رساله يعقوب

Chapter 1

فصل اول

¹ يعقوب كه خدمتگزار خدا وعيسي مسيح خداوند هسه به مسيحيون يهودي نژاد كه در تمومِ دنيا پراكنده هسنه‌،‌‌ سلوم و درود گمه‌. ² اي برارون عزيز " وقتي مشگلات و ازمايش هاي سخت از هر سو شمه و‌‌ر هجوم ايارنه‌،‌‌ خله خوشحال بوشين‌. ³ چون ازمايش ها و سختي هاي دله هسه كه شمه صبر و تحمل‌،‌‌ ويشتر بونه‌. ⁴ ‌پس اجازه هادين شمه صبر‌،‌‌ زياد بووشه و نخواهين از زير بار مشگلات‌،‌‌ د‌‌ر. بورين‌،‌‌ چون وقتي شمه صبر به حدِ كمال برسه ؛ اونوقت شما بالغ و كامل بونني‌،‌‌ و به هيچ چي‌،‌‌ احتياج ندارنني‌. ⁵ ‌اما اگه شمه ميون كسي طالب حكمت و فهم بوشه تا خواست و اراده خدا ره درك هاكنه‌،‌‌ ونه دعا بكنه و خداي جا بخواهه‌،‌‌ چونكه خدا عقل و حكمت ره به هر كس كه ونه جا بخواهه‌،‌‌ سخاوت مندانه عطا كنه‌،‌‌ بي اونكه وره سرزنش هاكنه . ⁶ اما وقتي ونه جا درخواست كنني‌،‌‌ شك‌،‌‌ نكنين‌،‌‌ بلكه يقين دارين كه خدا شمه دعاهاره جواب دنه‌، چون كسي كه ش‌‌ك كنه‌،‌‌ مثل اتا موج دريا ره مونه كه وقتي.‌،‌‌وا. زنه‌،‌‌ اين ور و اون ور‌،‌‌ شونه . ⁷ ‌اين جوري ادِم هيچوقت نتونه تصميم جدي بي ره‌. ⁸ ‌پس اگه با ايمون دعا نكنين‌،‌‌ خداي جا هم انتظار جواب نِنِه دارين‌.

فقيري و اربابي

⁹ مسيحيوني كه از مال دنيا بي بهره هسنه‌،‌‌ ن‌‌وِنِه شه خودره حقير بِدونن‌،‌‌ بلكه ونه شاد بوشن چونكه در نظر خدا‌،‌‌ بزرگ و سر بلند هسنه‌. ¹⁰ مسيحيون ثروتمند هم ن‌‌وِنِه شه خودره خله گ‌‌تِه بدونن‌،‌‌ بلكه ونه شاد بوشن‌،‌‌ كه ثروت اين دنيا وشون گنجِ واقعي نيه‌،‌‌ چونكه ثروت اين دنيا مثل اتا گل هسه كه بعد از مدتي كه زير افتاب سوزان دووشه‌،‌‌ شه قشنگي ره از دس دنه و پژمرده بونه‌. ¹¹ اره اتا مردي پولدار هم همينجوري هسه‌،‌‌ اتاكمي ديگه وِه هم ميرنه و هرچي انجام هادا‌،‌‌ همه بي ثمر‌،‌‌ مونه‌.

