ಪೇತ್ರನು ಬರೆದ ಮೊದಲನೆಯ ಪತ್ರಿಕೆ

Chapter 1

ಪೀಠಿಕೆ

¹ ಯೇಸು ಕ್ರಿಸ್ತನ ಅಪೊಸ್ತಲನಾದ ಪೇತ್ರನು ಪೊಂತ, ಗಲಾತ್ಯ, ಕಪ್ಪದೋಕ್ಯ, ಆಸ್ಯ, ಬಿಥೂನ್ಯ ಎಂಬ ಸೀಮೆಗಳಲ್ಲಿ ^[1] ಚದುರಿಹೋಗಿರುವಂಥ ಪರದೇಶಸ್ಥರಾದ ದೇವಜನರಿಗೆ ಅಂದರೆ, ²^[2] ಪವಿತ್ರಾತ್ಮನಿಂದ ಪ್ರತಿಷ್ಠಿಸಲ್ಪಟ್ಟವರಾಗಿ, ವಿಧೇಯರಾಗುವುದಕ್ಕಾಗಿ, ^[3] ಯೇಸು ಕ್ರಿಸ್ತನ ರಕ್ತದಿಂದ ಪ್ರೋಕ್ಷಿತರಾಗಿ, ^[4] ತಂದೆಯಾದ ದೇವರ ಭವಿಷ್ಯದ ಜ್ಞಾನಾನುಸಾರವಾಗಿ ಆರಿಸಿಕೊಳಲ್ಪಟ್ಟವರಿಗೆ ಬರೆಯುವುದೇನೆಂದರೆ ^[5] ನಿಮಗೆ ಕೃಪೆಯೂ ಶಾಂತಿಯೂ ಹೆಚ್ಚೆಚ್ಚಾಗಿ ಉಂಟಾಗಲಿ.

ಕ್ರೈಸ್ತರಿಗೆ ಇರುವ ಉತ್ಕೃಷ್ಟವಾದ ನಿರೀಕ್ಷೆ

³^[6] ನಮ್ಮ ಕರ್ತನಾದ ಯೇಸು ಕ್ರಿಸ್ತನ ತಂದೆಯೂ ದೇವರೂ ಆಗಿರುವಾತನಿಗೆ ಸ್ತೋತ್ರವಾಗಲಿ. ^[7] ಆತನು ಯೇಸು ಕ್ರಿಸ್ತನನ್ನು ಸತ್ತವರೊಳಗಿಂದ ಎಬ್ಬಿಸಿದ್ದರಲ್ಲಿ, ^[8] ತನ್ನ ಮಹಾ ಕರುಣಾನುಸಾರವಾಗಿ ^[9] ನಮ್ಮನ್ನು ತಿರುಗಿ ಜೀವಿಸುವಂತೆ ಮಾಡಿ ಜೀವಕರವಾದ ನಿರೀಕ್ಷೆಯನ್ನು ನಮ್ಮಲ್ಲಿ ಹುಟ್ಟಿಸಿ, ⁴ ನಮ್ಮನ್ನು ಲಯ, ಕಳಂಕ, ^[10] ನಾಶಗಳಿಲ್ಲದ ^[11] ಬಾಧ್ಯತೆಯನ್ನು ಎದುರು ನೋಡುವವರನ್ನಾಗಿ ಮಾಡಿದನು. ಆ ಬಾಧ್ಯತೆಯು ನಿಮಗೋಸ್ಕರ ^[12] ಪರಲೋಕದಲ್ಲಿ ಇಡಲ್ಪಟ್ಟಿದೆ. ⁵ ಅಂತ್ಯ ಕಾಲದಲ್ಲಿ ಪ್ರಕಟವಾಗುವುದಕ್ಕೆ ^[13] ಸಿದ್ಧವಾಗಿರುವ ರಕ್ಷಣೆಯು ನಂಬುವವರಾದ ನಿಮಗೆ ದೊರೆಯಬೇಕೆಂದು ದೇವರು ನಿಮ್ಮನ್ನು ತನ್ನ ಶಕ್ತಿಯಿಂದ ಕಾಪಾಡುತ್ತಾನೆ. ⁶ ಆದ್ದರಿಂದ ನೀವು ಸದ್ಯಕ್ಕೆ ಸ್ವಲ್ಪಕಾಲ ಅಗತ್ಯವಿದ್ದಲ್ಲಿ ^[14] ನಾನಾ ವಿಧ ಕಷ್ಟಗಳಲ್ಲಿ ದುಃಖಿಸುವವರಾಗಿದ್ದರೂ, ಹರ್ಷಿಸುವವರಾಗಿದ್ದೀರಿ. ⁷ ನಾಶವಾಗುವಂತಹದ್ದೂ, ^[15] ಬೆಂಕಿಯಿಂದ ಶೋಧಿಸುವಂತಹದ್ದೂ ಆಗಿರುವ ಬಂಗಾರಕ್ಕಿಂತಲೂ ಬಹು ಅಮೂಲ್ಯವಾಗಿರುವ ನಿಮ್ಮ ನಂಬಿಕೆಯು ಈ ಕಷ್ಟಗಳಿಂದ ^[16] ಶೋಧಿತವಾಗಿ ^[17] ಯೇಸು ಕ್ರಿಸ್ತನು ಪ್ರತ್ಯಕ್ಷನಾಗುವಾಗ ನಿಮಗೆ ಕೀರ್ತಿ, ಮಾನ, ಮಹಿಮೆಗಳನ್ನು ಉಂಟುಮಾಡುವಂತಹದ್ದಾಗಿದೆ. ^8-9^[18] ನೀವು ಆತನನ್ನು ಕಣ್ಣಾರೆ ನೋಡಲಿಲ್ಲವಾದರೂ ಆತನನ್ನು ಪ್ರೀತಿಸುತ್ತೀರಿ. ^[19] ನೀವು ಈಗ ಆತನನ್ನು ಕಾಣದಿದ್ದರೂ ಆತನಲ್ಲಿ ನಂಬಿಕೆಯಿಟ್ಟು, ನಿಮ್ಮ ನಂಬಿಕೆಯ ^[20] ಅಂತ್ಯಫಲವಾಗಿರುವ ಆತ್ಮಗಳ ರಕ್ಷಣೆಯನ್ನು ಹೊಂದುವವರಾಗಿ ಹೇಳಲಸಾಧ್ಯವಾದಂತಹ ಮಹಿಮೆಯುಳ್ಳ ಸಂತೋಷದಿಂದ ಹರ್ಷಿಸುತ್ತೀರಿ.

¹⁰ ದೇವರು ನಿಮಗೆ ತೋರಿಸಿದ ಕೃಪೆಯನ್ನು ಕುರಿತು ಮುಂತಿಳಿಸಿದ ^[21] ಪ್ರವಾದಿಗಳು ಈ ರಕ್ಷಣೆಯ ವಿಷಯದಲ್ಲಿ ಸೂಕ್ಷ್ಮವಾಗಿ ವಿಚಾರಿಸಿ ಪರಿಶೋಧನೆ ಮಾಡಿದರು. ¹¹^[22] ತಮ್ಮಲ್ಲಿದ್ದ ಕ್ರಿಸ್ತನ ಆತ್ಮನು ಕ್ರಿಸ್ತನಿಗೆ ಬರಬೇಕಾದ ಬಾಧೆಗಳನ್ನೂ ಅವುಗಳ ತರುವಾಯ ಉಂಟಾಗುವ ^[23] ಮಹಿಮೆಯನ್ನೂ ಮುಂದಾಗಿ ತಿಳಿಸಿದಾಗ ಆತನು ಯಾವ ಕಾಲವನ್ನು ಇಲ್ಲವೆ ಎಂಥ ಕಾಲವನ್ನು ಸೂಚಿಸುವನೆಂಬುದನ್ನು ಅವರು ಪರಿಶೋಧನೆ ಮಾಡಿದರು. ¹² ಆದರೆ ಈ ಸಂಗತಿಗಳನ್ನು ಮುಂತಿಳಿಸುವುದರಲ್ಲಿ ^[24] ತಮಗೋಸ್ಕರವಲ್ಲ ನಿಮಗೋಸ್ಕರವೇ ಸೇವೆ ಮಾಡುವವರಾಗಿದ್ದಾರೆಂಬುದು ಅವರಿಗೆ ಪ್ರಕಟವಾಯಿತು. ಅವರು ಮುಂದಾಗಿ ಹೇಳಿದ ಸಂಗತಿಗಳೇ ಈಗ ಸಂಭವಿಸಲ್ಪಡುತ್ತಿವೆ ಎಂಬ ವರ್ತಮಾನವು ^[25] ಪರಲೋಕದಿಂದ ಕಳುಹಿಸಲ್ಪಟ್ಟ ಪವಿತ್ರಾತ್ಮನ ಬಲದಿಂದ ನಿಮಗೆ ಸುವಾರ್ತೆಯನ್ನು ಸಾರಿದವರ ಮೂಲಕ ನಿಮಗೆ ಪ್ರಸಿದ್ಧಿಮಾಡಲ್ಪಟ್ಟಿದೆ. ದೇವದೂತರೂ ಈ ಸಂಗತಿಗಳನ್ನು ಲಕ್ಷ್ಯವಿಟ್ಟು ನೋಡಬೇಕೆಂದು ಬಯಸುತ್ತಿದ್ದಾರೆ.

ಪರಿಶುದ್ಧ ಜೀವಿತಕ್ಕೆ ಆಹ್ವಾನ

¹³ ಆದ್ದರಿಂದ ^[26] ನೀವು ನಿಮ್ಮ ಮನಸ್ಸನ್ನು ದೃಢಪಡಿಸಿಕೊಂಡು, ^[27] ಸ್ವಸ್ಥಚಿತ್ತರಾಗಿದ್ದು ಯೇಸು ಕ್ರಿಸ್ತನು ಪ್ರತ್ಯಕ್ಷನಾಗುವಾಗ ನಿಮಗೆ ದೊರಕುವ ಕೃಪೆಯ ಮೇಲೆ ನಿಮ್ಮ ನಿರೀಕ್ಷೆಯನ್ನು ಸಂಪೂರ್ಣವಾಗಿ ಇಡಿರಿ. ¹⁴ ವಿಧೇಯತ್ವವುಳ್ಳ ಮಕ್ಕಳಂತೆ ನಡೆಯಿರಿ, ^[28] ನೀವು ಮೊದಲು ಅಜ್ಞಾನಿಗಳಾಗಿದ್ದಾಗ ^[29] ನಿಮಗಿದ್ದ ದುರಾಶೆಗಳನ್ನು ಅನುಸರಿಸಿ ನಡೆದಂತೆ ಇನ್ನು ನಡೆಯುವವರಾಗಿರದೆ, ¹⁵^[30] ನಿಮ್ಮನ್ನು ಕರೆದಾತನು ಪರಿಶುದ್ಧನಾಗಿರುವ ಪ್ರಕಾರವೇ ನೀವೂ ವಿಧೇಯರಾಗಿದ್ದು ಆತನಿಗೆ ನಿಮ್ಮ ಎಲ್ಲಾ ನಡವಳಿಕೆಗಳಲ್ಲಿ ಪರಿಶುದ್ಧರಾಗಿರಿ. ¹⁶ ಏಕೆಂದರೆ, ^[31] <<ನಾನು ಪರಿಶುದ್ಧನಾಗಿರುವುದರಿಂದ ನೀವೂ ಪರಿಶುದ್ಧರಾಗಿರಬೇಕು>> ಎಂದು ಬರೆದಿದೆಯಲ್ಲಾ.

