13. E Devleso savez e Izraelcurenca

Kana nakada o Dol e Izraelcuren taro Lolo more, inđardalen maškari divljina đi kio brego savo akhardol Sinaj. Gova brego sasa isto kaj o Mojsije dikhlja o phabardo žbuno. O narodo čuta pe šatora talo brego.

O Dol vačarda e Mojsijase thaj e Izraelsko narodose: „Ako ka šunenma thaj ičaren mo savez, ka aven mingro dragoceno posed, kraljevstvo sveštenićko, thaj sveto narodo.“

Trin đive pale gova, kana o narodo duxovno pripremisajlo, O Dol ulilo taro vrho taro brego o Sinaj grmljavinasa, munjenca, čurosa thaj glasno zvuko tare trube. Samo e Mojsijase sasa dozvolimo te uštol ko brego.

Tegani o Dol dijalen savez i vačarda lenđe: „Me sem o Jahve, o Dol tumaro, savo ikaldatumem taro Egipatsko ropstvo. Ma te avoltumen avera devela.“

„Ma čeren idolen niti te kljanji tut lenđe, jer me, o Jahve, sem ljubomorno Dol. Ma len mo alav ko uvredljivo način. Dičen te avol tumenđe e savatoso đive nek avel sveto. Aver lafonencar, čeren sa tumari buči ane šov đive, o eftato điven si đive zako tumaro odmor thaj te setintumen pe mande.“

"Poštui če dade thaj če da. Ma mudar. Ma čer preljuba. Ma čor. Ma hohav. Ma poželi te avol tut averese romnja, čher ili bilo so so si taro čiro pašutno.“

Tegani o Dol skramosada kala Deš zapovesturake duk plače taro bar thaj dijalen e Mojsijase. O Dol dija vađi but avera zakonura thaj pravilura save trubun te sledin. Ako e manuša si poslušna ka šunen kala zakonura, o Dol obećisada kaj ka bahtarol len thaj ka štitilen. Ako len ni šunen thaj naj poslušna, o Dol ka kaznilen.

O Dol e Izraelcurenđe dija i detaljno sar te čeren o šatori savo manglja von te čeren. Dijape vika Šatori taro Sastanko, sasale duj sobe, savo delisada bari fironga. Samo o barosvešteniko smisada te te đal andre ani soba pali fironga, golese kaj odori živisada o Dol.

Ko bi phađola e Devleso zakon, šaine te ane životinjen po žrtveniko anglo Šatori taro Sastanko sar žrtva e Devlese. O svešteniko bi čhinola e životinja i bi phabarola la po žrtveniko. O rat e životinjako bi učharola e bezeha gole osobače i bi čerola gola osoba čisto ane Devlese jakha. O Dol odabirisada e Mojsijase prale e Arone, thaj e Aronovese potomkuren te aven lese sveštenikura.

O narodo pristanisada te aven poslušna e zakonurenđe save o Dol dijalen, te poštuin jekhe Devle thaj te aven leso posebno narodo. Al pal gova so obećisade e Devlese kaj ka aven poslušna, but sagrešisade.

O Mojsije sasa but đive ko vrho taro brego o Sinaj taj vačarola e Devlesa. E narodose dosadisajlo te ađuren te irilpe. Ande e Aronese sumnakaj i rodije lestar te čerol lenđe idole!

O Aron čerda tao sumnakaj idole ande e guruveso oblik. E manuša lije sar dile te klanjinpe e idolese thaj andelese žrtve! O Dol sasa but holjamo pe lende golese kaj grešisade planirisada sa te mudarolen. A o Mojsije molisada lenđe, i o Dol šunda lesi molitva i ni uništisada len.

Kana o Mojsije ulilo taro brego thaj dikhlja e idole, sasa gija holjamo kaj phaglja e ploče taro bar pe save o Dol skramosarda e Deš Zapovestura.

Tegani o Mojsije phaglja e idole, čerdale ano praho, čuta o praho ane zala paj i čuta e narodo te pijen gova paj. O Dol bičalda bilačhipe pe manuša i but lendar mule.

O Mojsije čerda neve ploče taro bar zako Deš Zapovestura save ka zamenin kola so vov phaglja. Opet đelo ko brego thaj molisada e Devle te oprostil e narodose. O Dol šunda e Mojsija thaj oprostisada lenđe. O Mojsije irisajlo taro brego e Deše Zapovesturencar ke neve ploče taro bar. O Dol inđarda e Izraelcuren taro brego Sinaj premali Obećimi phuv.

Biblisko paramič andaro: 2 lil e Mojsijaso 19-34