وسوسه از جانب خدا نِنِه

¹² خوش بحال كسي كه ازمايش هاي سخت زندگي ره تحمل كنه‌،‌‌ چون وقتي از اينها سربلند بيرون انه‌،‌‌ خدا وند اون تاج حيات ره به وه عطا كنه‌،‌‌ تاجي كه به تموم دوستارون خودش وعده هداعه‌. ¹³ ‌وقتي كسي وسوسه بونه و گناهِ ‌‌ور‌،‌‌ ب‌‌كشي بونه‌،‌‌ فكر نكنه كه خدا وره وسوسه كنه‌،‌‌ چونكه خدا از بدي و گناه بدور هسه و هيچكي ره هم وسوسه و تشويق نكنه‌. ¹⁴ ‌وسوسه يعني اينكه ادم‌،‌‌ فريفته و مجذوب افكار و اميال ناپاك خودش ب‌‌ووشه‌.‌‌ ¹⁵ ‌اين فكرها و اميال ناپاك‌،‌‌ وره به انجام كارهاي گناه الود‌،‌‌ ك‌‌شِنِه‌،‌‌ و اخر اين كارها هم بمِردن هسه كه همون مجازات الاهي هسه‌. ¹⁶ پس اي برارون عزيز در اين مورد اشتباه نكنين‌. ¹⁷ از جانب خدا فقط چيزهاي نيكو و كامل اما ره‌،‌‌ر‌‌سِنِه‌،‌‌ چون ٍوه افريننده همه روشناهي ها هسه‌،‌‌ و خدايي هسه كه تغير ناپذير هسه‌. ¹⁸ وِه اينتي اراده هاكرده كه ؛ اماره بوسيله پيغوم انجيل‌،‌‌ زندگيِ تازه ببخشه‌،‌‌ تا اما اولين و‌‌چونِ خانواده الاهيِ وِه بوشيم‌.

عمل كردن به كلام خدا

¹⁹ اي برارون عزيز‌،‌‌ اين نكته ره توجه هاكنين‌،‌‌ ويشتر گوش هاكنين و كمتر حرف ب‌‌زنين و زود هم خشمگين ن‌‌ووشين‌. ²⁰ ‌چونكه خشم اجازه ندِنه‌،‌‌ اونجوري كه خدا خوانه خوب و درستكار بوشيم‌. ²¹ اينسه هر جور ناپاكي و عادت زشتي كه هلا دارنني ره شه جا دور هاكنين‌،‌‌ و با فروتني اون كلامي كه شمه دِلِ دله دكاشت بيه ره قبول هاكنين ‌،‌‌ چونكه اينتا كلام قدرت دارنه شمه جانهاره نجات‌،‌‌ ببخشه‌. ²² ‌اما ياد نكنين كه اين كلام ره نا فقط ونه بشنويين بلكه ونه وره عمل هاكنين‌،‌‌ پس شه خودره گول نزنين‌. ²³ ‌چون كسي كه كلام خدا ره فقط اشنونه‌،‌‌ مثل اتا نفر هسه كه شه صورت ره اينه دله وينه‌. ‌‌ ²⁴ ‌اما به محض اينكه اينه جلوي جا ر‌‌د بونه‌،‌‌ شه صورت ره ياد كنه. ‌‌ ²⁵ ‌اما كسي كه كلام خدا ره كه قانون كامل ازادي بشر هسه ره توجه دارِه‌،‌‌ نا تنها وره هميشه ياد دارنه بلكه‌،‌‌ دستورات وره هم عمل كنه. خدا هم ونه عمل ره بركت دنه‌. ‌‌ ²⁶ ‌هركي شه خودره مسيحي دونه و نتونه شه زبون تند ِره مسلط بوشه‌،‌‌ شه خودره گول زنه و ونه مذهب اتا يك قروني ارزشي ندارنه‌. ²⁷ ‌از نظر خداي پدر‌،‌‌ مسيحي پاك و بي عيب كسي هسه كه به يتيمون و بيوه زنون كمك هاكنه و نسبت به خداوند وفادار ب‌‌مونه و شه خودره از الودگي دنيا نگهداري هاكنه‌.