¹⁷^[32] ಪ್ರತಿಯೊಬ್ಬನ ನಡತೆಯನ್ನು ನೋಡಿ ^[33] ಪಕ್ಷಪಾತವಿಲ್ಲದೆ ತೀರ್ಪುಮಾಡುವಾತನನ್ನು ನೀವು ತಂದೆಯೆಂದು ಕರೆಯುವವರಾಗಿರುವುದರಿಂದ ಈ ಲೋಕದಲ್ಲಿನ ನಿಮ್ಮ ಪ್ರವಾಸಕಾಲವನ್ನು ಭಯಭಕ್ತಿಯಿಂದ ಕಳೆಯಿರಿ. ¹⁸ ನಿಮ್ಮ ಪಿತೃಗಳಿಂದ ಬಂದಿರುವ ವ್ಯರ್ಥವಾದ ಸಂಪ್ರದಾಯಗಳ ^[34] ನಡವಳಿಕೆಗಳಿಂದ ^[35] ನಿಮಗೆ ಬಿಡುಗಡೆಯನ್ನುಂಟುಮಾಡಿದ್ದು ಬೆಳ್ಳಿ, ಬಂಗಾರ ಮೊದಲಾದ ನಶಿಸಿಹೋಗುವ ವಸ್ತುಗಳಿಂದಲ್ಲ. ¹⁹ ಯೇಸು ಕ್ರಿಸ್ತನೆಂಬ ^[36] ನಿಷ್ಕಳಂಕವೂ, ನಿರ್ಮಲವೂ ಆದ ^[37] ಕುರಿಮರಿಯ ^[38] ಅಮೂಲ್ಯವಾದ ರಕ್ತದಿಂದಲೇ ಎಂದು ನೀವು ಬಲ್ಲಿರಲ್ಲವೇ. ²⁰^[39] ಆತನು ಜಗದುತ್ಪತ್ತಿಗೆ ಮೊದಲೇ ನೇಮಿಸಲ್ಪಟ್ಟವನಾಗಿದ್ದು ಈ ^[40] ಅಂತ್ಯಕಾಲಗಳಲ್ಲಿ ನಿಮಗಾಗಿ ^[41] ಪ್ರತ್ಯಕ್ಷನಾದನು. ²¹^[42] ಆತನನ್ನು ಸತ್ತವರೊಳಗಿಂದ ಎಬ್ಬಿಸಿ ^[43] ಆತನಿಗೆ ಮಹಿಮೆಯನ್ನು ಕೊಟ್ಟ ದೇವರಲ್ಲಿ ನೀವು ಆತನ ಮೂಲಕ ನಂಬಿಕೆಯಿಟ್ಟವರಾಗಿದ್ದೀರಷ್ಟೆ. ಹೀಗಿರಲಾಗಿ ನಿಮ್ಮ ನಂಬಿಕೆಯೂ ನಿರೀಕ್ಷೆಯೂ ದೇವರಲ್ಲಿಯೇ ನೆಲೆಗೊಂಡಿವೆ.

²² ನೀವು ಸತ್ಯೋಪದೇಶಕ್ಕೆ ವಿಧೇಯರಾಗಿದ್ದು ನಿಮ್ಮ ಆತ್ಮಗಳನ್ನು ಶುದ್ಧೀಮಾಡಿಕೊಂಡದ್ದರಿಂದ ^[44] ನಿಷ್ಕಪಟವಾದ ಸಹೋದರ ಪ್ರೀತಿಯುಳ್ಳವರಾಗಿರತಕ್ಕದ್ದು. ಹೀಗಿರಲಾಗಿ ಒಬ್ಬರನೊಬ್ಬರು ಶುದ್ಧಹೃದಯದಿಂದಲೂ, ಯಥಾರ್ಥವಾಗಿಯೂ ಪ್ರೀತಿಸಿರಿ. ²³ ಏಕೆಂದರೆ ^[45] ನೀವು ಹೊಸದಾಗಿ ಹುಟ್ಟಿರುವಂಥದ್ದು ^[46] ನಾಶವಾಗುವ ^[47] ವಾಕ್ಯದಿಂದದ್ದಲ್ಲ. ಆದರೆ ನಾಶವಾಗದಂಥ ^[48] ವಾಕ್ಯದಿಂದಲೇ. ಅದು ^[49] ಸದಾ ಜೀವವುಳ್ಳ ದೇವರವಾಕ್ಯದ ಮೂಲಕ ಉಂಟಾಯಿತು. ²⁴ ಏಕೆಂದರೆ ಪವಿತ್ರಗ್ರಂಥದಲ್ಲಿ ಬರೆದಿರುವಂತೆ:

^[50] <<ನರಜಾತಿಯೆಲ್ಲಾ ಹುಲ್ಲಿನ ಹಾಗಿದೆ.

ಅದರ ಮಹಿಮೆಯೆಲ್ಲಾ ಹುಲ್ಲಿನ ಹೂವಿನಂತಿದೆ.

ಹುಲ್ಲು ಒಣಗಿ ಹೋಗುವುದು. ಅದರ ಹೂವು ಉದುರಿ ಹೋಗುವುದು.

²⁵ ಆದರೆ ^[51] ಕರ್ತನ ಮಾತೋ ಸದಾಕಾಲವೂ ಇರುವುದು.>>

ಆ ಮಾತು ಯಾವುದೆಂದರೆ ನಿಮಗೆ ಸಾರಲ್ಪಟ್ಟ ^[52] ಸುವಾರ್ತಾವಾಕ್ಯವೇ.

1:1 ^[1] ಯಾಕೋಬ. 1:1;

1:2 ^[2] 1 ಥೆಸ. 4:3

1:2 ^[3] ಇಬ್ರಿ. 10:22; 12:24:

1:2 ^[4] ಅ. ಕೃ. 2:23; ರೋಮಾ. 8:29; 11:2:

1:2 ^[5] 2 ಪೇತ್ರ. 1:2:

1:3 ^[6] 2 ಕೊರಿ. 1:3; ಎಫೆ. 1:3:

1:3 ^[7] 1 ಕೊರಿ. 15:20; 1 ಪೇತ್ರ. 3:21:

1:3 ^[8] ತೀತ 3:5:

1:3 ^[9] ಅಥವಾ, ನಮಗೆ ಪುನರ್ಜನ್ಮವನ್ನು ಅನುಹ್ರಹಿಸಿ; ವ. 23

1:4 ^[10] 1 ಪೇತ್ರ. 5:4:

1:4 ^[11] ರೋಮಾ. 8:17:

1:4 ^[12] ಕೊಲೊ. 1:5; 2 ತಿಮೊ. 4:8:

1:5 ^[13] ಅಥವಾ, ಸಿದ್ಧವಾಗಿದ್ದ. ವ. 20. 2 ಕೊರಿ. 6:2. ರೋಮಾ. 8:18:

1:6 ^[14] ಯಾಕೋಬ. 1:2; 1 ಪೇತ್ರ. 4:12:

1:7 ^[15] ಜ್ಞಾ. 17:3; 1 ಕೊರಿ. 3:13:

1:7 ^[16] ಯಾಕೋಬ. 1:3:

1:7 ^[17] ರೋಮಾ. 2:7,10; 1 ಕೊರಿ. 4:5:

1:10 ^[21] 2 ಪೇತ್ರ. 1:19; ಮತ್ತಾ 13:17; ಲೂಕ. 10:24:

1:11 ^[22] ರೋಮಾ. 8:9; ಅ. ಕೃ. 16:7:

1:11 ^[23] ಯೆಶಾ. 52:13-53; 1 ಕೊರಿ. 15:3; ಮತ್ತಾ 13:17:

1:12 ^[24] ಇಬ್ರಿ. 11:39,40.

1:12 ^[25] ಅ. ಕೃ. 2:2-4:

1:13 ^[26] ಲೂಕ. 12:35; ಎಫೆ. 6:14:

1:13 ^[27] 1 ಪೇತ್ರ. 4:7; 1 ಥೆಸ. 5:6,8; 2 ತಿಮೊ. 4:5:

1:14 ^[28] ಅ. ಕೃ. 17:30.

1:14 ^[29] ರೋಮಾ. 12:2; ತೀತ. 3:3:

1:15 ^[30] 1 ಯೋಹಾ 3:3; 1 ಥೆಸ. 4:7; ಇಬ್ರಿ. 12:14:

1:16 ^[31] ಯಾಜ. 11:44; 19:2:

1:17 ^[32] ಕೀರ್ತ. 62:12:

1:17 ^[33] ಯಾಕೋಬ. 2:1:

1:18 ^[34] ಎಫೆ. 4:17:

1:18 ^[35] ಕೀರ್ತ. 49:8; 130. 8; 1 ಕೊರಿ. 6:20; ತೀತ. 2:14:

1:19 ^[36] ವಿಮೋ. 12:5; ಯಾಜ. 22:20; ಇಬ್ರಿ. 9:14:

1:19 ^[37] ಯೋಹಾ. 1:29:

1:19 ^[38] ಅ. ಕೃ. 20:28; ಎಫೆ. 1:7; 1 ಯೋಹಾ. 1:7:

1:20 ^[39] ಎಫೆ. 3:11; ಪ್ರಕ. 13:8;

1:20 ^[40] ಇಬ್ರಿ. 1:2:

1:20 ^[41] ರೋಮಾ. 16:26:

1:21 ^[42] ಅ. ಕೃ. 2:24; ರೋಮಾ. 10:9:

1:21 ^[43] ಅ. ಕೃ. 3:13; ಇಬ್ರಿ. 2:9:

1:22 ^[44] ರೋಮಾ. 12:9; ಇಬ್ರಿ. 13:1:

1:23 ^[45] ಯೋಹಾ 3:3; ಯಾಕೋಬ. 1:18:

1:23 ^[46] ಯೋಹಾ. 1:13:

1:23 ^[47] ಕೆಲವು ಪ್ರತಿಗಳಲ್ಲಿ ಬೀಜ ಎಂದು ಬರೆದದೆ.

1:23 ^[48] ಕೆಲವು ಪ್ರತಿಗಳಲ್ಲಿ ಬೀಜ ಎಂದು ಬರೆದದೆ.

