29. Paramič taro nemilosrdno kandino

Jekh đive, o Petar pučlja e Isuse: "Rajo, kozom droma trubul te oprostiv me phralese ako grešil protiv mande? Efta drom“? O Isus vačarda lese: „Na efta droma, nego eftavardeš droma po efta!" Kalesa o Isus mislisada da uvek trubul te oprosti. O Isus vačarda kaja paramič.

O Isus vačarda: „O carstvo e Devleso si saro caro savo manđol te ravnil e računura pire kandinencar. Jekh kandino sasa dužno baro borči gači baro sar plate paše 200.000 berša.“

„Sar o kandino naštine te počinol po borči, o caro vačarda: 'Bičinen kale manuše thaj lese familija sar roburen te bi počinola pe leso borči.“

„O kandino pelo pe pire koča anglo caro thaj vačarda: ´Moliv tut av strpljivo mancar, ka iriv sa so sem borči.´ O caro smiluisajlo e kandinese, uljarda sa leso borči thaj mukhlja le.“

„A gova kandino kana đelo talo caro, arakhlja pe kolega savo sasa kandino savo lese sasa borči štar čhon plata. O kandino dolda le pe kolega i vačarda lese: ´Iri me pare so san manđe borći!´“

„O kolega taro kandino pelo pese ke koča thaj vačarda: ´Moliv tut ađučarman, i ka dav tut sa so sem tuče borči.´ Al mesto gova, o kandino čhudija pe amale ano phanglipe sa dok ni iril o borči."

„Nesave avera kandine dikhlje sa so sasa thaj sesa but uznemirime. Đele ko caro thaj sa vačarde lese so sasa.“

„O kraljo akharda gole kandine thaj vačarda: ´Tu bilačheja kandineja! Oprostisadem tuče gači dugo golese kaj molisadan man. Tu trubujan gija te čere.´ O caro sasa gači holjamo kaj čhudija e bilačhe kandine ano phanglipe dok ni isplatil sa o borči.“

Tegani o Isus vačarda: „Kava ka čerol mo nebesko Dad thaj tumenđe ako ni oprostin tumare phralenđe taro ilo.“

Biblisko paramič andaro: Lačho lafi taro Matej 18:21-35