Chapter 2

رساله يعقوب‌،‌‌ فصل دوم

دوري از تبعيض

¹ ‌اي برارون عزيز‌،‌‌ چتي بتونني ادعا هاكنين كه مال عيسي مسيح‌،‌‌ خداوند پر جلال هسني ؟ در حالي كه از پولدارا طرفداري كنني و فقيرون ره پست دونني ؟ ² ‌فرض هاكنين اتا نفر شمه كليسا بيه و لباس هاي گرون قيمت و انگوشترهاي طلايي ونه د‌‌س د‌‌ره و همون موقع اتا فقيرمردي با لباس هاي كثيف هم وارد بووشه‌. ³ ‌و شما اونتا پولدارره ويشتر احترام هاكنين و بهترين جا ره‌،‌‌ وره تعارف هاكنين و اما اونتا فقيره مردي ره باوين‌،‌‌ بور اونجه هِرِس يا اگه خواني‌،‌‌ بِنِه رو‌،‌‌ هنيش‌. ⁴ ايا وه نشون ندنه شما ارزش ادما ره از روي وشونه دارو نداري دونني ؟ بنابر اين شمه انگيزه ها‌، نا دِرِس هسه‌. ⁵ ‌اي برارون عزيز مره گوش هادين‌،‌‌ خدا مردم فقير ره انتخاب هاكرده تا در ايمان ثروتمند بوشن‌،‌‌ و از بركات ملكوت خدا بهره مند ب‌‌ووشن‌،‌‌ ملكوتي كه خدا شه دوستاران ره وعده هادا. ‌‌ ⁶ ‌با اينحال شما فقيرون ره حقير اشمارنني‌،‌‌ مگِه ياد بكردني كه همين پولدارها هسنه كه شمه حق ره پامال كننه و بعدا شما ره به دادگاه هم ورننه ؟ ⁷ ‌معمولا همين ادما هسنه كه عيسي مسيح ره مسخره كننه‌،‌‌ يعني همون كسي كه اسم شريف وه‌،‌‌ شمه رو دره‌. ⁸ ‌چنه خار بيه اگه هميشه اين حكم خداوند اما ره اطاعت هاكنين كه فرمايش كنه ؛ شه همسايه ره دوس دار به همون اندازه اي كه شه خود ره دوس دارني. ‌‌ ⁹ ‌اما وقتي كه از پولدارا طرفداري كنني‌،‌‌ اين حكم خداوند ره زير پا اِلِني‌،‌‌ و اينجوري گناه كنني. ‌‌ ¹⁰ كسي كه تموم احكام خدا ره مو به مو اجرا كنه ولي در يك امر كچيك اشتباه هاكنه‌،‌‌ به اندازه اتا نفر تقصير دارنه كه‌،‌‌ تمومِ احكام خدا ره زير پا بشته‌. ¹¹ ‌چون همون خدايي كه باته زِناه نكنين‌،‌‌ وره هم باته كه قتل نكنين‌،‌‌ پس اگه زِناه نكني‌،‌‌ ولي مرتكب قتل ب‌‌ووشي‌،‌‌ بهر حال از حكم خدا سرپيچي هاكردي و در برابر خدا مقصر هسي. ¹² ‌اتا روز خدا شما ره داوري كنه‌،‌‌ تا معلوم بووشه كه ايا به خواست مسيح عمل هاكردني يا نا، پس شه اعمال و افكار ره مواظب بوشين‌. ‌‌ ¹³ ‌چون بركسي كه در اين دنيا رحم نداشته‌،‌‌ رحم هم نبونه‌،‌‌ اما اگه نسبت به مردم رحيم بوشين‌،‌‌ اونوقت رحمت الاهي بر داوري وه غلبه كنه‌.