1:23 ^[49] ಇಬ್ರಿ. 4:12:

1:24 ^[50] ಯೆಶಾ. 40. 6-8

1:25 ^[51] ಮತ್ತಾ 24:35:

1:25 ^[52] ಯೆಶಾ. 40. 9:

1:8-9 ^[18] 1 ಯೋಹಾ 4:20:

1:8-9 ^[19] ಇಬ್ರಿ. 11:27; ಯೋಹಾ 20:29:

1:8-9 ^[20] ರೋಮಾ. 6:22:

Chapter 2

ಪವಿತ್ರ ಜನಾಂಗ ಮತ್ತು ಸಜೀವ ಕಲ್ಲು

¹ ಆದಕಾರಣ ^[1] ಎಲ್ಲಾ ಕೆಟ್ಟತನವನ್ನೂ, ಎಲ್ಲಾ ವಂಚನೆಯನ್ನೂ, ಕಪಟವನ್ನೂ, ಹೊಟ್ಟೆಕಿಚ್ಚನ್ನೂ, ಎಲ್ಲಾ ತರದ ದೂಷಣೆಯನ್ನು ವಿಸರ್ಜಿಸಿರಿ. ²^[2] ಹೊಸದಾಗಿ ಹುಟ್ಟಿದ ಶಿಶುಗಳಂತೆ ^[3] ನೀವು ದೇವರ ವಾಕ್ಯವೆಂಬ ಶುದ್ಧವಾದ ಆತ್ಮೀಕ ಹಾಲನ್ನು ಬಯಸಿರಿ. ಆದರಿಂದ ರಕ್ಷಣೆಯಲ್ಲಿ ಬೆಳೆಯುವಿರಿ. ^[4] ³ ಏಕೆಂದರೆ ಕರ್ತನು ದಯಾಪರನೆಂದು ನೀವು ಅನುಭವಿಸಿ ತಿಳಿದಿದ್ದೀರಿ. ⁴ ನೀವು ಜೀವವುಳ್ಳ ಕಲ್ಲಾಗಿರುವಾತನ ಬಳಿಗೆ ಬಂದಿದ್ದೀರಿ. ^[5] ಆ ಕಲ್ಲನ್ನು ಜನರು ನಿರಾಕರಿಸಿದರು ಆದರೆ ಅದು ದೇವರಿಂದ ಆರಿಸಿಕೊಳ್ಳಲ್ಪಟ್ಟದು ಮತ್ತು ಆತನಿಗೆ ಅಮೂಲ್ಯವಾದದ್ದು ಆಗಿದೆ. ⁵^[6] ನೀವು ಸಹ ಜೀವವುಳ್ಳ ಕಲ್ಲುಗಳಾಗಿದ್ದು ^[7] ಆತ್ಮೀಕವಾದ ಮಂದಿರವಾಗುವುದಕ್ಕೆ ಕಟ್ಟಲ್ಪಡುತ್ತಾ ಇದ್ದೀರಿ. ಯೇಸು ಕ್ರಿಸ್ತನ ಮೂಲಕ ದೇವರಿಗೆ ^[8] ಸಮರ್ಪಕವಾದ ^[9] ಆತ್ಮೀಕ ಯಜ್ಞಗಳನ್ನು ಸಮರ್ಪಿಸುವುದಕ್ಕೆ ^[10] ಪವಿತ್ರ ಯಾಜಕ ವರ್ಗದವರಾಗಿದ್ದೀರಿ. ⁶

^[11] <<ಇಗೋ, ಚೀಯೋನಿನಲ್ಲಿ ಮೂಲೆಗಲ್ಲನ್ನು ಇಡುತ್ತೇನೆ.

ಅದು ಆರಿಸಿಕೊಳ್ಳಲ್ಪಟ್ಟದ್ದೂ ಮತ್ತು ಅತ್ಯಮೂಲ್ಯವಾದದ್ದೂ.

^[12] ಆತನ ಮೇಲೆ ನಂಬಿಕೆಯಿಡುವವನು ಅವಮಾನಪಡುವುದೇ ಇಲ್ಲ>>

ಎಂದು ಪವಿತ್ರಗ್ರಂಥದಲ್ಲಿ ಬರೆದಿದೆ. ⁷ ಆದ್ದರಿಂದ ನಂಬುವವರಾದ ನಿಮಗೇ ಈ ಕಲ್ಲು ಅತ್ಯಮೂಲ್ಯವಾದುದು. ಆದರೆ ನಂಬದೆಯಿರುವವರಿಗೆ,

^[13] <<ಮನೆಕಟ್ಟುವವರು ಬೇಡವೆಂದು ತಿರಸ್ಕರಿಸಲ್ಪಟ್ಟ ಕಲ್ಲೇ

ಮುಖ್ಯವಾದ ಮೂಲೆಗಲ್ಲಾಯಿತು>>

⁸^[14] ಮತ್ತು ಪವಿತ್ರಗ್ರಂಥದಲ್ಲಿ ಇನ್ನೊಂದೆಡೆ ಬರೆದಿರುವುದೇನಂದರೆ,

<<ಅದು ಜನರು ಎಡವುವ ಕಲ್ಲು

ಮುಗ್ಗರಿಸುವ ಬಂಡೆ.>>

ಅವರು ದೇವರ ವಾಕ್ಯಕ್ಕೆ ಅವಿಧೇಯರಾದ್ದರಿಂದ ಎಡವಿ ಬೀಳುತ್ತಾರೆ. ^[15] ಅದಕ್ಕಾಗಿಯೇ ಅವರನ್ನು ನೇಮಿಸಲಾಗಿದೆ.

⁹^[16] ನಿಮ್ಮನ್ನು ಕತ್ತಲೆಯೊಳಗಿನಿಂದ ^[17] ತನ್ನ ಆಶ್ಚರ್ಯಕರವಾದ ಬೆಳಕಿಗೆ ಕರೆದಾತನ ಅದ್ಭುತಕಾರ್ಯಗಳನ್ನು ಪ್ರಚಾರಮಾಡುವವರಾಗುವಂತೆ ^[18] ನೀವು ದೇವರಿಂದ ಆರಿಸಿಕೊಳ್ಳಲ್ಪಟ್ಟ ಜನಾಂಗವೂ, ^[19] ರಾಜವಂಶಸ್ಥರಾದ ^[20] ಯಾಜಕರೂ, ^[21] ಪರಿಶುದ್ಧ ಜನಾಂಗವೂ, ^[22] ದೇವರ ಸ್ವಕೀಯ ಜನರೂ ಆಗಿದ್ದೀರಿ. ¹⁰^[23] ಮೊದಲು ನೀವು ಪ್ರಜೆಯಾಗಿರಲಿಲ್ಲ. ಈಗಲಾದರೂ ದೇವರ ಸ್ವಕೀಯಪ್ರಜೆಯಾಗಿದ್ದೀರಿ. ಮೊದಲು ನೀವು ಕರುಣೆ ಹೊಂದಿದವರಾಗಿರಲಿಲ್ಲ. ಈಗಲಾದರೂ ಕರುಣೆ ಹೊಂದಿದವರಾಗಿದ್ದೀರಿ.

ದೇವರ ದಾಸರು

¹¹ ಪ್ರಿಯರೇ, ^[24] ಪ್ರವಾಸಿಗಳು ಮತ್ತು ಪರದೇಶಸ್ಥರು ಆಗಿರುವ ನೀವು ^[25] ನಿಮ್ಮ ಆತ್ಮದ ವಿರುದ್ಧವಾಗಿ ಯುದ್ಧ ಮಾಡುವ ^[26] ಶಾರೀರಿಕ ದುರಾಶೆಗಳಿಗೆ ದೂರವಾಗಿರಬೇಕೆಂದು ನಾನು ನಿಮ್ಮನ್ನು ಬೇಡಿಕೊಳ್ಳುತ್ತೇನೆ. ¹²^[27] ನಿಮ್ಮ ನಡವಳಿಕೆಯು ಅನ್ಯಜನರ ಮಧ್ಯದಲ್ಲಿ ಯೋಗ್ಯವಾಗಿರಲಿ, ಆಗ ಅವರು ಯಾವ ಸಂಗತಿಗಳನ್ನು ಕುರಿತಾಗಿ ನಿಮ್ಮನ್ನು ಕೆಟ್ಟವರೆಂದು ನಿಂದಿಸುತ್ತಾರೋ ಆ ನಿಮ್ಮ ವಿಷಯದಲ್ಲಿಯೇ ^[28] ನಿಮ್ಮ ಸತ್ಕ್ರಿಯೆಗಳನ್ನು ಕಣ್ಣಾರೆ ಕಂಡು ^[29] ಆತನ ಬರೋಣದ ದಿನದಲ್ಲಿ ಅವರು ದೇವರನ್ನು ಕೊಂಡಾಡುವರು. ¹³^[30] ಮನುಷ್ಯರು ನೇಮಿಸಿರುವ ಪ್ರತಿಯೊಂದು ಅಧಿಕಾರಕ್ಕೂ ಕರ್ತನ ನಿಮಿತ್ತ ನೀವು ಅಧೀನರಾಗಿರಿ. ಸರ್ವಾಧಿಕಾರಿಯಾಗಿರುವ ಅರಸನಿಗಾಗಲಿ ¹⁴ ಅಥವಾ ಅರಸನಿಂದ ^[31] ಕೆಟ್ಟ ನಡತೆಯುಳ್ಳವರನ್ನು ದಂಡಿಸುವುದಕ್ಕೂ ಒಳ್ಳೆ ನಡತೆಯುಳ್ಳವರನ್ನು ಪ್ರೋತ್ಸಾಹಪಡಿಸುವುದಕ್ಕೂ ಕಳುಹಿಸಲ್ಪಟ್ಟಂಥ ಅಧಿಪತಿಗಳಿಗಾಗಲಿ ನೀವು ಅಧೀನರಾಗಿರಿ. ¹⁵ ತಿಳುವಳಿಕೆಯಿಲ್ಲದೆ ಮಾತನಾಡುವ ಮೂಢ ಜನರ ಬಾಯನ್ನು ^[32] ನೀವು ಒಳ್ಳೆ ನಡತೆಯಿಂದ ಮುಚ್ಚಿಸಬೇಕೆಂಬುದು ದೇವರ ಚಿತ್ತ. ¹⁶^[33] ಸ್ವತಂತ್ರರಂತೆ ನಡೆದುಕೊಳ್ಳಿರಿ, ಆದರೆ ಕೆಟ್ಟತನವನ್ನು ಮರೆಮಾಡುವುದಕ್ಕೆ ನಿಮ್ಮ ಸ್ವಾತಂತ್ರ್ಯವನ್ನು ಬಳಸಿಕೊಳ್ಳಬೇಡಿರಿ, ಆದರೆ ^[34] ನೀವು ದೇವರ ದಾಸರಂತೆ ನಡೆದುಕೊಳ್ಳಿರಿ. ¹⁷^[35] ಎಲ್ಲರನ್ನೂ ಸನ್ಮಾನಿಸಿರಿ. ^[36] ಸಹೋದರರನ್ನು ಪ್ರೀತಿಸಿರಿ. ^[37] ದೇವರಿಗೆ ಭಯಪಡಿರಿ. ಅರಸನನ್ನು ಗೌರವಿಸಿರಿ.

