41. Mithi Laia Inthokin Pathienin Isu A Keitho

Chuongchun tri le lawmtak pumin nuhmeihai chu an um a. Chu chanchin lawmum chu hril dingin inchûktirhai kuom tieng chun an tlân ta a.

An fe laiin lampuia chun Isu chu an kuomah a hung inlâr a, ama chu chibai an buk a. Isun an kuomah, “Tri naw ro. Fe unla, Galili rama fe dingin ka thruoihruoihai va hril ro, chu taka chun mi hmung an tih,” a ta.

Chun vantirko chun nuhmeihai chu a hril a, “Isu chu mithi laia inthok a tho nawk ta a, in hmaah Galili ram tieng a fe ta ti thu inchûktirhai kuomah hril ro,” a ta.

Pilatin an kuomah, “Thlân chu a himthei tawpa him dingin in theitawp suo ro,” a ta. Chuongchun thlân chu lungin an sinphui tlat a. Isu ruong chu mi tukhoma an inrûk hmang nawna dingin sipaihai an invêngtir a.

Simkhawlei nasatakin an hning a. Kawlinlep angela varin, vâna inthokin vantirko a hung inlara. Thlân kotkhâra sînna lung chu a hung inhlum hmanga, a chungah a thrung a. Thlân vêngtu sipaihai chu an tri ta a, mithi ang elin hnuoiah an tlu a.

Isu, thlâna an vui zo, a tûk chu, chawlna ni, Sabbath a nih. Chawlni zo, chawlkar khata ni hmasatak ding a chun, nuhmei threnkhat chu Isu ruong chunga riminhnik nâl dingin thlân a chun an fe a.

Vântirko chun nuhmeihai kuomah, “Tri naw ro. Hi taka hin Isu a um nawh. Mithi laia inthokin a tho nawk ding ti a hril ang ngei khan a tho nawk tah! Thlân sûng hi bi inla, en ro,” a ta. Nuhmeihai chun thlân sûng chu an bi a, Isu zâlna hmun chu an en a. A taksa chu hi taka hin a um ta nawh!

Kros a Isu an hemde zo hnung chun ringnawmi, Juda thruoituhai khan Pilat kuomah, “Kha mikhêlhlip, Isu khan, “ni thum hnungin mithi laia inthok ka thonawk ding a nih. A thruoihruoihaiin a ruong an inrûka, mithilaia inthokin a thonawk tah an ti nawna dingin thlân chu vêng tlat ding a nih,” an ti a.

Matthai 27:62-28:15; Marka 16:1-11; Luka 24:1-12; Johan 20:1-18 sunga inthawka Bible chanchin laksuok.