رابطه بين ايمان و عمل

¹⁴ ‌اي برارون عزيز‌،‌‌ چي فايده دارنه كه باويم‌،‌‌ من ايمان دارمه و مسيحي هسمه ؟ اما اين ايمان ره بوسيله كمك و خدمت به ديگرون نشون ندين ؟ ايا اين جوري ايمان ب‌‌تونه باعث رستگاري ب‌‌ووشه ؟ ¹⁵ ‌اگه شمه ر‌‌فِق محتاج لباس و غذا بوشه‌. ‌‌ ¹⁶ ‌و وره باوين كه ؛ بور بسلامت‌،‌‌ خار خار ب‌‌خِر و شه خودره گرم دار‌،‌‌ اما وره خوراكي و پوشاكي ن‌‌دين‌،‌‌ چي فايده دارنه ؟ ¹⁷ ‌پس وينني‌،‌‌ ايماني كه منجر به اعمال خير نبوشه‌،‌‌ و با كارهاي نيك همراه نبوشه‌،‌‌ اصلا ايمان نيه‌،‌‌ بلكه اتا ادعاي تو خالي هسه. ¹⁸ ‌اين ايراد بجا هسه كه اگه كسي باوه‌،‌‌ شما گنني كه راه برسيِن به خدا‌،‌‌ فقط ايمان هسو و‌‌س‌،‌‌ اما من گمه ؛ كه اعمال نيك هم مهم هسه‌،‌‌ چونكه شما بدون اعمال نيك نتونني ثابت هاكنين كه ايمان دارنني‌،‌‌ اما همه بتوننه از روي اعمال خوب من بفهمن كه من ايمان دارمه‌. ‌‌ ¹⁹ ‌ممكنه اتا نفر افتخارهاكنه و باوِه‌،‌‌ من ايمان دارمه كه خدا اتا هسه‌،‌‌ اينجور ادم وِنه ياد داره كه ديو ها هم به اين ايمان دارننه‌،‌‌ چنين ايماني كه از ترسِ خدا‌،‌‌ ‌‌لرزننه‌. ²⁰ ‌اي نادون‌،‌‌ مگه نخواني بفهمي كه ايمان بدون انجام اراده خدا بي فايده و بي ثمر هسه ؟ اره ايماني كه اعمال خير ببار نياره‌،‌‌ ايمان واقعي نيه‌. ²¹ ‌مگه ياد ندارنني امه ج‌‌د. ابراهيم هم بخاطر اعمال خودش ذر نظر خدا مقام پيدا هاكرده ؟ چونكه وِه راضي بيه شه ريكا‌،‌‌ اسحاق ره خداي وسه قربوني هاكنه‌‌‌؟ ²² ‌پس وينني كه ونه ايمان به خدا‌،‌‌ باعث بيه كه وِه‌،‌‌ كاملا مطيع خدا ب‌‌ووشه‌،‌‌ درواقع ونه ايمان ‌،‌‌ با ونه رفتار كامل بيه‌. ²³ ‌اينسه نتيجه هموني بيه كه كتاب اسموني تورات بفرما ؛ ابراهيم خدايِ جا ايمان بيارده و مقبول خدا بيه‌،‌‌ حتي خدا وره ( دوست خودم ) باته‌. ²⁴ ‌پس ويمي كه انسان غير از ايمان‌،‌‌ بوسيله اعمال خودش هم رستگار بونه‌. ²⁵ ‌اتا نمونه ديگه براي اين موضوع راحاب فاحشه هسه‌،‌‌ كه در اثر اعمال خودش رستگار بيه چون ماموراي قوم خدا ره پناه هادا‌،‌‌ بعد از راهِ ديگه به سلامتي راهي هاكرده‌. ²⁶ خلاصه همونجوري كه امه بده بدون روح بمِرده هسه، ايماني هم كه اعمال نيكو ببار نياره، مِرده هسه