ಕ್ರಿಸ್ತನ ಶ್ರಮೆಗಳ ಆದರ್ಶ

¹⁸^[38] ಸೇವಕರೇ, ನಿಮ್ಮ ಯಜಮಾನರಿಗೆ ಪೂರ್ಣ ಗೌರವದಿಂದ ಅಧೀನರಾಗಿರಿ. ಒಳ್ಳೆಯವರೂ ಸಾತ್ವಿಕರೂ ಆಗಿರುವವರಿಗೆ ಮಾತ್ರವಲ್ಲದೆ ವಕ್ರಬುದ್ಧಿಯುಳ್ಳವರಿಗೂ ವಿಧೇಯರಾಗಿರಿ. ¹⁹^[39] ಒಬ್ಬನು ಅನ್ಯಾಯವಾಗಿ ಬಾಧೆಪಡುವವನಾಗಿದ್ದು ದೇವರು ನೋಡುತ್ತಾನೆಂದು ಅರಿತು ಆ ಕಷ್ಟವನ್ನು ಸಹಿಸಿಕೊಂಡರೆ ಅದು ಶ್ಲಾಘ್ಯವಾಗಿದೆ. ²⁰ ತಪ್ಪುಮಾಡಿ ಗುದ್ದು ತಿನ್ನುವುದರಲ್ಲಿ ನೀವು ಸಹಿಸಿಕೊಂಡರೆ ಅದರಿಂದೇನು ಕೀರ್ತಿ? ^[40] ಆದರೆ ಒಳ್ಳೆಯದನ್ನು ಮಾಡಿ ಬಾಧೆಪಡುವುದರಲ್ಲಿ ನೀವು ಸಹಿಸಿಕೊಂಡರೆ ಅದು ದೇವರ ಮುಂದೆ ಶ್ಲಾಘ್ಯವಾಗಿದೆ. ²¹^[41] ಇದಕ್ಕಾಗಿಯೇ ನೀವು ಕರೆಯಲ್ಪಟ್ಟಿದ್ದೀರಿ. ಕ್ರಿಸ್ತನು ಸಹ ನಿಮಗೋಸ್ಕರ ಬಾಧೆಯನ್ನನುಭವಿಸಿ ^[42] ನೀವು ಆತನ ಹೆಜ್ಜೆಯ ಜಾಡಿಲ್ಲಿ ನಡೆಯಬೇಕೆಂದು ಮಾದರಿಯನ್ನು ತೋರಿಸಿ ಹೋದನು. ²²^[43] ಆತನು ಯಾವ ಪಾಪವನ್ನೂ ಮಾಡಲಿಲ್ಲ, ಆತನ ಬಾಯಲ್ಲಿ ಯಾವ ವಂಚನೆಯೂ ಸಿಕ್ಕಲಿಲ್ಲ. ²³^[44] ಬಯ್ಯುವವರನ್ನು ಆತನು ಪ್ರತಿಯಾಗಿ ಬಯ್ಯಲಿಲ್ಲ, ಆತನು ಬಾಧೆಯನ್ನನುಭವಿಸಿದಾಗ ಯಾರನ್ನೂ ಬೆದರಿಸದೆ, ^[45] ನ್ಯಾಯವಾಗಿ ತೀರ್ಪು ಮಾಡುವಾತನಿಗೆ ತನ್ನ ಕಾರ್ಯವನ್ನು ಒಪ್ಪಿಸಿದನು. ²⁴^[46] ನಾವು ಪಾಪದ ಪಾಲಿಗೆ ಸತ್ತು ^[47] ನೀತಿವಂತರಾಗಿ ಜೀವಿಸುವಂತೆ ^[48] ಆತನು ನಮ್ಮ ಪಾಪಗಳನ್ನು ತಾನೇ ತನ್ನ ದೇಹದಲ್ಲಿ ಹೊತ್ತುಕೊಂಡು ಶಿಲುಬೆಯನ್ನು ಏರಿ ಮರಣ ಹೊಂದಿದನು. ^[49] ಆತನ ಬಾಸುಂಡೆಗಳಿಂದ ನಮಗೆ ಗುಣವಾಯಿತು. ²⁵^[50] ನೀವು ದಾರಿತಪ್ಪಿದ ಕುರಿಗಳಂತೆ ಇದ್ದವರು. ಆದರೆ ಈಗ ನೀವು ತಿರುಗಿಕೊಂಡು ^[51] ನಿಮ್ಮ ಆತ್ಮಗಳ ಕುರುಬನೂ ಪಾಲಕನೂ ಆಗಿರುವಾತನ ಬಳಿಗೆ ಬಂದಿದ್ದೀರಿ.

2:1 ^[1] ಎಫೆ. 4:22, 25, 31; ಕೊಲೊ. 3:8; ಯಾಕೋಬ 1:21:

2:2 ^[2] ಮತ್ತಾ 18:3; 19:14; ಮಾರ್ಕ. 10:15; ಲೂಕ. 18:17; 1 ಕೊರಿ. 14:20:

2:2 ^[3] 1 ಕೊರಿ. 3:2; ಇಬ್ರಿ. 5:12, 13

2:2 ^[4] ಕೀರ್ತ. 34:8:

2:4 ^[5] ವ. 7:

2:5 ^[10] ವ. 9:

2:5 ^[6] ಎಫೆ. 2:20-22; 1 ಕೊರಿ. 3:9:

2:5 ^[7] ಇಬ್ರಿ. 3:4, 6:

2:5 ^[8] ರೋಮಾ. 15:16; ಫಿಲಿ. 4:18:

2:5 ^[9] ಯೆಶಾ. 56:7; ಮಲಾ. 1:11; ರೋಮಾ. 12:1; ಇಬ್ರಿ. 13:15

2:6 ^[11] ಯೆಶಾ. 28:16:

2:6 ^[12] ರೋಮಾ. 9:33; 10:11

2:7 ^[13] ಕೀರ್ತ. 118:22; ಅ. ಕೃ. 4:11:

2:8 ^[14] ಯೆಶಾ. 8:14; ರೋಮಾ. 9:33:

2:8 ^[15] ರೋಮಾ. 9:22; ಯೂದ. 4:

2:9 ^[16] ಯೆಶಾ. 42:16; ಅ. ಕೃ. 26:18:

2:9 ^[17] ಕೀರ್ತ. 36:9:

2:9 ^[18] ಧರ್ಮೋ. 10:15:

2:9 ^[19] ವಿಮೋ. 19:6; ಪ್ರಕ. 1:6; 5:10:

2:9 ^[20] ಯೆಶಾ. 61:6; 66:21:

2:9 ^[21] ಧರ್ಮೋ. 7:6:

2:9 ^[22] ವಿಮೋ. 19:5, 6; ಯೆಶಾ. 43:21; ಮಲಾ. 3:17; ತೀತ. 2:14:

2:10 ^[23] ಹೋಶೇ. 1:6, 9, 10; 2:23; ರೋಮಾ. 9:25:

2:11 ^[24] ಯಾಜ. 25:23:

2:11 ^[25] ಯಾಕೋಬ 4:1:

2:11 ^[26] ರೋಮಾ. 13:14; ಗಲಾ. 5:24:

2:12 ^[27] 1 ಪೇತ್ರ. 3:16; ಫಿಲಿ. 2:15; ತೀತ. 2:8:

2:12 ^[28] ಮತ್ತಾ 5:16; 2 ಕೊರಿ. 9:13; ಗಲಾ. 1:24:

2:12 ^[29] ಅಥವಾ, ದೇವರ ದರ್ಶನಕೊಡುವ ದಿನದಲ್ಲಿ.

2:13 ^[30] ರೋಮಾ. 13:1; ತೀತ. 3:1:

2:14 ^[31] ರೋಮಾ. 13:3, 4:

2:15 ^[32] ವ. 12:

2:16 ^[33] ಯಾಕೋಬ 1:25:

2:16 ^[34] 1 ಕೊರಿ. 7:22; ರೋಮಾ. 6:22:

2:17 ^[35] ರೋಮಾ. 12:10; 13:7:

2:17 ^[36] ಇಬ್ರಿ. 13:1:

2:17 ^[37] ಜ್ಞಾ. 24:21:

2:18 ^[38] ಎಫೆ. 6:5; ಕೊಲೊ. 3:22; 1 ತಿಮೊ. 6:1; ತೀತ. 2:9:

2:19 ^[39] 1 ಪೇತ್ರ. 3:14, 17; 4:16:

2:20 ^[40] 1 ಪೇತ್ರ. 3:17, 18; 4:13, 16:

2:21 ^[41] 1 ಪೇತ್ರ. 3:9; ಅ. ಕೃ. 14:22:

2:21 ^[42] ಮತ್ತಾ 11:29; ಯೋಹಾ. 13:15; ಫಿಲಿ. 2:5:

2:22 ^[43] ಯೆಶಾ. 53:9; ಯೋಹಾ 8:46; 2 ಕೊರಿ. 5:21; ಇಬ್ರಿ. 4:15; 1 ಯೋಹಾ. 3:5:

2:23 ^[44] 1 ಪೇತ್ರ. 3:9; ಯೆಶಾ. 53:7; ಇಬ್ರಿ. 12:3:

2:23 ^[45] ಲೂಕ. 23:46:

2:24 ^[46] ರೋಮಾ. 6:2, 11; 7:4, 6; ಕೊಲೊ. 2:20; 3:3:

2:24 ^[47] ರೋಮಾ. 6:13:

2:24 ^[48] ಯೆಶಾ. 53:4, 11 ಮತ್ತಾ 8:17; ಇಬ್ರಿ. 9:28:

2:24 ^[49] ಯೆಶಾ. 53:5:

2:25 ^[50] ಯೆಶಾ. 53:6; ಕೀರ್ತ. 119:176; ಯೆಹೆ. 34:6; ಮತ್ತಾ 9:36; ಲೂಕ. 15:4:

2:25 ^[51] ಯೋಹಾ. 10:11:

