32. O Isus sastarol opsednute manuše thaj nasvale đuvlja

Jekh đive, o Isus taj lese sikade čamcosa nakhle ano than kaj živina e Gerazencura.

Kad resle ki dujto rig taro jezero, manuš opsednutimo bengencar prastija nakaro Isus.

Kava manuš sasa gači zuralo kaj khoni naštine te ačhavol le. E manuša lese pingre thaj lese vasta phanglje lancurencar, i gova šaine te čhinol.

Gova manuš bešola paše grobura ane gova than. Kava manuš bi dola vika celo đive thaj celo rat. Ni phirada šeja thaj stalno čhinola pe barencar.

Kad avilo gova manuš ko Isus, pelo pe kočende angle leste. O Isus vačarda e bengese: „Iklji tare kava manuš!“

O manuš e bengecar so sasa dija vika zurale: „So manđe mandar Isuse, Čhavo e Devleso Najbareso? Moliv tut ma mučima!“ Tegani o Isus pučlja e benge: „Sar čo alav?“ Kava vačarda lese: „Mo alav si Legija, golese kaj sam but.“ („Legija si grupa tare nekolko milja vojnikura ani rimsko vojska)

E benga molisade e Isuse: „Moli tut ma bičha lamen averthe tare kava than.“ Gothe sasa paše pherdo bale save hana ko brego. E benga molisade e Isuse: „Molitut bičhal amen ane bale mesto gova!“ O Isus vačarda: „Đan!“

E benga iklile andaro manuš thaj đele ane bale. E bale prastaje tari litica ano jezero thaj tasile. Sesa paše 2000 bale ane gova krdo.

Kana e manuša save arakhlje e balen dikhlje so sasa, prastije ano foro thaj savorenđe vačarde so dikhlje so čerda o Isus. E manuša taro foro avile te dičhen e manuše savo sasa pherdo benga. Bešol šukar, sasa urado šeja, thaj ponašisajlo sar normalno manuš.

E manuša but darajle i rodije o Isus te đal. Gija o Isus uklilo ano čamco thaj spremisajlo te đal. O manuš savo sasale benga molisada te đal palo Isus.

A o Isus vačarda lese: „Na, mangav te te ačhe čhere thaj te vačare če amalenđe thaj če familijače so o Dol čerda tuče thaj sar vov arakhlja tut.“

Gija o manuš đelo thaj vačarda savorenđe golestar so o Isus čerda lese. Savore save šunde so čerda lese o Isus sesa pherde taro čudipe.

O Isus irisajlo ki dujto rig e jezerosi. Kad reslo odori, but đene čidije pe paše leste thaj čičidijele. Ane gola but manuša sasa jekh romni savi dešuduj berš sasa nasvali taro thavdipe o rat lako. Dija sa pe pare ke doktora te sastaren la, a sasa lačhe po bilačhe.

Šunda kaj o Isus sastarol bute nasvalen manušen thaj mislisada: „Sigurno sem ako dolama pe Isusese šeja, ka avav i me sasti.“ Gija avili palo Isus thaj dolda pe ke lese šeja. Samo so dolda pe, o rat ačhilo.

O Isus odma đanglja kaj zuralipe lestar iklilo. Irisajlo thaj pučlja: „Ko dolda ma?“ E sikade vačarde lese: "Isi gači manuša save si paše tute thaj gurin pe an tute. A tu puče: „Ko dolda ma?"

I romni peli ke pe koča anglo Isus, tresisada thaj but darajli. Tegani vačarda e Isusese so čerda i kaj si akana sasti. O Isus vačarda lače: „Čo pačhajipe sastarda tut. Đa ano mir.“

Biblisko paramič andaro: Lačho lafi taro Matej 8:28-34; 9:20-22; Lačho lafi taro Marko 5:1-20; 5:24b-34; Lačho lafi taro Luka 8:26-39; 8:42b-48