Chapter 3

نامه يعقوب فصل سوم

¹ برارون عزيز‌،‌‌ سعي نكنين اشتباهات ديگرون ره‌،‌‌ فوري وشونه تذكر هادين‌،‌‌ چون كه همه اما مرتكب اشتباه بومي‌،‌‌ و اما معليمين ديني كه كلام خدا ره دومي‌،‌‌ اگه اشتباه هاكنيم سخت تر از ديگرون مجازات بومي‌. ² اگه كسي بتونه شه زبون ره مسلط بووشه‌،‌‌ بتونه در هر كاري شه خودره كنترل هاكنه‌. ³ اتا گته اسب ره با اتا دهنه كچيك مطيع كمي و وره هرجا خوامي ورمي‌. ⁴ نا خدا اتا كچيك سكانِ جا‌،‌‌ كشتي ره‌،‌‌ ه‌‌ر و‌‌ر كه خوانه هدايت كنه‌،‌‌ حتي اگه هوا طوفاني بوشه‌. ⁵ زبون‌،‌‌ بدنِ دله‌،‌‌ اتا عضوِ كچيك هسه‌،‌‌ ولي چه خسارت هاي سنگيني بتونه بزنه‌،‌‌ اتا جنگل وسيع ره بتونه با اتا جرقه كچيك‌،‌‌ ت‌‌ش بزنه. ⁶ زبون مثلِ تـشِ مونه پِر از ب‌‌دي هسه‌،‌‌ تموم بدن ره س‌‌مي كنه‌،‌‌ مثل اتا ت‌‌ش هسه كه از جهنم‌،‌‌ بيمو و بتونه تموم دندگي ره‌،‌‌ نابود هاكنه‌. ⁷ ادم بتونسه هرجور حيوون ِ وحشي‌،‌‌ پرنده و خزنده و جاندار دريايي ره رام هاكنه و اي هم كنه‌. ⁸ ولي هيچ كس نتونه شه زبو ره رام هاكنه‌،‌‌ زبون ادم مثل اتا‌،‌‌ م‌‌هرِ سمي‌،‌‌ هميشه اماده هسه تا شه‌،‌‌ ز‌‌هر‌،‌‌ ره بيرون هاده‌. ⁹ ونه جا يكدم پدر اسموني ره شكر كمي‌،‌‌ و يكدم ديگه مردم ره كه بشباهت خدا‌،‌‌ خلق بيننه ره نفرين كمي‌. ¹⁰ اما دهونِ جا هم بركت درنه و هم لعنت‌،‌‌ اي برارون عزيز‌،‌‌ ن‌‌وِنِه اينتي بوشه‌. ¹¹ ايا ممكن هسه اتا چشمه جا‌،‌‌ اول‌،‌‌ شيرينه‌،‌‌ او‌،‌‌و دومرتبه ت‌‌لِ او‌،‌‌ در بيه ؟ ¹² ايا بتومي‌،‌‌ انجيل دارِ جا زيتون بچينيم ؟ يا انگورِ جا‌،‌‌ انجيل بچينيم ؟ همينجوري از چاهِ شور نتومي‌،‌‌شيرينِ او و گوارا بكشيم‌. عقلِ اسموني ¹³ اگه شه خودره دانا و حكيم دومي ِونه هميشه مهربون و نيكو كار بوشيم‌،‌‌ و اين خوبي ره با روشِ زندگي پسنديده‌،‌‌ نشون هاديم كه واقعا خردمند هسمي‌. ¹⁴ اما اگه امه زندگي دِله كينه و حسودي و خود خواهي دره‌،‌‌ بيخودي ادعاي عقل و حكمت دارمي كه اين ادعا ها بدترين دروغ باتن هسه‌.‌‌ ¹⁵ چون اون عقل و حكمتي كه خدا‌،‌‌ بخشنه ونه دِله‌،‌‌ اين صفات ب‌‌د و نا پسند وجود ندارنه‌،‌‌ بلكه اينا همه دنيايي ‌،‌‌ و غير روحاني و شيطوني هسه‌. ¹⁶ در واقع هر جا كه حسودي و مقام دوستي د‌‌ره‌،‌‌ هرج و مرج و هر جور شرارت ديگه هم‌،‌‌ به چشم اِنه‌. ¹⁷ اما عقل و دانشي كه از اسمون هسه‌،‌‌ اول از همه پاك و نجيب هسه‌،‌‌ و بعد صلح جو و با اد‌‌ب و ملايم هسه‌،‌‌و حاضر هسه با ديگرون گفتگو هاكنه و وشونه نظرات ره قبول هاكنه‌،‌‌ پُر ازدلسوزي و كارهاي نيك هسه و با همه بي پرده و صميمي و بي ريا هسه‌. ¹⁸ اونايي كه صلح جو هسنه‌،‌‌ دونه صلح ره كارننه و‌،‌‌ خير و خوبي ره‌،‌‌ برداشت كننه .