Chapter 3

ಸತಿಪತಿಯರು

^1-2 ಅದೇ ರೀತಿಯಾಗಿ ಪತ್ನಿಯರೇ, ^[1] ನಿಮ್ಮ ಪತಿಯರಿಗೆ ಅಧೀನರಾಗಿರಿ. ಅವರಲ್ಲಿ ಕೆಲವರು ದೇವರ ವಾಕ್ಯಕ್ಕೆ ಅವಿಧೇಯರಾಗಿದ್ದರೂ ನೀವು ನಿರ್ಮಲರಾಗಿಯೂ, ಗೌರವದಿಂದಲೂ ನಡೆದುಕೊಳ್ಳುವುದನ್ನು ಅವರು ನೋಡಿ ^[2] ವಾಕ್ಯೋಪದೇಶವಿಲ್ಲದೆ ತಮ್ಮ ಪತ್ನಿಯರಾದ ನಿಮ್ಮ ಒಳ್ಳೆಯ ನಡತೆಗಳಿಂದಲೇ ಸನ್ಮಾರ್ಗಕ್ಕೆ ಬಂದಾರು. ³^[3] ಜಡೆ ಹೆಣೆದುಕೊಳ್ಳುವುದೂ, ಚಿನ್ನದ ಒಡವೆಗಳನ್ನು ಹಾಕಿಕೊಳ್ಳುವುದೂ, ಬೆಲೆಬಾಳುವ ವಸ್ತ್ರಗಳನ್ನು ಧರಿಸಿಕೊಳ್ಳುವುದೂ ಈ ಮೊದಲಾದ ಹೊರಗಣ ಶೃಂಗಾರವೇ ನಿಮ್ಮ ಅಲಂಕಾರವಾಗಿರಬಾರದು. ⁴ ಆದರೆ ದೇವರ ದೃಷ್ಟಿಯಲ್ಲಿ ಅಮೂಲ್ಯವಾದದ್ದೂ ಮತ್ತು ಶಾಶ್ವತವಾದದ್ದೂ ಆಗಿರುವ ^[4] ಸಾತ್ವಿಕತೆ ಮತ್ತು ಶಾಂತಮನಸ್ಸು ಎಂಬ ಆಂತರ್ಯದ ಭೂಷಣವೇ ನಿಮ್ಮ ಅಲಂಕಾರವಾಗಿರಲಿ. ⁵ ಪೂರ್ವ ಕಾಲದಲ್ಲಿ ದೇವರ ಮೇಲೆ ನಿರೀಕ್ಷೆಯನ್ನಿಟ್ಟಿದ್ದ ಭಕ್ತೆಯರಾದ ಸ್ತ್ರೀಯರೂ ಸಹ ಹೀಗೆಯೇ ತಮ್ಮನ್ನು ಅಲಂಕರಿಸಿಕೊಂಡಿದ್ದರು. ಅವರು ತಮ್ಮ ತಮ್ಮ ಗಂಡಂದಿರಿಗೆ ^[5] ಅಧೀನರಾಗಿದ್ದರು. ⁶ ಸಾರಳು ಹಾಗೆಯೇ ಅಬ್ರಹಾಮನಿಗೆ ವಿಧೇಯಳಾಗಿದ್ದು ^[6] ಅವನನ್ನು ಯಜಮಾನ ಎಂದು ಕರೆದಳು. ನೀವು ಒಳ್ಳೆಯದನ್ನು ಮಾಡುತ್ತಾ ^[7] ಯಾವ ಭೀತಿಗೂ ಭಯಪಡುವುದಿಲ್ಲವಾದರೆ ನೀವು ಆಕೆಯ ಕುವರಿಯರೇ ಆಗುವಿರಿ.

⁷^[8] ಅದೇ ರೀತಿಯಾಗಿ ಪತಿಯರೇ, ಸ್ತ್ರೀಯು ನಿಮ್ಮಗಿಂತ ಬಲಹೀನಳೆಂಬುದನ್ನು ತಿಳಿದುಕೊಂಡು, ನಿಮ್ಮ ಪತ್ನಿಯರ ಸಂಗಡ ವಿವೇಕದಿಂದ ನಡೆದುಕೊಳ್ಳಿರಿ, ಅವರು ನಿತ್ಯಜೀವ ವರಕ್ಕೆ ನಿಮ್ಮೊಂದಿಗೆ ಬಾಧ್ಯರಾಗಿದ್ದಾರೆಂದು ತಿಳಿದು ಅವರಿಗೆ ಗೌರವವನ್ನು ಸಲ್ಲಿಸಿರಿ. ಹೀಗೆ ಮಾಡಿದರೆ ನಿಮ್ಮ ಪ್ರಾರ್ಥನೆಗಳಿಗೆ ಅಡಚಣೆ ಉಂಟಾಗುವುದಿಲ್ಲ.

ನೀತಿಗಾಗಿ ಬಾಧೆಯನ್ನುಭವಿಸುವುದು

⁸ ಕಡೆಗೆ ^[9] ನೀವೆಲ್ಲರೂ ಏಕಮನಸ್ಸುಳ್ಳವರಾಗಿರಿ, ಪರಸ್ಪರ ಅನುಕಂಪವುಳ್ಳವರಾಗಿರಿ, ^[10] ಅಣ್ಣತಮ್ಮಂದಿರಂತೆ ಒಬ್ಬರನ್ನೊಬ್ಬರು ಪ್ರೀತಿಸಿರಿ, ^[11] ಕರುಣೆಯೂ, ^[12] ದೀನಭಾವವೂ ಉಳ್ಳವರಾಗಿರಿ. ⁹^[13] ಅಪಕಾರಕ್ಕೆ ಅಪಕಾರವನ್ನು, ನಿಂದೆಗೆ ನಿಂದೆಯನ್ನು ಮಾಡದೇ ^[14] ಆಶೀರ್ವದಿಸಿರಿ. ^[15] ಇದಕ್ಕಾಗಿ ದೇವರು ನಿಮ್ಮನ್ನು ಕರೆದಿದ್ದಾನಲ್ಲಾ. ಹೀಗೆ ಮಾಡುವುದಾದರೆ ನೀವು ಆಶೀರ್ವಾದವನ್ನು ಬಾಧ್ಯವಾಗಿ ಹೊಂದುವಿರಿ. ¹⁰ ಏಕೆಂದರೆ ಪವಿತ್ರಗ್ರಂಥದಲ್ಲಿ ಬರೆದಿರುವಂತೆ,

^[16] <<ಜೀವವನ್ನು ಬಯಸುತ್ತಾ

ಸುದಿನಗಳನ್ನು ನೋಡುವುದಕ್ಕೆ ಕಾದಿರುವಾತನು

ಕೆಟ್ಟದ್ದನ್ನು ನುಡಿಯದಂತೆ

ತನ್ನ ನಾಲಿಗೆಯನ್ನು ವಂಚನೆಯ ಮಾತುಗಳನ್ನಾಡದಂತೆ ತುಟಿಗಳನ್ನು ಬಿಗಿಹಿಡಿದುಕೊಳ್ಳಲಿ.

¹¹ ಅವನು ಕೆಟ್ಟದ್ದನ್ನು ಬಿಟ್ಟು ಒಳ್ಳೆದನ್ನು ಮಾಡಲಿ.

ಸಮಾಧಾನವನ್ನು ಹಾರೈಸಿ ಅದಕ್ಕೋಸ್ಕರ ಪ್ರಯತ್ನಪಡಲಿ.

¹² ಏಕೆಂದರೆ ಕರ್ತನು ನೀತಿವಂತರನ್ನು ಕಟಾಕ್ಷಿಸುತ್ತಾನೆ

ಮತ್ತು ಆತನು ಅವರ ವಿಜ್ಞಾಪನೆಗಳಿಗೆ ಕಿವಿಗೊಡುತ್ತಾನೆ.

ಆದರೆ ಕೆಡುಕರಿಗೋ ಕರ್ತನು ವಿಮುಖನಾಗಿರುತ್ತಾನೆ.>>

¹³ ನೀವು ಒಳ್ಳೆಯದನ್ನೇ ಮಾಡುವುದರಲ್ಲಿ ಆಸಕ್ತರಾಗಿದ್ದರೆ ನಿಮಗೆ ಕೇಡು ಮಾಡುವವರು ಯಾರಿದ್ದಾರೆ? ¹⁴ ಒಂದು ವೇಳೆ ನೀವು ^[17] ನೀತಿಯ ನಿಮಿತ್ತವೇ ಬಾಧೆಪಟ್ಟರೆ ನೀವು ಧನ್ಯರೇ. ^[18] ಅವರ ಬೆದರಿಕೆಗೆ ಹೆದರಬೇಡಿರಿ, ^[19] ಕಳವಳಪಡಬೇಡಿರಿ. ¹⁵ ಆದರೆ ^[20] ಕ್ರಿಸ್ತನನ್ನು ಕರ್ತನೆಂದು ನಿಮ್ಮ ಹೃದಯಗಳಲ್ಲಿ ಪ್ರತಿಷ್ಠಿಸಿರಿ. ನಿಮ್ಮಲ್ಲಿರುವ ನಿರೀಕ್ಷೆಗೆ ಆಧಾರವೆನೆಂದು ಕೇಳುವವರೆಲ್ಲರಿಗೂ ^[21] ಉತ್ತರ ಹೇಳುವುದಕ್ಕೆ ಯಾವಾಗಲೂ ಸಿದ್ಧರಾಗಿರಿ. ಆದರೆ ಅದನ್ನು ಸಾತ್ವಿಕತ್ವದಿಂದಲೂ ಮತ್ತು ಗೌರವದಿಂದಲೂ ಹೇಳಿರಿ. ¹⁶^[22] ಒಳ್ಳೆಯ ಮನಸಾಕ್ಷಿಯುಳ್ಳವರಾಗಿರಿ ^[23] ಆಗ ಕ್ರಿಸ್ತನಲ್ಲಿರುವ ನಿಮ್ಮ ^[24] ಒಳ್ಳೆಯ ನಡತೆಯನ್ನು ಕುರಿತು ಕೆಟ್ಟಮಾತುಗಳನ್ನಾಡುವವರು ನಿಮ್ಮನ್ನು ನಿಂದಿಸುವುದಕ್ಕೆ ನಾಚಿಕೆಪಡುವರು. ¹⁷ ಕೆಟ್ಟ ನಡತೆಯುಳ್ಳವರಾಗಿ ಬಾಧೆಪಡುವುದಕ್ಕಿಂತಲೂ ಒಳ್ಳೆ ನಡತೆಯುಳ್ಳವರಾಗಿಯೇ ದೇವರ ಚಿತ್ತದ ಪ್ರಕಾರ ಬಾಧೆಪಡುವುದು ಉತ್ತಮ. ¹⁸ ಕ್ರಿಸ್ತನು ಸಹ ನೀತಿವಂತನಾಗಿದ್ದು ಅನೀತಿವಂತರಿಗೋಸ್ಕರ ಪ್ರಾಣ ಕೊಟ್ಟು ^[25] ನಮ್ಮನ್ನು ದೇವರ ಬಳಿಗೆ ಸೇರಿಸುವುದಕ್ಕಾಗಿ ^[26] ಒಂದೇ ಸಾರಿ ಪಾಪನಿವಾರಣೆಗೋಸ್ಕರ ^[27] ಬಾಧೆಪಟ್ಟು ಸತ್ತನು. ^[28] ಆತನು ಶರೀರಸಂಬಂಧವಾಗಿ ಕೊಲ್ಲಲ್ಪಟ್ಟು, ಆತ್ಮ ಸಂಬಂಧವಾಗಿ ತಿರುಗಿ ಬದುಕುವವನಾದನು. ¹⁹^[29] ಇದಲ್ಲದೆ ಆತನು ಆತ್ಮರೂಪನಾಗಿ ಸೆರೆಯಲ್ಲಿದ್ದ ಆತ್ಮಗಳ ಬಳಿಗೆ ಹೋಗಿ ಸುವಾರ್ತೆಯನ್ನು ಸಾರಿದನು. ²⁰ ಅಂದರೆ ಪೂರ್ವಕಾಲದಲ್ಲಿ ^[30] ನೋಹನು ನಾವೆಯನ್ನು ಕಟ್ಟುತ್ತಿರಲು ^[31] ದೇವರು ದೀರ್ಘಶಾಂತಿಯಿಂದ ಕಾದಿದ್ದಾಗ ಅವರು ಆತನಿಗೆ ಅವಿಧೇಯರಾಗಿದ್ದರು. ಆ ನಾವೆಯೊಳಗೆ ಸೇರಿದ ^[32] ಎಂಟು ಜನರು ಮಾತ್ರ ನೀರಿನೊಳಗಿನಿಂದ ರಕ್ಷಿಸಲ್ಪಟ್ಟರು. ²¹ ಆ ನೀರಿಗೆ ಅನುರೂಪವಾದ ದೀಕ್ಷಾಸ್ನಾನವು ^[33] ಯೇಸು ಕ್ರಿಸ್ತನ ಪುನರುತ್ಥಾನದ ಮೂಲಕ ^[34] ಈಗ ನಮ್ಮನ್ನು ರಕ್ಷಿಸುತ್ತದೆ. ಅದು ದೇಹದ ಮೇಲಿನ ಕೊಳೆಯನ್ನು ಹೊಗಲಾಡಿಸುವಂಥದ್ದಲ್ಲ. ಆದರೆ ^[35] ಒಳ್ಳೆಯ ಮನಸಾಕ್ಷಿ ಬೇಕೆಂದು ದೇವರಿಗೆ ವಿಜ್ಞಾಪಿಸಿಕೊಳ್ಳುವಂಥದಾಗಿದೆ. ²²^[36] ಆತನು ಪರಲೋಕಕ್ಕೆ ಹೋಗಿ ದೇವರ ಬಲಗಡೆಯಲ್ಲಿದ್ದಾನೆ, ^[37] ದೇವದೂತರು, ಅಧಿಕಾರಿಗಳು ಮತ್ತು ಶಕ್ತಿಗಳೂ ಆತನ ಸ್ವಾಧೀನವಾಗಿವೆ.

