Baltic Romani: unfoldingWord® Open Bible Stories

Updated ? hours ago # views See on DCS Draft Material

9. Дэвэл рпыкхарэл Моисеёс.

OBS Image

Сыр мэя Иосифо саро лэскиро родо ачапэ дэ Египто. Ёнэ сарэ дживэнас одой буд бэрш, и лэндэ исыс бут чаворэн. Лэн прокхарэнас израильтяне.

OBS Image

Тэнче Гедеоно рисия кэ пэскирэ мануша и пхэндя, со Дэвэл отдэл мадианитянэн дэ лэнгирэ васта. И Гедеоно дыя кожнонэскэ рого, глинатыр горшко и факело. Ёнэ гинэ окружили лагерё, дэ саво совэнас мадианитяне. Трин шела манушэн Гедеона рикирэнас захачкирдэ факелы до горшки, соб мадианитяне тэ надыкхэн лэнгиро (свето.)

OBS Image

Израильтяне исыс бутярнэ кэ египтяне, и кэрэнас кхэра и форы. Джуипэн лэндэ кэрдяпэ дрыван пхаро. Нэ Дэвэл благословлял лэн, и лэндэ исыс бут чаворэн.

OBS Image

Фараоно удыкхья со лэндэ дрыван бут чаворэн. И тэнче ёв прыпхэндя пэскирэ манушэнгэ со ёнэ тэ умарэн сарэн чаворэн савэ лакхэнапэ кэ ёнэ, тэ чурдэн лэн дэ рэка Нил.

OBS Image

Дэ долэ дэвэса кэ екх израильтянка бияндяпэ чаворо, и ёй гаравэлас лэс.

OBS Image

Сыр тэ гаравэ лэс на сыс кай, дай чудя лэс дэ корзина и очядя дэ чар дэ рэка Нил, соб тэзаракхэ лэс смэртятыр. Пхурэдыр пхэн чаворэски дыкхэлас пал лэстэ со явэла дурэдыр.

OBS Image

Тэнче чай фараоноскири явья кэ рэка, соб тэ морэлпэ. Ёй удыкхья корзина и подыкхья со дэ латэ машкирал. Удыкхья чаворэс, лакэ кэрдяпэ дор лэс. Пхурэдыр пхэн чаворэскири, пхэндя лакэ соб ёй тэ лэл израильтянка кай тэ выдыкхэл лэс. И ёй лыя да манушня сави дэлас тэха чаворэскэ и на джиндя со ада лэскири дай. Сыр чаворо потбария дай рискирдя лэс кэ фараоноскири чай, и ёй кэрдя лэс пэскирэ чаворэса и дыя лэскэ лав Моисей.

OBS Image

Моисеё выбария. Екхвар ёв удыкхья, сыр египтянено марэл бутярнэс израильтянинос. Моисеё камья тэ заракхэл лэс пал дава, со ёв сыс израильтянино сыр ёв.

OBS Image

Подыкхья, со никонэс нанэ, Моисеё умардя египтяненос и за гарадя лэс дэ пхув. Нэ кадава удыкхнэ.

OBS Image

Пал дова со кэрдя Моисеё шундя кокоро фараоно. Ёв припхэндя тэ умарэ Моисеёс, нэ Моисеё унастя Египтостыр дэ пустыня. Фараоноскирэ мануша напопэнэ лэс.

OBS Image

Дэ пустыня дур Египтостыр, Моисею сыс пастухоса. Ёв лыя пэскэ ромня, и лэндэ исыс дуй чавэ.

OBS Image

Моисею ракхэлас бакрэн кэ пэскиро тестё. Екхвар ёв удыкхья екх набаро дэмбо саво хачёлас и на схачёлас. Моисеё потгия кэ ёв тэ подыкхэл пэ лэстэ. Сыр ёв подгия кэ ёв, Дэвэл заракирдя кэ Моисеё: «Моисеё, слэ тэрах тэри! Ту тэрдо пэ свэнто пхув».

OBS Image

Тэнче Дэвэл пхэндя: «Мэ удыкхьём сыр пхаро Мирэ манушэнгэ. Мэ бичява тут кэ фараоно, соб ту тэ вылыджяс мирэн манушэн Египтостыр, кай ёнэ исын бутярнэнса. Мэ дава лэнгэ пхув Ханаан — пхув, пал сави ракирдём Араамоскэ, Исаакоскэ и Иаковоскэ».

OBS Image

Моисеё пучья: «А сыр ёнэ закамэна тэ уджинэ, кон бичядя ман? Со мэ лэнгэ тэ пхэнав?» Дэвэл пхэндя: «МЭ ДОВА КОН ИСЫН. Пхэн лэнгэ: "ОДОВА, КОН, ИСИН, бичядя ман кэ тумэ". Дякэ ж пхэн лэнгэ: "МЭ Яхвэ, Дэвэл тумарэ дадэнгиро — Авраамоско, Исаакоско и Иаковоско. Ада Миро лав навеки"».

OBS Image

Моисеё здарандыя и на камья тэ джял кэ фараоно, пал дова, со на джинэлас куч тэ ракирэл. Пал дова Дэвэл бичядя лэскэ Ааронос Моисеёскирэ пшалэс.

Библейско история из Исхода 1-4