23. Bijandipe e Isuseso

I Marija sasa verimi e pravednone manušese leso alav sasa Josif. Kad šunda kaj si i Marija khamni, đanglja kaj gova naj leso čhavo. Ni manglja te lađarol e Marija, pa planirisada čorale te ačhavol la. Angleder so ka čerol gova, o meleko avilo thaj vačarda lese ano suno.

O meleko vačarda: "Josife, ma dara te le e Marija romnjače. I bebica so si ane late si taro Sveti Dux. Voj ka bijanol murše. Dele vika Isus (so značil 'o Jahve spasil'), golese kaj vov ka spasil e manušen tare lenđe bezeha.“

Gija o Josip lija romnjaće e Marija, lijala ane po čher, thaj ni suta lasa dok ni bijanda.

Kad avilo o vreme i Marija te bijanol, i rimsko vlada vačarda savorenđe kaj zbog o popis te đan ane forura kaj lenđe purane živisade. O Josif taj i Marija morajle te putujin taro Nazaret, kaj živisade ano Vitlajem golese kaj lengo pretko sasa o David kaso bijando foro sasa o Vitlajem.

Kad resle ano Vitlajem, naj sasa than kaj te ačhen. Jekh than kaj arakhlje sasa than kaj bešena e životinje. Gothe o čhavoro bijandilo thaj lesi dej čutale ani baleja, golese kaj naj sasa aver than sojimase. Dijele alav Isus.

Goja rat, nesave ćobanura paše arakhlje pe bakren. Tari jekh drom, meleko ano sjaj iklilo, von darajle. O meleko vačarda lenđe: „Ma daran, isima šukar haberi tumenđe. O Mesija, o Gospodari, bijandilo ano Vitlajem!“

„Roden e čhavore, motimo ane šeja, sar pašljol ani baleja.“ Tari jekh drom o nebo pherdilo e melekurencar save slavisade e Devle, thaj vačarena: „Slava e Devlese ko ćeri thaj šukaripe ki phuv e manušenđe kolenđe so o Dol smiluisajlo.“

E čobanura sigate resle ko than kaj o Isus sasa, arakhlje le sar pašljol ani baleja, baš gija sar o meleko vačarda lenđe. Sesa but uzbudime. E čobanura irisajle odori kaj sesa lenđe bakre, slavisade e Devle za sa so šunde thaj dikhlje.

Pale nesavo vreme, e đangle taro durutno istok dikhlje jekh ćeren ko ćeri. Shvatisade kaj bijandilo nevo caro Jevrejsko. Gijate von đele dur te bi dičhena kale caro. Avile ano Vitlajem thaj arakhlje e Isuse taj lese roditeljen kaj bešen.

Kad e đangle dikhlje e Isuse lese dejasa, poklonisajle taj lese klanjisajle. Dijele skupa darura. Pale gova irisajle čhere.

Biblisko paramič andaro: Lačho lafi taro Matej 1; Lačho lafi taro Luka 2