3:3 ^[3] 1 ತಿಮೊ. 2:9; ಯೆಶಾ. 3:18-23:

3:4 ^[4] ರೋಮಾ. 2:29:

3:5 ^[5] ಅಥವಾ, ಅಧೀನರಾಗಿದ್ದರು. ಸಾರಳು ಹಾಗೆಯೇ ಕರೆದಳು. ನೀವು ಒಳ್ಳೆಯದನ್ನು ಮಾಡುವವರಾಗಿ ಯಾವ ಭೀತಿಗೂ ಗಾಬರಿಪಡದೆ ಇದ್ದರೆ ನೀವು ಸಾರಳ ಕುಮಾರ್ತೆಯರೇ.

3:6 ^[6] ಆದಿ. 18:12:

3:6 ^[7] ಜ್ಞಾ. 3:25:

3:7 ^[8] ಎಫೆ. 5:25; ಕೊಲೊ. 3:19:

3:8 ^[10] ಇಬ್ರಿ. 13:1:

3:8 ^[11] ಎಫೆ. 4:32:

3:8 ^[12] ಎಫೆ. 4:2:

3:8 ^[9] ರೋಮಾ. 12:16:

3:9 ^[13] 1 ಪೇತ್ರ. 2:23; ರೋಮಾ. 12:17:

3:9 ^[14] ಲೂಕ. 6:28; ರೋಮಾ. 12:14; 1 ಕೊರಿ. 4:12:

3:9 ^[15] 1 ಪೇತ್ರ. 2:21:

3:10 ^[16] ಕೀರ್ತ. 34:12-16:

3:14 ^[17] 1 ಪೇತ್ರ. 2:19, 20; 4:14, 16; ಮತ್ತಾ 5:10:

3:14 ^[18] ಅಥವಾ, ಅವರು ಯಾವುದಕ್ಕೆ ಹೆದರುತ್ತಾರೋ ಅದಕ್ಕೆ ನೀವು ಹೆದರದೆ; ವ. 6; ಯೆಶಾ. 8:12, 13; ಮತ್ತಾ 10:28:

3:14 ^[19] ಯೋಹಾ. 14:1, 27:

3:15 ^[20] ಯೆಶಾ. 8:13; 29:23:

3:15 ^[21] ಕೊಲೊ. 4:6:

3:16 ^[22] ಇಬ್ರಿ. 13:18:

3:16 ^[23] 1 ಪೇತ್ರ. 2:12:

3:16 ^[24] 1 ಪೇತ್ರ. 2:20; 1 ಪೇತ್ರ. 4:15, 16:

3:18 ^[25] ರೋಮಾ. 5:2:

3:18 ^[26] ಇಬ್ರಿ. 9:26, 28:

3:18 ^[27] 1 ಪೇತ್ರ. 2:21; 4:1; ರೋಮಾ. 4:25:

3:18 ^[28] 1 ಪೇತ್ರ. 4:1; ಕೊಲೊ. 1:22:

3:19 ^[29] ಅಥವಾ, ಇದಲ್ಲದೆ ಸೆರೆಯಲ್ಲಿರುವ ಆತ್ಮಗಳು ಪೂರ್ವದಲ್ಲಿ ನಂಬದೆ ಇದ್ದಾಗ, ಅಂದರೆ ನೋಹನು ಕಾದಿದ್ದಾಗ ಆತನು ಆತ್ಮ ಸ್ವರೂಪವಾಗಿಯೇ ಅವುಗಳ ಬಳಿಗೆ ಹೋಗಿ.

3:20 ^[30] ಇಬ್ರಿ. 11:7:

3:20 ^[31] ಆದಿ. 6:3, 5, 13, 14:

3:20 ^[32] ಆದಿ. 7:1,7,23; 8:18.

3:21 ^[33] 1 ಪೇತ್ರ. 1:3.

3:21 ^[34] ಮಾರ್ಕ. 16:16; ಅ. ಕೃ. 16:33; ರೋಮಾ. 6:3-6; ತೀತ. 3:5.

3:21 ^[35] ಅಥವಾ. ಒಳ್ಳೆಯ ಮನಸಾಕ್ಷಿಯಿಂದ.

3:22 ^[36] ಅ. ಕೃ. 2:33, 34; ರೋಮಾ. 8:34; ಎಫೆ. 1:20; ಕೊಲೊ; 3:1; ಇಬ್ರಿ. 1:3:

3:22 ^[37] ರೋಮಾ. 8:38; 1 ಕೊರಿ. 15:24; ಎಫೆ. 1:21:

3:1-2 ^[1] ಆದಿ. 3:16:

3:1-2 ^[2] 1 ಕೊರಿ. 7:16:

Chapter 4

ಪರಿವರ್ತನೆಗೊಂಡ ಜೀವಿತಗಳು

¹^[1] ಕ್ರಿಸ್ತನು ನಮಗೋಸ್ಕರ ತನ್ನ ಶರೀರದಲ್ಲಿ ಬಾಧೆಪಟ್ಟದ್ದರಿಂದ ನೀವು ಸಹ ^[2] ಅದೇ ಮನೋಭಾವವುಳ್ಳವರಾಗಿದ್ದು ಬಾಧೆಪಡಲು ಸಿದ್ಧರಾಗಿರಿ. ಏಕೆಂದರೆ ^[3] ಶರೀರದಲ್ಲಿ ಬಾಧೆಪಟ್ಟವನು ^[4] ಪಾಪ ಮಾಡುವುದನ್ನು ನಿಲ್ಲಿಸಿದವನಾಗಿದ್ದಾನೆ. ² ಆದ್ದರಿಂದ ಉಳಿದಿರುವ ತನ್ನ ಜೀವಮಾನ ಕಾಲದಲ್ಲಿ ^[5] ಇನ್ನೂ ಮನುಷ್ಯರ ಅಭಿಲಾಷೆಗಳ ಪ್ರಕಾರ ಬದುಕದೆ ^[6] ದೇವರ ಚಿತ್ತದ ಪ್ರಕಾರ ಬದುಕುವುದಕ್ಕೆ ^[7] ಪ್ರಯತ್ನಮಾಡುವನು. ³ ನೀವು ಬಂಡುತನ, ದುರಾಶೆ, ಕುಡುಕತನ, ದುಂದೌತಣ, ಮದ್ಯಪಾನ ಗೋಷ್ಠಿ, ಅಸಹ್ಯವಾದ ವಿಗ್ರಹಾರಾಧನೆ, ಈ ಮೊದಲಾದವುಗಳನ್ನು ನಡಿಸುವುದರಲ್ಲಿಯೂ ^[8] ಅನ್ಯಜನರಿಗೆ ಇಷ್ಟವಾದ ದುಷ್ಕೃತ್ಯಗಳನ್ನು ಮಾಡುವುದರಲ್ಲಿಯೂ ^[9] ಕಾಲಕಳೆದದ್ದು ಸಾಕು. ⁴ ಅವರು ಮಾಡುವ ಅಪರಿಮಿತವಾದ ^[10] ಪಟಿಂಗತನದಲ್ಲಿ ನೀವು ಸೇರದೆ ಇದ್ದದ್ದಕ್ಕೆ ಅವರು ಆಶ್ಚರ್ಯಪಟ್ಟು ^[11] ನಿಮ್ಮನ್ನು ದೂಷಿಸುತ್ತಾರೆ. ⁵ ಅವರು ^[12] ಬದುಕಿರುವವರಿಗೂ ಸತ್ತವರಿಗೂ ನ್ಯಾಯತೀರಿಸುವುದಕ್ಕೆ ಸಿದ್ಧವಾಗಿರುವಾತನಿಗೆ ಉತ್ತರ ಕೊಡಬೇಕು. ⁶ ಸತ್ತಿರುವವರು ಮನುಷ್ಯ ಜಾತಿಗೆ ಬರುವ ಮರಣವೆಂಬ ತೀರ್ಪನ್ನು ಶರೀರಗಳಲ್ಲಿದ್ದಾಗ ಹೊಂದಿದರು. ^[13] ಅವರು ಆತ್ಮ ಸಂಬಂಧವಾಗಿ ದೇವರಂತೆ ಜೀವಿಸಲೆಂದು ^[14] ಅವರಿಗೂ ಸುವಾರ್ತೆಯು ತಿಳಿಸಲ್ಪಟ್ಟಿತು.

