पौलाचे फिलेमोनाला पत्र

Chapter 1

प्रस्तावना

¹ पौल ख्रिस्त येशूचा बंदिवान आणि भाऊ तीमथ्य यांच्याकडून आमचा प्रिय आणि सोबतीचा कामकरी फिलेमोन ह्यास ² आणि बहीण अफ्फिया हिला व अर्खिप आमचा सोबतीचा शिपाई यास व तुझ्या घरी जी ख्रिस्ती मंडळी आहे तिला ³ देव आपला पिता व प्रभू येशू ख्रिस्त ह्यांजकडून तुम्हाला कृपा व शांती असो ⁴ मी आपल्या प्रार्थनांमध्ये सर्वदा तुझी आठवण करून माझ्या देवाची उपकारस्तुती करतो ⁵ कारण प्रभू येशूवर आणि सर्व पवित्रजनांवर तुझी जी प्रीती आहे व तुझा जो विश्वास आहे त्यांविषयी मी एेकतो ⁶ आणि मी अशी प्रार्थना करतो की तुम्हामध्ये असलेल्या ख्रिस्त येशूतल्या प्रत्येक चांगल्या गोष्टीचे पूर्ण ज्ञान झाल्याने तुझे विश्वासातील सहभागीपण कार्यकारी व्हावे ⁷ कारण तुझ्या प्रीतीमुळे मला फार आनंद व सांत्वन झाले आहे कारण हे बंधू तुझ्याकडून पवित्र जनांची अंतःकरणे समाधान पावली आहेत ⁸ ह्याकरता जे योग्य ते तुला आज्ञा करून सांगण्याचे जरी मला ख्रिस्ताद्वारे पूर्ण धैर्य आहे ⁹ तरी प्रीतीस्तव विनंती करून सांगणे मला बरे वाटते मी वृध्द झालेला पौल आणि आता ख्रिस्त येशूसाठी बंदिवान ¹⁰ मी बंधनात असता ज्याला आध्यात्मिक जन्म दिला ते माझे लेकरू अनेसिम ह्याच्याविषयी तुला विनंती करतो ¹¹ तो पूर्वी तुला निरुपयोगी होता पण आता तुला व मला दोघांनाही उपयोगी आहे ¹² म्हणून मी त्याला म्हणजे माझ्या जिवालाच तुझ्याकडे परत पाठवले आहे ¹³ सुवार्तेमुळे मी बंधनात पडलो असता तुझ्याएेवजी त्याने माझी सेवा करावी म्हणून त्याला जवळ ठेवण्याचे माझ्या मनात होते ¹⁴ पण तुझ्या संमतीशिवाय काही करणे मला बरे वाटले नाही ह्यासाठी की तुझा उपकार जुलमाने झाल्यासारखा नसावा तर खुशीने केलेला असावा ¹⁵ कदाचित तो तुझ्यापासून ह्यामुळेच काही वेळ वेगळा झाला असेल की त्याने सर्वकाळासाठी तुझे व्हावे ¹⁶ त्याने आजपासून केेवळ दासच नव्हे तर दासापेक्षा श्रेष्ठ म्हणजे प्रिय बंधू असे व्हावे मला तो विशेष प्रिय आहे अाणि तुला तर तो देहदृष्ट्या व प्रभूच्या ठायी ह्याहून कितीतरी अधिक प्रिय असावा ¹⁷ म्हणून जर तू मला आपला भागीदार समजतोस तर तो मीच आहे असे मानुन त्याचा स्वीकार कर ¹⁸ त्याने तुझे काही नुकसान केले असेल किंवा तो तुझे काही देणे लागत असेल तर ते माझ्या हिशोबी मांड ¹⁹ मी पौल हे स्वहस्ते लिहित आहे मी ते फेड करीन शिवाय तू स्वतःच माझे ऋण आहेस पण ह्याचा उल्लेख मी करीत नाही ²⁰ हे बंधू प्रभूच्या ठायी माझ्यावर एवढा उपकार कर ख्रिस्ताच्या ठायी माझ्या जिवाला विश्रांती दे ²¹ तू हे मान्य करशील अशा भरवशाने मी तुला लिहिले आहे आणि मी जाणतो की तू माझ्या म्हणण्यापेक्षा अधिकही करशील ²² शिवाय माझ्यासाठी राहण्याची व्यवस्था करून ठेव कारण तुमच्या प्रार्थनांमुळे माझे तुमच्याकडे येणे होईल अशी आशा मी करत आहे ²³ ख्रिस्त येशूत माझा सहबंदिवान एपफ्रास हा तुला नमस्कार पाठवत आहे ²⁴ आणि तसेच माझे सहकारी मार्क अरिस्तार्ख देमास व लूक हे तुला नमस्कार सांगतात ²⁵ आपला प्रभू येशू ख्रिस्त ह्याची कृपा तुमच्या आत्म्याबरोबर असो आमेन