Chapter 4

نامه يعقوب فصل چهارم

¹ علت شمه جنگ و دعوا چه چي هسه ؟ ايا وشونه علت ارزوهاي نا پاكي نيه كه شمه دِلِ دِلِه‌،‌‌ منزل دارنه؟‌ ² حسرت چيزي ره دارنني كه‌،‌‌ نارنني‌،‌‌ پس شه د‌‌س ره به خون الوده كني‌،‌‌ تا وره به چنگ بيارين‌.‌‌ ارزوي چيزايي ره دارنني كه مال ديگرون هسه و شما نتونني وره دارين‌،‌‌ پس جنگ و دعوا كنني تا از چنگِ وشون‌،‌‌ د‌‌ر بيارين‌،‌‌ علت اينكه اونچه خوانني‌،‌‌ ره ندارنني‌،‌‌ اين هسه كه وره از خدا‌،‌‌ نخوانني‌. ³ وقتي هم دعا كنني‌،‌‌ خدا شمه جواب دعا ره ندنه‌،‌‌ چون شمه هدف نادِرِس‌،‌‌ هسه‌،‌‌ شما فقط دنبال چيزايي درني كه‌،‌‌ ونه جا خوش بوشين و لذت ب‌‌وِرين‌. ⁴ شما مثلِ ز‌‌نهاي بي وفايي هسني كه شه‌،‌‌ م‌‌رديِ دشمنون عاشق هسه‌،‌‌ ايا ندونني كه اگه با دشمن خدا‌،‌‌ يعني با لذتهاي ناپاك اين دنيا دوس ب‌‌ووشين‌،‌‌ در واقع با خدا دشمني كنني‌،‌‌ پس هركي خوانه با خوشي هاي ناپاك اين دنيا‌،‌‌ خوش بوشه‌،‌‌ ديگه نتونه دوست خدا بوشه‌.‌‌ ⁵ فكر كنني كه كتاب اسموني‌،‌‌ تورات بي خودي گنه كه ؛ روح خدا كه خدا در وجود اما وره ساكن هاكرده‌،‌‌ اونقدر اماره دوس دارنه كه نتونه تحمل هاكنه كه امه دِل جاي ديگه اي د‌‌ووشه‌. ⁶ اما ن‌‌وِنه ياد بكنيم كه خدا‌،‌‌ اون قدرت لازم ره اما ره عطا كنه تا اما در مقابل اين وسوسه هاي گناه الود‌،‌‌ ايستادگي هاكنيم‌،‌‌ اينسه كتاب اسموني تورات‌،‌‌ فرمنِه ؛ خدا شخصِ فروتن ره قو‌‌ت دنه‌،‌‌ اما با شخص متكبر و مغرور مخالف هسه‌. ⁷ بنا بر اين شه خود ره با فروتني به خدا بسپارين و در مقابل شيطون مقاومت هاكنين‌،‌‌ تا شمه جا دور ب‌‌ووشه‌. ⁸ به خدا نزديك ب‌‌ووشين و تا وِه هم به شما نزديك ب‌‌ووشه‌،‌‌ اي گناهكارون‌،‌‌ شه د‌‌س هاي كثيف ره‌،‌‌ بـشورين و شه دِل ره فقط با عشق الهي پُر هاكنين تا پاك ب‌‌ووشِه‌،‌‌ و نسبت به خدا وفادار بمونه‌. ⁹ شه اعمالِ اشتباهي وسه‌،‌‌ بِرمه‌،‌‌ ب‌‌كنين ماتم بي رين‌،‌‌ و در عمق وجود خودتون ناراحت وغمگين بوشين و بجاي خ‌‌نه‌،‌‌ بِرمه هاكنين و جاي شادي هاكردن‌،‌‌ عزا داري هاكنين‌. ¹⁰ اون زمون كه بفهمسني در مقابل خدا‌،‌‌ چنه ناچيز و كچيك هسني‌،‌‌ اونوقت خدا هم شما ره سربلند و سر افراز كنه‌،‌ قضاوت مالِ خدا ه‌‌سِه . ¹¹ اي برارون عزيز‌،‌‌ از همديگه بد گويي نكنين‌،‌‌ و عيب ني رين و همديگه ره محكوم نكنين‌،‌‌ چون اگه اين جور هاكنين‌،‌‌ در واقع از خدا ايراد بي تني و وره محكوم هاكردني‌،‌‌ اما شمه وظيفه قضاوت در باره احكام خدا نيه‌،‌‌ بلكه اطاعت از وِه هسه‌. ¹² فقط اونايي كه اين احكام ره هادانه‌،‌‌ قادر هسنه به درستي امه ميون قضاوت هاكنن‌،‌‌ فقط وِه هسه كه بتونه اما ره نجات هاده يا هلاك هاكنه‌،‌‌ پس شما چه حقي دارنني در باره ديگرون داوري هاكنين ؟ و وشونِ عيب ره باوين؟ " ادِم ندونه فردا چي بونه". ¹³ گوش هادين اي تموم كسوني كه‌،‌‌ گِنِني‌،‌‌ امروز يا فردا‌،‌‌ فلون شهر شومي و اتا سال اونجه مومي‌،‌‌ تجارت كمي و اتا خله سود ورمي‌. ¹⁴ شما چي دونني كه فردا چي پيش اِنِه ؟ شمه عمر مثل اتا‌،‌‌ مِهِ‌،‌‌ سواهي هسه‌،‌‌ كه اتا د‌‌م‌،‌‌ بتومي وره گذشته بوينيم .و اتا د‌‌مِ ديگه‌،‌‌ محو و ناپديد بونه‌. ¹⁵ پس ونه باويم ؛ اگه خدا بخواهه زينه مومي و اينتي و اونتي‌،‌‌ كمي‌. ¹⁶ درغير اين صورت شما مغرور و خودپسند هسني‌،‌‌ و شه نقشه و برنامه جا افتخار كنني‌،‌‌چنين شخصي هرگز نتونه خداره خوشنود هاكنه.‌‌ ¹⁷ پس ياد نكنين كه اگه بدونين‌،‌‌ چه كاري دِرس هسه‌،‌‌واما وره انجام ن‌‌دين‌،‌‌ گناه هاكردني .