ದೇವರ ವರಗಳ ಒಳ್ಳೆಯ ನಿರ್ವಾಹಕನು

⁷^[15] ಎಲ್ಲವುಗಳ ಅಂತ್ಯವು ಹತ್ತಿರವಾಗಿದೆ. ಆದ್ದರಿಂದ ನೀವು ಜಿತೇಂದ್ರಿಯರಾಗಿಯೂ ಯಾವಾಗಲೂ ^[16] ಪ್ರಾರ್ಥನೆಗೆ ಸಿದ್ಧವಾಗಿರುವಂತೆ ^[17] ಸ್ವಸ್ಥಚಿತ್ತರಾಗಿಯೂ ಇರಿ. ⁸ ಮೊಟ್ಟಮೊದಲು ನಿಮ್ಮ ನಿಮ್ಮೊಳಗೆ ಪ್ರಾಮಾಣಿಕವಾದ ಪ್ರೀತಿಯಿರಲಿ. ^[18] ಪ್ರೀತಿಯು ಬಹು ಪಾಪಗಳನ್ನು ಮುಚ್ಚುತ್ತದೆ. ⁹ ಗುಣಗುಟ್ಟದೆ ಒಬ್ಬರಿಗೊಬ್ಬರು ^[19] ಅತಿಥಿ ಸತ್ಕಾರ ಮಾಡಿರಿ. ¹⁰ ನೀವೆಲ್ಲರು ದೇವರ ವಿವಿಧ ವರಗಳ ವಿಷಯದಲ್ಲಿ ^[20] ಒಳ್ಳೆಯ ನಿರ್ವಾಹಕರಾಗಿದ್ದು ಪ್ರತಿಯೊಬ್ಬನು ^[21] ತಾನು ಹೊಂದಿದ ಕೃಪಾವರವನ್ನು ಎಲ್ಲರ ಸೇವೆಗಾಗಿ ಉಪಯೋಗಿಸಕೊಳ್ಳಲಿ. ¹¹ ಒಬ್ಬನು ಬೋಧಿಸುವವನಾದರೆ ^[22] ದೈವೋಕ್ತಿಗಳನ್ನು ನುಡಿಯುವವನಾಗಿ ಬೋಧಿಸಲಿ. ಒಬ್ಬನು ಸೇವೆ ಮಾಡುವವನಾದರೆ ದೇವರು ಕೊಡುವ ಶಕ್ತಿಗನುಗುಣವಾಗಿ ಮಾಡಲಿ. ಇವೆಲ್ಲವುಗಳಿಂದ ಯೇಸು ಕ್ರಿಸ್ತನ ಮೂಲಕ ^[23] ದೇವರಿಗೆ ಸ್ತೋತ್ರ ಉಂಟಾಗುವುದು. ^[24] ಯೇಸು ಕ್ರಿಸ್ತನಿಗೆ ^[25] ಅಧಿಪತ್ಯವೂ ಮತ್ತು ಘನವೂ ಯುಗಯುಗಾಂತರಗಳಲ್ಲಿಯೂ ಇರುವವು ಆಮೆನ್.

ಕ್ರೈಸ್ತನಾಗಿ ಬಾಧೆಯನ್ನಿಭುವಿಸುವುದು

¹² ಪ್ರಿಯರೇ, ನಿಮ್ಮನ್ನು ಪರಿಶೋಧಿಸುವುದಕ್ಕಾಗಿ ^[26] ಅಗ್ನಿ ಪರೀಕ್ಷೆ ಬರುವಾಗ ನೀವು ಆಶ್ಚರ್ಯಪಡಬೇಡಿರಿ. ವಿಪರೀತವಾದ ಸಂಗತಿ ಸಂಭವಿಸಿತೆಂದು ಯೋಚಿಸಬೇಡಿರಿ. ¹³ ಆದರೆ ^[27] ನೀವು ಎಷ್ಟರ ಮಟ್ಟಿಗೆ ಕ್ರಿಸ್ತನ ಬಾಧೆಗಳಲ್ಲಿ ಪಾಲುಗಾರರಾಗಿದ್ದೀರೋ ಅಷ್ಟರ ಮಟ್ಟಿಗೆ ಸಂತೋಷಪಡಿರಿ. ಆದ್ದರಿಂದ ^[28] ಆತನ ಮಹಿಮೆಯ ಪ್ರತ್ಯಕ್ಷತೆಯಲ್ಲಿಯೂ ನೀವು ಸಂತೋಷಪಟ್ಟು ಉಲ್ಲಾಸಗೊಳ್ಳುವಿರಿ ¹⁴^[29] ನೀವು ಕ್ರಿಸ್ತನ ಹೆಸರಿನ ನಿಮಿತ್ತ ನಿಂದೆಗೆ ಗುರಿಯಾದರೆ ಧನ್ಯರು. ^[30] ಮಹಿಮೆಯ ಆತ್ಮನಾಗಿರುವ ದೇವರಾತ್ಮನು ನಿಮ್ಮಲ್ಲಿ ನೆಲೆಗೊಂಡಿದ್ದಾನಲ್ಲಾ. ¹⁵^[31] ನಿಮ್ಮಲ್ಲಿ ಯಾವನಾದರು ಕೊಲೆಗಾರನು, ಕಳ್ಳನು, ದುಷ್ಟನು, ಪರರ ಕಾರ್ಯಗಳಲ್ಲಿ ^[32] ತಲೆಹಾಕುವವನು ಆಗಿದ್ದು ಶಿಕ್ಷಾಪಾತ್ರನಾಗಬಾರದು. ¹⁶ ಆದರೆ ^[33] ಕ್ರೈಸ್ತನಾಗಿ ಬಾಧೆಪಟ್ಟರೆ ಅವನು ನಾಚಿಕೆ ಪಡದೆ ಆ ಹೆಸರಿನಿಂದಲೇ ದೇವರನ್ನು ಘನಪಡಿಸಲಿ.

¹⁷ ನ್ಯಾಯವಿಚಾರಣೆಯ ಸಮಯ ಬಂದಿದೆ. ^[34] ಆ ವಿಚಾರಣೆಯು ದೇವರ ಮನೆಯಲ್ಲಿಯೇ ಪ್ರಾರಂಭವಾಗಿದೆಯಲ್ಲಾ. ^[35] ಅದು ನಮ್ಮಲ್ಲಿ ಪ್ರಾರಂಭವಾಗುವುದಾದರೆ, ದೇವರ ಸುವಾರ್ತೆಯನ್ನು ನಂಬಲೊಲ್ಲದವರ ಅಂತ್ಯ ಹೇಗಿರಬಹುದು? ¹⁸^[36] ನೀತಿವಂತನೇ ರಕ್ಷಣೆ ಹೊಂದುವುದು ಕಷ್ಟವಾದರೆ, ಭಕ್ತಿಹೀನನೂ ಮತ್ತು ಪಾಪಿಷ್ಠನೂ ರಕ್ಷಣೆ ಹೊಂದುವುದು ಹೇಗೆ? ¹⁹ ಹೀಗಿರಲಾಗಿ ದೇವರ ಚಿತ್ತಾನುಸಾರ ಬಾಧೆಪಡುವವರು ಒಳ್ಳೆದನ್ನು ಮಾಡುವವರಾಗಿದ್ದು ^[37] ತಮ್ಮ ಆತ್ಮಗಳನ್ನು ನಂಬಿಗಸ್ತನಾದ ಸೃಷ್ಟಿ ಕರ್ತನಿಗೆ ಒಪ್ಪಿಸಲಿ.

4:1 ^[1] 1 ಪೇತ್ರ. 3:18:

4:1 ^[2] ಫಿಲಿ. 2:5; ಎಫೆ. 6:13:

4:1 ^[3] ರೋಮಾ. 6:2,7; ಗಲಾ. 5:24; ಕೊಲೊ. 3:3, 5:

4:1 ^[4] 2 ಪೇತ್ರ. 2:14

4:2 ^[5] 1 ಪೇತ್ರ. 1:14; ತೀತ. 2:12; 1 ಯೋಹಾ. 2:16.

4:2 ^[6] ರೋಮಾ. 6:11:

4:2 ^[7] ರೋಮಾ. 6:14; 14:7; 2 ಕೊರಿ. 5:15:

4:3 ^[8] ಎಫೆ. 4:17-19; 1 ಥೆಸ. 4:5; 1 ಕೊರಿ. 12:2:

4:3 ^[9] ಯೆಹೆ. 45:9; ಅ. ಕೃ. 17:30.

4:4 ^[10] ಎಫೆ. 5:18:

4:4 ^[11] 1 ಪೇತ್ರ. 2:12; 3:16:

4:5 ^[12] ಅ. ಕೃ. 10:42; 2 ಕೊರಿ. 5:10; ಯಾಕೋಬ 5:9:

4:6 ^[13] ಅಥವಾ, ಶರೀರವನ್ನು ಬಿಟ್ಟವರಾಗಿ.

4:6 ^[14] 1 ಪೇತ್ರ. 3:19:

4:7 ^[15] ಯಾಕೋಬ 5:8:

4:7 ^[16] ಮತ್ತಾ 26:41; ಲೂಕ. 21:36:

4:7 ^[17] 1 ಪೇತ್ರ. 1:13:

4:8 ^[18] 1 ಕೊರಿ. 13:5, 6; ಜ್ಞಾ. 10:12; 17:9:

4:9 ^[19] ಇಬ್ರಿ. 13:2; 1 ತಿಮೊ. 3:2; ತೀತ. 1:8:

4:10 ^[20] ಲೂಕ. 12:42; 1 ಕೊರಿ. 4:1, 2; ತೀತ. 1:7:

4:10 ^[21] ರೋಮಾ. 12:6, 7; 1 ಕೊರಿ. 4:7; ಮತ್ತಾ 25:15:

4:11 ^[22] ಅ. ಕೃ. 7:38; ರೋಮಾ. 3:2; ಇಬ್ರಿ. 5:12:

4:11 ^[23] 1 ಕೊರಿ. 10:31:

4:11 ^[24] ರೋಮಾ. 11:36:

4:11 ^[25] 1 ಪೇತ್ರ. 5:11; ಯೂದ. 25; ಪ್ರಕ. 1:6; 5:13:

4:12 ^[26] 1 ಪೇತ್ರ. 1:7:

4:13 ^[27] ಫಿಲಿ. 3:10, 11; ಅ. ಕೃ. 5:41:

4:13 ^[28] 1 ಪೇತ್ರ. 1:5-7; 5:1; ರೋಮಾ. 8:17, 18; ಯೂದ. 24:

4:14 ^[29] ಮತ್ತಾ 5:11; ಯೋಹಾ. 15:21; ಇಬ್ರಿ. 11:26:

4:14 ^[30] ಯೆಶಾ. 11:2:

4:15 ^[31] 1 ಪೇತ್ರ. 2:19, 20; 3:14, 17:

4:15 ^[32] ಅಥವಾ, ನಿಕೃಷ್ಟ ಕಾರ್ಯಗಳನ್ನು ನಡಿಸುವವನು. ತಲೆಹಾಕುವವನು ಎಂಬುದರೊಂದಿಗೆ 1 ಥೆಸ. 4:11; 2 ಥೆಸ. 3:11; 1 ತಿಮೊ. 5:13:

4:16 ^[33] 1 ಪೇತ್ರ. 2:19, 20; 3:14, 17; ಅ. ಕೃ. 26:28:

4:17 ^[34] ಯೆರೆ. 25:29; ಯೆಹೆ. 9:6; ಆಮೋ. 3:2; ರೋಮಾ. 2:9:

4:17 ^[35] ಲೂಕ. 23:31:

4:18 ^[36] ಜ್ಞಾ. 11:31:

4:19 ^[37] ಕೀರ್ತ. 31:5; ಲೂಕ. 23:46; 2 ತಿಮೊ. 1:12:

