun Nikodem le Josef, Judahai thruoituhai laia mi pahni Isu chu Messia a ni ti ringtuhai chun Isu ruong chu Pilat kuomah an hni a. Isu ruong chu puonin an tuom a, thlân lungkerkuok sûnga chun an phûm a. Thlân kotkhâr chu lung lientakin an sin a.

Sipaihai chun, ai sânin Isu silfênhai chu an insem. Chu thil an thaw chun, “Ka silfênhai an insem a, ka zakuoa dingin ai an sân a,” tia zawlnei hril lawk kha an tlungkim tir a nih.

Juda thruoituhai le mipuihai chun nuizat siemnain Isu chu an hmanga,”Pathien Naupa I ni chun krosa inthok hung trum la, nang le nang in sandam rawh! Chun nang ring kan ti che,” an ti a.

Nuizat siemnaa Isu an hmang zo chun, kros-a hemde dingin sipaihaiin an thruoi a. Ama hemdena ding kros an input tir a.

Matthai 27:27-61; Marka 15:16-47; Luka 23:26-56; Johan 19:17-42 sunga inthawka Bible chanchin laksuok.