Chapter 5

نامه يعقوب‌،‌‌ فصل پنجم

عاقبت كار ثروتمندون ظالم

¹ الان شما‌،‌‌ اي ثروتمندون توجه هاكنين‌،‌‌ بِرمه و زاري هاكنين‌،‌‌ چون بلاهاي وحشتناكي‌،‌‌ شمه انتظار د‌‌ره‌. ² از همين الان شمه ثروت تباه بيه‌،‌‌ شمه لباس هاي گرونقيمت ره هم بيد ب‌‌زو‌. ³ شما در اين دنياي زودگذر‌،‌‌ طلا و نقره جمع كنني و غافل از اين هسني كه شه سه در روز قيامت مجازات ذخيره كنني‌،‌‌ چون همونجوري كه طلا و نقره ره زنگ خِرنه‌،‌‌ اتش هم شمه بدن ره خِرنه‌. ⁴ گوش هادين به ناله كاگروني كه شمه وسه كار كننه‌،‌‌ گوش هادين كارگروني كه وشونه گول بزوني و وشونه مِزد ره نداني‌،‌‌ وشونه ناله ها تا اسمون بالا بورده‌،‌‌ وبه گوش خداي متعال برسيه‌. ⁵ شما شه عمره سال ها به خوشگذروني و عياشي طي هاكردني‌،‌‌ و مثل كسفندونِ پرواري‌،‌‌ كه براي ذبح هاكردن اماده بونه‌،‌‌ بي نني‌. ⁶ شما ادمِ هاي بيگناه ره كه نتونسنه از خودشون دفاع هاكنن ره محكوم هاكردني و ب‌‌كوشتني‌،‌‌ صبر هاكردن در زحمات . ⁷ و اما اي برارون عزيز كه براي بازگشت عيسي مسيح‌،‌‌ روز شماري كنني‌،‌‌ صبر دارين‌،‌‌ و مثل كشاورزوني بوشين كه براي برداشت محصول با ارزش‌،‌‌ خودش صبر كنه‌. ⁸ پس شما هم صبر دارين و يقين دارين كه خداوند بزو ي باز گشت كنه‌. ⁹ اي برارون‌،‌‌ وقتي در مشگلات و گرفتاري ك‌‌فنني‌،‌‌ ديگرون ره مقصر ن‌‌دونين‌،‌‌ و وشونه جا شكايت نكنين‌،‌‌ تا خداوند هم شما ره محكوم نكنه‌،‌‌ چون خله زود شه داوري عادلانه ره شروع كنه‌. ¹⁰ صبر و تحمل ره از انبياي خدا وند ياد بيرين‌. ¹¹ همه اونايي كه در زندگي صبر وتحمل داشتنه‌،‌‌ خوشبخت بي ننه‌،‌‌ ا‌‌يوب يك نمونه از افرادي هسه كه با وجود مشگلات و مصيبت هاي زياد‌،‌‌ شه صبر و ايمون ره از دست ندا، و خداوند هم در اخر وره كامياب هاكرده‌،‌‌ چونكه خدا وند خله رحيم و مهربون هسه‌،‌‌ قسم نخِرين . ¹² از همه مهم تر هيچوقت قسم نخرين‌،‌‌ نا به اسمون‌،‌‌ و نا به زمين و نا به هيچ چيزِ ديگه‌،‌‌ اگر گنني‌‌،‌‌ اره، شمه حرفا واقعا‌،‌‌ ا‌‌ره‌،‌‌ بوشه و اگه گنني نا‌،‌‌ شمه منظور واقعا‌،‌‌ نا‌،‌‌ بوشه‌،‌‌ تا اينجوري گناهي نكنين و مجازات ن‌‌ووشين‌،‌‌ قدرت دعا . ¹³ اگه شمه ميون كسي گرفتار درد و رنج بوشه‌،‌‌ ونه دعا ب‌‌كنه‌،‌‌ و اونايي كه دليلي براي شكر دارننه‌،‌‌ ونه خداي وِسه سرودهاي شكر گزاري بخونه‌.‌‌ ¹⁴ اگه كسي مريض بوشه‌،‌‌ ونه كشيشاي كليساي جا بخواهه كه بين و‌،‌‌ ونه سه دعا بخونن و ونه پيشوني ره روغن بمالن و خداي جا‌،‌‌ ونه سه طلب شفا هاكنن.‌‌ ¹⁵ اگه وشون دعا با ايمون همراه بوشه‌،‌‌ مريض شفا گيرنه چون خداوند وره شفا دنه‌،‌‌ ولي اگه ونه مريضي در اثر گناه بوشه‌،‌‌ ونه گناه هم امرزيده بونه‌. ¹⁶ همديگرِ پ‌‌لي‌،‌‌ شه گناهون ره اعتراف هاكنين و همديگه وسه دعا هاكنين تا شفا بيرين‌،‌‌ دعاي قلبي مردِ درستكار قدرت و تاثير عجيبي دارنه. ¹⁷ الياس اتا ادم بيه‌،‌‌ امه جور‌،‌‌ با اين حال وقتي كه با تموم دل دعا هاكرده كه‌،‌‌ وارش نيه‌،‌‌ براي مدت سه سال و نيم‌،‌‌ وارش نيمو.‌‌ ¹⁸ و زموني كه دعا هاكرده كه وارش‌،‌‌ بيه‌،‌‌ وارش شروع بيه و زمين محصول هادا‌. ¹⁹ اي برارون عزيز اگه كسي ازراه راست منحرف بيه و شه ايمون ره ازدست هادا بوشه‌،‌‌ اگه يك نفر وره كمك هاكنه تا به سوي حقيقت بازگشت هاكنه‌.‌‌ ²⁰ اين شخص كه باعث بازگشتِ، وِه بسوي خدا بيه‌،‌‌ ونه بِدونه كه جانِ گمشده اي ره از چنگال هلاكت ابدي نجات هادا‌،‌‌ و باعث امرزش گناهون زياد‌،‌‌ وِه بيه‌.