Chapter 5

ದೇವರ ಮಂದೆಯ ಪೋಷಣೆ

¹ ಸಭೆಯ ಹಿರಿಯರೇ, ^[1] ಜೊತೆಹಿರಿಯವನಾದ ನಾನು ಕ್ರಿಸ್ತನ ಬಾಧೆಗಳನ್ನು ^[2] ಕಣ್ಣಾರೆ ಕಂಡವನೂ, ಇನ್ನು ಮುಂದೆ ಪ್ರತ್ಯಕ್ಷವಾಗುವ ಮಹಿಮೆಯಲ್ಲಿ ಪಾಲುಗಾರನೂ ಆಗಿದ್ದು ನಿಮ್ಮನ್ನು ಪ್ರೋತ್ಸಾಹಿಸಿ ಹೇಳುವುದೇನಂದರೆ, ²^[3] ನಿಮ್ಮ ಮೇಲ್ವಿಚಾರಣೆಯಲ್ಲಿರುವ ದೇವರ ಮಂದೆಯನ್ನು ಕಾಯಿರಿ. ^[4] ಬಲವಂತದಿಂದಲ್ಲ ದೇವರ ಚಿತ್ತಾನುಸಾರ ಇಷ್ಟಪೂರ್ವಕವಾಗಿ, ^[5] ನೀಚವಾದ ದ್ರವ್ಯಾಶೆಯಿಂದಲ್ಲ, ಸಿದ್ಧ ಮನಸ್ಸಿನಿಂದಲೇ ಮೇಲ್ವಿಚಾರಣೆ ಮಾಡಿರಿ. ³ ನಿಮ್ಮ ವಶಕ್ಕೆ ಒಪ್ಪಿಸಿಕೊಟ್ಟಿರುವವರ ಮೇಲೆ ^[6] ದೊರೆತನಮಾಡುವವರಂತೆ ನಡೆಯದೆ ^[7] ಮಂದೆಗೆ ಮಾದರಿಯಾಗಿಯೇ ನಡೆದುಕೊಳ್ಳಿರಿ. ⁴^[8] ಪ್ರಧಾನ ಕುರುಬನು ಪ್ರತ್ಯಕ್ಷನಾಗುವಾಗ ನೀವು ^[9] ಎಂದಿಗೂ ಬಾಡದ ಮಹಿಮೆಯ ^[10] ಕಿರೀಟವನ್ನು ಹೊಂದುವಿರಿ.

⁵ ಯೌವನಸ್ಥರೇ, ಅದೇ ರೀತಿಯಾಗಿ ಹಿರಿಯರಿಗೆ ಅಧೀನರಾಗಿರಿ. ನೀವೆಲ್ಲರೂ ^[11] ದೀನಮನಸ್ಸೆಂಬ ವಸ್ತ್ರವನ್ನು ಧರಿಸಿಕೊಂಡು ಒಬ್ಬರಿಗೊಬ್ಬರು ಸೇವೆ ಮಾಡಿರಿ. ಏಕೆಂದರೆ << ^[12] ದೇವರು ಅಹಂಕಾರಿಗಳನ್ನು ವಿರೋಧಿಸುತ್ತಾನೆ. ದೀನರಿಗಾದರೋ ಕೃಪೆಯನ್ನು ಅನುಗ್ರಹಿಸುತ್ತಾನೆ.>> ⁶ ಹೀಗಿರುವುದರಿಂದ ದೇವರ ಬಲವುಳ್ಳ ಹಸ್ತದ ಕೆಳಗೆ ನಿಮ್ಮನ್ನು ತಗ್ಗಿಸಿಕೊಳ್ಳಿರಿ. ಆತನು ತಕ್ಕ ಕಾಲದಲ್ಲಿ ನಿಮ್ಮನ್ನು ಮೇಲಕ್ಕೆ ಎತ್ತುವನು. ⁷^[13] ನಿಮ್ಮ ಚಿಂತಾಭಾರವನ್ನೆಲ್ಲಾ ಆತನ ಮೇಲೆ ಹಾಕಿರಿ ಆತನು ನಿಮಗೋಸ್ಕರ ಚಿಂತಿಸುತ್ತಾನೆ. ⁸^[14] ಸ್ವಸ್ಥಚಿತ್ತರಾಗಿರಿ ^[15] ಎಚ್ಚರವಾಗಿರಿ. ^[16] ನಿಮ್ಮ ವಿರೋಧಿಯಾಗಿರುವ ಸೈತಾನನು ^[17] ಘರ್ಜಿಸುವ ಸಿಂಹದೋಪಾದಿಯಲ್ಲಿ ಯಾರನ್ನು ನುಂಗಲಿ ಎಂದು ಹುಡುಕುತ್ತಾ ತಿರುಗಾಡುತ್ತಿದ್ದಾನೆ. ⁹^[18] ನೀವು ನಂಬಿಕೆಯಲ್ಲಿ ದೃಢವಾಗಿದ್ದು ^[19] ಅವನನ್ನು ಎದುರಿಸಿರಿ. ^[20] ಲೋಕದಲ್ಲಿರುವ ನಿಮ್ಮ ಸಹೋದರರೂ ಅಂಥ ಬಾಧೆಗಳನ್ನೇ ಅನುಭವಿಸುತ್ತಿದ್ದಾರೆಂಬುದು ನಿಮಗೆ ತಿಳಿದಿದೆ. ¹⁰ ಕ್ರಿಸ್ತನಲ್ಲಿ ನಿಮ್ಮನ್ನು ತನ್ನ ನಿತ್ಯ ಮಹಿಮೆಗೆ ^[21] ಕರೆದ ಕೃಪಾಪೂರ್ಣನಾದ ದೇವರು ತಾನೇ, ನೀವು ^[22] ಸ್ವಲ್ಪ ಕಾಲ ಬಾಧೆಪಟ್ಟ ಮೇಲೆ ನಿಮ್ಮನ್ನು ಯಥಾಸ್ಥಿತಿಗೆ ತಂದು ^[23] ಸ್ಥಿರಪಡಿಸಿ ಬಲಪಡಿಸುವನು. ¹¹^[24] ಆತನಿಗೆ ಅಧಿಪತ್ಯವು ಯುಗಯುಗಾಂತರಗಳಲ್ಲಿಯೂ ಇರಲಿ. ಆಮೆನ್.

ಕಡೆ ವಂದನೆಗಳು

¹² ನಿಮ್ಮನ್ನು ಪ್ರೋತ್ಸಾಹಿಸುವುದಕ್ಕೂ ಇದೇ ದೇವರ ನಿಜವಾದ ಕೃಪೆ ಎಂದು ಸಾಕ್ಷಿ ಹೇಳುವುದಕ್ಕೂ ನಾನು ^[25] ಸಂಕ್ಷೇಪವಾಗಿ ಬರೆದು, ನಂಬಿಗಸ್ತನಾದ ಸಹೋದರನೆಂದು ನಾನು ಎಣಿಸುವ ಸಿಲ್ವಾನನ ಕೈಯಲ್ಲಿ ಇದನ್ನು ಕಳುಹಿಸಿದ್ದೇನೆ. ಈ ನಿಜವಾದ ಕೃಪೆಯಲ್ಲಿ ^[26] ನಿಲ್ಲಿರಿ. ¹³ ದೇವರು ನಿಮ್ಮೊಂದಿಗೆ ಆರಿಸಿಕೊಂಡಂಥ ಬಾಬೆಲೋನಿನಲ್ಲಿರುವ ಸಭೆಯು ನಿಮಗೆ ವಂದಿಸುತ್ತದೆ. ನನ್ನ ಮಗನಾದ ^[27] ಮಾರ್ಕನು ಸಹ ನಿಮ್ಮನ್ನು ವಂದಿಸುತ್ತಾನೆ. ¹⁴^[28] ಪ್ರೀತಿಯಿಂದ ಮುದ್ದಿಟ್ಟು ಒಬ್ಬರನೊಬ್ಬರು ವಂದಿಸಿರಿ. ಕ್ರಿಸ್ತನಲ್ಲಿರುವ ನಿಮ್ಮೆಲ್ಲರಿಗೂ ^[29] ಸಮಾಧಾನವುಂಟಾಗಲಿ.

5:1 ^[1] 2 ಯೋಹಾ. 1. 3 ಯೋಹಾ. 1.

5:1 ^[2] ಲೂಕ. 24:48; ಯೋಹಾ. 15:27; ಅ. ಕೃ. 1:8, 22; 2:32; 3:15; 4:33; 5:32; 10:39, 41; 13:31; 1 ಕೊರಿ. 15:15:

5:2 ^[3] ಯೋಹಾ 21:16; ಅ. ಕೃ. 20:28; ಪ್ರಕ. 7:17:

5:2 ^[4] ಫಿಲೆ. 14:

5:2 ^[5] 1 ತಿಮೊ. 3:8; ತೀತ. 1:7:

5:3 ^[6] ಯೆಹೆ. 34:4; ಮತ್ತಾ 20:25; ಮಾರ್ಕ. 10:42; 2 ಕೊರಿ. 1:24:

5:3 ^[7] ಫಿಲಿ. 3:17; 2 ಥೆಸ. 3:9; 1 ತಿಮೊ. 4:12; ತೀತ. 2:7:

5:4 ^[10] 1 ಕೊರಿ. 9:25; ಯಾಕೋಬ 1:12:

5:4 ^[8] ಇಬ್ರಿ. 13:20:

5:4 ^[9] 1 ಪೇತ್ರ. 1:4, 7; 4:13; 5:1, 10:

5:5 ^[11] ಮತ್ತಾ 20:26, 27; ಯೋಹಾ. 13:4, 5, 14:

5:5 ^[12] ಯಾಕೋಬ 4:6, 10:

5:7 ^[13] ಕೀರ್ತ. 37:5; 55:22; ಮತ್ತಾ 6:25:

5:8 ^[14] 1 ಪೇತ್ರ. 1:13:

5:8 ^[15] ಮತ್ತಾ 24:42; 25:13; 26:41; ಮಾರ್ಕ. 14:34-38; ಲೂಕ. 12:37; 21:36; ಅ. ಕೃ. 20:31; 1 ಕೊರಿ. 16:13; 1 ಥೆಸ. 5:6:

5:8 ^[16] ಲೂಕ. 22:31; ಎಫೆ. 4:27; 6:11; 2 ಕೊರಿ. 2:11; ಪ್ರಕ. 12:9, 11. ಯೋಬ. 1:9 -12:

5:8 ^[17] ಕೀರ್ತ. 22:20:

5:9 ^[18] ಕೊಲೊ. 2:5:

5:9 ^[19] ಯಾಕೋಬ 4:7:

5:9 ^[20] ಅ. ಕೃ. 14:22; 1 ಥೆಸ. 3:3; 2 ತಿಮೊ. 3:12:

5:10 ^[21] 1 ಕೊರಿ. 1:9; 1 ಥೆಸ. 2:12; 1 ತಿಮೊ. 6:12:

5:10 ^[22] 1 ಪೇತ್ರ. 1:6:

5:10 ^[23] ಲೂಕ. 22:32; ರೋಮಾ. 16:25; 1 ಥೆಸ. 3:2:

5:11 ^[24] 1 ಪೇತ್ರ. 4:11:

5:12 ^[25] ಇಬ್ರಿ. 13:22:

5:12 ^[26] 1 ಕೊರಿ. 15:1:

5:13 ^[27] ಅ. ಕೃ. 12:12:

5:14 ^[28] ರೋಮಾ. 16:16:

5:14 ^[29] ಎಫೆ. 6:23:

open-licensed biblical content

ಕನ್ನಡ (Kannada): Kannada Unlocked Literal Bible